മനാമ: യുണൈറ്റഡ് പേരന്റ്സ് പാനൽ (യുപിപി) സംഘടിപ്പിച്ച വിദ്യാര്‍ത്ഥികള്‍ക്കുള്ള അനുമോദന സമ്മേളനവും വിഷു–ഈസ്റ്റർ ആഘോഷവും ശ്രദ്ധേയമായി. ഇന്ത്യന്‍ സ്കൂളിലെ പത്താം ക്ലാസിലും പ്ലസ് ടു പരീക്ഷകളിലും ഉയർന്ന മാർക്ക് നേടി വിജയിച്ച വിദ്യാര്‍ത്ഥികളെ മൊമെന്റോ നൽകി ആദരിക്കുകയും ഭാവി പഠനജീവിതത്തിന് ആശംസകൾ നേരുകയും ചെയ്തു.

പന്ത്രണ്ടാം ക്ളാസ്സില്‍ നിന്നും ഉന്നത മാര്‍ക്കോടെ പാസ്സായ ഗിസല്‍ ഷാരോണ്‍ ഫെര്‍ണാണ്ടസ്, അന്നബിനു, പ്രണവി മണപ്പുറം, സീമോന്‍ മാത്യു ജോളി, അന്ന ബിനു, ആല്‍വിന്‍ ജോര്‍ജ് സേവ്യര്‍, അതിഥി സതീശ് അയ്യര്‍ ബാലാമണി അയിലൂര്‍ യോഗേഷ്, റിഹാന്‍ സെത്മിക കലുബോവിള, അന്‍ഗന ശ്രീജിത്,ക്രിസ്റ്റഫര്‍ ചാക്കോ പൂവേലില്‍, എന്നീവിദ്യാര്‍ത്ഥികളേയും,

പത്താം കളാസ്സില്‍ നിന്നും ഉന്നത മാര്‍ക്കോടെ പാസ്സായ ഹര്‍ഷ ബാബേര്‍വെല്‍, ദീപ്ഷിക കിഷോര്‍, ദില്‍ജ ജെയ്സണ്‍, മലീഹ ആഷിഖ്, ശ്രേയ മാത്തൂര്‍ സഭാപതി, എന്നീ വിദ്യാര്‍ത്ഥികളെയുമാണ് മൊമെന്‍റോ നല്‍കി ആദരിച്ചത്. യു.പി.പി ചെയര്‍മാന്‍ ഡോക്ടര്‍ സുരേഷ് സുബ്രമണ്യം അദ്ധ്യക്ഷത വഹിച്ച യോഗത്തില്‍ ഇന്ത്യന്‍ സ്കൂള്‍ മുന്‍ചെയര്‍മാന്‍ എബ്രഹാം ജോണ്‍ ഉത്ഘാടനം നിര്‍വഹിച്ചു.

കേരളീയ സമാജം ജനറല്‍ സെക്രട്ടറി വര്‍ഗീസ് കാരക്കല്‍, ഇന്ത്യന്‍ സ്കൂള്‍ എകസിക്യുട്ടീവ് കമ്മറ്റിയംഗം ബിജു ജോര്‍ജ്, സാമൂഹ്യ പ്രവര്‍ത്തകനായ എസ്.വി ബഷീര്‍ , റഫീക്ക് അബ്ദുള്ള ജമാല്‍ ഇരിങ്ങല്‍, അസീല്‍ അബ്ദുറഹിമാന്‍, ചന്ദ്രബോസ്, അജിത് കുമാര്‍ കുടുംബ സൗഹൃദവേദി,ബദറുദ്ദീന്‍ പൂവാര്‍,മനു മാത്യു, രാമനുണ്ണി കോഡൂര്‍ , എം.എസ്.പിള്ള, സല്‍മാന്‍ ഫാരിസ്, ദീപക് തണല്‍,അജിഭാസി,ദീപക് മേനോന്‍,ജയേഷ് തോന്നിക്കല്‍, യു.പി.പി സെക്രട്ടറി ജ്യോതിഷ് പണിക്കർ , യു പി പി കൺവീനർ ഹാരിസ് പഴയങ്ങാടി, സുനീശ് സുശീലന്‍, വിഷു ഈസ്റ്റര്‍ കമ്മിറ്റി കണ്‍വീനര്‍ ജേക്കബ് തേക്കുതോട്, ജോയന്‍റ് കണ്‍വീനര്‍മാരായ ശ്രീകാന്ത് എം.എസ്, തോമസ് ഫിലിപ്പ് , ഹരീഷ് നായര്‍ എന്നിവര്‍ ആശംസകളര്‍പ്പിച്ചു സംസാരിച്ചു. ഡോക്ടര്‍ ശ്രീദേവി സ്വാഗതവും, കണ്‍വീനര്‍ അനില്‍ യു.കെ.നന്ദിയും പറഞ്ഞു.

