24.06.2022 ന് വയനാട് എം.പി.യുടെ കല്‍പ്പറ്റയിലുളള ഓഫീസിലേക്ക് വിദ്യാര്‍ത്ഥി സംഘടനാ പ്രവര്‍ത്തകര്‍ നടത്തിയ മാര്‍ച്ചിനിടെ ഏതാനും പ്രവര്‍ത്തകര്‍ എം.പി.യുടെ ഓഫീസി ലേക്ക് അതിക്രമിച്ചുകയറി നാശനഷ്ടങ്ങള്‍ വരുത്തിയിരുന്നു. ഈ സംഭവത്തിന് കല്‍പ്പറ്റ പോലീസ് സ്റ്റേഷനില്‍ ക്രൈം.നം. 534/22 ആയി ഒരു കേസും എം.പി. ഓഫീസിലെ ജീവനക്കാരന്‍റെ മൊഴിയുടെ അടിസ്ഥാനത്തില്‍ ക്രൈം.നം. 535/22 ആയി മറ്റൊരും കേസും രജിസ്റ്റര്‍ ചെയ്തിരുന്നു.

ഈ കേസിന്‍റെ അന്വേഷണത്തില്‍ 24.6.2022 ന് വൈകുന്നേരം 3.54 ഓടെ എം.പി.യുടെ ഓഫീസില്‍ അതിക്രമിച്ചു കടന്ന പ്രവര്‍ത്തകരെയെല്ലാം ഓഫീസില്‍ നിന്നും പുറത്താക്കി യിരുന്നു. അതിനുശേഷം വൈകുന്നേരം 4.04 ഓടെ പോലീസ് ഡിപ്പാര്‍ട്ട്മെന്‍റ് ഫോട്ടോഗ്രാഫര്‍ സംഭവസ്ഥലത്തിന്‍റെ ദൃശ്യങ്ങള്‍ പകര്‍ത്തിയതില്‍ മഹാത്മാഗാന്ധിയുടെ ഫോട്ടോ യഥാസ്ഥാന ത്തുതന്നെ ഉണ്ടായിരുന്നതായി പോലീസിന് മൊഴി ലഭിച്ചിട്ടുണ്ട്. മാതൃഭൂമി ഉള്‍പ്പെടെയുള്ള മലയാളം ചാനലുകള്‍ ഇതേ സമയത്ത് വീഡിയോ റെക്കോര്‍ഡ് ചെയ്ത് ടിവി ചാനലുകള്‍ വഴി ഇക്കാര്യം സംപ്രേഷണം ചെയ്തിട്ടുണ്ട്.

വിദ്യാര്‍ത്ഥി സംഘടനാ പ്രവര്‍ത്തകരെ ഓഫീസില്‍ നിന്നും പുറത്താക്കിയ ശേഷം കോണ്‍ഗ്രസ് പ്രവര്‍ത്തകരാണ് ഓഫിസില്‍ ഉണ്ടായിരുന്നത്. തുടര്‍ന്ന് വൈകുന്നേരം 4.29 ന് രണ്ടാമത് ഫോട്ടോ എടുക്കുമ്പോള്‍ എം.പി.യുടെ ഓഫീസ് മുറിക്കകത്ത് മഹാത്മാ ഗാന്ധിയുടെ ചിത്രം താഴെ കിടക്കുന്ന നിലയില്‍ നിലത്ത് വീണും ചില്ലുകള്‍ തകര്‍ന്ന നിലയിലും കിടക്കുന്നതായി കണ്ടുവെന്നും പോലീസ് ഡിപ്പാര്‍ട്ട്മെന്‍റ് ഫോട്ടോഗ്രാഫര്‍ അന്വേഷണ ഉദ്യോഗസ്ഥന് മൊഴി നല്‍കിയിട്ടുണ്ടെന്നും മുഖ്യമന്ത്രി പറഞ്ഞു.

The post ഗാന്ധി ചിത്രം നിലത്തിട്ട സംഭവത്തിൽ പോലീസ് അന്വേഷണം നടക്കുന്നു – മുഖ്യമന്ത്രി appeared first on Starvision News Malayalam.

