മനാമ: കഴിഞ്ഞ പത്തൊമ്പത് വർഷമായി ബഹ്‌റൈനിൽ പ്രവർത്തിക്കുന്ന പാലക്കാട്ടുകാരുടെ കൂട്ടായ്മയായ പാലക്കാട്‌ ആർട്സ് ആൻഡ് കൾച്ചറൽ തിയേറ്റർ( പാക്ട്) 2025-2027 വർഷത്തേക്കുള്ള ഭരണ സമിതി സ്ഥാനമേറ്റെടുത്തു. അദ്ലിയ കാൾട്ടൻ ഹോട്ടലിൽ വെച്ച് നടന്ന പ്രൌഡമായ ചടങ്ങ് ബഹ്‌റൈൻ പാർലിമെന്റ് അംഗം മുഹമ്മദ്‌ ഹുസൈൻ ജനാഹി ഉദ്ഘാടനം നിർവ്വഹിച്ചു. ഇന്ത്യൻ എംബസി ഫസ്റ്റ് സെക്രട്ടറി രവികുമാർ ജെയിൻ, ബ്രോഡൻ കോൺട്രാക്ടിങ് കമ്പനി എം. ഡി ഡോ. കെ. എസ് മേനോൻ എന്നിവർ വീശിഷ്ടാതിഥികളായിരുന്നു. തുടർന്ന് പാക്ട് കുടുംബത്തിൽ നിന്നുള്ള പത്താം ക്ലാസ്സിലെയും പ്ലസ് ടു വിലെയും വിദ്യാർത്ഥികളെ ആദരിച്ചു.

ശേഷം നടന്ന കരിയർ സംബന്ധമായും വിവിധ കോഴ്സുകളെ സംബന്ധിച്ചും വർത്തമാന കാലത്തെ വെല്ലുവിളികളെ എങ്ങനെ നേരിടാം എന്ന വിഷയത്തെ കുറിച്ചും വിവിധ മേഖലകളിൽ നിന്നുള്ള പ്രമുഖ വ്യക്തിത്വങ്ങളുടെ സെഷനുകൾ ശ്രദ്ധേയമായിരുന്നു. സിസ്കോഡ് ഡയറക്ടർ സജിൻ ഹെൻട്രി,ഡോ.പ്രവീൺ(റോയൽ ബഹ്‌റൈൻ ഹോസ്പിറ്റൽ) യൂണിഗ്രാഡ് ഡയറക്ടർ സുജ ജെപി മേനോൻ, അമോഹ ഗ്രൂപ്പ് സിഇഒ ഖിളർ മുഹമ്മദ്‌ എന്നിവരാണ് ചർച്ച നയിച്ചത്. കൂടാതെ ബഹ്‌റൈൻ സന്ദർശനത്തിന് എത്തിച്ചേർന്ന പാക്ട് അംഗങ്ങളായ ശറഫുദ്ധീൻ മാരായമംഗലം, പ്രിയ രാജേഷ് എന്നിവരുടെ മാതാപിതാക്കളെയും ചടങ്ങിൽ ആദരിച്ചു.

