തൃശൂർ: നിയമസഭാ തെരഞ്ഞെടുപ്പിൽ വോട്ട് രേഖപ്പെടുത്താനെത്തി നടൻ ടൊവിനോ തോമസ്. കുടുംബത്തോടൊപ്പമാണ് നടൻ വോട്ട് ചെയ്യാനെത്തിയത്. ഇരിങ്ങാലക്കുട ഗേൾസ് സ്കൂളിൽ 113 ബൂത്തിലാണ് ടോവിനോയുടെ വോട്ട്. വോട്ട് ചെയ്യുന്നത് നമ്മുടെ അവകാശവും കടമയുമാണെന്ന് ടോവിനോ തോമസ് പറഞ്ഞു. സിനിമാക്കാരുടെ രാഷ്ട്രീയ പ്രവേശനത്തിലും ടോവിനോ പ്രതികരിച്ചു. കഴിവും പ്രാപ്തിയും ഉള്ളവർ രാഷ്ട്രീയത്തിലേക്ക് ഇറങ്ങുന്നത് അഭിനന്ദനാർഹമാണ്. രാഷ്ട്രീയത്തിൽ ക്ഷോഭിക്കുന്നത് പ്രവർത്തനത്തിന്റെ അടിസ്ഥാനത്തിലാകും. അതേസമയം രാഷ്ട്രീയത്തിലേക്ക് ഇപ്പോൾ ഇല്ലെന്ന് ടോവിനോ തോമസ്. ഇറങ്ങിയേപ്പറ്റു എന്ന തരത്തിൽ മാറ്റങ്ങൾ വന്നാൽ ഇറങ്ങും. ഏതു മുന്നണി അധികാരത്തിൽ വന്നാലും കേരളത്തിനുവേണ്ടി നല്ലത് ചെയ്യാൻ കഴിയണമെന്നും ടോവിനോ കൂട്ടിച്ചേർത്തു.

അതേസമയം നിയമസഭാ തെരഞ്ഞെടുപ്പിന്‍റെ വോട്ടെടുപ്പ് ആദ്യ മണിക്കൂറുകള്‍ പിന്നിടുമ്പോള്‍ മികച്ച പോളിങ്. പത്തരയോടെ പോളിങ് 20ശതമാനം കടന്നു. എസ്ഐആറിനെ തുടര്‍ന്ന് ഇത്തവണ പോളിങ് 80ശതമാനം കടക്കുമെന്നാണ് സൂചന. രാവിലെ മുതൽ നഗര-ഗ്രാമ വ്യത്യാസമില്ലാതെ പോളിങ് ബൂത്തുകളിൽ പ്രകടനമാകുന്ന തിരക്ക് ഇതാണ് സൂചിപ്പിക്കുന്നത്. 140 മണ്ഡലങ്ങളിലെ 30,495 ബൂത്തുകളിലാണ് വോട്ടെടുപ്പ് നടക്കുന്നത്. 2.71 കോടി വോട്ടർമാരാണ് വിധിയെഴുതുന്നത്. 883 സ്ഥാനാർത്ഥികൾ 23 ദിവസം നടത്തിയ ചൂടേറിയ പ്രചാരണത്തിനൊടുവിലാണ് കേരളം പോളിംഗ് ബൂത്തിലെത്തുന്നത്.

The post കഴിവും പ്രാപ്തിയും ഉള്ളവർ രാഷ്ട്രീയത്തിലേക്ക് ഇറങ്ങുന്നത് അഭിനന്ദനാർഹം, രാഷ്ട്രീയത്തിൽ ക്ഷോഭിക്കുന്നത് പ്രവർത്തനത്തിന്റെ അടിസ്ഥാനത്തിലെന്ന് ടൊവിനോ തോമസ് appeared first on Starvision News Malayalam.

കൊ​ച്ചി​:​ ജിതിൻ ലാൽ സംവിധാനം ചെയ്യുന്ന ​ടൊ​വി​നോ​ ​തോ​മ​സ് ​നാ​യ​ക​നാ​കു​ന്ന​ ​പു​തി​യ​ ​ചി​ത്രം​ ​’​അ​ജ​യ​ൻറെ ​ ​ര​ണ്ടാം​ ​മോ​ഷ​ണ​”​ത്തി​ൻറെ​ ​റി​ലീ​സ് എറണാകുളം പ്രിൻസിപ്പൽ സെഷൻസ് കോടതി ​താ​ത്കാ​ലി​ക​മാ​യി​ ​ത​ട​ഞ്ഞു.​ ​

