മനുഷ്യാവകാശങ്ങള്‍ സംരക്ഷിക്കുക എന്ന ലക്ഷ്യത്തോടെ, മനുഷ്യക്കടത്തിന് ഇരകളാകുന്നവരുടെ പ്രശ്‌നങ്ങളില്‍ ഇടപെടാനും മനുഷ്യക്കടത്ത് കേസുകളില്‍ നിയമനടപടികള്‍ സ്വീകരിക്കാനും പ്രത്യേക പ്രോസിക്യൂട്ടറുടെ ഓഫീസ് സ്ഥാപിച്ചിട്ടുണ്ട്. ഇത്തരം കേസുകളിലെ ഇരകള്‍ക്കും സാക്ഷികള്‍ക്കും സംരക്ഷണം നല്‍കാന്‍ പബ്ലിക് പ്രോസിക്യൂഷനുമായി സംയോജിപ്പിച്ചുകൊണ്ട് ലേബര്‍ മാര്‍ക്കറ്റ് റെഗുലേറ്ററി അതോറിറ്റി (എല്‍.എം.ആര്‍.എ) ആസ്ഥാനത്ത് ഒരു ഓഫീസ് സ്ഥാപിച്ചിട്ടുമുണ്ട്.
സമൂഹത്തില്‍ തൊഴിലാളികളുടെ അവകാശങ്ങളെക്കുറിച്ചും ചുമതലകളെക്കുറിച്ചും അവബോധം വളര്‍ത്താനും തൊഴില്‍ വിപണിയിലെ നിയമവിരുദ്ധ പ്രവര്‍ത്തനങ്ങളെ കൈകാര്യം ചെയ്യാനും എല്‍.എം.ആര്‍.എ. നടപടികള്‍ സ്വീകരിച്ചിട്ടുണ്ടെന്ന് പ്രൊട്ടക്ഷന്‍ ആന്റ് ഗ്രീവന്‍സ് സെന്റര്‍ ഡയരക്ടര്‍ സൗദ് അബ്ദുല്ല യാത്തീം പറഞ്ഞു. തൊഴില്‍ ചൂഷണം തടയാനുള്ള പരിശോധനകള്‍ ശക്തമാക്കിയിട്ടുണ്ട്. തൊഴിലാളികളുടെ അവകാശം സംരക്ഷിക്കാന്‍ രജിസ്ര്‌ടേഷന്‍ പ്രോഗ്രാമിന് തുടക്കമിട്ടിട്ടുണ്ട്. ഇലക്ട്രോണിക് വേജ് പ്രൊട്ടക്ഷന്‍ സിസ്റ്റം നടപ്പാക്കിയിട്ടുമുണ്ട്.

ഇത്തരം ശ്രമങ്ങള്‍ ഫലപ്രദമാക്കുന്നതിനു വേണ്ടി എംബസികളുമായും സാമൂഹ്യ സംഘടനകളുമായും ഇന്റര്‍നാഷണല്‍ ഓര്‍ഗനൈസേഷന്‍ ഫോര്‍ മൈഗ്രേഷന്‍, മയക്കുമരുന്ന് കുറ്റകൃത്യങ്ങള്‍ക്കെതിരായ യു.എന്‍. ഓഫീസ് തുടങ്ങിയ അന്താരാഷ്ട്ര സംവിധാനങ്ങളുമായും എല്‍.എം.ആര്‍.എ. സഹകരണം ശക്തമാക്കിക്കൊണ്ടിരിക്കയാണ്.
മനുഷ്യക്കടത്ത് ഇരകള്‍ക്ക് എല്‍.എം.ആര്‍.എയുടെ എക്‌സ്പാറ്റ് പ്രൊട്ടക്ഷന്‍ സെന്റര്‍ വഴി നടപ്പാക്കുന്ന കൗണ്‍സലിംഗ്, നിയമസഹായം, അഭയം, മറ്റു സേവനങ്ങള്‍ എന്നിവ ഗള്‍ഫ് മേഖലയില്‍ തന്നെ ശ്രദ്ധ പിടിച്ചുപറ്റിയിട്ടുണ്ട്. അന്തര്‍ദേശീയ സഹകരണങ്ങളോടെ ഇത്തരം പ്രവര്‍ത്തനങ്ങള്‍ ഊര്‍ജിതമാക്കുന്നതില്‍ രാജ്യം പ്രതിജ്ഞാബദ്ധമാണ്.

The post മനുഷ്യക്കടത്ത് തടയല്‍: അമേരിക്കന്‍ സ്‌റ്റേറ്റ് ഡിപ്പാര്‍ട്ട്‌മെന്റ് റിപ്പോര്‍ട്ടില്‍ ബഹ്‌റൈന്‍ വീണ്ടും ടയർ 1 പദവിയില്‍ appeared first on Starvision News Malayalam.

