തിരുവനന്തപുരം: ഹേമ കമ്മിറ്റി റിപ്പോർട്ടിലെ ചില ഭാഗങ്ങൾ ഒഴിവാക്കിയതിൽ സർക്കാരിന് പങ്കില്ലെന്ന് മന്ത്രി പി രാജീവ്. സ്വകാര്യത സംരക്ഷിക്കാൻ കോടതിയുടെ നിർദേശമുണ്ട്. അതുപ്രകാരമുള്ള വിവരാവകാശ കമ്മീഷൻ നടപടിയിൽ സർക്കാരിന് പങ്കില്ലെന്നും മന്ത്രി പറഞ്ഞു. നിയമനടപടി സ്വീകരിക്കണമെന്ന് ഹേമ കമ്മീഷൻ ശുപാർശ ചെയ്‌തിട്ടില്ലെന്നും മന്ത്രി ആവർത്തിച്ചു.

‘സർക്കാരിന് പ്രത്യേക നിയമങ്ങളൊന്നുമില്ല. വ്യക്തിപരമായി പരിശോധിച്ച ശേഷം കാര്യങ്ങൾ പുറത്തുവിടണമെന്നാണ് അവർ പറഞ്ഞിട്ടുള്ളത്. അത് പൂർണമായും പാലിക്കപ്പെട്ടുവെന്നാണ് കരുതുന്നത്. അല്ലെങ്കിൽ വിവരാവകാശ കമ്മീഷന് പരിശോധിക്കാം’, പി രാജീവ് പറഞ്ഞു.

വിഷയത്തിൽ സിപിഐ നേതാവ് ആനി രാജയും പ്രതികരണവുമായി രംഗത്തെത്തി. ഹേമ കമ്മിറ്റി റിപ്പോർട്ടിൽ നടപടിയെടുക്കാൻ ആരുടെയും പരാതിയുടെ ആവശ്യമില്ലെന്നാണ് അവർ പറഞ്ഞത്. സമയബന്ധിതമായി സർക്കാരിന്റെ ഭാഗത്ത് നിന്നും നടപടിയുണ്ടാകണം. റിപ്പോ‌ർട്ട് വൈകിയത് പോലെ നടപടി വൈകരുതെന്നും അവർ പറഞ്ഞു. ഒരു കേസുമില്ലാതെ പരിഹരിക്കേണ്ട കാര്യങ്ങളുണ്ടെന്നും ആനി രാജ ഡൽഹിയിൽ പറഞ്ഞു.ഉപ്പു തിന്നവർ വെള്ളം കുടിക്കുമെന്നും അതാരായാലും അങ്ങനെ തന്നെ ആയിരിക്കുമെന്നാണ് മന്ത്രി വി ശിവൻകുട്ടി നേരത്തേ പ്രതികരിച്ചത്.

സർക്കാരിന് ഒന്നും ഒളിച്ച് വയ്‌ക്കാനില്ല. കുറ്റക്കാർ ആരും രക്ഷപ്പെടില്ല എന്ന് മുഖ്യമന്ത്രി തന്നെ പറഞ്ഞിട്ടുണ്ടെന്നും അതിനെ അവിശ്വസിക്കേണ്ട കാര്യമില്ലെന്നും മന്ത്രി പ്രതികരിച്ചു.ഹേമ കമ്മിറ്റി റിപ്പോർട്ടിന്റെ അടിസ്ഥാനത്തിൽ കുറ്റവാളികളെ നിയമത്തിന് മുന്നിൽ കൊണ്ടുവരാൻ സമഗ്ര അന്വേഷണം പ്രഖ്യാപിക്കണമെന്ന് ആവശ്യപ്പെട്ട് പ്രതിപക്ഷ നേതാവ് മുഖ്യമന്ത്രിക്കും സിനിമ – സാംസ്ക്കാരിക വകുപ്പ് മന്ത്രിക്കും ഇന്ന് കത്ത് നൽകിയിരുന്നു. ഇരകൾ നല്‍കിയ മൊഴികളുടെയും സമര്‍പ്പിച്ച തെളിവുകളുടെയും അടിസ്ഥാനത്തില്‍ വനിത ഐപിഎസ് ഉദ്യോഗസ്ഥയുടെ നേതൃത്വത്തില്‍ പ്രത്യേക സംഘം രൂപീകരിച്ച് അന്വേഷണം നടത്തണമെന്നും പ്രതിപക്ഷ നേതാവ് കത്തിൽ ആവശ്യപ്പെട്ടു.

The post നിയമനടപടി സ്വീകരിക്കണമെന്ന് ഹേമ കമ്മീഷൻ ശുപാർശ ചെയ്‌തിട്ടില്ല; മന്ത്രി പി രാജീവ് appeared first on Starvision News Malayalam.

തിരുവനന്തപുരം: ശ്രീനാരായണഗുരു ഓപ്പൺ യൂണിവേഴ്സിറ്റി കെൽട്രോണുമായി സഹകരിച്ച് വിവിധ നൈപുണ്യ വികസന ഡിപ്ലോമ സർട്ടിഫിക്കറ്റ് പ്രോഗ്രാമുകൾ തുടങ്ങുന്നതിനുള്ള ധാരണാപത്രം ഒപ്പ് വെച്ചു . ഉന്നത വിദ്യാഭ്യാസ മന്ത്രി ഡോ. ആർ ബിന്ദു,വ്യവസായ വകുപ്പ് മന്ത്രി ശ്രീ പി, രാജീവ്‌, ശ്രീനാരായണഗുരു ഓപ്പൺ യൂണിവേഴ്സിറ്റി വൈസ് ചാൻസിലർ പ്രൊഫ.ഡോ. ജഗതി രാജ് വി പി എന്നിവരുടെ സാന്നിധ്യത്തിൽ സെക്രട്ടേറിയറ്റിലെ സൗത്ത് കോൺഫറൻസ് ഹാളിൽ നടന്ന ചടങ്ങിൽ
കെൽട്രോൺ മാനേജിങ് ഡയറക്ടർ റിട്ടയേർഡ് വൈസ് അഡ്മിറൽ ശ്രീകുമാർ നായരും ശ്രീനാരായണഗുരു ഓപ്പൺ യൂണിവേഴ്സിറ്റി രജിസ്ട്രാർ ഡോ. ഡിംപി വി. ദിവാകരനുമാണ് ധാരണ പത്രം ഒപ്പുവെച്ചത്.

