മനാമ: പാലക്കാട്‌ ആർട്സ് ആൻഡ് കൾച്ചറൽ തിയേറ്റർ(പാക്ട് )മെഡിക്കൽ ക്യാമ്പും ലഹരി വിരുദ്ധ ബോധവൽക്കരണവും നോർക്ക -ക്ഷേമ നിധി ക്ലാസും സംഘടിപ്പിച്ചു. മുഹറഖ് അൽ ഹിലാൽ ഹോസ്പിറ്റലിൽ വെച്ച് നടന്ന ക്യാമ്പിൽ 150 ലേറെ പേർ പങ്കെടുത്തു. പാക്ട് പ്രസിഡന്റ് അശോക് കുമാർ അധ്യക്ഷനായ ചടങ്ങിൽ ജനറൽ സെക്രട്ടറി ശിവദാസ് നായർ സ്വാഗതം ആശംസിച്ചു. ലഹരിക്കെതിരായ ബോധവൽക്കരണ സെഷന് ഡോക്ടർ രാഹുൽ അബ്ബാസ് നേതൃത്വം നൽകി.

ലഹരി ഉപയോഗം മൂലമുണ്ടാകുന്ന ഗുരുതരമായ ആരോഗ്യ പ്രശ്നങ്ങൾ, ലഹരിയിലേക്ക് നയിക്കുന്ന ജീവിത സാഹചര്യങ്ങൾ, ലഹരി ഉപയോഗിക്കുന്നവരിൽ കാണുന്ന ലക്ഷണങ്ങൾ തുടങ്ങിയ വിഷയങ്ങളിൽ ആഴത്തിൽ സ്പർശിക്കുന്നതായിരുന്നു പ്രസ്തുത സെഷൻ. തുടർന്ന് സർക്കാർ പദ്ധതികളായ നോർക്ക -പ്രവാസി ക്ഷേമ നിധി ആനുകൂല്ല്യങ്ങൾ,രജിസ്ട്രേഷൻ , സർക്കാരിൽ നിന്ന് സഹായങ്ങൾ ലഭിക്കുവാനുള്ള നടപടി ക്രമങ്ങൾ എന്നിവയെ കുറിച്ചുള്ള സെഷന് സാമൂഹ്യ പ്രവർത്തകനും കെ എം സി സി വൈസ് പ്രസിഡണ്ടുമായ എ.പി ഫൈസൽ നേതൃത്വം നൽകി.

പാക്ട് ചീഫ് കോർഡിനേറ്റർ ജ്യോതി മേനോൻ,അൽ ഹിലാൽ ഹോസ്പിറ്റൽ പ്രതിനിധികളായ മുനവർ ഫൈറൂസ്, വിഷ്ണു തുടങ്ങിയവർ സംസാരിച്ചു. ജഗദീഷ് കുമാർ, മൂർത്തി നൂറണി, സുഭാഷ് മേനോൻ, സതീഷ് കുമാർ, രാംദാസ് നായർ, രവി മാരാത്ത്‌, ദീപക് വിജയൻ, കെ ടി രമേഷ്, സുധീർ, അശോക് മണ്ണിൽ, ഇ വി വിനോദ്, ഗോപാലൻ, അനിൽ കുമാർ, വനിത വിഭാഗം പ്രസിഡന്റ് സജിത സതീഷ്, ഭാരവാഹികളായ ഉഷ സുരേഷ്, ഷീബ ശശി തുടങ്ങിയവർ ക്യാമ്പിന് നേതൃത്വം നൽകി. സാമൂഹിക പ്രവർത്തകരായ ചെമ്പൻ ജലാൽ, നാസർ മഞ്ചേരി, പങ്കജ് നല്ലൂർ, അബ്ദുൽ സലാം, വിഷ്ണു, സുനിൽ ബാബു, അബ്ദുൽ മൻഷീർ, മജീദ് തണൽ, ശറഫുദ്ധീൻ മാരായമംഗലം തുടങ്ങിയവർ ക്യാമ്പ് സന്ദർശിച്ചു. പ്രോഗ്രാം കൺവീനർ സൽമാനുൽ ഫാരിസ് നന്ദി പ്രകാശിപ്പിച്ചു.

