മനാമ: സുപ്രീം കൗൺസിൽ ഫോർ യൂത്ത് ആന്റ് സ്‌പോർട്‌സ് (എസ്‌.സി.വൈ.എസ്) ഫസ്റ്റ് ഡെപ്യൂട്ടി ചെയർമാനും ജനറൽ സ്‌പോർട്‌സ് അതോറിറ്റി (ജി.എസ്.എ) ചെയർമാനും ബഹ്‌റൈൻ ഒളിമ്പിക് കമ്മിറ്റി (ബി.ഒ.സി) പ്രസിഡൻ്റുമായ ഷെയ്ഖ് ഖാലിദ് ബിൻ ഹമദ് അൽ ഖലീഫയുടെ രക്ഷാകർതൃത്വത്തിൽ ബഹ്‌റൈൻ റോയൽ ഇക്വസ്ട്രിയൻ ആന്റ് എൻഡുറൻസ് ഫെഡറേഷൻ (ബി.ആർ.ഇ.ഇ.എഫ്) സംഘടിപ്പിക്കുന്ന ഖാലിദ് ബിൻ ഹമദ് എൻഡുറൻസ് റേസ് ബഹ്‌റൈൻ ഇൻ്റർനാഷണൽ എൻഡുറൻസ് വില്ലേജിൽ ആരംഭിച്ചു. പ്രാദേശിക, അന്തർദേശീയ യോഗ്യതാ മത്സരങ്ങളാണ് ഇപ്പോൾ നടക്കുന്നത്.
120 കി.മീ, 100 കി.മീ അന്താരാഷ്‌ട്ര മത്സരങ്ങളും 100 കി.മീ, 80 കി.മീ, 40 കി.മീ പ്രാദേശിക മത്സരങ്ങളും ഇന്നത്തെ മത്സരങ്ങളിൽ ഉൾപ്പെടുന്നു. സ്വകാര്യ സ്റ്റേബിളുകൾക്കായുള്ള പ്രധാന 120 കിലോമീറ്റർ ഓട്ടം ശനിയാഴ്ച നടക്കും, തുടർന്ന് ആദ്യ മൂന്ന് വിജയികൾക്കുള്ള അവാർഡ് ദാന ചടങ്ങും നടക്കും.
വെറ്ററിനറി പരിശോധനകൾ, കുതിര രജിസ്ട്രേഷൻ, റൈഡർ വെയ്റ്റ്-ഇന്നുകൾ എന്നീ തയ്യാറെടുപ്പുകൾ ബന്ധപ്പെട്ട സമിതികൾ നടത്തി.
ബാപ്‌കോ എനർജിസ് (ഡയമണ്ട് സ്‌പോൺസർ), ബെന ആൻഡ് അൽ സലാം ബാങ്ക് (പ്ലാറ്റിനം സ്‌പോൺസർ), ജി.എഫ്.എച്ച്. ബാങ്ക് (സ്വർണ്ണ സ്‌പോൺസർ), ആൽബ (സിൽവർ സ്‌പോൺസർ), ബഹ്‌റൈൻ ഇക്കണോമിക് ഡെവലപ്‌മെൻ്റ് ബോർഡ് (വെങ്കല സ്‌പോൺസർ) എന്നിവർ പരിപാടിയെ പിന്തുണയ്ക്കുന്നു.

The post ഖാലിദ് ബിൻ ഹമദ് എൻഡുറൻസ് റേസിന് തുടക്കമായി appeared first on Starvision News Malayalam.

