മോസ്കോ: ഇറാനെതിരായ യുഎസ്-ഇസ്രായേൽ യുദ്ധം ആഗോള ഊർജ്ജ വിപണികളെ പ്രതിസന്ധിയിലേക്ക് തള്ളിവിട്ടിരിക്കുകയാണെന്ന് റഷ്യൻ പ്രസിഡന്റ് വ്‌ളാഡിമിർ പുടിൻ. ഹോർമുസ് കടലിടുക്കുമായി ബന്ധപ്പെട്ട എണ്ണ ​ഗതാ​ഗതം വരും ആഴ്ചകളിൽ പൂർണ്ണമായും നിലച്ചേക്കാമെന്നും പുടിൻ മുന്നറിയിപ്പ് നൽകി. യൂറോപ്യൻ രാജ്യങ്ങൾ ബന്ധം പുനഃസ്ഥാപിക്കുന്നതിൽ താൽപ്പര്യം പ്രകടിപ്പിച്ചാൽ അവരുമായി ദീർഘകാല ഊർജ്ജ സഹകരണം പുനഃസ്ഥാപിക്കാൻ റഷ്യ തയ്യാറാണെന്നും അദ്ദേഹം പറഞ്ഞു. മധ്യപൂർവദേശത്തെ സ്ഥിതി ആഗോള വിതരണത്തെ തടസ്സപ്പെടുത്താൻ തുടങ്ങിയിട്ടുണ്ടെന്നും പ്രതിസന്ധി എണ്ണവില കുത്തനെ ഉയർത്തുകയും വിശാലമായ സാമ്പത്തിക താൽപര്യത്തിന് ഭീഷണിയാകുകയും ചെയ്തിട്ടുണ്ടെന്നും റഷ്യയിലെ പ്രമുഖ എണ്ണ, വാതക കമ്പനികളുടെ എക്സിക്യൂട്ടീവുകളുമായും സർക്കാർ ഉദ്യോഗസ്ഥരുമായും നടത്തിയ ടെലിവിഷൻ കൂടിക്കാഴ്ചയിൽ പുടിൻ പറഞ്ഞു.

ഒരു ദിവസം മുമ്പ് എണ്ണവില ബാരലിന് 100 ഡോളർ കടന്ന് 2022 ന് ശേഷമുള്ള ഏറ്റവും ഉയർന്ന നിലയിലെത്തിയിരുന്നു. യുദ്ധം മൂലം ഹോർമുസ് കടലിടുക്ക് ഇറാൻ അടച്ചതിനെ തുടർന്നാണ് ഈ കുതിച്ചുചാട്ടം. ലോകത്തിലെ എണ്ണയുടെയും ദ്രവീകൃത പ്രകൃതിവാതകത്തിന്റെയും വിതരണത്തിന്റെ ഏകദേശം അഞ്ചിലൊന്ന് ഭാഗവും മേഖലയിലൂടെയാണ് നടക്കുന്നത്. പശ്ചിമേഷ്യയിലെ അസ്ഥിരത ആഗോള ഊർജ്ജ വിപണികളിൽ ഗുരുതരമായ തടസ്സങ്ങൾക്ക് കാരണമാകുമെന്ന് റഷ്യ വളരെക്കാലമായി മുന്നറിയിപ്പ് നൽകിയിരുന്നുവെന്ന് പുടിൻ പറഞ്ഞു.

ഹോർമുസ് കടലിടുക്കിനെ ആശ്രയിക്കുന്ന എണ്ണ ഉൽപാദനം അടുത്ത ഒരു മാസത്തിനുള്ളിൽ പൂർണ്ണമായും നിലയ്ക്കാൻ സാധ്യതയുണ്ടെന്നും സംഭരണികൾ എണ്ണ കൊണ്ട് നിറയുകയാണെന്നും പുടിൻ പറഞ്ഞതായി റോയിട്ടേഴ്‌സ് റിപ്പോർട്ട് ചെയ്തു. ലോകത്തിലെ രണ്ടാമത്തെ വലിയ എണ്ണ കയറ്റുമതിക്കാരായ റഷ്യയ്ക്ക് നിലവിലെ വിപണി സാഹചര്യങ്ങളുടെ നേട്ടം കൈവരിക്കാനാകുമെന്ന് അദ്ദേഹം കൂട്ടിച്ചേർത്തു. മോസ്കോയിലെ ഊർജ്ജ കമ്പനികൾ സാഹചര്യം പ്രയോജനപ്പെടുത്താൻ തയ്യാറാകണമെന്ന് റഷ്യൻ പ്രസിഡന്റ് അഭ്യർത്ഥിച്ചു

