തിരുവനന്തപുരം: കാലവർഷം ശക്തിപ്പെട്ടിട്ടും പതിവുപോലെ ജനങ്ങൾക്ക് ആശങ്ക സൃഷ്ടിക്കുന്ന നടപടികളാണ് സംസ്ഥാന സർക്കാരിന്റെ ഭാഗത്ത് നിന്നുണ്ടാകുന്നതെന്ന് ബി ജെ പി സംസ്ഥാന അധ്യക്ഷൻ രാജീവ് ചന്ദ്രശേഖർ. ഇന്ന് മാത്രം എട്ട് മരണങ്ങളാണ് മഴക്കെടുതി മൂലം സംസ്ഥാനത്ത് ഉണ്ടായതെന്നും രാജീവ് ചൂണ്ടികാട്ടി. ജനങ്ങൾ ദുരിതം അനുഭവിക്കുമ്പോൾ രാഷ്ട്രീയം പറയുകയല്ല, പക്ഷേ ഈ വീഴ്ചകൾ ചൂണ്ടിക്കാട്ടിയില്ലെങ്കിൽ അത് ഗുരുതര പ്രത്യാഘാതങ്ങളിലേക്ക് പോകും. 2018 ലെ മഹാപ്രളയവും വയനാട് ദുരന്തവും എല്ലാം നമ്മുടെ കൺമുൻപിൽ ദുരനുഭവമായി നിൽക്കുമ്പോൾ അത്തരം അവസ്ഥകൾ ഇനി ഉണ്ടാകാതിരിക്കാൻ സംസ്ഥാന സർക്കാർ യാതൊരു മുന്നൊരുക്കങ്ങളും സ്വീകരിക്കുന്നില്ല എന്നത് ആശ്ചര്യപ്പെടുത്തുന്നുവെന്നും ബി ജെ പി സംസ്ഥാന അധ്യക്ഷൻ അഭിപ്രായപ്പെട്ടു.

നിലവിൽ കേരളത്തിലെ ഡാമുകളിൽ റൂൾ കർവ് പ്രകാരം വേണ്ട ജലത്തിന്റെ മൂന്നിരട്ടി ജലമാണ് ഉള്ളത്. ഡാം മാനേജ്മെന്റിൽ വലിയ പരാജയമാണ് ഇത് ചൂണ്ടിക്കാട്ടുന്നത്. സമാനസ്ഥിതിയായിരുന്നു 2018 ലും. വിവിധ വകുപ്പുകളെ ഏകോപിപ്പിച്ച് മഴക്കാലപൂർവ ശുചീകരണവും മുന്നൊരുക്കങ്ങളും നടത്തുന്നതിൽ കേരളം വീഴ്ച വരുത്തിയതിൻ്റെ തെളിവാണ് കഴിഞ്ഞ കുറച്ച് ദിവസങ്ങളായി ജനങ്ങൾ അനുഭവിക്കുന്നത്. സംസ്ഥാനത്തെ നഗരങ്ങൾ മുഴുവൻ വെള്ളക്കെട്ടായി മാറുകയാണ്. പി ഡബ്ല്യു ഡി റോഡുകൾ താറുമാറായി, കോടതി പോലും സംസ്ഥാന സർക്കാരിനെ ഈ വിഷയത്തിൽ ശകാരിച്ചു. അപകട സാധ്യതയുള്ള മരങ്ങൾ കണ്ടെത്തി മുറിച്ചുനിൽക്കുന്ന നടപടി മുൻകൂട്ടി സ്വീകരിക്കാത്തതിന്റെ പരിണിതഫലമാണ് റെയിൽ, റോഡ് ഗതാഗതങ്ങൾ മരം വീണ തടസ്സപ്പെടുന്നത്. ഇതേ പ്രശ്നം തന്നെയാണ് കെ എസ് ഇ ബിയും നേരിട്ടത് – മരങ്ങൾ വീണതിനെ തുടർന്ന് പതിനായിര‌ത്തിയിലധികം ഇലക്ട്രിക് പോസ്റ്റുകളാണ് തകർന്നത്. മറിഞ്ഞു വീണ ഭൂരിഭാഗം മരങ്ങളും മഴയ്ക്ക് മുൻപേ മുറിച്ചുമാറ്റാൻ കഴിയുന്നതായിരുന്നു. എന്നാൽ ഏകോപനമില്ലായ്മ കാര്യങ്ങളെ കൂടുതൽ അവതാളത്തിലാക്കുന്നു. മഴ അലർട്ട് നൽകുകയും വിദ്യാഭ്യാസ സ്ഥാപനങ്ങൾക്ക് അവധി നൽകുകയും, ഒരു മണിക്കൂർ നീളുന്ന വാർത്താസമ്മേളനം നടത്തുകയും അല്ലാതെ കാലവർഷത്തെ നേരിടാൻ യാതൊരു മുന്നൊരുക്കങ്ങളും സംസ്ഥാന സർക്കാരിന്റെ ഭാഗത്ത് നിന്ന് സ്വീകരിച്ചിട്ടില്ല.

