ശനിയാഴ്ച കാഞ്ഞങ്ങാട് ഡിപ്പോയിലാണ് സംഭവം. ചുള്ളിക്കര സ്വദേശിയായ വിനോദ് ജോസഫിന് ശനിയാഴ്ച ഡ്യൂട്ടി കിട്ടിയത് പാണത്തൂര്‍-ഇരിട്ടി റൂട്ടിലാണ്. പതിവ് നടപടിക്രമമെന്ന നിലയില്‍ ചെക്കിങ് ഇന്‍സ്‌പെക്ടര്‍ ബ്രത്തലൈസറുമായി എത്തിയപ്പോഴാണ് വിനോദിന്റെ പ്രതിഷേധവും പ്രതികരണവും. ലോഗ്ഷീറ്റ് വാങ്ങി ബസ് തിരിച്ചിട്ട് കണ്ടക്ടറെ കാത്തിരിക്കുമ്പോഴാണ് ബ്രീത്ത് അനലൈസറില്‍ ഊതാത്ത ഡ്രൈവര്‍ക്ക് ഡ്യൂട്ടി നല്‍കാനാകില്ലെന്ന് അധികൃതര്‍ അറിയിച്ചത്.

മാസംതീരാറായിട്ടും പാതിശന്പളമേ കിട്ടിയുള്ളൂ. ഇതില്‍ പ്രതിഷേധിച്ചാണ് ഊതാതിരുന്നതെന്ന് ലോഗ് ഷീറ്റില്‍ ഇദ്ദേഹം എഴുതി. ലോഗ് ഷീറ്റ് തിരികെ വാങ്ങിയ അധികൃതര്‍ ഇദ്ദേഹത്തിന്റെ ഡ്യൂട്ടി മറ്റൊരു ഡ്രൈവര്‍ക്ക് നല്‍കി. രണ്ടരമണിക്കൂറോളം വിനോദ് ജോസഫ് ഡിപ്പോയില്‍ കുത്തിയിരുന്നു. ഇതിനിടെയാണ് രക്തസമ്മര്‍ദംകൂടി ജില്ലാ ആസ്പത്രിയില്‍ പ്രവേശിപ്പിച്ചത്.

മാസത്തിന്റെ തുടക്കത്തില്‍ കിട്ടുന്ന ശമ്പളം ഇങ്ങനെ വൈകിയാല്‍ എങ്ങനെ ജീവിക്കുമെന്ന് ട്രാന്‍സ്‌പോര്‍ട്ട് വര്‍ക്കേഴ്‌സ് യൂണിയന്‍ ജില്ലാ സെക്രട്ടറി കൂടിയായ വിനോദ് ജോസഫ് ചോദിക്കുന്നു. പകുതി ശമ്പളം തന്നെ കിട്ടിയത് രണ്ടാമത്തെ ആഴ്ചയാണ്. മൂന്നാഴ്ച കഴിഞ്ഞിട്ടും ബാക്കി തന്നതുമില്ല. വീടിന്റേതുള്‍പ്പെടെ പല വായ്പകളുടെയും ഗഡു അടയ്ക്കാന്‍ കഴിഞ്ഞില്ല.

ജൂണില്‍ ശമ്പളം കിട്ടാത്തതിനാല്‍ മക്കള്‍ക്ക് പുസ്തകം വാങ്ങിക്കൊടുക്കാന്‍ പോലും ഡ്രൈവര്‍മാരും കണ്ടക്ടര്‍മരും ബുദ്ധിമുട്ടി. മുന്‍പ് ഓവര്‍ടൈം, കളക്ഷന്‍ ബത്ത എന്നിവ അന്നന്ന് കിട്ടിയിരുന്നു. ഇപ്പോള്‍ ഒരു ചായ കുടിക്കാന്‍പോലും കൈയില്‍ കാശില്ലാത്ത അവസ്ഥയാണ് -അദ്ദേഹം പറയുന്നു.

The post ഊതിക്കാനുള്ള ഉഷാര്‍ ശമ്പളം തരാനും വേണം; ബ്രത്തലൈസറില്‍ ഊതാതെ കെ.എസ്.ആർ.ടി.സി. ഡ്രൈവറുടെ പ്രതിഷേധം appeared first on Starvision News Malayalam.