പൊലീസും പ്രവർത്തകരും തമ്മിൽ ചിലയിടത്ത് വെച്ച് ഉന്തും തള്ളുമുണ്ടായി. ഒരു ഘട്ടത്തിൽ പൊലീസിനെ കൈയ്യേറ്റം ചെയ്യാനുള്ള ശ്രമവും നടന്നു. കൽപ്പറ്റ ജംഗ്ഷൻ പരിസരത്ത് വെച്ചും പ്രവർത്തകരും പോലീസും തമ്മിൽ ഉന്തും തള്ളുമുണ്ടായി. ഉടൻ നേതാക്കൾ ഇടപെട്ട് പ്രവർത്തകരെ അനുനയിപ്പിച്ചു. സംഘ‌ര്‍ഷ സാധ്യത കണക്കിലെടുത്ത് സിപിഎം, കോൺഗ്രസ് ഓഫീസ് പരിസരമുൾപ്പെടെ ജില്ലയിൽ കനത്ത ജാഗ്രത തുടരുകയാണ്.

The post രാഹുൽ ഗാന്ധിയുടെ ഓഫീസ് ആക്രമണം; കൽപ്പറ്റയിൽ വൻ കോൺഗ്രസ് റാലി appeared first on Starvision News Malayalam.

വയനാട്ടില്‍ നിന്നും രാഹുല്‍ ഗാന്ധിയെ തുരത്തണമെന്നത് മോദി സര്‍ക്കാരിന്റെ അജണ്ടയാണെന്നുംവി.ഡി.സതീശൻ പറ‍ഞ്ഞു.സ്മൃതി ഇറാനി ഉള്‍പ്പെടെയുള്ള നേതാക്കള്‍ വയനാട്ടില്‍ എത്തിയെങ്കിലും അവര്‍ക്ക് ഈ അജണ്ട ഏറ്റെടുക്കാനുള്ള ശേഷിയില്ല.സംഘപരിവാര്‍ ക്വട്ടേഷന്‍ കേരളത്തിലെ സി.പി.എം ഏറ്റെടുത്തതാണ് രാഹുല്‍ ഗാന്ധിയുടെ ഓഫീസിന് എതിരായ ആക്രമണം.അറിയപ്പെടുന്ന ക്രിമിനലുകളെ വിളിച്ചുവരുത്തി സംഘപരിവാറിനെ സന്തോഷിക്കുന്നതിന് വേണ്ടി നടത്തിയ ശ്രമമാണെന്ന ആരോപണം ശരിവയ്ക്കുന്ന സംഭവങ്ങളാണ് പുറത്തുവരുന്നത്.സംഘപരിവാര്‍ സംഘടനകള്‍ ഗാന്ധി ചിത്രത്തിന് മേല്‍ നിറയൊഴിക്കുന്നത് പോലെയാണ് സി.പി.എമ്മും പെരുമാറുന്നത്.കേരളത്തില്‍ സംഘപരിവാര്‍ പോലും ചെയ്യാത്ത ഗാന്ധി നിന്ദയാണ് സി.പി.എം ചെയ്തു കൊണ്ടിരിക്കുന്നത്. ഗാന്ധിഘാതകരെ സന്തോഷിപ്പിച്ച് സ്വര്‍ണക്കടത്ത് കേസില്‍ സന്ധി ചെയ്യുകയാണ് സി.പി.എം ലക്ഷ്യമെന്നും വി.ഡി.സതീശൻ കുറ്റപ്പെടുത്തി.

ഞങ്ങളുടെ പ്രവര്‍ത്തകരെയും ഓഫീസുകളെയും സംരക്ഷിക്കാനുള്ള ബാധ്യത നേതൃത്വത്തിനുണ്ട്. ആത്മസംയമനത്തിന്റെയും നിയമന്ത്രണത്തിന്റെയും അവസാനഘട്ടത്തില്‍ നില്‍ക്കുകയാണ്.സി.പി.എം ഞങ്ങളെ പരമാവധി പ്രകോപിപ്പിക്കുകയാണ്.ദേശീയ നേതാവിനെയാണ് അപമാനിക്കുകയും അപകീര്‍ത്തിപ്പെടുത്തുകയും ചെയ്തിരിക്കുന്നത്. രക്തസാക്ഷികളെ ഉണ്ടാക്കുക്കയാണ് അവരുടെ ലക്ഷ്യം. സ്വന്തം പാര്‍ട്ടി പ്രവര്‍ത്തകരെ രക്തസാക്ഷിയാക്കിയും കേസില്‍ നിന്നും രക്ഷപ്പെടാനുള്ള ശ്രമമാണ് സി.പി.എം നേതാക്കള്‍ നടത്തുന്നത്.

