തിരുവനന്തപുരം: കൺസ്യൂമർ ഫെഡ്‌ എല്ലാ ജില്ലയിലും ക്രിസ്‌മസ്‌, പുതുവത്സര ചന്തകൾ ആരംഭിക്കും. ഇതിനായി സർക്കാർ സഹായമായി 1.34 കോടി രൂപ അനുവദിച്ചതായി ധനമന്ത്രി കെ എൻ ബാലഗോപാൽ അറിയിച്ചു. നിത്യോപയോഗ സാധനങ്ങൾ വിലക്കുറച്ച്‌ വിതരണം ചെയ്യാൻ സബ്‌സിഡി തുക ഉപയോഗിക്കും.
ഉത്സവകാല വിപണി ഇടപെടലിന്‌ 75 കോടി രൂപയാണ്‌ ബജറ്റിൽ വകയിരുത്തിയിട്ടുള്ളത്‌. ഉത്സവകാല വിൽപനയ്‌ക്കുശേഷം സബ്‌സിസി തുക അനുവദിക്കുന്നതാണ്‌ രീതി. ഇത്തവണ മുൻകൂറായിതന്നെ കൺസ്യുമർഫെഡിന്‌ തുക അനുവദിച്ചതായും മന്ത്രി അറിയിച്ചു.

The post കുറഞ്ഞ വിലയിൽ നിത്യോപയോ​ഗ സാധനങ്ങൾ; എല്ലാ ജില്ലയിലും കൺസ്യൂമർ ഫെഡിന്റെ ക്രിസ്മസ്, പുതുവത്സര ചന്തകൾ appeared first on Starvision News Malayalam.

ക്രിസ്മസ് വിപണിയിലേക്ക് സാധനങ്ങള്‍ എത്തിക്കുന്നതിന് സപ്ലൈകോ വിളിച്ച ടെന്‍ഡറില്‍ പങ്കെടുത്തത് നാല് കമ്പനികള്‍ മാത്രം. നാല് സബ്സിഡി ഇനങ്ങള്‍ക്ക് മാത്രമാണ് ഇവര്‍ ടെന്‍ഡര്‍ നല്‍കിയിരിക്കുന്നത്. ഇവയ്ക്കായി ക്വാട്ട് ചെയ്തിരിക്കുന്നത് മുന്‍ ടെന്‍ഡറുകളേക്കാള്‍ ഉയര്‍ന്ന തുക. ഇത് അംഗീകരിച്ചാല്‍ സപ്ലൈകോയ്ക്ക് അധിക സാമ്പത്തിക ബാധ്യതയുണ്ടാകും. ഇതോടെ ക്രിസ്മസ്കാലത്ത് സപ്ലൈകോയില്‍ സബ്സിഡി ഉല്‍പ്പന്നങ്ങളുടെ പൂര്‍ണ ക്ഷാമം ഉറപ്പായി.

എണ്‍പത് കമ്പനികള്‍ വരെ പങ്കെടുക്കുന്ന സപ്ലൈകോ ടെന്‍ഡറുകളില്‍ ഇത്തവണ എത്തിയത് നാല് കമ്പനികള്‍. ഇതില്‍ മുളക്, ഉഴുന്ന്, ജയ അരി എന്നീ ഉല്‍പ്പന്നങ്ങള്‍ക്ക് ബിഡ് സമര്‍പ്പിച്ചിരിക്കുന്നത് മൂന്നില്‍ താഴെ കമ്പനികള്‍ മാത്രം. കേന്ദ്ര വിജിലന്‍സ് കമ്മീഷന്‍റെ മാര്‍ഗരേഖയും സംസ്ഥാന സര്‍ക്കാരിന്‍റെ സ്റ്റോര്‍ പര്‍ച്ചേസ് മാന്വലും പ്രകാരം ഇതിന് അനുമതി നല്‍കാനാകില്ല. സബ്സിഡി ഇനങ്ങളില്‍ ചെറുപയറിന് മാത്രമാണ് 3 കമ്പനികള്‍ ടെന്‍ഡര്‍ സമര്‍പ്പിച്ചിരിക്കുന്നത്. ടെന്‍ഡറില്‍ ക്വാട്ട് ചെയ്തിരിക്കുന്ന തുക അവസാനം നല്‍കിയ ടെന്‍ഡറിനേക്കാള്‍ കൂടുതലാണ്. ഉഴുന്നിന് കിലോയ്ക്ക് 125.36 മുതല്‍ 126.36 വരെയാണ് ക്വാട്ട് ചെയ്തിരിക്കുന്നത്. കഴിഞ്ഞതവണ ടെന്‍ഡര്‍ നല്‍കിയത് 120 രൂപയ്ക്കും.