അടുത്ത രണ്ടു വർഷത്തേക്കുള്ള ഭരണ സമിതി അംഗങ്ങളായി
ജ്യോതികുമാർ മേനോൻ( ചീഫ് കോർഡിനേറ്റർ) ,അശോക് കുമാർ( പ്രസിഡന്റ്),ശിവദാസ് നായർ( ജനറൽ സെക്രട്ടറി) ,ഗോപാലകൃഷ്ണൻ, സുഭാഷ് മേനോൻ, ഇ വി വിനോദ്( വൈസ് പ്രസിഡണ്ടുമാർ) രവി മാരാത്ത്‌( അസിസ്റ്റന്റ് ജനറൽ സെക്രട്ടറി) ,മൂർത്തി നൂറണി( ട്രഷറർ) സുധീർ( അസിസ്റ്റന്റ് ട്രഷറർ) ,ജഗദീഷ്( മീഡിയ &മെമ്പർഷിപ്പ് സെക്രട്ടറി) ,ദീപക് വിജയൻ, അശോക് മണ്ണിൽ(മെമ്പർഷിപ്പ് സെക്രട്ടറിമാർ) ,അനിൽ കുമാർ( ഐ.ടി &മെമ്പർഷിപ്പ്) സൽമാനുൽ ഫാരിസ്( സെക്രട്ടറി പബ്ലിക് റിലേഷൻ),രമേഷ് കെ.ടി, രാംദാസ് നായർ, സതീഷ്കുമാർ ഗോപാലകൃഷ്ണൻ( ഉപദേശക സമിതി അംഗങ്ങൾ) വനിത വിഭാഗം ഭാരവാഹികളായി സജിത സതീഷ്( പ്രസിഡന്റ്) ,ഉഷ സുരേഷ്( ജനറൽ സെക്രട്ടറി) ,രമ്യ ഗോപകുമാർ(വൈസ് പ്രസിഡന്റ്), ധന്യ രാഹുൽ( സ്പോർട്സ് & പ്രോഗ്രാം),ഷീബ ശശി( എന്റർടൈൻമെന്റ് &അഡ്മിൻ) ,രമ്യ സുധി( പബ്ലിക് റിലേഷൻ &മെമ്പർഷിപ്പ് തുടങ്ങിയവരാണ് സ്ഥാനമേറ്റത്. വൈസ് പ്രസിഡന്റ് രവി മാരാത്ത്‌ ചടങ്ങിന് നന്ദി പ്രകാശിപ്പിച്ചു.

The post പാലക്കാട്‌ ആർട്സ് ആൻഡ് കൾച്ചറൽ തിയേറ്റർ (പാക്ട്) 2025-2027 വർഷത്തേക്കുള്ള ഭരണ സമിതി സ്ഥാനമേറ്റെടുത്തു appeared first on Starvision News Malayalam.

വൈകിട്ട് 5 മണിക്ക്, ശ്രീ ശ്രീറാം നേതൃത്വം നൽകിയ നിളോത്സവത്തിൽ പുതുമയേറിയ മ്യൂസിക്കൽ ഫ്യൂഷൻ കാണികളുടെ മനസ്സിന്നു ഹരമേകി. ഫ്യൂഷനെ തുടർന്ന് നിളോത്സവത്തിന്റെ മുഖ്യ ആകർഷണമായ അമ്പതിലധികം കലാകാരന്മാർ മാസങ്ങളോളം തെയ്യാറെടുപ്പു നടത്തി അരങ്ങിൽ എത്തിച്ച “മായിക” വെറും 45 നിമിഷങ്ങൾ കൊണ്ട് കാണികളുടെ ഹൃദയത്തിൽ സ്ഥിരപ്രതിഷ്ഠ നേടി.

ശ്യാം രാമചന്ദ്രൻ ആണ് മായികയുടെ സംവിധായകൻ. സ്ക്രിപ്റ്റ് പ്രീതി ശ്രീകുമാറും അസ്സോസിയേറ്റ് ഡയറക്ടർ നന്ദൻ വാരിയരും കൊറിയോഗ്രാഫി വിബിനും ആണ് നിർവഹിച്ചത് സാങ്കതികതികവ് കൊണ്ടും പുതുമയുള്ള അവതരണ മികവ് കൊണ്ടും “മായിക” വേദി നിറഞ്ഞാടിയപ്പോൾ , തുടക്കം മുതൽ ഒടുക്കം വരെ കയ്യടിച്ചു പ്രോത്സാഹനം കൊടുക്കാൻ കാണികളും ഒട്ടും മടി കാണിച്ചില്ല.

