മനാമ: ബഹറിനിലെ പത്തനംതിട്ട ജില്ലക്കാരുടെ കൂട്ടായ്മയായ പത്തനംതിട്ട ജില്ലാ പ്രവാസി അസോസിയേഷൻ ട്യൂബ്ലിയിലുള്ള ലേബർ ക്യാമ്പിൽ വച്ച് ഇഫ്താർ സംഗമം നടത്തി. സൗഹൃദത്തിനും ആത്മീയ അഭിവൃദ്ധിക്കും ഊന്നൽ നൽകിയ ഈ സംഗമത്തിൽ 200-ലധികം ആളുകൾ പങ്കെടുത്തു.

സംഘടനയുടെ വിവിധ പ്രവർത്തനങ്ങളിൽ സജീവമായ സാമൂഹ്യ പ്രവർത്തകരായ ചെമ്പൻ ജലാൽ, മണിക്കുട്ടൻ, സെയ്ദ് ഹനീഫ് എന്നിവരോടൊപ്പം കോർഡിനേറ്റർ അനിൽ കുമാർ, അസോസിയേഷന്റെ എക്സിക്യൂട്ടീവ് കമ്മിറ്റി അംഗങ്ങളും മെമ്പർമാരും കുടുംബാംഗങ്ങളും ഈ ചടങ്ങിൽ പങ്കെടുത്തു.

ഈ ഇഫ്താർ സംഗമം സംഘടനയുടെ സാമൂഹിക പ്രതിബദ്ധതയുടെ ഭാഗമായും പ്രവാസി കൂട്ടായ്മയുടെ ഐക്യത്തിൻ്റെ ഉദാഹരണമായും മാറി. മെമ്പർമാരുടേയും ഭാരവാഹികളുടെയും പിന്തുണയും സഹകരണവും ഈ ആഘോഷത്തെ കൂടുതൽ പ്രഭാവിതമാക്കി.

The post പത്തനംതിട്ട ജില്ലാ പ്രവാസി അസോസിയേഷൻ ഇഫ്താർ സംഗമം സംഘടിപ്പിച്ചു appeared first on Starvision News Malayalam.

അറുനൂറിൽ പരം ആളുകൾ പങ്കെടുത്ത വിഭവസമൃദ്ധമായ ഓണ സദ്യയായിരുന്നു ഓണാരവത്തിലെ പ്രധാന ആകര്‍ഷണം. സജീഷ് പന്തളത്തിന്റെ നേതൃത്വത്തിൽ ഒരുക്കിയ അത്തപ്പൂക്കളത്തോടെ തുടങ്ങിയ പരിപാടിയിൽ  സഹൃദയാ കലാ സംഘം അവതരിപ്പിച്ച  നാടൻ പാട്ട്, കലാഭവൻ ബിനുവും ദിൽഷാദും അവതരിപ്പിച്ച  ഗാനമേള, നസീബ്  കലാഭവൻ അവതരിപ്പിച്ച മിമിക്രി, അസോസിയേഷൻ ലേഡീസ്‌ വിഭാഗം അവതരിപ്പിച്ച തിരുവാതിര, സക്കറിയ സാമുവേലും ടീമും അവതരിപ്പിച്ച  വഞ്ചിപ്പാട്ട് , കുമാരി സാരംഗിയുടെ നേതൃത്വത്തിൽ ഉള്ള ടീം അവതരിപ്പിച്ച  ഓണം ഡാൻസ്, ‌ മറ്റു വിവിധ നൃത്തം ഇനങ്ങൾ, തുടങ്ങിയ അനേകം ഓണാഘോഷ പരിപാടികൾ അരങ്ങേറി.

ബിനു കോന്നിയുടെ നേതൃത്വത്തിൽ അരങ്ങേറിയ പുലികളി കാണികൾക്ക് തികച്ചും വ്യത്യസ്ഥമായ അനുഭവമായിരുന്നു. അസോസിയേഷൻ അംഗങ്ങൾ തമ്മിലുള്ള സൗഹൃദ വടംവലി മത്സരത്തിൽ അസോസിയേഷൻ ടീമായ  “സൽമാനിയ ബോയ്സ്” ഒന്നാം സ്ഥാനം കരസ്ഥമാക്കി.

