മനാമ: ലോക തൊഴിലാളി ദിനത്തോടനുബന്ധിച്ച് പ്രവാസി വെൽഫെയർ നടത്തിവരാറുള്ള മെയ് ഫെസ്റ്റ് ഈ വർഷവും മെയ്ദിനത്തിൽ സിഞ്ചിലുള്ള പ്രവാസി സെൻററിൽ നടക്കും.

മെയ് 1 ബുധനാഴ്ച രാവിലെ മുതൽ തുടങ്ങുന്ന മെയ് ഫെസ്റ്റിനോടനുബന്ധിച്ച് വിപുലമായ സാമൂഹിക സേവന കലാ കായിക സാംസ്കാരിക പരിപാടികളാണ് ഒരുക്കിയിരിക്കുന്നത്. രാവിലെ 7 മണി മുതൽ രാത്രി വരെ നീളുന്ന മെയ് ഫെസ്റ്റിൽ മെഡിക്കൽ രംഗത്ത് സ്തുത്യർഹമായ സേവനം നടത്തുന്ന മെഡ്കെയറിൻ്റെ സഹായത്തോടെ മീറ്റ് യുവർ ഡോക്ടർ സൗജന്യ മെഡിക്കൽ കൺസൾട്ടേഷൻ ക്യാമ്പ്, മെഡിക്കൽ അവെയർനെസ് ക്ലാസുകൾ, ബാഡ്മിൻറൺ ടൂർണമെൻറ്, കലാ സാംസ്കാരിക പരിപാടികൾ കുട്ടികൾക്കായി ഹെന്നാ ഡിസൈനിങ്, ഫേസ് പെയിൻറിംഗ് തുടങ്ങി സ്ത്രീകൾക്കും കുട്ടികൾക്കും ഉൾപ്പെടെ പങ്കെടുക്കാനും ആസ്വദിക്കാനും കഴിയുന്ന തരത്തിൽ വിവിധ പരിപാടികൾ അണിയിച്ചൊരുക്കിയിട്ടുണ്ട് എന്ന് പ്രവാസി വെൽഫെയർ ജനറൽ സെക്രട്ടറി സി എം മുഹമ്മദലി അറിയിച്ചു.

മെയ് ഫെസ്റ്റിനെ കുറിച്ചുള്ള കൂടുതൽ വിവരങ്ങൾക്ക് 35597784‬ എന്ന നമ്പറിൽ ബന്ധപ്പെടാവുന്നതാണ് എന്നും അദ്ദേഹം അറിയിച്ചു.

The post പ്രവാസി വെൽഫെയർ മെയ്‌ഫെസ്റ്റ് മെയ് 1 ബുധനാഴ്ച appeared first on Starvision News Malayalam.

മനാമ: ലോക തൊഴിലാളി ദിനത്തോടനുബന്ധിച്ച് മെയ് ഒന്നിന് സിഞ്ചിലുള്ള പ്രവാസി സെൻററിൽ പ്രവാസി വെൽഫെയർ സംഘടിപ്പിക്കുന്ന മെയ് ഫെസ്റ്റിൻ്റെ ഭാഗമായി മെഡ്കെയറിൻ്റെ നേതൃത്വത്തിൽ മീറ്റ് യുവർ ഡോക്ടർ എന്ന പേരിൽ വീണ്ടും സൗജന്യ ആരോഗ്യ പരിശോധന ക്യാമ്പ് സംഘടിപ്പിക്കുന്നു.

മെയ് 1 ബുധനാഴ്ച രാവിലെ 7.00 മുതൽ 11.00 വരെ സിഞ്ചിലുള്ള പ്രവാസി സെൻ്ററിലാണ് മീറ്റ് യുവർ ഡോക്ടർ ഫ്രീ കൺസൾട്ടേഷൻ നടക്കുന്നത്. ബഹ്റൈനിലെ പ്രഗൽഭ ഡോക്ടർമാരായ ഡോ. അനൂപ് അബ്ദുല്ല, ഡോ. ഫമിൽ എരഞ്ഞിക്കൽ, ഡോ. ഫൈസൽ, ഡോ. ഗായത്രി ആർ. പിള്ള, ഡോ. ദീപക്, ഡോ. ജയ്സ് ജോയ്, ഡോ. നജീബ്, ഡോ. സരുൻ, എന്നിവർ സൗജന്യമായി രോഗികളെ പരിശോധിക്കും.

