സോപാന സേവയിലെ ഇനങ്ങളായ ഗണപതി, കൊട്ടി ചേദം, തത്വം,ജീവ എന്നിങ്ങനെ നാലിനങ്ങളാണ് ചിങ്ങമാസത്തെ ധന്യമാക്കാൻ കലാകാരി അവതരിപ്പച്ചത്. സദസിന് ആനന്ദം പകരുക, സ്വയം മറന്ന് നൃത്തത്തിൽ അലിഞ്ഞു ചേരുക എന്നിവയെല്ലാം ഓരോ നൃത്ത വേദിയിലേക്കും ചിലങ്ക അണിഞ്ഞത്തുമ്പോൾ ഓരോ കലാകാരിയും പ്രതീക്ഷിക്കുന്നുണ്ടാകും. ആ പ്രതീക്ഷകൾക്കൊപ്പംനിന്ന പ്രകടനം തന്നെയായിരുന്നു കൂത്തമ്പലത്തിലെ സന്ധ്യാനേരത്തിൽ സിത്താര ബാലകൃഷ്ണൻ കാഴ്ചവച്ചതും.

The post കേരളതനിമയിൽ സിത്താര ബാലകൃഷ്ണന്റെ മോഹിനിയാട്ടം appeared first on Starvision News Malayalam.

തിരുവനന്തപുരം: കേരള സർക്കാർ സാംസ്കാരിക വകുപ്പിന്‍റെ കീഴിൽ തിരുവനന്തപുരം നന്തൻകോട് നാളന്ദയിൽ പ്രവർത്തിക്കുന്ന വൈലോപ്പിള്ളി സംസ്കൃതിഭവൻ കുട്ടികളിലെ സർഗാത്മകതയെയും അറിവിനെയും തൊട്ടുണർത്തുന്നതിനും പ്രോത്സാഹിപ്പിക്കുന്നതിനുമായി അവധിക്കാല കൂട്ടായ്മ വിജ്ഞാനവേനൽ സംഘടിപ്പിക്കുന്നു. മേയ് 22 മുതൽ 26 വരെ നടക്കുന്ന ഈ അവധിക്കാല കാലക്കൂട്ടായ്മയിൽ ഭാഷ, സാഹിത്യം, സംഗീതം, നൃത്തം, നാടകം, ചിത്രകല, പൊതുവിജ്ഞാനം എന്നീ വിവിധ വിഷയങ്ങളിൽ വിദഗ്ദ്ധർ ക്ലാസ്സെടുക്കും. ക്യാമ്പിന്‍റെ ഭാഗമായി വൈകുന്നേരങ്ങളിൽ കലാപരിപാടികൾ ഉണ്ടായിരിക്കും.

ദിവസവും രാവിലെ 10.30 ന് ക്ലാസ്സുകൾ ആരംഭിക്കും. 7-ാം ക്ലാസ്സ് മുതൽ 12-ാം ക്ലാസ്സുവരെയുള്ള കുട്ടികൾക്കാണ് പ്രവേശനം. 1000 രൂപ രജിസ്ട്രേഷൻ ഫീസ്. പരമാവധി 100 വിദ്യാർത്ഥികൾക്ക് പ്രവേശനം നൽകും. വൈലോപ്പിള്ളി സംസ്കൃതി ഭവൻ വൈസ് ചെയർമാനും ഗ്രാൻഡ് മാസ്റ്ററുമായ ജി.എസ്. പ്രദീപാണ് ക്യാമ്പ് ഡയറക്ടർ. വൈലോപ്പിള്ളി സംസ്കൃതി ഭവൻ ഓഫീസിൽ നിന്ന് നേരിട്ടും ഓൺലൈനായും അപേക്ഷ ഫാറം ലഭി ക്കുന്നതാണ്. കൂടുതൽ വിവരങ്ങൾക്ക് ഫോൺ: 0471-2311842, 9744012971. ഇമെയിൽ-directormpcc@gmail.com

The post ഒത്തരി കളിയും ഇത്തിരി കാര്യവുമായി വൈലോപ്പിള്ളി സംസ്കൃതി ഭവനിൽ “വിജ്ഞാനവേനൽ ‘ appeared first on Starvision News Malayalam.