പി എം ആവാസ് യോജന അടക്കമുള്ള കേന്ദ്ര പദ്ധതികൾ സി പി എം അട്ടിമറിച്ചതോടെ നിരവധി നിർധനരാണ് സുരക്ഷിതമായ വീടില്ലാതെ ഈ മഴയിൽ ആശങ്കയിൽ കഴിയുന്നത്. ഇടുക്കിയിൽ ഉൾപ്പെടെ സംസ്ഥാന സർക്കാർ ലൈഫ് മിഷൻ പദ്ധതിയിൽ നിർമ്മിച്ച ഫ്ലാറ്റുകളുടെ മേൽക്കൂരയും ഭിത്തിയും ഇളകി വീണ് ചോർന്നൊലിക്കുകയാണ്. ഇവിടെ കഴിയുന്ന ജനങ്ങളും ആശങ്കയിലാണ്. സുരക്ഷിതമല്ലാത്ത ഫ്ലാറ്റുകളിൽ കഴിയാൻ പേടിയാകുന്നു എന്ന് അവർ തന്നെ വ്യക്തമാക്കിയിട്ടുണ്ട്. 2018 ലേതുപോലെ അർദ്ധരാത്രിയിൽ അറിയിപ്പ് നൽകി ജനങ്ങളെ വെള്ളത്തിൽ മുക്കാതെ, ഇനിയെങ്കിലും ഉണർന്ന് പ്രവർത്തിക്കാൻ സംസ്ഥാന സർക്കാർ തയ്യാറാവണം. ബി ജെ പിയുടെ പഞ്ചായത്ത്, ജില്ലാതലത്തിലുള്ള പ്രവർത്തകരോട് ദുരിതം അനുഭവിക്കുന്ന ജനങ്ങൾക്ക് സഹായം എത്തിക്കാൻ ആവശ്യമായതെല്ലാം ചെയ്യാനുള്ള നിർദ്ദേശവും നൽകിയിട്ടുണ്ട്. കേരളത്തിലെ ജനങ്ങൾക്ക് സഹായമായി ബി ജെ പി പ്രവർത്തകർ പൂർണ്ണമായും സേവനസജ്ജരായി രംഗത്തുണ്ടാവും. ദുരന്ത നിവാരണ ഫണ്ടിലെ കേന്ദ്ര സഹായം ജനങ്ങൾക്ക് കൈമാറാൻ സംസ്ഥാന സർക്കാർ തയ്യാറാവണം. ദുരിതാശ്വാസ പ്രവർത്തനങ്ങൾക്ക് ഉപയോഗിക്കാനുള്ളതാണ് ദുരിതാശ്വാസ ഫണ്ടെന്ന് സംസ്ഥാന സർക്കാർ മറന്നു പോകുന്നതായും രാജീവ് ചന്ദ്രശേഖർ കുറ്റപ്പെടുത്തി.

The post കാലവർഷക്കെടുതി അതിരൂക്ഷം, 2018 ആവർത്തിക്കരുത്, സംസ്ഥാന സർക്കാർ നോക്കുകുത്തി; ജാഗ്രത വേണം: രാജീവ്‌ ചന്ദ്രശേഖർ appeared first on Starvision News Malayalam.

