തിരുവനന്തപുരം: വിനോദസഞ്ചാരമേഖലകളിലെ ത്രീ സ്റ്റാറോ അതിനു മുകളിലോ ക്ലാസിഫിക്കേഷനുള്ള റെസ്റ്റോറന്റുകളില്‍ കള്ളുഷാപ്പ് തുടങ്ങാന്‍ അനുവദിച്ച് പുതിയ മദ്യനയം. ഇവിടെ കള്ളു വ്യവസായ വികസന ബോര്‍ഡിന്റെ നേതൃത്വത്തില്‍ ടോഡി പാര്‍ലര്‍ തുടങ്ങാം. സംസ്ഥാന ടൂറിസം വകുപ്പാണു റെസ്റ്റോറന്റുകള്‍ക്കു ക്ലാസിഫിക്കേഷന്‍ നല്‍കുന്നത്. ഇതും വിനോദസഞ്ചാര മേഖലയ്ക്ക് പ്രോത്സാഹനം നല്‍കുന്ന ഇളവുകളും അടക്കം നിരവധി മാറ്റങ്ങളുമായി 2025-26 സാമ്പത്തിക വര്‍ഷത്തെ മദ്യനയ ഉത്തരവായി.

കേന്ദ്ര ടൂറിസം മന്ത്രാലയം നല്‍കുന്ന ത്രീ സ്റ്റാര്‍ ക്ലാസിഫിക്കേഷനുള്ള ഹോട്ടലുകള്‍ക്കും വിനോദസഞ്ചാര മേഖലയിലെ റിസോര്‍ട്ടുകള്‍ക്കും പുറത്തുനിന്നു കള്ളെത്തിച്ചു വിളമ്പാനും അനുമതി നല്‍കി. ലീറ്ററിനു 2 രൂപ വീതം പെര്‍മിറ്റ് ഫീസ് നല്‍കണം. ത്രീ സ്റ്റാര്‍ ഹോട്ടലുകള്‍ക്കും റിസോര്‍ട്ടുകള്‍ക്കും അവരുടെ വളപ്പിലെ തെങ്ങു ചെത്തിയെടുക്കുന്ന കള്ള് അതിഥികള്‍ക്കു വിളമ്പാന്‍ കഴിഞ്ഞ മദ്യനയത്തില്‍ അനുമതി നല്‍കിയിരുന്നു. ഇതിന്റെ തുടര്‍ച്ചയായാണു പുറത്തുനിന്നു കള്ളെത്തിച്ചു വിളമ്പാനുള്ള അനുമതിയും നല്‍കിയത്. വിറ്റുപോകാത്ത കള്ളുഷാപ്പുകള്‍ കള്ളു വ്യവസായവികസന ബോര്‍ഡിനോ, കള്ളുഷാപ്പു തൊഴിലാളികളുടെ സഹകരണ സംഘത്തിനോ ഏറ്റെടുത്തു നടത്താവുന്നതാണ്.

മുന്‍വര്‍ഷങ്ങളിലെപോലെ ലഹരിക്കെതിരെ ബോധവല്‍ക്കരണത്തിന് പ്രത്യേക ഊന്നല്‍ നല്‍കിയാണ് ഈ വര്‍ഷത്തെ മദ്യനയവുമെന്ന് എക്‌സൈസ് മന്ത്രി എം ബി രാജേഷ് വാര്‍ത്താസമ്മേളനത്തില്‍ പറഞ്ഞു.ഘട്ടം ഘട്ടമായുള്ള മദ്യവര്‍ജനമെന്ന നയം തുടരും. മയക്കുമരുന്നും രാസലഹരിയും തടയാനുള്ള ഇടപെടലും മദ്യനയം മുന്നോട്ടുവയ്ക്കുന്നുവെന്നും മന്ത്രി എം ബി രാജേഷ് വ്യക്തമാക്കി.

The post ത്രീസ്റ്റാര്‍ റെസ്റ്റോറന്റുകളില്‍ കള്ളുഷാപ്പ് തുടങ്ങാം, അറിയാം കേരളത്തിന്റെ പുതിയ മദ്യനയം appeared first on Starvision News Malayalam.