The post പാക്ട് ബഹ്‌റൈൻ മെഡിക്കൽ ക്യാമ്പും ലഹരി വിരുദ്ധ ബോധവൽക്കരണവും നോർക്ക -ക്ഷേമ നിധി ക്ലാസും സംഘടിപ്പിച്ചു appeared first on Starvision News Malayalam.

മനാമ: പാലക്കാട്‌ ആർട്സ് ആൻഡ് കൾച്ചറൽ തിയേറ്റർ(പാക്ട് )സൗജന്യ മെഡിക്കൽ ക്യാമ്പും ലഹരി വിരുദ്ധ ബോധവൽക്കരണവും നോർക്ക -ക്ഷേമ നിധി പദ്ധതികളെ കുറിച്ചുള്ള ക്ലാസും സംഘടിപ്പിക്കുന്നു. മുഹറഖ് അൽ ഹിലാൽ ഹോസ്പിറ്റലിൽ വെച്ച് വെള്ളിയാഴ്ച്ച( 18.04.2025) രാവിലെ 9 മണി മുതൽ 12 വരെയാണ് ക്യാമ്പ് നടക്കുന്നത്. ക്യാമ്പിൽ ഡോ. രാഹുൽ അബ്ബാസ് ലഹരി വിരുദ്ധ ബോധവൽക്കരണ ക്ലാസിന് നേതൃത്വം നൽകും. തുടർന്ന് സർക്കാർ പദ്ധതികളായ നോർക്ക, പ്രവാസി ക്ഷേമ നിധി ആനുകൂല്ല്യങ്ങളെ കുറിച്ച് കെ. എം. സി. സി വൈസ് പ്രസിഡണ്ടും സാമൂഹ്യ പ്രവർത്തകനുമായ എ. പി ഫൈസൽ നയിക്കുന്ന ക്ലാസും ഉണ്ടായിരിക്കുന്നതാണ്.

കൂടുതൽ വിവരങ്ങൾക്ക്. 39143350/39143967/39808176.

The post പാക്ട് സൗജന്യ മെഡിക്കൽ ക്യാമ്പും ലഹരി വിരുദ്ധ ബോധവൽക്കരണവും, നോർക്ക -ക്ഷേമ നിധി ക്ലാസും സംഘടിപ്പിക്കുന്നു appeared first on Starvision News Malayalam.

മനാമ: കഴിഞ്ഞ പത്തൊമ്പത് വർഷമായി ബഹ്‌റൈനിൽ പ്രവർത്തിക്കുന്ന പാലക്കാട്ടുകാരുടെ കൂട്ടായ്മയായ പാലക്കാട്‌ ആർട്സ് ആൻഡ് കൾച്ചറൽ തിയേറ്റർ( പാക്ട്) 2025-2027 വർഷത്തേക്കുള്ള ഭരണ സമിതി സ്ഥാനമേറ്റെടുത്തു. അദ്ലിയ കാൾട്ടൻ ഹോട്ടലിൽ വെച്ച് നടന്ന പ്രൌഡമായ ചടങ്ങ് ബഹ്‌റൈൻ പാർലിമെന്റ് അംഗം മുഹമ്മദ്‌ ഹുസൈൻ ജനാഹി ഉദ്ഘാടനം നിർവ്വഹിച്ചു. ഇന്ത്യൻ എംബസി ഫസ്റ്റ് സെക്രട്ടറി രവികുമാർ ജെയിൻ, ബ്രോഡൻ കോൺട്രാക്ടിങ് കമ്പനി എം. ഡി ഡോ. കെ. എസ് മേനോൻ എന്നിവർ വീശിഷ്ടാതിഥികളായിരുന്നു. തുടർന്ന് പാക്ട് കുടുംബത്തിൽ നിന്നുള്ള പത്താം ക്ലാസ്സിലെയും പ്ലസ് ടു വിലെയും വിദ്യാർത്ഥികളെ ആദരിച്ചു.

