അന്താരാഷ്‌ട്ര, ആഭ്യന്തര ഉപഭോക്താക്കൾക്ക് ലഭ്യമാക്കുന്ന തുണിത്തരങ്ങളുടെ ഗുണനിലവാരത്തിൽ വ്യത്യാസം ഉണ്ടാകരുതെന്ന് ശ്രീ ഗോയൽ നിർദ്ദേശിച്ചു. സാങ്കേതിക തുണിത്തരങ്ങളുടെ ഗവേഷണത്തിനും വികസനത്തിനും സർക്കാർ ഫണ്ട് ഉപയോഗിക്കുന്നതിൽ പൊതു സ്വകാര്യ പങ്കാളിത്തം വേണമെന്നും മന്ത്രി പറഞ്ഞു.

ഇന്ത്യയിലെ സാങ്കേതിക തുണിത്തരങ്ങളുടെ വളർച്ച കഴിഞ്ഞ 5 വർഷമായി കുതിച്ചുയരുകയാണ്. നിലവിൽ ഈ മേഖല പ്രതിവർഷം 8% നിരക്കിൽ വളരുന്നു. അടുത്ത 5 വർഷത്തിനുള്ളിൽ ഈ വളർച്ച 15-20% പരിധിയിലേക്ക് ഉയർത്തി വേഗത്തിലാക്കുക എന്നതാണ് നമ്മുടെ ലക്ഷ്യം.

സാങ്കേതിക തുണിത്തരങ്ങളുടെ നിലവിലെ ലോക വിപണി 250 ബില്യൺ യുഎസ് ഡോളറാണെന്നും (18 ലക്ഷം കോടി), ഇന്ത്യയുടെ വിഹിതം 19 ബില്യൺ യുഎസ് ഡോളറാണെന്നും ശ്രീ ഗോയൽ പറഞ്ഞു. ഈ വിപണിയിൽ 40 ബില്യൺ ഡോളറിന്റെ (8% വിഹിതം) വിഹിതം ഇന്ത്യ ലക്ഷ്യമിടുന്നു. സ്ഥിതിവിവരക്കണക്കിൽ കാണുന്ന വളർച്ചയ്‌ക്ക് പുറമേ, മെച്ചപ്പെട്ട സാങ്കേതികവിദ്യയിലേക്കും നൂതനമായ തദ്ദേശീയ ഉത്പന്നങ്ങളിലേക്കും ഈ വളർച്ച നയിക്കുമെന്ന് അദ്ദേഹം പറഞ്ഞു.

ഈ ലക്ഷ്യങ്ങൾ മനസ്സിൽ വെച്ചുകൊണ്ട്, ഒരു സ്വാശ്രയ, ഊർജ്ജസ്വല, കയറ്റുമതി അധിഷ്ഠിത സമ്പദ്‌വ്യവസ്ഥയാക്കി ഇന്ത്യയെ മാറ്റുക എന്ന ലക്ഷ്യത്തോടെയാണ് 2020 ഫെബ്രുവരിയിൽ സർക്കാർ ദേശീയ ടെക്നിക്കൽ ടെക്‌സ്റ്റൈൽസ് മിഷൻ ആരംഭിച്ചതെന്നും അദ്ദേഹം കൂട്ടിച്ചേർത്തു.

The post സാങ്കേതിക തുണിത്തരങ്ങളുടെ കയറ്റുമതി 3 വർഷത്തിനുള്ളിൽ 5 മടങ്ങ് വർധിപ്പിക്കാൻ ഇന്ത്യ ലക്ഷ്യമിടുന്നു: പീയൂഷ് ഗോയൽ appeared first on Starvision News Malayalam.