മനാമ: ഫ്രാൻസിലെ മോൺപാസിയറിൽ നടന്ന 160 കിലോമീറ്റർ ലോക എൻഡുറൻസ് ചാമ്പ്യൻഷിപ്പിൽ കിരീടം നേടിയ, ഹമദ് രാജാവിന്റെ ജീവകാരുണ്യ, യുവജന കാര്യ പ്രതിനിധിയും റോയൽ എൻഡുറൻസ് ടീമിൻ്റെ ക്യാപ്റ്റനുമായ ഷെയ്ഖ് നാസർ ബിൻ ഹമദ് അൽ ഖലീഫയെ ആദരിച്ചുകൊണ്ട് ആഘോഷം സംഘടിപ്പിച്ചു.

സുപ്രീം കൗൺസിൽ ഫോർ യൂത്ത് ആൻഡ് സ്‌പോർട്‌സിൻ്റെ ഫസ്റ്റ് ഡെപ്യൂട്ടി ചെയർമാനും ജനറൽ സ്‌പോർട്‌സ് അതോറിറ്റി ചെയർമാനും ബഹ്‌റൈൻ ഒളിമ്പിക് കമ്മിറ്റി പ്രസിഡന്റുമായ ഷെയ്ഖ് ഖാലിദ് ബിൻ ഹമദ് അൽ ഖലീഫയാണ് ആഘോഷ പരിപാടികൾ സംഘടിപ്പിച്ചത്.

ആഘോഷം സംഘടിപ്പിച്ചതിന്ഷൈഖ് ഖാലിദിനെയും അദ്ദേഹത്തിന്റെ ക്ഷണം സ്വീകരിച്ചതിന് ഉദ്യോഗസ്ഥരെയും മാധ്യമ പ്രതിനിധികളെയും ഷെയ്ഖ് നാസർ അഭിനന്ദിച്ചു.

ഈ നേട്ടം രാജാവ് ഹമദ് ബിൻ ഈസ അൽ ഖലീഫയുടെ പിന്തുണയും കിരീടാവകാശിയും പ്രധാനമന്ത്രിയുമായ സൽമാൻ ബിൻ ഹമദ് അൽ ഖലീഫയുടെ താൽപ്പര്യവും പ്രതിഫലിപ്പിക്കുന്നുവെന്ന് ഷെയ്ഖ് ഖാലിദ് ചടങ്ങിൽ നടത്തിയ പ്രഭാഷണത്തിൽ പറഞ്ഞു. ഷെയ്ഖ് നാസറിൻ്റെ നിശ്ചയദാർഢ്യത്തെയും നേതൃത്വത്തെയും അദ്ദേഹം അഭിനന്ദിച്ചു. ഷൈഖ് നാസറിന് ഷൈഖ് ഖാലിദ് ഉപഹാരം നൽകി.

ചടങ്ങിൽ മന്ത്രിമാരും മുതിർന്ന ഉദ്യോഗസ്ഥരും കായികതാരങ്ങളും പങ്കെടുത്തു. ഷെയ്ഖ് നാസറിൻ്റെ ചാമ്പ്യൻഷിപ്പിനുള്ള തയ്യാറെടുപ്പും പങ്കാളിത്തവും പ്രദർശിപ്പിക്കുന്ന വീഡിയോ പ്രദർശനവും കവിതാപാരായണങ്ങളും മറ്റു കലാപരിപാടികളും നടന്നു.

The post ലോക എൻഡുറൻസ് ചാമ്പ്യൻഷിപ്പ് കിരീടം: ഷെയ്ഖ് നാസറിനെ ആദരിച്ച് ആഘോഷം നടത്തി appeared first on Starvision News Malayalam.

