ജനീവയില്‍ വെച്ച് നടക്കാനിരിക്കുന്ന ലോക വ്യാപാര സംഘടനയുടെ (WTO) പന്ത്രണ്ടാമത് മന്ത്രിതല യോഗത്തിന്റെ കരടുരൂപരേഖയില്‍ പരമ്പരാഗത മത്സ്യത്തൊഴിലാളികളെ പ്രതികൂലമായി ബാധിക്കുന്ന നിര്‍ദേശങ്ങളടങ്ങിയതിനെ തുടര്‍ന്നാണ് കേരളം കേന്ദ്രസര്‍ക്കാരിനെ ആശങ്ക അറിയിച്ചത്. പരമ്പരാഗത, ചെറുകിട മത്സ്യത്തൊഴിലാളികള്‍ക്ക് സര്‍ക്കാരുകള്‍ നല്‍കിവരുന്ന സബ്സിഡി, സാമ്പത്തിക ആനുകൂല്യങ്ങളില്‍ കുറവ് വരുത്താനുള്ള നിര്‍ദേശങ്ങള്‍ കേരളത്തിന്റേതുള്‍പ്പെടെയുള്ള മത്സ്യബന്ധനമേഖലയില്‍ വലിയ പ്രതിസന്ധി സൃഷ്ടിക്കും. സുസ്ഥിരമത്സ്യസമ്പത്തിനായി ചെയ്യേണ്ടുന്നത് വന്‍കിടരാഷ്ട്രങ്ങളുടെ വലിയ രീതിയിലുള്ള യന്ത്രവല്‍കൃതമത്സ്യബന്ധനത്തില്‍ നിയന്ത്രണങ്ങള്‍ കൊണ്ടുവരികയാണ്. അതിനു പകരം പരമ്പരാഗത മത്സ്യത്തൊഴിലാളികളെ പ്രതിസന്ധിയിലാക്കുന്ന തരത്തിലുള്ള നിയന്ത്രണങ്ങള്‍ ഇന്ത്യ എതിര്‍ക്കേണ്ടതുണ്ട്. ഇക്കാര്യങ്ങള്‍ ചര്‍ച്ച ചെയ്യുവാനായി മത്സ്യബന്ധനമേഖലയുമായി ബന്ധപ്പെട്ട സംസ്ഥാനങ്ങളുടെയും വിദഗ്ധരുടേയും യോഗം ചേരണമെന്നും സംസ്ഥാനം ആവശ്യപ്പെട്ടിരുന്നു. ഇതിനു മറുപടിയായി പരമ്പരാഗത, ചെറുകിട മത്സ്യബന്ധനത്തൊഴിലാളികളുടെ താല്‍പര്യങ്ങള്‍ സംരക്ഷിക്കുവാന്‍ കേന്ദ്രസര്‍ക്കാര്‍ പ്രതിജ്ഞാബദ്ധമാണെന്ന് കേന്ദ്ര ഫിഷറീസ് വകുപ്പ് മന്ത്രി ഉറപ്പ് നല്‍കിയതായി മന്ത്രി സജി ചെറിയാന്‍ പറഞ്ഞു.

The post ലോകവ്യാപാര സംഘടനാ യോഗത്തില്‍ പരമ്പരാഗത മത്സ്യബന്ധനമേഖലയുടെ താല്‍പര്യങ്ങള്‍ സംരക്ഷിക്കണം: മന്ത്രി സജി ചെറിയാന്‍ appeared first on Starvision News Malayalam.