കൊച്ചി: രാജ്യത്തിന്റെ ഭാവി കൃഷിയിടങ്ങളെ ആശ്രയിച്ചാണ് നിലനില്‍ക്കുന്നതെന്ന് കൃഷിമന്ത്രി പി. പ്രസാദ്. കൊച്ചി ജെയിന്‍ യൂണിവേഴ്‌സിറ്റി ആതിഥേയത്വം വഹിക്കുന്ന സമ്മിറ്റ് ഓഫ് ഫ്യൂച്ചറിന്റെ ഭാഗമായി ക്യാമ്പസില്‍ വൃക്ഷത്തൈ നട്ടുകൊണ്ട് സംസാരിക്കുകയായിരുന്നു മന്ത്രി. കൃഷിയില്‍ സുസ്ഥിരത അനിവാര്യമാണെന്ന് അഭിപ്രായപ്പെട്ട അദ്ദേഹം, 2050-ല്‍ നിലവില്‍ ഉത്പാദിപ്പിക്കുന്നതില്‍ നിന്നും 60 ശതമാനം കൂടുതല്‍ ഭക്ഷ്യ ഉത്പന്നങ്ങള്‍ വേണ്ടിവരുമെന്നും വ്യക്തമാക്കി. ആധുനിക കാലത്ത് കൃഷിയിടങ്ങള്‍ ചുരുങ്ങിക്കൊണ്ടിരിക്കുകയാണ്. ജനസംഖ്യ വര്‍ദ്ധിക്കുന്നതിന് അനുസരിച്ച് ഭക്ഷണത്തിന്റെ ആവശ്യകത കൂടും. കൃഷിയെ പ്രോത്സാഹിപ്പിച്ചില്ലെങ്കില്‍ അടുത്ത ലോകമഹായുദ്ധം ഭക്ഷണത്തിന് വേണ്ടിയാകുമെന്നും മന്ത്രി ചൂണ്ടിക്കാട്ടി.

വിശപ്പിന് മാത്രമാണ് ശാശ്വത പരിഹാരം കണ്ടെത്താനാകാത്തതെന്നും അതിനുള്ള ഏക പരിഹാരം ഭക്ഷമാണെന്നും മന്ത്രി പറഞ്ഞു. ‘നിര്‍മ്മിതബുദ്ധിയുടെ വികാസം അത്ഭുതപ്പെടുത്തുമെങ്കിലും ലോകത്തെ ഏറ്റവും വലിയ കണ്ടുപിടുത്തം കൃഷിയാണ്. മനുഷ്യന്‍ പ്രകൃതിയില്‍ നിന്ന് കണ്ടുപഠിച്ചതാണ് കൃഷി. ജീവന്റെ നിലനില്‍പ്പിന്റെ പ്രധാനഘടകം ഭക്ഷണമാണ്. അതാണ് കൃഷിയാണ് ലോകത്തെ ഏറ്റവും വലിയ കണ്ടുപിടുത്തം എന്ന് ഞാന്‍ വാദിക്കുന്നത്’- മന്ത്രി പറഞ്ഞു.
ഭക്ഷണം എല്ലാവരുടെയും അവകാശമാണ്. കൃഷിഭൂമി കോര്‍പ്പറേറ്റ് ഭീമന്മാരുടെ കൈവശമെത്തിയാല്‍ ഈ അവകാശം ലംഘിക്കപ്പെട്ടേക്കാം. വിശപ്പിന് വിലയിടുന്നത് അനുവദിച്ചാല്‍ വലിയ ദുരന്തത്തിന് വഴിയൊരുക്കുമെന്നും അദ്ദേഹം വ്യക്തമാക്കി. യുവതലമുറയെ ഭൂമിയെ സ്‌നേഹിക്കുവാന്‍ പഠിപ്പിക്കേണ്ടത് അനിവാര്യമാണ്. ഇന്ന് കാണപ്പെടുന്ന ഭൂരിഭാഗം രോഗങ്ങള്‍ക്കും കാരണം അനാരോഗ്യകരമായ ഭക്ഷണമാണ്. ഇവിടെയാണ് രാജ്യം കൃഷിക്ക് കൂടുതല്‍ പ്രധാന്യം നല്‍കേണ്ടതിന്റെ ആവശ്യകത. നാളെയെ കുറിച്ചുള്ള വലിയ സ്വപ്‌നങ്ങളും കാഴ്ച്ചപ്പാടുകളുമാണ് സമ്മിറ്റ് ഓഫ് ഫ്യൂച്ചറില്‍ ചര്‍ച്ചയാകുന്നത്. ആഗോള ശ്രദ്ധനേടുന്ന പരിപാടിയില്‍ കൃഷിയും പ്രകൃതിയും പ്രധാന വിഷയങ്ങളായതിനാല്‍ യുവതലമുറയ്ക്ക് കൃഷിയുടെ പ്രധാന്യം പകര്‍ന്നു നല്‍കാന്‍ കഴിയുമെന്നും മന്ത്രി പറഞ്ഞു.