മുളകിന്‍റെ വില കിലോയ്ക്ക് 217.86 മുതല്‍ 225.46 വരെ. കഴിഞ്ഞ തവണ കരാര്‍ നല്‍കിയത് 215 രൂപയ്ക്ക്. ചെറുപയറിന് കിലോയ്ക്ക് 139.89 മുതല്‍ 170 രൂപ വരെയാണ് ക്വാട്ട് ചെയ്തിരിക്കുന്നത്. അവസാന ടെന്‍ഡര്‍ നല്‍കിയത് 125 രൂപയ്ക്കും. ഇവ അംഗീകരിച്ചാല്‍ സപ്ലൈകോയെ കാത്തിരിക്കുന്നത് ലക്ഷങ്ങളുടെ അധിക ബാധ്യത. സ്റ്റോര്‍ പര്‍ച്ചേസ് മാന്വലും സി.വി.സിയും മാര്‍ഗരേഖയും ലംഘിച്ച് കരാര്‍ നല്‍കിയാല്‍ വിജിലന്‍സിനെ സമീപിക്കാന്‍ ഒരുങ്ങുകയാണ് വിതരണക്കാരുടെ സംഘടന.

The post സപ്ലൈയ്ക്ക് ആളില്ലാതെ സപ്ലൈകോ; ടെന്‍ഡറില്‍ പങ്കെടുത്തത് 4 കമ്പനികള്‍ മാത്രം appeared first on Starvision News Malayalam.

ഇക്കാര്യം സപ്ലൈക്കോ ഭക്ഷ്യമന്ത്രിയെ രേഖാമൂലം അറിയിക്കുകയും ചെയ്തിരുന്നു. വില കൂട്ടുന്നത് നയപരമായ തീരുമാനമായതിനാലാണ് ഇന്ന് ചേര്‍ന്ന എല്‍ഡിഎഫ് യോഗം വിഷയം ചര്‍ച്ചചെയ്തത്. വരുംദിവസങ്ങളില്‍ 13 ഇന അവശ്യസാധനങ്ങളുടെയും വില ഉയരും. പ്രതിസന്ധിയെ തുടര്‍ന്ന് കഴിഞ്ഞ കുറച്ച് മാസങ്ങളായി സബ് സിഡിയുള്ള അവശ്യസാധനങ്ങള്‍ പലപ്പോഴും സപ്ലൈക്കോയില്‍ കിട്ടാനില്ലാത്ത സ്ഥിതി പതിവായിരുന്നു. ഇതിനിടെയാണ് വില ഉയരുന്നത്. 2016-ല്‍ നിയമസഭാ തിരഞ്ഞെടുപ്പ് വേളയില്‍ അവശ്യസാധനങ്ങളുടെ വില കൂട്ടില്ലെന്നായിരുന്നു എല്‍ഡിഎഫ് തിരഞ്ഞെടുപ്പ് വാഗ്ദാനത്തില്‍ പറഞ്ഞിരുന്നത്. കഴിഞ്ഞ ഏഴ് വര്‍ഷവും വാഗ്ദാനം പാലിച്ച് വില കൂട്ടിയില്ലെങ്കിലും ഇപ്പോള്‍ അതിൽ മാറ്റംവരികയാണ്.

The post സപ്ലൈകോ വഴി വിതരണം ചെയ്യുന്ന 13 അവശ്യസാധനങ്ങളുടെ വില വർധിപ്പിക്കാൻ എൽഡിഎഫ് യോഗത്തിൽ തീരുമാനം appeared first on Starvision News Malayalam.