അബ്ബാസ്,അനസ് റഹീം, മന്‍ഷീര്‍,മുബീന മന്‍ഷീര്‍, റിഷാദ്, ഫിലിപ്പ് കറുകച്ചാല്‍, മണികുട്ടന്‍, അന്‍വര്‍ ഷൂരനാട്, സിന്‍സണ്‍ ചാക്കോ,റഊഫ്,ജമാല്‍ കുറ്റികാട്ടില്‍,നായകം, ഷാജിപൊഴിയൂര്‍,സുമേഷ്,ശ്രീജിത്, സുബീഷ്,ഫൈസല്‍ പട്ടാണ്ടി, എന്നിവര്‍ നേതൃത്വം നല്‍കി. പരിപാടിയിൽ വിദ്യാർത്ഥികളുടെയും രക്ഷിതാക്കളുടെയും വലിയ പങ്കാളിത്തം ഉണ്ടായിരുന്നു. വിദ്യാർത്ഥികളുടെ പരിശ്രമവും മാതാപിതാക്കളുടെ പിന്തുണയും അധ്യാപകരുടെ സമർപ്പണവും വിജയത്തിന് പിന്നിലെ പ്രധാന ഘടകങ്ങളാണെന്ന് സംസാരിച്ചവർ അഭിപ്രായപ്പെട്ടു. കുട്ടികൾക്ക് കൂടുതൽ ആത്മവിശ്വാസം നൽകുന്ന തരത്തിലായിരുന്നു അനുമോദന ചടങ്ങുകൾ സംഘടിപ്പിച്ചത്.

ഇതിനോടനുബന്ധിച്ച് യുപിപിയുടെ നേതൃത്വത്തിൽ വിഷു–ഈസ്റ്റർ ആഘോഷവും അതിഗംഭീരമായി നടന്നു. ആഘോഷ പരിപാടികളുടെ ഭാഗമായി വിവിധ കലാപരിപാടികൾ, ഗാനങ്ങൾ, നൃത്തങ്ങൾ,ടീം തരംഗിന്‍റെ ഗാനവിരുന്നും, ടീം ഗസാനിയയുടെ നൃത്തനൃത്യങ്ങളും ഹൃദ്യമായി. യുപിപി ഭാരവാഹികളും അംഗങ്ങളും യോഗത്തിൽ സംസാരിച്ചു. സംഘടനയുടെ പ്രവർത്തനങ്ങളെക്കുറിച്ചും വിദ്യാർത്ഥികൾക്കായി നടപ്പിലാക്കുന്ന വിവിധ പദ്ധതികളെക്കുറിച്ചും നേതാക്കള്‍ വിശദീകരിച്ചു.

പരിപാടിക്കിടെ വിദ്യാർത്ഥികൾക്കും കുട്ടികൾക്കും ഉപഹാരങ്ങൾ വിതരണം ചെയ്തു. രാജേഷ് പെരുങ്ങുഴി, ദീപ്തിനായര്‍ എന്നിവര്‍ അവതാരകരായിരുന്നു. ആഘോഷാന്തരീക്ഷത്തിൽ നടന്ന ചടങ്ങുകൾ പങ്കെടുത്തവർക്കെല്ലാം പുതുമയാർന്ന അനുഭവമായി. ബഹ്റൈനിലെ ഇന്ത്യൻ സമൂഹത്തിനിടയിൽ ഐക്യവും സാംസ്കാരിക മൂല്യങ്ങളും ശക്തിപ്പെടുത്തുന്ന തരത്തിലായിരുന്നു യുപിപിയുടെ ഈ സംരംഭമെന്ന് രക്ഷിതാക്കളും അതിഥികളും അഭിപ്രായപ്പെട്ടു.

