മനാമ: പങ്കെടുത്തവരിൽ അറിവും ആവേശവും ആത്മവിശ്വാസവും പകർന്നു നൽകുന്നതായിരുന്നു ഫ്രന്റ്‌സ് സോഷ്യൽ അസോസിയേഷൻ സംഘടിപ്പിച്ച ഏകദിന പഠന ക്യാമ്പ്. സോളിഡാരിറ്റി സംസ്ഥാന പ്രസിഡന്റ് ഡോ.നഹാസ് മാളയുടെ നേതൃത്വത്തിൽ നടന്ന കേമ്പ് രാവിലെ 9.30 നു ആരംഭിച്ചു വൈകുന്നേരം ആറു മണിക്ക് അവസാനിച്ചു. വിവിധ സെഷനുകളിൽ പ്രമുഖ പണ്ഡിതരും പ്രാസംഗികരും വ്യത്യസ്‍ത വിഷയങ്ങൾ അവതരിപ്പിച്ചു. ജനറൽ സെക്രട്ടറി എം. അബ്ബാസിന്റെ ഖുർആൻ പഠനത്തോടെയാണ് ക്യാമ്പ് ആരംഭിച്ചത്.

നമ്മുടെ ധാർമ്മിക പരിധികൾ, ഹൃദയവും സ്വാഭാവചര്യയും സംസ്‌കരിക്കുക, യുവാക്കളാണ് പ്രചോദനം, മരണം മരണാനന്തരം എന്ന വിഷയങ്ങളിലുള്ള പഠന ക്‌ളാസുകൾക്ക് യഥാക്രമം പ്രസിഡന്റ് സഈദ് റമദാൻ നദ്‌വി, ഡോ.നഹാസ് മാള, യൂത്ത് ഇന്ത്യ വൈസ് പ്രസിഡന്റ് യൂനുസ് സലിം, ഫ്രന്റ്‌സ് വൈസ് പ്രസിഡന്റ് ജമാൽ ഇരിങ്ങൽ എന്നിവർ നേതൃത്വം നൽകി. ബഹ്‌റൈനിലെ പഴയ കാല ഓർമ്മകൾ അഴവിറക്കിയ “തലമുതിർന്നവർക്കൊപ്പം” എന്ന സെഷൻ ബഹ്‌റൈനിലെ പുതുതലമുറക്ക് ഏറെ പ്രചോദനവും കൗതുകവുമുണർത്തുന്നതായിരുന്നു.

അബ്ദുൽ അസീസ്, ടി.പി. അബൂബക്കർ, അബ്ദുൽ ഖാദർ പൂവാർ, അബ്ദുറഹിമാൻ, എം.എം.സുബൈർ, അലി അഷ്‌റഫ്, സി.കെ. നൗഫൽ, സി.ഖാലിദ്, എം. അബ്ബാസ് എന്നിവർ പങ്കെടുത്ത പാനൽ ചർച്ചയിൽ അബ്ദുൽ ജലീൽ മോഡറേറ്ററായിരുന്നു. അബ്ദുൽ ഗഫൂർ മൂക്കുതല, ഉമ്മു സൽ‍മ, ദിയ നസീം, തമന്ന നസീം എന്നിവർ ഗണങ്ങളാലപിച്ചു. എ.എം. ഷാനവാസ് ഡോക്യുഫിഷൻ അവതരിപ്പിച്ചു. സദസ്യരുടെ അന്വേഷണങ്ങൾക്ക് ഡോ.നഹാസ് മറുപടി നൽകി. കേമ്പ് കൺവീനർ സി.ഖാലിദ് സ്വാഗതവും എ.എം.ഷാനവാസ് നന്ദിയും പറഞ്ഞു.

പരിപാടിക്ക് അസ്‌ലം വേളം, സമീർ ഹസൻ, ഫാറൂഖ് വി.പി, ജലീൽ, മുഹമ്മദ് മുഹിയുദ്ധീൻ, സക്കീന അബ്ബാസ്, സാജിദ സലിം, അബ്ദുൽ ഹഖ്, സി.എം. മുഹമ്മദ് അലിതുടങ്ങിയവർ നേതൃത്വം നൽകി.

The post അറിവും ആവേശവും പകർന്നു നൽകിയ പഠന ക്യാമ്പ് appeared first on Starvision News Malayalam.

കോട്ടയം അതിരൂപത മലങ്കര സഹായ മെത്രാന്‍ ഗിവര്‍ഗ്ഗീസ് മാര്‍ അപ്രേം ചടങ്ങില്‍ അദ്ധ്യക്ഷത വഹിച്ചു. കര്‍മ്മ രംഗങ്ങളില്‍ സേവനത്തിന്റെയും കാരുണ്യത്തിന്റെയും മുഖമായി പ്രശോഭിക്കുന്ന ആരോഗ്യ പ്രവര്‍ത്തകരുടെ സേവനങ്ങള്‍ വിലമതിയ്ക്കാനാകത്തതാണെന്നും അദ്ദേഹം അദ്ധ്യക്ഷ പ്രസംഗത്തില്‍ പറഞ്ഞു. കോട്ടയം സോഷ്യല്‍ സര്‍വ്വീസ് സൊസൈറ്റി എക്‌സിക്യൂട്ടീവ് ഡയറക്ടര്‍ ഫാ. സുനില്‍ പെരുമാനൂര്‍, അസി. ഡയറക്ടര്‍ ഫാ. മാത്യുസ് വലിയപുത്തന്‍പുരയില്‍, ഏറ്റുമാനൂര്‍ മുനിസിപ്പല്‍ ചെയര്‍പേഴ്‌സണ്‍ ലൗലി ജോര്‍ജ്ജ്, കോട്ടയം എസ്.എച്ച് കോളേജ് ഓഫ് നഴ്‌സിംഗ് വൈസ് പ്രിന്‍സിപ്പല്‍ ഡോ. സബീന തോമസ് എന്നിവര്‍ പ്രസംഗിച്ചു.

കോട്ടയം സോഷ്യല്‍ സര്‍വ്വീസ് സൊസൈറ്റിയുടെ നേതൃത്വത്തില്‍ നടപ്പിലാക്കുന്ന വിവിധങ്ങളായ സാമൂഹ്യ ക്ഷേമ കര്‍മ്മ പദ്ധതികളെക്കുറിച്ചും ഭിന്നശേഷിയുള്ളവര്‍ക്കായുള്ള ക്ഷേമ പ്രവര്‍ത്തനങ്ങളെക്കുറിച്ചും വിശിഷ്യ അന്ധബധിര പുനരധിവാസ പ്രവര്‍ത്തനങ്ങളെക്കുറിച്ചും അവബോധം സൃഷ്ടിക്കുക എന്ന ലക്ഷ്യത്തോടെയാണ് പഠന ശിബിരം സംഘടിപ്പിച്ചത്. കെ.എസ്.എസ്.എസ് പ്രോഗ്രാം ഓഫീസര്‍ ഷൈല തോമസ്, സ്‌പെഷ്യല്‍ എജ്യുക്കേറ്റര്‍ സിസ്റ്റര്‍ സിമി ഡി.സി.പി.ബി എന്നിവര്‍ പഠന ശിബിരത്തിന് നേതൃത്വം നല്‍കി.

The post സാമൂഹിക അവബോധ പഠന ശിബിരം സംഘടിപ്പിച്ചു appeared first on Starvision News Malayalam.