നി​ർ​മ്മാ​താ​ക്ക​ളാ​യ​ ​യു.​ജി.​എം​ ​പ്രൊ​ഡ​ക്‌​ഷ​ൻ​സി​നെ​തി​രെ​ ​എ​റ​ണാ​കു​ളം​ ​സ്വ​ദേ​ശി​ ​ഡോ.​ ​വി​നീ​ത് ​ന​ൽ​കി​യ​ ​ഹ​‌​ർ​ജി​യി​ലാ​ണ് ​ ​കോ​ട​തി​യു​ടെ​ ഉത്തരവ്. ​ ​ചി​ത്ര​ത്തി​ന്റെ​ ​തി​യേ​റ്റ​ർ,​ ​ഒ.​ടി.​ടി,​ ​സാ​റ്റ​ലൈ​റ്റ് ​റി​ലീ​സു​ക​ൾ​ക്ക് ​വി​ല​ക്കു​ണ്ട്.​ ​ സിനിമയുടെ ചി​ത്രീ​ക​ര​ണ​ത്തി​നാ​യി​ ​ത​ന്റെ​ ​പ​ക്ക​ൽ​ ​നി​ന്ന് 3.20​ ​കോ​ടി​ ​രൂ​പ​ ​വാ​ങ്ങി​യ​ ​നി​ർ​മ്മാ​താ​ക്ക​ൾ ഉടമസ്ഥാവകാശം നിഷേധിക്കുകയും ​പ്ര​ദ​ർ​ശ​നാ​വ​കാ​ശം​ ​ര​ഹ​സ്യ​മാ​യി​ ​കൈ​മാ​റി​യെന്നുമാണ് ​പ​രാ​തി.

ഓണം റിലീസായി സെപ്തംബറിലാണ് ചിത്രം പ്രദർശനത്തിനൊരുങ്ങുന്നത്. സുജിത് നമ്പ്യാരാണ് കഥ,​ തിരക്കഥ,​ സംഭാഷണം കൈകാര്യം ചെയ്യുന്നത്. യു.ജി.എം പ്രൊഡക്ഷൻസ്,​ മാജിക് ഫ്രെയിംസ് എന്നിവയുടെ ബാനറുകളിൽ ഡോ. സക്കറിയ തോമസ്,​ ലിസ്റ്റിൻ സ്റ്റീഫൻ എന്നിവർ ചേർന്നാണ് നിർമ്മാണം. ചിത്രത്തിൽ ടൊവിനോ തോമസ് മൂന്നുവേഷങ്ങളിലാണ് എത്തുന്നത്.

The post ടൊ​വി​നോ​ ​നാ​യ​ക​നാ​കു​ന്ന​ ​’​അ​ജ​യ​ന്റെ​ ​ര​ണ്ടാം​ ​മോ​ഷ​ണ​”​ത്തി​ന്റെ​ ​റി​ലീ​സ് ത​ട​ഞ്ഞു appeared first on Starvision News Malayalam.

നടന്മാരായ ടൊവിനോ തോമസിനും ജോജു ജോർജിനുമെതിരെ വീണ്ടും ഗുരുതര ആരോപണങ്ങളുമായി സംവിധായകൻ സനൽ കുമാർ ശശിധരൻ. ചോല, കയറ്റം, വഴക്ക് എന്നീ സിനിമകൾ പുറത്തിറങ്ങാത്തത് ചവറ് സിനിമകൾ ആയതുകൊണ്ടാണെന്ന വ്യാഖാനങ്ങൾ ചെലവാകുന്നതല്ല എന്ന് സനൽ കുമാ‌ർ പറഞ്ഞു.ഈ സിനിമകൾ ചെയ്യാൻ താരങ്ങൾ തന്നെ സമീപിക്കുകയായിരുന്നു. ജോജുവും ടൊവിനോയും സ്ത്രീകൾ ആയിരുന്നെങ്കിൽ താൻ അവരെ ഭോഗിക്കാൻ ശ്രമിച്ചതുകൊണ്ടാണ് സിനിമകൾ അവർ പുറത്തിറക്കാത്തത് എന്ന് സിൽബന്തികൾക്ക് പറയാമായിരുന്നു. അത് സാദ്ധ്യമല്ലാത്തതുകൊണ്ടാണ് സിനിമ ചവറാണ്, തനിക്ക് ഭ്രാന്താണ് എന്നൊക്കെയുള്ള ജല്പനങ്ങൾ നടത്തുന്നതെന്നും സംവിധായകൻ ആരോപിച്ചു. ഫേസ്‌ബുക്ക് പോസ്റ്റിലൂടെയായിരുന്നു വിമർശനം.