The post യു.പി.പി സംഘടിപ്പിച്ച വിഷു ഈസ്റ്റര്‍ ആഘോഷവും, വിദ്യാര്‍ത്ഥികള്‍ക്കുള്ള അനുമോദന സമ്മേളനവും നടന്നു appeared first on Starvision News Malayalam.

തിരുവനന്തപുരം:വിഷുവിനു മുന്നോടിയായി ഒരു ഗഡു ക്ഷേമ പെൻഷൻകൂടി അനുവദിച്ചു. സാമൂഹ്യസുരക്ഷ, ക്ഷേമനിധി പെൻഷൻ ഗുണഭോക്താക്കൾക്ക് ഏപ്രിൽ മാസത്തെ പെൻഷനാണ് വിഷുവിനു മുമ്പ് വിതരണം ചെയ്യുന്നത്. ഇതിനായി 820 കോടി രൂപ അനുവദിച്ചതായി ധനകാര്യമന്ത്രി കെ എൻ ബാലഗോപാൽ അറിയിച്ചു.

62 ലക്ഷത്തോളം പേർക്കാണ് 1600 രൂപവീതം ലഭിക്കുന്നത്. അടുത്ത ആഴ്ച ഗുണഭോക്താക്കൾക്ക് പെൻഷൻ ലഭിച്ചുതുടങ്ങും. വിഷുവിനുമുമ്പ് മുഴുവൻ പേർക്കും പെൻഷൻ ലഭിക്കുന്നുവെന്ന് ഉറപ്പാക്കാൻ ധനകാര്യ മന്ത്രി നിർദേശിച്ചു.
26 ലക്ഷത്തിലേറെ പേർക്ക് ബാങ്ക് അക്കൗണ്ടിൽ തുക എത്തും. മറ്റുള്ളവർക്ക് സഹകരണ ബാങ്കുകൾ വഴി വീട്ടിലെത്തി പെൻഷൻ കൈമാറും. 8.46 ലക്ഷം പേർക്ക് ദേശീയ പെൻഷൻ പദ്ധതിയിലെ കേന്ദ്ര വിഹിതം കേന്ദ്ര സർക്കാരാണ് നൽകേണ്ടത്. ഇതിനാവശ്യമായ 24.31 കോടി രൂപയും സംസ്ഥാനം മുൻകൂർ അടിസ്ഥാനത്തിൽ അനുവദിച്ചിട്ടുണ്ട്. ഈ വിഹിതം കേന്ദ്ര സർക്കാരിന്റെ പിഎഫ്എംഎസ് സംവിധാനം വഴിയാണ് ഗുണഭോക്താക്കളുടെ ബാങ്ക് അക്കൗണ്ടിലേക്ക് ക്രെഡിറ്റ് ചെയ്യുന്നത്.

The post വിഷു കൈനീട്ടം; ക്ഷേമ പെൻഷൻ ഒരു ഗഡുകൂടി അനുവദിച്ചു appeared first on Starvision News Malayalam.