ന്യൂഡല്‍ഹി: കേരളത്തില്‍ കാലവര്‍ഷം എത്തിയതായി കേന്ദ്ര കാലാവസ്ഥാ വകുപ്പിന്റെ സ്ഥിരീകരണം. കേരളത്തിലും രാജ്യത്തെ വടക്കുകിഴക്കന്‍ സംസ്ഥാനങ്ങളിലും കാലവര്‍ഷം എത്തിച്ചേര്‍ന്നതായി കാലാവസ്ഥാ വകുപ്പ് അറിയിച്ചു.

ശക്തമായ മഴയ്ക്കുള്ള സാധ്യത കണക്കിലെടുത്ത് കേന്ദ്ര കാലാവസ്ഥാ വകുപ്പ് സംസ്ഥാനത്തെ എല്ലാ ജില്ലകളിലും യെല്ലോ അലര്‍ട്ട് പ്രഖ്യാപിച്ചു. ഈയാഴ്ച എല്ലാ ദിവസവും മിക്ക ജില്ലകളിലും മഴ മുന്നറിയിപ്പുണ്ട്.

സാധാരണ നിലയില്‍ ജൂണ്‍ 1 ന് എത്തേണ്ട് കാലവര്‍ഷം ഇത്തവണ രണ്ട് ദിവസം മുമ്പ് എത്തിച്ചേര്‍ന്നു. സംസ്ഥാനത്ത് വെളളിയാഴ്ചയോ വ്യാഴാഴ്ചയോ കാലവര്‍ഷം എത്തുമെന്നായിരുന്നു പ്രവചനം.

ജൂണ്‍ 5ടെ കൂടുതല്‍ വടക്കുകിഴക്കന്‍ സംസ്ഥാനങ്ങളിലേക്ക് മണ്‍സൂന്‍ വ്യാപിക്കുമെന്നുമാണ് റിപ്പോര്‍ട്ട്. റിമാല്‍ ചുഴലിക്കാറ്റിന്റെ സ്വാധീനം ബംഗാള്‍ ഉള്‍ക്കടലില്‍ മണ്‍സൂണ്‍ ശക്തി പ്രാപിച്ചതിന് കാരണമായി.

കഴിഞ്ഞ രണ്ട് ദിവസമായി വടക്കുകിഴക്കന്‍ സംസ്ഥാനങ്ങളില്‍ അതിശക്തമായ മഴയാണ് പെയ്തത്. കൂടാതെ, കഴിഞ്ഞ രണ്ട് ദിവസങ്ങമായി കേരളത്തിലും മണ്‍സൂണ്‍ ആരംഭിക്കുന്നതിന്റെ ലക്ഷണങ്ങള്‍ കാണിച്ച് ശക്തമായ മഴ പെയ്തതായും എഎംഡി ഡയറക്ടര്‍ ജനറല്‍ എം മൊഹപത്ര പറഞ്ഞു.

The post കേരളത്തില്‍ കാലവര്‍ഷം എത്തിയതായി കേന്ദ്ര കാലാവസ്ഥാ വകുപ്പിന്റെ സ്ഥിരീകരണം appeared first on Starvision News Malayalam.

The post തട്ടിപ്പ് കേസിൽ സുധാകരന്റെ പേര് പറഞ്ഞില്ലെങ്കിൽ ഭാര്യയും മകളും ജീവനോടെ ഉണ്ടാകില്ലെന്ന് ഡി‌വൈ‌എസ്‌പി ഭീഷണിപ്പെടുത്തി; കോടതിയിൽ ആരോപണമുന്നയിച്ച് മോൻസൺ appeared first on Starvision News Malayalam.