ആദരണീയരായ വിശിഷ്ട അതിഥികൾ – യൂസഫ് ലോറി (ഡയറക്ടർ, ഇൻഫർമേഷൻ ആൻഡ് ഫോളോ അപ്പ് , ക്യാപിറ്റൽ ഡയറക്ടറേറ്റ് ), ലാൽ ജോസ് ( മലയാളം ഫിലിം ഡയറക്ടർ), പാലക്കാട് ശ്രീരാം (ഗായകൻ , ആർട്ടിസ്‌റ് ), പമ്പാവാസൻ നായർ (എം ഡി & ചെയർമാൻ – ആബാദ് ഗ്രൂപ്പ് & അസ്കോൺ കണ്ട്രോൾ W L L ), സേതുരാജ് കടക്കൽ (സ്റ്റാർവിഷൻ ഇവെന്റ്സ് & മീഡിയ ഗ്രൂപ്പ് ചെയർമാൻ), പി വി രാധാകൃഷ്ണ പിള്ള (ബഹ്‌റൈൻ കേരളീയ സമാജം പ്രസിഡന്റ്), ഡോക്ടർ ബാബു രാമചന്ദ്രൻ (AMH ), അനൂപ് ( ജനറൽ മാനേജർ – അൽ ഷെരിഫ് ഗ്രൂപ്പ് W L L) പാക്‌ട് നേതൃത്വം നൽകിയ ഭാവലയം പരിപാടിയുടെ മികവിനെ അഭിനന്ദിക്കുകയും ഭാരവാഹികളെ അനുമോദിക്കുകയും ചെയ്തു.

The post കാണികളുടെ ഹർഷാരവം ഏറ്റു വാങ്ങി “സ്റ്റാർ ഇവെന്റ്സ് – അൽ ഷെരിഫ് ഗ്രൂപ്പ് -പാക്‌ട് ഭാവലയം -2024 “ appeared first on Starvision News Malayalam.

മനാമ: പാലക്കാട് നിവാസികളുടെ കൂട്ടായ്മയായ പാലക്കാട്ആർട്സ് ആൻഡ് കൾച്ചറൽ തിയേറ്റർ ( പാക്ട് ബഹ്‌റൈൻ ) ബഹ്‌റൈൻ സ്റ്റാർ വിഷൻ കമ്പനിയുമായി സഹകരിച്ച് ‘’ഭാവലയം – 2024’’ എന്ന പേരിൽ നൃത്ത സംഗീതോത്സവം സംഘടിപ്പിക്കുന്നു . മുൻ വർഷങ്ങളിലെ പോലെ തന്നെ ഒരു ദിവസം മുഴുവൻ നീണ്ടു നിൽക്കുന്ന പരിപാടിയായിട്ടാണ് ബഹ്‌റൈൻ കേരളീയ സമാജം ഡയമണ്ട് ജൂബിലി ഹാളിൽ വച്ച് മേയ് 24ന് “ഭാവലയം 2024” അരങ്ങേറാൻ പോകുന്നത് .
ചെമ്പൈ വൈദ്യനാഥ ഭാഗവതരുടെ അനുസ്മരണാര്ഥം നടത്തപെടുന്ന ചെമ്പൈ സംഗീതോത്സവം ഉത്ഘാടനം ചെയ്യുവാനും, വൈകുന്നേരത്തെ നിളോത്സവം പരിപാടിയിൽ ഫ്യൂഷൻ സംഗീതിന്റെ മാസ്മരികവലയം സൃഷ്ടിക്കുവാനുമുള്ള കലാകാരൻ, പാലക്കാട് ശ്രീറാം ഇന്ന് ബഹ്‌റിനിൽ എത്തിച്ചേർന്നു കഴിഞ്ഞു. പാക്‌ട് പ്രസിഡന്റ് അശോക് കുമാർ, ജനറൽ സെക്രട്ടറി സതീഷ് ഗോപാലകൃഷ്ണൻ, ചീഫ് കോഓർഡിനേറ്റർ ജ്യോതി മേനോൻ, സത്യൻ പേരാമ്പ്ര, സൽമാൻ ഫാരിസ് , ജഗദിഷ് കുമാർ, രാജീവ് വള്ളിക്കോത്ത് എന്നിവർ ചേർന്ന് അദ്ദേഹത്തെ ഇന്ന് രാവിലെ എയർപോർട്ടിൽ സ്വീകരിച്ചു .
ഭാവലയം – 2024 എന്ന പരിപാടി വളരെയേറെ പ്രതീക്ഷയോടെയാണ് കലാസ്വാദകർ കാത്തിരിക്കുന്നത്. സംഗീതവും നൃത്തവും സമജ്ഞസമായി സമ്മേളിക്കുന്ന ഈ അപൂർവ കലോത്സവത്തിലേക്ക് അയ്യായിരത്തോളം കാണികൾ എത്തുമെന്നാണ് സംഘാടകർ പ്രതീക്ഷിക്കുന്നത്. ഈ പരിപാടിയിലേക്കുള്ള പ്രവേശനം തികച്ചും സൗജന്യമാണ്.