മ​നാ​മ: അ​റ​ബ്​ ടൂ​റി​സം ത​ല​സ്ഥാ​നം 2024 ആ​യി മ​നാ​മ​യെ പ്ര​ഖ്യാ​പി​ച്ച സാ​ഹ​ച​ര്യ​ത്തി​ൽ കൂ​ടു​ത​ൽ പ്രാ​ധാ​ന്യം ടൂറി​സം മേ​ഖ​ലയ്​ക്ക്​ ന​ൽ​കേ​ണ്ട​തു​ണ്ടെ​ന്നും മ​ന്ത്രി​സ​ഭ യോ​ഗ​ത്തി​ൽ തീ​രു​മാ​നം വി​ല​യി​രു​ത്തി. അ​റ​ബ്​ ലീ​ഗ്​ രൂ​പ​വ​ത്​​ക​ര​ണ​ത്തി​​ന്റെ 75 വ​ർ​ഷം പൂ​ർ​ത്തി​യാ​ക്കു​ന്ന വേ​ള​യി​ൽ രൂ​പ​വ​ത്​​ക​ര​ണ ല​ക്ഷ്യം നേ​ടു​ന്ന​തി​ൽ ഏ​റെ മു​ന്നോ​ട്ടു പോ​യ​താ​യും അ​ഭി​പ്രാ​യ​​മു​യ​ർ​ന്നു.

ബ​ഹ്​​റൈ​നി​ലെ യു​വാ​ക്ക​ൾ രാ​ജ്യ​ത്തി​​ന്റെ വ​ള​ർ​ച്ച​യി​ലും വി​ക​സ​ന​ത്തി​ലും വ​ഹി​ക്കു​ന്ന പ​ങ്ക്​ വ​ലു​താ​ണെ​ന്ന്​ കാ​ബി​ന​റ്റ്​ അ​ഭി​​പ്രാ​യ​പ്പെ​ട്ടു. ഒ​രു​മ​യും ഐ​ക്യ​വും വി​വി​ധ അ​റ​ബ്​ രാ​ഷ്​​ട്ര​ങ്ങ​ൾ​ക്കി​ട​യി​ൽ വ​ർ​ധി​പ്പി​ക്കു​ന്ന​തി​നും അ​റ​ബ്​ ലീ​ഗ്​ ശ​ക്ത​മാ​യ പ​ങ്ക്​ വ​ഹി​ച്ച​താ​യി കാ​ബി​ന​റ്റ്​ വി​ല​യി​രു​ത്തി.

The post മ​നാ​മ അ​റ​ബ്​ ടൂ​റി​സം ത​ല​സ്ഥാ​നം: ടൂറി​സം മേ​ഖ​ലയ്​ക്ക്​ കൂ​ടു​ത​ൽ ശ്ര​ദ്ധ ന​ൽ​കാ​ൻ മ​ന്ത്രി​സ​ഭ യോ​ഗ​ത്തി​ൽ തീ​രു​മാ​നം appeared first on Starvision News Malayalam.

മനാമ: 2022-ന്റെ രണ്ടാം പാദത്തിൽ ബഹ്‌റൈനിലേക്കുള്ള സന്ദർശകരുടെ എണ്ണം ആദ്യ പാദത്തെ അപേക്ഷിച്ച് 38% വർധിച്ചതായി ഇൻഫർമേഷൻ ആൻഡ് ഇ-ഗവൺമെന്റ് അതോറിറ്റി (ഐജിഎ) പുറത്തുവിട്ട ഏറ്റവും പുതിയ സ്ഥിതിവിവരക്കണക്കുകൾ വ്യക്തമാക്കുന്നു. കോവിഡിന് മുമ്പുള്ള കാലഘട്ടവുമായി പ്രത്യേകിച്ചും, 2019 ലെ രണ്ടാം പാദവുമായി താരതമ്യപ്പെടുത്തുമ്പോൾ ടൂറിസം വീണ്ടെടുക്കൽ നിരക്ക് 82% ൽ എത്തിയതായി ടൂറിസം മന്ത്രാലയം വ്യക്തമാക്കി.

ബഹ്‌റൈനിലെ ഹോസ്പിറ്റാലിറ്റി, ഹോട്ടൽ മേഖലയിൽ ഈ വർഷം രണ്ടാം പാദത്തിൽ 29,73,000 വിനോദസഞ്ചാരരാത്രികൾ രേഖപ്പെടുത്തി. 2021 ലെ രണ്ടാം പാദത്തിലെ 5,69,000 ടൂറിസത്തെ അപേക്ഷിച്ച് 422% വർദ്ധനവ് ഉണ്ടായതായി മന്ത്രാലയം അറിയിച്ചു.