അതേസമയം മനസാ വാചാ അറിയാത്ത കാര്യമാണെന്നും തനിക്ക് പോക്‌സോ കേസുമായി ബന്ധമില്ലെന്നും കെ സുധാകരൻ വാർത്താസമ്മേളനത്തിൽ പ്രതികരിച്ചു. ആരോപണത്തിന് പിന്നിൽ സി പി എം ആണെന്നും കെ സുധാകരൻ പറഞ്ഞു. താനവിടെയുണ്ടായിരുന്നുവെന്ന് അതിജീവിത പറഞ്ഞിട്ടില്ല. സാക്ഷികളാരും പറഞ്ഞിട്ടില്ല. ഇര നൽകാത്ത മൊഴി സി പി എമ്മിന് എങ്ങനെ കിട്ടിയെന്ന് വ്യക്തമാക്കണം. ആരോപണം തെളിയിച്ചാൽ രാഷ്‌ട്രീയ ജീവിതം അവസാനിപ്പിക്കും. 164 രഹസ്യമൊഴിയാണ് പെൺകുട്ടി നൽകിയത്. അതെങ്ങനെ സി പി എമ്മിന് ലഭ്യമായെന്നതിൽ വ്യക്തത വരുത്തണമെന്നും സുധാകരൻ പറഞ്ഞു. ആരോപണം പുച്ഛിച്ച് തള്ളുന്നുവെന്നും എം വി ഗോവിന്ദനെതിരെ നിയമനടപടിയുമായി മുന്നോട്ടുപോകുമെന്നും കെ സുധാകരൻ കൂട്ടിച്ചേർത്തു

The post എം വി ഗോവിന്ദനെതിരെ കലാപാഹ്വാനത്തിന് കേസെടുക്കണം,​ഡി ജി പിക്ക് പരാതി appeared first on Starvision News Malayalam.

സംഘടനയുടെ ഡയരക്ടർ ബോർഡ് എന്ന ഒരിക്കലും മാറാത്ത ഒരു സംവിധാനത്തിന്റെ ജാഗ്രത കുറവും ആരെയും സംഘടനയുടെ തലപ്പത്തെക്ക് യാതൊരു കൂട്ടായ ആലോചനയും ഇല്ലാതെ കൊണ്ട് വരാം എന്ന പ്രവർത്തിമൂലമാണ് പി എം എഫ് എന്ന പ്രസ്ഥാനം പൊതുജന മധ്യത്തില്‍ അപഹാസ്യമായിരിക്കുകയാണ് ഗ്ലോബല്‍ ഡയറക്ടര്‍ ബോര്‍ഡിലെ ചിലരുടെ താല്പര്യങ്ങള്‍ക്ക് വഴാങ്ങാന്‍ സൗദിയിലെ പി എം എഫ് നേതാക്കളും അണികളും തയ്യാറല്ലായെന്ന്‍ ഭാരവാഹികള്‍ പറഞ്ഞു..

ലോകത്തു വിവിധ രാജ്യങ്ങളിൽ കമ്മിറ്റികൾ ഉണ്ടങ്കിലും സൗദിയിലെ പി എം എഫ് പ്രവർത്തകരുടെ ജീവകാരുണ്യ പ്രവർത്തനങ്ങൾ ആണ് ഗ്ലോബൽ തലത്തിൽ എപ്പോഴും ഉയർത്തി കാട്ടുന്നത്. ലോക കേരള സഭയിലേക്ക് പോലും ഈ പ്രവർത്തനങ്ങളുടെ വീഡിയോയും ഫോട്ടോയും റിപ്പോർട്ടുകളും കാണിചാണ് പ്രതിനിധികളെ അയച്ചത്. യൂറോപ്പ് കമ്മിറ്റികളിൽ നിന്ന് ലോക കേരള സഭയിലേക്ക് പ്രതിനിധികളെ അയചപ്പോഴും സൗദിയിൽ നിന്ന് ഒരംഗത്തെ പോലും തിരഞ്ഞെടുത്തില്ല.

ഇതൊന്നും ഗ്ലോബൽ കമ്മിറ്റിയിൽ ചർച്ച ചെയ്യാതെ ആയിരുന്നു. ഇങ്ങനെയൊക്കെയുള്ള വിഷയങ്ങൾ പല തവണ നേതൃത്വത്തിനോട് അറിയിച്ചിട്ടും യാതൊരു പ്രതികരണവും നാളിത് വരെ ഉണ്ടായില്ല. 2022 ജനുവരിയിൽ നടക്കാനിരിക്കുന്ന ഗ്ലോബൽ മീറ്റിൽ ഈ വിഷയങ്ങളിൽ ചർച്ചയും ബൈലോ അമേന്റ്റ്മെന്റും ആവശ്യപ്പെട്ടിട്ട് നാളിതുവരെ അനുകൂല മറുപടി ഉണ്ടായില്ല. സൗദിയിലെ പി എം എഫ് പ്രവർത്തകർ ഗ്ലോബൽ കമ്മിറ്റിയുമായി സഹകരണം നിർത്തി പി എം എഫ് സൗദി അറേബ്യ എന്ന സംവിധാനത്തിലേക്ക് പോകാൻ സൗദി നാഷണൽ കമ്മിറ്റിയിലെ ഭൂരിഭാഗം റീജിണൽ കമ്മീറ്റി ഭാരവാഹികളും തീരുമാനി ച്ചിരുന്ന സമയത്താണ് പുരാവസ്തു തട്ടിപ്പ് കേസ് വന്നിരിക്കുന്നത്. ഭാരവാഹികള്‍ തുടര്‍ന്നു..