The post ഭാവലയം പരിപാടിയിൽ പങ്കെടുക്കാൻ എത്തിയ പാലക്കാട് ശ്രീറാമിനെ എയർപോർട്ടിൽ സ്വീകരിച്ചു appeared first on Starvision News Malayalam.

മനാമ: പാലക്കാട് ആർട്സ് ആൻഡ് കൾച്ചറൽ തിയേറ്റർ (PAACT) 2024 മാർച്ച് 14ന് ഇന്ത്യൻ ഡിലൈറ്റ് റെസ്റ്റോറൻ്റിൽ വെച്ച് പ്രമുഖ വ്യക്തികളുടെ വിജ്ഞാനപ്രദവും പ്രചോദിപ്പിക്കുന്നതുമായ പ്രസംഗ സെഷനുകളോടെ വിദ്യാർത്ഥികളെ ആദരിക്കുന്ന ചടങ്ങ് നടത്തി – മുഖ്യാതിഥി ഡോ. രവി വാര്യർ, വിശിഷ്ടാതിഥി . പത്മകുമാർ. നായർ, ഇൻ്ററാക്ടീവ് സെഷൻ ലീഡ്, സജിത സതീഷ്. ബഹ്‌റൈനിലെ വിവിധ സ്‌കൂളുകളിലെ (10, 12 ക്ലാസ്) 42കുട്ടികളെയും രക്ഷിതാക്കളെയും ആദരിച്ചു. സ്‌കൂൾ ടോപ്പർമാരെ മാത്രം അഭിനന്ദിക്കുകയാണ് മറ്റ് അസോസിയേഷനുകൾ ചെയ്യാറുള്ളത് എന്നാൽ അതിൽ നിന്നെല്ലാം വളരെ വ്യത്യസ്തമായി എല്ലായിപ്പോഴും PAACT അതിൻ്റെ തനതായ രീതിയിൽ പ്രവർത്തിക്കുന്നു, ബഹ്‌റൈനിലും പുറത്തും ഉള്ള അംഗങ്ങളുടെ മക്കളായ എല്ലാ വിദ്യാർത്ഥികളെയും അഭിനന്ദിക്കുന്നു.

ഇത് 17-ാം വർഷമാണ് ഇത്തരമൊരു പരിപാടി വിജയകരമായി നടത്തുന്നതെന്ന് ചീഫ് കോർഡിനേറ്റർ ജ്യോതി മേനോൻ പറഞ്ഞു. ജ്യോതി മേനോൻ പുതിയ എക്‌സിക്യൂട്ടീവ് കമ്മിറ്റി അംഗങ്ങളായ ജഗദീഷ് കുമാർ, സുധീർ, ഷീബ ശശി എന്നിവരെ പരിചയപ്പെടുത്തി. കൂടാതെ, ബഹ്റൈൻ സന്ദർശിക്കുന്ന അംഗങ്ങളുടെ മാതാപിതാക്കളെ PAACT എല്ലായ്‌പ്പോഴും ആദരിക്കുന്നുവെന്ന് പ്രസിഡൻ്റ് അശോക് കുമാറും ജനറൽ സെക്രട്ടറി സതീഷും പറഞ്ഞു. അസിസ്റ്റൻ്റ് സെക്രട്ടറി ശ്രീ. ദീപക് വിജയൻ ഞങ്ങളുടെ വിദ്യാർത്ഥികൾക്കും വിശിഷ്ട വ്യക്തികൾക്കും അംഗങ്ങൾക്കും നന്ദി പറഞ്ഞു.

The post പാലക്കാട് കലാസാംസ്കാരിക തീയറ്റർ PAACT 10, 12 ക്ലാസ് വിദ്യാർത്ഥികളെ 2024 ആദരിച്ചു appeared first on Starvision News Malayalam.