ഇതേ കാലയളവിലെ മൊത്തം ടൂറിസം വരുമാനം 330.4 മില്ല്യൺ ബഹ്‌റൈൻ ദിനാർ ആണ്. കഴിഞ്ഞ വർഷം ഇതേ കാലയളവിനെ അപേക്ഷിച്ച് 562% വർദ്ധനവ് രേഖപ്പെടുത്തി. കഴിഞ്ഞ വർഷം ഇതേ കാലയളവിലെ വരുമാന കണക്കുകൾ 49.9 ദശലക്ഷം ബഹ്‌റൈൻ ദിനാർ ആയിരുന്നു.

ബഹ്‌റൈൻ ടൂറിസം മേഖലയെ പ്രാദേശികമായും അന്തർദേശീയമായും പ്രോത്സാഹിപ്പിക്കുന്നതിന്റെ ഫലമാണ് ഈ വളർച്ചയെന്ന് ടൂറിസം മന്ത്രി ഫാത്തിമ ബിൻത് ജാഫർ അൽ സൈറാഫി പറഞ്ഞു. ദേശീയ സമ്പദ്‌വ്യവസ്ഥയെ പിന്തുണയ്ക്കുന്നതിൽ ഈ മേഖലയുടെ സുപ്രധാന പങ്ക് പുനഃസ്ഥാപിക്കേണ്ടതിന്റെ പ്രാധാന്യം മന്ത്രി എടുത്തുപറഞ്ഞു. 2022-2026 ബഹ്‌റൈന്റെ ടൂറിസം സ്ട്രാറ്റജി ഫലപ്രദമായി നടപ്പിലാക്കുന്നതിന്റെ ഭാഗമായി അതിന്റെ ഉറവിടങ്ങൾ വൈവിധ്യവത്കരിക്കുകയും തൊഴിലവസരങ്ങൾ സൃഷ്ടിക്കുകയും ചെയ്യുന്നു.

കോവിഡിന് ശേഷമുള്ള മേഖലയുടെ പൂർണമായ വീണ്ടെടുക്കലിലേക്ക് രാജ്യം ശരിയായ പാതയിലാണ് നീങ്ങുന്നതെന്ന് സ്ഥിതിവിവരക്കണക്കുകൾ തെളിയിക്കുന്നു. വിനോദസഞ്ചാരത്തിന്റെയും ലോകമെമ്പാടുമുള്ള യാത്രയുടെയും നിയന്ത്രണങ്ങൾ ഏതാണ്ട് പൂർണ്ണമായി എടുത്തുകളഞ്ഞതിനൊപ്പം, സ്വകാര്യ ടൂറിസം മേഖലയുമായി സഹകരിച്ച് അതോറിറ്റി സംഘടിപ്പിക്കുന്ന നിലവിലുള്ളതും ഭാവിയിലെതുമായ പരിപാടികൾക്കൊപ്പം ഹോട്ടൽ രാത്രികളുടെ എണ്ണവും താമസ നിരക്കും വിനോദസഞ്ചാരികളുടെ എണ്ണത്തിൽ ക്രമാനുഗതമായ വർദ്ധനവ് രേഖപ്പെടുത്താൻ ടൂറിസം മേഖലയെ സഹായിച്ചു.

The post ബഹ്‌റൈനിൽ വിനോദസഞ്ചാരികളുടെ വരവിൽ 38% വർധന രേഖപ്പെടുത്തി appeared first on Starvision News Malayalam.

2022 ജ​നു​വ​രി മു​ത​ൽ മാ​ർ​ച്ച്​ വ​രെ​യു​ള്ള കാ​ല​യ​ള​വി​ൽ ഏ​ക​ദേ​ശം 17 ല​ക്ഷം സ​ന്ദ​ർ​ശ​ക​രാ​ണ്​ രാ​ജ്യ​ത്തെ​ത്തി​യ​തെ​ന്ന്​ ക​ണ​ക്കു​ക​ൾ പ​റ​യു​ന്നു. 2021 ൽ ഇ​തേ കാ​ല​യ​ള​വി​ൽ കേ​വ​ലം 1.52 ല​ക്ഷം സ​ന്ദ​ർ​ശ​ക​രെ​ത്തി​യ സ്ഥാ​ന​ത്താ​ണ്​ ഈ ​വ​ള​ർ​ച്ച കൈവരിച്ചിരിക്കുന്നത്.

