മനാമ: ഇന്ത്യയുടെ എഴുപത്തിയാറാം റിപ്പബ്ലിക് ദിനം ആഘോഷിച്ച് ബഹ്‌റൈനിലെ ഇന്ത്യൻ സമൂഹം. സീഫിലെ ഇന്ത്യൻ എംബസി അങ്കണത്തിൽ രാവിലെ 7ന് നടന്ന ചടങ്ങിൽ രാഷ്ട്ര പിതാവ് മഹാത്മാ ഗാന്ധിയുടെ പ്രതിമയിൽ പുഷ്‌പ്പാർച്ചന നടത്തിയ ശേഷം ഇന്ത്യൻ അംബാസിഡർ വിനോദ് കെ. ജേക്കബ് പതാക ഉയർത്തി. ദേശീയ ഗാനാലാപനത്തിന് ശേഷം രാഷ്ട്രപതിയുടെ സന്ദേശം സദസ്സിൽ അംബാസിഡർ വായിച്ചു കേൾപ്പിച്ചു. ഇന്ത്യയുടെയും ബഹ്‌റൈന്റെയും കഴിഞ്ഞ ഒരു വർഷക്കാലയളവിലെ സഹകരണങ്ങളെക്കുറിച്ചും കൂടിക്കാഴ്ചകളെക്കുറിച്ചും സംസാരിച്ച അദ്ദേഹം ബഹ്‌റൈനിലെ ഇന്ത്യൻ സമൂഹത്തിന് റിപ്പബ്ലിക് ദിന ആശംസകൾ നേർന്നു.

രാജ്യത്തെ നൂറ്കണക്കിന് ഇന്ത്യൻ പ്രവാസി സമൂഹം ആഘോഷത്തിൽ പങ്കാളികളായി. മൂവർണ്ണ നിറത്തിലുള്ള വസ്ത്രങ്ങളും കൊടി തോരണങ്ങളും ധരിച്ചായിരുന്നു ആഘോഷത്തിനായി ഇന്ത്യൻ പ്രവാസി സമൂഹം എംബസിയിലെത്തിയത്. പരിപാടിയിൽ ഹിമാചൽ പ്രദേശിൽ നിന്നുള്ള സാംസ്കാരിക സംഘം ദേശഭക്തി ഗാനമാലപിച്ചു. പരിപാടിക്ക് ശേഷം മധുര വിധരണവും നടത്തി.

The post ബഹ്‌റൈനിലെ ഇന്ത്യൻ സമൂഹം 76-ാമത് റിപ്പബ്ലിക് ദിനാഘോഷം സംഘടിപ്പിച്ചു appeared first on Starvision News Malayalam.

കൊല്ലം പ്രവാസി അസ്സോസിയേഷൻ ഇന്ത്യയുടെ 74മത്  റിപ്പബ്ലിക് ദിനാഘോഷം സംഘടിപ്പിച്ചു.  സഗയാ റെസ്റ്റോറന്റ് ഹാളിൽ വച്ച് നടന്ന ആഘോഷ പരിപാടി പ്രസിഡന്റ് നിസാർ കൊല്ലം ഉത്‌ഘാടനം ചെയ്തു. വൈസ് പ്രസിഡന്റ് കിഷോർ കുമാറിന്റെ അധ്യക്ഷതയിൽ നടന്ന പരിപാടിയിൽ  സാമൂഹ്യ പ്രവർത്തകൻ കെ. ആർ നായർ മുഖ്യപ്രഭാഷണം നടത്തി. ട്രെഷറർ രാജ് കൃഷ്ണൻ റിപ്പബ്ലിക് ദിന സന്ദേശം നൽകി. ജനറൽ സെക്രട്ടറി ജഗത് കൃഷ്ണകുമാർ സ്വാഗതവും അസി. ട്രെഷറർ ബിനു കുണ്ടറ നന്ദിയും അറിയിച്ചു  സെക്രട്ടറി അനോജ് മാസ്റ്റർ  സൃഷ്ടി കൺവീനർ അനൂബ് തങ്കച്ചൻ എന്നിവർ ആശംസകൾ അറിയിച്ചു. തുടർന്ന് കലാ സാഹിത്യവിഭാഗം  സൃഷ്ടിയുടെ നേതൃത്വത്തിൽ കലാപരിപാടികൾ അരങ്ങേറി.