ശേഷം നടന്ന കരിയർ സംബന്ധമായും വിവിധ കോഴ്സുകളെ സംബന്ധിച്ചും വർത്തമാന കാലത്തെ വെല്ലുവിളികളെ എങ്ങനെ നേരിടാം എന്ന വിഷയത്തെ കുറിച്ചും വിവിധ മേഖലകളിൽ നിന്നുള്ള പ്രമുഖ വ്യക്തിത്വങ്ങളുടെ സെഷനുകൾ ശ്രദ്ധേയമായിരുന്നു. സിസ്കോഡ് ഡയറക്ടർ സജിൻ ഹെൻട്രി,ഡോ.പ്രവീൺ(റോയൽ ബഹ്‌റൈൻ ഹോസ്പിറ്റൽ) യൂണിഗ്രാഡ് ഡയറക്ടർ സുജ ജെപി മേനോൻ, അമോഹ ഗ്രൂപ്പ് സിഇഒ ഖിളർ മുഹമ്മദ്‌ എന്നിവരാണ് ചർച്ച നയിച്ചത്. കൂടാതെ ബഹ്‌റൈൻ സന്ദർശനത്തിന് എത്തിച്ചേർന്ന പാക്ട് അംഗങ്ങളായ ശറഫുദ്ധീൻ മാരായമംഗലം, പ്രിയ രാജേഷ് എന്നിവരുടെ മാതാപിതാക്കളെയും ചടങ്ങിൽ ആദരിച്ചു.

അടുത്ത രണ്ടു വർഷത്തേക്കുള്ള ഭരണ സമിതി അംഗങ്ങളായി
ജ്യോതികുമാർ മേനോൻ( ചീഫ് കോർഡിനേറ്റർ) ,അശോക് കുമാർ( പ്രസിഡന്റ്),ശിവദാസ് നായർ( ജനറൽ സെക്രട്ടറി) ,ഗോപാലകൃഷ്ണൻ, സുഭാഷ് മേനോൻ, ഇ വി വിനോദ്( വൈസ് പ്രസിഡണ്ടുമാർ) രവി മാരാത്ത്‌( അസിസ്റ്റന്റ് ജനറൽ സെക്രട്ടറി) ,മൂർത്തി നൂറണി( ട്രഷറർ) സുധീർ( അസിസ്റ്റന്റ് ട്രഷറർ) ,ജഗദീഷ്( മീഡിയ &മെമ്പർഷിപ്പ് സെക്രട്ടറി) ,ദീപക് വിജയൻ, അശോക് മണ്ണിൽ(മെമ്പർഷിപ്പ് സെക്രട്ടറിമാർ) ,അനിൽ കുമാർ( ഐ.ടി &മെമ്പർഷിപ്പ്) സൽമാനുൽ ഫാരിസ്( സെക്രട്ടറി പബ്ലിക് റിലേഷൻ),രമേഷ് കെ.ടി, രാംദാസ് നായർ, സതീഷ്കുമാർ ഗോപാലകൃഷ്ണൻ( ഉപദേശക സമിതി അംഗങ്ങൾ) വനിത വിഭാഗം ഭാരവാഹികളായി സജിത സതീഷ്( പ്രസിഡന്റ്) ,ഉഷ സുരേഷ്( ജനറൽ സെക്രട്ടറി) ,രമ്യ ഗോപകുമാർ(വൈസ് പ്രസിഡന്റ്), ധന്യ രാഹുൽ( സ്പോർട്സ് & പ്രോഗ്രാം),ഷീബ ശശി( എന്റർടൈൻമെന്റ് &അഡ്മിൻ) ,രമ്യ സുധി( പബ്ലിക് റിലേഷൻ &മെമ്പർഷിപ്പ് തുടങ്ങിയവരാണ് സ്ഥാനമേറ്റത്. വൈസ് പ്രസിഡന്റ് രവി മാരാത്ത്‌ ചടങ്ങിന് നന്ദി പ്രകാശിപ്പിച്ചു.