മനാമ: പാക്‌ട് അംഗങ്ങൾക്കായി എല്ലാ വർഷവും സംഘടിപ്പിക്കാറുള്ള സ്പോർട്സഡേ, ഇത്തവണയും പൂർവാധികം ഭംഗിയായി നടത്തുവാൻ തീരുമാനിച്ചതായി പാക്‌ട് എക്സിക്യൂട്ടീവ് അംഗങ്ങൾ അറിയിച്ചു. ഡിസംബർ 15 ന്നു
ബിലാദ് അൽ കദീമിലുള്ള അൽ എത്തിഹാദ് ക്ലബ്ബിൽ വച്ചാണ് ഇത്തവണത്തെ സ്പോർട്സ്. വിവിധ പ്രായക്കാർക്കായി നിരവധി മത്സരങ്ങൾ ഒരുക്കിയിരിക്കുന്നതോടൊപ്പം അമ്പതു വയസ്സിനു മുകളിൽ പ്രായമുള്ളവർക്കും രസകരങ്ങളായ സ്പോർട്സ് ഇനങ്ങളിൽ മത്സരിക്കാവുന്നതാണ്. അണ്ണാമലൈ ഗായത്രി, അമരാവതി കണ്ണാടി,കോരയാർ കൽ‌പാത്തി, പിലാന്തോൾ തൂത എന്നിങ്ങനെ പേരിട്ടിരിക്കുന്ന നാല് ടീമുകളിലായാണ് മത്സരങ്ങൾ നടക്കുക.നിരവധി ട്രോഫികളും മെഡലുകളുമാണ് പങ്കെടുക്കുന്നവരെ കാത്തിരിക്കുന്നത് . എല്ലാവരെയും തദവസരത്തിലേക്കു സ്വാഗതം ചെയ്യുന്നതായി കൺവീനർ ശ്രീ അനിൽ കുമാറും ശ്രീമതി പ്രീത രമേശും അറിയിച്ചു.

The post പാലക്കാട് ആർട്സ് ആൻഡ് കൾച്ചറൽ തിയേറ്റർ (പാക്‌ട്), അംഗങ്ങൾക്കായി സ്പോർട്സഡേ സംഘടിപ്പിക്കുന്നു appeared first on Starvision News Malayalam.

മനാമ: പാലക്കാട്‌ ആർട്സ് ആൻഡ് കൾച്ചറൽ തിയേറ്റർ (പാക്ട്) സംഘടിപ്പിച്ച ഇഫ്താർ സംഗമം ജനപങ്കാളിത്തം കൊണ്ട് ശ്രദ്ധേയമായി.സൽമാനിയ ഇന്ത്യൻ ഡിലൈറ്റ്സ് റെസ്റ്റോറന്റിൽ വെച്ച് നടന്ന ഇഫ്താർ സംഗമത്തിൽ പ്രസിഡന്റ് അശോക് കുമാർ അധ്യക്ഷത വഹിച്ചു. സതീഷ് ഗോപാലകൃഷ്ണൻ സ്വാഗതം ആശംസിച്ചു. സൈദ് റമദാൻ നദ്‌വി റമദാൻ സന്ദേശം നൽകി. ചടങ്ങിൽ ബഹ്‌റൈനിലെ സാമൂഹ്യ സാംസ്കാരിക രംഗത്തെ പ്രമുഖർ പങ്കെടുത്തു.

മതസൗഹാർദ്ദവും മാനവികതയും ഉയർത്തിപ്പിടിച്ചു കൊണ്ടുള്ള പരിപാടികളുമായി മുന്നോട്ട് പോവാൻ എക്കാലവും പാലക്കാട് ആർട്സ് ആൻഡ് കൾച്ചറൽ തിയേറ്റർ (പാക്‌ട്) ശ്രദ്ധിക്കാറുണ്ടെന്നും പുണ്യമാസമായ റമദാനിൽ സഹജീവികളോട് കരുണ കാണിക്കുവാനും ഒരുമയും സ്നേഹവും വളർത്തുവാനും ഇഫ്താർ സംഗമങ്ങൾ കാരണമാകുന്നുണ്ടുവെന്നും പാക്ട് ഭാരവാഹികൾ പറഞ്ഞു.