The post കൊല്ലം പ്രവാസി അസ്സോസിയേഷൻ റിപ്പബ്ലിക് ദിനാഘോഷം സംഘടിപ്പിച്ചു appeared first on Starvision News Malayalam.

മനാമ: ഇന്ത്യയുടെ 74-ാമത് റിപ്പബ്ലിക് ദിനത്തോടനുബന്ധിച്ച് ബഹ്‌റൈനിലെ ഇന്ത്യൻ ക്ലബ്ബ് പരിസരത്ത് പതാക ഉയർത്തൽ ചടങ്ങ് നടന്നു. ഇന്ത്യൻ ക്ലബ് എക്‌സിക്യൂട്ടീവ് അംഗങ്ങളുടെ സാന്നിധ്യത്തിൽ വളരെ ലളിതമായാണ് ചടങ്ങ് നടന്നത്. ഇന്ത്യൻ ദേശീയ പതാക ഉയർത്തിയതിനു ശേഷം ദേശീയ ഗാനത്തോടെയാണ് ചടങ്ങുകൾ ആരംഭിച്ചത്. ഇന്ത്യൻ ക്ലബ് പ്രസിഡന്റ് കെ.എം.ചെറിയാൻ റിപ്പബ്ലിക് ദിന പ്രസംഗം നടത്തി.

The post ഇന്ത്യൻ ക്ലബ് ബഹ്‌റൈൻ റിപ്പബ്ലിക്ക് ദിനാഘോഷം സംഘടിപ്പിച്ചു appeared first on Starvision News Malayalam.

മനാമ: ഇന്ത്യയുടെ 74-മത് റിപ്പബ്ലിക് ദിനം ബഹ്‌റൈനിൽ വിപുലമായ രീതിയിൽ ആഘോഷിച്ചു. ബഹ്‌റൈനിലെ ഇന്ത്യൻ എംബസ്സിയിൽ നടന്ന റിപ്പബ്ലിക് ദിനാഘോഷ പരിപാടിയിൽ ഇന്ത്യൻ അംബാസിഡർ പീയുഷ് ശ്രീവാസ്തവ പതാകയുയർത്തി. തുടർന്ന് അംബാസിഡർ രാഷ്ട്രപതിയുടെ റിപ്പബ്ലിക്ക് ദിന സന്ദേശം വായിച്ചു.

അസോസിയേഷനുകൾ, സ്‌കൂളുകൾ, പ്രൊഫഷണലുകൾ, തൊഴിലാളികൾ, വിദ്യാർത്ഥികൾ എന്നിവർ ഉൾപ്പെടെ ഇന്ത്യൻ കമ്മ്യൂണിറ്റിയിലെ 1000-ലധികം പേർ ചടങ്ങിൽ പങ്കെടുത്തു. കഴിഞ്ഞ ഒരു വർഷത്തെ പ്രവർത്തനങ്ങൾ എടുത്തുകാട്ടുന്ന ഇന്ത്യൻ കമ്മ്യൂണിറ്റി റിലീഫ് ഫണ്ട് (ICRF) ബുള്ളറ്റിനും അംബാസഡർ പുറത്തിറക്കി.

The post ബഹ്‌റൈനിലെ ഇന്ത്യൻ എംബസി ഇന്ത്യയുടെ 74-മത് റിപ്പബ്ലിക് ദിനം ആഘോഷിച്ചു appeared first on Starvision News Malayalam.

മനാമ: ബഹറിനിലെ പ്രമുഖ സാംസ്കാരിക സംഘടനയായ കെ സി എ ബഹ്റിൻ റിപ്പബ്ലിക് ദിനാഘോഷങ്ങൾ സംഘടിപ്പിച്ചു. കെ.സി.എ അങ്കണത്തിൽ വെച്ചു നടന്ന ചടങ്ങിൽ കെ.സി.എ ജനറൽ സെക്രട്ടറി വിനു ക്രിസ്റ്റി സ്വാഗതം ആശംസിച്ചു. കെ.സി.എ പ്രസിഡന്റ്‌ നിത്യൻ തോമസ് ഇന്ത്യൻ ദേശിയ പതാക ഉയർത്തി. തുടർന്ന് കെ.സി.എ അംഗങ്ങൾ ദേശിയ പ്രതിജ്ഞ ചെയ്തു.