The post കൃഷിയിടങ്ങള്‍ രാജ്യത്തിന്റെ ഭാവി നിശ്ചയിക്കും: മന്ത്രി പി. പ്രസാദ് appeared first on Starvision News Malayalam.

തിരുവനന്തപുരം: റബ്ബർ വിലയിലുണ്ടായ കുറവ് കേന്ദ്രസർക്കാർ ഏർപ്പെട്ട അന്താരാഷ്ട്ര കരാറുകളുടെ ഭാഗമായി ഉണ്ടായതാണെന്ന് കൃഷിമന്ത്രി പി.പ്രസാദ്. ഉത്പാദന ചെലവിന്റെ വർധനവും വില തകർച്ചയും കാരണം റബ്ബർ കർഷകർ നേരിടുന്ന പ്രതിസന്ധി സംബന്ധിച്ച് മോൻസ് ജോസഫിന്റെ അടിയന്തരപ്രമേയ നോട്ടിസിന് മറുപടി പറയുകയായിരുന്നു മന്ത്രി.

കേന്ദ്രസർക്കാർ ഏർപ്പെട്ട കാർഷിക കരാറുകൾ റബ്ബർ കർഷകരെ പ്രതിസന്ധിയിലാക്കിയതായി മന്ത്രി പറഞ്ഞു. യുഡിഎഫ് സർക്കാർ റബ്ബർ കർഷകർക്കായി നടപ്പിലാക്കിയ ഇൻസെന്റീവ് പദ്ധതി എൽഡിഎഫ് സർക്കാർ മുന്നോട്ടുകൊണ്ടുപോയി. 2021–22 സാമ്പത്തിക വർഷം റബ്ബറിന്റെ താങ്ങുവില കിലോയ്ക്ക് 170 രൂപയായി ഉയർത്തി. താങ്ങുവില 250 രൂപയായി ഉയർത്തുന്നതിന് കേന്ദ്രത്തോട് സഹായം അഭ്യർഥിച്ചെങ്കിലും അനുകൂല നടപടിയുണ്ടായില്ല. തീരുവയില്ലാത്ത സ്വാഭാവിക റബ്ബർ ഇറക്കുമതി അവസാനിപ്പിക്കണമെന്ന് സംസ്ഥാനം നിരവധി തവണ കേന്ദ്രത്തോട് ആവശ്യപ്പെട്ടു. അനുകൂല നിലപാടല്ല കേന്ദ്രം സ്വീകരിച്ചത്. കേരളം നടപ്പിലാക്കിയ ഇൻസെന്റീവ് പദ്ധതിയാണ് കർഷകരെ മേഖലയിൽ തുടരാൻ സഹായിക്കുന്നത്. 170 രൂപ മതിയായ വിലയാണെന്ന് സർക്കാർ കരുതുന്നില്ല. കേന്ദ്രസഹായം ലഭിച്ചാലേ കൂടുതല്‍ തുക നൽകാൻ കഴിയൂ. ഇക്കാര്യത്തിൽ സാധ്യമായ എല്ലാ നടപടിയും സ്വീകരിക്കുമെന്നും മന്ത്രി പറ‍ഞ്ഞു.

റബ്ബറിന്റെ താങ്ങുവില 300 രൂപയായി ഉയർത്തണമെന്ന് മോൻസ് ജോസഫ് പറഞ്ഞു. കേന്ദ്രസർക്കാർ നയങ്ങളാണ് റബ്ബർ മേഖലയെ തകർത്തത്. റബ്ബർ ബോർഡ് നോക്കുകുത്തിയായി. കേരളത്തിൽ 1035 ഹെക്ടർ സ്ഥലത്തെ റബ്ബർ വെട്ടിമാറ്റിയെന്നാണ് സർക്കാർ കണക്ക്. വടക്കേ ഇന്ത്യൻ സംസ്ഥാനങ്ങളിൽ റബ്ബർ കൃഷി പ്രോത്സാഹിപ്പിക്കാനുള്ള നടപടിയാണ് കേന്ദ്രം സ്വീകരിക്കുന്നത്. റബ്ബർ റീ പ്ലാന്റ് ചെയ്യുന്നതിന് സംസ്ഥാനത്തെ കർഷകർക്ക് നൽകുന്നത് 25,000 രൂപയാണ്. വടക്കേ ഇന്ത്യൻ സംസ്ഥാനങ്ങളിൽ റബ്ബർ റീ പ്ലാന്റ് ചെയ്യുന്നതിനുള്ള സബ്സിഡി ഒന്നര ലക്ഷം രൂപയാണ്. സംസ്ഥാന സർക്കാർ ഈ വിഷയത്തിൽ ഇടപെട്ടിട്ടില്ല. 13 ലക്ഷത്തോളം റബ്ബർ കർഷകരും അനുബന്ധ തൊഴിലാളികളും പ്രതിസന്ധിയിലാണ്.