The post പാലക്കാട്‌ ആർട്സ് ആൻഡ് കൾച്ചറൽ തിയേറ്റർ (പാക്ട്) 2025-2027 വർഷത്തേക്കുള്ള ഭരണ സമിതി സ്ഥാനമേറ്റെടുത്തു appeared first on Starvision News Malayalam.

മനാമ: പാലക്കാട്‌ ആർട്സ് ആൻഡ് കൾച്ചറൽ തിയേറ്റർ( പാക്ട്) പുതിയ കമ്മിറ്റിയുടെ സ്ഥാനാരോഹണം വെള്ളിയാഴ്ച്ച നടക്കും. 2025-2027 വർഷത്തേക്കുള്ള കമ്മിറ്റിയാണ് വെള്ളിയാഴ്ച്ച സ്ഥാനമേൽക്കുന്നത്. അദ്ലിയ കാൾട്ടൻ ഹോട്ടലിൽ വെച്ച് വെള്ളിയാഴ്ച്ച വൈകിട്ട് 7 മണിക്ക് നടക്കുന്ന ചടങ്ങിൽ പാക്ട് കുടുംബത്തിൽ നിന്നുള്ള പത്താം ക്ലാസ്സിലെയും പ്ലസ് ടു വിലെയും വിദ്യാർത്ഥികളെയും ആദരിക്കും.

ഇന്ത്യൻ എംബസി ഫസ്റ്റ് സെക്രട്ടറി രവികുമാർ ജെയിൻ, ബഹ്‌റൈൻ പാർലിമെന്റ് അംഗം മുഹമ്മദ്‌ ‌ ഹുസൈൻ ജനാഹി, ബ്രോഡൻ കോൺട്രാക്ടിങ് എം. ഡി ഡോ. കെ. എസ് മേനോൻ തുടങ്ങിയവർ വിശിഷ്ടാതിഥികളായി പങ്കെടുക്കും. സിസ്കോഡ് ഡയറക്ടർ സജിൻ ഹെൻട്രി, ഡോ.പ്രവീൺ(റോയൽ ബഹ്‌റൈൻ ഹോസ്പിറ്റൽ) യൂണിഗാർഡ് ഡയറക്ടർ സുജ ജെപി മേനോൻ, അമോഹ ഗ്രൂപ്പ് സിഇഒ ഖിളർമുഹമ്മദ്‌, ഐപോയന്റ് ജനറൽ മാനേജർ അരുൾദാസ് എന്നിവർ വിദ്യാർത്ഥികൾക്ക് വേണ്ടി വിവിധ സെഷനുകളിൽ പങ്കെടുക്കും.

The post പാലക്കാട്‌ ആർട്സ് ആൻഡ് കൾച്ചറൽ തിയേറ്റർ( പാക്ട്) പുതിയ കമ്മിറ്റിയുടെ സ്ഥാനാരോഹണം വെള്ളിയാഴ്ച്ച നടക്കും appeared first on Starvision News Malayalam.

