തമിഴ്‌നാട്ടിലെ കന്യാകുമാരി ഉള്‍പ്പെടെയുള്ള തെക്കന്‍ ജില്ലകള്‍ക്ക് ഗുണകരമായ ചെന്നൈ-കന്യാകുമാരി റെയില്‍വേ പാത ഇരട്ടിപ്പിക്കല്‍ പൂര്‍ത്തിയാകുകയാണ്. നീണ്ട 26 വര്‍ഷങ്ങള്‍ക്ക് ശേഷമാണ് പദ്ധതി യാഥാര്‍ത്ഥ്യത്തിലേക്ക് എത്തുന്നത്. പദ്ധതി പൂര്‍ത്തിയാകുന്നത് തെക്കന്‍ കേരളത്തിലെ യാത്രക്കാര്‍ക്കും വലിയ ഗുണം സമ്മാനിക്കും. ചെന്നൈ കന്യാകുമാരി റൂട്ടിലെ യാത്ര കുറഞ്ഞത് ഒരു മണിക്കൂറെങ്കിലും കുറയും.ഈ റൂട്ടിലൂടെ കേരളത്തിലേക്ക് ഓടുന്ന ട്രെയിനിലെ യാത്രാ സമയവും കുറയുമെന്നതാണ് കേരളത്തിലെ തെക്കന്‍ ജില്ലകള്‍ക്ക് നേട്ടമാകുന്നത്.2021ല്‍ മധുര വരെയുള്ള ഇരട്ടിപ്പിക്കല്‍ പൂര്‍ത്തിയാക്കി. മധുര, തിരുനെല്‍വേലി, നാഗര്‍കോവില്‍, കന്യാകുമാരി പാത നിര്‍മാണം പിന്നാലെ ആരംഭിച്ചെങ്കിലും കൊവിഡ് വ്യാപനം അടക്കമുള്ള പ്രതിസന്ധികള്‍ കാരണം നിര്‍മാണം വൈകി. നിലവില്‍ എല്ലാ നിര്‍മാണ പ്രവര്‍ത്തനങ്ങളും പരീക്ഷണ ഓട്ടവും പൂര്‍ത്തിയാക്കി. റെയില്‍വേയുടെ പച്ചക്കൊടി ലഭിക്കുന്നതോടെ ഇരട്ടപ്പാതയിലൂടെ സര്‍വീസുകള്‍ ആരംഭിക്കും.ഇരട്ടപ്പാത യാഥാര്‍ഥ്യമാകുന്നതോടെ സമയത്തില്‍ ഒരു മണിക്കൂറോളം കുറവുണ്ടാകുമെന്നതാണു പ്രധാന നേട്ടം. ട്രെയിനുകള്‍ പിടിച്ചിടുന്നതിലെ കാലതാമസം ഒഴിവാക്കി കൂടുതല്‍ ട്രെയിനുകള്‍ ഓടിക്കാമെന്നതുമാണു മറ്റൊരു ഗുണം.

The post കേരളത്തിനും നേട്ടമുള്ള ഏറ്റവും വലിയ റെയില്‍വേ വികസന പദ്ധതി, യാത്രസമയം മണിക്കൂറുകള്‍ കുറയും appeared first on Starvision News Malayalam.

തിരുവനന്തപുരം: തൃശൂർ യാർഡിലും, ആലുവ അങ്കമാലി സെക്ഷനിലും അറ്റകുറ്റപ്പണിയും മാവേലിക്കര ചെങ്ങന്നൂർ പാതയിൽ ഗർഡർ നവീകരണവും നടക്കുന്നതിനാൽ ഇന്ന് വ്യാപകമായി ട്രെയിൻ സർവീസുകളിൽ മാറ്റം. 15 ട്രെയിനുകൾ ഇന്ന് പൂർണ്ണമായും റദ്ദാക്കി. ചില ട്രെയിനുകൾക്ക് നിയന്ത്രണമുണ്ടെന്നും ഇന്ത്യൻ റെയിൽവേ അറിയിച്ചു.

റദ്ദാക്കിയ ട്രെയിനുകള്‍:

ഗരീബ് രഥ് എക്സ്പ്രസ്, പരശുറാം എക്സ്പ്രസ്, കൊല്ലം എറണാകുളം മെമു, എറണാകുളം കൊല്ലം മെമു, എറണാകുളം കായംകുളം മെമു, കൊല്ലം കോട്ടയം മെമു, എറണാകുളം കൊല്ലം സ്പെഷ്യൽ മെമു, കോട്ടയം കൊല്ലം മെമു.

ട്രെയിനുകൾക്ക് നിയന്ത്രണം:

കായംകുളം എറണാകുളം എക്സ്പ്രസ്, എറണാകുളം ആലപ്പുഴ മെമു, ആലപ്പുഴ എറണാകുളം എക്സ്പ്രസ്, നാളെ ഉച്ചയ്ക്ക് ഒരു മണിക്ക് പുറപ്പെടുന്ന നാഗർകോവിൽ കോട്ടയം എക്സ്പ്രസ് എന്നിവ കൊല്ലം വരെ മാത്രമേ സർവീസ് നടത്തുള്ളൂ.

ശബരി എക്സ്പ്രസ്, കേരള എക്സ്പ്രസ്, കന്യാകുമാരി ബെംഗളുരു എക്സ്പ്രസ്, തിരുവനന്തപുരം കണ്ണൂർ ജനശതാബ്ദി, തിരുവനന്തപുരം ചെനൈ മെയിൽ, നാഗർകോവിൽ ഷാലിമാർ എക്സ്പ്രസ്, തിരുവനന്തപുരം ചെന്നൈ സൂപ്പർഫാസ്റ്റ് എക്സ്പ്രസ്, വഞ്ചിനാട് എക്സ്പ്രസ്, പുനലൂർ ഗുരുവായൂർ എക്സ്പ്രസ് എന്നിവ നാളെ ആലപ്പുഴ വഴിയും തിരിച്ചു വിട്ടിട്ടുണ്ട്.

The post അറ്റകുറ്റപ്പണി: 15 ട്രെയിനുകൾ പൂർണ്ണമായും റദ്ദാക്കി appeared first on Starvision News Malayalam.