കേന്ദ്രത്തിന്റെ ഇറക്കുമതി നയമാണ് റബ്ബർ മേഖലയെ തകർത്തത്. കേന്ദ്ര സർക്കാരിന്റേത് നിഷേധാത്മക നയമാണ്. ഈ സാഹചര്യത്തിൽ സംസ്ഥാനത്ത് എന്തു ചെയ്യാൻ കഴിയുമെന്ന് സർക്കാർ ചിന്തിക്കണം. യുഡിഎഫ് സർക്കാരിന്റെ കാലത്ത് സമയോചിതമായ ഇടപെടൽ നടത്തി റബ്ബർ വില സ്ഥിരതാ ഫണ്ട് കൊണ്ടുവന്ന് കിലോയ്ക്ക് 150 രൂപ വില നൽകി. സംസ്ഥാന സർക്കാർ കേന്ദ്രത്തിന് നിവേദനം നൽകുക മാത്രം ചെയ്യാതെ നടപടി സ്വീകരിക്കണമെന്നും മോൻസ് ജോസഫ് പറഞ്ഞു.

The post റബ്ബർ വില കുറഞ്ഞത് കേന്ദ്രസർക്കാരിന്റെ അന്താരാഷ്ട്ര കരാറുകൾ കാരണം- മന്ത്രി പി പ്രസാദ് appeared first on Starvision News Malayalam.

കർഷകരുടെ വിഷയം വേദിയിൽ പറയാതെ നേരിട്ട് പറഞ്ഞാൽ അത് ലക്ഷ്യപ്രാപ്തിയിൽ എത്തില്ല. അതുകൊണ്ടാണ് വേദിയിൽ തന്നെ പറയാൻ തീരുമാനിച്ചതെന്നും ജയസൂര്യ പറഞ്ഞു. ഒരു മലയാള ദിനപത്രത്തിലെ കുറിപ്പിലാണ് താരത്തിന്‍റെ വിശദീകരണം.

The post നിലപാടിൽ ഉറച്ച് ജയസൂര്യ; പറഞ്ഞതില്‍ ഉറച്ച് നിൽക്കുന്നു, 6 മാസം മുമ്പ് സംഭരിച്ച നെല്ലിന്‍റെ വില ഇനിയും കർഷകർക്ക് കൊടുക്കാത്തത് അനീതി appeared first on Starvision News Malayalam.

തിരുവനന്തപുരം: കർഷകർ നേരിടുന്ന ദുരനുഭവങ്ങൾ നടൻ ജയസൂര്യ വിവരിച്ചതിൽ ഏറെ കാര്യങ്ങളും വസ്തുതയ്‌ക്ക് നിരക്കുന്നതല്ലെന്ന് കൃഷിമന്ത്രി പി.പ്രസാദ്. കർഷകർക്ക് പണം കൃത്യമായി നൽകുന്നതിൽ ബാങ്കുകളാണ് നിഷേധാത്മക നിലപാട് സ്വീകരിച്ചതെന്ന് മന്ത്രി പറഞ്ഞു. ജയസൂര്യയുടെ പരസ്യ വിമർശനത്തിൽ സർക്കാരിന്റെ നിലപാട് വ്യക്തമാക്കുകയായിരുന്നു അദ്ദേഹം. ‘‘ജയസൂര്യ പറഞ്ഞതിൽ ഏറെ കാര്യങ്ങളും വസ്തുതകളോടു നിരക്കുന്നതല്ല. അദ്ദേഹം ആദ്യം ഉന്നയിച്ച പ്രശ്നം നെല്ലിന്റെ വിലയുമായി ബന്ധപ്പെട്ടുള്ളതായിരുന്നു. അതിൽ നെല്ല്സംഭരണത്തിന്റെ വില സിവിൽ സപ്ലൈസ് കോർപ്പറേഷൻ നൽകുന്നതിൽ താമസം നേരിട്ടെന്നത് യാഥാർഥ്യമാണ്. ആ ഒരു കാര്യം അദ്ദേഹം ഉന്നയിച്ചത് യഥാർഥ പ്രശ്നം തന്നെയായിരുന്നു. അതു പരിഹരിക്കുന്നതിനുള്ള ഗൗരവകരമായ ഇടപെടലാണ് സർക്കാർ നടത്തിയിട്ടുള്ളത്.

