മനാമ: ബഹ്‌റൈനില്‍ പുതിയ അദ്ധ്യയന വര്‍ഷത്തിന്റെ തുടക്കത്തിന് മുന്നോടിയായി വിദ്യാഭ്യാസ മന്ത്രി ഡോ. മുഹമ്മദ് ബിന്‍ മുബാറക് ജുമ മുഹറഖിലെ ചരിത്രപ്രസിദ്ധമായ വിദ്യാലയങ്ങള്‍ സന്ദര്‍ശിച്ച് പുതിയ അദ്ധ്യയന വര്‍ഷം സുഗമമാക്കുന്നതിനുള്ള ഒരുക്കങ്ങള്‍ പരിശോധിച്ചു.
അബ്ദുറഹ്‌മാന്‍ അല്‍ നാസര്‍ സെക്കന്‍ഡറി സ്‌കൂള്‍ ഫോര്‍ ബോയ്‌സ് (പഴയ മുഹറഖ് മറൈന്‍ സ്‌കൂള്‍), ഉമര്‍ ബിന്‍ അല്‍ ഖത്താബ് ഇന്റര്‍ മീഡിയറ്റ് സ്‌കൂള്‍ ഫോര്‍ ബോയ്‌സ് (പഴയ മുഹറഖ് നോര്‍ത്തേണ്‍ സ്‌കൂള്‍) എന്നിവിടങ്ങളില്‍ ഉള്‍പ്പെടെയായിരുന്നു സന്ദര്‍ശനം.
ചരിത്രപരമായ വാസ്തുവിദ്യാ സ്വഭാവങ്ങള്‍ സംരക്ഷിച്ച് ക്ലാസ് മുറികള്‍ സജ്ജീകരിച്ചുകൊണ്ടാണ് ഇവിടങ്ങളില്‍ സ്‌കൂളുകളുടെ അറ്റകുറ്റപ്പണികള്‍ നടത്തിയത്. അതെല്ലാം മന്ത്രി അവലോകനം ചെയ്തു.

The post ബഹ്‌റൈനില്‍ പുതിയ അദ്ധ്യയനവര്‍ഷത്തിന്റെ തുടക്കത്തിന് മുന്നോടിയായി വിദ്യാഭ്യാസ മന്ത്രി വിദ്യാലയങ്ങള്‍ സന്ദര്‍ശിച്ചു appeared first on Starvision News Malayalam.

ഒന്നുമുതല്‍ ഏഴുവരെയും 10, 12 ക്ലാസുകളിലെയും 35 ലക്ഷം വിദ്യാര്‍ഥികളില്‍ മൂന്നിലൊന്ന് കുട്ടികളാണ് ആദ്യ ദിനമെത്തുക. ഒന്നും രണ്ടും ക്ലാസിലെ ആറുലക്ഷത്തിലേറെ കുഞ്ഞോമനകള്‍ ഒന്നിച്ച് ആദ്യമായി സ്‌കൂളിലേക്കെത്തുന്നുവെന്ന ചരിത്രപ്രാധാന്യവുമുണ്ട് ഇക്കുറി. ഒന്നാം ക്ലാസില്‍ മുന്‍വര്‍ഷത്തേക്കാള്‍ 27,000 കുട്ടികള്‍ അധികമായും ചേര്‍ന്നു. ഒന്നില്‍ 3.05 ലക്ഷം കുട്ടികളും രണ്ടില്‍ 3.02ലക്ഷം കുട്ടികളുമാണെത്തിയത്. മുഴുവന്‍ ക്ലാസുകളിലുമായി 2,54,642 കുട്ടികള്‍ അധികമായെത്തി. പൊതുവിദ്യാഭ്യാസ യജ്ഞം പ്രഖ്യാപിച്ചശേഷം ഇതുവരെ 9,34,310കുട്ടികള്‍ അധികമായെത്തി. 15ന് എട്ട്, ഒമ്പത് ക്ലാസുകള്‍കൂടി തുറന്ന് ഒരാഴ്ചയ്ക്കകം അന്തിമ കണക്ക് ലഭ്യമാകും.

മന്ത്രി വി ശിവന്‍കുട്ടിയുടെ നേതൃത്വത്തില്‍ വിവിധ വകുപ്പുകളും കക്ഷി രാഷ്ട്രീയ ഭേദമന്യേ ജനങ്ങളും ഒന്നായി നടത്തിയ ശുചീകരണ പ്രവര്‍ത്തനങ്ങളടക്കമുള്ള മുന്നൊരുക്കങ്ങള്‍ പൂര്‍ത്തിയായി. രക്ഷിതാക്കളുടെ ഇഷ്ടപ്രകാരമേ കുട്ടികളെ സ്‌കൂളുകളിലേക്ക് അയക്കേണ്ടതുള്ളൂ. ആദ്യ രണ്ടാഴ്ച ഹാജര്‍ രേഖപ്പെടുത്തില്ല. ഉച്ചവരെയേ ക്ലാസുള്ളൂ. ഗൗരവത്തോടെയുള്ള പഠനവുമില്ല. ശനിയും ക്ലാസുണ്ട്. ആലപ്പുഴയിലെ 50 സ്‌കൂള്‍ മഴക്കെടുതി പശ്ചാത്തലത്തില്‍ തിങ്കളാഴ്ച തുറക്കില്ല.

ഒരാഴ്ചയ്ക്കുശേഷം സാഹചര്യം വിലയിരുത്തി ആവശ്യമെങ്കില്‍ മാറ്റം വരുത്തും. വിദ്യാര്‍ഥികളെ തെര്‍മല്‍ സ്‌കാനറുകള്‍ ഉപയോഗിച്ച് പരിശോധിക്കും. എല്ലാ ക്ലാസിന് മുന്നിലും വെള്ളവും സോപ്പും ഉണ്ടാകും. ഉച്ചഭക്ഷണത്തിനും പ്രത്യേക ക്രമീകരണമുണ്ട്. ക്ലാസില്‍ ഒരു പ്രദേശത്തെ വിദ്യാര്‍ഥികളെയാണ് ഒരു ഷിഫ്റ്റില്‍ പ്രവേശിപ്പിക്കുക. ഒരു ഡോസ് വാക്സിന്‍പോലും എടുക്കാത്ത അധ്യാപകര്‍ക്ക് പ്രവേശനമില്ല. അവര്‍ ഉച്ചയ്ക്കുശേഷം ഓണ്‍ലൈന്‍ ക്ലാസ് എടുക്കണം.

The post ആരവം, ആഹ്ലാദം, ജാഗ്രത: സ്കൂൾ തുറന്നു appeared first on Starvision News Malayalam.