മനാമ: രാജാവ് ഹമദ് ബിന്‍ ഈസ അല്‍ ഖലീഫയുടെ സ്ഥാനാരാഹോണത്തിന്റെ രജതജൂബിലി ആഘോഷങ്ങള്‍ക്കായി സര്‍ക്കാര്‍ സ്ഥാപനങ്ങള്‍ അനുവദിച്ച എല്ലാ ബജറ്റുകളും ജീവകാരുണ്യ സംഘടനകള്‍ക്ക് കൈമാറുന്നതായി റോയല്‍ കോര്‍ട്ട് മന്ത്രി ശെയ്ഖ് ഖാലിദ് ബിന്‍ അഹമ്മദ് അല്‍ ഖലീഫ അറിയിച്ചു. രാജാവിന്റെ നിര്‍ദേശപ്രകാരമാണിത്.
ഈ നടപടി സാമൂഹ്യ പങ്കാളിത്തം വര്‍ദ്ധിപ്പിക്കും. സാമൂഹ്യ പുരോഗതിയില്‍ രാജ്യത്തെ ജീവകാരുണ്യ സംഘടനകളുടെയും ഫണ്ടുകളുടെയും ഔദ്യോഗിക അധികാരികളുടെയും സംഭാവനകളും പങ്കും ഉയര്‍ത്തിക്കാട്ടുന്ന നടപടി കൂടിയാണിത്. രാജ്യത്തിന്റെ ദേശീയ ദിനങ്ങളുടെ വാര്‍ഷികാഘോഷങ്ങള്‍, രാജാവിന്റെ സ്ഥാനാരോഹണത്തിന്റെ വാര്‍ഷികാഷോഷം, മറ്റു ദേശീയാഘോഷ പരിപാടികള്‍ എന്നിവ തുടരുമെന്നും മന്ത്രി പറഞ്ഞു.

The post രജതജൂബിലി ആഘോഷങ്ങള്‍ക്കുള്ള സര്‍ക്കാര്‍ സ്ഥാപനങ്ങളുടെ ബജറ്റ് ജീവകാരുണ്യ സംഘടനകള്‍ക്ക് കൈമാറും appeared first on Starvision News Malayalam.

മനാമ: സൽമാനിയ കാനു ഗാർഡനിൽ സ്ഥിതി ചെയ്യുന്ന ഗുരുദേവ സോഷ്യൽ സൊസൈറ്റിയുടെ സ്ഥാപക ദിനാചരണവും രജത ജൂബിലി ആഘോഷങ്ങളുടെ ഉദ്ഘാടനവും വർണ്ണാഭമായ ചടങ്ങുകളോടുകൂടി തുടക്കമായി. ചെയർമാൻ സനീഷ് കൂറുമുള്ളിലിന്റെ അധ്യക്ഷതയിൽ നടന്ന ചടങ്ങിൽ ബഹറിനിലെ ആരോഗ്യ സാമൂഹിക രംഗങ്ങളിലെ നിറസാന്നിധ്യവും കാൻസർ കെയർ ഗ്രൂപ്പ് പ്രസിഡന്റുമായ Dr. P.V ചെറിയാൻ നിലവിളക്ക് കൊളുത്തി ഉദ്ഘാടനം ചെയ്തു. ചടങ്ങിൽ ശ്രീനാരായണ കമ്മ്യൂണിറ്റി രക്ഷാധികാരിയും പ്രവാസി ഭാരതീയ സമ്മാൻ അവാർഡ് ജേതാവുമായ K G ബാബുരാജൻ, I C R F ചെയർമാൻ Dr. ബാബു രാമചന്ദ്രൻ എന്നിവർ മുഖ്യഅതിഥികൾ ആയിരുന്നു. SNCS ചെയർമാൻ സുനീഷ് സുശീലൻ, ബഹറിൻ ബില്ലവാസ് പ്രസിഡണ്ട് ഹരീഷ് പൂജാരി എന്നിവർ ആശംസകൾ അറിയിച്ചു സംസാരിച്ചു.

ചടങ്ങിൽ 25 വർഷം പൂർത്തിയാക്കിയ സൊസൈറ്റിയുടെ രജത ജൂബിലി ആഘോഷങ്ങളുടെ ലോഗോ പ്രകാശനവും, സൊസൈറ്റിയുടെ ബഹറിനിൽ ഉള്ള സ്ഥാപക അംഗങ്ങളായ K. ചന്ദ്രബോസ്, A.V ബാലകൃഷ്ണൻ, അജിത്ത് പ്രസാദ്, ശശിപിള്ള എന്നിവരെയും, സ്ഥാനമൊഴിഞ്ഞ മുൻ ഡയറക്ടർ ബോർഡ് അംഗങ്ങളെയും ആദരിക്കുകയും ഉണ്ടായി.

കുടുംബാംഗങ്ങളും കുട്ടികളും പങ്കെടുത്ത ചടങ്ങിൽ സൊസൈറ്റി ജനറൽ സെക്രട്ടറി ബിനു രാജ് രാജൻ സ്വാഗതവും വൈസ് ചെയർമാൻ സതീഷ് കുമാർ നന്ദിയും രേഖപ്പെടുത്തി.

വിഷുവിനോട് അനുബന്ധിച്ച് സൊസൈറ്റിയിൽ കുടുംബാംഗങ്ങളുടെയും കുട്ടികളുടെയും കലാപരിപാടികളും, വിഷു സദ്യയും ഉണ്ടായിരിക്കുമെന്ന് സൊസൈറ്റി ഭാരവാഹികൾ പത്രക്കുറിപ്പിൽ അറിയിച്ചു.

The post ഗുരുദേവ സോഷ്യൽ സൊസൈറ്റിയുടെ സ്ഥാപക ദിനാചരണവും രജത ജൂബിലി ആഘോഷങ്ങളുടെ ഉദ്ഘാടനവും നടന്നു appeared first on Starvision News Malayalam.