നെല്ലിന്റെ വില സാധാരണഗതിയിൽ സംഭരിക്കുമ്പോൾ കാലതാമസം നേരിടുന്നത് പരിഹരിക്കാനാണ് പാഡി റസീറ്റ് ഷീറ്റ് (പിആർഎസ്) നൽകി നെല്ല് സംഭരിച്ചിരുന്നത്. ഈ പിആർഎസ് ബാങ്കുകളിൽ കർഷകർ നൽകി പണം നൽകുന്നതായിരുന്നു രീതി. ഈ സംവിധാനത്തിൽ കർഷകർക്ക് സിബിൽ സ്‌കോറിന്റെ പ്രശ്നം ഉണ്ടാകുന്നത് സംബന്ധിച്ച് കർഷകർ പരാതി പറ‍ഞ്ഞതിനാലാണ് സിവിൽ സപ്ലൈസ് കോർപ്പറേഷൻ നേരിട്ട് പണം കടമെടുത്ത് കർഷകർക്ക് നൽകാൻ തീരുമാനിച്ചത്. കർഷകർക്ക് ഒരു ബാധ്യത ഉണ്ടാകരുതെന്ന നിലപാടിലാണ് സിവിൽ സപ്ലൈസ് അത്തരമൊരു നിലപാടിലേക്ക് നീങ്ങിയത്. എന്നാലത് ബാങ്കുകൾക്ക് ലാഭകരമല്ലാത്ത നടപടിയായിരുന്നു. അതിനാൽ ബാങ്കുകൾക്ക് ഇതിനോട് താത്പര്യമില്ലായിരുന്നു. അതിനാൽ സർക്കാർ ഗ്യാരന്റി നിന്ന് 2500 കോടി രൂപ കടമെടുത്തു. സർക്കാർ അങ്ങനെയൊരു സമീപനം സ്വീകരിച്ചപ്പോൾ, ബാങ്കുകൾ ചെയ്തത് മുൻപുണ്ടായിരുന്ന കുടിശിക പിടിച്ചെടുക്കുകയെന്നതാണ്. ചെയ്യാൻ പാടില്ലാത്ത സമീപനം സ്വീകരിച്ചശേഷമുള്ള നിഷേധാത്മക സമീപനമാണു ബാങ്കുകളുടേത്. ആ പ്രതിസന്ധിക്കിടെ കേരള ബാങ്കിനെ ഇടപെടുത്തിയാണു കഴിഞ്ഞ സീസണിലെ പണം നൽകിയത്.

ഇത്തവണ വീണ്ടും ബാങ്കുകളുടെ സമീപനത്തെ തുടർന്ന് പിആർഎസ് സംവിധാനത്തിലേക്കു വീണ്ടും മാറുകയായിരുന്നു. ഇതിനായി ബാങ്കുകളുടെ കൺസോർഷ്യം രൂപീകരിച്ച് പണം നൽകാനായിരുന്നു ശ്രമം. എന്നാൽ ആ സംവിധാനത്തിലും ചില ബാങ്കുകൾ പ്രതിസന്ധി സൃഷ്ടിച്ചു. കർഷകരുടെ ബുദ്ധിമുട്ട് കണ്ട് സർക്കാർ തന്നെ പണം വീണ്ടും അനുവദിക്കാൻ തീരുമാനിക്കുകയായിരുന്നു. കേന്ദ്ര സർക്കാരിൽനിന്ന് 400 കോടിയോളം രൂപ ലഭിക്കാനുണ്ട്. ഓണത്തിനിടയ്‌ക്ക് 150 കോടി രൂപ കർഷകർക്ക് വിതരണം ചെയ്യാനായി’’– മന്ത്രി പി.പ്രസാദ് പറഞ്ഞു.

The post ജയസൂര്യ പറഞ്ഞ ഏറെ കാര്യങ്ങളും വസ്തുതയ്‌ക്ക് നിരക്കുന്നതല്ല; കൃഷിമന്ത്രി പി.പ്രസാദ് appeared first on Starvision News Malayalam.

