ലണ്ടനിലെ ഗ്രേറ്റ് സ്കോട്ട്‌ലൻഡ് യാഡ്, എഡിൻബർഗിലെ വാൾഡ്‌റോഫ് അസ്റ്റോറിയ കാലിഡോണിയൻ, പുൾമാൻ ഡൗൺടൗൺ ദുബായ്, കൊച്ചിയിലെ പോർട്ട് മുസിരിസ് അടക്കമുള്ള പ്രധാന ഹോട്ടലുകൾ അദീബ് അഹമ്മദിന്റെ ഉടമസ്ഥതയിലാണ്. ബോർഡ് അംഗമായി അദ്ദേഹം ചുമതലയേൽക്കുന്നതോടെ വിനോദസഞ്ചാര മേഖല അഭിമുഖീകരിക്കുന്ന ഒട്ടേറെ പ്രശ്നങ്ങൾക്ക് യോജിച്ചുള്ള പരിഹാരങ്ങൾ കണ്ടെത്താനാകും.

വി​നോ​ദ​സ​ഞ്ചാ​ര മേ​ഖ​ല​യി​ലെ ഭാ​വി വെ​ല്ലു​വി​ളി​ക​ൾ നേ​രി​ടു​ന്ന​തി​നു​ള്ള മാ​ർ​ഗ​ങ്ങ​ൾ ആ​ലോ​ചി​ക്കു​ന്ന വി​ദ​ഗ്​​ധ സം​ഘ​ത്തി​ലാ​ണ്​ ഇ​ദ്ദേ​ഹ​വും പ​ങ്കാ​ളി​യാ​കു​ന്ന​ത്. സ്വിറ്റ്‌സർലാൻഡ് ലൂസാൻ സിറ്റി ഫിനാൻസ് വകുപ്പ് മേധാവി ഫ്രാൻസിസ്കാ ബിറ്റ്‌സി, ദി ഇന്ത്യൻ ഹോട്ടൽസ് കമ്പനി ലിമിറ്റഡ് സി.ഇ.ഒ.യും എം.ഡി.യുമായ പുനീത് ചത്വാൽ, ഇന്റർനാഷണൽ കൗൺസിൽ ഫോർ ടൂറിസം പാർട്ടിനേഴ്‌സ് പ്രസിഡന്റ് ജോഫ്ര ലിപ്മാൻ എന്നിവരുൾപ്പെടുന്നതാണ് ബോർഡ്. ന​വം​ബ​ർ 15, 16 തീ​യ​തി​ക​ളി​ൽ സ്വിറ്റ്‌സർലൻഡിലെ ആ​ൻ​ഡെ​ർ​മാ​റ്റി​ൽ വേൾഡ്​ ടൂ​റി​സം ഫോ​റം സം​ഘ​ടി​പ്പി​ക്കു​ന്ന ഇ​ന്ന​വേ​ഷ​ൻ ഫെ​സി​റ്റി​വ​ലി​ൽ അ​ദീ​ബ്​ അ​ഹ​മ്മ​ദ്​ പങ്കെ​ടു​ക്കും.

വേൾഡ് ഇക്കണോമിക് ഫോറം സ്ഥാപകൻ ക്ലോസ് ഷ്വാബ്, ഹോട്ടൽപ്ലാൻ സി.ഇ.ഒ. ലൗറ മേയർ, പെട്രാഫ് ലിമിറ്റഡ് സി.ഇ.ഒ.യും തോമസ് കുക്ക് ഗ്രൂപ്പ് മുൻ സി.ഇ.ഒ.യുമായ പീറ്റർ ഫ്രാങ്കോസർ, ടി.ടി.സി. ചീഫ് സസ്റ്റൈനബിലിറ്റി ഓഫീസർ ഷാനോൻ ഗുയാൻ, ചരിത്രകാരനും പുസ്തക രചയിതാവുമായ നിയാൽ ഫെർഗൂസൻ, ഗസ്റ്റ്‌റെഡി സി.ഇ.ഒ. അലക്സ് ലാംപേർട്ട് എന്നിവർ പങ്കെടുക്കും. വിനോദസഞ്ചാര മേഖലയിലെ വെല്ലുവിളികളെക്കുറിച്ചും മുന്നോട്ടുള്ള പരിഹാരങ്ങളെക്കുറിച്ചും ചർച്ചാവിഷയമാകും.

The post അദീബ്​ അഹമ്മദ്​ വേൾഡ്​ ടൂറിസം ഫോറം ഉപദേശക സമിതിയിൽ appeared first on Starvision News Malayalam.