വി​നോ​ദ സ​ഞ്ചാ​ര​ത്തി​ൽ​നി​ന്നു​ള്ള വ​രു​മാ​ന​ത്തി​ലും വ​ൻ കു​തി​ച്ചു​ക​യ​റ്റ​മാ​ണു​ണ്ടാ​യ​ത്. ബ​ഹ്‌​റൈ​ൻ ടൂ​റി​സം ആ​ൻ​ഡ് എ​ക്‌​സി​ബി​ഷ​ൻ അ​തോ​റി​റ്റി​യു​ടെ ക​ണ​ക്കു​ക​ൾ പ്ര​കാ​രം ഈ ​വ​ർ​ഷം ആ​ദ്യ​പാ​ദ​ത്തി​ൽ ടൂ​റി​സം വ​രു​മാ​ന​ത്തി​ൽ 875 ശ​ത​മാ​നം വ​ള​ർ​ച്ച​യു​ണ്ടാ​യി. ക​ഴി​ഞ്ഞ വ​ർ​ഷ​ത്തെ മൂ​ന്ന്​ കോ​ടി ബഹ്‌റൈൻ ദിനാ​റി​ൽ​നി​ന്ന്​ ടൂ​റി​സം വ​രു​മാ​നം 29.2 കോ​ടി ദീ​നാ​റാ​യാ​ണ്​ വ​ർ​ധി​ച്ച​ത്.

സൗദിയിൽ നിന്നുള്ള കി​ങ്​ ഫ​ഹ​ദ്​ കോ​സ്​​വേ വ​ഴി​യാ​ണ്​ ഏ​റ്റ​വും കൂ​ടു​ത​ൽ വി​നോ​ദ സ​ഞ്ചാ​രി​ക​ൾ രാ​ജ്യ​ത്തെ​ത്തി​യ​ത്. ആ​ദ്യ മൂന്ന് മാസങ്ങളിൽ മാത്രം 14.83 ല​ക്ഷ​ത്തി​ല​ധി​കം വി​നോ​ദ​സ​ഞ്ചാ​രി​ക​ൾ കോ​സ്‌​വേ​ വഴി ബ​ഹ്‌​റൈ​നി​ലെ​ത്തി. ക​ഴി​ഞ്ഞ വ​ർ​ഷം ഇ​തേ കാ​ല​യ​ള​വി​ൽ ഇ​തു​വ​ഴി​യു​ള്ള സ​ഞ്ചാ​രി​ക​ളു​ടെ എ​ണ്ണം 84,000 ആ​യി​രു​ന്നു. കോ​സ്​​വേ വ​ഴി​യു​ള്ള സ​ഞ്ചാ​രി​ക​ളു​ടെ എ​ണ്ണ​ത്തി​ൽ 1666 ശ​ത​മാ​നം വ​ർ​ധ​ന​വാ​ണു​ണ്ടാ​യ​ത്.

ബ​ഹ്‌​റൈ​ൻ ഇ​ന്‍റ​ർ​നാ​ഷ​ന​ൽ എ​യ​ർ​പോ​ർ​ട്ട് വ​ഴി എ​ത്തു​ന്ന വി​നോ​ദ​സ​ഞ്ചാ​രി​ക​ളു​ടെ എ​ണ്ണ​ത്തി​ൽ 147 ശ​ത​മാ​നം വ​ർ​ധ​ന​യു​ണ്ടാ​യി. ക​ഴി​ഞ്ഞ വ​ർ​ഷം ആ​ദ്യ​പാ​ദ​ത്തി​ൽ 67,000 വി​നോ​ദ സ​ഞ്ചാ​രി​ക​ൾ എ​ത്തി​യ സ്ഥാ​ന​ത്ത്​ ഈ ​വ​ർ​ഷം 1,66,000 വി​നോ​ദ​സ​ഞ്ചാ​രി​ക​ളാ​ണെ​ത്തി​യ​ത്.