ഫേസ്‌ബുക്ക് പോസ്റ്റിന്റെ പൂർണരൂപം

ചോല, കയറ്റം, വഴക്ക് ഈ മൂന്നു സിനിമകളും ജനങ്ങളിൽ എത്തുന്നതിൽ നിന്ന് തടയുക എന്നത് അത്ര എളുപ്പമുള്ള കാര്യമായിരുന്നില്ല. ഇത്രകാലത്തിനു ശേഷം തിരിഞ്ഞു നോക്കുമ്പോഴും ഒരു കാര്യം എനിക്ക് ഉറപ്പിച്ചു പറയാൻ കഴിയുന്നത് ഈ സിനിമകൾ മൂന്നും ഇപ്പോഴും പുതിയത് തന്നെയാണ് എന്നതാണ്.ഈ സിനിമകൾ മേളകളിൽ ഒന്നും കയറിപ്പറ്റാതിരിക്കാൻ പരമാവധി ശ്രമങ്ങൾ നടന്നിട്ടും മൂന്നു സിനിമകളും ശ്രദ്ധേയമായ മേളകളിൽ പ്രദർശിപ്പിക്കപ്പെട്ടു. ചലച്ചിത്ര അവാർഡുകളിൽ നിന്ന് പുറം തള്ളാൻ കഴിയുന്നത്ര ശ്രമങ്ങളുണ്ടായി എങ്കിലും എല്ലാ സിനിമകൾക്കും എന്തെങ്കിലുമൊക്കെ അവാർഡുകൾ ലഭിച്ചു. ചോലക്ക് മികച്ച നടി, മികച്ച സഹനടൻ, ശബ്ദസംവിധാനത്തിനുള്ള ജൂറി മെൻഷൻ, സംവിധാനത്തിനുള്ള ജൂറി മെൻഷൻ എന്നിവ ലഭിച്ചു. കയറ്റത്തിന് മികച്ച ഛായാഗ്രഹണം , മികച്ച കളർ കറക്ഷൻ എന്നിവയ്ക്ക് അവാർഡ് ലഭിച്ചു. വഴക്കിനും മികച്ച ഛായാഗ്രഹണം, കളർ കറക്ഷൻ, ബാലതാരം, വിഷ്വൽ ഇഫക്ട്സ് എന്നിവയ്ക്ക് അവാർഡ് ലഭിച്ചു. അതുകൊണ്ടുതന്നെ ചവറു സിനിമകളായതുകൊണ്ടാണ് പുറത്തിറങ്ങാത്തത് എന്ന വ്യാഖ്യാനങ്ങൾ ചെലവാകുന്നതല്ല. എനിക്ക് ഭ്രാന്താണ് തുടങ്ങിയ ജല്പനങ്ങൾ ഇനിയും നടത്തിക്കൊണ്ടിരിക്കുന്നതിലും അർത്ഥമില്ല. പൂർത്തിയാകുന്ന എല്ലാ സിനിമകളും വെളിച്ചം കാണുന്ന പുതിയകാലത്ത് എന്തുകൊണ്ട് സനൽ കുമാർ ശശിധരന്റെ സിനിമകൾ മാത്രം പുറത്തിറങ്ങുന്നില്ല എന്നതിന് പുതിയ വ്യാഖ്യാനങ്ങൾ കണ്ടെത്തേണ്ടിവരും. ഈ മൂന്ന് സിനിമകളും ചെയ്യാൻ താരങ്ങൾ എന്നറിയപ്പെടുന്ന ഇവരുടെ ആരുടേയും പിന്നാലെ ഞാൻ പോയതല്ല. എന്റെയൊപ്പം സിനിമ ചെയ്യാൻ ആഗ്രഹമുണ്ടെന്ന് പറഞ്ഞുകൊണ്ട് എന്നെ സമീപിക്കുകയായിരുന്നു ഇവരെല്ലാം.