മനാമ: ബഹ്‌റൈനിലെ കാസർഗോഡ് നിവാസികളുടെ കൂട്ടായ്മയായ കാസർഗോഡ് ഡിസ്ട്രിക്ട് പ്രവാസി അസോസിയേഷന്റെ(ഒപ്പരം) അംഗങ്ങൾക്കായുള്ള വിഷു,ഈദ്,ഈസ്റ്റർ ആഘോഷം മെയ് 3 ന് ബഹ്‌റൈൻ സെഗയ്യ ഐ മാക് ഹാളിൽ വച്ച് നടക്കും. അംഗങ്ങളുടെ വിവിധ കലാപരിപാടികൾ കൂടാതെ ബഹ്‌റൈനിലെ കൗമാര പ്രതിഭകൾ ഒരുക്കുന്ന മ്യൂസിക്കൽ ഫ്യൂഷനും ഉണ്ടാകും .വനിതാ വിഭാഗത്തിന്റെ നേതൃത്വത്തിൽ വിവിധ കലാപരിപാടികളും ഉണ്ടാകും. ബഹ്‌റൈനിലെ കാസർഗോഡ് നിവാസികൾ എല്ലാവരും അസോസിയേഷൻ അംഗത്വം എടുക്കണമെന്നും എല്ലാവരും ആഘോഷപരിപാടിയിൽ സംബന്ധിക്കണമെന്നും ഭാരവാഹികൾ അഭ്യർഥിച്ചു.

The post കാസർഗോഡ് ഡിസ്ട്രിക്ട് പ്രവാസി അസോസിയേഷൻ വനിതാ വിഭാഗം രൂപീകരിച്ചു appeared first on Starvision News Malayalam.

മനാമ: ശ്രദ്ധേയമായി വിഷു ദിനത്തിൽ പവിഴദ്വീപിൽ അണിയിച്ചൊരുക്കിയ വീണ്ടും വിഷു എന്ന ഹ്രസ്വ ചിത്രം . ടീമ് മാജിക് മൊമൻസിന്റെ ആശയത്തിൽ നിർമിച്ചിരിക്കുന്ന ഈ ഹ്രസ്വ ചിത്രത്തിന്റെ സംവിധാനം നിർവഹിച്ചിരിക്കുന്നത് അച്ചു അരുൺരാജാണ്‌ . കിരീടം ഉണ്ണി ഛായാഗ്രഹണവും നന്ദു രഘുനാഥ് ചിത്ര സംയോജനവും നിർവഹിച്ച ഈ ഹ്രസ്വ ചിത്രത്തിൽ നിഖിൽ വടകരയാണ് ശബ്‌ദ മിശ്രണം ചെയ്തിരുക്കുന്നത് .മിഥുൻ ഉണ്ണി ശരത് ഉണ്ണി എന്നിവർ സംവിധാന സഹായികളായി പ്രവൃത്തിച്ചിരുന്ന ഈ ഹ്രസ്വ ചിത്രത്തിൽ അച്ചു അരുൺരാജ് ,പ്രേം വാവ,സായി അർപ്പിത നായർ ,നീതു രവീന്ദ്രൻ ,വൈഷ്ണവി രമേശ് ,സ്റ്റീവ മെർലിൻ ഐസെക് എന്നിവർ അഭിനയിച്ചിരിക്കുന്നു .ശ്രീജിൻ ചീനിക്കൽ വസ്ത്രാലങ്കാരവും ജെന്നിഫർ കഥാപാത്ര നിർണയവും നിർവഹിച്ച വീണ്ടും വിഷു ഇതിനോടകം ഇൻസ്റ്റാഗ്രാമിൽ 52.7k വ്യൂവേഴ്‌സുമായി പ്രേക്ഷക പ്രീതി നേടി മുന്നേറുകയാണ്.

The post ബഹ്‌റൈനിൽ പ്രേക്ഷക പ്രീതി നേടി ”വീണ്ടും വിഷു” appeared first on Starvision News Malayalam.

