മനാമ: മോഹൻലാൽ ആരാധകരുടെ ജീവകാരുണ്യ–സാമൂഹിക സേവന കൂട്ടായ്മയായ ലാൽ കെയേഴ്‌സ് ബഹ്‌റൈൻ ചാപ്റ്ററിന്റെ 2026–2027 വർഷത്തേക്കുള്ള പുതിയ കമ്മിറ്റി രൂപീകരിച്ചു.

അദ്‌ലിയയിലെ ഓറ ആർട്സ് സെന്ററിൽ ചേർന്ന യോഗത്തിലാണ് പുതിയ ഭാരവാഹികളെ തിരഞ്ഞെടുത്തത്. ഷൈജു കാമ്പ്രത് പ്രസിഡന്റായും അരുൺ ജി. നെയ്യാർ സെക്രട്ടറിയായും അരുൺ തൈക്കാട്ടിൽ ട്രഷററായും തിരഞ്ഞെടുക്കപ്പെട്ടു.

കിരീടം ഉണ്ണിയാണ് വൈസ് പ്രസിഡന്റ്. ഗോപേഷ് കുമാറിനെ ജോയിന്റ് സെക്രട്ടറിയായും തിരഞ്ഞെടുത്തു.

ജഗത് കൃഷ്ണകുമാർ, ഫൈസൽ എഫ്.എം. എന്നിവർ കോർഡിനേറ്റർമാരായി പ്രവർത്തിക്കും. വിപിൻ രവീന്ദ്രൻ, അഖിൽ കെ.എം., വൈശാഖ്, പ്രജിൽ, നന്ദൻ, ജെയ്സൺ എന്നിവരാണ് പുതിയ എക്സിക്യൂട്ടീവ് കമ്മിറ്റി അംഗങ്ങൾ.

The post ലാൽ കെയേഴ്‌സ് ബഹ്‌റൈൻ ചാപ്റ്ററിന് പുതിയ നേതൃത്വം appeared first on Starvision News Malayalam.

ബഹ്‌റൈൻ :  കൊല്ലം പ്രവാസി അസ്സോസിയേഷൻ ബഹ്‌റൈനിന്‍റെ 2026-2028 ലേക്കുള്ള പുതിയ ഭരണസമിതിയെ കഴിഞ്ഞ ദിവസം ചേര്‍ന്ന ജില്ലാ  സമ്മേളനത്തിൽ വെച്ചു തിരഞ്ഞെടുത്തു.

നേരത്തെ തിരഞ്ഞെടുക്കപ്പെട്ട 43 അംഗ സെൻട്രൽ കമ്മിറ്റിയിൽ നിന്നാണ് 7 അംഗ സെക്രട്ടറിയേറ്റിനെ തിരഞ്ഞെടുത്തത്.  ജില്ലാ സമ്മേളനത്തിന് ശേഷം ചേർന്ന ആദ്യ സെക്രട്ടറിയേറ്റ് യോഗത്തിൽ നിസാർ കൊല്ലം പ്രസിഡന്റ് ആയും ജഗത് കൃഷ്ണകുമാർ  ജനറൽ സെക്രട്ടറിയായും ബിനു കുണ്ടറ ട്രഷററായും തിരഞ്ഞെടുത്തു.

രാജ് കൃഷ്ണൻ  (വർക്കിങ് പ്രസിഡന്റ്) അനൂബ് തങ്കച്ചൻ  (ഓർഗനൈസിങ് സെക്രട്ടറി) ,  വി എം  പ്രമോദ്  (സെക്രട്ടറി), സിദ്ദിഖ്ഷാൻ  (അസിസ്റ്റന്റ് ട്രഷറർ) എന്നിവരാണ്‌ മറ്റംഗങ്ങള്‍.

ഇപ്പോൾ നടന്നു വരുന്ന പദ്ധതികളും പ്രവർത്തനങ്ങളും തുടരുമെന്നും,  അടുത്ത രണ്ടു വർഷം കൂടുതൽ ജനകീയ പ്രവർത്തനങ്ങൾ നടത്തി സംഘടനയെ കരുത്തോടെ മുന്നോട്ടു നയിക്കാനുള്ള ശ്രമങ്ങൾ ഉണ്ടാകുമെന്നും  പ്രസിഡന്റ് നിസാർ കൊല്ലവും, ജനറൽ  സെക്രട്ടറി ജഗത് കൃഷ്ണകുമാറും അറിയിച്ചു.

