World Malayalee Federation | Starvision News Malayalam

വേൾഡ് മലയാളി ഫെഡറേഷൻ ബഹ്‌റൈൻ ദേശീയദിനം ആഘോഷിച്ചു

News Desk — Tue, 20 Dec 2022 02:39:36 +0000

മനാമ: ലോക പ്രവാസി സംഘടനയായ വേൾഡ് മലയാളി ഫെഡറേഷൻ ബഹ്‌റൈൻ നാഷണൽ കൌൺസിൽ 51 മത് ബഹ്‌റൈൻ ദേശീയദിനം ആഘോഷിച്ചു. വേൾഡ് മലയാളി ഫെഡറേഷൻ ബഹ്‌റൈൻ കോർഡിനേറ്റർ മുഹമ്മദ്‌ സാലി അധ്യക്ഷത വഹിച്ചു. ജനറൽ സെക്രട്ടറി പ്രതിഷ് തോമസ് സ്വാഗത പ്രസംഗത്തിൽ അന്നം തരുന്ന നാടിനോടുള്ള കൂറും കടപ്പാടും രേഖപ്പെടുത്തുന്നതോടൊപ്പം ബഹ്‌റൈൻ ജനതയുടെ സന്തോഷത്തിൽ പങ്കുചേരുന്നു എന്ന് പ്രസ്ഥാവിച്ചു. ബഹ്‌റൈൻ ഭരണാധികാരികളോടുള്ള നന്ദി രേഖപ്പെടുത്തി കേക്ക് മുറിച്ച് യോഗം അവസാനിച്ചു.

The post വേൾഡ് മലയാളി ഫെഡറേഷൻ ബഹ്‌റൈൻ ദേശീയദിനം ആഘോഷിച്ചു appeared first on Starvision News Malayalam.

ബിഡികെ – വേൾഡ് മലയാളി ഫെഡറേഷൻ ബ്ലഡ് ഡൊണേഷൻ ക്യാമ്പ്

News Desk — Mon, 24 Oct 2022 21:45:18 +0000

മനാമ: ബ്ലഡ് ഡോണേഴ്സ് കേരള (ബിഡികെ) ബഹ്‌റൈൻ ചാപ്റ്റർ വേൾഡ് മലയാളി ഫെഡറേഷനുമായി ചേർന്ന് കിംഗ് ഹമദ് ഹോസ്പിറ്റലിൽ ബ്ലഡ് ഡൊണേഷൻ ക്യാമ്പ് നടത്തി. അൻപതോളം പേര് ക്യാമ്പിൽ രക്തം ദാനം ചെയ്തു.

ബിഡികെ പ്രസിഡന്റ് ഗംഗൻ തൃക്കരിപ്പൂർ, ജനറൽ സെക്രട്ടറി റോജി ജോൺ വൈസ്പ്രെസിഡന്റ്‌ സിജോ ജോസ് ട്രെഷറർ ഫിലിപ്പ് വർഗീസ്,ക്യാമ്പ്കോഓർഡിനേറ്റർ സുരേഷ് പുത്തൻ വിളയിൽ,ജിബിൻ ജോയി എക്സിക്യൂട്ടീവ് കമ്മിറ്റി അംഗങ്ങളായ സാബു അഗസ്റ്റിൻ,അശ്വിൻ,എബിൻ,
നിതിൻ ശ്രീനിവാസൻ, സുനിൽ,രേഷ്മ ഗിരിഷ്,വിനീത, എന്നിവരും വേൾസ് മലയാളി ഫെഡറേഷൻ പ്രസിഡന്റ് കോശി സാമുവേൽ , വൈസ് പ്രസിഡന്റ് ഡോ: ഷബാന ഫൈസൽ, ജനറൽ സെക്രട്ടറി പ്രതീഷ് തോമസ് , ഇവന്റ് കോർഡിനേറ്റർ ശ്രീജിത്ത് ഫറോക്ക് , ലേഡീസ് വിങ് ഹെഡ് മിനി മാത്യു എന്നിവർ ഇന്നത്തെ ക്യാമ്പിന് നേതൃത്വം നൽകി.

The post ബിഡികെ – വേൾഡ് മലയാളി ഫെഡറേഷൻ ബ്ലഡ് ഡൊണേഷൻ ക്യാമ്പ് appeared first on Starvision News Malayalam.

വേൾഡ് മലയാളി ഫെഡറേഷൻ ഭവന നിർമ്മാണ പദ്ധതിക്ക് ആരംഭം കുറിച്ചു

News Desk — Sat, 07 May 2022 14:49:39 +0000

മനാമ: വേൾഡ് മലയാളി ഫെഡറേഷൻ ബഹ്‌റൈൻ നാഷണൽ കൗൺസിലിന്റെ ചാരിറ്റി പദ്ധതിയിലൂടെ ദീർഘകാലം ബഹ്‌റൈൻ പ്രവാസിയായിരുന്ന വെഞ്ഞാറമൂട് സ്വദേശി അശോകന്റെ കുടുംബത്തിന് സ്വന്തമായി ഭൂമിയും അതിൽ ഒരു വീടും നിർമിച്ചു നൽകുന്നു. പ്രസിഡന്റ്‌ കോശി സാമൂവേലിന്റെ നേതൃത്വത്തിൽ തുടക്കം കുറിച്ച പദ്ധതിക്ക് മെയ് 6 വെള്ളിയാഴ്ച രാവിലെ 11 മണിക്ക് വെഞ്ഞാറമൂട് മൂളയത് ആരംഭം കുറിച്ചു.