വിഞ്ജാന സമൂഹമായി കേരളത്തെ മാറ്റുന്നതിനുള്ള പ്രവർത്തനങ്ങൾക്ക് ശ്രീ നാരായണ ഗുരു ഓപ്പൺ യൂണിവേഴ്സിറ്റി മികച്ച സംഭാവനയാണ് നൽകുന്നതെന്ന് ഉന്നത വിദ്യാഭ്യാസ വകുപ്പ് മന്ത്രി ഡോ.ആർ ബിന്ദു യോഗത്തിൽ പറഞ്ഞു. തദ്ദേശസ്വയംഭരണ സ്ഥാപനങ്ങളിലെ ജനപ്രതിനിധികൾക്കടക്കം നൈപുണ്യ വികസനം നൽകാൻ സർവകലാശാലക്ക് കഴിയുന്നു.
ക്യാമ്പസ് ഇൻഡസ്ട്രിയൽ പാർക്കുകളടക്കം നിലവിൽ വരുന്ന സാഹചര്യത്തിൽ
ഐ ടി മേഖലയിലെ കെൽട്രോണിൻ്റെ മികവ് പ്രയോജനപ്പെടുത്തുന്നതിന് കഴിയേണ്ടതുണ്ടെന്നും മന്ത്രി പറഞ്ഞു.

ഉന്നത വിഭാഭ്യാസ രംഗവു വ്യവസായ മേഖലകളും തമ്മിലുള്ള ബന്ധം ദൃഢമാക്കണമെന്ന് വ്യവസായ വകുപ്പ് മന്ത്രി പി രാജീവ് പറഞ്ഞു.
തൊഴിൽ സംരഭക മേഖലകൾ വിപുലമാക്കിയും
കാലത്തിനനുസൃതമായ സിലബസുകൾ രൂപീകരിച്ചു മാകണം നൈപുണ്യ കോഴ്സുകൾ നടത്തേണ്ടതെന്നും  മന്ത്രി പറഞ്ഞു.

ശ്രീനാരായണഗുരു ഓപ്പൺ യൂണിവേഴ്സിറ്റിയുടെ പരിധിയിൽ വരുന്ന വിദൂര വിദ്യാഭ്യാസ യുജി പിജി പ്രോഗ്രാമുകളിൽ പഠിക്കുന്ന പഠിതാക്കൾക്ക് ആഡ് ഓൺ കോഴ്സുകൾ ആയി കെൽട്രോൺ നടത്തുന്ന നൈപുണ്യ വികസന, തൊഴിലധിഷ്ഠിത കോഴ്സുകൾ പഠിക്കാൻ ധാരണാപത്ര പ്രകാരം അവസരം ഒരുങ്ങും.ഇതോടൊപ്പം ശ്രീനാരായണഗുരു ഓപ്പൺ യൂണിവേഴ്സിറ്റിയിലെ പഠിതാക്കൾക്ക് ഇന്റേൺഷിപ്പിനും ടെക്നിക്കൽ അപ്രൻ്റീസ്ഷിപ്പുകൾക്കും കെൽട്രോണിൽ അവസരം ലഭിക്കും. ഇത്തരത്തിൽ ആഡ് ഓൺ കോഴ്സുകളും ഇന്റേൺഷിപ്പും പഠന കാലയളവിൽ ചെയ്യുന്നത് പഠിതാക്കൾക്ക് വേഗത്തിൽ തൊഴിൽ ലഭിക്കുന്നതിനും മുന്നോട്ടുള്ള ഉന്നത പഠനത്തിനും സ്വീകാര്യത കൂട്ടും.
ശ്രീനാരായണഗുരു ഓപ്പൺ യൂണിവേഴ്സിറ്റി പ്രോ വൈസ് ചാൻസിലർ ഡോ എസ് വി സുധീർ ,കെൽട്രോൺ ചെയർമാൻ എൻ നാരായണ മൂർത്തി, സിൻഡിക്കേറ്റ് അംഗങ്ങൾ, ഓഫീസർമാർ തുടങ്ങിയവർ ചടങ്ങിൽ സംബന്ധിച്ചു.

The post ശ്രീനാരായണഗുരു ഓപ്പൺ യൂണിവേഴ്സിറ്റിയും കെൽട്രോണും ധാരണ പത്രം ഒപ്പ് വച്ചു appeared first on Starvision News Malayalam.

കൊച്ചി: കരുവന്നൂ‌ർ ബാങ്ക് തട്ടിപ്പ് കേസിൽ മന്ത്രി പി രാജീവിനെതിരെ എൻഫോഴ്‌സ്‌മെന്റ് ഡയറക്ടറേറ്റ് (ഇ‌ഡി). കരുവന്നൂ‌ർ ബാങ്കിൽ നിയമവിരുദ്ധ വായ്‌പകൾ അനുവദിക്കാൻ മന്ത്രി പി രാജീവ് സമ്മർദ്ദം ചെലുത്തിയെന്ന് ഇഡി ഹൈക്കോടതിയിൽ സത്യവാങ്‌മൂലം നൽകി. മന്ത്രിക്കെതിരെ കരുവന്നൂർ‌ ബാങ്ക് മുൻ സെക്രട്ടറി സുനിൽ കുമാറാണ് മൊഴി നൽകിയത്.സിപിഎം എറണാകുളം ജില്ലാ സെക്രട്ടറിയായിരുന്നപ്പോൾ കരുവന്നൂർ ബാങ്കിൽ നിയമവിരുദ്ധ വായ്‌പകൾ അനുവദിക്കാൻ മന്ത്രി പി രാജീവ് സമ്മർദ്ദം ചെലുത്തിയെന്നാണ് ഇഡി സത്യവാങ്‌മൂലത്തിൽ വ്യക്തമാക്കുന്നത്.അതേസമയം, കരുവന്നൂ‌ർ ബാങ്ക് കള്ളപ്പണ കേസിൽ തൃശൂർ സിപിഎം ജില്ലാ സെക്രട്ടറി എം എം വർഗീസിന് ഇഡി കഴിഞ്ഞദിവസം വീണ്ടും നോട്ടീസ് നൽകി.