ബഹ്‌റൈനിലെ കൊല്ലം പ്രവാസികൾ കെപിഎ യുമായി സഹകരിച്ചു പ്രവർത്തിക്കാൻ മുന്നോട്ടു വരണമെന്നും ഇരുവരും അഭ്യർഥിച്ചു. കഴിഞ്ഞ കാല പ്രവർത്തനങ്ങൾക്ക് ബഹ്‌റൈനിലെ പൊതു സമൂഹം നൽകിയ പിന്തുണക്കു നന്ദി അറിയിക്കുന്നതോടൊപ്പം തുടർന്നും സഹായങ്ങൾ ഉണ്ടാകണമെന്നും ഇരുവരും കൂട്ടിച്ചേർത്തു.

കെ . സി . എ പ്രസിഡന്റ് ജെയിംസ് ജോൺ ഉത്‌ഘാടനം ചെയ്ത സാംസ്‌കാരിക സമ്മേളനത്തിൽ വച്ചാണ് പുതിയ നേതൃത്വത്തിനെ പ്രഖാപിച്ചത് .  അനോജ് മാസ്റ്റർ അധ്യക്ഷത വഹിച്ച യോഗത്തിൽ പ്രശാന്ത് പ്രബുദ്ധൻ സ്വാഗതം പറഞ്ഞു .  കെ . പി . എ രക്ഷാധികാരികളായ  ബിജു മലയിൽ, ചന്ദ്രബോസ് എന്നിവർ ആശംസകൾ അറിയിച്ചു.  നിയുക്ത ട്രഷറർ ബിനു കുണ്ടറയുടെ നന്ദിപ്രസംഗത്തോടെ സമ്മേളനം സമാപിച്ചു.

The post കൊല്ലം പ്രവാസി അസോസിയേഷൻ ബഹ്റൈന് പുതിയ നേതൃത്വം appeared first on Starvision News Malayalam.

മനാമ. വില്ല്യാപള്ളി മുസ്ലിം ജമാ -അത്ത് ബഹ്‌റൈൻ കമ്മിറ്റി യോഗം കെഎംസിസി ഹാളിൽ ചേർന്നു പ്രവാസ ജീവിതം അവസാനിപ്പിച്ചു നാട്ടിൽ പോവുന്ന ശരീഫ് കൊറോത്തിന്റെ ഒഴിവിലേക്കു പ്രസിഡന്റ്‌ ആയി എ പി ഫൈസലിനെയും ജനറൽ സെക്രെട്ടറി യുടെ ഒഴിവിലേക്കു ഇസ്ഹാഖ് കൊറോത്തിനെയും ട്രഷറർ ആയി ഹാഷിം ഹാജിയെയും ഓർഗനൈസിങ് സെക്രെട്ടി ആയി അനസ് എല ത്തിനെയും തെരെഞ്ഞെടുത്തു നിലവിലുള്ള ഭാരവാഹികൾ തുടരാനും കമ്മിറ്റി തീരുമാനിച്ചു.

ഭാരവാഹികളായി
എം എം എസ് ഇബ്രാഹിം മേമുണ്ട (മുഖ്യ രക്ഷാധികാരി) കൂടത്തിൽ മൂസ ഹാജി, അനറത്ത് ബഷീർ, മജീദ് ഹാജി കിങ് കറക്, അബ്ദുള്ള ഹാജി തണൽ, സലാം ഹാജി കുന്നോത്ത്‌, തൈകുറ്റി ബഷീർ, സലീം കുറിഞ്ഞാലിയോട്, മൂസ അമരാവതി (രക്ഷാധികാരികൾ)

എൻ കെ മൂസ ഹാജി (സീനിയർ വൈസ് പ്രസിഡന്റ്‌) ഹമീദ് ഹാജി താനിയുള്ളതിൽ, കുഞ്ഞമ്മദ് ചാലിൽ, കരീം ഹാജി നെല്ലൂർ, സഹീർ പി, ശിഹാബ് ടി ടി,. നിസാർ വീരാളി(വൈസ് പ്രസിഡന്റുമാർ)
അഫ്സൽ മയ്യന്നൂർ, അസ്മിൽ വില്ല്യാപ്പള്ളി, ഷമീം എം എം സ്‌ ,ഫായിസ് എൻ കെ കുറിഞ്ഞാലിയോട്, ശരീഫ് അരീക്കോത്ത്, റസാഖ് മയ്യന്നൂർ എന്നിവരെ സെക്രട്ടറിമാർ ആയും തെരെഞ്ഞെടുത്തു. ഇസ്ഹാഖ് പി കെ സ്വാഗതവും സഹീർ പി വില്ല്യപ്പള്ളി നന്ദിയും പറഞ്ഞു.