മോന്‍സണ്‍ എന്ന വിവാദ തട്ടിപ്പ് കാരനെ കഴിഞ്ഞ ഗ്ലോബൽ കമ്മിറ്റിയാണ് യാതൊരു ചർച്ചയും നിഗമനങ്ങളും ഇല്ലാതെ രക്ഷാധികാരി സമിതിയിലേക് നോമിനെറ്റ് ചെയ്തത്. ആ സമയത്ത് തന്നെ വിയോജി പ്പുകൾ അറിയിച്ചിരുന്നു എങ്കിലും ബൈലോയിലെ ഡയരക്ടർ ബോർഡ് അധികാരങ്ങൾ ചൂണ്ടി കാണിച്ചു വിഷയങ്ങൾ ചർച്ച ഇല്ലാതെ ആയി പോയി. അങ്ങനെയുള്ള സാഹചര്യത്തിൽ ഈ പേരുദോഷം പേറി സൗദിയിലെ പ്രവർത്തകർക്ക് പി എം എഫ് ഗ്ലോബൽ എന്ന സംവിധാനത്തിൽ മുന്നോട്ട് പോകാൻ സാധിക്കാത്ത സാഹചര്യമാണ് ഇപ്പോൾ ഉള്ളത്.

വിവിധ റിജിനൽ കമ്മിറ്റികൾ അടിയന്തിരമായി വിളിച്ചു ഇപ്പോഴത്തെ സാഹചര്യം വിശദമായി ചർച്ച ചെയ്തത്തിന്റെ അടിസ്ഥാനത്തിൽ സൗദി നാഷണൽ കമ്മിറ്റി 5 തവണ ഓൺലൈനിൽ കൂടിയാണ് ചില തീരുമാന ങ്ങളിലേക്ക് പോകുന്നത്. ലക്ഷകണക്കിന് രൂപയുടെ ജീവകാരുണ്യ പ്രവർത്തികൾ നാട്ടിലും സൗദിയിലും നടത്തിയിട്ടുള്ള സാധാരണ പ്രവർത്തകരുടെ ഈ കൂട്ടായ്മ ഇനി സൗദിയിൽ ഗ്ലോബൽ കമ്മിറ്റിയുമായി വേറിട്ട് പ്രവാസി മലയാളി ഫെഡറേഷൻ സൗദി അറേബ്യ മുന്നോട്ട് പോകാൻ ഒക്ടോബർ 3 ന് കൂടിയ നാഷണൽ കമ്മിറ്റി തീരുമാനിക്കുക യാണ് ഉണ്ടായത്.

സൗദി പ്രവാസി മലയാളി ഫെഡറേഷൻ എന്ന പുതിയ സംവിധാനത്തിന്റെ പ്രവർത്തനം മേഖല പ്രധാനമായും സൗദി തന്നെ ആയിരിക്കും. പി എം എഫ് ന്റെ ലോഗോ ഉപയോഗിക്കില്ല. രക്ഷധികാരി സമിതി എന്ന സംവിധാനം ഉണ്ടാവില്ല. താഴെ തട്ടിൽ നിന്നും ജനാധിപത്യ രീതിയിൽ മെമ്പർഷിപ് അടിസ്ഥാനത്തിൽ ഉള്ള തിരഞ്ഞെടുപ്പിൽ പുതിയ ഭാരവാഹികൾ 2022 ൽ നിലവിൽ വരും.