കോടതിയില്‍ ഹാജരാവാതിരുന്ന ചീഫ് സെക്രട്ടറിയുടെ നടപടി കോടതിയെ നാണം കെടുത്തുന്നതാണെന്ന് ജസ്റ്റിസ് ദേവന്‍ രാമചന്ദ്രന്‍ കഴിഞ്ഞ ദിവസം അഭിപ്രായപ്പെട്ടിരുന്നു. കേരളീയം പരിപാടിയുടെ തിരക്കില്‍ ആയതിനാല്‍ ഹാജരാകാന്‍ കഴിയില്ലെന്നാണ് ചീഫ് സെക്രട്ടറി അറിയിച്ചത്. ഇക്കാര്യം വ്യക്തമാക്കി ചീഫ് സെക്രട്ടറി സത്യവാങ്മൂലം സമര്‍പ്പിച്ചിരുന്നു. ചീഫ് സെക്രട്ടറി സമര്‍പ്പിച്ച സത്യവാങ്മൂലത്തില്‍ കോടതി അതൃപ്തി രേഖപ്പെടുത്തി. സമയബന്ധിതമായി ശമ്പളം കൊടുത്തുതീര്‍ക്കാനുള്ള ബാധ്യത സര്‍ക്കാരിനുണ്ടെന്ന് ഹൈക്കോടതി മുന്‍പ് വ്യക്തമാക്കിയിരുന്നു. ഉത്തരവ് പുറത്തുവന്നതിന് ശേഷവും ശമ്പളം മുടങ്ങിയതോടെയാണ് ജീവനക്കാര്‍ കോടതിയലക്ഷ്യ ഹര്‍ജി നല്‍കിയത്.

The post ‘ആഘോഷങ്ങളല്ല, മനുഷ്യരുടെ ജീവിതപ്രശ്‌നങ്ങളാണ് പ്രധാനം’; ചീഫ് സെക്രട്ടറിയെ വിമര്‍ശിച്ച് ഹൈക്കോടതി appeared first on Starvision News Malayalam.

കോഴിക്കോട്∙ കെഎസ്ആർടിസി ജീവനക്കാരുടെ ശമ്പളപ്രതിസന്ധി നീതീകരിക്കാനാകില്ലെന്ന് മുൻമന്ത്രിയും സിഐടിയു സംസ്ഥാന പ്രസിഡന്റുമായ ടി.പി. രാമകൃഷ്ണൻ. സെപ്റ്റംബർ മാസത്തെ ശമ്പളം അടുത്ത ആഴ്ച മാത്രമേ ലഭിക്കൂ. സംസ്ഥാന സർക്കാരിന്റെ ഇടപെടൽ കൊണ്ടുമാത്രമാണ് ഇപ്പോൾ തൊഴിലാളിക്ക് ശമ്പളം ലഭിക്കുന്നത്. വിഷയത്തിൽ മുഖ്യമന്ത്രിയെ നേരിൽ കാണുമെന്നും ടി.പി. രാമകൃഷ്ണൻ പറഞ്ഞു.
‘‘സെപ്റ്റംബർ മാസത്തെ ശമ്പളം ഇതുവരെ ലഭിച്ചിട്ടില്ല. അടിയന്തര ഇടപെടൽ നടത്തണമെന്ന് സർക്കാരിനോട് ആവശ്യപ്പെട്ടു. സർക്കാർ ഇപ്പോൾ ഇരുപതു കോടി രൂപ അനുവദിച്ചിട്ടുണ്ട്. അത് പണമായി 30–ാം തീയതിയെ ലഭിക്കൂ. കെഎസ്ആർടിസി ജീവനക്കാരുടെ പെൻഷനും ഇതേ പ്രതിസന്ധി നേരിടുന്നുണ്ട്. അതിലും എത്രയും പെട്ടെന്ന് പരിഹാരം കാണണം. പ്രശ്നം മുഖ്യമന്ത്രി, ധനമന്ത്രി, ഗതാഗത മന്ത്രി എന്നിവരുടെ ശ്രദ്ധയിൽപ്പെടുത്തിയിട്ടുണ്ട്.’’– ടി.പി. രാമകൃഷ്ണൻ പറഞ്ഞു.

The post കെഎസ്ആർടിസി ജീവനക്കാരുടെ ശമ്പളപ്രതിസന്ധി നീതീകരിക്കാനാകില്ല: ടി.പി. രാമകൃഷ്ണൻ appeared first on Starvision News Malayalam.