ബഫര്‍ സോണും എസ്.എഫ്.ഐയും തമ്മില്‍ എന്ത് ബന്ധമാണുള്ളതെന്നും പ്രതിപക്ഷ നേതാവ് ചോദിച്ചു. ഇത് സംബന്ധിച്ച് ജൂണ്‍ 10-ന് രാഹുല്‍ ഗാന്ധി കേരള മുഖ്യമന്ത്രിക്ക് കത്തെഴുതിയിരുന്നു.സോണിലെ പ്രദേശികമായ മാറ്റങ്ങള്‍ സംസ്ഥാന സര്‍ക്കാര്‍ നിര്‍ദ്ദേശിക്കണമെന്ന കോടതി ഉത്തരവിന്റെ പശ്ചാത്തലത്തിലായിരുന്നു ഈ കത്ത്. എന്നാല്‍ മുഖ്യമന്ത്രിക്ക് കത്തെഴുതിയതിനെ സി.പി.എം ജില്ലാ സെക്രട്ടറി ആക്ഷേപിച്ചു. ബഫര്‍ സോണിലെ യഥാര്‍ത്ഥ വില്ലന്‍ പിണറായി വിജയനാണ്. വനത്തിന്റെയും വന്യജീവി സങ്കേതത്തിന്റെയും ഒരു കിലോമീറ്റര്‍ ദൂരം ബഫര്‍ സോണായി പ്രഖ്യാപിക്കാമെന്ന് പിണറായി അധ്യക്ഷമായ മന്ത്രിസഭാ യോഗമാണ് തീരുമാനിച്ചിത്.എന്നിട്ടാണ് ജനങ്ങളുടെ കണ്ണില്‍ പൊടിയിടാന്‍ സി.പി.എം തന്നെ ഹര്‍ത്താല്‍ നടത്തിയതെന്നും വി.ഡി.സതീശൻ കുറ്റപ്പെടുത്തി.

The post രാഹുൽ ഗാന്ധിയുടെ ഓഫീസിനെതിരായ ആക്രമണം മുഖ്യമന്ത്രിയുടെ അറിവോടെയെന്ന് ആവർത്തിച്ച് വി.ഡി.സതീശൻ appeared first on Starvision News Malayalam.

‘ബഫര്‍ സോണിന്റെ പേരില്‍ രാഹുല്‍ ഗാന്ധിയുടെ ഓഫിസ് അടിച്ച് തകര്‍ത്ത എസ്.എഫ്.ഐക്കാര്‍ സമരം നടത്തേണ്ടത് പിണറായി വിജയന്റെ ഓഫിസിലേക്കാണ്. വന്യജീവി സങ്കേതങ്ങള്‍ക്കും ദേശീയ ഉദ്യാനങ്ങള്‍ക്കും ചുറ്റുമുള്ള ഒരു കിലോമീറ്റര്‍ ദൂരം, ബഫര്‍ സോണ്‍ ആക്കണമെന്ന് 2019 ഒക്ടോബര്‍ 23ന് സംസ്ഥാന മന്ത്രിസഭയുടെ ശുപാര്‍ശയുണ്ട്. ബഫര്‍ സോണില്‍ യാഥാര്‍ത്ഥത്തില്‍ കുറ്റവാളികളായി നില്‍ക്കുന്ന മുഖ്യമന്ത്രിയും സംസ്ഥാന മന്ത്രിസഭയുമാണ്. രാഹുല്‍ ഗാന്ധിയെ ശക്തമായി എതിര്‍ക്കുന്നുവെന്ന് സംഘപരിവാറിനെ ബോധ്യപ്പെടുത്താനാണ് ഈ ആക്രമണത്തിലൂടെ സി.പി.എം ലക്ഷ്യമിട്ടത്,’ സതീശൻ പറഞ്ഞു.