നിരവധി സേവന പ്രവർത്തനങ്ങളാണ് വില്ല്യാപ്പള്ളി മുസ്ലിം ജമാഅത്ത് നടത്തി വരുന്നത്
അതിൽ ഏറ്റവും പ്രധാനപ്പെട്ടത് ബീഹാറിൽ വനിത യതീംഖാന ഏറ്റെടുത്തു കുർത്തുബയുമായി സഹകരിച്ചു 35 അനാഥ പെൺ കുട്ടികളെ പൂർണ്ണമായും സംരക്ഷിക്കുയാണ് അവർക്കു മത ഭൗതിക രംഗത്തുള്ള മികവിന് എല്ലാ സഹായവും നൽകി വരുന്നു. കൂടാതെ വാത്സല്യം യത്തീം ദത്തു പദ്ധതിയാണ് മാസം അനാഥ 50 കുട്ടികളെ സ്‌പോൺസർ ചെയ്തു സഹായിക്കുന്നു .

വി സ്‌മൈൽ (ഡ്രസ്സ് സഹായ പദ്ധതി ), ചിറക് (യതീം ഉന്നത വിദ്യാഭ്യാസ പദ്ധതി ),
വി സ്മാർട്ട് (വിദ്യാഭ്യാസ സഹായ പദ്ധതി), ഭവന സഹായ പദ്ധതി എംജെ ഹൈടെക് ഓഡിറ്റോറിയം നിർമ്മാണം, വില്ല്യപ്പള്ളിയിൽ എം ജെ സ്മാർട്ട് ഓഫീസ്, കുടിവെള്ള പദ്ധതി, vmj കോംപ്ലക്സ് നിർമ്മാണ സഹായം,
ആംബുലൻസ്, എമർജൻസി ബൈക്, എംജെ കമ്പ്യൂട്ടർ അക്കാദമി, എംജെ മെഡിക്കൽ റിലീഫ് സെന്റർ,
ചികിത്സ സഹായം തുടങ്ങിയവയും പ്രവർത്തനങ്ങളിൽ ഉൾപെട്ടതാണ്.

മെമ്പർമാരുടെ സാമ്പത്തിക ഭദ്രത മികവുറ്റതക്കാൻ പുതിയ പദ്ധതികൾ ഉടനെ ആരംഭം കുറിക്കും. നോർക്ക ക്ഷേമനിധി തുടങ്ങി സർക്കാർ പഠിതികളിൽ മുഴുവൻ മെമ്പര്മാരെയും ഉൾപ്പെടുത്തും കൂടാതെ വിദ്യാർത്ഥികൾക്ക് വേണ്ടി പ്രത്യേക ഹെല്പ് ഡെസ്കും സ്റ്റുഡന്റസ് സെന്റർ ആരംഭിക്കും.

The post വില്ല്യാപള്ളി മുസ്ലിം ജമാ-അത്ത് ബഹ്‌റൈൻ കമ്മിറ്റിക്ക് പുതിയ നേതൃത്വം appeared first on Starvision News Malayalam.

മനാമ: കൊല്ലം പ്രവാസി അസോസിയേഷന്റെ (കെ.പി.എ) ജില്ലാ സമ്മേളനത്തിന് മുന്നോടിയായുള്ള ഗുദൈബിയ ഏരിയ സമ്മേളനം പ്രൗഢമായി നടന്നു. കെ.പി.എ ഹാളിലെ ഒ മാധവൻ നഗറിൽ നടന്ന സമ്മേളനം ഏരിയ കോഓർഡിനേറ്റർ വിനീത് അലക്സാണ്ടർ ഉദ്ഘാടനം ചെയ്തു. ഏരിയ പ്രസിഡന്റ് തോമസ് ബി കെ അധ്യക്ഷത വഹിച്ച ചടങ്ങിൽ ഏരിയ ട്രഷറർ അജേഷ് വി പി സ്വാഗതം ആശംസിച്ചു. കെ.പി.എ വൈസ് പ്രസിഡന്റ് കോയിവിള മുഹമ്മദ് കുഞ്ഞ് മുഖ്യപ്രഭാഷണം നടത്തി.