യൂറോപ്യൻ രാജ്യങ്ങൾ ദീർഘകാല സഹകരണം പുനഃസ്ഥാപിക്കാൻ താൽപ്പര്യം പ്രകടിപ്പിച്ചാൽ അവരുമായി ഊർജ്ജ ബന്ധം പുനഃസ്ഥാപിക്കാൻ റഷ്യ തയ്യാറാകുമെന്നും പുടിൻ പറഞ്ഞു. കഴിഞ്ഞ നാല് വർഷത്തിനിടയിൽ, യൂറോപ്യൻ യൂണിയനും ജി7 ഉം ഉൾപ്പെടെയുള്ള പാശ്ചാത്യ സർക്കാരുകൾ ഉപരോധങ്ങൾ ഏർപ്പെടുത്തുകയും റഷ്യൻ ഊർജ്ജ വിതരണത്തിലുള്ള ആശ്രയത്വം കുറയ്ക്കാൻ ശ്രമിക്കുകയും ചെയ്തു. മുമ്പ് യൂറോപ്പ് റഷ്യയുടെ ഏറ്റവും ലാഭകരമായ വിപണികളിൽ ഒന്നായിരുന്നു.

The post വ്ലാദിമിർ പുടിന്റെ മുന്നറിയിപ്പ്; യുദ്ധം തുടർന്നാൽ കാത്തിരിക്കുന്നത് അപ്രവചനീയ പ്രതിസന്ധി, നേട്ടം കൊയ്യാൻ റഷ്യൻ കമ്പനികൾക്ക് ഉപ​ദേശം! appeared first on Starvision News Malayalam.

ഇന്ത്യ ശ്രദ്ധകേന്ദ്രീകരിക്കുന്നത് ഇന്ത്യൻ നിർമിത വാഹനങ്ങൾ നിർമിക്കാനും ഉപയോഗിക്കാനുമാണ്. മെയ്ക് ഇന്ത്യ പരിപാടി പ്രോത്സാഹിപ്പിക്കുന്നതിലൂടെ പ്രധാനമന്ത്രി മോദി ശരിയായ കാര്യാമാണ് ചെയ്യുന്നത് എന്നാണ്. അദ്ദഹം ശരിയാണ്. നമുക്ക് റഷ്യൻ നിർമിത വാഹനങ്ങൾ ഉണ്ട്, അത് നമ്മൾ ഉപയോഗിക്കണം’– പുട്ടിൻ പറ‍ഞ്ഞു

The post മെയ്ക് ഇൻ ഇന്ത്യ പദ്ധതി; ‘മോദി ശരിയാണ്, മാതൃകയാക്കണം; പ്രകീർത്തിച്ച് വ്‍ളാഡിമിർ പുട്ടിൻ appeared first on Starvision News Malayalam.

മോസ്കോ: പ്രധാനമന്ത്രി നരേന്ദ്രമോദിയെയും അദ്ദേഹത്തിന്റെ നേതൃത്വത്തിൽ നടപ്പാക്കുന്ന മേക്ക് ഇൻ ഇന്ത്യ പദ്ധതിയെയും വാനോളം പുകഴ്ത്തി റഷ്യൻ പ്രസിഡന്റ് വ്ളാഡിമർ പുടിൻ. മേക്ക് ഇൻ ഇന്ത്യ പദ്ധതി ഇന്ത്യയുടെ സമ്പദ് വ്യവസ്ഥയിൽ കാര്യമായ സ്വാധീനം ചെലുത്തിയിട്ടുണ്ടെന്നായിരുന്നു പുടിൻ പറഞ്ഞത്. പ്രാദേശികമായി ഉല്പന്നങ്ങൾ വികസിപ്പിക്കുന്നതിനും നിർമ്മിക്കുന്നതിനും കമ്പനികളെ ആവോളം പ്രോത്സാഹിപ്പിക്കുന്ന രാജ്യമാണ് ഇന്ത്യയെന്നും അദ്ദേഹം പറഞ്ഞു. മോസ്കോയിൽ, റഷ്യയുടെ എനർജി ഫോർ സ്ട്രാറ്റജിക് ഇനിഷ്യേറ്റീവ് സംഘടിപ്പിച്ച ഫോറത്തിലായിരുന്നു പുടിന്റെ മോദി പ്രശംസ.