മീറ്റ് യൂവർ ഡോക്ടർ ഫ്രീ കൺസൾട്ടേഷൻ വിജയത്തിനായി അനസ് കാഞ്ഞിരപ്പള്ളി ജനറൽ കൺവീനറും മൊയ്തു ടി. കെ കൺവീനറുമായ വിപുലമായ സംഘാടകസമിതിയെ തിരഞ്ഞെടുത്തു. പ്രചരണം : ജാഫർ പൂളക്കൽ, ലിഖിത ലക്ഷ്മൺ, ഗസ്റ്റ് ആൻഡ് റിസപ്ഷൻ : മജീദ് തണൽ, ബദറുദ്ദീൻ പൂവാർ, ഷിജിന ആഷിക്, സി. എം. മുഹമ്മദലി, ഷാനിബ്. ലേബർ ക്യാമ്പ്: ബഷീർ വൈക്കിലശ്ശേരി, മൊയ്തു ടി കെ, രാജീവ് നാവായിക്കുളം. വെന്യൂ : ഫസൽ റഹ്മാൻ, സഫീർ. രജിസ്ട്രേഷൻ : ഹാഷിം എ വൈ, അനിൽ ആറ്റിങ്ങൽ റഫ്റഷ്മെന്റ്: അമീൻ ആറാട്ടുപുഴ, നൗഷാദ് എന്നിവരാണ് മറ്റംഗങ്ങൾ.

പ്രവാസി സെൻററിൽ നടന്ന മീറ്റ് യുവർ ഡോക്ടർ ഫ്രീ കൺസൾട്ടേഷൻ സംഘാടകസമിതി യോഗത്തിൽ പ്രവാസി വെൽഫെയർ പ്രസിഡൻറ് ബദറുദ്ദീൻ പൂവാർ അധ്യക്ഷത വഹിച്ചു. ഡോ. അനൂപ് അബ്ദുല്ല, ഡോ, ദീപക്, ഡോ. നജീബ്, അനസ് കാഞ്ഞിരപ്പള്ളി, ഷാനിബ്, സി എം മുഹമ്മദലി എന്നിവർ സംസാരിച്ചു. മെഡ്കെയർ കൺവീനർ മജീദ് തണൽ സ്വാഗതം ആശസിച്ചു.

മീറ്റ് യുവർ ഡോക്ടർ ഫ്രീ കൺസൾട്ടേഷൻ രജിസ്ട്രേഷന് ‪35597784‬ എന്ന നമ്പറിൽ ബന്ധപ്പെടാവുന്നതാണ് എന്ന് പ്രവാസി വെൽഫെയർ ജനറൽ സെക്രട്ടറി സി എം മുഹമ്മദലി അറിയിച്ചു.

The post മീറ്റ് യുവർ ഡോക്ടർ സൗജന്യ ആരോഗ്യ പരിശോധനയുമായി വീണ്ടും മെഡ്കെയർ appeared first on Starvision News Malayalam.

അതിജീവനത്തിന് മറ്റ് രാജ്യങ്ങളിലേക്ക് കുടിയേറിയവരിൽ കൂടുതലും ഇന്ത്യൻ സമൂഹമാണ്. രാജ്യത്തിൻറെ അംബാസഡർമാർ എന്നാണ് കേന്ദ്ര ധനമന്ത്രി അവരെ പരിചയപ്പെടുത്തിയത്. കുടിയേറ്റത്തിൻ്റെ തുടക്കം മുതൽ തന്നെ നാടിൻറെ സാമ്പത്തിക വളർച്ചയിൽ പ്രധാന ഭാഗമായി മാറിയ പ്രവാസികൾ തങ്ങളുടെ കുടുംബത്തിന് താങ്ങും തണലും ആകുന്നതോടൊപ്പം സഹജീവികളുടെ അതിജീവനത്തിനും സംഘബോധത്തിലും മുന്നിട്ടു നിൽക്കുന്നതിനാലാണ് ഗൾഫ് രാജ്യങ്ങളിലെ അനവധി പ്രവാസി സംഘടനകളുടെ പിറവികൾക്ക് കാരണമായത് എന്ന് സംഗമം ഉത്ഘാടനം ചെയ്ത പ്രവാസി വെൽഫെയർ പ്രസിഡന്റ് ബദറുദ്ദീൻ പൂവാർ പറഞ്ഞു. മലയാളികളുടെ സ്വത്വബോധത്തിൽ അലിഞ്ഞുചേർന്നതാണ് സംഘം ചേരലും കലയും സംസ്കാരവും ജീവകാരുണ്യവും. അറുപത്തിയേഴ് വര്‍ഷം കൊണ്ട് സമ്പൂര്‍ണ സാക്ഷരതയുടെയും സാമൂഹ്യ സുരക്ഷയുടെയും മതേതരമൂല്യങ്ങളുടെയും പച്ചത്തുരുത്തായി കേരളം മാറിയതിൽ പ്രവാസികളുടെ പങ്ക് വിലമതിക്കാനാകാത്തതാണ്. മതവിദ്വേഷവും വെറുപ്പും സാമൂഹിക പരിസരങ്ങളെ അപകടത്തിലാക്കുന്ന കാലത്തും പ്രവാസ ലോകത്ത് അത്തരം ഭിന്നിപ്പുകളെ മറികടക്കുന്നതിന് പ്രാദേശിക ജില്ലാ കൂട്ടായ്മകൾ വഹിക്കുന്ന പങ്ക് മാതൃകാപരമാണ് എന്നും അദ്ദേഹം പറഞ്ഞു.