കെ.സി.എ പ്രസിഡന്റ്‌ നിത്യൻ തോമസ് റിപ്പബ്ലിക് ദിന സന്ദേശം നൽകി. ഒട്ടേറെ ധീര ദേശാഭിമാനികളുടെ ജീവ ത്യാഗത്തിന്റെ ഫലമാണ് നാം ഇന്ന് അനുഭവിക്കുന്ന സ്വാതന്ത്ര്യമെന്നു അദ്ദേഹം സന്ദേശത്തിലൂടെ ഓർമിപ്പിച്ചു. കെ.സി.എ വൈസ് പ്രസിഡന്റ്‌ തോമസ് ജോൺ ,എന്റർടൈൻമെന്റ് സെക്രട്ടറി ജിതിൻ ജോസ്, കെ സി എ സ്പോൺസർഷിപ് കമ്മിറ്റി ചെയർമാൻ സേവി മാത്തുണ്ണി ,ഇന്റെർണൽ ഓഡിറ്റർ കെ ഇ റീച്ചാർഡ്, മുൻ പ്രസിഡന്റ്റുമാരായിരുന്ന റോയ് സി ആന്റണി, ജെയിംസ് ജോൺ, മുൻ ജനറൽ സെക്രട്ടറി സോവിച്ചൻ എന്നിവരും മറ്റു വിശിഷ്ടാതിഥികളും, കെ.സി.എ അംഗങ്ങളും ചടങ്ങിൽ സംബന്ധിച്ചു.

The post കെ.സി.എ റിപ്പബ്ലിക് ദിനം ആഘോഷിച്ചു appeared first on Starvision News Malayalam.

മനാമ: സീറോ മലബാർ സൊസൈറ്റി ഭാരതത്തിന്റെ 74-മത് റിപ്പബ്ലിക്ക് ദിനാഘോഷം സംഘടിപ്പിച്ചു . സംഘടനാ ആസ്ഥാനത്തു നടന്ന ചടങ്ങിൽ പ്രസിഡന്റ് ബിജു ജോസഫ് പതാക ഉയർത്തി ജനറൽ സെക്രട്ടറി ശ്രീ ജോയ് പോളി പ്രതിജ്ഞ വാചകം ചൊല്ലിക്കൊടുക്കുകയും തുടർന്ന് അംഗങ്ങൾ ദേശഭക്തി ഗാനമാലപിക്കുകയും ചെയ്തു .

രാജ്യത്തിനായി വീരചരമം പ്രാപിച്ചവരെയും ഭരണഘടനാ ശില്‌പിയെയും അനുസ്മരിക്കുന്നതോടൊപ്പം ജനാധിപത്യ മൂല്യങ്ങൾ ഉയർത്തിപിടിക്കുവാനും സംരക്ഷിക്കാനും , വികസന പ്രവർത്തങ്ങളിൽ പങ്കാളികളാകുവാനും കഴിയും വിധം ഓരോരുത്തരും പ്രവർത്തിക്കണമെന്നും പ്രസിഡണ്ട് തന്റെ റിപ്പബ്ലിക്ക് ദിന സന്ദേശത്തിൽ ഓർമിപ്പിച്ചു.

മോൻസി മാത്യു നന്ദി പ്രകാശിപ്പിച്ച ചടങ്ങിൽ ഇന്ത്യൻ ക്ലബ് വൈസ് പ്രസിഡന്റ് സാനി പോൾ , മറ്റു ഭരണസമിതി അംഗങ്ങളും ചടങ്ങിൽ പങ്കെടുത്തു.

The post സീറോ മലബാർ സൊസൈറ്റി റിപ്പബ്ലിക് ദിനമാഘോഷിച്ചു appeared first on Starvision News Malayalam.