ജോജുവും ടോവിനോയും സ്ത്രീകൾ ആയിരുന്നെങ്കിൽ ഞാൻ അവരെ ഭോഗിക്കാൻ ശ്രമിച്ചതുകൊണ്ടാണ് സിനിമകൾ അവർ പുറത്തിറക്കാത്തത് എന്ന് സിൽബന്ധികൾക്ക് പറയാമായിരുന്നു. അത് സാധ്യമല്ലാത്തതുകൊണ്ടാണ് സിനിമ ചവറാണ് എനിക്ക് പ്രാന്താണ് എന്നൊക്കെയുള്ള ജല്പനങ്ങൾ.സത്യത്തിൽ പുറത്തിറങ്ങാത്തതായി നാലാമതൊരു സിനിമ കൂടിയുണ്ട്. ചോലയുടെ തമിഴ് പതിപ്പായ “അല്ലി” ആയിരുന്നു അത്. ഒരു സിനിമയും വെറുതെ ഉണ്ടായി വരുന്നതല്ല. എല്ലാത്തിനും പിന്നിൽ നിരവധി മനുഷ്യരുടെ വിയർപ്പുണ്ട്. കാർത്തിക് സുബ്ബരാജിന്റെ സ്റ്റോൺ ബഞ്ച് പ്രൊഡക്ഷന് കൂടി നിർമാണ പങ്കാളിത്തമുള്ള സിനിമയുടെ മുഴുവൻ ജോലികളും തീർത്തശേഷം അതിന്റെ പ്രിന്റ്റുകൾ എല്ലാം ഞാൻ അറിയാതെ ജോജു ജോർജ്ജ് പണം കൊടുത്തു വാങ്ങിക്കൊണ്ടുപോയി എന്നാണറിഞ്ഞത്. അതിനുവേണ്ടി പണിയെടുത്ത എനിക്ക് ഒരു ചില്ലിക്കാശും തന്നുമില്ല.എനിക്ക് ഭ്രാന്തായെന്നും എന്റെ കഥ കഴിഞ്ഞെന്നും പറഞ്ഞുപരത്തി എന്നെ ഇല്ലാതാക്കി കഴിഞ്ഞാൽ ഇതൊന്നും ചോദിക്കാനും പറയാനും ആരും ഉണ്ടാകില്ല എന്ന അമിതമായ ആത്മവിശ്വാസമായിരുന്നു എന്റെ സിനിമകളോട് ഇത്രയും നീചമായ പ്രവർത്തികൾ ചെയ്യാൻ ഇവർക്കൊക്കെ ധൈര്യം നൽകിയത്.

ആരും ശബ്ദമുയർത്താനുണ്ടാകില്ല എന്നതിന്റെ ഉറപ്പിൽ എന്നെ കുഴിച്ചുമൂടാമെന്ന മോഹം നല്ലതുതന്നെ. പക്ഷെ ചോദ്യങ്ങൾ ഞാൻ മരിച്ചാലും അവസാനിക്കില്ല സുഹൃത്തുക്കളെ. ഒരുപക്ഷെ മരിച്ചാലാവും അവയൊക്കെ നിങ്ങളുടെ കുത്തിനുപിടിക്കാൻ ഒരുമിച്ചു വരുന്നത്.അതൊക്കെ അവിടെ നിൽക്കട്ടെ എനിക്ക് നിങ്ങളോട് ചോദിക്കാനുള്ളത് ഒരു ലളിതമായ ചോദ്യം മാത്രം. കച്ചവടമോഹങ്ങൾ ഒന്നുമില്ലാത്ത സത്യം മാത്രമുള്ളതെന്ന് നിങ്ങൾക്കും ഉറപ്പുള്ള സിനിമയോട് ഇത്രയും അനീതികൾ ചെയ്തിട്ട് സിനിമയുടെ വെള്ളിവെളിച്ചത്തിലിരുന്ന് സിനിമ നൽകുന്ന അന്നം കഴിക്കുമ്പോൾ നിങ്ങൾക്ക് ലജ്ജ തോന്നാറില്ലേ?

The post ടൊവിനോ തോമസിനും ജോജു ജോർജിനുമെതിരെ ഗുരുതര ആരോപണവുമായി സംവിധായകൻ appeared first on Starvision News Malayalam.