ജില്ലകളുടെ പ്രത്യേകതകളും സവിശേഷതകളും കേരളത്തിന് നൽകികൊണ്ടിരിക്കുന്ന സംഭാവനകളും ബഹറൈനിൽ ജില്ലാ അസോസിയേഷനുകളുടെ പ്രവർത്തന സംഘാടന രീതിയും ജില്ലാ പ്രതിനിധികൾ പങ്കുവെച്ചത് സദസിന് വേറിട്ട അനുഭവമായി മാറി. തിരുവനന്തപുരം ജില്ലയെ പ്രതിനിധീകരിച്ച് വോയിസ് ഓഫ് ട്രിവാൻഡ്രത്തിന്റെ സിബി. കെ തോമസ്, അരവിന്ദ് എന്നിവരും കൊല്ലം ജില്ലയെ പ്രതിനിധീകരിച്ച് കൊല്ലം ജില്ലാ പ്രവാസി അസോസിയേഷന്റെ നിസാർ കൊല്ലം, ജഗത് മലപ്പുറം ജില്ലയെ പ്രതിനിധീകരിച്ച് മലപ്പുറം ജില്ലാ അസോസിയേഷന്റെ ചെമ്പൻ ജലാൽ, പ്രവീൺ തിരൂർ, കണ്ണൂർ ജില്ലയെ പ്രതിനിധീകരിച്ച് അജിത് കുമാർ, എറണാകുളം ജില്ലയെ പ്രതിനിധീകരിച്ച് ഫ്രറ്റേർണിറ്റി ഓഫ് എറണാകുളത്തിന്റെ വിവേക് മാത്യു, സ്റ്റീവൻസൺ, ആലപ്പുഴ ജില്ലയെ പ്രതിനിധീകരിച്ച് ആലപ്പുഴ പ്രവാസി അസോസിയേഷന്റെ സിബിൻ സലീം, ധനേഷ് മുരളി കോഴിക്കോട് ജില്ലയെ പ്രതിനിധീകരിച്ച്കോഴിക്കോട് ജില്ലാ പ്രവാസി ഫോറത്തിന്റെ ജമാൽ കുറ്റിക്കാട്ടൂർ, ഹരി കെ കെ, പാലക്കാട് ജില്ലയെ പ്രതിനിധീകരിച്ച് പാക്ടയുടെ സതീഷ് സജിനി, കോട്ടയം ജില്ലയെ പ്രതിനിധീകരിച്ച് മണിക്കുട്ടൻ സാമൂഹിക പ്രവർത്തകരായ കെ. ടി സലീം, ജ്യോതി മേനോൻ എന്നിവരും സംസാരിച്ചു.

ലിഖിത ലക്ഷ്മൺ നിയന്ത്രിച്ച ഒന്നിപ്പ് സംഗമത്തിൽ പ്രവാസി വെൽഫെയർ ജനറൽ സെക്രട്ടറി സി എം മുഹമ്മദലി സ്വാഗതവും എക്സിക്യൂട്ടീവ് അംഗം വഫ ഷാഹുൽ നന്ദിയും പറഞ്ഞു. സഞ്ചു, റുമൈസ, റഷീദ, അനിൽകുമാർ, നൗഷാദ് തിരുവനന്തപുരം എന്നിവർ ഗാനാലാപനം നടത്തി.

The post ജില്ലാ കൂട്ടായ്മകളുടെ സംഗമം ഒരുക്കി പ്രവാസി വെൽഫെയർ appeared first on Starvision News Malayalam.

