അബുദാബി: ഗള്‍ഫ് മലയാളികളുടെ ഏക മലയാളം എഎം റേഡിയോ, റേഡിയോ കേരളം 1476 എഎം ന്‍റെ ലോഞ്ചിന് മുന്നോടിയായുള്ള റോഡ് ഷോ ഇന്ന് അബുദബി മദീനത്ത് സായിദ് ലുലു ഹൈപ്പര്‍ മാര്‍ക്കറ്റില്‍. വൈകിട്ട് 7 മണിക്ക് നടക്കുന്ന പരിപാടിയില്‍ മലയാളം-തമിഴ് സിനിമാ പ്രേമികളുടെ പ്രിയപ്പെട്ട താരം പ്രിയങ്ക നായര്‍ ശ്രോതാക്കളെ കാണാനെത്തുന്നു. ഒപ്പം അര്‍ജെ സാറ, ആര്‍ജെ ശ്രീലക്ഷ്മി, ആര്‍ജെ അനു, ആര്‍ജെ ദീപക് എന്നിവരും. വൈവിധ്യമാര്‍ന്ന പരിപാടികളും കൈനിറയെ സമ്മാനങ്ങളുമായാണ് റേഡിയോ കേരളം അവതാരകര്‍ ശ്രോതാക്കളെ കാണാനെത്തുന്നത്.

ഇന്നലെ ദുബായ് ഖിസൈസ് ലുലു ഹൈപ്പര്‍ മാര്‍ക്കറ്റില്‍ നടന്ന റോഡ് ഷോയ്ക്ക് വന്‍ വരവേല്‍പ്പാണ് ലഭിച്ചത്. ചിങ്ങം 1 ന് ആരംഭിച്ച റേഡിയോ കേരളം 1476 എഎം ടെസ്റ്റ് ട്രാന്‍സ്മിഷന്‍ മികച്ച പ്രതികരണത്തോടെ മുന്നേറുകയാണ്. ശ്രോതാക്കള്‍ കേള്‍ക്കാനാഗ്രഹിക്കുന്ന ഗാനങ്ങളും ഓരോ മണിക്കൂറും സമഗ്രമായ വാര്‍ത്തകളുമാണ് ഇപ്പോള്‍ പ്രക്ഷേപണം ചെയ്യുന്നത്. ഓണത്തോടെ പൂര്‍ണതോതില്‍ പ്രക്ഷേപണം തുടങ്ങും.

ചലചിത്ര താരം പ്രിയങ്ക നായര്‍, സംഗീത സംവിധായകന്‍ ജാസി ഗിഫ്റ്റ്, ഗായകന്‍ ജി ശ്രീറാം, പ്രമുഖ മാധ്യമ പ്രവര്‍ത്തകന്‍ എം വി നികേഷ് കുമാര്‍, ഗ്രാന്‍റ് മാസ്റ്റര്‍ ജി എസ് പ്രദീപ് തുടങ്ങി നിരവധി പ്രഗല്‍ഭര്‍ റേഡിയോ കേരളം 1476 എഎംന്‍റെ ഭാഗമാകും.

The post റേഡിയോ കേരളം 1476 എഎം: ലോഞ്ചിന് മുന്നോടിയായുള്ള റോഡ് ഷോ ഇന്ന് അബുദാബിയിൽ appeared first on Starvision News Malayalam.