വിദേശ നിക്ഷേപകരെ രാജ്യത്തേക്ക് ആകർഷിക്കാൻ ഫലപ്രദമായ മാതൃക സൃഷ്ടിച്ചതിന് ഇന്ത്യയെ പുടിൻ പ്രത്യേകം അഭിനന്ദിക്കുകയും ചെയ്തു.’ഇന്ത്യയിലെ എന്റെ അടുത്ത സുഹൃത്തായ പ്രധാനമന്ത്രി നരേന്ദ്രമോദി വർഷങ്ങൾക്കുമുമ്പ് മേക്ക് ഇൻ ഇന്ത്യ പദ്ധതി ആരംഭിച്ചു. അത് ഇന്ത്യൻ സമ്പദ് വ്യവസ്ഥയിൽ വലിയ സ്വാധീനമാണ് ഉണ്ടാക്കിക്കൊണ്ടിരിക്കുന്നത്. നന്നായി പ്രവർത്തിക്കുന്ന ഒരുകാര്യത്തെ അനുകരിക്കുന്നതിൽ തെറ്റില്ല. അതിനാൽ ഇന്ത്യയെ മാതൃകയാക്കി റഷ്യയിലെ ആഭ്യന്തര ഉല്പങ്ങളെയും ബ്രാൻഡുകളെയും പ്രോത്സാഹിപ്പിക്കണം’- പുടിൻ പറഞ്ഞു.

2014 ലാണ് മേക്ക് ഇൻ ഇന്ത്യ പദ്ധതി ആരംഭിച്ചത്. ഇന്ത്യയെ ആഗോള ഉല്പാദന കേന്ദ്രമാക്കി മാറ്റുകയാണ് ലക്ഷ്യം. സൈനിക, ബഹിരാകാശ രംഗത്തടക്കം പദ്ധതി വിജയകരമായി തുടരുകയാണ്.കേന്ദ്ര വിദേശകാര്യമന്ത്രി എസ് ജയ്‌ശങ്കർ, ഇന്ത്യ- റഷ്യ ബന്ധത്തെ പുകഴ്ത്തി നടത്തിയ പ്രസ്താവനയ്ക്ക് തൊട്ടുപിന്നാലെയാണ് ഇന്ത്യയെയും മോദിയെയും പുകഴ്ത്തി പുടിൻ രംഗത്തെത്തിയത്. ഇന്ത്യയും റഷ്യയുമായുള്ള ബന്ധം വളരെ ശക്തമാണെന്നും ഇരുരാജ്യങ്ങളും തമ്മിലുള്ള ബന്ധം കേവലം പ്രതിരോധ ആവശ്യങ്ങൾക്കാണെന്ന മട്ടിൽ കുറച്ചുകാണുന്നത് അബദ്ധമാണെന്നുമാണ് ജയ്‌ശങ്കർ പറഞ്ഞത്.

റഷ്യയുമായുള്ള ബന്ധം ഇന്ത്യയുടെ സാമ്പത്തിക സ്ഥിതിയിൽ മാറ്റമുണ്ടാക്കിയിട്ടുണ്ടെന്നും അദ്ദേഹം കൂട്ടിച്ചേർത്തു.യുക്രൈനുമായുളള യുദ്ധത്തെത്തുടർന്ന് റഷ്യയിൽ നിന്ന് എണ്ണവാങ്ങുന്നത് പാശ്ചാത്യരാജ്യങ്ങൾ അവസാനിച്ചപ്പോൾ കുറഞ്ഞവിലയ്ക്ക് റഷ്യൻ എണ്ണവാങ്ങാൻ ഇന്ത്യ തയ്യാറായി. ഇത് ഇന്ത്യയെ സാമ്പത്തികമായി ഏറെ സഹായിച്ചിട്ടുണ്ട്. ആഗോള വിപണിയിൽ എണ്ണവില കുതിച്ചുയർന്നപ്പോൾ പെട്രോൾ, ഡീസൽ വിലകൾ കൂടാതെ നോക്കാൻ ഇന്ത്യയെ സഹായിച്ചതും റഷ്യൻ എണ്ണയാണ്.