മനാമ: കുവൈത്തിൽ നടന്ന 26-ാമത് അറേബ്യൻ ഗൾഫ് കപ്പ് ഫൈനലിൽ കപ്പ് നേടി തിരിച്ചെത്തിയ ബഹ്‌റൈൻ ദേശീയ ഫുട്‌ബോൾ ടീമിനെ സുപ്രീം കൗൺസിൽ ഫോർ യൂത്ത് ആന്റ് സ്‌പോർട്‌സ് (എസ്‌.സി.വൈ.എസ്) ഫസ്റ്റ് ഡെപ്യൂട്ടി ചെയർമാനും ജനറൽ സ്‌പോർട്‌സ് അതോറിറ്റി (ജി.എസ്.എ) ചെയർമാനും ബഹ്‌റൈൻ ഒളിമ്പിക് കമ്മിറ്റി (ബി.ഒ.സി) പ്രസിഡൻ്റുമായ ഷെയ്ഖ് ഖാലിദ് ബിൻ ഹമദ് അൽ ഖലീഫ
ബഹ്‌റൈൻ അന്താരാഷ്ട്ര വിമാനത്താവളത്തിൽ സ്വീകരിച്ചു.
ടീമിൻ്റെ നിശ്ചയദാർഢ്യത്തെയും അർപ്പണബോധത്തെയും അദ്ദേഹം അഭിനന്ദിച്ചു, അവരുടെ നേട്ടം എല്ലാ ബഹ്‌റൈനികൾക്കും അഭിമാനമാണെന്ന് അദ്ദേഹം പറഞ്ഞു.

രാജാവ് ഹമദ് ബിൻ ഈസ അൽ ഖലീഫയുടെ നേതൃത്വത്തിൽ ബഹ്‌റൈൻ കായികരംഗത്തിന് നൽകുന്ന അചഞ്ചലമായ പിന്തുണയെയും കിരീടാവകാശിയും പ്രധാനമന്ത്രിയുമായ സൽമാൻ ബിൻ ഹമദ് അൽ ഖലീഫയുടെ തുടർനടപടികളെയും ശൈഖ് ഖാലിദ് ബിൻ ഹമദ് പ്രശംസിച്ചു.
ഈ നേട്ടം ഭാവിയിൽ ഇതിലും വലിയ നേട്ടങ്ങൾ കൈവരിക്കാനുള്ള പ്രചോദനത്തിൻ്റെ ഉറവിടമായി വർത്തിക്കട്ടെയെന്ന് അദ്ദേഹം ആശംസിച്ചു.

The post ഗൾഫ് കപ്പ് ജേതാക്കളായി തിരിച്ചെത്തിയ ബഹ്റൈൻ ഫുട്ബോൾ ടീമിനെ ഷെയ്ഖ് ഖാലിദ് ബിൻ ഹമദ് സ്വീകരിച്ചു appeared first on Starvision News Malayalam.

മനാമ: ബഹ്‌റൈൻ ബില്യാർഡ്‌സ്, സ്‌നൂക്കർ ആന്റ് ഡാർട്ട്‌സ് ഫെഡറേഷൻ്റെ (ബി.ബി.എസ്.ഡി.എഫ്) പേരിൽ ഭേദഗതി വരുത്തി സുപ്രീം കൗൺസിൽ ഫോർ യൂത്ത് ആന്റ് സ്‌പോർട്‌സ് (എസ്‌.സി.വൈ.എസ്) ഫസ്റ്റ് ഡെപ്യൂട്ടി ചെയർമാനും ജനറൽ സ്‌പോർട്‌സ് അതോറിറ്റി (ജി.എസ്.എ) പ്രസിഡൻ്റും ബഹ്‌റൈൻ ഒളിമ്പിക് കമ്മിറ്റി (ബി.ഒ.സി) പ്രസിഡൻ്റുമായ ഷെയ്ഖ് ഖാലിദ് ബിൻ ഹമദ് അൽ ഖലീഫ ഉത്തരവ് (21) പുറപ്പെടുവിച്ചു.
ഇതോടെ ഫെഡറേഷൻ്റെ പേര് ബഹ്‌റൈൻ ബില്യാർഡ്‌സ് ആന്റ് ഡാർട്ട്‌സ് ഫെഡറേഷൻ എന്നായി മാറി. ഫെഡറേഷൻ്റെ നിയമാവലിയിലും രജിസ്‌ട്രേഷൻ റെക്കോർഡുകളിലും പേര് മാറ്റി രേഖപ്പെടുത്തും.