പാക്ട് കുടുംബാംഗങ്ങളും മാധ്യമ പ്രവർത്തകരുമടക്കം നാന്നൂറോളം പേർ സംഗമത്തിൽ പങ്കെടുത്തു.ഇഫ്താർ കോർഡിനേറ്റർ സൽമാനുൽ ഫാരിസ് നന്ദി പ്രകാശിപ്പിച്ചു.

The post പാക്‌ട് ഇഫ്‌താർ സംഗമം ശ്രദ്ധേയമായി appeared first on Starvision News Malayalam.

മനാമ: പാലക്കാട് ആർട്സ് ആൻഡ് കൾച്ചറൽ തിയേറ്റർ (പാക്‌ട് ) പുതിയ എക്സിക്യൂട്ടീവ് കമ്മീറ്റിയുടെ സ്ഥാനാരോഹണവും സ്റ്റുഡൻറ് ഹോണറിങ്‌ സെറിമണിയും ഇന്ത്യൻ ക്ലബ്ബിൽ വച്ച് നടന്നു. പ്രൗഢഗംഭീരമായ ചടങ്ങിൽ, പ്രധാന അതിഥിയായി ഇന്ത്യൻ എംബസി സെക്കന്റ് സെക്രട്ടറി ഇഹ്‌ജാസ് അസ്‌ലം, മറ്റു വിശിഷ്ട അതിഥികൾ – ഇന്ത്യൻ ക്ലബ് പ്രസിഡന്റ് ചെറിയാൻ, പ്രൊഫഷണൽ അസ്സോസിയേറ്റ് – പബ്ലിക് ഡിപ്ലോമസി ഓഫീസർ – യു എസ്‌ എംബസി നടാഷ ബെൻ കമാരാ, ഐ.സി.ആർ.എഫ് പ്രസിഡന്റ് ഡോ ബാബു രാമചന്ദ്രൻ, ന്യൂ ഇന്ത്യൻ സ്കൂൾ പ്രിൻസിപ്പൽ ഗോപിനാഥ് മേനോൻ, ഇന്ത്യൻ ക്ലബ് സെക്രട്ടറി സതീഷ് ഗോപിനാഥൻ നായർ എന്നിവരാണ് എത്തിയിരുന്നത്.

നാനൂറോളം അംഗങ്ങളും അവരുടെ കുടുംബങ്ങളും പങ്കെടുത്ത പരിപാടിയിൽ പാക്ടിന്റെ പുതിയ എക്സിക്യൂട്ടീവ് കമ്മിറ്റിയുടെ സ്ഥാനാരോഹണവും, പത്തും പന്ത്രണ്ടും ക്ലാസ് പൂർത്തീകരിച്ച കുട്ടികൾക്കുള്ള മെമന്റോ വിതരണവും, അംഗങ്ങളുടെ ഇടയിൽ നിന്നും ബിസിനസ് മേഖലയിൽ തന്റേതായ സ്ഥാനം ഉണ്ടാക്കിയെടുത്ത രണ്ടു വനിതകളെ – സുജ ജെ പി മേനോൻ, ഭാഗീരതി രാജേന്ദ്രൻ – ആദരിക്കുന്ന ചടങ്ങും, ബഹ്‌റിനിൽ വിസിറ്റിങ്ങിനു വന്നിരിക്കുന്ന രക്ഷിതാക്കളെ ആദരിക്കുന്ന ചടങ്ങും ആണ് കലാപരിപാടികൾക്കൊപ്പം ഉൾപ്പെടുത്തിയിരുന്നത്.

മുഖ്യ അതിഥിയും, മറ്റു വിശിഷ്ട അതിഥികളും, ഇത്തരം സാമൂഹ്യ നന്മ ലക്ഷ്യമാക്കി പരിപാടികൾ സംഘടിപ്പിക്കുന്ന പാക്ടിനെ അഭിനന്ദിക്കുകയും സദസ്സിനോടുള്ള നന്ദി അറിയിക്കുയും ചെയ്തു.