തമിഴ്‌നാട്ടിൽ നിന്ന് ചെക്‌പോസ്റ്റ് വഴി കുമളിയിലെത്തി പല സംഘങ്ങളായി തിരിഞ്ഞു ഭിക്ഷ യാചിക്കാനിറങ്ങും. പുലർച്ചെ ഒരു സ്ഥലത്ത് ഒത്തുകൂടി ഭിക്ഷ യാചിക്കേണ്ട സ്ഥലങ്ങൾ ഇവർ തന്നെ തീരുമാനിക്കും. പരമാവധി രണ്ടുമാസം മാത്രമേ ഇവരെ ഒരു സ്ഥലത്തു കാണാനാകൂ.മദ്ധ്യകേരളത്തിൽ കൊച്ചി കഴിഞ്ഞാൽ പ്രൊഫഷനൽ ഭിക്ഷാടകർക്ക് ഏറ്റവും പ്രിയമുള്ള സ്ഥലമാണ് ഇടുക്കിയെന്നു പൊലീസ് പറയുന്നു. പണം സമ്പാദിച്ചശേഷം അതിർത്തി കടക്കാൻ എളുപ്പമാണെന്നതും വീടുകൾ കയറിയിറങ്ങി പിരിവെടുത്താൽ ഗ്രാമീണമേഖലയിൽ നിന്നു വൻതുക പിരിച്ചെടുക്കാമെന്നതും ഭിക്ഷാടകരെ ഇടുക്കിയിലേക്ക് ആകർഷിക്കുന്നു.

രാവിലെ ഒൻപത് മുതൽ നഗരത്തിലെ വിവിധ കടകൾ കയറിയിറങ്ങുകയാണ് സ്ത്രീകൾ ഉൾപ്പെട്ട ഈ സംഘം. ഹോട്ടലുകളുടെയും മറ്റും കവാടത്തിന് മുന്നിൽ കാത്തുനിൽക്കുന്ന ഇവർ ഭക്ഷണം കഴിച്ചെത്തുന്നവർക്കുനേരെ കൈ നീട്ടും. രാവിലെ മുതലുള്ള ഇവരുടെ ശല്യംകൊണ്ട് വ്യാപാരികളും വിവിധ ആവശ്യങ്ങൾക്കായി നഗരത്തിലെത്തുന്നവരും വലയും. യാചിച്ച് ഉണ്ടാക്കുന്ന പണം വൈകിട്ട് ബസ് സ്റ്റാൻഡിന് സമീപം തമ്പടിച്ച് വീതിച്ചെടുക്കും. ഇവരിൽ നിന്നുള്ള വീതം കൈപ്പറ്റാൻ ഭിക്ഷാടന മാഫിയയിൽപ്പെട്ടവർ കൃത്യമായി എത്തുന്നുണ്ട്. തല മറച്ചും മറ്റ് ശാരീരിക ബുദ്ധിമുട്ടുകൾ അഭിനയിച്ചും കൈയും കാലുമൊക്കെ പ്ലാസ്റ്ററും ചുറ്റിയുമാണ് സംഘം ഭിക്ഷാടനത്തിന് എത്തുന്നത്. ക്രിമിനൽ സ്വഭാവമുള്ളവരും സംഘത്തിലുണ്ട്.

The post വിഷുവിന് ലക്ഷങ്ങൾ കൊയ്യാൻ സ്ത്രീകൾ ഉൾപ്പെടെയുള്ള സംഘം എത്തിക്കഴിഞ്ഞു,ഏറ്റവും കൂടുതൽ എത്തുന്നത് കേരളത്തിലെ ഈ ജില്ലയിൽ. appeared first on Starvision News Malayalam.

കേന്ദ്രസർക്കാരിന്റെ കടുത്ത സാമ്പത്തിക വിവേചനത്തിന്റെ ഭാഗമായി സംസ്ഥാനം സാമ്പത്തിക ബുദ്ധിമുട്ടുകൾ നേരിടുന്ന ഘട്ടത്തിലും വർഷാന്ത്യ ചെലവുകൾക്കായി 22000 കോടി രൂപ മാർച്ച് മാസത്തിൽ മാത്രം അനുവദിക്കാൻ സർക്കാരിന് കഴിഞ്ഞിരുന്നു. ട്രഷറി അടച്ചുപൂട്ടുമെന്നും സംസ്ഥാനം ഓവർഡ്രാഫ്റ്റിലേക്ക് പോകുമെന്നും ശമ്പളവും പെൻഷനും ക്ഷേമ പെൻഷനുമുൾപ്പെടെ തുടങ്ങാൻ പോകുന്നു എന്നും പ്രചരിപ്പിച്ച ആളുകളെ നിരാശപ്പെടുത്തി കൊണ്ടാണ് ജനങ്ങളുടെ പിന്തുണയോടുകൂടി സർക്കാർ മുന്നോട്ടുപോകുന്നത്. സംസ്ഥാനത്തെ പലവിധത്തിൽ ബുദ്ധിമുട്ടിക്കാൻ കേന്ദ്രസർക്കാർ പരിശ്രമിക്കുമ്പോൾ മികച്ച ധന മാനേജ്മെന്റിലൂടെയും തനത് വരുമാനം വർദ്ധിപ്പിക്കാനുള്ള നടപടികൾ സ്വീകരിച്ചും സംസ്ഥാനം അതിനെ നേരിടുകയാണ്.