ജനീവ: തൊഴിലാളി സംഘടനാ സ്വാതന്ത്ര്യത്തിനും സാമൂഹിക സംവാദങ്ങൾക്കും ബഹ്റൈൻ നൽകുന്നത് മികച്ച പിന്തുണയാണെന്ന് തൊഴിൽ മന്ത്രിയും ലേബർ മാർക്കറ്റ് റഗുലേറ്ററി അതോറിറ്റി (എൽ.എം.ആർ.എ) ഡയരക്ടർ ബോർഡ് ചെയർമാനുമായ ജമീൽ ബിൻ മുഹമ്മദലി ഹുമൈദാൻ. സ്വിറ്റ്സർലാൻഡിൽ നടന്ന 112ആം അന്തർദേശിയ ലേബർ കോൺഫറൻസിൽ സംസാരിക്കുകയായിരുന്നു അദ്ദേഹം.
ഇതിനു പുറമെ തൊഴിലില്ലായ്മാ ഇൻഷുറൻസ്, വേതന സംരക്ഷണ നടപടികൾ എന്നിവ നടപ്പാക്കുകയും തൊഴിലാളികൾക്ക് നിയമ സംരക്ഷണം നൽകുകയും ചെയ്യുന്നു.
രാജാവ് ഹമദ് ബിൻ ഈസ അൽ ഖലീഫയുടെയുടെ നേതൃത്വത്തിലും കിരീടാവകാശിയും പ്രധാനമന്ത്രിയുമായ സൽമാൻ ബിൻ ഹമദ് അൽ ഖലീഫ രാജകുമാരന്റെ പിന്തുണയോടെയും നടപ്പാകുന്ന സമഗ്ര വികസന പദ്ധതികൾ സാമൂഹ്യ സുരക്ഷിതത്വത്തിന് ശക്തമായ അടിത്തറയൊരുക്കിയിട്ടുണ്ട്. ഉൽപാദന മേഖലയിൽ സുപ്രധാന പങ്കാളികളായ സർക്കാരും തൊഴിൽ ദാതാക്കളും തൊഴിലാളികളും മികച്ച രീതിയിൽ സഹകരിക്കുന്നുണ്ടെന്നും അദ്ദേഹം പറഞ്ഞു.

The post തൊഴിലാളി സംഘടനാ സ്വാതന്ത്ര്യത്തിന് ബഹ്റൈൻ നൽകുന്നത് മികച്ച പിന്തുണ: മന്ത്രി appeared first on Starvision News Malayalam.

മനാമ: ബഹ്‌റൈനിൽ അനധിക്യത താമസക്കാരെയും നിയമവിരുദ്ധമായി ജോലി ചെയ്യുന്നവരെയും കണ്ടെത്തുന്നതിനായുള്ള പരിശോധനകൾ തുടരുന്നു. ലേബർ മാർക്കറ്റ് റെഗുലേറ്ററി അതോറിറ്റി (എൽഎംആർഎ) ജനുവരി 21 മുതൽ 27 വരെയുള്ള ആഴ്ചയിൽ 1,002 പരിശോധനാ കാമ്പെയ്‌നുകളും സന്ദർശനങ്ങളും നടത്തി. 49 നിയമലംഘകരെ കസ്റ്റഡിയിലെടുക്കുകയും 162 നിയമലംഘകരെ നാടുകടത്തുകയും ചെയ്തു.

പരിശോധനാ കാമ്പെയ്‌നുകളും സന്ദർശനങ്ങളും തൊഴിൽ, താമസ നിയമങ്ങൾ എന്നിവയുമായി ബന്ധപ്പെട്ട നിരവധി ലംഘനങ്ങൾ കണ്ടെത്തുന്നതിന് കാരണമായി. കണ്ടെത്തിയ നിയമ ലംഘനങ്ങൾക്കെതിരെ നിയമപരമായ നടപടികൾ സ്വീകരിച്ചു. എല്ലാ ഗവർണറേറ്റുകളിലെയും വിവിധ ഷോപ്പുകളിൽ 986 പരിശോധനാ സന്ദർശനങ്ങൾ നടത്തിയതായി അതോറിറ്റി വിശദീകരിച്ചു. കൂടാതെ 16 സംയുക്ത പരിശോധന കാമ്പെയ്‌നുകളും സംഘടിപ്പിച്ചു.

നാഷണാലിറ്റി, പാസ്‌പോർട്ട് ആൻഡ് റെസിഡൻസ് അഫയേഴ്‌സ്, ജനറൽ ഡയറക്ടറേറ്റ് ഓഫ് ക്രിമിനൽ ഇൻവെസ്റ്റിഗേഷൻ ആൻഡ് ഫോറൻസിക് എവിഡൻസ്, ആഭ്യന്തര മന്ത്രാലയത്തിലെ സെന്റൻസ് എൻഫോഴ്‌സ്‌മെന്റ് ഡയറക്ടറേറ്റ്, ബഹ്റൈൻ ടൂറിസം ആൻഡ് എക്സിബിഷൻസ് അതോറിറ്റി, വ്യവസായ വാണിജ്യ മന്ത്രാലയം എന്നിവയുമായി സഹകരിച്ചാണ് വ്യാപക പരിശോധന.

രാജ്യത്തെ എല്ലാ ഗവർണറേറ്റുകളിലും പരിശോധനാ കാമ്പെയ്‌നുകൾ ശക്തമാക്കുമെന്നും തൊഴിൽ വിപണിയുടെ സ്ഥിരതയെയും മത്സരക്ഷമതയെയും പ്രതികൂലമായി ബാധിക്കുന്നതോ രാജ്യത്തിന്റെ സാമ്പത്തികവും സാമൂഹികവുമായ സുരക്ഷയെ ദോഷകരമായി ബാധിക്കുന്നതോ ആയ തൊഴിൽ നിയമ ലംഘനങ്ങൾക്കെതിരെ കർശനമായ നടപടികൾ തുടുമെന്നും അതോറിറ്റി വ്യക്തമാക്കി. നിയമ ലംഘനങ്ങൾ അതോറിറ്റിയുടെ വെബ്‌സൈറ്റായ www.lmra.gov.bh-ലെ ഇലക്ട്രോണിക് ഫോം വഴിയോ അതോറിറ്റിയുടെ 17506055 ഫോൺ നമ്പറിലോ അറിയിക്കാനും ലേബർ മാർക്കറ്റ് റെഗുലേറ്ററി അതോറിറ്റി അറിയിച്ചു.

The post എൽഎംആർഎ പരിശോധന: കഴിഞ്ഞ ആഴ്ചയിൽ 162 നിയമലംഘകരെ നാടുകടത്തി appeared first on Starvision News Malayalam.