തൂങ്ങാംപാറയിൽ എക്കോ ടൂറിസം പദ്ധതി ഉദ്ഘാടനം ചെയ്തു

സംസ്ഥാനത്തെ ടൂറിസം മേഖല വലിയ മുന്നേറ്റത്തിൻ്റെ പാതയിലാണെന്ന് ടൂറിസം പൊതുമരാമത്ത് വകുപ്പ് മന്ത്രി പി. എ മുഹമ്മദ് റിയാസ്. കാട്ടാക്കട തൂങ്ങാംപാറയിൽ എക്കോ ടൂറിസം പദ്ധതിയുടെ ഒന്നാം ഘട്ട ഉദ്ഘാടനം ഓൺലൈനായി നിർവഹിച്ച് സംസാരിക്കുകയായിരുന്നു മന്ത്രി.

കേരളത്തിൽ ടൂറിസം കേന്ദ്രങ്ങളുടെ എണ്ണത്തിൽ വർദ്ധനവുണ്ടായി. കേരളത്തിലേക്ക് വരുന്ന വിനോദ സഞ്ചാരികളുടെ എണ്ണത്തിൽ സർവ്വകാല റെക്കോർഡാണ് പോയ വർഷം കൈവരിച്ചത്. 2,58,80,365 വിനോദസഞ്ചാരികളാണ് 2025ൽ കേരളത്തിലെത്തിയത്. 2024നേക്കാൾ 28 ലക്ഷത്തിലധികം പേരാണ് കേരളം സന്ദർശിച്ചത്.

കഴിഞ്ഞ വർഷം ആഭ്യന്തര സഞ്ചാരികളുടെ എണ്ണത്തിൽ 12.64 ശതമാനം വർധനവുണ്ടായി. 2,50,58,366 ആഭ്യന്തര വിനോദ സഞ്ചാരികളാണ് പോയവർഷം സംസ്ഥാനത്തെത്തിയത്. വിദേശ സഞ്ചാരികളുടെ എണ്ണത്തിൽ 11.33 ശതമാനം വർധനവുണ്ടായെന്നും അദ്ദേഹം വ്യക്തമാക്കി.

പ്രമുഖ പത്രങ്ങളും മാസികകളും യാത്രാ വെബ്സൈറ്റുകളും ലോകത്ത് കണ്ടിരിക്കേണ്ട സ്ഥലങ്ങളിൽ ഒന്നായി കേരളത്തെ തിരഞ്ഞെടുത്തുവെന്ന് പറഞ്ഞ അദ്ദേഹം കേരളം മത്സരിക്കുന്നത് ലോക രാജ്യങ്ങളോടാണെന്ന് കൂട്ടിച്ചേർത്തു.

കാട്ടാക്കട മേഖലയിലെ പ്രധാന ടൂറിസം കേന്ദ്രങ്ങളിൽ ഒന്നായി തൂങ്ങാംപാറ മാറാൻ പോകുകയാണ് ചടങ്ങിൽ അധ്യക്ഷത വഹിച്ച ഐ. ബി സതീഷ് എംഎൽഎ പറഞ്ഞു. എക്കോ ടൂറിസം പദ്ധതി പ്രദേശത്തിൻ്റ ഭാവി വികസനത്തിൻ്റെ പ്രവേശന കവാടമായിരിക്കുമെന്നും എംഎൽഎ പറഞ്ഞു.

എംഎൽഎയുടെ ആസ്തി വികസന ഫണ്ടിൽ നിന്നും ഒരു കോടി രൂപ ചെലവിലാണ് പദ്ധതി പൂർത്തീകരിച്ചത്. പാറയുടെ മുകളിൽ കയറുവാനുള്ള പടവുകൾ, ശൗചാലയം, ലഘു ഭക്ഷണശാല, ഓപ്പൺ സ്റ്റേജ്, വിശ്രമസ്ഥലം, ടെൻ്റുകൾ ഉറപ്പിക്കുന്നതിനുള്ള ഇടം, സംരക്ഷണഭിത്തി എന്നിവയാണ് ഒന്നാം ഘട്ടത്തിൽ തയ്യാറാക്കിയത്.