The post മോദിയെ വാനോളം പുകഴ്ത്തി റഷ്യൻ പ്രസിഡന്റ് പുടിൻ appeared first on Starvision News Malayalam.

മോസ്കോ / കീവ്

സ്വീകാര്യമായ പരിഹാരങ്ങളെക്കുറിച്ച് ബന്ധപ്പെട്ട എല്ലാവരുമായും ചർച്ചയ്ക്ക് തയ്യാറാണ്. പക്ഷേ അത് യുക്രൈനെ ആശ്രയിച്ചിരിക്കുന്നു. തങ്ങൾ ചർച്ച ചെയ്യാൻ വിസമ്മതിക്കുന്നവരല്ലെന്നും അഭിമുഖത്തിൽ പുടിൻ ആവർത്തിച്ചു. കഴിഞ്ഞ ദിവസവും തങ്ങള്‍ ചര്‍ച്ചയ്ക്ക് തയ്യാറായെന്നും എന്നാല്‍ യുക്രെയ്ൻ തടസം നിന്നെന്നും പുടിന്‍ അവകാശപ്പെട്ടിരുന്നു. എന്നാൽ റഷ്യയ്ക്കാണ് ചർച്ച ആവശ്യമില്ലാത്തതെന്നും പുടിൻ യാഥാർത്ഥ്യത്തിലേക്ക് തിരിച്ച് വരണമെന്നും സെലെൻസ്കിയുടെ ഉപദേഷ്ടാവ് തിരിച്ചടിച്ചു.

യുക്രെയ്നിലെ ഉന്നത സൈനിക കമാൻഡിന്‍റെ റിപ്പോർട്ട് പ്രകാരം ഖാർകിവ് മേഖലയിലെ കുപിയാൻസ്ക് ജില്ലയിൽ ഇന്നലെ മാത്രം പത്തിലധികം റോക്കറ്റ് ആക്രമണങ്ങൾ നടന്നിട്ടുണ്ട്. കുപിയാൻസ്ക്-ലൈമാൻ മേഖലയിലെ 25 നഗരങ്ങളിൽ റഷ്യ ഷെല്ലാക്രമണം തുടരുകയാണെന്നും യുക്രെയ്ൻ അവകാശപ്പെട്ടു. വൈദ്യുതി നിലയങ്ങൾക്ക് നേരെ റഷ്യ ആക്രമണം ശക്തമാക്കിയതിനാൽ യുക്രെയ്നിലെ മിക്ക പ്രദേശങ്ങളും ക്രിസ്മസ് ദിനത്തിൽ ഇരുട്ടിൽ ആയിരുന്നെന്നും റിപ്പോർട്ടുകൾ ഉണ്ട്.

The post ആക്രമണം തുടരുമ്പോഴും ചര്‍ച്ചയ്ക്ക് തയ്യാറെന്ന് ആവര്‍ത്തിച്ച് പുടിന്‍ appeared first on Starvision News Malayalam.

മോസ്കോ

യുദ്ധം ആരംഭിച്ച് ഇത്രയും കാലം ആക്രമണങ്ങളെ യുദ്ധം എന്ന് വിളിക്കാൻ പുടിനോ റഷ്യയോ തയ്യാറായില്ല. യുദ്ധത്തിന് പകരം സംഘര്‍ഷം എന്ന വാക്കാണ് പുടിൻ ഉപയോഗിച്ചതെന്നത് ശ്രദ്ധേയമാണ്. “ഞങ്ങളുടെ ലക്ഷ്യം ഈ സംഘർഷം അവസാനിപ്പിക്കുക എന്നതാണ്. ഞങ്ങൾ അതിനായി പരിശ്രമിക്കുകയാണ്. എല്ലാം അവസാനിച്ചു എന്ന് ഉറപ്പാക്കാൻ ഞങ്ങൾ ശ്രമിക്കും, എത്രയും വേഗം, അത്രയും നല്ലത്.” പുടിൻ മാധ്യമപ്രവർത്തകരോട് പറഞ്ഞു.

