അടൂർ: പത്തനംതിട്ട അടൂരിൽ 110 കെവി വൈദ്യുതലൈനിന്റെ മുകളിൽ ട്രാൻസ്മിഷൻ ടവറിൽ കയറി യുവാവിന്റെ ആത്മഹത്യാഭീഷണി. പാറക്കോട് ഗ്രീൻവാലി ഓഡിറ്റോറിയത്തിനു സമീപത്തുകൂടി കടന്നുപോകുന്ന വൈദ്യുതി ലൈനിന്റെ ട്രാൻസ്മിഷൻ ടവറിലാണ് മാലക്കോട് പറക്കോട് വീട്ടിൽ രതീഷ് ദിവാകരൻ (39) കയറിയത്. കയ്യിൽ പെട്രോളുമായി മുപ്പത് മീറ്ററോളം ഉയരമുള്ള ട്രാൻസ്മിഷൻ ടവറിന്റെ ഏറ്റവും മുകളിൽ കയറിയ രതീഷിനെ അനുനയിപ്പിച്ച് താഴെ ഇറക്കാൻ നടത്തിയ ശ്രമങ്ങൾ പരാജയപ്പെട്ടതിനെ തുടർന്ന് അടൂർ പോലീസ് ഫയർഫോഴ്സിന്റെ സഹായം തേടുകയായിരുന്നു.

സ്റ്റേഷൻ ഓഫീസർ വി. വിനോദ് കുമാറിന്റെ നേതൃത്വത്തിൽ എത്തിയ ഫയർ ഫോഴ്സ് സംഘം ഇയാളെ ഇറക്കാൻ ശ്രമിച്ചെങ്കിലും കയ്യിൽ പെട്രോളുമായി നിന്ന രതീഷിനെ അനുനയിപ്പിച്ച് താഴെ ഇറക്കാനോ, രതീഷിന്റെ അടുത്തേക്ക് ഫയർ ഫോഴ്സ് സംഘത്തിന് എത്താനോ കഴിഞ്ഞില്ല. താൻ സ്നേഹിക്കുന്ന പെൺകുട്ടിയെ സ്ഥലത്ത് എത്തിച്ചാൽ മാത്രമേ താഴെ ഇറങ്ങൂ എന്ന നിലപാട് രതീഷ് എടുത്തതോടെ പറഞ്ഞ പെൺകുട്ടിയെ പോലീസ് സ്ഥലത്തെത്തിച്ചു. തുടർന്ന് ഇയാൾ അല്‍പം താഴേക്ക് ഇറങ്ങിയെങ്കിലും പിന്നീട് ഇറങ്ങാനാവാതെ ഏകദേശം 20 മീറ്ററോളം ഉയരത്തിൽ കുടുങ്ങി ഇരുന്നു. ഇതോടെ സ്റ്റേഷൻ ഓഫിസറുടെ നിർദേശപ്രകാരം സീനിയർ ഫയർ ആൻഡ് റെസ്ക്യൂ ഓഫീസർ ഇ. മഹേഷ് , ഫയർ ആൻഡ് റെസ്ക്യൂ ഓഫീസർ എസ്.സന്തോഷ് എന്നിവർ ടവറിൽ കയറി രതീഷിനെ അനുനയിപ്പിച്ച് താഴെയിറക്കുകയായിരുന്നു.

വെള്ളിയാഴ്ച രാത്രി ഒൻപതരയോടെയാണു സംഭവം. വെളുപ്പിന് ഒരു മണിയോടെ ഇയാളെ സുരക്ഷിതമായി താഴെയിറക്കി. സംഭവത്തെ തുടർന്ന് രാത്രി പത്ത് മണി മുതൽ മൂന്ന് മണിക്കൂറോളം പ്രദേശത്ത് വൈദ്യുതി മുടങ്ങി. ഏകദേശം മൂന്ന് മണിക്കൂറോളം ഫയർ ഫോഴ്സിനെയും പൊലീസിനെയും സ്ഥലത്ത് തടിച്ച് കൂടിയ നാട്ടുകാരെയും മുൾമുനയിൽ നിർത്തിയ ശേഷമാണ് രതീഷിനെ താഴെയിറക്കാനായത്. തുടർന്ന് ഇയാളെ അടൂർ പൊലീസ് സ്റ്റേഷനിലേക്ക് മാറ്റി. അടൂർ ഫയർ സ്റ്റേഷൻ ഓഫിസർ വിനോദ് കുമാർ, സീനിയർ ഫയർ ആൻഡ് റെസ്ക്യൂ ഓഫിസർ മഹേഷ് ഇ എന്നിവരുടെ നേതൃത്വത്തിൽ ഫയർഫോഴ്സ് ഉദ്യോഗസ്ഥരായ എൻ. രാജേഷ്, എ.സജാദ് , വി.പ്രദീപ്, കെ.ശ്രീജിത്ത്, എസ്. സാനിഷ്, എസ്. സന്തോഷ്, എം.സി. അജീഷ്, വേണുഗോപാൽ, സുരേഷ് കുമാർ, മോനച്ചൻ എന്നിവർ രക്ഷാപ്രവർത്തനത്തിൽ പങ്കെടുത്തു.