‘ബി.ജെ.പി ദേശീയ നേതൃത്വത്തെയും സംഘപരിവാറിനെയും സന്തോഷിപ്പിക്കാന്‍ രാഹുല്‍ ഗാന്ധിയുടെ ഓഫിസിലേക്ക് അക്രമികളെ പറഞ്ഞുവിട്ട, മുഖ്യമന്ത്രിയും അദ്ദേഹത്തിന്റെ ഓഫിസും സംസ്ഥാനത്ത് കലാപ ആഹ്വാനമാണ് നടത്തുന്നത്. ഇത് ജനാധിപത്യ മര്യാദകളുടെ അങ്ങേയറ്റത്തെ ലംഘനമാണ്. സംഘപരിവാറിന്റെ രാഷ്ട്രീയവും സി.പി.എം രാഷ്ട്രീയവും തമ്മിലുള്ള അകലം കുറഞ്ഞ് വരികയാണ്. സര്‍ക്കാരിന്റെ ഒത്താശയോടെ സി.പി.എമ്മും ക്രിമിനല്‍ സംഘങ്ങളും കോണ്‍ഗ്രസ് നേതാക്കള്‍ക്കും പാര്‍ട്ടി ഓഫിസുകള്‍ക്കുമെതിരെ നടത്തുന്ന അക്രമത്തെയും ഗുണ്ടായിസത്തെയും ശക്തമായി പ്രതിരോധിക്കും,’ വി.ഡി. സതീശൻ വ്യക്തമാക്കി.

The post രാഹുലിന്റെ ഓഫിസ് തകര്‍ത്തത് ബി.ജെ.പി ദേശീയ നേതൃത്വത്തെയും സംഘപരിവാറിനെയും സന്തോഷിപ്പിക്കാന്‍ : വി.ഡി. സതീശൻ appeared first on Starvision News Malayalam.

രാഹുല്‍ ഗാന്ധിയുടെ വയനാട് ഓഫീസിനുനേരെ അക്രമം അഴിച്ചു വിട്ടു മോദിയുടെ ഗുഡ് ബുക്കില്‍ കയറിപ്പറ്റാനുള്ള ശ്രമമാണ് സി പി എം നടത്തുന്നത്. മോദി നിര്‍ത്തിയിടത്ത് പിണറായി വിജയന്‍ തുടങ്ങിയിരിക്കുകയാണ്. സ്വര്‍ണക്കള്ളക്കടത്തു കേസില്‍ നിന്നും രക്ഷപെടാന്‍ മോദിക്ക് മുമ്പില്‍ രാഹുല്‍ ഗാന്ധിയോടുള്ള എതിര്‍പ്പ് മാര്‍ക്കറ്റ് ചെയ്യാനുള്ള ശ്രമമാണ് സിപിഎം നടത്തുന്നത്.

ബിജെപിയെ പ്രീതിപ്പെടുത്തി കേരളത്തിലെ ജനങ്ങളെ വിഡ്ഢികളാക്കാനുള്ള സിപിഎമ്മിന്റെ വിഫലശ്രമം ഇപ്പോള്‍ വെളിച്ചത്തു വന്നിരിക്കുകയാണ്. എസ് എഫ് ഐ ഗുണ്ടകള്‍ ഓഫീസില്‍ അതിക്രമിച്ചു കടക്കുകയും, തല്ലിത്തകര്‍ക്കുകയും ചെയ്തപ്പോള്‍ പോലീസ് നിഷ്‌ക്രിയരായി നോക്കി നില്‍ക്കുകയും, സംരക്ഷണം ഒരുക്കികൊടുക്കുകയും ചെയ്യുകയായിരുന്നു. ആഭ്യന്തരം കയ്യാളുന്ന മുഖ്യമന്ത്രിയുടെ അറിവോടെയാണ് ഈ നാണംകെട്ട അതിക്രമം അരങ്ങേറിയിരിക്കുന്നതെന്നു വേണുഗോപാല്‍ ആരോപിച്ചു. ഇക്കാര്യത്തില്‍ മുഖ്യമന്ത്രി സമാധാനം പറഞ്ഞെ തീരൂ.

ഇ ഡി യെ ഉപയോഗിച്ച് അഞ്ചു ദിവസം തുടര്‍ച്ചയായി ചോദ്യം ചെയ്ത് രാഹുല്‍ മനോവീര്യം തളര്‍ത്താമെന്ന ബിജെപിയുടെ വ്യാമോഹം പരാജയപ്പെട്ടപ്പോള്‍, രാഹുല്‍ ഗാന്ധിയുടെ ഓഫീസ് തല്ലിത്തകര്‍ത്ത് മോദിയെ പ്രീതിപ്പെടുത്താന്‍ കേരളത്തിലെ ഇടതുപക്ഷം മത്സരിക്കുകയാണ്.