ചടങ്ങിൽ വെള്ളനാട് ബ്ലോക്ക് പഞ്ചായത്ത് അംഗം അനുഷ്മ ബഷീർ, കാട്ടാക്കട ഗ്രാമ പഞ്ചായത്ത് പ്രസിഡൻ്റ് വി. ജെ സുനിത, വൈസ് പ്രസിഡന്റ് കെ.സുധീഷ് കുമാർ, ടൂറിസം വകുപ്പ് ഉദ്യോഗസ്ഥർ തുടങ്ങിയവർ പങ്കെടുത്തു.

The post സംസ്ഥാനത്തെ ടൂറിസം മേഖല മുന്നേറ്റത്തിൻ്റെ പാതയിൽ: മന്ത്രി പി. എ മുഹമ്മദ് റിയാസ് appeared first on Starvision News Malayalam.

യൂണിവേഴ്സിറ്റി കോളേജ് ഭാഗം ഒന്നും രണ്ടും സോൺ ആയും അയ്യങ്കാളി ഹാളിന്റെ ഭാഗം സോണ്‍ 3, 4 ആയും വികസിപ്പിക്കാൻ ആണ് പദ്ധതി. സോണ്‍ 1-ല്‍ കോബിള്‍ സ്റ്റോണ്‍/ആന്റി സ്കിഡ് റ്റൈല്‍സ്സ്ഥാപിക്കല്‍, പ്ലാന്റര്‍ ബോക്സ്, ഇ.വി ചാര്‍ജ്ജിംഗ് സെൻ്റർ, സ്മാര്‍ട്ട് പാര്‍ക്കലറ്റ്,
സ്മാര്‍ട്ട് വെന്‍ഡിംഗ് സ്റ്റേഷനുകള്‍ എന്നീ പ്രവർത്തികൾ ഉണ്ടാകും. സോണ്‍-2 ല്‍ കോബിള്‍ സ്റ്റോണ്‍/ആന്റി സ്കിഡ് റ്റൈല്‍സ് സ്ഥാപിക്കല്‍, മരങ്ങള്‍ക്ക് ചുറ്റും ഇരിക്കാനുള്ള സൗകര്യം, പ്ലാന്റര്‍ ബോക്സ്, ഇരിപ്പിടങ്ങള്‍, വീല്‍ചെയര്‍ സൗകര്യം, സ്മാര്‍ട്ട് ബസ് ഷെല്‍ട്ടര്‍, ബൈസിക്കിള്‍ പോയിന്റ്, സ്മാര്‍ട്ട് ടോയിലറ്റുകള്‍, എല്‍ ഇ ഡി ഇന്ററാക്ടീവ് ഫ്ലോര്‍, ബൊള്ളാര്‍ഡ് ലൈറ്റ്സ് എന്നിവ സ്ഥാപിക്കാൻ ആണ് പദ്ധതി.

സോണ്‍-3ല്‍ – കോബിള്‍ സ്റ്റോണ്‍/ആന്റി സ്കിഡ് റ്റൈല്‍സ് സ്ഥാപിക്കൽ, മരങ്ങള്‍ക്ക് ചുറ്റും ഇരിക്കാനുള്ള സൗകര്യം, പ്ലാന്റര്‍ ബോക്സ്, ഇരിപ്പിടങ്ങള്‍, വീല്‍ചെയര്‍ സൗകര്യം, മോഷന്‍ സെന്‍സിംഗ് ടൈല്‍സ്, പര്‍ഗോള, കോയി ഫിഷ് ഡ്രെയിന്‍, ഗ്യാലറി സീറ്റിംഗ്, പോസ്റ്റ് ടോപ്പ് ലാമ്പ്, ഇന്‍ഫര്‍മേഷന്‍ ബോര്‍ഡ് എന്നിവ ഉൾപ്പെടുത്തിയിട്ടുണ്ട്.