വർഷാന്ത്യ ചെലവുകൾ വിജയകരമായി പൂർത്തീകരിച്ചതിനു തൊട്ടു പിന്നാലെ കേരളത്തിലെ സാധാരണക്കാരായ 62 ലക്ഷം ജനങ്ങളിലേക്ക് രണ്ടുമാസത്തെ ക്ഷേമപെൻഷൻ ഒരുമിച്ചെത്തിച്ചുകൊണ്ട് വികസനവും കരുതലും എന്ന ഇടതുപക്ഷ ജനാധിപത്യ മുന്നണിയുടെ മുദ്രാവാക്യം ഉയർത്തിപ്പിടിക്കുകയാണ് സർക്കാർ. രണ്ടുമാസത്തെ ക്ഷേമപെൻഷൻ തുകയായ 3200 രൂപ ഏപ്രിൽ മാസം പത്താം തീയതി മുതൽ വിതരണം ചെയ്യുമെന്നും മന്ത്രി അറിയിച്ചു.

The post വിഷു; രണ്ടുമാസത്തെ ക്ഷേമപെൻഷൻ തുകയായ 3200 രൂപ ഒരുമിച്ച് വിതരണം ചെയ്യും appeared first on Starvision News Malayalam.

അവധി ദിനത്തിൽ വിഷുവെത്തിയത്​ എല്ലാവർക്കും ഇരട്ടി മധുരമാണ് സമ്മാനിച്ചത്. അവധി ദിനമായതിനാൽ വീടുകളിൽ സദ്യവട്ടകൾ തയാറാക്കിയാണ്​ പലരും വിഷു ആഘോഷിച്ചത്. എന്നാൽ ഹോട്ടലുകളിലും സൂപ്പർമാർക്കറ്റുകളിലും തയ്യാറാക്കിയ വിഷു സദ്യ കഴിച്ചവരും കുറവല്ല. ഫ്ലാറ്റുകളിലും വില്ലകളിലും സദ്യ വട്ടമൊരുക്കി സുഹൃത്തുക്കളെ ക്ഷണിച്ചാണ്‌ ചിലർ ആഘോഷിച്ചത്.

The post വിഷു ആഘോഷിച്ച് ബഹ്‌റൈൻ പ്രവാസി മലയാളികൾ appeared first on Starvision News Malayalam.

അതുകൊണ്ടുതന്നെ മുൻവർഷത്തെ അപേക്ഷിച്ച് കൂടുതൽ തയ്യാറെടുപ്പുകൾ ആണ് നടക്കുന്നത്. വിഷു ഒരുക്കങ്ങളുമായി ബഹ്റൈനിലെ ലുലു ഹൈപ്പർമാർക്കറ്റ് തയ്യാറായിക്കഴിഞ്ഞു.