ഈ മാസം 19ന് ഹാജരാകാനാണ് നിർദേശം. ഹാജരാകുന്നതിന് എം എം വർഗീസിന് നേരത്തെ സമൻസ് അയച്ചിരുന്നെങ്കിലും എത്തിയിരുന്നില്ല.സിപിഎമ്മിന് കരുവന്നൂർ ബാങ്കിൽ കൂടുതൽ അക്കൗണ്ടുകൾ ഉണ്ടെന്നാണ് ഇഡി ആരോപിക്കുന്നത്. അഞ്ച് അക്കൗണ്ടുകളാണ് ഇതുവരെ കണ്ടെത്തിയത്. ഓരോ അക്കൗണ്ട് വഴിയും അരക്കോടിയുടെ വരെ ഇടപാടുകൾ നടന്നിട്ടുണ്ടെന്ന് ഇഡി പറയുന്നു. കരുവന്നൂർ നിക്ഷേപ തട്ടിപ്പിൽ സിപിഎമ്മിനും കമ്മീഷൻ ലഭിച്ചിട്ടുണ്ട്. പാർട്ടി അക്കൗണ്ടുകൾ വഴി നടന്നത് ബിനാമി ലോണുകളുടെ കമ്മിഷൻ തുകയുടെ കൈമാറ്റമാണ്. ബാങ്ക് ക്രമക്കേട് പുറത്തായതിന് പിന്നാലെ പാർട്ടി അക്കൗണ്ടുകളിൽ നിന്ന് 90 ശതമാനം തുകയും പിൻവലിച്ചുവെന്നും ഇഡി പറയുന്നു. എന്നാൽ കരുവന്നൂർ ബാങ്ക് അക്കൗണ്ടുകളിലെ പണമിടപാട് സംബന്ധിച്ച വിവരങ്ങൾ കൈമാറാൻ സിപിഎം തയ്യാറായിട്ടില്ല.

The post കരുവന്നൂ‌ർ ബാങ്ക് തട്ടിപ്പ് കേസ്സ്; നിയമവിരുദ്ധ വായ്‌പകൾ അനുവദിക്കാൻ മന്ത്രി പി രാജീവ് സമ്മർദ്ദം ചെലുത്തിയെന്ന് ഇഡിയുടെ സത്യവാങ്‌മൂലം appeared first on Starvision News Malayalam.

അത്യന്തം ദാരുണമായ സംഭവത്തില്‍ പ്രതിക്ക് പരമാവധി ശിക്ഷ ലഭിക്കുന്നതരത്തില്‍ പോലീസ് അന്വേഷണം കുറ്റമറ്റ രീതിയില്‍ മുന്നോട്ടു പോകുന്നുണ്ട്. ഇത്തരം സംഭവങ്ങള്‍ ആവര്‍ത്തിരിക്കാനുള്ള ഒരു കര്‍മ്മ പദ്ധതി രൂപീകരിക്കുന്നതാണ്. ഇതിന്റെ ഭാഗമായി മുഖ്യമന്ത്രിയുടെ നേതൃത്വത്തില്‍ മന്ത്രിമാരെയും വിവിധ വകുപ്പുകളെ പങ്കെടുപ്പിച്ച് ഉന്നതതല യോഗം ചേരും. ഇനി ഇത്തരത്തിലുള്ള സംഭവം ആവര്‍ത്തിക്കാതിരിക്കുന്നതിനുള്ള ശക്തമായ മുന്‍കരുതല്‍ നടപടികളാണ് സര്‍ക്കാര്‍ സ്വീകരിക്കുന്നത്.സംസ്ഥാനത്ത് താമസിക്കുന്ന അതിഥി തൊഴിലാളികളുടെ രജിസ്‌ട്രേഷന്‍ കൃത്യമായി നടത്തേണ്ടതുണ്ടെന്ന് ആഭ്യന്തര വകുപ്പ് നിർദേശം നല്‍കിക്കഴിഞ്ഞു. പോലീസ്, എക്‌സൈസ്, തദ്ദേശ സ്വയംഭരണം, തൊഴില്‍, വനിത ശിശു വികസന വകുപ്പുകളുടെ ഏകോപനത്തോടെയാകും ഈ പ്രവര്‍ത്തനം സാധ്യമാക്കുക.

കഴിഞ്ഞദിവസം ജില്ലയിൽ ഉദ്യോഗസ്ഥതല യോഗം ചേര്‍ന്നിരുന്നു. മാതാപിതാക്കള്‍ ജോലിക്കു പോകുന്നതിനാല്‍ സ്‌കൂള്‍ സമയം കഴിഞ്ഞും അവധി ദിവസങ്ങളിലും കുട്ടികള്‍ വീടുകളില്‍ ഒറ്റപ്പെട്ടു പോകുന്ന സാഹചര്യം ഒഴിവാക്കുന്നതിന്റെ ഭാഗമായി സ്‌കൂളുകള്‍ കേന്ദ്രീകരിച്ചു ഡേ കെയര്‍ സജ്ജമാക്കുന്ന കാര്യം യോഗത്തിൽ ആലോചിച്ചിട്ടുണ്ട്.

The post ആലുവയിൽ 5 വയസുകാരി കൊല്ലപ്പെട്ട സംഭവം; 10 ലക്ഷം ധനസഹായം അനുവദിച്ചുള്ള സർക്കാർ ഉത്തരവ് കൈമാറി appeared first on Starvision News Malayalam.

കൊച്ചി

എല്ലാവരും സമഗ്രമായ ഏകോപനത്തോടെ മുന്നോട്ടുവന്നാൽ മാത്രമേ രാജ്യത്തെയും ഭാവിതലമുറയെയും ലഹരിയുടെ ഭീഷണിയിൽ നിന്ന് രക്ഷിക്കാൻ കഴിയൂ. കേരളത്തിൽ മാത്രമല്ല മറ്റ് സംസ്ഥാനങ്ങളിൽ നിന്നും മയക്കുമരുന്ന് പിടികൂടുന്നുണ്ട്. കേരളത്തിൽ ലഹരിമരുന്ന് വ്യാപനം ഉണ്ടാകാൻ പാടില്ലെന്ന നിശ്ചയദാർഢ്യത്തോടെയാണ് സർക്കാർ പ്രവർത്തിക്കുന്നത്. മയക്കുമരുന്ന് വ്യാപനം തടയുന്നതിനായി ഭരണ-പ്രതിപക്ഷ വേർതിരിവില്ലാതെ മയക്കുമരുന്നിനെതിരായ പോരാട്ടം തുടരുകയാണെന്നും അദ്ദേഹം പറഞ്ഞു.