പൊതുസമ്മേളനത്തിൽ പ്രോഗ്രാം കൺവീനർ ജയേഷ് കുറുപ്പ് സ്വാഗതപ്രസംഗവും, അസോസിയേഷൻ പ്രസിഡന്റ് വിഷ്ണു.വി അധ്യക്ഷ പ്രസംഗവും, രാജീവ് പി മാത്യു ഓണം സന്ദേശവും നൽകി. രാജു കല്ലുംപുറം,മോനി ഒടിക്കണ്ടത്തിൽ, സക്കറിയ സാമുവേൽ, വർഗീസ്‌ മോടിയിൽ തുടങ്ങിയവർ ആശംസകൾ അർപ്പിച്ചു സംസാരിച്ചു. പ്രോഗ്രാം കോർഡിനേറ്റർ ബോബി പുളിമൂട്ടിൽ നന്ദി അറിയിച്ചു.

അജു റ്റി കോശിയും ഹന്ന ലിജൊയും ആയിരുന്നു പ്രോഗ്രാം അവതാരകർ. ജയേഷ് കുറുപ്പ് കൺവീനറും, രഞ്ജു ആർ നായർ ജോയിന്റ് കൺവീനറും, ബോബി പുളിമൂട്ടിൽ പ്രോഗ്രാം കോര്‍ഡിനേറ്ററും ആയ കമ്മിറ്റിയിൽ പ്രസിഡന്റ് വിഷ്ണു.വി, സെക്രട്ടറി സുഭാഷ്‌ തോമസ്, ട്രഷറര്‍ വർഗീസ് മോടിയിൽ, രക്ഷാധികാരികളായ മോനി ഒടിക്കണ്ടത്തിൽ, സക്കറിയ സാമുവേൽ എന്നിവരും, കൂടാതെ മോൻസി ബാബു, അരുൺ കുമാർ, അരുൺ പ്രസാദ്, ബിനു കോന്നി, സുനു കുരുവിള, സജീഷ് പന്തളം, ഷീലു വർഗീസ്, അനിൽ കുമാർ, ലിജൊ ബാബു, ഫിന്നി ഏബ്രഹാം, വിനോജ് മത്തായി,വിനീത് വി.പി, ഗോപേഷ്‌, ജയ്സൺ വർഗീസ്, രേഷ്മ ഗോപിനാഥ്, ലിബി ജെയ്‌സൺ, ബിജു എം ജോസ്, അജി മാത്യു, ബിജോയ്‌, ജോബി വർഗീസ്, ബിജോ തോമസ്, അജിത് , ശ്യാം എസ് പിള്ള, ദയാ ശ്യാം, ജേക്കബ് കോന്നക്കൽ, സിനി പൊന്നച്ചൻ തുടങ്ങിയവര്‍  പരിപാടികൾക്ക് നേതൃത്വം കൊടുത്തു. ബഹ്റിൻ സമൂഹിക സാംസ്കാരിക മേഖലയിലെ  നിരവധി പ്രമുഖർ പരിപാടിയിൽ പങ്കെടുത്തു.

സെപ്റ്റംബർ 2 ന് കേരളാ സമാജത്തിൽ നടന്ന ഘോഷയാത്ര മത്സരത്തിൽ പത്തനംതിട്ട അസോസിയേഷൻ ചുണ്ടൻ വള്ളം, ആറന്മുള കണ്ണാടി തുടങ്ങിയവ അവതരിപ്പിച്ചു പ്രേക്ഷക ശ്രദ്ധ പിടിച്ചു പറ്റിയിരുന്നു.

The post പത്തനംതിട്ട ജില്ലാ പ്രവാസി അസോസിയേഷൻ ഓണാഘോഷം appeared first on Starvision News Malayalam.