തിരുവനന്തപുരം

കഴിഞ്ഞ വർഷം ഒക്ടോബറിലാണ് അസാധാരണമായ നീക്കവുമായി ഗവർണർ രംഗത്തെത്തിയത്. ധനമന്ത്രിയെ പിൻവലിക്കണമെന്ന് ആവശ്യപ്പെട്ട് ഗവർണർ ആരിഫ് മുഹമ്മദ് ഖാൻ മുഖ്യമന്ത്രിക്ക് കത്തയച്ചിരുന്നു.  നിയമനാധികാരി എന്ന നിലയിലുള്ള പ്രീതി നഷ്ടപ്പെട്ടതിനാൽ മന്ത്രിയെ പിൻവലിക്കണമെന്നായിരുന്നു ആവശ്യം. അന്വേഷണത്തിൽ ഗവർണറുടെ ആരോപണങ്ങളിൽ കഴമ്പില്ലെന്നും തുടർനടപടി ആവശ്യമില്ലെന്നും മുഖ്യമന്ത്രി മറുപടി നൽകി.

കേരള സർവകലാശാലയിൽ നടന്ന പരിപാടിയിൽ നടത്തിയ പ്രസംഗമാണ് ഗവർണറെ പ്രകോപിപ്പിച്ചത്.  മന്ത്രി കെ എൻ ബാലഗോപാൽ സത്യപ്രതിജ്ഞാ ലംഘനം നടത്തി. മനഃപൂർവ്വം സത്യപ്രതിജ്ഞ ലംഘിക്കുകയും രാജ്യത്തിന്‍റെ ഐക്യവും അഖണ്ഡതയും തകർക്കുകയും ചെയ്യുന്ന ഒരു മന്ത്രി നല്ലതല്ല.  കെ.എൻ ബാലഗോപാലിനോടുള്ള പ്രീതി നഷ്ട്ടപ്പെട്ടു. നിങ്ങൾ ഈ വിഷയം അർഹിക്കുന്ന ഗൗരവത്തോടെ എടുക്കുമെന്ന് ഞാൻ പ്രതീക്ഷിക്കുന്നു. ഭരണഘടനയ്ക്ക് അനുസൃതമായ നടപടിയും പ്രതീക്ഷിക്കുന്നു, ഗവർണർ മുഖ്യമന്ത്രിക്ക് അയച്ച അസാധാരണ കത്തിന്‍റെ ആകെത്തുകയാണിത്.

The post ഗവർണറുടെ ‘അറ്റ് ഹോമിൽ’ ധനമന്ത്രി പങ്കെടുത്തില്ല; സ്പീക്കറും മുഖ്യമന്ത്രിയും പങ്കെടുത്തു appeared first on Starvision News Malayalam.

മനാമ: ഇന്ത്യയുടെ 74 ാമത് റിപ്പബ്ലിക് ദിനത്തോടനുബന്ധിച്ച് പ്രവാസി വെൽഫെയർ റിപ്പബ്ലിക് ദിന സംഗമം സംഘടിപ്പിക്കുന്നു. ജനുവരി 27 വെള്ളി രാത്രി 7.30 ന് സിഞ്ചിലുള്ള പ്രവാസി സെൻ്ററിൽ നടക്കുന്ന റിപ്പബ്ലിക് ദിന സംഗമത്തിൽ ഫൈസൽ മാടായി മുഖ്യാതിഥി ആയിരിക്കും. ഇന്ത്യയുടെ മഹിതമായ പാരമ്പര്യവും സംസ്കാരവും പ്രവാസി സമൂഹത്തിന് പകര്‍ന്ന് നല്‍കാനും ജനങ്ങള്‍ക്കിടയിലുള്ള ഒത്തൊരുമയും ഐക്യവും ശക്തിപ്പെടുത്താനും പരിപാടി ലക്ഷ്യമിടുന്നു. രാജ്യത്തിൻ്റെ ജനാധിപത്യവും മതേതരത്വവും ആഗോളതലത്തില്‍ ശ്രദ്ധ നേടിയതാണ്. വിവിധ സംസ്കാരങ്ങളെ ഉള്‍ക്കൊള്ളുന്ന ഇന്ത്യയുടെ മഹിത സംസ്കാരം നിലിർത്തുന്നതിനും മത, ജാതി, വർഗ, വർണങ്ങൾക്കതീതമായി ഇന്ത്യക്കാരെന്ന ഒറ്റ മനസ്സ് രൂപപ്പെടുത്താനും രാജ്യത്തിൻ്റെ ഐക്യവും അഖണ്ഡതയും കാത്തുസൂക്ഷിക്കാനും പ്രചോദനമായിരിക്കും പ്രസ്തുത പരിപാടിയെന്ന് പ്രവാസി വെൽഫെയർ ആക്ടിംഗ് സെക്രട്ടറി ആഷിക് എരുമേലി അറിയിച്ചു.

