മുതലപ്പൊഴിയിലെ തുടര്‍ച്ചയായ അപകടങ്ങള്‍ തടയാന്‍ സര്‍ക്കാര്‍ ഒന്നും ചെയ്യുന്നില്ലെന്ന വികാരമാണ് മത്സ്യത്തൊഴിലാളികള്‍ക്കും ലത്തീന്‍ സഭയ്ക്കും. സർക്കാർ വാക്കു പാലിച്ചില്ലെങ്കില്‍ മുതലപ്പൊഴി ആക്ഷൻ കൗൺസിൽ രൂപീകരിച്ച് പ്രക്ഷോഭം ശക്തമാക്കാനാണ് ആലോചന. മുതലപ്പൊഴിയില്‍ അടിഞ്ഞ കല്ലും മണലും ഡ്രഡ്ജ് ചെയ്തു നീക്കും, ലൈറ്റുകള്‍ സ്ഥാപിക്കും, കടലില്‍ ബോയ ഇടും, രക്ഷാപ്രവര്‍ത്തനത്തിന് ക്രമീകരണം ഏര്‍പ്പെടുത്തും എന്നീ ഉറപ്പുകള്‍ അടിയന്തരമായി പാലിക്കണമെന്നാണ് ആവശ്യം.

തുടർ സമര പരിപാടികളുടെ ആദ്യഘട്ടമായി കേരള ലാറ്റിൻ കാത്തലിക് അസോസിയേഷൻ സംസ്ഥാന കമ്മിറ്റിയുടെ നേതൃത്വത്തിൽ മുതലപ്പൊഴിയില്‍ പദയാത്ര നടത്തി. അഞ്ചുതെങ്ങ് പൂത്തുറയില്‍ നിന്നും പുതുക്കുറിച്ചിയിൽ നിന്നും ആരംഭിച്ച പദയാത്രകള്‍ മുതലപ്പൊഴിയിൽ സമാപിച്ചു. മുതലപ്പൊഴിയില്‍ ലോങ്ങ് ബൂം ക്രെയിൻ എത്തിച്ചെങ്കിലും പാറനീക്കുന്ന പ്രവര്‍ത്തി ഇനിയും പുനരാരംഭിച്ചിട്ടില്ല.

The post മുതലപ്പൊഴി അപകടരഹിതമാക്കണം; സമരം കടുപ്പിക്കാന്‍ ലത്തീന്‍ അതിരൂപത appeared first on Starvision News Malayalam.

തിരുവനന്തപുരം

ലത്തീൻ അതിരൂപത ആർച്ച് ബിഷപ്പ് ഡോ.തോമസ് ജെ.നെറ്റോയാണ് കേസിലെ ഒന്നാം പ്രതി. അസിസ്റ്റന്‍റ് ബിഷപ്പ് ഡോ.ആർ.ക്രിസ്തുദാസാണ് രണ്ടാം പ്രതി. ഇവരടക്കം അമ്പതോളം വൈദികരാണ് പ്രതിപ്പട്ടികയിലുള്ളത്. ആർച്ച് ബിഷപ്പും വൈദികരും ചേർന്നാണ് ഗൂഢാലോചന നടത്തിയതെന്ന് എഫ്ഐആറിൽ പറയുന്നു. രണ്ട് ലക്ഷത്തിലധികം രൂപ വിലമതിക്കുന്ന പൊതുമുതൽ നശിപ്പിച്ച കേസും നിലവിലുണ്ട്. ലഭിച്ച പരാതിക്ക് പുറമെ പൊലീസ് സ്വമേധയാ കേസെടുക്കുകയും ചെയ്തു. പ്രതിപ്പട്ടികയിലുള്ള 1 മുതൽ 15 വരെയുള്ള വൈദികർ സംഘർഷസ്ഥലത്ത് നേരിട്ട് ഹാജരായിരുന്നില്ല. എന്നാൽ, ഇവർ ഗൂഢാലോചന നടത്തിയെന്നും അതിനുശേഷം കണ്ടാലറിയാവുന്ന ആയിരത്തിലധികം പേരെ വിളിച്ചുകൂട്ടി മുള്ളൂരിലെത്തി സർക്കാരിന്റെയും ഹൈക്കോടതിയുടെയും നിർദേശങ്ങൾ ലംഘിച്ച് ബഹളമുണ്ടാക്കിയെന്നും പൊലീസ് സമർപ്പിച്ച എഫ്.ഐ.ആറിൽ പറയുന്നു.