The post ബഹ്‌റൈൻ ബില്ല്യാർഡ്‌സ്, സ്‌നൂക്കർ ആന്റ് ഡാർട്ട്‌സ് ഫെഡറേഷൻ്റെ പേര് മാറ്റി appeared first on Starvision News Malayalam.

മനാമ: ബഹ്റൈന്‍ ടെന്നീസ് ക്ലബ്ബിന്റെ 50-ാം വാര്‍ഷികാഘോഷം ഗള്‍ഫ് ഹോട്ടലില്‍ നടന്നു. ചടങ്ങില്‍ രാജാവ് ഹമദ് ബിന്‍ ഈസ അല്‍ ഖലീഫയുടെ പ്രതിനിധിയായി ജനറല്‍ സ്പോര്‍ട്സ് അതോറിറ്റി (ജി.എസ്.എ) ചെയര്‍മാനും സുപ്രീം കൗണ്‍സില്‍ ഫോര്‍ യൂത്ത് ആന്റ് സ്പോര്‍ട്സ് ഫസ്റ്റ് ഡെപ്യൂട്ടി ചെയര്‍മാനും ബഹ്റൈന്‍ ഒളിമ്പിക് കമ്മിറ്റി (ബി.ഒ.സി) പ്രസിഡന്റുമായ ഷെയ്ഖ് ഖാലിദ് ബിന്‍ ഹമദ് അല്‍ ഖലീഫ പങ്കെടുത്തു.

ജി.എസ്.എ. വൈസ് പ്രസിഡന്റ് ഷെയ്ഖ് സല്‍മാന്‍ ബിന്‍ മുഹമ്മദ് അല്‍ ഖലീഫ, ബി.ഒ.സി. വൈസ് പ്രസിഡന്റ് ഷെയ്ഖ് ഈസ ബിന്‍ അലി അല്‍ ഖലീഫ, ജി.എസ്.എയുടെ സി.ഇ.ഒ ഡോ. അബ്ദുല്‍റഹ്‌മാന്‍ സാദിഖ് അസ്‌കര്‍ എന്നിവരും മറ്റു വിശിഷ്ടാതിഥികളും അതിഥികളും പങ്കെടുത്തു.
ബഹ്റൈനില്‍ വലിയ ജനപ്രീതിയാര്‍ജിച്ച ടെന്നീസ് ഉള്‍പ്പെടെയുള്ള കായിക വിനോദങ്ങള്‍ക്ക് പിന്തുണ നല്‍കുന്നതിന് ഷെയ്ഖ് ഖാലിദ് രാജാവിന് നന്ദി പറഞ്ഞു. ബഹ്റൈന്‍ ടെന്നീസ് ക്ലബ്ബിന്റെ 50 വര്‍ഷത്തെ പ്രവര്‍ത്തനത്തെ അദ്ദേഹം അഭിനന്ദിച്ചു.

ക്ലബ്ബിന്റെ സ്പോണ്‍സര്‍മാരായ യൂസുഫ് ഖലീല്‍ അല്‍മോയ്യിദ് ആന്‍ഡ് സണ്‍സ്, ഇബ്രാഹിം കെ. കാനൂ, ബി.ബി.കെ, ജി.പി.ഐ.സി. എന്നിവരുള്‍പ്പെടെ നിരവധി പ്രമുഖരെയും പിന്തുണച്ചവരെയും ആദരിച്ചു. 1973 മുതലുള്ള ക്ലബ്ബിന്റെ ചരിത്രം രേഖപ്പെടുത്തുന്ന ‘ബഹ്റൈന്‍ ടെന്നീസ് ക്ലബ്: അമ്പത് വര്‍ഷത്തെ നേട്ടങ്ങള്‍’ എന്ന സ്മരണികയുടെ പ്രകാശനവും ചടങ്ങില്‍ നടന്നു.