അതിന്റെ നടപടികൾക്കായി പത്ത് അംഗ അഡ്ഹോക്ക് കമ്മിറ്റി നില വിൽ വന്നു. ബൈലോ, നാട്ടിലെ രെജിസ്ട്രേഷൻ, നോർക്ക രെജി സ്ട്രേഷൻ അടക്കം ഈ കാലയളവിൽ നിലവിൽ വരും. നിലവിൽ ഉള്ള പി എം എഫ് റീജിണൽ, നാഷണൽ തലത്തിൽ ഉള്ള കമ്മിറ്റികൾ ഇതോടെ മരവിപ്പിക്കുകയും പുതിയ സംവിധാനത്തിലേക്ക് മാറുകയും ചെയ്യും.

പി എം എഫ് സൗദി ഘടകത്തിലെ നിലവിലെ അംഗങ്ങളുടെ മെമ്പർ ഷിപ് പുതുക്കുകയും പുതിയാതായി സംഘനയിലേക്ക് വരുന്നവർക്ക് അംഗ്വതം വിശദമായ സ്‌ക്രൂട്ടീനിംഗ് കഴിഞ്ഞ് നൽകുന്നതുമാണ്. സൗദിയിൽ നിന്നുള്ള ഗ്ലോബൽ അംഗങ്ങൾ, നാഷണൽ ഭരവഹികൾ എല്ലാം ഗ്ലോബൽ കമ്മിറ്റിക്ക് രാജി സമർപ്പിച്ചു കഴിഞ്ഞു. സൗദിയിലെ ജീവകാരുണ്യ പ്രവർത്തനങ്ങൾ നല്ലത് പോലെ അറിയാവുന്ന മറ്റു ഗൾഫ് രാജ്യങ്ങളിലെ വിവിധ കമ്മിറ്റികൾ ഇതിനകം സൗദി പി എം എഫ് നോട് പിന്തുണ പ്രഖ്യാപിച്ചിട്ടുണ്ട്. ഭാവിയിൽ അവരുമായി ചേർന്നു തികച്ചും ജി സി സി രാജ്യങ്ങളിൽ കേന്ദ്രകരിച്ചു പി എം എഫ് മുന്നോട്ട് പോകു മെന്ന് സൗദി ഭാരവാഹികള്‍ വാര്‍ത്താസമ്മേളനത്തില്‍ അറിയിച്ചു.

വാര്‍ത്താസമ്മേളനത്തില്‍ നൗഫൽ മടത്തറ (ഗ്ലോബൽ അസോസിയേറ്റ് കോഡിനേറ്റർ,ഗ്ലോബൽ കമ്മീറ്റി) ,സുരേഷ് ശങ്കർ (കോഡിനേറ്റർ-നാഷണൽ കമ്മിറ്റി ), ഡോ. അബ്ദുൽ നാസർ പ്രസിഡന്റ്‌-നാഷണൽ കമ്മിറ്റി ). ഷിബു ഉസ്മാൻ (ജനറൽ സെക്രട്ടറി-നാഷണൽ കമ്മിറ്റി )
ജോൺസൺ മാർക്കോസ് (ട്രഷറർ-നാഷണൽ കമ്മിറ്റി ).മുജിബ് കായംകുളം, പ്രസിഡണ്ട്‌ റിയാദ് സെൻട്രൽ കമ്മിറ്റി ), ജിബിൻ സമദ് കൊച്ചി, (ജനറൽ സെക്രട്ടറി, റിയാദ് ), .സവാദ് അയത്തിൽ (ജനറൽ സെക്രട്ടറി, അൽഘർജ്ജ് ), സലിം വാലിലപ്പുഴ (കോഡിനേറ്റർ, റിയാദ്), .പോൾ പൊട്ടക്കൽ (പ്രസിഡണ്ട്‌ അല്‍ ഖർജ്ജ്) എന്നിവര്‍ പങ്കെടുത്തു.

The post മോൺസൺ മാവുങ്കലിൻറെ അറസ്റ്റോടെ പ്രവാസി മലയാളി ഫെഡറേഷൻ ഗ്ലോബൽ പിളര്‍ന്നു appeared first on Starvision News Malayalam.