തുടർന്ന് രാത്രി ഏറെവൈകിയും കാട്ടുപോത്തിന് സുരക്ഷയൊരുക്കിയശേഷം വെള്ളിയാഴ്ച രാവിലെ വീണ്ടും വൈൽഡ് ലൈഫ് വാർഡൻ ജെ.അർ.അനി,അസി.വൈൽഡ് ലൈഫ് വാർഡൻ സി.കെ സുധീർ,ഡെപ്യൂട്ടി റേഞ്ച് ഓഫിസർ,സന്തോഷ്,സെക്ഷൻ ഫോറസ്റ്റ് ഓഫീസർ ജയകുമാർ,ബീറ്റ് ഫോറസ്റ്റ് ഓഫിസർമാരായ ബിനിൽ,ആര്യ,ശ്രീരാജ്,ബൈജു,വാച്ചർമാരായ ഷിബു,അശോകൻ,രാജൻപിള്ള,താത്കാലിക ജീവനക്കാരായ സുമേഷ്,ശ്രീമോൻ,സുബ്രമണ്യൻ എന്നിവരടങ്ങുന്ന സംഘം മൂന്നുമണിക്കൂറത്തെ രക്ഷാപ്രവർത്തനത്തിനൊടുവിൽ കാട്ടുപോത്തിനെ കരയ്ക്കുകയറ്റി.

കഴുതുരുട്ടി ആറ് പരപ്പാറിൽ സംഗമിക്കുന്ന ഭാഗത്ത് വെള്ളം കുടിക്കാനെത്തിയ കാട്ടുപോത്താണ് ചെളിയിൽ കുടുങ്ങിയത്. യന്ത്രസഹായത്തോടെ രക്ഷപെടുത്താൻ കഴിയാത്തതിനാൽ കാട്ടുപോത്തിൻെറ മുൻവശത്തെ ചെളിനീക്കി കാട്ടുകമ്പുകൾനിരത്തി താങ്ങിനിർത്തുകയായിരുന്നു. ചെളിയിൽ കുടുങ്ങിയെങ്കിലും കാട്ടുപോത്ത് ആക്രമിക്കാനുള്ള സാധ്യതെയും നിലനിൽക്കുന്നുണ്ടായിരുന്നു. അതിനാൽ വലിയ വടം കാട്ടുപോത്തിൻെറ കൊമ്പിൽ ചുറ്റികെട്ടി കരയിൽ ഇരുഭാഗത്തുനിന്നും വലിച്ചുകയറ്റുകയായിരുന്നു. കാലവർഷം കാര്യമായി പെയ്യാത്തതിനാൽ പത്തും ഇരുപതും കാട്ടുപോത്തുകൾ ഉൾപ്പെട്ടസംഘങ്ങൾ പുല്ലുമേയുന്നതിനും വെള്ളം കുടിക്കുന്നതിനുമായി പരപ്പാറിൻെറ തീരത്തേക്കെത്തുന്നുണ്ട്.

The post കാട്ടുപോത്ത് ചെളിയിൽ പുതഞ്ഞു; 2 ദിവസത്തെ രക്ഷാപ്രവർത്തനത്തൊടുവിൽ രക്ഷപ്പെടുത്തി appeared first on Starvision News Malayalam.