കൂടുതൽ വിവരങ്ങൾക്ക് 36249805 / 39405069 എന്നീ നമ്പറുകളിൽ ബന്ധപ്പെടാവുന്നതാണ്.

The post പ്രവാസി വെൽഫെയർ റിപ്പബ്ലിക് ദിന സംഗമം ജനുവരി 27 ന് appeared first on Starvision News Malayalam.

മനാമ: കേരള സോഷ്യൽ ആൻഡ് കൾച്ചറൽ അസോസിയേഷൻ (എൻ.എസ്.എസ്) ഇന്ത്യയുടെ 74-മത് റിപ്പബ്ലിക് ദിനം ആഘോഷിച്ചു. എൻ.എസ്.എസ് ആസ്‌ഥാനത്ത് നടന്ന ചടങ്ങിൽ പ്രസിഡന്റ് പ്രവീൺ നായർ പതാകയുയർത്തി. ജനറൽ സെക്രട്ടറി- സതീഷ് നാരായണൻ, അസി.സെക്രട്ടറി- മനോജ് കുമാർ, ട്രഷറർ- ശിവകുമാർ, മെമ്പർഷിപ്പ് സെക്രട്ടറി- സന്തോഷ് നാരായണൻ എന്നിവർ ഇന്നത്തെ പരിപാടിയിൽ പങ്കെടുത്തു.

The post കേരള സോഷ്യൽ ആൻഡ് കൾച്ചറൽ അസോസിയേഷൻ റിപ്പബ്ലിക് ദിനം ആഘോഷിച്ചു appeared first on Starvision News Malayalam.

മനാമ: ഇന്ത്യൻ സ്‌കൂൾ രാജ്യത്തിന്റെ 74-മത് റിപ്പബ്ലിക് ദിനം വ്യാഴാഴ്ച വിവിധ പരിപാടകളോടെ ആഘോഷിച്ചു. ഐക്യത്തിന്റെയും സാഹോദര്യത്തിന്റെയും ചൈതന്യത്തെ അടയാളപ്പെടുത്തുന്ന ദേശഭക്തി നിറഞ്ഞ പരിപാടികൾ ആകർഷകമായിരുന്നു. സ്‌കൂൾ ചെയർമാൻ പ്രിൻസ് എസ് നടരാജൻ ദേശീയ പതാക ഉയർത്തി ആഘോഷങ്ങൾക്ക് തുടക്കം കുറിച്ചു.

സെക്രട്ടറി സജി ആന്റണി, വൈസ് ചെയർമാൻ ജയഫർ മൈദാനി, എക്‌സിക്യൂട്ടീവ് കമ്മിറ്റി അംഗങ്ങളായ ബിനു മണ്ണിൽ വറുഗീസ്, മുഹമ്മദ് ഖുർഷിദ് ആലം, പ്രേമലത എൻ.എസ്, രാജേഷ് എം.എൻ, അജയകൃഷ്ണൻ വി, പ്രിൻസിപ്പൽ വി.ആർ. പളനിസ്വാമി, റിഫ കാമ്പസ് പ്രിൻസിപ്പൽ പമേല സേവ്യർ, സ്‌റ്റാഫ് പ്രതിനിധി ജോൺസൺ കെ ദേവസി എന്നിവരും വൈസ് പ്രിൻസിപ്പൽമാരും അധ്യാപകരും വിദ്യാർത്ഥികളും ചടങ്ങിൽ പങ്കെടുത്തു.