നിയമനടപടികളിലൂടെ മാത്രം പരിഹരിക്കാവുന്ന പ്രശ്നമല്ല ഇത്. മയക്കുമരുന്നിന്‍റെ കെണിയിൽ പെട്ട് നിരവധി കുറ്റകൃത്യങ്ങളും നടക്കുന്നുണ്ട്. ചെറിയ സംഘർഷങ്ങൾ പോലും കൊലപാതകത്തിലേക്ക് നയിക്കുന്നു. സ്കൂളുകളുടെ പരിസരത്ത് മയക്കുമരുന്ന് വിൽപ്പന നടത്തുന്നതായി കണ്ടെത്തുന്ന കടകൾ പിന്നെ ഒരിക്കലും തുറക്കാൻ അനുവദിക്കേണ്ടെന്നാണ് സർക്കാർ തീരുമാനം. മയക്കുമരുന്ന് കേസിൽ പിടിക്കപ്പെട്ടാൽ, ഭാവി നശിക്കുമെന്ന സന്ദേശമാണ് ഇത് നൽകുന്നതെന്നും അദ്ദേഹം പറഞ്ഞു. മയക്കുമരുന്നിനെതിരായ യുദ്ധം ജാഗ്രതയോടെ തുടരണമെന്നും അദ്ദേഹം കൂട്ടിച്ചേർത്തു.

The post മയക്കുമരുന്നുമായി ബന്ധപ്പെട്ട് പിടികൂടുന്നവർക്കെതിരെ കാപ്പ ചുമത്തും: പി.രാജീവ് appeared first on Starvision News Malayalam.

കേരള സർക്കാരിന്റെ വ്യവസായ വാണിജ്യ വകുപ്പിന് കീഴിലുള്ള 33 നിർമ്മാണ-വ്യാപാര കമ്പനികളുടെ പ്രവർത്തനം സംബന്ധിച്ച ശുപാർശകളാണ് സമിതി നൽകിയത്. കെ.എസ്.ഐ.ഡി.സി, കിൻഫ്ര, സഹകരണ സ്ഥാപനങ്ങൾ എന്നിവയെ റിപ്പോർട്ടിന്റെ പരിധിയിൽ നിന്ന് ഒഴിവാക്കിയിരുന്നു.

33 പൊതുമേഖലാ സ്ഥാപനങ്ങളെ ശരാശരി വരുമാനത്തിന്റെയും ലാഭത്തിന്റെയും അടിസ്ഥാനത്തിൽ നാല് വിഭാഗങ്ങളായി തരം തിരിച്ചാണ് റിപ്പോർട്ട് തയ്യാറാക്കിയിരിക്കുന്നത്. പൊതുമേഖലാ സ്ഥാപനങ്ങളെ കാര്യക്ഷമമാക്കുന്നതിനായി 28 വിഷയങ്ങളിൽ സാമ്പത്തികവും പ്രവർത്തനപരവുമായ സ്വാതന്ത്ര്യം അനുവദിക്കണമെന്ന് സമിതി ശുപാർശ ചെയ്തു.

പദ്ധതികൾ ആവിഷ്കരിക്കുന്നതിലും ആധുനീകരണം നടപ്പാക്കുന്നതിലും
പൊതുമേഖലാ സ്ഥാപനങ്ങളുടെ ബോർഡുകൾക്ക് അധികാരം നൽകണമെന്ന് സമിതി ശുപാർശ ചെയ്യുന്നു. സർക്കാർ ഗ്യാരണ്ടിയില്ലാതെ സ്വന്തം ഈടിൻമേൽ ബാങ്കുകളിൽനിന്ന് വായ്പ സ്വീകരിക്കാനുള്ള അധികാരം നൽകണം. മൂലധനച്ചെലവ് ഏറ്റെടുക്കാനും മെഷിനറികളുടെ അറ്റകുറ്റപ്പണികൾ
നിർവഹിക്കാനുള്ള അധികാരവും നൽകണം.

തൊഴിലാളികളെ പുനർ വിന്യസിക്കാൻ ഉള്ള അധികാരം, അപ്രസക്തമായ തസ്തികകൾ നിർത്തലാക്കാനുള്ള അധികാരം, വൈദ്യ പരിശോധനയുടെ അടിസ്ഥാനത്തിലുള്ള വിരമിക്കൽ, വി.ആർ.എസ് നൽകാനുള്ള അവകാശം എന്നിവ സ്ഥാപനങ്ങൾക്ക് നൽകണം. സ്ഥാനക്കയറ്റം, മാനേജീരിയൽ – സാങ്കേതിക തസ്തികകളിൽ കരാറടിസ്ഥാനത്തിൽ നിയമനം നടത്താനുള്ള അവകാശം ഇൻസന്റീവുകൾക്കുള്ള അവകാശം എന്നിവ നൽകണം.
ഉൽപന്നങ്ങൾക്ക് വില നിർണയിക്കാനുള്ള അവകാശം സ്ഥാപനങ്ങൾക്ക് നൽകണം.

കാലഹരണപ്പെട്ട ഉപകരണങ്ങൾ ഡീകമ്മീഷൻ ചെയ്യാനും സ്ക്രാപ്പുകൾ വിൽപ്പന നടത്താനുമുള്ള അധികാരം സ്ഥാപനങ്ങൾക്ക് ഉണ്ടാവണം. സാങ്കേതിക വിദ്യ സ്വീകരിക്കുന്നതിനും സംയുക്ത സംരംഭങ്ങളിൽ പങ്കാളിത്തം വഹിക്കുന്നതിനും അവകാശം നൽകണം. അസംസ്കൃതവസ്തുക്കൾ വാങ്ങുന്നതിനുള്ള അധികാരവും ബോർഡിന് ആകണം. ഓരോ പൊതുമേഖലാ സ്ഥാപനങ്ങളുടെയും പ്രവർത്തനം
വിലയിരുത്താനുള്ള ധാരണാപത്രം സർക്കാരുമായി പൊതുമേഖലാ സ്ഥാപനങ്ങൾ ഉണ്ടാക്കണം. ഓരോ സ്ഥാപനത്തിൽ നിന്നും എന്ത് പ്രതീക്ഷിക്കുന്നു എന്ന് സർക്കാർ മുൻകൂട്ടി വ്യക്തമാക്കണം.