വെള്ളിയാഴ്ച രാവിലെയാണ് മന്ത്രി സ്ഥലം സന്ദർശിച്ചത്. കര്‍ഷകന്‍ തോമസിനെ കണ്ട് നഷ്ടപരിഹാരം നല്‍കുമെന്ന് മന്ത്രി ഉറപ്പു നല്‍കി.വലിയ നഷ്ടമാണ് ഉണ്ടായതെന്നും. ഇനി ഇത്തരം നടപടികൾ ആവർത്തിക്കാതിരിക്കാൻ വിവിധ വകുപ്പുകൾ ശ്രദ്ധിക്കണമെന്നും കൃഷി വകുപ്പിന്‍റെ ഉദ്യോഗസ്ഥർ സ്ഥലം സന്ദർശിച്ച് തയാറാക്കിയ റിപ്പോർട്ടിന്‍റെ അടിസ്ഥാനത്തിൽ കൂടിയാണ് ധനസഹായം അനുവദിച്ചതെന്നും തുക എത്രയും വേഗം കൈമാറുമെന്നും മന്ത്രി പറഞ്ഞു. മന്ത്രിയുടെ സന്ദർശനത്തിൽ സന്തോഷമുണ്ടെന്ന് തോമസ് പറഞ്ഞു. വൈദ്യുതിലൈനുകൾ താഴ്ന്ന് പോകുന്ന സ്ഥലങ്ങളിൽ ഏതൊക്കെ കൃഷികൾ നടത്താമെന്നതിനെ സംബന്ധിച്ച് കൃഷിവകുപ്പ് കൃത്യമായ പരിശീലനം നൽകുന്നില്ലെന്നുള്ള പരാതി പ്രദേശത്തെ കർഷകർ മന്ത്രിയെ അറിയിച്ചു. വൈദ്യുതവകുപ്പും കൃഷിവകുപ്പും സംയുക്തമായി സംസ്ഥാനത്ത് അത്തരം പരിശീലന പരിപാടികളെക്കുറിച്ച് ആലോചിക്കാമെന്ന് മന്ത്രി പറഞ്ഞു.

The post കെഎസ്ഇബി വാഴവെട്ട് ; തോമസിന് ആശ്വാസവുമായി മന്ത്രിയെത്തി appeared first on Starvision News Malayalam.

കൂടാതെ കോട്ടയം, ഇടുക്കി, ആലപ്പുഴ, പത്തനംതിട്ട, എറണാകുളം ജില്ലകളിലായുള്ള കെ.എസ്.എസ്.എസ് സ്വാശ്രയസംഘാംഗങ്ങളുടെയും കര്‍ഷക സംഘങ്ങളുടെയും നേതൃത്വത്തില്‍ പദ്ധതി ഏറ്റെടുത്ത് നടപ്പാലാക്കുന്നതിലുള്ള തയ്യാറെടുപ്പിലാണ് കോട്ടയം സോഷ്യല്‍ സര്‍വ്വീസ് സൊസൈറ്റി. കോട്ടയം, ഇടുക്കി, പത്തനംതിട്ട ജില്ലകളിലെ കൃഷി വകുപ്പ് ഉദ്യോഗസ്ഥര്‍ക്കായി തെള്ളകം ചൈതന്യ പാസ്റ്ററല്‍ സെന്ററില്‍ സംഘടിപ്പിച്ച പരിശീലന പരിപാടിയില്‍ പങ്കെടുക്കുന്നതിനായി എത്തിച്ചേര്‍ന്നപ്പോഴാണ് പദ്ധതിയുടെ ഭാഗമായി മന്ത്രി ചൈതന്യ അങ്കണത്തില്‍ പച്ചക്കറിതൈ നട്ടത്.

കൃഷി വകുപ്പ് ഡയറക്ടര്‍ റ്റി.വി സുഭാഷ് ഐ.എ.എസ്, കൃഷി വകുപ്പ് അഡീഷണല്‍ ഡയറക്ടര്‍മാരായ സോണിയാ വി.ആര്‍, ജോര്‍ജ്ജ് സെബാസ്റ്റ്യന്‍, ഫാം ഇന്‍ഫോര്‍മേഷന്‍ ബ്യൂറോ പ്രിന്‍സിപ്പള്‍ ഇന്‍ഫോര്‍മേഷന്‍ ഓഫീസര്‍ സുനില്‍കുമാര്‍,  കെ.എസ്.എസ്.എസ് എക്‌സിക്യൂട്ടീവ് ഡയറക്ടര്‍ ഫാ. സുനില്‍ പെരുമാനൂര്‍, അസി. ഡയറക്ടര്‍ ഫാ. മാത്യൂസ് വലിയപുത്തന്‍പുരയില്‍, കോട്ടയം പ്രിന്‍സിപ്പള്‍ അഗ്രിക്കള്‍ച്ചര്‍ ഓഫീസര്‍ ബീന ജോര്‍ജ്ജ് എന്നിവര്‍ മന്ത്രിയോടൊപ്പം സന്നിഹിതരായിരുന്നു.

The post ഞങ്ങളും കൃഷിയിലേയ്ക്ക് പദ്ധതി- ചൈതന്യ അങ്കണത്തില്‍ പച്ചക്കറി തൈ നട്ട് കൃഷി മന്ത്രി പി. പ്രസാദ് appeared first on Starvision News Malayalam.