തൃശ്ശൂര്‍: നടന്‍ ടൊവിനോ തോമസിനൊപ്പമുള്ള തിരഞ്ഞെടുപ്പ് പ്രചാരണ പോസ്റ്റ് ഫെയ്‌സ്ബുക്കില്‍ നിന്ന് പിന്‍വലിച്ച് തൃശ്ശൂരിലെ എല്‍ഡിഎഫ് സ്ഥാനാര്‍ഥി വി.എസ്.സുനില്‍കുമാര്‍. തന്റെ ഫോട്ടോ തിരഞ്ഞെടുപ്പ് പ്രചാരണത്തിന് ഉപയോഗിക്കരുതെന്നാവശ്യപ്പെട്ട് നടന്‍ പ്രതികരണം നടത്തിയതിന് പിന്നാലെയാണ് സുനില്‍കുമാര്‍ പോസ്റ്റ് പിന്‍വലിച്ചത്. ‘എന്റെ ഫോട്ടോയോ എന്നോടൊപ്പമുള്ള ഫോട്ടോയോ തിരഞ്ഞെടുപ്പ് പ്രചാരണത്തിന് ഉപയോഗിക്കുന്നത് നിയമ വിരുദ്ധമാണ്. കേരള തിരഞ്ഞെടുപ്പ് കമ്മീഷന്റെ സിസ്റ്റമാറ്റിക് വോട്ടേഴ്‌സ് എജ്യുക്കേഷന്‍ ആന്റ് ഇലക്ടറല്‍ പാര്‍ട്ടിസിപ്പേഷന്‍ (എസ്.വി.ഇ.ഇ.പി) അംബാസ്സഡര്‍ ആണ് ഞാന്‍’ ഇതായിരുന്നു ടൊവിനോ സാമൂഹിക മാധ്യമങ്ങളിലൂടെ നടത്തിയ പ്രതികരണം.

ആരെങ്കിലും തന്റെ ഫോട്ടോ ഉപയോഗിക്കുന്നുണ്ടെങ്കില്‍ അത് തന്റെ അറിവോടെയോ സമ്മതത്തോടെയോ അല്ലെന്നും ടൊവിനോ പറഞ്ഞു. ഏവര്‍ക്കും നിഷ്പക്ഷവും നീതിയുക്തവും ആയ തിരഞ്ഞെടുപ്പ് ആശംസിക്കുന്നു. എല്ലാ ലോക്‌സഭാ സ്ഥാനാര്‍ഥികള്‍ക്കും ആശംസകളെന്നും ടൊവിനോ കൂട്ടിച്ചേര്‍ത്തു.

സിനിമാ ലൊക്കേഷനിലെത്തി ടൊവിനോയെ കണ്ട ശേഷമായിരുന്നു സുനില്‍കുമാര്‍ അദ്ദേഹത്തിനൊപ്പം നില്‍ക്കുന്ന ചിത്രമുള്‍പ്പടെയുള്ള പോസ്റ്റിട്ടത്. ഇരുവരും തമ്മിലുള്ള സൗഹൃദത്തെക്കുറിച്ചായിരുന്നു കുറിപ്പ്. വിജയാശംസകള്‍ നേര്‍ന്നാണ് ടൊവിനോ യാത്രയാക്കിയതെന്നും പ്രിയ സുഹൃത്തിന്റെ സ്‌നേഹത്തിന് നന്ദിയെന്നും സുനില്‍ കുമാര്‍ കുറിച്ചിരുന്നു. സുനില്‍കുമാര്‍ പോസ്റ്റ് നീക്കം ചെയ്‌തെങ്കിലും ഇടത് പ്രൊഫൈലുകളില്‍ ഈ ചിത്രം ഇപ്പോഴും പ്രചരിക്കുന്നുണ്ട്.

The post പ്രചാരണത്തിന് തന്റെ ഫോട്ടോ ഉപയോഗിക്കരുത്; ടൊവിനോയുടെ പ്രതികരണത്തിന് പിന്നാലെ വി.എസ് സുനില്‍ കുമാര്‍ പോസ്റ്റ് പിന്‍വലിച്ചു appeared first on Starvision News Malayalam.

അഭിനയ മികവിനുള്ള അന്തര്‍ദേശീയ പുരസ്‍കാരത്തിന് അര്‍ഹനായി ടൊവിനോ തോമസ്. നെതര്‍ലന്‍ഡ്‍സിലെ ആംസ്റ്റര്‍ഡാമില്‍ നിന്നുള്ള സെപ്റ്റിമിയസ് അവാര്‍ഡ്സില്‍ മികച്ച ഏഷ്യന്‍ നടനുള്ള പുരസ്കാരമാണ് ടൊവിനോ സ്വന്തമാക്കിയിരിക്കുന്നത്. കേരളത്തിന്‍റെ പ്രളയം പശ്ചാത്തലമാക്കിയ 2018 എന്ന ചിത്രത്തിലെ പ്രകടനമാണ് ടൊവിനോയെ പുരസ്കാരത്തിന് അര്‍ഹനാക്കിയത്. ഇന്ത്യയില്‍ നിന്ന് മറ്റൊരു നടന്‍ മാത്രമാണ് മികച്ച ഏഷ്യന്‍ നടനുള്ള നോമിനേഷനില്‍ ടൊവിനോയ്ക്കൊപ്പം ഇടംപിടിച്ചിരുന്നത്. യുട്യൂബര്‍ കൂടിയായ ഭുവന്‍ ബാം ആയിരുന്നു അത്. തെന്നിന്ത്യയില്‍ നിന്നുള്ള ഒരു അഭിനേതാവിന് ആദ്യമായാണ് ഈ പുരസ്കാരം ലഭിക്കുന്നത്.