നയപരമായ തീരുമാനങ്ങളിൽ മാത്രം സർക്കാർ തീരുമാനമെടുക്കുകയും
നിർദേശം നൽകുകയും വേണം. ദൈനം ദിന പ്രവർത്തനങ്ങളിൽ തീരുമാനമെടുക്കാനുള്ള അധികാരം പൊതുമേഖലാസ്ഥാപനങ്ങളുടെ ബോർഡിന് ആയിരിക്കണം. മാനേജിംഗ് ഡയറക്ടർ മാർക്ക് നിശ്ചിത കാലയളവിൽ തൽസ്ഥാനത്ത് തുടരാനുള്ള അവകാശം നൽകണം. അവരുടെ പ്രവർത്തനം ഓരോ വർഷവും വിലയിരുത്തണം. പൊതുമേഖലാ സ്ഥാപനങ്ങളുടെ ഡയറക്ടർബോർഡിൽ അതതുമേഖലകളിലെ
വിദഗ്ധർ ഉണ്ടാകണം. നിലവിൽ പൊതുമേഖലാ സ്ഥാപനങ്ങൾക്ക് മേൽനോട്ടം വഹിക്കുന്ന റിയാബ്, ബോർഡ് ഫോർ പബ്ലിക് സെക്ടർ ട്രാൻസ്ഫർമേഷൻ (ബി.പി.ടി) എന്നപേരിൽ പുനഃ സംഘടിപ്പിക്കണം.

പൊതുമേഖലാ സ്ഥാപനങ്ങൾക്ക് സർക്കാർ ഫണ്ടുകൾ ലഭ്യമാക്കുന്നതിനുള്ള കാലതാമസം ഒഴിവാക്കാൻ ഓരോ പൊതുമേഖലാ സ്ഥാപനവും കെ എസ് ഐ ഡി സി, കെ എഫ് സി സർക്കാർ എന്നിവരുൾപ്പെട്ട ഒരു ത്രികക്ഷി ധാരണാപത്രം ഒപ്പിടണം. ശരാശരി ലാഭത്തിന്റെ 25 ശതമാനത്തിൽ കവിയാത്ത തരത്തിലാവണം ശമ്പള പരിഷ്കരണമെന്നും സമിതി ശുപാർശ ചെയ്തു.

വ്യവസായ വകുപ്പ് പ്രിൻസിപ്പൽ സെക്രട്ടറി എ.പി.എം. മുഹമ്മദ് ഹനീഷ് ചടങ്ങിൽ അധ്യക്ഷനായി. പോൾ ആന്റണി, റിയാബ് ചെയർമാൻ ഡോ.ആർ. അശോക്, മെമ്പർ സെക്രട്ടറി കെ.പത്മകുമാർ എന്നിവർ സംസാരിച്ചു.

The post പൊതുമേഖലാ സ്ഥാപനങ്ങൾക്ക് സ്വയം ഭരണാവകാശം നൽകണമെന്ന് വിദഗ്‌ധ സമിതി റിപ്പോർട്ട് appeared first on Starvision News Malayalam.

പൊതുമേഖലാ സ്ഥാപനങ്ങൾ ശക്തിപ്പെടുത്തുന്നതിനുള്ള വലിയ ശ്രമം സർക്കാർ ആരംഭിച്ചിട്ടുണ്ട്. കേരളം മാത്രമാണ് ഇന്ന് പൊതുമേഖലയെ സംരക്ഷിക്കുന്നത്. എന്നാൽ അത് വിജയകരമായ ബദലാണെന്നു ബോധ്യപ്പെടുത്തണമെങ്കിൽ അവയെല്ലാം ലാഭകരമാക്കണം. പൊതുമേഖലയുടെ സംരക്ഷണം അവിടുള്ള ജീവനക്കാരുടെയും സംഘടനകളുടെയും മാത്രം ചുമതലയല്ല. ഗവണ്മെന്റ്, മാനേജ്‌മെന്റുകൾ, ജീവനക്കാർ, തൊഴിലാളികൾ, അവരുടെ സംഘടനകൾ – എല്ലാവരും ചേർന്നാൽ നമ്മുക്ക് വലിയ മാറ്റം ഈ മേഖലയിൽ കൊണ്ടുവരാൻ കഴിയും. സർക്കാർ എല്ലാ പൊതുമേഖലയുടെയും മാസ്റ്റർ പ്ലാനുകൾ തയ്യാറാക്കികഴിഞ്ഞിട്ടുണ്ട്. പൊതുമേഖലയ്ക്ക് കൂടുതൽ സ്വയംഭരണം നൽകുന്ന തരത്തിൽ ബോർഡുകൾക്ക് പ്രവർത്തന സ്വാതന്ത്ര്യം നൽകാനുമാണ് ലക്ഷ്യമിടുന്നത്. സർക്കാർ നയങ്ങൾക്ക് അനുസൃതമാണോ സ്ഥാപനങ്ങളുടെ പ്രവർത്തനം എന്ന് പരിശോധിക്കേണ്ട ചുമതല ബോർഡുകൾക്കായിരിക്കും – മന്ത്രി വ്യക്തമാക്കി.

ചടങ്ങിൽ ബഹു. ഭക്ഷ്യ – സിവിൽ സപ്ലൈസ് വകുപ്പ് മന്ത്രിയും നെടുമങ്ങാട് എം എൽ എ യുമായ അഡ്വ. ജി ആർ അനിൽ അദ്ധ്യക്ഷനായി. കരകുളം പഞ്ചായത്ത് പ്രസിഡണ്ട് ശ്രീമതി. ലേഖ റാണി, വാർഡ് മെമ്പർ ശ്രീ. എസ് സുരേഷ് കുമാർ, കെൽട്രോൺ ചെയർമാൻ & മാനേജിങ് ഡയറക്ടർ ശ്രീ. എൻ നാരായണമൂർത്തി, ചീഫ് ജനറൽ മാനേജർമാരായ ശ്രീമതി ബെറ്റി ജോൺ, ശ്രീമതി കെ ഉഷ, പ്ലാനിംഗ് മേധാവി സുബ്രഹ്മണ്യം, അംഗീകൃത തൊഴിലാളി സംഘടനാ പ്രസിഡന്റുമാർ, കെൽട്രോൺ ജീവനക്കാർ തുടങ്ങിയവർ സന്നിഹിതരായിരുന്നു.