കാലാവസ്ഥാ വ്യതിയാനം മൂലമുണ്ടായ ശക്തമായ മഴ പച്ചക്കറി കൃഷിയടക്കമുള്ള കൃഷികൾക്കുണ്ടാക്കിയ നാശം വ്യാപകമാണ്. സംസ്ഥാനത്തും അയൽ സംസ്ഥാനങ്ങളിലും കനത്ത മഴ തുടരുന്ന സാഹചര്യത്തിൽ പച്ചക്കറി ഉൽപ്പന്നങ്ങൾ വിപണിയിലേക്ക് എത്തുന്നതിൽ ഗണ്യമായ കുറവുണ്ടായിട്ടുണ്ട്. ഇത് പരിഹരിക്കുന്നതിനായി കൃഷി വകുപ്പിന്റെ ഇടപെടൽ ശക്തമാക്കാനാണ് തീരുമാനമെന്നും കൃഷി മന്ത്രി പറഞ്ഞു.

The post പച്ചക്കറി വില വർദ്ധനവ് നിയന്ത്രണ വിധേയമാക്കാൻ ഊർജ്ജിത ഇടപെടലിന് കൃഷിമന്ത്രി നിർദ്ദേശം നൽകി appeared first on Starvision News Malayalam.

സംസ്ഥാനത്തെ കാർഷിക വളർച്ച പ്രോത്സാഹിപ്പിക്കുക, ഭക്ഷ്യ സുരക്ഷ ഉറപ്പാക്കുക, പാരിസ്ഥിതിക വ്യവസ്ഥയുടെ സുസ്ഥിരത ഉറപ്പുവരുത്തുക എന്നിവക്ക് വേണ്ടി നെൽവയലുകളും തണ്ണീർത്തടങ്ങളും സംരക്ഷിക്കുകയും അവ പരിവർത്തനപ്പെടുത്തുകയും രൂപാന്തരപ്പെടുത്തുകയും ചെയ്യുന്നത് നിയന്ത്രിക്കുകയും ചെയ്യണമെന്ന് വ്യവസ്ഥ ചെയ്യേണ്ടത് സമൂഹത്തിന്റെയും മാനവരാശിയുടേയും നിലനിൽപ്പിന് അത്യന്താപേക്ഷിതമാണ്. കേരളത്തിൽ ഉടനീളമുള്ള നെൽവയലുകളും നീർത്തടങ്ങളും കടുത്ത ഭീഷണി നേരിട്ടപ്പോൾ അതിനെ ഗൗരവതരമായിക്കണ്ട് ഏറെ ചർച്ചകൾ ചെയ്താണ് ഈ നിയമം കൊണ്ടുവരികയും നിയമസഭ അംഗീകരിക്കുകയും ചെയ്തത്.

ഈ നിയമം കേരളത്തില്‍ നടപ്പാക്കിയതോടെ സംസ്ഥാനത്ത് നെൽവയലുകളും, തണ്ണീർത്തടങ്ങളും അനിയന്ത്രിതമായി രൂപാന്തരപ്പെടുത്തുകയും പരിവർത്തനപ്പെടുത്തുകയും ചെയ്യുന്ന പ്രവണത നിയന്ത്രിക്കാൻ കഴിഞ്ഞിട്ടുണ്ട്
കുട്ടനാടിന്റെ ഭൂമിശാസ്ത്രപരമായ പ്രത്യേകതകൾ കുട്ടനാടിന്റെ പരിസ്ഥിതിയെ മാത്രമല്ല സംരക്ഷിക്കുന്നത്. പ്രകൃതി കനിഞ്ഞുനല്കിയിരിക്കുന്ന ഈ ആവാസ വ്യവസ്ഥ കേരളത്തിന്റെ മുഴുവന്‍ പരിസ്ഥിതിയെയും സംരക്ഷിക്കുന്ന ഒന്നാണ്. നെൽവയലുകളും, തണ്ണീർത്തടങ്ങളും ആവാസ വ്യവസ്ഥയുടെ മൂല ബിന്ദുവായ ജലത്തിന്റെ ബാങ്കുകളാണ്. തണ്ണീർത്തടങ്ങളെ സംരക്ഷിക്കുന്നതിനായി ആഗോള തലത്തിൽ നിശ്ചയിക്കപ്പെട്ടിട്ടുള്ള പ്രദേശങ്ങളിൽ ഇന്ത്യയുടെ തെക്ക് പടിഞ്ഞാറൻ പ്രദേശത്ത് റംസാർ സൈറ്റിൽ ഉൾപ്പെടുന്ന പ്രദേശമാണ് കുട്ടനാടൻ മേഖല. കേരളത്തിന്റെ നെൽപ്പുരകളിലൊന്നായ കുട്ടനാടൻ മേഖല കടലോരക്കായൽ നീർത്തടം കൂടിയാണ്.