പഴയതും പുതിയതുമായ ജനറേഷൻസ് ഒത്തുകൂടി സംവദിക്കുകയും ആദരിക്കുകയും അംഗീകരിക്കുകയും ചെയ്ത പരിപാടി ഒരു വൻ വിജയമാക്കിത്തീർത്ത എല്ലാവരോടുമുള്ള നന്ദി പാക്‌ട് എക്സിക്യൂട്ടീവ് കമ്മിറ്റി അംഗങ്ങൾ അറിയിച്ചു.

The post പാക്‌ട് പുതിയ എക്സിക്യൂട്ടീവ് കമ്മിറ്റിയുടെ സ്ഥാനാരോഹണവും സ്റ്റുഡൻറ് ഹോണറിങ്‌ സെറിമണിയും നടന്നു appeared first on Starvision News Malayalam.

മനാമ: പാലക്കാട് ആർട്സ് ആൻഡ് കൾച്ചറൽ തിയേറ്റർ (PAACT) വർഷം തോറും സംഘടിപ്പിക്കാറുള്ള “പാക്ട് ഓണം” വിപുലമായ രീതിയിൽ സംഘടിപ്പിച്ചു. പ്രതീക്ഷകൾക്ക് അപ്പുറം നിൽക്കുന്ന കലാവിരുന്ന് ഒരുക്കിയും അതോടൊപ്പം പാലക്കാടൻ രീതിയിലുള്ള സദ്യ നൽകി അതിഥികൾക്കും കുടുംബാംഗങ്ങൾക്കും നാട്ടിലെ ഓണത്തിൻറെ പ്രതീതി നൽകുവാൻ ഒരുപരിധിവരെ സാധിക്കുന്നു എന്നത് തന്നെ ഈ കൂട്ടായ്മയുടെ ഒരു വിജയമാണ്.

ഇത്തവണ ഇന്ത്യൻ സ്കൂളിൽ വച്ച് പാക്‌ട് സംഘടിപ്പിച്ച ചടങ്ങിൽ ഹിസ് എക്സെലെൻസി പിയുഷ് ശ്രീവാസ്തവ – ഇന്ത്യൻ അംബാസിഡർ ഇൻ ബഹ്‌റൈൻ, പാലക്കാട് ആലത്തൂർ നിയോജകമണ്ഡലത്തിലെ മെമ്പർ ഓഫ് പാർലമെൻറ് രമ്യ ഹരിദാസ്, ബഹ്‌റിനിലെ ബിസിനസ് ഐക്കോണുകളായ കെ ജി ബാബുരാജൻ, പമ്പാവാസൻ നായർ, ബഹ്‌റൈൻ കേരളീയ സമാജം പ്രസിഡന്റ് പി വി രാധാകൃഷ്ണപിള്ള, ബഹ്‌റൈൻ സോപാനം വാദ്യകലാസംഘം പ്രസിഡന്റ് സന്തോഷ് കൈലാസ് എന്നിവർ സദസ്സിനെ അഭിമുഖീകരിച്ചു സംസാരിച്ചു.

ഇവരോടൊപ്പം, ഇന്ത്യൻ സ്കൂളിന് വേണ്ടി ബിനു കുന്നുമ്മലിനേയും, ഐ സി ആർ എഫിനു വേണ്ടി ഡോ: ബാബു രാമചന്ദ്രനെയും പങ്കജ് നെല്ലൂരിനെയും, ഇന്ത്യൻ ക്ലബിന് വേണ്ടി പ്രസിഡന്റ് ചെറിയാനേയും ഗുരുദേവ സോഷ്യൽ സൊസൈറ്റിക്കുവേണ്ടി പ്രസിഡന്റ് ചന്ദ്രബോസിനെയും പാക്‌ട് എക്സിക്യൂട്ടീവ് കമ്മിറ്റി മെമന്റോയും ഷൗളും നൽകി ആദരിച്ചു. തുടർന്ന് നടന്ന, പാലക്കാട് ടോപ് ഇൻ ടൌൺ ഒരുക്കിയ ‘തനി പാലക്കാടൻ സ്റ്റൈൽ സദ്യ’ ആയിരത്തിഅഞ്ഞൂറില്പരം വരുന്ന ബഹറിൻ മലയാളികൾ ആസ്വദിച്ചു കഴിച്ചു.