കെൽട്രോൺ നിർമ്മിച്ച പുതിയ ഉപകരണങ്ങൾ

1. ശ്രവൺ – മിനി ഹിയറിങ് എയ്ഡ്
2. സോളാർ പമ്പ് കൺട്രോളർ
3. പൾസ് ഓക്സിമീറ്റർ – ആദ്യഘട്ട നിർമ്മാണം – 500 എണ്ണം
4. ഇ – ഹെൽത്ത് പദ്ധതിക്ക് വേണ്ടി 120 5kVA യു പി എസ് സിസ്റ്റം നിർമ്മിച്ച് നൽകുന്നത്.

ശ്രവൺ – മിനി ഹിയറിങ് എയ്ഡ്

നാല് വർഷം മുൻപ് സി – ഡാക് സാങ്കേതികവിദ്യ ഉപയോഗിച്ച് കോഴിക്കോടുള്ള മൂടാടി യൂണിറ്റിൽ നിന്നും കുറഞ്ഞ നിരക്കിൽ ശ്രവൺ ഡിജിറ്റൽ ഹിയറിങ് എയ്ഡ് നിർമ്മാണത്തിലൂടെ കെൽട്രോൺ മെഡിക്കൽ ഇലക്ട്രോണിക്സ് മേഖലയിൽ തുടക്കം കുറിച്ചിരുന്നു. സർക്കാരിന്റെ സാമൂഹ്യ സുരക്ഷാ സ്കീമിൽ ഉൾപ്പെടുത്തിയും അല്ലാതെ പൊതു വിപണിയിലുമായി 120000 എണ്ണം ഹിയറിങ് എയ്ഡുകൾ കെൽട്രോൺ നൽകിയിട്ടുണ്ട്. ഇതിന്റെ തുടർച്ചയായി വലുപ്പം കുറഞ്ഞ മിനി ഹിയറിങ് എയ്ഡുകൾ വിപണിയിലെത്തിക്കുവാൻ ഒരുങ്ങുകയാണ് ഇന്ന് കെൽട്രോൺ. സോഫ്റ്റ്വെയർ ഉപയോഗിച്ച് സൂക്ഷമമായി പ്രോഗ്രാം ചെയ്ത് കേൾവിക്കുറവിന് അനുസൃതമായി മിനി ശ്രവൺ കേൾവി സഹായികൾ ട്യൂൺ ചെയ്യുവാൻ സാധിക്കുന്നതാണ്. മിനി ശ്രാവണിന്റെ BIS സർട്ടിഫിക്കേഷന് ആവശ്യമായ നടപടികൾ സ്വീകരിച്ചിട്ടുണ്ട്. ഇത് ലഭിക്കുന്ന മുറയ്ക്ക് നിർമ്മാണം വർധിപ്പിച്ച് വിപണിയിൽ കൂടുതലായി ഇറക്കാനും പദ്ധതിയുണ്ട്.

സോളാർ പമ്പ് കൺട്രോളർ

കാർഷിക ആവശ്യങ്ങൾക്ക് ഉപയോഗിക്കാൻ സാധിക്കുന്ന പൂർണ്ണമായും സൗരോർജ്ജത്തിൽ പ്രവർത്തിക്കുന്ന സോളാർ പമ്പ് കൺട്രോളർ കെൽട്രോൺ കരകുളം യൂണിറ്റിലുള്ള റിസർച്ച് & ഡെവലപ്മെന്റ് സെന്ററിൽ വികസിപ്പിച്ചതാണ്. ഊർജ്ജ ക്ഷമത ഉറപ്പു വരുത്തുന്നതും, റിമോട്ട് മോണിറ്ററിങ് സാധ്യമായിട്ടുള്ളതും, 1 എച്ച് പി മുതൽ 10 എച്ച് പി വരെ പ്രവർത്തനശേഷിയുള്ളതുമാണ് ഈ നവീന ഉപകരണം. വലുപ്പം കുറഞ്ഞതും, സ്ഥാപിക്കാനും പ്രവർത്തിപ്പിക്കാനും സൗകര്യപ്രദവുമായിട്ടുള്ള രൂപകല്പനയാണ് മറ്റൊരു സവിശേഷത. കാർഷിക ആവശ്യങ്ങൾക്ക് സൗരോർജ്ജം ഉപയോഗിക്കുന്നതിനുള്ള പ്രധാന മന്ത്രിയുടെ കുസും (PM – KUSUM) പദ്ധതിയുടെ അടിസ്ഥാനത്തിൽ സോളാർ പമ്പ് കൺട്രോളറിന് മികച്ച വിപണി സാധ്യത ലക്ഷ്യമിടുന്നുണ്ട്.

പൾസ് ഓക്സിമീറ്റർ

കോളേജ് ഓഫ് എഞ്ചിനീയറിംഗ് ട്രിവാൻഡ്രത്തിന്റെ (CET) ഡിസൈൻ പിന്തുണയോടെ തദ്ദേശീയമായി കെൽട്രോൺ എക്വിപ്മെന്റ് കോംപ്ലക്സിൽ ആദ്യഘട്ടത്തിൽ നിർമ്മിച്ച 500 പൾസ് ഓക്സീമീറ്ററുകൾ വിജയകരമായി പൂർത്തിയായിട്ടുണ്ട്. നിർമ്മാണത്തിന്റെ വിവിധഘട്ടങ്ങളിൽ ഗുണമേന്മ ഉറപ്പുവരുത്തിയിട്ടുള്ള ഓക്സീമീറ്റർ കൃത്യതയുള്ള റീഡിങ് ലഭ്യമാക്കുന്നതാണ്. ഇതിനു ലഭിക്കുന്ന വിപണി പ്രതികരണത്തിന്റെ അടിസ്ഥാനത്തിൽ MSME യുമായി സഹകരിച്ച് നിർമ്മാണം വർധിപ്പിക്കുന്നതാണ്.