ഹോ​ട്ട​ലു​ക​ൾ, അ​പ്പാ​ർ​ട്മെ​ന്‍റു​ക​ൾ, റ​സ്റ്റാ​റ​ന്‍റു​ക​ൾ, ടൂ​ർ ക​മ്പ​നി​ക​ൾ തു​ട​ങ്ങി​യ ലൈ​സ​ൻ​സു​ള്ള വി​നോ​ദ സ​ഞ്ചാ​ര​കേ​ന്ദ്ര​ങ്ങ​ളു​ടെ എ​ണ്ണം 721ൽ ​നി​ന്ന് 922 ആ​യി ഉ​യ​ർ​ന്നു. വി​നോ​ദ സ​ഞ്ചാ​രി​ക​ൾ ബ​ഹ്​​റൈ​നി​ൽ ത​ങ്ങു​ന്ന ശ​രാ​ശ​രി രാ​ത്രി​ക​ളു​ടെ എ​ണ്ണം 3.41 ല​ക്ഷ​ത്തി​ൽ നി​ന്ന് 29 ല​ക്ഷ​ത്തി​ല​ധി​ക​മാ​യും വ​ർ​ധി​ച്ചു.

സാ​മ്പ​ത്തി​ക പു​ന​രു​ദ്ധാ​ര​ണ പ​ദ്ധ​തി​ക​ളു​ടെ ഭാ​ഗ​മാ​യി ന​ട​ത്തു​ന്ന സം​രം​ഭ​ങ്ങ​ളു​ടെ വി​ജ​യ​മാ​ണ്​ ടൂ​റി​സം മേ​ഖ​ല​യി​ലെ വ​ള​ർ​ച്ച സൂ​ചി​പ്പി​ക്കു​ന്ന​തെ​ന്ന്​ ബ​ഹ്‌​റൈ​ൻ ടൂ​റി​സം ആ​ൻ​ഡ് എ​ക്‌​സി​ബി​ഷ​ൻ അ​തോ​റി​റ്റി സി.​ഇ.​ഒ ഡോ. ​നാ​സ​ർ ഖാ​ഇ​ദി പ​റ​ഞ്ഞു.

ഫോ​ർ​മു​ല വ​ൺ കാ​റോ​ട്ട മ​ത്സ​രം, ര​ണ്ടാ​ഴ്ച​യ്ക്കി​ടെ 1,75,000 സ​ന്ദ​ർ​ശ​ക​രെ ആ​ക​ർ​ഷി​ച്ച ബ​ഹ്‌​റൈ​ൻ ഫു​ഡ് ഫെ​സ്റ്റി​വ​ൽ, 180 സ്​​റ്റോ​റു​ക​ളി​ലൂ​ടെ 11 ല​ക്ഷം ദീ​നാ​റി​​​ന്റെ വി​ൽ​പ​ന ന​ട​ന്ന മ​നാ​മ ഗോ​ൾ​ഡ് ഫെ​സ്റ്റി​വ​ൽ എ​ന്നി​വ​യു​ൾ​പ്പെ​ടെ ബ​ഹ്​​റൈ​നി​ൽ ന​ട​ന്ന പ്ര​ധാ​ന വി​നോ​ദ​സ​ഞ്ചാ​ര, വി​നോ​ദ പ​രി​പാ​ടി​ക​ളും വി​നോ​ദ സ​ഞ്ചാ​രി​ക​ളെ ആ​ക​ർ​ഷി​ക്കു​ന്ന​തി​ൽ മു​ഖ്യ പ​ങ്ക്​ വ​ഹി​ച്ചു.