മനാമ: പാലക്കാട്‌ ആർട്സ് ആൻഡ് കൾച്ചറൽ തിയേറ്റർ (പാക്ട്) സ്പോർട്സ് ഡേ സംഘടിപ്പിച്ചു. അംഗങ്ങൾക്കിടയിൽ കായികവിനോദങ്ങളെയും വ്യായാമത്തെയും പ്രോത്സാഹിപ്പിക്കുക എന്ന ഉദ്ദേശത്തോടെ സംഘടിപ്പിക്കപ്പെട്ട സ്പോർട്സ് ഡേ യിൽ മുന്നൂറോളം അംഗങ്ങൾ പങ്കെടുത്തു. ഇത്തിഹാദ് ക്ലബ്‌ ഗ്രൗണ്ടിൽ വെച്ച് മാർച്ച്‌ പാസ്റ്റോട് കൂടി ആരംഭിച്ച സ്പോർട്സ് ഡേയുടെ ഔപചാരിക ചടങ്ങിന് പ്രസിഡന്റ് അശോക് കുമാർ അധ്യക്ഷത വഹിച്ചു. ജനറൽ സെക്രട്ടറി സതീഷ് കുമാർ സ്വാഗതം ആശംസിച്ചു.

നാല് ഗ്രൂപ്പുകളിലായി നടന്ന മത്സരങ്ങളിൽ കുട്ടികൾ മുതൽ മുതിർന്നവർക്ക് കൂടി പങ്കെടുക്കുവാൻ കഴിയുന്ന രീതിയിലായിരുന്നു മത്സരങ്ങൾ ക്രമീകരിച്ചിരുന്നത്. വ്യക്തിഗത ഇനങ്ങളിലായും ഗ്രൂപ്പ് തലങ്ങളിലായും മത്സരങ്ങൾ നടത്തപ്പെട്ടു. പ്രവാസ ലോകത്ത്‌ ഇത്തരം കായിക മത്സരങ്ങൾ മനോഹരമായ അനുഭവമാണ് സമ്മാനിച്ചതെന്ന് അംഗങ്ങൾ അഭിപ്രായപ്പെട്ടു.ശ്രീജിത്ത്‌, പ്രവീൺ, വിഷ്ണു, ജിതിൻ രാജ്, ധന്യ പ്രവീൺ, ശിവപുത്രി, ധന്യ രാഹുൽ, നീതു രോഹിത് എന്നിവരാണ് വിവിധ ഗ്രൂപ്പുകൾക്ക് നേതൃത്വം നൽകിയത്.

പാക്ട് ചീഫ് കോർഡിനേറ്റർ ജ്യോതി മേനോൻ, ശിവദാസ് നായർ, മുരളി മേനോൻ, സജിത സതീഷ്, ദീപക് വിജയൻ, ഉഷ സുരേഷ്, ജഗദീഷ് കുമാർ, സുഭാഷ് മേനോൻ, അനിൽ കുമാർ, സൽമാനുൽ ഫാരിസ്, കെ ടി രമേഷ്, സന്തോഷ്‌ കടമ്പാട്ട്, സുധീർ ,രമ്യ ഗോപകുമാർ, നീതു വിഷ്ണു,മിനി പ്രമിലാഷ് എന്നിവർ നേതൃത്വം നൽകി. മൂർത്തി നൂറണി നന്ദി പ്രകാശിപ്പിച്ചു.

The post പാലക്കാട്‌ ആർട്സ് ആൻഡ് കൾച്ചറൽ തിയേറ്റർ( പാക്ട്)സ്പോർട്സ് ഡേ സംഘടിപ്പിച്ചു appeared first on Starvision News Malayalam.

മനാമ: പാലക്കാട് ആർട്ട് ആൻഡ് കൾച്ചർ തിയേറ്ററിൻ്റെ (പി.എ.എ.സി.ടി) ചീഫ് കോ- ഓർഡിനേറ്റർ ജ്യോതി മേനോൻ തൻ്റെ മുടി ബഹ്‌റൈൻ കാൻസർ സൊസൈറ്റിക്ക് ദാനം ചെയ്തു.

2024 ഒക്ടോബർ സ്തനാർബുദ ബോധവൽക്കരണ മാസമായി ആചരിക്കുന്നതിനോടനുബന്ധിച്ചാണ് അദ്ദേഹം മുടി ദാനം ചെയ്തത്.
“ഒരു ദിവസം ഒരു സമയത്ത്, ഒരു ഘട്ടത്തിൽ ഒരു ഘട്ടം. നിങ്ങൾക്ക് കഴിയുന്നത് ചെയ്യുക, നിങ്ങളുടെ പരമാവധി ചെയ്യുക, ദൈവം ബാക്കി കാര്യങ്ങൾ കൈകാര്യം ചെയ്യട്ടെ”- അദ്ദേഹം പറഞ്ഞു.