“എല്ലാ സംഘട്ടനങ്ങളും ഒരു തരത്തിൽ അല്ലെങ്കിൽ മറ്റൊരു വിധത്തിൽ ചർച്ചകളിൽ അവസാനിക്കുന്നു… എതിരാളികൾ എത്ര വേഗത്തിൽ അത് മനസ്സിലാക്കുന്നുവോ അത്രയും നന്നായിരിക്കും,” പുടിൻ കൂട്ടിച്ചേർത്തു.

ഫെബ്രുവരിയിൽ യുക്രൈന്‍ തലസ്ഥാനമായ കീവ് നേരിട്ട് പിടിച്ചെടുക്കാനായിരുന്നു പുടിന്‍റെ പദ്ധതി. എന്നാൽ യുക്രൈന്‍ പ്രസിഡന്‍റ് വോളോഡിമിർ സെലെൻസ്കിയുടെ നിശ്ചയദാർഢ്യം കാരണം റഷ്യൻ സൈന്യത്തിന് പിന്മാറേണ്ടിവന്നു. തുടർന്ന് റഷ്യ വടക്കുപടിഞ്ഞാറൻ യുക്രൈനില്‍ നിന്ന് സൈന്യത്തെ പിൻവലിക്കുകയും തെക്കുകിഴക്കൻ മേഖലയിൽ യുദ്ധം പുനരാരംഭിക്കുകയും ചെയ്തു. മുമ്പ് റഷ്യൻ വിമതർ കൈവശം വച്ചിരുന്ന ഡോൺബാസ് മേഖലയിലാണ് ഇപ്പോഴും പോരാട്ടം നടക്കുന്നത്. അതേസമയം, റഷ്യക്ക് ഇതുവരെ വലിയ തോതിലുള്ള നാശനഷ്ടങ്ങൾ ഉണ്ടായെന്ന് യുക്രൈന്‍ ആരോപിച്ചു. ലോകത്തിലെ രണ്ടാമത്തെ വലിയ സൈനിക ശക്തിയെന്ന് അവകാശപ്പെടുന്ന റഷ്യയ്ക്കെതിരെ സ്വയം പ്രതിരോധിക്കാൻ യുക്രൈനെ സഹായിച്ചത് നാറ്റോയുടെ പൂർണ്ണ പിന്തുണയാണ്.

The post യുക്രൈനുമായുള്ള യുദ്ധം എത്രയും വേഗം അവസാനിപ്പിക്കാന്‍ ആഗ്രഹിക്കുന്നുവെന്ന് പുടിന്‍ appeared first on Starvision News Malayalam.

മോസ്‌കോ

നവംബർ നാലിനാണ് റഷ്യ ഏകതാദിനം ആചരിക്കുന്നത്. ‘റഷ്യയും ലോക ചരിത്രവും’ എന്ന വിഷയത്തിൽ സംസാരിക്കവെയാണ് പുടിൻ ഇന്ത്യയുടെ വിഭവശേഷിയെക്കുറിച്ച് പറഞ്ഞത്. റഷ്യയുടെ അതുല്യമായ നാഗരികതയെയും സംസ്കാരത്തെയും പറ്റിയും ആഫ്രിക്കയിലെ കോളനിവൽക്കരണത്തെക്കുറിച്ചും പുടിൻ പരാമർശിച്ചു.

ആഫ്രിക്ക ഉൾപ്പെടെയുള്ള രാജ്യങ്ങളെ കൊള്ളയടിച്ചാണ് പാശ്ചാത്യ രാജ്യങ്ങൾ സമ്പന്നരായതെന്നും പുടിൻ ആരോപിച്ചു. അടിമക്കച്ചവടവും കൊള്ളയും നടത്തി യൂറോപ്പ് ഈ രാജ്യങ്ങളെ നശിപ്പിച്ചു. യൂറോപ്പിലെ ഗവേഷകർ പോലും ആ സത്യം മറച്ചുവെക്കുന്നില്ലെന്നും ആഫ്രിക്കൻ ജനതയുടെ കണ്ണീരിലും കഷ്ടപ്പാടിലും നിന്നാണ് യൂറോപ്യൻ സാമ്രാജ്യം പടുത്തുയർത്തിയതെന്ന് വ്യക്തമാണെന്നും അദ്ദേഹം പറഞ്ഞു.