ഒരിക്കലും വീഴാതിരിക്കുന്നതിലല്ല നമ്മുടെ മഹത്വം. മരിച്ച് വീണുപോകുന്ന ഓരോ തവണയും ഉയര്‍ത്തെഴുന്നേല്‍ക്കുന്നതിലാണ്. 2018 ല്‍ അപ്രതീക്ഷിതമായെത്തിയ പ്രളയം നമ്മുടെ വാതിലുകളില്‍ മുട്ടിയപ്പോള്‍ കേരളം വീഴാന്‍ തുടങ്ങിയതാണ്. പക്ഷേ നമ്മളെന്താണെന്ന് പിന്നീട് ലോകം കണ്ടു. മികച്ച ഏഷ്യന്‍ നടനായി എന്നെ തെരഞ്ഞെടുത്തതിന് സെപ്റ്റിമിയസ് അവാര്‍ഡ്‍സിന് നന്ദി. ഇത് എപ്പോഴും എന്‍റെ ഹൃദയത്തോട് ചേര്‍ന്നിരിക്കും. 2018 എന്ന ചിത്രത്തിലെ പ്രകടനത്തിനാണ് ഈ നേട്ടം എന്നതാണ് ഈ പുരസ്കാരത്തെ പ്രത്യേകതയുള്ളതാക്കുന്നത്. ഈ പുരസ്കാരം കേരളത്തിനാണ്, പുരസ്കാരനേട്ടത്തിന്‍റെ സന്തോഷം സോഷ്യല്‍ മീഡിയയില്‍ ടൊവിനോ ഇങ്ങനെ പങ്കുവച്ചു.

മികച്ച നടന്‍, നടി, ചിത്രം എന്നീ വിഭാഗങ്ങളില്‍ ഓരോ ഭൂഖണ്ഡങ്ങളിലും പ്രത്യേകം വിജയികളെ കണ്ടെത്തുന്ന പുരസ്കാരമാണ് സെപ്റ്റിമിയസ് അവാര്‍ഡ്സ്. ഇറാഖി നടന്‍ വസിം ദിയ, സിംഗപ്പൂരില്‍ നിന്നുള്ള മാര്‍ക് ലീ, ഇറാനിയന്‍ നടന്‍ മൊഹ്സെന്‍ തനബന്ദേ, ഇന്തോനേഷ്യന്‍ നടന്‍ റിയോ ദേവാന്തോ, സൌദി നടന്‍ അസീസ് ബുഹൈസ്, യെമെനി നടന്‍ ഖാലിദ് ഹംദാന്‍ എന്നിവരെ പിന്തള്ളിയാണ് മികച്ച ഏഷ്യന്‍ നടനുള്ള പുരസ്കാരം ടൊവിനോ നേടിയിരിക്കുന്നത്. ജൂഡ് ആന്തണി ജോസഫ് സംവിധാനം ചെയ്ത 2018 എന്ന ചിത്രം മികച്ച ഏഷ്യന്‍ സിനിമയ്ക്കുള്ള നോമിനേഷനിലും ഇടംപിടിച്ചിരുന്നു. ബോക്സ് ഓഫീസിലും വലിയ വിജയം നേടിയ ചിത്രമായിരുന്നു 2018. മുന്‍ സൈനികനായ അനൂപ് എന്ന കഥാപാത്രത്തെയാണ് ടൊവിനോ ചിത്രത്തില്‍ അവതരിപ്പിച്ചത്.

The post ഏഷ്യയിലെ മികച്ച നടന്‍; പുരസ്‍കാര നേട്ടത്തില്‍ ടൊവിനോ appeared first on Starvision News Malayalam.

നീലവെളിച്ചത്തിൽ നേരത്തേ കുഞ്ചാക്കോ ബോബനും പൃഥ്വിരാജുമായിരുന്നു നായകൻമാർ. എന്നാൽ ഡേറ്റ് ക്ളാഷിനെ തുടർന്നാണ് മാറ്റം. വൈക്കം മുഹമ്മദ് ബഷീറിന്റെ നീലവെളിച്ചം എന്ന ചെറുകഥയെ ആസ്പദമാക്കി 1964 ൽ എ.വിൻസെന്റ് സംവിധാനം ചെയ്ത ചിത്രമാണ് ഭാർഗവി നിലയം. മലയാള സിനിമയിലെ മികച്ച മാസ്റ്റർ പീസുകളിലൊന്നാണ് ഭാർഗവിനിലയം. മലയാളത്തിലെ ആദ്യ ഹൊറർ ചിത്രവും. ഭാർഗവിനിലയത്തിന്റെ റീമേക്കാണ് നീലവെളിച്ചം.