സോണ്‍ നാലിൽ ആന്റി സ്കിഡ് ടൈല്‍സ്, പ്ലാന്റര്‍ ബോക്സ്, ഇരിപ്പിടങ്ങള്‍, പോസ്റ്റ് ടോപ്പ് ലാമ്പ്, ട്രാഫിക്ഐലന്റ്, ലാന്റ് സ്കേപ്പിംഗ് എന്നിവയും സജ്ജമാക്കും. സ്മാർട്ട് സിറ്റി പദ്ധതിയിൽ ഉൾപ്പെടുത്തി നടക്കുന്ന നവീകരണ പ്രവൃത്തി വിലയിരുത്തി. നിലവിൽ ഈ റോഡിൽ ഓട നിര്‍മ്മാണം, അണ്ടര്‍ഗ്രൗണ്ട് പവര്‍ ഡെക്ടുകള്‍ സ്ഥാപിക്കല്‍,ഇന്‍സ്പെക്ഷന്‍ ചേമ്പറുകളുടെ നിര്‍മ്മാണം, കൂടിവെള്ള പൈപ്പുകള്‍ ഡെക്ടുകളില്‍ (അണ്ടര്‍ഗ്രൗണ്ട്) സ്ഥാപിക്കുക, ആര്‍ സി ഡെക്ടുകളുടെ നിര്‍മ്മാണം, 10.5 മീറ്റര്‍ വീതിയില്‍ DBM,BC ഉപയോഗിച്ച് റോഡ് സര്‍ഫസിംഗ് എന്നീ പ്രവൃത്തികളാണ് ഉൾപ്പെടുത്തിയിരിക്കുന്നത്.മാര്‍ച്ച് 1 ന് മുമ്പ് പ്രവൃത്തി പൂര്‍ത്തിയാക്കാനാണ് നിലവില്‍ തീരുമാനിച്ചിട്ടുള്ളത് എന്നും മന്ത്രി പറഞ്ഞു. അതിന് ശേഷമാകും മാനവീയം മോഡൽ വികസന പദ്ധതികൾ നടപ്പാക്കുക.

സ്മാർട്ട് സിറ്റി പദ്ധതിയിൽ krfb വികസിപ്പിക്കുന്ന തലസ്ഥാനത്തെ 13 റോഡുകൾ ഗതാഗത യോഗ്യമാക്കിയതായി മന്ത്രി പി എ മുഹമ്മദ് റിയാസ് പറഞ്ഞു. ഉപരിതല നവീകരണം നടത്തുന്ന 28 റോഡുകളില്‍ 13 റോഡുകളിലെ BC പ്രവൃത്തി പൂര്‍ത്തിയാക്കി. 12 സ്മാര്‍ട്ട് റോഡുകളില്‍ 2 റോഡുകള്‍, മാനവീയവും കലാഭവൻ മണി റോഡും നേരത്തെ പൂര്‍ണ്ണമായും ഗതാഗതയോഗ്യമാക്കി. മറ്റ് 10 റോഡുകള്‍ മാര്‍ച്ച് മാസം 31 ന് മുമ്പ് ഗതാഗതയോഗ്യമാക്കാനാണ് തീരുമാനിച്ചത് എന്ന് മന്ത്രി പറഞ്ഞു. ആൻ്റണി രാജു എംഎൽഎ, മേയർ ആര്യ രാജേന്ദ്രൻ, ഡെപ്യൂട്ടി മേയർ പി കെ രാജു, കെ ആർ എഫ് ബി സിഇഒ അശോക് കുമാർ, മറ്റ് ഉദ്യോഗസ്ഥർ തുടങ്ങിയവരും ഒപ്പം ഉണ്ടായിരുന്നു.

The post അയ്യങ്കാളി ഹാൾ റോഡ് മാനവീയം മോഡലിൽ വികസിപ്പിക്കും: മന്ത്രി പി എ മുഹമ്മദ് റിയാസ് appeared first on Starvision News Malayalam.