മാവേലിമന്നനും താലമേന്തിയ പെൺകുട്ടികളും തിരുവാതിരകളിയും സോപാനം വാദ്യ കലാസംഘമൊരുക്കിയ മേളവും ഒക്കെയായി പാക്‌ട് ഓണപൂത്താലം ഇത്തവണയും കാണികളുടെ മനം കവർന്നു.

The post പാലക്കാട് ആർട്സ് ആൻഡ് കൾച്ചറൽ തിയേറ്റർ ഓണാഘോഷം സംഘടിപ്പിച്ചു appeared first on Starvision News Malayalam.

മനാമ: പാലക്കാട് ആർട്സ് ആൻഡ് കൾച്ചറൽ തിയേറ്റർ, ‘ഓണപൂത്താലം ‘- എന്ന പൊന്നോണപരിപാടിയുടെ ഭാഗമായി, അംഗങ്ങൾക്കായി തിരുവാതിരകളിയും പായസമത്സരവും ഇന്ത്യൻ ക്ലബ്ബിൽ വച്ച് നടത്തി. സിനിമയിലും നാടകത്തിലും എല്ലാം വളരെ സജീവമായ ജയാ മേനോൻ മുഖ്യ അഥിതി ആയ പരിപാടിയിൽ പദ്മകുമാർ ജി നായർ , ചന്ദ്ര മോഹൻ , ഇന്ത്യൻ ക്ലബ് പ്രസിഡന്റ് ചെറിയാൻ , സെക്രട്ടറി സതീഷ് ഗോപിനാഥ് നായർ, സീനിയർ മെംബേർസ് ആയ മുരളി മേനോൻ, സുഭാഷ് മേനോൻ, കരുണാകരൻ എന്നിവരും പങ്കെടുത്തു.

മൂന്ന് മാസമായി നടത്തിയ നിരവധി മത്സരങ്ങളിൽ വിജയിച്ച എല്ലാ മത്സരാത്ഥികൾക്കും സമ്മാനങ്ങളും ട്രോഫികളും വിതരണം ചെയ്യുകയും ചെയ്തു.

സെപ്തംബര് പതിനാറിന് ഇന്ത്യൻ സ്കൂളിൽ വച്ച് നടത്താൻ പോകുന്ന പാക്‌ട്- ഓണപൂത്താലം – മെഗാ ഓണം പരിപാടിയെകുറിച്ചുള്ള വിവരങ്ങളും പാക്‌ട് എക്സിക്യൂട്ടീവ് കമ്മിറ്റി, നിറഞ്ഞുനിന്ന സദസ്സിനു വേണ്ടി നൽകി.

The post പാക്‌ട് ബഹ്‌റൈൻ തിരുവാതിരകളിയും പായസമത്സരവും സംഘടിപ്പിച്ചു appeared first on Starvision News Malayalam.

30 ടീമുകൾ വാശിയോടെ പങ്ക് എടുത്ത മത്സരങ്ങൾക്കൊടുവിൽ വിജയികളായവർ ദേവിക സുരേഷും കുടുംബവും , സജ്‌ന സതീഷും കുടുംബവും കൃപ രാജീവും കുടുംബവും ആണ്. വിവിധ കളികളുമായി ചതുരംഗം, ഓണപ്പാട്ട് മത്സരം, തിരുവാതിരക്കളി & പായസ മത്സരം, എന്നിങ്ങനെ നിരവധി പരിപാടികൾ അണി നിരക്കുന്ന ഓണപൂത്താലം, സെപ്തംബർ പതിനാറിന് ഇന്ത്യൻ സ്കൂളിൽ വച്ച് നടത്തുന്ന പൊന്നോണസദ്യയോട് കൂടെയാണ് അവസാനിക്കുക.

The post പാക്‌ട് ഓണപൂത്താലം ആഘോഷങ്ങൾക്ക് സമാരംഭം appeared first on Starvision News Malayalam.