The post ബഹ്റൈന്‍ ടെന്നീസ് ക്ലബ്ബ് 50-ാം വാര്‍ഷികം ആഘോഷിച്ചു appeared first on Starvision News Malayalam.

മനാമ: ഗള്‍ഫ് പുരുഷ ബാസ്‌കറ്റ്‌ബോള്‍ ചാമ്പ്യന്‍ഷിപ്പിന് ബഹ്‌റൈനില്‍ തുടക്കമായി. ബഹ്റൈന്‍ ബാസ്‌ക്കറ്റ്ബോള്‍ അസോസിയേഷന്‍ അറീനയില്‍ ഇന്നലെ തുടങ്ങിയ ചാമ്പ്യന്‍ഷിപ്പ് സെപ്തംബര്‍ ഏഴിന് അവസാനിക്കും.
സുപ്രീം കൗണ്‍സില്‍ ഫോര്‍ യൂത്ത് ആന്‍ഡ് സ്പോര്‍ട്സിന്റെ പ്രഥമ ഡെപ്യൂട്ടി ചെയര്‍മാനും ജനറല്‍ സ്പോര്‍ട്സ് അതോറിറ്റി (ജി.എസ്.എ) ചെയര്‍മാനും ബഹ്റൈന്‍ ഒളിമ്പിക്സ് കമ്മിറ്റി (ബി.ഒ.സി) പ്രസിഡന്റുമായ ഷെയ്ഖ് ഖാലിദ് ബിന്‍ ഹമദ് അല്‍ ഖലീഫയുടെ രക്ഷാകര്‍തൃത്വത്തിലാണ് ചാമ്പ്യന്‍ഷിപ്പ് ഉദ്ഘാടനം ചെയ്തത്.

ഉദ്ഘാടനച്ചടങ്ങില്‍ ബി.ഒ.സി. വൈസ് പ്രസിഡന്റ് ഷെയ്ഖ് ഈസ ബിന്‍ അലി അല്‍ ഖലീഫ, ജനറല്‍ സ്പോര്‍ട്സ് അതോറിറ്റി സി.ഇ.ഒ. ഡോ. അബ്ദുറഹ്‌മാന്‍ സാദിഖ് അസ്‌കര്‍, ബി.ഒ.സി. സെക്രട്ടറി ജനറല്‍ ഫാരിസ് അല്‍ കൂഹേജി, ബഹ്റൈന്‍ ബാസ്‌ക്കറ്റ് ബോള്‍ അസോസിയേഷന്‍ പ്രസിഡന്റ് ക്യാപ്റ്റന്‍ വലീദ് അല്‍ അലവി, സുപ്രീം കൗണ്‍സില്‍ ഫോര്‍ യൂത്ത് ആന്‍ഡ് സ്പോര്‍ട്സ് പ്രസിഡന്റിന്റെ ഉപദേശകനും ചാമ്പ്യന്‍ഷിപ്പിന്റെ സംഘാടക സമിതി പ്രസിഡന്റുമായ മുഹമ്മദ് അല്‍ അജ്മി, ഗള്‍ഫ് ബാസ്‌ക്കറ്റ്ബോള്‍ ഫെഡറേഷനുകളുടെ പ്രതിനിധികള്‍ എന്നിവരും മറ്റ് അതിഥികളും പങ്കെടുത്തു.
ചാമ്പ്യന്‍ഷിപ്പിന് ബഹ്‌റൈന്‍ ആതിഥേയത്വം വഹിക്കുന്നതില്‍ അഭിമാനമുണ്ടെന്ന് ഷെയ്ഖ് ഖാലിദ് പറഞ്ഞു. ബഹ്റൈന്‍ ദേശീയ ടീമിനും പങ്കെടുക്കുന്ന എല്ലാ ഗള്‍ഫ് ടീമുകള്‍ക്കും അദ്ദേഹം വിജയാശംസ നേര്‍ന്നു.