കഴിഞ്ഞ രണ്ടു വർഷത്തെ ഏരിയ പ്രവർത്തന റിപ്പോർട്ട് ഏരിയ പ്രസിഡന്റ് തോമസ് ബി കെ യും സാമ്പത്തിക റിപ്പോർട്ട് ട്രഷറർ അജേഷ് വി പി യും സമ്മേളനത്തിൽ അവതരിപ്പിച്ചു . തുടർന്ന് പ്രവർത്തന റിപ്പോർട്ട് കെ.പി.എ ജനറൽ സെക്രട്ടറി പ്രശാന്ത് പ്രബുദ്ധനും, സാമ്പത്തിക റിപ്പോർട്ട് കെ.പി.എ ട്രഷറർ മനോജ് ജമാലിനും കൈമാറി.

തുടർന്ന് 2026-28 കാലയളവിലേക്കുള്ള പുതിയ ഭരണസമിതിയുടെ തിരഞ്ഞെടുപ്പ് നടന്നു. കെ.പി.എ സെക്രട്ടറി അനിൽകുമാർ, ഏരിയ കോഓർഡിനേറ്റർ വിനീത് അലക്സാണ്ടർ എന്നിവർ വരണാധികാരികളായിരുന്നു. ഏരിയ കമ്മിറ്റിയിൽ നിന്നും സെൻട്രൽ കമ്മിറ്റിയിലേക്കുള്ള പ്രതിനിധിയായി തോമസ് ബി കെ യെ തിരഞ്ഞെടുത്തതായി വിനീത് അലക്സാണ്ടർ പ്രഖ്യാപിച്ചു.

പുതിയ ഏരിയ ഭാരവാഹികളായി അജേഷ് വി പി (പ്രസിഡന്റ്), ശ്രീലാൽ ഓച്ചിറ (സെക്രട്ടറി), ജി വി രാജീവ് (ട്രഷറർ), അരുൺ ജയകുമാർ (വൈസ് പ്രസിഡന്റ്), ഉഷാന്ത് പ്രശാന്ത് (ജോയിന്റ് സെക്രട്ടറി) എന്നിവരെ തിരഞ്ഞെടുത്തതായി കെ.പി.എ സെക്രട്ടറി അനിൽകുമാർ ഔദ്യോഗികമായി പ്രഖ്യാപിച്ചു.

നിയുക്ത കമ്മിറ്റിയുടെ യോഗത്തിൽ സെക്രട്ടേറിയറ്റ് അംഗങ്ങളായ പ്രശാന്ത് പ്രബുദ്ധൻ, മനോജ് ജമാൽ, അനിൽ കുമാർ, രജീഷ് പട്ടാഴി, സ്ഥാപക ജനറൽ സെക്രട്ടറി ജഗത് കൃഷ്ണകുമാർ, സെൻട്രൽ കമ്മിറ്റി അംഗങ്ങളായ സജീവ് ആയൂർ, ബിജു ആർ പിള്ള എന്നിവർ ആശംസകൾ അർപ്പിച്ചു സംസാരിച്ചു. ഏരിയയിലെ പ്രവാസി സമൂഹത്തിന്റെ ക്ഷേമവും ജീവകാരുണ്യ പ്രവർത്തനങ്ങളും മുൻനിർത്തിയുള്ള വിപുലമായ കർമ്മപരിപാടികളുമായി പുതിയ കമ്മിറ്റി മുന്നോട്ടുപോകുമെന്ന് ഭാരവാഹികൾ അറിയിച്ചു. നിയുക്ത ട്രഷറർ ജി വി രാജീവ് നന്ദി രേഖപ്പെടുത്തിയതോടെ സമ്മേളന നടപടികൾ സമാപിച്ചു.

The post കൊല്ലം പ്രവാസി അസോസിയേഷൻ ഗുദൈബിയ ഏരിയക്ക് പുതിയ നേതൃത്വം appeared first on Starvision News Malayalam.