കുട്ടനാടിന്റെ ഭൂമിശാസ്ത്രപരമായ പ്രത്യേകതകൾ പരിഗണിക്കാതെ തണ്ണീർത്തട സംരക്ഷണ നിയമം നടപ്പിലാക്കിയതു മൂലം വികസന കാര്യങ്ങളില്‍ കുട്ടനാട് നേരിടുന്ന പ്രയാസങ്ങൾ സംബന്ധിച്ചും തണ്ണീർത്തട സംരക്ഷണ നിയമത്തിൽ ഇളവ് അനുവദിക്കുന്നത് സംബന്ധിച്ച് ശ്രീ. തോമസ് കെ. തോമസ് എം.എല്‍.എ. നിയമസഭയിൽ അവതരിപ്പിച്ച സബ്മിഷന് മറുപടി പറയുകയായിരുന്നു കൃഷി മന്ത്രി.

The post കുട്ടനാടിന്റെ ആവാസ വ്യവസ്ഥ നിലനിർത്തിക്കൊണ്ട് കാർഷിക മേഖലയെ സംരക്ഷിക്കും: പി.പ്രസാദ് appeared first on Starvision News Malayalam.

പരമ്പരാഗത കൃഷി കലണ്ടറും കാലാവസ്ഥ കലണ്ടറും മാറിയിരിക്കുകയാണെന്നും കാലാവസ്ഥാ വ്യതിയാനത്തിന് അനുസരിച്ച് പുത്തൻ കാർഷിക മുറകളും കാലാവസ്ഥ അനുരൂപ മാതൃകകളും നടപ്പിലാക്കുവാൻ കർഷകർ തയ്യാറാകണമെന്നും മന്ത്രി സൂചിപ്പിച്ചു. സംസ്ഥാനത്തെ അഗ്രോ ഇക്കോളജിക്കൽ യൂണിറ്റുകളായി തിരിച്ചു കൊണ്ടുള്ള പദ്ധതി ആസൂത്രണം ഇത്തരത്തിൽ കാലാവസ്ഥ അനു രൂപമാതൃകകൾ നടപ്പിലാക്കുവാൻ സഹായിക്കും. പതിനാലാം പഞ്ചവത്സരപദ്ധതിയിൽ ജൈവകൃഷിയ്ക്കും മുൻ തൂക്കമുണ്ടാകും. കേരളത്തിൽ 1957 ൽ ശീമക്കൊന്ന വാരാചരണ ത്തിലൂടെയാണ് ജൈവ വിപ്ലവത്തിന് തുടക്കം കുറിച്ചത്.ജൈവ കൃഷിയുടെ പ്രസക്തി ഇന്ന് വർദ്ധിച്ചിട്ടുണ്ട്. മനുഷ്യന്റെ ആരോഗ്യം മുന്നിൽ കണ്ടുകൊണ്ടുള്ള കൃഷിരീതികൾ പരമാവധി പ്രോത്സാഹിപ്പിക്കേണ്ടതുണ്ടെന്നും മന്ത്രി അറിയിച്ചു.

കോവിഡാനന്തര സമൂഹത്തിൽ ഏറ്റവും പ്രധാനം കൃഷിക്കായിരിക്കുമെന്ന് ചടങ്ങിന് അധ്യക്ഷം വഹിച്ച ആസൂത്രണ ബോർഡ് വൈസ് ചെയർപേഴ്സൺ ഡോക്ടർ വി കെ രാമചന്ദ്രൻ സൂചിപ്പിച്ചു. ഉത്പാദനക്ഷമത, ലാഭം, സുസ്ഥിരത എന്നീ ആശയങ്ങൾ മുന്നിൽ കണ്ടുകൊണ്ടുള്ളതായിരിക്കണം പതിനാലം പഞ്ചവത്സര പദ്ധതിയിലെ കാർഷികപദ്ധതികൾ.