The post ഇന്ത്യയ്ക്ക് മികച്ച നേട്ടങ്ങൾ കൈവരിക്കാനാകും; ഇന്ത്യക്കാരെ പുകഴ്ത്തി പുടിൻ appeared first on Starvision News Malayalam.

ഇന്ത്യയുടെ രക്ഷാ ദൗത്യത്തിന് പൂർണ പിന്തുണ നൽകുമെന്ന് പുടിൻ പ്രധാനമന്ത്രിയ്‌ക്ക് വാഗ്ദാനം നൽകി.യുക്രെയ്‌നിൽ നിന്ന് ഇന്ത്യൻ പൗരന്മാരെ സുരക്ഷിതമായി ഒഴിപ്പിക്കാൻ ഇന്ത്യയ്‌ക്ക് എല്ലാ സഹായവും നൽകുമെന്ന് റഷ്യ പറഞ്ഞു. വെടിനിർത്തലിനും സുരക്ഷാ ഇടനാഴിയ്‌ക്കും റഷ്യൻ പ്രസിഡന്റിന് നരേന്ദ്രമോദി നന്ദി പറഞ്ഞു.വെടിനിർത്തലിന് ഇന്ത്യയുടെ പിന്തുണ ഉണ്ടാകുമെന്ന് പ്രധാനമന്ത്രി പുടിനെ അറിയിച്ചു.

പുടിനുമായി ഫോൺ സംഭാഷണം നടത്തുന്നതിന് മുൻപ് പ്രധാനമന്ത്രി നരേന്ദ്ര മോദി സെലൻസ്‌കിയുമായി ചർച്ച നടത്തിയിരുന്നു. 35 മിനിറ്റോളം നീണ്ടു നിന്ന സംഭാഷണത്തിൽ യുക്രെയ്‌നിലെ സ്ഥിതിഗതികൾ ഇരു നേതാക്കളും വിലയിരുത്തി. റഷ്യയും യുക്രെയ്‌നും തമ്മിലുള്ള സമാധാന ചർച്ചകൾ തുടരുന്നതിനെ പ്രധാനമന്ത്രി പ്രശംസിക്കുകയും ചെയ്തു. യുക്രെയ്നിൽ കുടുങ്ങിയ ഇന്ത്യൻ പൗരന്മാരെ ഒഴിപ്പിക്കാൻ നൽകിയ സഹായത്തിന് സെലൻസ്‌കിയോട് പ്രധാനമന്ത്രി നന്ദി പറഞ്ഞു.

The post സെലൻസ്‌കിയുമായി പുടിൻ നേരിട്ട് സംസാരിക്കണം; പുടിനുമായി ചർച്ച നടത്തി പ്രധാനമന്ത്രി നരേന്ദ്ര മോദി appeared first on Starvision News Malayalam.

യുക്രൈന്‍ നഗരങ്ങളില്‍ കടന്നുകയറി റഷ്യ ആക്രമണം തീവ്രമാക്കുന്നതിനിടെയാണ് ചര്‍ച്ചയ്ക്ക് സന്നദ്ധത അറിയിച്ചിരിക്കുന്നത്. കാര്‍കീവില്‍ ഇരുസൈന്യവും തമ്മില്‍ തെരുവ് യുദ്ധം നടക്കുകയാണ്. നോവ കഖോവ റഷ്യ പിടിച്ചെടുത്തെന്ന് യുക്രൈന്‍ സ്ഥിരീകരിച്ചു. സുമിയില്‍ ഏറ്റുമുട്ടല്‍ തുടരുകയാണ്. ഒഡേസയില്‍ ഡ്രോണ്‍ ആക്രമണം നടന്നു. കീവില്‍ സ്ഫോടനങ്ങള്‍ നടക്കുകയും വ്യോമാക്രമണ മുന്നറിയിപ്പ് നല്‍കുകയും ചെയ്തിട്ടുണ്ട്. ഇങ്ങനെ യുക്രൈന്‍റെ പലഭാഗങ്ങളിലായി രൂക്ഷമായ ആക്രമണമാണ് റഷ്യ നടത്തുന്നത്.