ബ​ഹ്​​റൈ​നി​ലേ​ക്കു​ള്ള വി​നോ​ദ സ​ഞ്ചാ​രി​ക​ളെ പ്രോ​ത്സാ​ഹി​പ്പി​ക്കാ​ൻ നി​ര​വ​ധി പ​രി​പാ​ടി​ക​ളാ​ണ്​ അ​തോ​റി​റ്റി ആ​വി​ഷ്ക​രി​ച്ചി​ട്ടു​ള്ള​ത്. അ​ടു​ത്തി​ടെ ഇ​സ്രാ​യേ​ൽ, ഈ​ജി​പ്ത്, തു​ർ​ക്കി​യ, സ്പെ​യി​ൻ, ഇ​റ്റ​ലി തു​ട​ങ്ങി​യ രാ​ജ്യ​ങ്ങ​ളി​ലെ ടൂ​ർ ഓ​പ​റേ​റ്റ​ർ​മാ​രു​മാ​യി 75 ക​രാ​റു​ക​ളി​ൽ ഒ​പ്പു​വെ​ച്ചി​രു​ന്നു. വി​നോ​ദ സ​ഞ്ചാ​രി​ക​ൾ​ക്ക്​ മാ​ർ​ഗ​നി​ർ​ദേ​ശം ന​ൽ​കാ​ൻ വി​മാ​ന​ത്താ​വ​ള​ത്തി​ൽ അ​തോ​റി​റ്റി​യു​ടെ ഓ​ഫി​സ്​ പ്ര​വ​ർ​ത്ത​ന​മാ​രം​ഭി​ച്ചി​ട്ടു​മു​ണ്ട്.

The post ബഹ്‌റൈന്റെ ടൂറിസം മേഖലയിൽ വൻ കുതിപ്പ് appeared first on Starvision News Malayalam.

ടൂറിസം അതിജീവന പദ്ധതിയുടെ ഭാഗമായാണ് സംസ്ഥാനത്തെ മുഴുവന്‍ ഡെസ്റ്റിനേഷനുകളും പൂര്‍ണമായി വാക്‌സിനേറ്റ് ചെയ്യാന്‍ സര്‍ക്കാര്‍ തീരുമാനിച്ചതെന്ന് മന്ത്രി പറഞ്ഞു. കോവിഡ് വ്യാപനം ഏറ്റവുമധികം ദോഷകരമായി ബാധിച്ച ടൂറിസം മേഖലയുടെ കുതിപ്പിനും ആത്മവിശ്വാസം വീണ്ടെടുക്കുന്നതിനും ഇതാവശ്യമാണ്. ഇക്കാര്യത്തില്‍ ആരോഗ്യ മന്ത്രി വീണ ജോര്‍ജ് പൂര്‍ണ പിന്തുണയാണ് നല്‍കിയത്. ആദ്യഘട്ടത്തില്‍ വയനാട് ജില്ലയിലെ വൈത്തിരി, മേപ്പാടി ഗ്രാമപഞ്ചായത്തുകളിലാണ് സമ്പൂര്‍ണ വാക്‌സിനേഷന്‍ പദ്ധതി നടപ്പാക്കുന്നത്. തുടര്‍ന്ന് സംസ്ഥാന പ്രധാനപ്പെട്ട മുഴുവന്‍ വിനോദ സഞ്ചാര മേഖലയിലേക്കും ഇത് വ്യാപിപ്പിക്കും. മന്ത്രി പറഞ്ഞു.

വൈത്തിരി ഗ്രാമപഞ്ചായത്തിലെ 14 വാര്‍ഡുകളിലായി ആദ്യ ഡോസ് വാക്സിന്‍ ഇതുവരെ സ്വീകരിച്ചിട്ടില്ലാത്ത 3680 പേര്‍ക്കാണ് അഞ്ച് ദിവസങ്ങളിലായി വാക്സിന്‍ നല്‍കുന്നത്. ചേലോട് എച്ച്.ഐ.എം.യു.പി സ്‌കൂള്‍, ചുണ്ടേല്‍ ആര്‍.സി.എല്‍.പി സ്‌കൂള്‍ എന്നീ രണ്ട് വാക്സിനേഷന്‍ കേന്ദ്രങ്ങളാണ് പഞ്ചായത്തില്‍ ഇതിനായി സജ്ജീകരിച്ചിട്ടുള്ളത്. ഇതോടെ സംസ്ഥാനത്തെ സമ്പൂര്‍ണ്ണ വാക്സിനേഷന്‍ നേടുന്ന ആദ്യ ഗ്രാമ പഞ്ചായത്തായി വൈത്തിരി മാറും.

