എലത്തൂരു വച്ച് ബോഗിയിൽ തീവെച്ച ശേഷം അതേ ട്രെയിനിൽ കണ്ണൂരിലെത്തിയ ഷാരൂഖ് അവിടെ നിന്ന് മറ്റൊരു ട്രെയിനിലാണ് രത്നഗിരിയിലെത്തിയത്. ഒന്നാം നമ്പർ പ്ലാറ്റ് ഫോമിൽ നിന്നാണ് പ്രതി യാത്ര ചെയ്തത്. ഇവിടെയും പ്രതിയെ എത്തിച്ച് തെളിവെടുപ്പ് നടത്തി. പിന്നീട് പ്രതിയെ കോഴിക്കോട്ടേക്ക് തിരികെ കൊണ്ടുപോയി.എലത്തൂരിൽ നിന്ന് അതേ ട്രെയിനിൽ ണ്ണൂരിലെത്തി അവിടെ നിന്ന് രത്നഗിരിയിലെത്തിയ പ്രതി ട്രെയിൻ കയറുന്നതു വരെ പ്ലാറ്റ്ഫോമിനടുത്ത് ഒളിച്ചിരുന്നു എന്നതടക്കമുള്ള വിവരങ്ങൾ നേരത്തെ പുറത്തുവന്നിരുന്നു,​ എന്നാൽ ഇത് സംബന്ധിച്ച തെളിവെടുപ്പുകളൊന്നും നടത്തിയിട്ടില്ല. ഒരു മണിക്കൂറിനുള്ളിൽ,​ തീവച്ച ബോഗി,​ രത്നഗിരിയിലെത്തിയ ട്രെയിനിൽ കയറിയ പ്ലാറ്റ്ഫോം എന്നിവിടങ്ങളിൽ എത്തിച്ച് മാത്രമാണ് തെളിവെടുത്തത്.

The post തീ വച്ച ശേഷം അതേ ട്രെയിനിൽ കണ്ണൂരിലെത്തി,ഷാരൂഖ് സെയ്ഫിയെ തെളിവെടുപ്പിനെത്തിച്ചു. രത്നഗിരിയിലെത്തിയത് മറ്റൊരു ട്രെയിനിൽ appeared first on Starvision News Malayalam.

ആക്രമണമുണ്ടായ ഡി-1 കോച്ച് ഉള്‍പ്പെടെ എക്‌സിക്യൂട്ടീവ് എക്‌സ്പ്രസിലെ രണ്ടുകോച്ചുകള്‍ കണ്ണൂര്‍ റെയില്‍വേ സ്‌റ്റേഷനിലാണ് സൂക്ഷിച്ചിരിക്കുന്നത്. മാത്രമല്ല, എലത്തൂരില്‍വെച്ച് കൃത്യം നടത്തിയശേഷം അതേ ട്രെയിനില്‍ കണ്ണൂരിലെത്തിയെന്നായിരുന്നു പ്രതിയുടെ മൊഴി. കണ്ണൂര്‍ സ്റ്റേഷനിലാണ് ഏറെനേരം ഒളിച്ചിരുന്നതും ഇയാള്‍ മൊഴി നല്‍കിയിരുന്നു. ഈ സാഹചര്യത്തിലാണ് ഷാരൂഖ് സെയ്ഫിയെ കണ്ണൂരിലെത്തിച്ച് തെളിവെടുപ്പ് നടത്തുന്നത്. ട്രെയിന്‍ തീവെപ്പ് കേസില്‍ പ്രതിയെ കസ്റ്റഡിയില്‍ വാങ്ങി അഞ്ചാംദിവസമാണ് പോലീസ് സംഘം തെളിവെടുപ്പിനായി കൊണ്ടുപോകുന്നത്.

ഏപ്രില്‍ രണ്ടാം തീയതി രാത്രി ഒമ്പതരയോടെയാണ് ആലപ്പുഴ-കണ്ണൂര്‍ എക്‌സിക്യൂട്ടീവ് എക്‌സ്പ്രസില്‍ യാത്രക്കാരുടെ ദേഹത്ത് പെട്രോളൊഴിച്ച് തീകൊളുത്തിയത്. ട്രെയിന്‍ എലത്തൂര്‍ സ്‌റ്റേഷന്‍ പിന്നിട്ടതോടെയായിരുന്നു സംഭവം. ആക്രമണത്തില്‍ ഒമ്പത് യാത്രക്കാര്‍ക്കാണ് പൊള്ളലേറ്റത്. ഇതിനുപിന്നാലെ ട്രെയിനിലെ യാത്രക്കാരായ മൂന്നുപേരുടെ മൃതദേഹങ്ങള്‍ റെയില്‍വേ ട്രാക്കിലും കണ്ടെത്തി. ഇതേസ്ഥലത്തുനിന്ന് പ്രതിയുടേതെന്ന് കരുതുന്ന ബാഗും ചില കുറിപ്പുകളും കണ്ടെടുത്തിരുന്നു.

തുടര്‍ന്ന് പോലീസും ഭീകരവിരുദ്ധ സേനയും വിപുലമായ അന്വേഷണമാണ് നടത്തിയത്. ഒടുവില്‍ ഏപ്രില്‍ അഞ്ചാം തീയതി പുലര്‍ച്ചെ മഹാരാഷ്ട്രയിലെ രത്‌നഗിരിയില്‍നിന്നാണ് പ്രതിയായ ഷാരൂഖ് സെയ്ഫിയെ പിടികൂടിയത്. മഹാരാഷ്ട്ര എ.ടി.എസും രത്‌നഗിരി പോലീസും ചേര്‍ന്ന് പിടികൂടിയ പ്രതിയെ പിന്നീട് കേരള പോലീസിന് കൈമാറുകയായിരുന്നു.

The post തെളിവെടുപ്പ്; ഷാരൂഖ് സെയ്ഫിയുമായി പോലീസ് കണ്ണൂരിലേക്ക് appeared first on Starvision News Malayalam.

കണ്ണൂർ: രാജ്യത്തെ നടുക്കിയ എലത്തൂർ ട്രെയിൻ തീവെപ്പ് കേസിലെ മുഖ്യ പ്രതി ഷാറൂഖ് സെയ്ഫിയെ കേരളത്തിലെത്തിച്ചു.

കേരളത്തിലേക്ക് പ്രതിയുമായി എത്തുന്നതിനിടെ പൊലീസ് വാഹനത്തിന്റെ ടയർ കണ്ണൂർ മേലൂരിന് സമീപം കാടാച്ചിറയിൽ വച്ച്‌ പഞ്ചറായി.

പ്രതി ഷാറൂഖ് സെയ്ഫി കുറ്റം സമ്മതിച്ചതായി മഹാരാഷ്ട്ര എ ടി എസ് അറിയിച്ചിരുന്നു.

ഇതുമായി ബന്ധപ്പെട്ട് കൂടുതൽ പേരിലേക്ക് കേസന്വേഷണം നീളുകയാണ്. ചിലരെ ചോദ്യം ചെയ്യാൻ വിളിപ്പിച്ചതായും വിവരമുണ്ട്.

The post ഷാറൂഖ് സെയ്ഫിയെ കൊണ്ടുവന്ന വാഹനം കണ്ണൂരിൽ വച്ച് ടയർ പഞ്ചറായി, ഒരു മണിക്കൂർ യാത്ര മുടങ്ങി appeared first on Starvision News Malayalam.