ശിൽപ്പശാലയുടെ അവസാന രണ്ട് ദിവസം 13 വിഷയങ്ങളെ ആസ്പദമാക്കി ഗ്രൂപ്പടിസ്ഥാനത്തിലുള്ള ചർച്ചയും വിഷയാവതരണവുമാണ് നടന്നത്. കർഷകർ , വിവിധ തലത്തിലെ ഉദ്യോഗസ്ഥർ എന്നിവർ അടങ്ങുന്നതായിരുന്നു ഓരോ ഗ്രൂപ്പും. വിവര സാങ്കേതിക വിദ്യയിൽ അധിഷ്ഠിതമായ കാർഷികരംഗം, കാർഷികോൽപാദന സുനിശ്ചിതത്വ കർമ്മപരിപാടി, പച്ചക്കറി ഉത്പാദനം അഞ്ചുവർഷത്തിൽ ഇരട്ടിയാക്കൽ, കാർഷിക മേഖലയും നവീന കൃഷിരീതികളും, കാർഷിക മേഖലയിൽ സാമ്പത്തിക ധനകാര്യ സ്ഥാപനങ്ങളുടെ ഇടപെടൽ, നീർത്തടാധിഷ്ഠിത പദ്ധതി രൂപീകരണം, കാർഷികമേഖലയും യുവജന പങ്കാളിത്തവും, പദ്ധതി രൂപീകരണത്തിനും നടത്തിപ്പിലും അടിസ്ഥാനവിവരങ്ങൾ ശക്തിപ്പെടുത്തൽ, മാർക്കറ്റിംഗ് ആൻഡ് വാല്യൂ അഡിഷൻ, സംയോജിത കൃഷി രീതികൾ, ജൈവകൃഷി – സമകാലീന പ്രസക്തി, ഫാം ടൂറിസം,
കാലാവസ്ഥ വ്യതിയാനം എന്നീ 13 വിഷയങ്ങളിൽ ആയിരുന്നു രണ്ടു ദിവസം ചർച്ച വന്നത്. ഗ്രൂപ്പ് അടിസ്ഥാന ചർച്ചയ്ക്കുശേഷം നിർദ്ദേശങ്ങൾ ഓരോ ഗ്രൂപ്പും കൃഷി മന്ത്രിക്കും വിദഗ്ദ്ധ പാനലിനും മുമ്പാകെ അവതരിപ്പിക്കുകയുണ്ടായി.

സമാപന സമ്മേളനത്തിൽ ആസൂത്രണ ബോർഡ് അംഗങ്ങളായ ഡോക്ടർ രാമ കുമാർ, ഡോക്ടർ കെ രവി രാമൻ, ഡോക്ടർ ജിജു പി അലക്സ്, നാഗേഷ് എസ് എസ്, കാർഷികോൽപാദന കമ്മീഷണർ ഇഷിത റോയ് ഐ എഎസ് , കൃഷി ഡയറക്ടർ സുഭാഷ് ടി വി ഐഎഎസ്, . ഡബ്ല്യു.ടി.ഒ സെൽ സ്പെഷ്യൽ ഓഫീസർ ആരതി ഐ ഇ എസ് എന്നിവർ സംസാരിച്ചു.

The post കർഷകന് അന്തസ്സാർന്ന ജീവിതം നൽകുന്നതാകണം കൃഷി: പി പ്രസാദ് appeared first on Starvision News Malayalam.

നിയമത്തിന്റെ അന്തസത്ത ഉൾക്കൊണ്ടുകൊണ്ടും വ്യവസ്ഥകള്‍ പാലിച്ചും പാരിസ്ഥിതിക പ്രാധാന്യമുള്ള നെൽവയലുകളും തണ്ണീർതടങ്ങളും സംരക്ഷിക്കേണ്ടത് പൊതു സമൂഹത്തിൻറെയും, സർക്കാരിന്റെയും കർത്തവ്യമായതിനാല്‍ വ്യക്തമായ പരിശോധനയ്ക്കു ശേഷം മാത്രമേ പരിവർത്തനാനുമതി നൽകാന്‍ സാധിക്കുകയുള്ളൂ എന്നും മന്ത്രി പറഞ്ഞു. പിറവം നിയോജകമണ്ഡലത്തില്‍ രാമമംഗലം – മണീട് പഞ്ചായത്തുകളെ ബന്ധിപ്പിച്ചുകൊണ്ട് കിഴുമുറികടവ് പാലത്തിന്റെ അപ്രോച്ച് റോഡ് നിർമ്മാണത്തിന് വേണ്ടി ഭൂമി രൂപാന്തരപ്പെടുത്തുന്നത് സംബന്ധിച്ച് ശ്രീ. അനൂപ് ജേക്കബ് എം.എല്‍.എ. അവതരിപ്പിച്ച സബ്മിഷനുള്ള മറുപടി പറഞ്ഞുകൊണ്ടാണ് മന്ത്രി ഈ കാര്യം സൂചിപ്പിച്ചത്.

The post നിലം നികത്തി നടത്തുന്ന നിർമ്മാണ പ്രവർത്തികൾക്കെല്ലാം മുൻ‌കൂർ അനുമതി വാങ്ങണമെന്ന് കൃഷി വകുപ്പ് മന്ത്രി പി പ്രസാദ് appeared first on Starvision News Malayalam.