നവംബർ മൂന്ന് വെള്ളിയാഴ്ച വൈകുന്നേരം ആറുമണിക്ക് സിഞ്ചിലുള്ള പ്രവാസി സെൻററിൽ നടക്കുന്ന ഒന്നിപ്പിൽ ജില്ലാ അസോസിയേഷനുകളുടെ പ്രതിനിധി സംഗമവും കേരളത്തെ കുറിച്ചുള്ള പുതിയ പ്രതീക്ഷകളും വിലയിരുത്തലുകളും പങ്കുവയ്ക്കുന്ന നവകേരളം ചർച്ചാ സദസ്സും കലാ സാംസ്കാരിക സദസ്സും ഉണ്ടായിരിക്കുമെന്ന് പ്രവാസി വെൽഫെയർ ജനറൽ സെക്രട്ടറി സി. എം. മുഹമ്മദലി അറിയിച്ചു.

The post ജില്ലാ അസോസിയേഷനുകളുടെ ഒന്നിപ്പുമായി പ്രവാസി വെൽഫെയർ appeared first on Starvision News Malayalam.

മനാമ: കുട്ടികൾക്ക് വിനോദത്തിന്റെയും വിജ്ഞാനത്തിന്റെയും സൗഹൃദത്തിൻ്റെയും ഉത്സവാന്തരീക്ഷം ഒരുക്കി പ്രവാസി വെൽഫെയർ റിഫ സോൺ സംഘടിപ്പിച്ച പ്രവാസി ബാലോത്സവം കുട്ടികളുടെ പങ്കാളിത്തം കൊണ്ട് ശ്രദ്ധേയമായി. വ്യത്യസ്ത കളിമൂലകളിൽ ഒരുക്കിയ കളികളിലും പ്രസംഗം, കവിത, ഗാനം  മാപ്പിളപ്പാട്ട് എന്നിവയിൽ മത്സരിക്കാനുമാണ് കുട്ടികൾക്ക് അവസരം ഉണ്ടായിരുന്നത്.

പ്രവാസി ബാലോത്സവത്തിൽ വിജയികളായവർക്കുള്ള അവാർഡ് ദാന സംഗമം പ്രവാസി വെൽഫെയർ പ്രസിഡൻ്റ് ബദറുദ്ദീൻ പൂവാർ ഉൽഘാടനം ചെയ്തു. പുതിയ തലമുറയുടെ ശാരീരിക മാനസിക വെല്ലുവിളികളെ അതിജയിക്കാനും സൗഹൃദത്തിനുവേണ്ടി സംഘം ചേരുന്നതിനെ പ്രോത്സാഹിപ്പിക്കുന്നതിനും പ്രവാസി ബാലോത്സവങ്ങൾക്ക് സാധിക്കും എന്ന് അദ്ദേഹം പറഞ്ഞു.

പ്രസംഗ മത്സരത്തിൽ ലക്ഷ്മി രാജേഷും ഹുസ്ന നസ്രീനും  ഒന്നാം സ്ഥാനം നേടിയപ്പോൾ മുഹമ്മദ് റയാൻ രണ്ടാം സ്ഥാനം നേടി. കവിതാലാപനത്തിൽ ആയിഷ നദുവ, ഫഹീം എന്നിവർ ഒന്നാം സ്ഥാനവും നൂർ ഫാത്തിമ രണ്ടാംസ്ഥാനത്തിന് അർഹയായി. മാപ്പിളപ്പാട്ട് മത്സരത്തിൽ ഫാത്തിമ നസറീനും ഗാനാലാപനത്തിൽ ശാരോണും വിജയികളായി.

കളിമൂലകളിൽ ഫിത്സാ ഫാത്തിമ, ഹംദ ഹാരിസ്, ഇമാദ്, അയ്റ, റസിൻ ഷാ, സറാ സിറാജുദ്ദീൻ എന്നിവർ ഒന്നാം സ്ഥാനം നേടിയപ്പോൾ അമൽ അജ്മൽ, ഷിസ ഫാത്തിമ, രസിൻ ഷാ, ഇമാദ് എന്നിവർ രണ്ടാം സ്ഥാനം നേടി.

ആഷിക് എരുമേലി, രാജീവ് നാവായിക്കുളം, ഹാഷിം എ. വി, ജലീൽ മാമീർ, അബ്ദുല്ല കുറ്റ്യാടി, ഷിജിന ആഷിക്, മസീറ നജാഹ്, ആബിദ നാജ്മുദ്ദീൻ, നൗഷാദ് തിരുവനന്തപുരം, മുഹമ്മദ് അമീൻ, മഹമൂദ് മായൻ, മുഹമ്മദലി മലപ്പുറം എന്നിവർ വിജയികൾക്കുള്ള അവാർഡുകൾ വിതരണം ചെയ്തു. ഇർഷാദ് കോട്ടയം, ലിയ അബ്ദുൽ ഹഖ് എന്നിവർ പരിപാടി നിയന്ത്രിച്ചു.

