ന്യൂ ഡൽഹി

മെയ് മാസത്തിൽ ഗോതമ്പ് കയറ്റുമതിയും കേന്ദ്രം നിരോധിച്ചിരുന്നു. ഉക്രൈൻ-റഷ്യ യുദ്ധത്തിനു പിന്നാലെ ഗോതമ്പ് വില ആഗോള വിപണിയിൽ കുത്തനെ ഉയർന്നിരുന്നു. ആഗോള ഗോതമ്പ് വ്യാപാരത്തിന്റെ ഏകദേശം 1/4 വിഹിതവും കയറ്റുമതി ചെയ്തിരുന്നത് റഷ്യയും ഉക്രൈനുമായിരുന്നു. അവർ തമ്മിലുള്ള സംഘർഷം ആഗോള ഗോതമ്പ് വിതരണ ശൃംഖലയെ താറുമാറാക്കുകയും ഇന്ത്യൻ ഗോതമ്പിന്‍റെ ആവശ്യം വർദ്ധിപ്പിക്കുകയും ചെയ്തു. തൽഫലമായി, ആഭ്യന്തര വിപണിയിൽ ഗോതമ്പിന്‍റെ വില ഉയർന്നു.

ഇതോടെ രാജ്യത്തെ 140 കോടി ജനങ്ങളുടെ ഭക്ഷ്യസുരക്ഷ ഉറപ്പാക്കുന്നതിനായാണ് 2022 മെയ് മാസത്തിൽ ഗോതമ്പ് കയറ്റുമതി നിരോധിക്കാൻ സർക്കാർ തീരുമാനിച്ചതെന്നാണ് കേന്ദ്ര വാദം.
ആഭ്യന്തര വിപണിയിലെ വിലക്കയറ്റം തടയുന്നതിനും രാജ്യത്ത് ഭക്ഷ്യസുരക്ഷ ഉറപ്പാക്കുന്നതിനുമാണ് ഇത് ചെയ്തതെന്നും മന്ത്രാലയം വ്യക്തമാക്കി. ഗോതമ്പ് മാവിന്‍റെ ആവശ്യം വിദേശ വിപണിയിൽ വർദ്ധിച്ചു. ഇന്ത്യയില്‍ നിന്നുള്ള കയറ്റുമതിയില്‍ മുന്‍വര്‍ഷത്തെ ഇതേ സമയത്തെ അപേക്ഷിച്ച് 2022 ഏപ്രില്‍-ജൂലൈ കാലയളവില്‍ 200% വളര്‍ച്ച രേഖപ്പെടുത്തുകയും ചെയ്തു.

The post ഗോതമ്പ് മാവിന്റെ കയറ്റുമതി നിരോധിച്ച് കേന്ദ്ര സർക്കാർ appeared first on Starvision News Malayalam.