സംഭവം നടന്ന സ്ഥലത്ത് ഒരു വാഗണർ കാർ കിടപ്പുണ്ടായിരുന്നു. പരിചയമില്ലാത്ത ഈ കാർ സ്ഥലത്ത് ഏറെ നേരം കറങ്ങുന്നുണ്ടായിരുന്നുവെന്നും നാട്ടുകാരിൽ ചിലർ പറഞ്ഞു. ഈ കാർ പെട്ടെന്ന് അപ്രത്യക്ഷമായതോടെ നാട്ടുകാർക്ക് സംശയമായി. നാട്ടുകാരുടെ തെരച്ചിലിൽ അല്പം അകലെ പാർക്ക് ചെയ്ത നിലയിൽ കാർ കണ്ടെത്തി. തടഞ്ഞുവച്ചതോടെ പൊലീസ് സ്ഥലത്തെത്തി. പൊലീസുകാരെ കണ്ടതോടെ കാർ ഡ്രൈവർ തന്റെ പക്കലുണ്ടായിരുന്ന മൊബൈൽ ഫോണുകളിലൊന്ന് കുറ്റിക്കാട്ടിലേക്ക് വലിച്ചെറിഞ്ഞു. ഇതോടെ സംശയം ബലപ്പെട്ട പൊലീസ് കാറിലുണ്ടായിരുന്നയാളെ കസ്റ്റഡിയിലെടുത്ത് ചോദ്യം ചെയ്തു. പൊലീസ് വിരട്ടിയതോടെ സംഭവം ആക്രമിക്കപ്പെട്ടയാളുടെ മരുമകന്റെ ക്വട്ടേഷനായിരുന്നുവെന്ന് സുഹൃത്ത് വെളിപ്പെടുത്തി. തൊട്ടുപിന്നാലെ സ്റ്റേഷനിലേക്ക് വിളിച്ചുവരുത്തിയ മരുമകനും പൊലീസിന് മുന്നിൽ പിടിച്ചുനിൽക്കാനായില്ല. സംഭവം തന്റെ തിരക്കഥയാണെന്ന് തുറന്ന് സമ്മതിച്ചു.

The post മാമനെ ആക്രമിക്കാൻ ക്വട്ടേഷൻ നൽകിയ മരുമകൻ നാട്ടുകാരുടെ ഇടപെടലിൽ കുടുങ്ങി.പ്രശ്നം മാമന്റെ ചീത്തവിളി appeared first on Starvision News Malayalam.