മധുവും പ്രേം നസീറും അവതരിപ്പിച്ച വേഷങ്ങളിൽ ടൊവിനോ തോമസും ആസിഫ് അലിയും എത്തുന്നുവെന്നാണ് വിവരം. സൗബിൻ ഷാഹിർ, റിമ കല്ലിംഗൽ എന്നിവരും താരനിരയിലുണ്ടാവും. വൻതാരനിര തന്നെ ചിത്രത്തിൽ അണിനിരക്കുന്നുണ്ട്. ഏപ്രിലിൽ കണ്ണൂരിൽ നീലവെളിച്ചത്തിന്റെ ഷൂട്ടിംഗ് ആരംഭിക്കും.

The post ആഷിഖ് അബുവിന്റെ നീലവെളിച്ചത്തിൽ ടൊവിനോയും ആസിഫ് അലിയും appeared first on Starvision News Malayalam.

ഡ്രാമ വിഭാഗത്തില്‍ പെടുന്ന ചിത്രത്തില്‍ മൈക്കിള്‍ എന്ന കഥാപാത്രത്തെയാണ് മമ്മൂട്ടി അവതരിപ്പിക്കുന്നത്. തമിഴ് ചിത്രമായ ഹേ സിനാമിക നൂറോളം സ്ക്രീനുകളിലാണ് പ്രദര്‍ശിപ്പിക്കുന്നത്. പ്രീത ജയരാമനാണ് ചിത്രത്തിന്റെ ഛായാഗ്രാഹണം നിര്‍വഹിക്കുന്നത്. മമ്മൂട്ടിയും മകന്‍ ദുല്‍ഖറും ഇതുവരെയും ഒരുചിത്രത്തില്‍ അഭിനയിച്ചിട്ടില്ല. മാത്രമല്ല ഇരുവരും നായകന്മാരായി എത്തുന്ന ചിത്രം ഒരേ സമയത്ത് റിലീസ് ചെയ്തിട്ടുമില്ല. അതുകൊണ്ട് തന്നെ ബോക്സോഫീസിലെ അച്ഛന്‍ മകന്‍ പോരാട്ടത്തെ ഏറെ കൌതുകത്തോടെയാണ് ആരാധകര്‍ നോക്കിക്കാണുന്നത്. സമൂഹമാധ്യമങ്ങളിലും ഇരുചിത്രങ്ങള്‍ക്ക് വേണ്ടിയും ചേരി തിരഞ്ഞുള്ള പ്രചാരണവും സജീവമാണ്.

മായാനദിക്ക് ശേഷം ആഷിഖ് അബു – ടൊവിനോ തോമസ് കൂട്ടുകെട്ടിലാണ് നാരദന്‍ എത്തുന്നത്. സമകാലിക ഇന്ത്യയിലെ മാധ്യമ ലോകത്തെ അടിസ്ഥാനമാക്കിയാണ് നാരദന്‍ ഒരുക്കിയിരിക്കുന്നത്. ഉണ്ണി ആര്‍ ആണ് ചിത്രത്തിന്റെ കഥയും തിരക്കഥയും സംഭാഷണവും ഒരുക്കിയിരിക്കുന്നത്. ട്രെയിലർ പുറത്തിറങ്ങിയതോടെ ടൊവിനോ ഡബിള്‍ റോളിലാണോ ചിത്രത്തില്‍ എത്തുന്ന സംശയത്തിലാണ് ആരാധകരുള്ളത്. ഒരു പൊളിറ്റിക്കല്‍ ത്രില്ലറിന്റെ സ്വഭാവമുള്ള ചിത്രമായിരിക്കും നാരദന്‍ എന്നാണ് ട്രെയിലർ തരുന്ന സൂചന.

The post ഒരേ ദിനം മൂന്ന്‌ വമ്പന്‍ ചിത്രങ്ങള്‍; തിയറ്ററുകളില്‍ ഏറ്റുമുട്ടാന്‍ മമ്മൂട്ടിയും ദുല്‍ഖറും ടൊവിനോയും appeared first on Starvision News Malayalam.