The post പ്രവാസി ബാലോത്സവം വർണ്ണാഭമാക്കി പ്രവാസി വെൽഫെയർ appeared first on Starvision News Malayalam.

The post കർണാടക വിജയം മതേതര കുട്ടായ്മക്ക് ശക്തി പകരും: പ്രവാസി വെൽഫെയർ appeared first on Starvision News Malayalam.

The post പ്രവാസി വെൽഫയർ മെയ്ദിന സംഗമം സംഘടിപ്പിച്ചു appeared first on Starvision News Malayalam.

കേരളത്തിൽ നിരന്തരമായി നടക്കുന്ന രാഷ്ട്രീയ കൊലപാതകങ്ങളെയും ഗുണ്ടാ വിളയാട്ടത്തെയും നേരിടുന്നതിൽ കേരള ആഭ്യന്തര വകുപ്പ് വൻ വീഴ്ചയാണ് വരുത്തുന്നത്. കഴിഞ്ഞ മൂന്ന് വർഷത്തിനിടയിൽ സംസ്ഥാനത്ത് ആയിരത്തിലധികം കൊലപാതകങ്ങൾ നടന്നു എന്ന റിപ്പോർട്ട് ഞെട്ടിക്കുന്നതാണ്. ഇതിൽ നല്ലൊരു പങ്ക് രാഷ്ട്രീയ കൊലപാതകങ്ങളാണ്. ഇത്തരം രാഷ്ട്രീയ കൊലപാതകങ്ങളിൽ പാർട്ടികൾ നൽകുന്ന ഡമ്മി പ്രതികളെയാണ് പ്രതി ചേർക്കുന്നതെന്ന ആരോപണമുണ്ട്. ഗൂഢാലോചകരെയോ കൊലപാതകത്തിന് നേതൃത്വം നൽകുന്ന ഉന്നതരെയോ നിയമത്തിന് മുന്നിൽ കൊണ്ടു വരാൻ പോലീസ് ശ്രമിക്കാറില്ല. ഇത് അക്രമങ്ങൾ ആവർത്തിക്കാൻ കാരണമാകുന്നു.

കേരളത്തെ സംഘർഷ ഭൂമിയാക്കാൻ സംഘ്പരിവാർ നിരന്തരം ശ്രമിക്കുന്നു. ആഘോഷങ്ങളും ഒത്തുചേരലുകളുമെല്ലാം സമൂഹത്തെ വർഗീയമായി ഭിന്നിപ്പിക്കാനുള്ള സവിശേഷ സന്ദർഭങ്ങളായി തെരഞ്ഞെടുക്കുകയാണ് അവർ. രാജ്യവ്യാപകമായി നടക്കുന്ന അക്രമ പരമ്പരകളിലേക്ക് കേരളത്തെ കണ്ണി ചേർക്കാനാണ് വിഷു ദിനം അക്രമത്തിന് തിരഞ്ഞെടുത്തത്. വർഗീയ ധ്രുവീകരണ സംഘർഷ ശ്രമങ്ങളെ കേരളം ഒറ്റക്കെട്ടായി നേരിടണം. ശക്തമായ ജനാധിപത്യ പ്രതിരോധം ഉയർത്തി ഫാഷിസത്തെ ചെറുത്തു തേൽപ്പിക്കണം.

കൊലപാതക രാഷ്ട്രീയം ജനാധിപത്യ രീതിയല്ല. ശക്തമായ നിയമ നടപടികളിലൂടെ നീതി നടപ്പാക്കാൻ ശ്രമിക്കേണ്ടതിന് പകരം സ്വീകരിക്കുന്ന ഏത് വഴിയും കൊലപാതകങ്ങളുടെ തുടർച്ച സൃഷ്ടിക്കുക മാത്രമാണ് ചെയ്യുക. കൊലക്കത്തി താഴെ വെച്ച് ജനാധിപത്യ രാഷ്ട്രീയ സംസ്കാരം ഉയർത്തി പിടിക്കാൻ എല്ലാ പ്രസ്ഥാനങ്ങളും തയ്യാറാകണം എന്ന് പ്രവാസി വെൽഫെയർ ആവശ്യപ്പെട്ടു.

The post കൊലപാതക രാഷ്ട്രീയത്തെ ചെറുത്ത് തോൽപ്പിക്കണം: പ്രവാസി വെൽഫെയർ appeared first on Starvision News Malayalam.