സന്നദ്ധ സംഘടനയായ ഡോക്ടേഴ്‌സ് ഫോര്‍ യൂ വിദഗ്ധ ഡോക്ടര്‍മാരും സ്റ്റാഫുമടങ്ങുന്ന മൂന്ന് മൊബൈല്‍ വാക്‌സിനേഷന്‍ യൂണിറ്റുകളെ ഇതിനായി അനുവദിച്ചിട്ടുണ്ട്. പള്‍സ് എമര്‍ജന്‍സി ടീം കേരളയുടെ സന്നദ്ധ പ്രവര്‍ത്തകരും , വയനാട് ടൂറിസം ഓര്‍ഗനൈസേഷനും (ഡബ്ലിയു.ടി ഒയും) പദ്ധതിയുമായി സഹകരിക്കുന്നുണ്ട്.

ഉദ്ഘാടന പരിപാടിയില്‍ ജില്ലാ കളക്ടര്‍ ഡോ. അദീല അബ്ദുള്ള, വൈത്തിരി ഗ്രാമപഞ്ചായത്ത് പ്രസിഡന്റ് വി.എം. വിജേഷ്, വൈസ് പ്രസിഡന്റ് ഉഷാ ജ്യോതിദാസ്, ജില്ലാ മെഡിക്കല്‍ ഓഫീസര്‍ ഡോ. ആര്‍. രേണുക, ടൂറിസം ഡെപ്യൂട്ടി ഡയറക്ടര്‍ ഡി.വി. പ്രഭാത്, ജില്ലാ പ്ലാനിങ് ഓഫീസര്‍ സുഭദ്ര നായര്‍, ഡി.പി.എം ഡോ. അഭിലാഷ്, ആര്‍.സി.എച്ച്. ഓഫീസര്‍ ഡോ. ഷിജിന്‍ ജോണ്‍ ആളൂര്‍, വൈത്തിരി താലൂക്ക് ആശുപത്രി സൂപ്രണ്ട് ഡോ. ഷെറിന്‍, സുഗന്ധഗിരി പി.എച്ച്.സി മെഡിക്കല്‍ ഓഫീസര്‍ ഡോ. ജോയ്, ടൂറിസം ഇന്‍ഫര്‍മേഷന്‍ ഓഫീസര്‍ വി. മുഹമ്മദ് സലീം തുടങ്ങിയവര്‍ പങ്കെടുത്തു.

The post ടൂറിസം മേഖലയിലെ സമ്പൂര്‍ണ്ണ വാക്സിനേഷന്‍ യജ്ഞത്തിന് തുടക്കം appeared first on Starvision News Malayalam.

ജില്ലയിലെ വൈത്തിരി ഗ്രാമപഞ്ചായത്തിലാണ് ആദ്യഘട്ടത്തില്‍ പദ്ധതി നടപ്പിലാക്കുന്നത്. തുടര്‍ന്ന് മേപ്പാടി ഗ്രാമപഞ്ചായത്തിലും സമ്പൂര്‍ണ വാക്‌സിനേഷന്‍ പദ്ധതി നടപ്പാക്കും. വൈത്തിരി ഗ്രാമപഞ്ചായത്തിലെ 14 വാര്‍ഡുകളിലായി ആദ്യ ഡോസ് വാക്‌സിന്‍ ഇതുവരെ സ്വീകരിച്ചിട്ടില്ലാത്ത 3680 പേര്‍ക്കാണ് അഞ്ച് ദിവസങ്ങളിലായി വാക്‌സിന്‍ നല്‍കുന്നത്. ചേലോട് എച്ച്.ഐ.എം.യു.പി സ്‌കൂള്‍, ചുണ്ടേല്‍ ആര്‍.സി.എല്‍.പി സ്‌കൂള്‍ എന്നീ രണ്ട് വാക്‌സിനേഷന്‍ കേന്ദ്രങ്ങളാണ് പഞ്ചായത്തില്‍ ഇതിനായി സജ്ജീകരിച്ചിട്ടുള്ളത്. ഇതോടെ സംസ്ഥാനത്തെ സമ്പൂര്‍ണ്ണ വാക്‌സിനേഷന്‍ നേടുന്ന ആദ്യ ഗ്രാമ പഞ്ചായത്തായി വൈത്തിരി മാറും.

The post ടൂറിസം മേഖലയിലെ സമ്പൂര്‍ണ്ണ വാക്‌സിനേഷന്‍ പദ്ധതി ഉദ്ഘാടനം ഇന്ന് appeared first on Starvision News Malayalam.