വേൾഡ് മലയാളി ഫെഡറേഷൻ (WMF) ബഹ്‌റൈൻ നാഷണൽ കൌൺസിൽ സംഘടിപ്പിച്ച കല്ലിടൽ ചടങ്ങിൽ ബഹുമാനപ്പെട്ട കേരള ഭക്ഷ്യ സിവിൽ സപ്ലയസ് ഉപഫോക്തൃകാര്യ വകുപ്പ് മന്ത്രി അഡ്വ. ജി ആർ അനിൽ മുഖ്യ അഥിതി ആയി പങ്കെടുത്തു. വേൾഡ് മലയാളി ഫെഡറേഷൻ ബഹ്‌റൈൻ നാഷണൽ കൌൺസിൽ പ്രസിഡന്റ്‌ കോശി സാമുവേൽ ചടങ്ങിലേക്ക് കടന്നുവന്ന ഏവരെയും സ്വാഗതം ചെയ്തു.

ബിഷപ്പ് ഡോ. കെ പി വി എബ്രഹാം, അഡ്വ. ലാലു ജോസഫ്, മൂളയം പഞ്ചായത്ത്‌ അംഗങ്ങളായ ഗീതകുമാരി, വിജയകുമാരി, വേൾഡ് മലയാളി ഫെഡറേഷൻ ഗ്ലോബൽ ജോയിന്റ് സെക്രട്ടറി ടോം ജേക്കബ്, ഡബ്ള്യു.എം.എഫ് ബഹ്‌റൈൻ നാഷണൽ കൌൺസിൽ വനിതാ വിഭാഗം ഹെഡ് മിനി മാത്യു, എക്സിക്യൂട്ടീവ് അംഗമായ റോയ് മാത്യു, പ്രകാശ് ജോൺ തയ്യിൽ എന്നിവർ ചടങ്ങിൽ ആശംസകൾ അറിയിച്ചു. മന്ത്രി ജി ആർ അനിൽ കല്ലിടൽ കർമം നിർവഹിച്ച ചടങ്ങിൽ പങ്കെടുത്ത എല്ലാവർക്കും ഡബ്ള്യു.എം.എഫ് ബഹ്‌റൈൻ നാഷണൽ കോർഡിനേറ്റർ മുഹമ്മദ്‌ സാലി നന്ദി രേഖപ്പെടുത്തി.

The post വേൾഡ് മലയാളി ഫെഡറേഷൻ ഭവന നിർമ്മാണ പദ്ധതിക്ക് ആരംഭം കുറിച്ചു appeared first on Starvision News Malayalam.

വേൾഡ് മലയാളി ഫെഡറേഷൻ ഓണാഘോഷ പരിപാടികൾ സംഘടിപ്പിച്ചു

staradmin — Mon, 23 Aug 2021 13:04:04 +0000

മനാമ: ആഗോള പ്രവാസി മലയാളി സംഘടനയായ വേൾഡ് മലയാളി ഫെഡറേഷൻ 2021 വർഷത്തെ ഓണാഘോഷ പരിപാടികൾ ആഗസ്റ്റ് 12 നു കേരള ടൂറിസം പൊതുമരാമത്തു വകുപ്പ് മന്ത്രി മുഹമ്മദ്‌ റിയാസ് ഓൺലൈനിൽ ഉത്ഘാടനം ചെയ്തു. അതിന്റെ ഭാഗമായി ഡബ്ള്യു എം എഫ് ബഹ്‌റൈൻ നാഷണൽ കൌൺസിൽ ഓഗസ്റ്റ് 20 വെള്ളിയാഴ്ച ഉത്രാടദിനത്തിൽ സംഘടിപ്പിച്ച ഓണാഘോഷം പ്രസിഡന്റ്‌ കോശി സാമുവേൽ ഇന്ത്യൻ ഡിലൈറ്റ് ഹോട്ടലിൽ ഉൽഘാടനം നിർവഹിച്ചു. അന്നേ ദിവസം ബഹ്‌റൈനിലെ ഒരു ലേബർ ക്യാമ്പിലുള്ള 200 ഓളം വരുന്ന മലയാളി സുഹൃത്തുക്കൾക്ക് ഓണസദ്യ വിതരണം നടത്തുകയും അതോടൊപ്പം ബഹ്‌റൈൻ നാഷണൽ കൌൺസിൽ ഭാരവാഹികളും കുടുംബാംഗങ്ങളും ചുരുക്കം ചില പ്രവർത്തകരും പങ്കെടുത്ത ഓണാഘോഷ പരിപാടികൾ കോവിഡ് 19 മാനദണ്ഡങ്ങൾ പാലിച്ചു കൊണ്ട് നടത്തുകയും ചെയ്തു. പരിപാടിയുടെ വിജയത്തിനായി പ്രവർത്തിച്ച എല്ലാവർക്കും ഡബ്ള്യു എം എഫ് ബഹ്‌റൈൻ നാഷണൽ കൗൺസിൽ നന്ദി അറിയിച്ചു.

The post വേൾഡ് മലയാളി ഫെഡറേഷൻ ഓണാഘോഷ പരിപാടികൾ സംഘടിപ്പിച്ചു appeared first on Starvision News Malayalam.