The post വൈദ്യുത ടവറിൽ പെട്രോളുമായി കയറി യുവാവിന്റെ ആത്മഹത്യാ ഭീഷണി appeared first on Starvision News Malayalam.

ഇടുക്കി: മണിക്കൂറുകള്‍ നീണ്ട ആശങ്കയ്ക്ക് വിരാമം, കെട്ടിടത്തിന് മുകളില്‍ കയറി ആത്മഹത്യാ ഭീഷണി മുഴക്കിയുള്ള പ്രതിഷേധം അവസാനിപ്പിച്ച് ഇടുക്കി തൊടുപുഴ കോ-ഓപ്പറേറ്റീവ് ലോ കോളേജ് വിദ്യാര്‍ഥികള്‍. സസ്‌പെന്‍ഷന്‍ പിന്‍വലിക്കാന്‍ തീരുമാനിച്ചതായുള്ള കോളേജ് അധികൃതരുടെ അറിയിപ്പ് ലഭിച്ചതിന് പിന്നാലെയാണ് വിദ്യാര്‍ഥികള്‍ പ്രതിഷേധം അവസാനിപ്പിച്ചത്.

The post കെട്ടിടത്തിന് മുകളിൽ കയറിനിന്ന് ആത്മഹത്യാ ഭീഷണിമുഴക്കി നിയമവിദ്യാർത്ഥികൾ; സസ്‌പെന്‍ഷന്‍ പിന്‍വലിച്ചു, പ്രതിഷേധം അവസാനിപ്പിച്ചു appeared first on Starvision News Malayalam.

എരുമേലി

കാഞ്ഞിരപ്പള്ളി പാലമ്പ്ര പയ്യമ്പള്ളി പ്രിൻസ് തോമസിന്‍റെ ഭാര്യ ദിയ മാത്യുവാണ് കുട്ടിയെ ചികിത്സിച്ചിരുന്ന എരുമേലിയിലെ സ്വകാര്യ ആശുപത്രിയുടെ മൂന്നാം നിലയിൽ കയറി ആത്മഹത്യാ ഭീഷണി മുഴക്കിയത്. ശനിയാഴ്ച ഉച്ചയ്ക്ക് 12 മണിയോടെയായിരുന്നു സംഭവം. മൂന്നാം നിലയിലേക്ക് കയറുന്നതിനിടെ ആശുപത്രിയിലെ ശുചീകരണത്തൊഴിലാളികളാണ് ദിയയെ ആദ്യം കണ്ടത്. തുടർന്ന് പൊലീസിൽ വിവരമറിയിച്ചു. എരുമേലി എസ്.ഐ ശാന്തി കെ ബാബുവിന്‍റെ നേതൃത്വത്തിൽ പൊലീസ് സ്ഥലത്തെത്തി യുവതിയെ ആശ്വസിപ്പിക്കുകയും ദിയ സ്വമേധയാ തിരിച്ച് ഇറങ്ങുകയും ചെയ്തു. അഗ്നിരക്ഷാസേനയും സ്ഥലത്തെത്തിയിരുന്നു.

മാതാപിതാക്കളെ എരുമേലി പൊലീസ് സ്റ്റേഷനിലേക്ക് കൊണ്ടുപോയി അന്വേഷണത്തിന്‍റെ വിശദാംശങ്ങൾ അറിയിച്ചതായി പൊലീസ് പറഞ്ഞു. തിളയ്ക്കുന്ന പാൽ ദേഹത്ത് വീണതിനെ തുടർന്ന് ഇടത് കണ്ണിലും ചെവിയിലും ഉൾപ്പെടെ ശരീരത്തിന്‍റെ ഇടത് വശത്ത് ഗുരുതരമായി പൊള്ളലേറ്റ കുഞ്ഞ് സെപ്റ്റംബറിലാണ് മരിച്ചത്. പൊള്ളലേറ്റ കുഞ്ഞിനെ ആദ്യം 26-ാം മൈലിലെ സ്വകാര്യ ആശുപത്രിയിലാണ് പ്രവേശിപ്പിച്ചത്. പിറ്റേന്ന് എരുമേലിയിലെ സ്വകാര്യ ആശുപത്രിയിലേക്ക് മാറ്റി. 16 ദിവസത്തെ ചികിത്സയ്ക്ക് ശേഷം നില വഷളാവുകയും മരണം സംഭവിക്കുകയും ചെയ്തു. തുടർന്നാണ് ആശുപത്രി അധികൃതരുടെ അനാസ്ഥയ്ക്കെതിരെ പൊലീസിൽ പരാതി നൽകിയത്. മരണകാരണം ആശുപത്രി അധികൃതരുടെ വീഴ്ചയാണെന്ന് പരാതി നൽകി മൂന്ന് മാസം കഴിഞ്ഞിട്ടും നടപടിയുണ്ടായില്ലെന്നും രക്ഷിതാക്കൾ ആരോപിച്ചു.

The post പരാതി നല്‍കിയിട്ടും നീതി ലഭിച്ചില്ല; ആശുപത്രിയുടെ മുകളില്‍ കയറി അമ്മയുടെ ആത്മഹത്യാ ഭീഷണി appeared first on Starvision News Malayalam.