5kVA യു പി എസ് സിസ്റ്റം

വ്യാവസായിക തലത്തിൽ ഹൈപവർ യു പി എസ് സിസ്റ്റം നിർമ്മാണ മേഖലയിൽ വർഷങ്ങളുടെ ആധിപത്യമുള്ള കെൽട്രോൺ 5 kVA മുതൽ 1000 kVA വരെ ശ്രേണിയിലുള്ള യു പി എസ് സംവിധാനം നിർമ്മിക്കുന്നുണ്ട്. ഇന്ത്യൻ ന്യൂക്ലിയർ പവർ കോർപ്പറേഷൻ ലിമിറ്റഡിന്റെ കീഴിലുള്ള വിവിധ ന്യൂക്ലിയർ പ്ലാന്റുകളിൽ ഉൾപ്പടെ കെൽട്രോൺ യു പി എസ് സംവിധാനങ്ങൾ മികച്ച രീതിയിൽ പ്രവർത്തിച്ചുവരുന്നുണ്ട്. ഇന്ത്യയിൽ ആദ്യമായി സീസ്മിക്, ഇഎംഐ/ഇഎംസി, ഐവി & വി തുടങ്ങിയ പരിശോധനകൾ വിജയകരമായി കടന്നിട്ടുള്ളവയാണ് കെൽട്രോണിന്റെ യുപിഎസ്സും അനുബന്ധ ഇലക്ട്രോണിക്സ് സംവിധാനങ്ങളും. സംസ്ഥാന ആരോഗ്യവകുപ്പിന്റെ ഇ – ഹെൽത്ത് പദ്ധതിക്ക് വേണ്ടി പുതിയ ഡിസൈനിലുള്ള 5kVA യു പി എസ് സിസ്റ്റം 170 എണ്ണം നിർമ്മിച്ച് നൽകുന്നതിന് ഓർഡർ ലഭിച്ചിട്ടുണ്ട്. ആദ്യഘട്ടമായി ഇതിൽ 95 എണ്ണം കെൽട്രോൺ എക്വിപ്മെന്റ് കോംപ്ലക്സ്, – പവർ ഇലക്ട്രോണിക്സ് ഗ്രൂപ്പിൽ പൂർത്തിയായിക്കഴിഞ്ഞു. MSME യുമായി സഹകരിച്ച് വാണിജ്യാടിസ്ഥാനത്തിൽ പുതിയ ഡിസൈനിലുള്ള 5kVA യു പി എസ്സിന്റെ നിർമ്മാണത്തിനും കെൽട്രോണിന് പദ്ധതിയുണ്ട്.

സംസ്ഥാന സർക്കാരിന്റെ പ്രഖ്യാപിത നയത്തിന്റെ ഭാഗമായി, കെൽട്രോൺ എക്വിപ്മെന്റ് കോംപ്ലക്സിനെ പവർ ഇലക്ട്രോണിക്സ് ഹബ്ബാക്കി മാറ്റുന്നതിനുള്ള ആദ്യപടിയായാണ് 5kVA യു പി എസ്സും സോളാർ പമ്പ് കൺട്രോളറും കെൽട്രോൺ പുറത്തിറക്കുന്നത്

കെൽട്രോണിന്റെ ഉൽപ്പാദന യൂണിറ്റുകളുടെ നിർമ്മാണ സൗകര്യങ്ങൾ വർധിപ്പിക്കൽ, ആധുനികവൽക്കരണം എന്നിവ ലക്ഷ്യമിട്ടുള്ള സർക്കാരിന്റെ പ്രവർത്തനങ്ങളുടെ ഫലമായി വിവിധ ഇലക്ട്രോണിക്സ് ഉൽപ്പന്നങ്ങൾ ആഭ്യന്തരമായി നിർമ്മിക്കുന്നതിനുള്ള പ്രവർത്തനങ്ങൾ കെൽട്രോണിന്റെ യൂണിറ്റുകളിൽ നടന്നുവരികയാണ്. ഇത്തരം നവീകരണം യാഥാർഥ്യമാക്കുന്നതിലൂടെ മികച്ച തൊഴിലവസരങ്ങൾ സൃഷ്ടിക്കാനും കെൽട്രോണിന് കഴിയുന്നതാണ്.

The post കെൽട്രോണിന്റെ നേതൃത്വത്തിൽ സംസ്ഥാനത്തിനെ ഇലക്ട്രോണിക്സ് ഹബ്ബാക്കി ഉയർത്തും: വ്യവസായ വകുപ്പ് മന്ത്രി പി രാജീവ് appeared first on Starvision News Malayalam.

വാഹന വിൽപനക്കാരും മികച്ച അഭിപ്രായം രേഖപ്പെടുത്തിയിട്ടുണ്ട്. സന്ദർശനത്തിനിടെ ഏതാനും വിൽപനക്കാരുമായി മന്ത്രി ഫോണിൽ സംസാരിച്ചു. ഇ – ഓട്ടോക്ക് വിപണിയിലുള്ള നല്ല പ്രതികരണം ഉൽപാദനം വർധിപ്പിക്കാൻ സഹായിക്കും.

കൂട്ടായ ശ്രമത്തിലൂടെ ഇതിന് കഴിയണമെന്ന് മന്ത്രി പറഞ്ഞു. പൊതുമേഖലയിലെ നവ സംരംഭം എന്ന നിലയിൽ ഇപ്പോഴുള്ള പോരായ്മകൾ നികത്തും. ഇതു സംബന്ധിച്ച വിശദമായ റിപ്പോർട്ട് തയ്യാറാക്കാൻ റിയാബിനെ ചുമതലപ്പെടുത്തി.

പൊതുവെ നല്ല പ്രതികരണം ഉളവാക്കിയ ഇ – ഓട്ടോയെക്കുറിച്ച് തെറ്റായ പ്രചരണങ്ങൾ സംഘടിപ്പിക്കാൻ ചില കേന്ദ്രങ്ങളിൽ നിന്ന് നീക്കമുണ്ടെന്ന് സംശയിക്കുന്നതായി ചർച്ചകളിൽ അഭിപ്രായമുണ്ടായി.

ഇ – ഓട്ടോ പ്ളാന്റും ഓഫീസും മന്ത്രി സന്ദർശിച്ചു. ഇ – ഓട്ടോയിൽ യാത്ര നടത്തുകയും ചെയ്തു.