ഗോദയ്ക്കു ശേഷം ടൊവിനോയെ നായകനാക്കി ബേസിൽ സംവിധാനം ചെയ്യുന്ന രണ്ടാമത്തെ ചിത്രമാണ് മിന്നൽ മുരളി. സ്നേഹ ബാബു, അജു വർഗീസ്, ഹരിശ്രീ അശോകൻ, ബൈജു സന്തോഷ് തുടങ്ങിയവരും ചിത്രത്തിൽ വേഷമിടുന്നു. സോഫിയ പോൾ ആണ് ചിത്രം നിർമിക്കുന്നത്. ജസ്റ്റിൻ മാത്യു, അരുൺ എന്നിവർ ചേർന്ന് തിരക്കഥയൊരുക്കുന്ന ചിത്രത്തിന്റെ ഛായാ​ഗ്രഹണം സമീർ താഹിറാണ്. ഷാൻ റഹ്മാനാണ് സം​ഗീതം.

മലയാളം, ഹിന്ദി, കന്നഡ, തമിഴ്, തെലുങ്ക് ഭാഷകളിൽ ചിത്രം പുറത്തിറങ്ങും. മലയാളം തമിഴ് ഭാഷകളിൽ മിന്നൽമുരളി, ഹിന്ദിയിൽ മിസ്റ്റർ മുരളി, തെലുങ്കിൽ മെരുപ്പ് മുരളി, കന്നഡയിൽ മിഞ്ചു മുരളി എന്നിങ്ങനെയാണ് ടൈറ്റിലുകൾ.

The post ടൊവിനോ ചിത്രം ‘മിന്നൽ മുരളി’യുടെ റിലീസ് തീയതി പ്രഖ്യാപിച്ചു appeared first on Starvision News Malayalam.

മറ്റ് ചില യുവ താരങ്ങള്‍ക്കും നടിമാര്‍ക്കും വൈകാതെ ഗോള്‍ഡന്‍ വീസ ലഭിക്കുമെന്നാണ് റിപ്പോര്‍ട്ടുകള്‍. കലാപ്രതിഭകള്‍ക്ക് ഓഗസ്റ്റ് 30 മുതല്‍ ഗോള്‍ഡന്‍ വീസ അനുവദിക്കുമെന്ന് ദുബൈ കള്‍ച്ചര്‍ ആന്റ് സ്‍പോര്‍ട്സ് അതോറിറ്റി അറിയിച്ചിരുന്നു. ദുബായിലെ കൾച്ചറൽ വിസ ഇത്തരത്തിലുള്ള ലോകത്തിലെ ആദ്യത്തേതാണ്. അൽ ക്വോസ് ക്രിയേറ്റീവ് സോൺ വികസന പദ്ധതിയുടെ ഭാഗമായാണ് കൾച്ചറൽ വിസ ആരംഭിക്കുന്നത്.

The post നടന്‍ ടൊവിനോ തോമസ് യുഎഇ ഗോള്‍ഡന്‍ വിസ സ്വീകരിച്ചു appeared first on Starvision News Malayalam.

മിഡിൽ ഈസ്റ്റ് ഹോസ്‌പിറ്റൽ ചികിത്സക്കായി www.membh.com ക്ലിക്ക് ചെയ്യുക

ജാഫർ സാദിഖ് ആണ് ക്യാമറ കൈകാര്യം ചെയ്യുക. സൈജു ശ്രീധരൻ എഡിറ്റിംഗ് നിർവഹിക്കും. ശേഖർ മേനോൻ സംഗീത സംവിധാനം. ഗോകുൽ ദാസ് ആർട്ട്. മാഷർ ഹംസയാണ് കോസ്റ്റിയൂംസ്. റോണക്‌സ് സേവ്യർ മേക്കപ്പ്. അടുത്ത വർഷം ജനുവരിൽ ചിത്രീകരണം തുടങ്ങി വിഷു റിലീസായി ചിത്രം റിലീസ് ചെയ്യുമെന്നാണ് വിവരം.

മായാനദി, വൈറസ് എന്നീ ചിത്രങ്ങൾക്കു ശേഷമാണ് ആഷിഖ് അബുവും ഉണ്ണി ആറും ഒരുമിക്കുന്നത്. കുമ്പളങ്ങി നൈറ്റ്സിനു ശേഷമാണ് ഉണ്ണി ആറിൻ്റെ രചനയിൽ അന്ന ബെൻ അഭിനയിക്കുക.

The post ടൊവിനോയും അന്ന ബെന്നും കേന്ദ്ര കഥാപാത്രങ്ങളാവുന്ന ‘നാരദൻ’ appeared first on Starvision News Malayalam.