തിരുവനന്തപുരം ജി.വി. രാജ സ്പോർട്സ് സ്കൂൾ, കണ്ണൂർ സ്പോർട്സ് സ്കൂൾ, തൃശ്ശൂർ സ്പോർട്സ് ഡിവിഷൻ എന്നിവിടങ്ങളിലേക്ക് ഉള്ള 6 മുതൽ 10 വരെ ക്ലാസ്സുകളിലേക്കുള്ള സെലക്ഷൻ ട്രയൽസ് ഏപ്രിൽ 20 മുതൽ മെയ് 6 വരെ അതതു ജില്ലകളിൽ നടത്തുന്നു. അതോടൊപ്പം 11-ാം ക്ലാസ്സിലേക്കുള്ള സോണൽ സെലക്ഷൻ ട്രയൽസ് ഏപ്രിൽ 30 മുതൽ മെയ് 6 വരെ വിവിധ ജില്ലകളിൽ നടക്കും. 6,7 ക്ലാസ്സുകളിലേക്ക് ജനറൽ ടെസ്റ്റ് വഴിയും 9,10 ക്ലാസ്സുകളിലെ ഒഴിവുള്ള സീറ്റിലേക്ക് സംസ്ഥാനതല മെഡൽ ജേതാക്കൾക്കും 8,11 ക്ലാസ്സുകളിലേക്ക് ജനറൽ ടെസ്റ്റിനൊപ്പം ഗെയിം പ്രാവീണ്യം കൂടി പരിഗണിച്ചാവും പ്രവേശനം നൽകുക.

പ്രഗത്ഭരായ അനവധി കോച്ചുമാരുടെ കീഴിൽ അത്യാധുനിക സൗകര്യങ്ങളോടുകൂടി ട്രെയിനിങ് നടത്താൻ വിദ്യാർത്ഥികൾക്ക് സാധിക്കും. അതത് തീയതികളിൽ രാവിലെ 8 -നു മുൻപായി റിപ്പോർട്ട് ചെയ്യുക എന്നതും മാനദണ്ഡത്തിൽ വ്യക്തമാക്കുന്നു. ഒപ്പം ജനന സർട്ടിഫിക്കറ്റും ആധാർ കാർഡും 2 ഫോട്ടോയും നിർബന്ധമായും കൊണ്ടു വരണമെന്നും സൂചിപ്പിക്കുന്നുണ്ട്.

The post നാളെയുടെ താരങ്ങളെ വാർത്തെടുക്കാനൊരുങ്ങി സ്പോർട്സ് കേരള appeared first on Starvision News Malayalam.

ആദ്യ ബോര്‍ഡ് യോഗത്തില്‍ കമ്പനിയുടെ ചെയര്‍മാനായി കായികമന്ത്രി വി അബ്ദുറഹിമാനെ തെരഞ്ഞെടുത്തു. കായിക വകുപ്പ് സെക്രട്ടറി ഷര്‍മ്മിള മേരി ജോസിനെ വൈസ് ചെയര്‍പേഴ്‌സണായും കായിക-യുവജനകാര്യ ഡയറക്ടര്‍ ജെറോമിക് ജോര്‍ജിനെ മാനേജിങ്ങ് ഡയറക്ടറായും തെരഞ്ഞെടുത്തു. ഡയറക്ടര്‍മാരെ പിന്നീട് നിശ്ചയിക്കും.

പൂര്‍ണമായും ഗവണ്‍മെന്റ് ഉടമസ്ഥതയിലുള്ളതാണ് കമ്പനി. നിലവില്‍, തിരുവനന്തപുരം വെള്ളയമ്പലത്തെ കായിക-യുവജനകാര്യ ഡയറക്ടറേറ്റിലാണ് കമ്പനിയുടെ ഓഫീസ് പ്രവര്‍ത്തിക്കുക.

കായിക- യുവജന കാര്യ ഡയറക്ടറേറ്റിന് കീഴില്‍ പ്രവര്‍ത്തിക്കുന്ന എഞ്ചിനിയറിങ്ങ് വിഭാഗത്തെ എസ് കെ എഫില്‍ ലയിപ്പിച്ചു. സര്‍ക്കാര്‍ അനുമതി നല്‍കിയതും എഞ്ചിനിയറിങ്ങ് വിഭാഗം നിലവില്‍ നിര്‍വഹിക്കുന്നതുമായ എല്ലാ നിര്‍മ്മാണ പ്രവൃത്തികളും കമ്പനിയ്ക്ക് കൈമാറി. കിഫ്ബി സഹായത്തോടെ കായികവകുപ്പിന് കീഴില്‍ നടക്കുന്ന പ്രവൃത്തികളുടെ പരിപാലന ചുമതലയും കമ്പനിക്കായിരിക്കും.

വട്ടിയൂര്‍ക്കാവ് ഷൂട്ടിങ്ങ് റേഞ്ച്, വെള്ളയമ്പലത്തെ ജിമ്മി ജോര്‍ജ്ജ് സ്‌പോട്‌സ് ഹബ്, കുമാരപുരത്തെ ടെന്നിസ് അക്കാദമി എന്നിവയുടെ നടത്തിപ്പും പരിപാലനവും ജിമ്മി ജോര്‍ജ്ജ് ഇന്‍ഡോര്‍ സ്‌റ്റേഡിയം, വട്ടിയൂര്‍ക്കാവ് എന്നിവിടങ്ങളിലെ ഫിറ്റ്‌നസ് സെന്റര്‍ എന്നിവയുടെ നടത്തിപ്പും പരിപാലനവും കമ്പനിക്ക് കൈമാറി.

കായിക- യുവജനകാര്യ ഡയറക്ടറേറ്റിന് കീഴിലുള്ള ജി വി രാജ സ്‌പോട്‌സ് സ്‌കൂള്‍, കണ്ണൂര്‍ സ്‌പോട്‌സ് ഡിവിഷന്‍, തൃശൂര്‍ സ്‌പോട്‌സ് ഡിവിഷന്‍ എന്നിവിടങ്ങളിലെ കായികസംവിധാനങ്ങളുടെ നടത്തിപ്പും പരിപാലനവും കമ്പനിക്കായിരിക്കും.

മത്സരങ്ങളുടെ നടത്തിപ്പ്, കായിക പരിശീലന സൗകര്യങ്ങള്‍ ഒരുക്കല്‍, കായികതാരങ്ങള്‍ക്കും പരിശീലകര്‍ക്കും വിദഗ്ധ പരിശീലനം, പൊതുജനങ്ങള്‍ക്ക് ഫിസിക്കല്‍ ഫിറ്റ്‌നസ് ലഭ്യമാക്കാനുള്ള പ്രവര്‍ത്തനങ്ങള്‍ തുടങ്ങിയ ദൗത്യങ്ങളും എസ് കെ എഫ് നിര്‍വഹിക്കും.

The post സ്‌പോട്‌സ് കേരള ഫൗണ്ടേഷന്‍ പ്രവര്‍ത്തനം തുടങ്ങി appeared first on Starvision News Malayalam.