ഇത്തവണത്തെ വിഷു അവധി ദിവസമായ വെള്ളിയാഴ്ച ആയതിനാൽ മലയാളികളുടെ വിഷു കെങ്കേമമാകും. പരമ്പരാഗതമായ വിഷു ആഘോഷങ്ങൾക്ക് ആവശ്യമായ കേരള വിഭവങ്ങൾ ഇതിനോടകം എത്തിക്കഴിഞ്ഞു. കണിയൊരുക്കാനാവശ്യമായ വെള്ളരി, കണിക്കൊന്ന ഉൾപ്പെടെയുള്ളവയുടെ പ്രത്യേക പാക്കറ്റുകളും കേരളത്തിൽ നിന്ന് എത്തിയിട്ടുണ്ട്. അതോടൊപ്പം വിവിധ തരത്തിലുള്ള പായസങ്ങൾ, അലുവകൾ ഉൾപ്പെടെയുള്ള വിഭവങ്ങളും ഒരുക്കിയിട്ടുണ്ട്. ഒപ്പം വിഷു കോടിയും പ്രത്യേക ഓഫറുകളും ഒരുക്കി ലുലു ഹൈപ്പർമാർക്കറ്റും തയ്യാറായിക്കഴിഞ്ഞു.

The post ബഹ്റൈനിൻ വിഷു – ഒരുക്കങ്ങളുമായി ലുലു ഹൈപ്പർമാർക്കറ്റ് appeared first on Starvision News Malayalam.

സംസ്ഥാനത്ത് ഈ സീസണിലെ നെല്ല് സംഭരണവുമായി ബന്ധപ്പെട്ട് ജനപ്രിതിനിധികളുടെയും നെല്‍കര്‍ഷകരുടെയും ആവശ്യം കണക്കിലെടുത്തുകൊണ്ട് കര്‍ഷകരില്‍ നിന്നും ഒരേക്കറില്‍ നിന്നും സംഭരിക്കുന്ന നെല്ലിന്റെ പരമാവധി അളവ് 2200 എന്നത് 2500 കിലോ ആയി ഉയര്‍ത്തി  സപ്ലൈകോ ഉത്തരവ് പുറപ്പെടുവിച്ചിട്ടുണ്ട്.  കേരളത്തിലെ കര്‍ഷകര്‍ ഉത്പാദിപ്പിക്കുന്ന നെല്ലിനൊപ്പം  തമിഴ് നാട്ടില്‍ നിന്നും സംഭരിക്കുന്ന നെല്ല് കൂട്ടികലര്‍ത്താനുള്ള പരിശ്രമം സംസ്ഥാനത്തെ ചില ജില്ലകളില്‍  നടക്കുന്നത് ശ്രദ്ധയില്‍പ്പെട്ടിട്ടുണ്ടെന്നും ഇതിനെതിരെ ശക്തമായ വിജിലന്‍സ് പരിശോധനയ്ക്കും മന്ത്രി നിര്‍ദ്ദേശം നല്‍കി.

ശബരി ഉത്പന്നങ്ങളുടെ പ്രചാരണത്തിന്റെ ഭാഗമായി 2022 ജനുവരി, ഫെബ്രുവരി, മാര്‍ച്ച് മാസങ്ങളിലായി സപ്ലൈകോ സംഘടിപ്പിച്ച ‘സെല്‍ഫി വിത്ത് സപ്ലൈകോ’ മത്സര വിജയികളെ ഭക്ഷ്യ-പൊതുവിതരണ വകുപ്പുമന്ത്രി പ്രഖ്യാപിച്ചു. ആയിരക്കണക്കിന് സെല്‍ഫികളാണ്സപ്ലൈകോയ്ക്ക് ലഭിച്ചത്. ഇതില്‍ പരമാവധി ലൈക്ക് കിട്ടിയ 2 പേര്‍ക്ക് 5000 രൂപയുടേയും, 3000 രൂപയുടേയും ക്യാഷ് പ്രൈസ് നല്‍കുന്നതാണ്.  ഒന്നാം സമ്മാനം സെല്‍ഫി സീരിയല്‍ നമ്പര്‍ 026 പ്രവീണ്‍, കണ്ണൂര്‍, 2-ാം സമ്മാനം സെല്‍ഫി സീരിയല്‍ നമ്പര്‍ 001 അഭിലാഷ് മാന്നാര്‍, ആലപ്പുഴയും നേടി.

The post സപ്ലൈകോ വിഷു/ഈസ്റ്റർ/റംസാന്‍ ഫെയറുകൾ ഏപ്രില്‍ 11 മുതല്‍ മെയ് 3 വരെ appeared first on Starvision News Malayalam.