The post ബഹ്റൈൻ കാൻസർ സൊസൈറ്റിക്ക് മുടി ദാനം ചെയ്ത് ജ്യോതി മേനോൻ appeared first on Starvision News Malayalam.

മനാമ: പാലക്കാട് ആർട്സ് ആൻഡ് കൾച്ചറൽ തിയേറ്റർ (PAACT) 2024 മാർച്ച് 14ന് ഇന്ത്യൻ ഡിലൈറ്റ് റെസ്റ്റോറൻ്റിൽ വെച്ച് പ്രമുഖ വ്യക്തികളുടെ വിജ്ഞാനപ്രദവും പ്രചോദിപ്പിക്കുന്നതുമായ പ്രസംഗ സെഷനുകളോടെ വിദ്യാർത്ഥികളെ ആദരിക്കുന്ന ചടങ്ങ് നടത്തി – മുഖ്യാതിഥി ഡോ. രവി വാര്യർ, വിശിഷ്ടാതിഥി . പത്മകുമാർ. നായർ, ഇൻ്ററാക്ടീവ് സെഷൻ ലീഡ്, സജിത സതീഷ്. ബഹ്‌റൈനിലെ വിവിധ സ്‌കൂളുകളിലെ (10, 12 ക്ലാസ്) 42കുട്ടികളെയും രക്ഷിതാക്കളെയും ആദരിച്ചു. സ്‌കൂൾ ടോപ്പർമാരെ മാത്രം അഭിനന്ദിക്കുകയാണ് മറ്റ് അസോസിയേഷനുകൾ ചെയ്യാറുള്ളത് എന്നാൽ അതിൽ നിന്നെല്ലാം വളരെ വ്യത്യസ്തമായി എല്ലായിപ്പോഴും PAACT അതിൻ്റെ തനതായ രീതിയിൽ പ്രവർത്തിക്കുന്നു, ബഹ്‌റൈനിലും പുറത്തും ഉള്ള അംഗങ്ങളുടെ മക്കളായ എല്ലാ വിദ്യാർത്ഥികളെയും അഭിനന്ദിക്കുന്നു.

ഇത് 17-ാം വർഷമാണ് ഇത്തരമൊരു പരിപാടി വിജയകരമായി നടത്തുന്നതെന്ന് ചീഫ് കോർഡിനേറ്റർ ജ്യോതി മേനോൻ പറഞ്ഞു. ജ്യോതി മേനോൻ പുതിയ എക്‌സിക്യൂട്ടീവ് കമ്മിറ്റി അംഗങ്ങളായ ജഗദീഷ് കുമാർ, സുധീർ, ഷീബ ശശി എന്നിവരെ പരിചയപ്പെടുത്തി. കൂടാതെ, ബഹ്റൈൻ സന്ദർശിക്കുന്ന അംഗങ്ങളുടെ മാതാപിതാക്കളെ PAACT എല്ലായ്‌പ്പോഴും ആദരിക്കുന്നുവെന്ന് പ്രസിഡൻ്റ് അശോക് കുമാറും ജനറൽ സെക്രട്ടറി സതീഷും പറഞ്ഞു. അസിസ്റ്റൻ്റ് സെക്രട്ടറി ശ്രീ. ദീപക് വിജയൻ ഞങ്ങളുടെ വിദ്യാർത്ഥികൾക്കും വിശിഷ്ട വ്യക്തികൾക്കും അംഗങ്ങൾക്കും നന്ദി പറഞ്ഞു.