വാസിൽകീവിലെ എണ്ണ സംഭരണ ശാലയ്ക്ക് നേരെ റഷ്യ മിസൈൽ ആക്രമണം നടത്തി. ഇവിടെ തീ പടരുകയാണ്. യുക്രൈൻ തലസ്ഥാനമായ കീവിന് സമീപ പ്രദേശമാണിത്. കാര്‍കീവില്‍ വാതക പൈപ്പ് ലൈന് നേരെയും ആക്രമണം ഉണ്ടായി. ഇവിടേയും വൻ തീപിടുത്തമാണ് ഉണ്ടായത്. വിഷവാതകം ചോരുന്നതിനാൽ പ്രദേശവാസികൾ സുരക്ഷിത കേന്ദ്രത്തിലേക്ക് മാറണമെന്ന് നിർദേശമുണ്ട്. ഒഖ്തിർക്കയിലുണ്ടായ റഷ്യൻ ഷെല്ലാക്രമണത്തിൽ ആറ് വയസുകാരി ഉൾപ്പെടെ 7 പേർ കൊല്ലപ്പെട്ടതായാണ് അന്താരാഷ്ട്ര മാധ്യമങ്ങൾ റിപ്പോർട്ട് ചെയ്യുന്നത്. ഖാർകീവിലെ ഒരു അപ്പാർട്ട്മെന്‍റിന് നേരെ റഷ്യൻ സൈന്യം വെടിയുതിര്‍ത്തതായും ഇതില്‍ ഒരു സ്ത്രീ കൊല്ലപ്പെട്ടതായുമുള്ള റിപ്പോർട്ടും നേരത്തെ പുറത്ത് വന്നിരുന്നു. ഒന്‍പത് നില കെട്ടിടത്തിന് നേരെയാണ് വെടിവെപ്പുണ്ടായത്. യുക്രൈനെ തകർക്കാൻ സർവ മേഖലകളിലും കടന്നാക്രമണം തുടരുകയാണ് റഷ്യ.

അതേ സമയം സാധാരണക്കാർക്ക് ആയുധം നൽകി സൈന്യത്തിൽ ചേർത്ത് റഷ്യൻ ആക്രമണത്തെ ചെറുക്കുകയാണ് യുക്രൈൻ. റഷ്യൻ അധിനിവേശം തടയാൻ യുക്രൈന് ആയുധ പിന്തുണ നൽകുമെന്ന് കൂടുതൽ രാജ്യങ്ങളറിയിച്ചു. യുക്രൈന് ആയുധങ്ങളെത്തിക്കുമെന്ന് ഓസ്ട്രേലിയ അറിയിച്ചു. നാറ്റോ സഖ്യകക്ഷികളിലൂടെ ആയുധങ്ങൾ ലഭ്യമാക്കുമെന്ന് ഓസ്ട്രേലിയൻ പ്രധാനമന്ത്രി സ്കോട്ട് മോറിസൺ വ്യക്തമാക്കി. ഓസ്ട്രേലിയൻ സർക്കാർ ശരിയുടെ പക്ഷത്ത് നിൽക്കുമെന്നും യുക്രൈനിൽ നിന്നുള്ള വിസ അപേക്ഷകൾ പെട്ടന്ന് പരിഗണിക്കുമെന്നും ഓസ്ട്രേലിയൻ പ്രധാനമന്ത്രി സ്കോട്ട് മോറിസൺ പറഞ്ഞു. റഷ്യ ടുഡേ ടിവിയുടെ സംപ്രേഷണവും ഓസ്ട്രേലിയ വിലക്കിയിട്ടുണ്ട്.

The post ആണവ പ്രതിരോധ സേനയ്ക്ക് ജാ​ഗ്രതാ നിർദ്ദേശം നൽകി വ്ളാദിമർ പുടിൻ appeared first on Starvision News Malayalam.