മോൺപസിയർ: 160 കിലോമീറ്റർ ഓട്ടത്തോടെ ഫ്രാൻസിൽ ശനിയാഴ്ച ആരംഭിക്കുന്ന ലോക കുതിരയോട്ട ചാമ്പ്യൻഷിപ്പിൻ്റെ ഉദ്ഘാടന ചടങ്ങിൽ ബഹ്‌റൈനിലെ റോയൽ എൻഡുറൻസ് ടീം പങ്കെടുത്തു.
ബഹ്‌റൈൻ പ്രതിനിധി സംഘത്തെ നയിക്കുന്നത് ഷെയ്ഖ് നാസർ ബിൻ ഹമദ് അൽ ഖലീഫയാണ്. ടീമിൽ നാല് റൈഡർമാരും ഉൾപ്പെടുന്നു: ‘ ഡി വാനെൽസ്’ വിഭാഗത്തിൽ ജാഫർ മിർസ, ‘വിസ് ഫാഗി യോലി’ വിഭാഗത്തിൽ ഷെയ്ഖ് ഇസ ബിൻ ഫൈസൽ ബിൻ റാഷിദ് അൽ ഖലീഫ, ‘എർമിൻ ഡാർടാഗ്നൻ’ വിഭാഗത്തിൽ ഉത്മാൻ അൽ അവാദി, ‘എൽമിർ ഡി ബോസോൾസ്’ വിഭാഗത്തിൽ സൽമാൻ ഈസ എന്നിവർ.

റിസർവ് റൈഡർമാർ: സർഹാൻ ഹമീദ്, ഹമദ് ഇസ.
ചടങ്ങിൽ റോയൽ എൻഡുറൻസ് ടീം ഡയറക്ടർ ഡോ. ഖാലിദ് അഹമ്മദ് ഹസൻ്റെ നേതൃത്വത്തിൽ റോയൽ എൻഡുറൻസ് ടീം ബഹ്‌റൈൻ പതാക അഭിമാനപൂർവം റൈഡർമാരുടെ അകമ്പടിയോടെ വേദിയിലേക്ക് ആനയിച്ചു. ചടങ്ങിൽ വിവിധ കലാപരിപാടികളും അരങ്ങേറി.

The post ലോക കുതിരയോട്ട ചാമ്പ്യൻഷിപ്പ് ഉദ്ഘാടന ചടങ്ങിൽ റോയൽ എൻഡുറൻസ് ടീം പങ്കെടുത്തു appeared first on Starvision News Malayalam.

അബുദാബി: മാനുഷിക പ്രവർത്തനത്തിനും യുവജന കാര്യത്തിനുമുള്ള രാജാവിന്റെ പ്രതിനിധിയും റോയൽ എൻഡുറൻസ് ടീം ക്യാപ്റ്റനുമായ ഷെയ്ഖ് നാസർ ബിൻ ഹമദ് അൽ ഖലീഫ ലോക എൻഡ്യൂറൻസ് ചാമ്പ്യൻഷിപ്പ് കരസ്ഥമാക്കി. യുണൈറ്റഡ് അറബ് എമിറേറ്റ്സ്, ഉറുഗ്വേ, സ്പെയിൻ എന്നിവിടങ്ങളിൽ നിന്നുള്ള മറ്റ് മത്സരാർത്ഥികളെ പിന്തള്ളിയാണ് ട്രോഫി സ്വന്തമാക്കിയത്. 7 മണിക്കൂർ 36 മിനിറ്റ് 39 സെക്കൻഡിൽ ആണ് ഷെയ്ഖ് നാസർ 160 കിലോമീറ്റർ ഓട്ടം ഫിനിഷ് ചെയ്തത്. യുണൈറ്റഡ് അറബ് എമിറേറ്റിലെ ബൗദീബ് ഗ്ലോബൽ വില്ലേജിലാണ് മത്സരം നടന്നത്. 36 രാജ്യങ്ങളിൽ നിന്നായി 126 മത്സരാർത്ഥികളാണ് മത്സരത്തിൽ പങ്കെടുത്തത്.

The post ലോക എൻഡുറൻസ് ചാമ്പ്യൻഷിപ്പിൽ ഷൈഖ് നാസർ ബിൻ ഹമദ് അൽ ഖലീഫ ജേതാവായി appeared first on Starvision News Malayalam.