The post പാലക്കാട് കലാസാംസ്കാരിക തീയറ്റർ PAACT 10, 12 ക്ലാസ് വിദ്യാർത്ഥികളെ 2024 ആദരിച്ചു appeared first on Starvision News Malayalam.

മനാമ: പാലക്കാട് ആർട്സ് ആൻഡ് കൾച്ചറൽ തിയേറ്റർ (പാക്‌ട് ), അംഗങ്ങൾക്കായി ജൂഫെയ്‌ർ അൽ നജ്മ ബോട്ട് ക്ലബ്ബിൽ വച്ച് ടെന്നീസ് ബോൾ 7 A സൈഡ് ക്രിക്കറ്റ് ടൂർണമെന്റ് നടത്തി. ടീം ഡെവലപ്മെൻറ്, ടീം സ്പിരിറ്റ് വർധിപ്പിക്കുക എന്ന ലക്ഷ്യവുമായി രാജീവ് മേനോന്റെ നേതൃത്വത്തിൽ നടത്തിയ ഈ പരിപാടി ഒരു വൻ വിജയമാക്കിത്തീർക്കാൻ പാക്‌ട് എക്സിക്യൂട്ടീവ് കമ്മിറ്റിക്കു കഴിഞ്ഞു. കളി കാണാനായി ക്ലബ് അങ്കണത്തിൽ സ്ത്രീകളും കുട്ടികളും അടങ്ങുന്ന നിരവധി കാണികൾ ഒത്തുചേർന്നു. HPCA ലെവൽ ഒന്ന് കോച്ച് ആയ ബില്ലി ആയിരുന്നു മുഖ്യ അതിഥി ആയി എത്തിയിരുന്നത്. എട്ടു ടീമുകൾ വൈകുന്നേരം 7 മണി മുതൽ പുലർച്ചെ 4 മണി വരെ മാറ്റുരച്ച ടൂർണമെന്റ് നിയന്ത്രിച്ചത് അമ്പയർമാരായ അഖിൽ നായരും വിഗ്‌നേഷുമാണ്. അംഗങ്ങൾ നടത്തിയ ലൈവ് കിച്ചനും ഒരു വിജയമായിരുന്നു.

വിജയികൾക്ക് പാക്‌ട് അംഗങ്ങൾ സ്പോൺസർ ചെയ്ത ട്രോഫികൾ വിതരണം ചെയ്തു.

പാക്‌ട് 2020 ക്രിക്കറ്റ് ടൂർണമെന്റ് ചാംപ്യൻ : തേനൂർ തെൻകൊമ്പൻസ് ( ക്യാപ്റ്റൻ രാംദാസ് നായർ )

പാക്‌ട് 2020 ക്രിക്കറ്റ് ടൂർണമെന്റ് റണ്ണേഴ്സ്പ്: ചിതലി ചക്കകൊമ്പൻസ് ( ക്യാപ്റ്റൻ ശിവ് ദാസ് നായർ )

പാക്‌ട് 2020 വനിതാ ക്രിക്കറ്റ് ടൂർണമെന്റ് ചാംപ്യൻ : പുത്തൂർ പാരറ്റ്സ് ( ക്യാപ്റ്റൻ നൂപുര അശോക് )

പാക്‌ട് 2020 വനിതാ ക്രിക്കറ്റ് ടൂർണമെന്റ് റണ്ണേഴ്സ്പ്: ഷൊർണുർ സ്പാരോസ് ( ക്യാപ്റ്റൻ റിയ ഗണേഷ് )

ടൂർണമെന്റ് ചാമ്പ്യൻസ് – കബീർ / നൂപുര അശോക്

The post പാക്‌ട് ടെന്നീസ് ബോൾ 7 A സൈഡ് ക്രിക്കറ്റ് ടൂർണമെന്റ് നടത്തി appeared first on Starvision News Malayalam.