ബഫര്‍ സോണ്‍ വിഷയത്തില്‍ ജനങ്ങളുടെ ആശങ്ക പരിഹരിക്കണമെന്ന് മുഖ്യമന്ത്രിക്ക് കത്ത് നല്‍കുകയും , കഴിഞ്ഞ ദിവസം പ്രധാനമന്ത്രിയോടും രാഹുല്‍ ഗാന്ധി അടിയന്തര ഇടപെടല്‍ ആവശ്യപ്പെട്ടതിനും പിറകെയാണ്, ബഫര്‍ സോണ്‍ വിഷയത്തില്‍ ഇടപെടുന്നില്ലെന്ന വിചിത്ര ന്യായത്തിന്റെ മറവില്‍ കല്പറ്റയിലെ രാഹുല്‍ ഗാന്ധിയുടെ ഓഫീസില്‍ അതിക്രമിച്ചു കയറുകയും, ഓഫീസില്‍ സ്റ്റാഫ് അടക്കമുള്ളവരെ എസ് എഫ് ഐ ക്രിമിനലുകള്‍ മര്‍ദിക്കുകയും, ഓഫീസ് അടിച്ചു തകര്‍ക്കുകയും ചെയ്തിട്ടുള്ളത്. ഈ പിന്നിലെ യഥാര്‍ത്ഥ ചേതോവികാരം ആരെ പ്രീതിപ്പെടുത്താനുള്ളതാണെന്നു വ്യക്തമാണ്. ബഫര്‍ സോണ്‍ വിഷയത്തില്‍ കേന്ദ്ര ഉന്നതാധികാര സമിതിക്കും, പരിസ്ഥിതി മന്ത്രാലയത്തിനും പരാതി നല്‍കാനുള്ള അധികാരം മുഖ്യമന്ത്രിക്കാണെന്നു സുപ്രീം കോടതി വിധി തന്നെ ഉണ്ടായിരിക്കെ, മോദിയെ സംരക്ഷിച്ചു രാഹുല്‍ ഗാന്ധിയെ പ്രതിക്കൂട്ടില്‍ നിര്‍ത്താനുള്ള ശ്രമം ബഫര്‍ സോണ്‍ അല്ലെന്നുള്ളത് വ്യക്തമാണ്.

കേന്ദ്ര സര്‍ക്കാരിനെതിരെ സമരം ചെയ്യാതെ, എല്ലാകാര്യത്തിലും മോദിയെ സുഖിപ്പിക്കാനുള്ള സിപിഎമ്മിന്റെ അന്തര്‍നാടകമാണ് ഇന്ന് കല്‍പറ്റയില്‍ അരങ്ങേറിയത്. ഈ അക്രമം പാര്‍ട്ടി അംഗീകരിച്ച സമരമുറയാണോയെന്നു സിപിഎം അഖിലേന്ത്യാ ജനറല്‍ സെക്രട്ടറി സീതാറാം യെച്ചൂരി വ്യക്തമാക്കണം. അല്ലായെങ്കില്‍ ഈ അക്രമകാരികളെ നിയമത്തിനു മുന്നില്‍ കൊണ്ട് വരാനും പാര്‍ട്ടിയില്‍ നിന്ന് പുറത്താക്കാനുമുള്ള ആര്‍ജവം യെച്ചൂരി കാണിക്കുമോയെന്നും വേണുഗോപാല്‍ ചോദിച്ചു. രാഹുല്‍ ഗാന്ധിയുടെ ഓഫീസിനു നേരെ നടന്ന എസ് എഫ് ഐ അതിക്രമത്തെ അഖിലേന്ത്യ കോണ്‍ഗ്രസ് കമ്മിറ്റി ശക്തമായി അപലപിക്കുന്നുവെന്നും വേണുഗോപാല്‍ പറഞ്ഞു.

The post പിണറായിയുടെ മോദിസ്തുതി ഭാഗമാണ് രാഹുല്‍ ഗാന്ധിയുടെ ഓഫീസ് അക്രമിച്ചത്: കെ സി വേണുഗോപാല്‍ appeared first on Starvision News Malayalam.