The post ഗള്‍ഫ് പുരുഷ ബാസ്‌കറ്റ് ബോള്‍ ചാമ്പ്യന്‍ഷിപ്പിന് തുടക്കമായി appeared first on Starvision News Malayalam.

മനാമ: ബഹ്‌റൈൻ കോമിക് കോണിന്റെ നാലാം പതിപ്പ് ഒക്ടോബർ 6, 7 തീയതികളിൽ ബഹ്‌റൈൻ ഇന്റർനാഷണൽ സർക്യൂട്ടിൽ (ബിഐസി) നടക്കും. ബഹ്‌റൈനിലെ ഏറ്റവും വലിയ സാംസ്‌കാരിക പ്രദർശനമായ പരിപാടി, സുപ്രീം കൗൺസിൽ ഫോർ യൂത്ത് ആൻഡ് സ്‌പോർട്‌സിന്റെ (എസ്‌സിവൈഎസ്) ഫസ്റ്റ് ഡെപ്യൂട്ടി ചെയർമാനും ജനറൽ സ്‌പോർട്‌സ് അതോറിറ്റി ചെയർമാനും ബഹ്‌റൈൻ ഒളിമ്പിക് കമ്മിറ്റി പ്രസിഡന്റുമായ ഷെയ്ഖ് ഖാലിദ് ബിൻ ഹമദ് അൽ ഖലീഫയുടെ രക്ഷാധികാരത്തിലാണ് നടക്കുന്നത്.

“വൈക്കിംഗ്സ്” എന്ന ചരിത്ര നാടക പരമ്പരയിലെ “ബ്ജോർൺ” എന്ന കഥാപാത്രത്തിലൂടെ അറിയപ്പെടുന്ന അലക്‌സാണ്ടർ ലുഡ്‌വിഗ് വിശിഷ്ടാതിഥിയായിരിക്കും. എഡ് വെസ്റ്റ്‌വിക്ക് (ഗോസിപ്പ് ഗേൾസ്), ലോക്ക്ലിൻ മൺറോ (റിവർഡെയ്ൽ), കൂപ്പർ ആൻഡ്രൂസ് (വാക്കിംഗ് ഡെഡ്), കരോലിന റവാസ (ഓവർവാച്ച് ആൻഡ് വാലറന്റ്), കാരെൻ ഫുകുഹാര (ദ ബോയ്‌സ്), ഡേവിഡ് ആഞ്ചലോ (റിക്ക് ആൻഡ് മോർട്ടി) എന്നിവരുൾപ്പെടെ മറ്റ് സെലിബ്രിറ്റികൾ ഈ പരിപാടിയിൽ പങ്കെടുക്കും. ഫാഷൻ ഷോ മത്സരം, കലാകാരന്മാരുടെ ഇടനാഴി, ഫാമിലി കോർണർ, വിവിധ ഗെയിമുകൾ എന്നിവയും ബഹ്‌റൈൻ കോമിക് കോൺ അവതരിപ്പിക്കും. ബഹ്‌റൈൻ കോമിക് കോൺ ടിക്കറ്റുകൾ വിർജിൻ, പ്ലാറ്റിനം ലിസ്റ്റ്, സദാദ് എന്നിവയിൽ നിന്ന് ഓൺലൈനായി വാങ്ങാം. ഈ വർഷത്തെ ബഹ്‌റൈൻ കോമിക് കോണിൽ 27,000 ത്തോളം സന്ദർശകരെയാണ് സംഘാടകർ പ്രതീക്ഷിക്കുന്നത്. ബഹ്‌റൈനിലെ ഏറ്റവും വലിയ സാംസ്‌കാരിക പ്രദർശനങ്ങളിലൊന്നാണിത്.

The post ബഹ്‌റൈൻ കോമിക് കോൺ 2023-ന്റെ തീയതി പ്രഖ്യാപിച്ചു appeared first on Starvision News Malayalam.