ഡിവൈഎഫ്‌ഐ നേതാവിന്റെ അക്കൗണ്ടിലേക്ക് പണം പോയെന്നും ഡിവൈഎഫ്‌ഐ നേതാവിന് നേരിട്ട് പങ്കുണ്ടെന്നും കെ സുരേന്ദ്രൻ പറഞ്ഞു. ഡിവൈഎഫ്‌ഐയിലെ പ്രദിന്‍ കൃഷ്ണ, അച്ഛന്‍ പാര്‍ത്ഥസാരഥി കൃഷ്ണ, അമ്മ ശാന്തകുമാരി എസ് എന്നിവര്‍ക്ക് എതിരെയാണ് പരാതി. കേസ് ഒതുക്കാന്‍ സര്‍ക്കാര്‍ ശ്രമിക്കുന്നുവെന്നും മുന്‍കൂര്‍ ജാമ്യം ലഭിച്ചുവെന്നും കെ സുരേന്ദ്രന്‍. തളിവ് സഹിതമാണ് ഡിവൈഎഫ്‌ഐ സംസ്ഥാന സമിതി അംഗത്തിനും അച്ഛനും അമ്മക്കും എതിരെ പരാതി ഉയര്‍ന്നിരിക്കുന്നത്. എത്ര അക്കൗണ്ടുകളിലേക്ക് എസ്എസി ക്ഷേമത്തിനുള്ള പണം പോയിട്ടുണ്ടെന്ന് അന്വേഷിക്കണം. ഇക്കാര്യത്തില്‍ പട്ടിക ജാതി കമ്മിഷന്റെ ശ്രദ്ധ വേണം.

കേരളത്തില്‍ പട്ടിക വിഭാഗം ദുരിതത്തിലാണെന്നും സര്‍ക്കാരിന് പരാതി നല്‍കിയിട്ടും മറുപടിയില്ലെന്നും മന്ത്രിയായിരുന്ന എ കെ ബാലന് കോടിക്കണക്കിന് രൂപയുടെ അഴിമതിയെ കുറിച്ച് അറിവില്ലെന്നും അദ്ദേഹം ആരോപിച്ചു. സംസ്ഥാന വ്യാപകമായ തട്ടിപ്പാണ് നടക്കുന്നതെന്നും സമഗ്രമായ അന്വേഷണം വേണമെന്നും വിവാഹ ആവശ്യം, പഠന മുറി എന്നീ ആവശ്യങ്ങള്‍ക്കുള്ള പട്ടികജാതി ക്ഷേമ ഫണ്ടിലാണ് തിരിമറി നടന്നിരിക്കുന്നതെന്നും കെ സുരേന്ദ്രന്‍ വ്യക്തമാക്കി.

The post പട്ടികജാതി വിഭാഗങ്ങള്‍ക്കുള്ള കേന്ദ്ര ഫണ്ട് സിപിഐഎം തട്ടിയെടുത്തെന്ന് കെ സുരേന്ദ്രന്‍ appeared first on Starvision News Malayalam.