മനാമ: പാലക്കാട് ആർട്സ് ആൻഡ് കൾച്ചറൽ തിയേറ്റർ (PAACT) വർഷം തോറും സംഘടിപ്പിക്കാറുള്ള “പാക്ട് ഓണം” വിപുലമായ രീതിയിൽ സംഘടിപ്പിച്ചു. പ്രതീക്ഷകൾക്ക് അപ്പുറം നിൽക്കുന്ന കലാവിരുന്ന് ഒരുക്കിയും അതോടൊപ്പം പാലക്കാടൻ രീതിയിലുള്ള സദ്യ നൽകി അതിഥികൾക്കും കുടുംബാംഗങ്ങൾക്കും നാട്ടിലെ ഓണത്തിൻറെ പ്രതീതി നൽകുവാൻ ഒരുപരിധിവരെ സാധിക്കുന്നു എന്നത് തന്നെ ഈ കൂട്ടായ്മയുടെ ഒരു വിജയമാണ്.

ഇത്തവണ ഇന്ത്യൻ സ്കൂളിൽ വച്ച് പാക്‌ട് സംഘടിപ്പിച്ച ചടങ്ങിൽ ഹിസ് എക്സെലെൻസി പിയുഷ് ശ്രീവാസ്തവ – ഇന്ത്യൻ അംബാസിഡർ ഇൻ ബഹ്‌റൈൻ, പാലക്കാട് ആലത്തൂർ നിയോജകമണ്ഡലത്തിലെ മെമ്പർ ഓഫ് പാർലമെൻറ് രമ്യ ഹരിദാസ്, ബഹ്‌റിനിലെ ബിസിനസ് ഐക്കോണുകളായ കെ ജി ബാബുരാജൻ, പമ്പാവാസൻ നായർ, ബഹ്‌റൈൻ കേരളീയ സമാജം പ്രസിഡന്റ് പി വി രാധാകൃഷ്ണപിള്ള, ബഹ്‌റൈൻ സോപാനം വാദ്യകലാസംഘം പ്രസിഡന്റ് സന്തോഷ് കൈലാസ് എന്നിവർ സദസ്സിനെ അഭിമുഖീകരിച്ചു സംസാരിച്ചു.

ഇവരോടൊപ്പം, ഇന്ത്യൻ സ്കൂളിന് വേണ്ടി ബിനു കുന്നുമ്മലിനേയും, ഐ സി ആർ എഫിനു വേണ്ടി ഡോ: ബാബു രാമചന്ദ്രനെയും പങ്കജ് നെല്ലൂരിനെയും, ഇന്ത്യൻ ക്ലബിന് വേണ്ടി പ്രസിഡന്റ് ചെറിയാനേയും ഗുരുദേവ സോഷ്യൽ സൊസൈറ്റിക്കുവേണ്ടി പ്രസിഡന്റ് ചന്ദ്രബോസിനെയും പാക്‌ട് എക്സിക്യൂട്ടീവ് കമ്മിറ്റി മെമന്റോയും ഷൗളും നൽകി ആദരിച്ചു. തുടർന്ന് നടന്ന, പാലക്കാട് ടോപ് ഇൻ ടൌൺ ഒരുക്കിയ ‘തനി പാലക്കാടൻ സ്റ്റൈൽ സദ്യ’ ആയിരത്തിഅഞ്ഞൂറില്പരം വരുന്ന ബഹറിൻ മലയാളികൾ ആസ്വദിച്ചു കഴിച്ചു.

മാവേലിമന്നനും താലമേന്തിയ പെൺകുട്ടികളും തിരുവാതിരകളിയും സോപാനം വാദ്യ കലാസംഘമൊരുക്കിയ മേളവും ഒക്കെയായി പാക്‌ട് ഓണപൂത്താലം ഇത്തവണയും കാണികളുടെ മനം കവർന്നു.

The post പാലക്കാട് ആർട്സ് ആൻഡ് കൾച്ചറൽ തിയേറ്റർ ഓണാഘോഷം സംഘടിപ്പിച്ചു appeared first on Starvision News Malayalam.