ബാൻഡ്‌മാസ്റ്റർ റുഷികേശ് മുകുന്ദറാവു ലാഖെയുടെയും ബാൻഡ് ക്യാപ്റ്റൻ റിബിൻ തോമസിന്റെയും നേതൃത്വത്തിൽ സ്‌കൂൾ ബാൻഡ് മേളത്തിന്റെ അകമ്പടിയോടെ വിശിഷ്ടാതിഥികളെ ജഷൻമാൾ ഓഡിറ്റോറിയത്തിലേക്ക് ആനയിച്ചു. സ്‌കൂൾ ബാൻഡിന്റെ ദേശഭക്തി ഗാനവും നടന്നു. അഞ്ചാം ക്ലാസ് വിദ്യാർത്ഥികൾ ഇൻവോക്കേഷൻ നൃത്തം അവതരിപ്പിച്ചു.

പ്രിൻസിപ്പൽ വി ആർ പളനിസ്വാമി സ്വാഗതം പറഞ്ഞു. ചടങ്ങിൽ അദ്ധ്യക്ഷത വഹിച്ച പ്രിൻസ് എസ് നടരാജൻ റിപ്പബ്ലിക് ദിനത്തിന്റെ പ്രാധാന്യത്തെക്കുറിച്ചും ഭരണഘടനാ നിർവഹണത്തെക്കുറിച്ചും വിദ്യാർത്ഥികളെ ബോധവൽക്കരിച്ചു. ബഹ്‌റൈൻ അണ്ടർ 19 ക്രിക്കറ്റ് ടീം അംഗങ്ങൾക്കും സ്‌കൂൾ ബാൻഡ് അംഗങ്ങൾക്കും മികവിനുള്ള സർട്ടിഫിക്കറ്റുകൾ സമ്മാനിച്ചു.

റിഫ കാമ്പസിലെ കൊച്ചുകുട്ടികൾ അവതരിപ്പിച്ച സാംസ്കാരിക പരിപാടികൾ കാണികളുടെ മനം കവർന്നു. പ്രധാന അധ്യാപകൻ ജോസ് തോമസ് റിപ്പബ്ലിക് ദിന പ്രഭാഷണം നടത്തി.

വിദ്യാർത്ഥികളായ ബ്ലെസ്വിൻ ബ്രാവിൻ, സെറ കിഷോർ, കൃഷ്ണ രാജീവൻ നായർ, ശ്രേയ വിനേഷ് എന്നിവരും റിപ്പബ്ലിക് ദിനത്തിന്റെ പ്രാധാന്യം എടുത്തുകാട്ടുന്ന പ്രഭാഷണങ്ങൾ നടത്തി. ദേശഭക്തി ഗാനങ്ങളും നൃത്തവും പഞ്ചാബി നൃത്തവും ഇന്ത്യയുടെ സാംസ്കാരിക വൈവിധ്യത്തെ പ്രതിഫലിപ്പിച്ചു.

റിപ്പബ്ലിക് ദിനം മികവുറ്റ രീതിയിൽ സംഘടിപ്പിക്കുന്നതിൽ സജീവമായി പങ്കെടുത്ത വിദ്യാർത്ഥികളെയും അധ്യാപകരെയും ചെയർമാൻ പ്രിൻസ് എസ് നടരാജൻ, സെക്രട്ടറി സജി ആന്റണി, പ്രിൻസിപ്പൽമാരായ വി ആർ പളനിസ്വാമി, പമേല സേവ്യർ എന്നിവർ അഭിനന്ദിച്ചു. വിദ്യാർത്ഥികളായ രുദ്ര രൂപേഷ് അയ്യർ, ജനനി മുത്തുരാമൻ എന്നിവർ പരിപാടിയുടെ അവതാരകരായിരുന്നു.

The post ഇന്ത്യൻ സ്കൂൾ റിപ്പബ്ലിക് ദിനം ആഘോഷിച്ചു appeared first on Starvision News Malayalam.