The post ഇ ഓട്ടോ: ഉൽപാദനം വർധിപ്പിക്കാൻ കൂട്ടായ ശ്രമം വേണമെന്ന് പി രാജീവ് appeared first on Starvision News Malayalam.

2027 ഓടെ രണ്ട് ലക്ഷം തൊഴിലവസരങ്ങൾ സൃഷ്ടിക്കാൻ കഴിയുന്ന എഫ്.എം.സി.ജി പാർക്ക് സ്ഥാപിക്കുന്നതിനുള്ള നിർദ്ദേശമാണ് സർക്കാരിന് സമർപ്പിച്ചിരിക്കുന്നത്. 35 ശതമാനം സാമ്പത്തിക വളർച്ച ലക്ഷ്യമിടുന്ന പദ്ധതി സംസ്ഥാനത്തിനങ്ങുന്ന നിക്ഷേപ പദ്ധതിയായാണ് വിലയിരുത്തപ്പെടുന്നത്. പാലക്കാട് ജില്ലയിൽ 500 ഏക്കർ ഭൂമി പദ്ധതിക്കായി കണ്ടെത്തണമെന്നാണ് നിർദ്ദേശം. വൈദ്യുതി, ജലലഭ്യത ഉറപ്പു വരുത്തണം. കേരളത്തിനൊപ്പം തമിഴ് നാടിന്റേയും കർണ്ണാടകയുടേയും വിപണി സാധ്യതകളും ഉപയോഗപ്പെടുത്താൻ കഴിയുന്ന പദ്ധതിയായി മാറ്റും. ലോകത്തെ 20 പ്രമുഖ എഫ്.എം.സി.ജി കമ്പനികളെ പാർക്കിലേക്ക് എത്തിക്കാമെന്ന് ഫിക്കി പ്രതിനിധികൾ ഉറപ്പു നൽകി.

അതിവേഗത്തിൽ വിറ്റഴിക്കപ്പെടുന്ന ഉപഭോക്‌തൃ ഉൽപന്ന വിപണിയിൽ കേരളത്തിന് പുറത്തുനിന്നുള്ള ഉൽപന്നങ്ങളാണ് ആധിപത്യം പുലർത്തുന്നത്. സംസ്ഥാനത്തിന് ലഭിക്കേണ്ട വരുമാനമുൾപ്പെടെ തൽഫലമായി നഷ്ടപ്പെടുകയാണെന്ന് ഫിക്കി സംഘം ചൂണ്ടിക്കാട്ടി.
അതിവേഗം വളരുന്ന എഫ്.എം.സി.ജി വിപണിയുടെ സാധ്യതകൾ ഉപയോഗിക്കുന്നതിന് ഇപ്പോഴും സംസ്ഥാനത്തിന് കഴിഞ്ഞിട്ടില്ല. 25000 കോടി രൂപയുടെ വിപണിയാണ് സംസ്ഥാനത്ത് ഉള്ളത്. പാരിസ്ഥിതിക പ്രശ്നങ്ങൾ സൃഷ്ടിക്കാത്ത ഉൽപാദന മേഖലയെന്ന നിലയിൽ പാർക്ക് വികസിപ്പിക്കുന്നതിന് എല്ലാ സഹകരണവും ഫിക്കി വാഗ്ദാനം ചെയ്തു.

വ്യവസായ വകുപ്പ് പ്രിൻസിപ്പൽ സെക്രട്ടറി ഡോ.കെ. ഇളങ്കോവൻ, കെ.എസ്.ഐ.ഡി.സി.എം.ഡി എം.ജി രാജമാണിക്യം, കിൻഫ്ര എം.ഡി സന്തോഷ് കോശി തോമസ് എന്നിവരും കൂടിക്കാഴ്ചയിൽ പങ്കെടുത്തു.

The post എഫ്.എം.സി. ജി. പാർക്ക്: ചർച്ചകൾക്ക് തുടക്കമായി appeared first on Starvision News Malayalam.

സംസ്ഥാന സർവവിജ്ഞാനകോശം ഇൻസ്റ്റിറ്റ്യൂട്ട് പ്രസിദ്ധീകരിച്ച നിയമവിജ്ഞാനകോശം പ്രകാശനം ചെയ്തു സംസാരിക്കുകയായിരുന്നു അദ്ദേഹം. നിയമസഭയുടെ കോൺഫറൻസ് ഹാളിൽ നടന്ന ചടങ്ങിൽ സാംസ്കാരിക -ഫിഷറീസ് വകുപ്പ് മന്ത്രി സജി ചെറിയാൻ നിയമ വിജ്ഞാനകോശം ഏറ്റുവാങ്ങി. കോവിഡ് മഹാമാരിയുടെ പശ്ചാത്തലത്തിലും വിജ്ഞാനകോശത്തിൻ്റെ നിർമ്മാണം സമയബന്ധിതമായി പകർത്തീകരിച്ച ഇൻസ്റ്റിറ്റ്യൂട്ടിനെ മന്ത്രി അഭിനന്ദിച്ചു.

ഇൻസ്റ്റിറ്റ്യൂട്ട് ഡയറക്കാർ ഡോ.ഏ.ആർ.രാജൻ സ്വാഗതവും നിയമവിജ്ഞാനകോശം കോ-ഓർഡിനേറ്റർ ആർ അനിരുദ്ധൻ നന്ദിയും പറഞ്ഞു. നിയമ ശാസ്ത്രത്തിൻ്റെ വിവിധ മേഖലകളെയും ലളിതവും സമഗ്രവുമായി പ്രതിപാദിക്കുന്ന വിജ്ഞാനകോശം, നിയമ വിദ്യാർത്ഥികൾ, അദ്ധ്യ പകർ, അഭിഭാഷകർ, നിയമജ്ഞർ, നിയമ പാലകർ തുടങ്ങി സാധരണക്കാർക്കു വരെ വായിച്ചു മനസ്സിലാക്കാവുന്നത്ര ലളിതവും സമഗ്രവുമായാണ് തയ്യാറാക്കിയിട്ടുള്ളത്.

The post സമൂഹത്തിൽ നിയമാവബോധം ത്വരിതപ്പെടുത്തണം: പി.രാജീവ് appeared first on Starvision News Malayalam.