വധശ്രമം, ഗൂഢാലോചന, നിയമവിരുദ്ധമായി സംഘം ചേരൽ, കലാപം, പൊതുമുതൽ നശിപ്പിക്കൽ തുടങ്ങിയ വകുപ്പുകൾ എഫ്.ഐ.ആറിൽ ഉൾപ്പെടുത്തിയിട്ടുണ്ട്. 96 പേരുടെ പട്ടികയാണ് എഫ്.ഐ.ആറിൽ പ്രതിചേർത്തിരിക്കുന്നത്. നേരത്തെ, മോൺസിഞ്ഞോർ യൂജിൻ പെരേര ഉൾപ്പെടെയുള്ള വൈദികർക്കെതിരെ വധശ്രമം, കലാപം, ഗൂഢാലോചന എന്നീ കുറ്റങ്ങൾ ചുമത്തി, തുറമുഖ നിർമ്മാണത്തെ എതിർത്ത സമരസമിതിക്കെതിരെ ഒമ്പത് കേസുകളും തുറമുഖ നിർമ്മാണത്തെ പിന്തുണയ്ക്കുന്ന ജനകീയ സമര സമിതിക്കെതിരെ ഒരു കേസും രജിസ്റ്റർ ചെയ്തിരുന്നു. ലഭിച്ച പരാതികളുടെ അടിസ്ഥാനത്തിലാണ് കേസെടുത്തതെന്ന് പൊലീസ് പറഞ്ഞു.

The post ഇത് ചരിത്രത്തിലെ ഏറ്റവും മോശം മുഖ്യമന്ത്രി: കേസെടുത്തതിനെതിരെ പ്രതികരണവുമായി ലത്തീൻ അതിരൂപത appeared first on Starvision News Malayalam.

അതിരൂപതയിലെ മൂന്ന് കുടുംബങ്ങളാണ് ഗാനം ആലപിച്ചിരിക്കുന്നത്. ഓണക്കാലത്തും കടലിന്റെ മക്കളുടെ ദുരിതം തുറന്നെഴുതിയ പാട്ട് ഏവരുടേയും കരളലിയിക്കും. മ്യൂസിക് വിഡിയോയുടെ സംഗീതവും രചനയും നിർവഹിച്ചിരിക്കുന്നത് സന്തോഷും ജോർജ് ജോസഫും ചേർന്നാണ്. പ്രളയ കാലത്ത് രക്ഷകരായി കടലിന്റെ മക്കൾ എത്തിയതും ഒടുവിൽ തീരത്ത് നിന്ന് അവരെ കുടിയിറക്കുന്നതും പാട്ടിൽ പറയുന്നുണ്ട്.

The post കടലിന്റെ മക്കൾക്കായി ഓരോണപ്പാട്ട്; ഗാനവുമായി ലത്തീൻ അതിരൂപത appeared first on Starvision News Malayalam.

വിഷയം സഭയിൽ ചർച്ച ചെയ്യണമെന്ന് ആവശ്യപ്പെട്ട് എംപിമാർക്കും എംഎൽഎമാർക്കും നിവേദനം നൽകിയിട്ടുണ്ട്. വിഴിഞ്ഞത്ത് മദ്യശാലകൾക്ക് ഏർപ്പെടുത്തിയ നിരോധനം സ്വാഗതാർഹമാണെന്നും അദ്ദേഹം പറഞ്ഞു. തീരശോഷണം പഠിക്കാൻ ലത്തീൻ അതിരൂപത ജനകീയ സമിതി രൂപീകരിക്കുമെന്നും പെരേര പറഞ്ഞു.

സമരം ഇന്ന് ആറാം ദിവസത്തിലേക്ക് കടന്നിരിക്കുകയാണ്. സമരത്തിന് കൂടുതൽ പിന്തുണയും ലഭിക്കുന്നുണ്ട്. സർക്കാരുമായി ചർച്ച നടത്തിയിട്ടും ഉന്നയിച്ച പ്രധാന ആവശ്യങ്ങൾ പരിഹരിക്കപ്പെടാത്തതാണ് സമരം തുടരാൻ കാരണം. ഒരു മാസം നീണ്ട മത്സ്യത്തൊഴിലാളികളുടെ സമരത്തിന്റെ നാലാം ഘട്ടമാണ് വിഴിഞ്ഞത്ത് തുടരുന്നത്. ആറ് ദിവസമായി തുറമുഖ കവാടത്തിന് മുന്നിലെ ഈ രാപ്പകല്‍ സമരമാരംഭിച്ചിട്ട്. കഴിഞ്ഞ രണ്ട് ദിവസങ്ങളിലും കവാടം കടന്ന് പദ്ധതി പ്രദേശത്ത് വലിയ പ്രതിഷേധമിരമ്പിയിരുന്നു.

The post നിയമസഭയില്‍ വിഴിഞ്ഞം സമരം ചര്‍ച്ച ചെയ്യണം: ലത്തീന്‍ അതിരൂപത appeared first on Starvision News Malayalam.