തിരുവനന്തപുരം

അതേസമയം, ശമ്പള വിതരണത്തിന് കെ.എസ്.ആർ.ടി.സിക്ക് സാമ്പത്തിക സഹായം നൽകാൻ സർക്കാരിന് നിർദ്ദേശം നൽകിയ ഹൈക്കോടതി സിംഗിൾ ബെഞ്ച് ഉത്തരവ് ജസ്റ്റിസുമാരായ എ.കെ.ജെ നമ്പ്യാർ, സി.പി മുഹമ്മദ് നിയാസ് എന്നിവരടങ്ങിയ ഡിവിഷൻ ബെഞ്ച് സ്റ്റേ ചെയ്തു. സർക്കാർ നൽകിയ അപ്പീലിലാണ് നടപടി. ഇതോടെ കെ.എസ്.ആർ.ടി.സിയിലെ 27,000 ത്തോളം ജീവനക്കാർ നിരാശരായി. ഹർജി വ്യാഴാഴ്ച കൂടുതൽ വാദം കേൾക്കാനായി മാറ്റി.

ജീവനക്കാർക്ക് ജൂലൈ മാസത്തെ ശമ്പളം പോലും ഇതുവരെ നൽകിയിട്ടില്ല. സാമ്പത്തിക സഹായം ലഭിച്ചില്ലെങ്കിൽ രണ്ട് മാസത്തെ ശമ്പളവും ഓണം അഡ്വാൻസും ഓണത്തിന് മുമ്പ് നൽകാനാവില്ലെന്നാണ് മാനേജ്മെന്‍റിന്‍റെ നിലപാട്. സിംഗിൾ ഡ്യൂട്ടിയിൽ ധാരണയിലെത്താൻ നിർദ്ദേശം നൽകിയതിനാൽ ശമ്പള വിഷയത്തിൽ മുഖ്യമന്ത്രിയുടെ ഇടപെടൽ തേടാനാണ് സിഐടിയു തീരുമാനം. സാമ്പത്തിക സഹായം നൽകാനുള്ള ഉത്തരവിനെതിരെ കോടതിയെ സമീപിക്കുന്നത് മറ്റ് പൊതുമേഖലാ കോർപ്പറേഷനുകൾക്ക് മാതൃകയാകാതിരിക്കാനാണെന്നും ഇത് കെ.എസ്.ആർ.ടി.സിയെ സഹായിക്കുമെന്നും ഉന്നത സർക്കാർ വൃത്തങ്ങൾ പറയുന്നു.

The post കെഎസ്ആർടിസി ശമ്പള പ്രതിസന്ധി; മുഖ്യമന്ത്രി യൂണിയനുകളുമായി 5ന് ചര്‍ച്ച നടത്തും appeared first on Starvision News Malayalam.

മാസം അവസാനിക്കാറായിട്ടും മുൻ മാസത്തെ ശമ്പളത്തിനായുള്ള സമരം കാണാൻ കണ്ണില്ലാത്ത കമ്മ്യൂണിസ്റ്റ് സർക്കാരിന് ത്രിപുരയും പശ്ചിമ ബംഗാളും നൽകിയ പാഠം കേരളവും ആവർത്തിക്കും.

പൊതുഗതാഗതത്തെ പെരുവഴിയാക്കി കീശ വീർപ്പിക്കാനുള്ള തന്ത്രം ജനാധിപത്യ സമൂഹം ചെറുത്തു തോല്പിക്കും. സർക്കാർ അംഗീകൃത പദ്ധതികളിലൂടെ കെ എസ് ആർ ടി സി ക്കുണ്ടായ കടവും, പെൻഷൻ ബാധ്യതയും സർക്കാർ ഏറ്റെടുക്കണം. അമിതമായി ഈടാക്കുന്ന ഡീസൽ നികുതി പിൻവലിക്കുകയും ചെയ്താൽ ആർ ടി സി ലാഭത്തിലാവും. സമരമുഖം തെരുവിലേക്ക് മാറുന്നതു വരെ സർക്കാർ കാത്തിരിക്കരുത്.

കൊല്ലം ജില്ലാ വർക്കിംഗ് പ്രസിഡൻ്റ് ജി.എസ് ഗിരീഷ് അദ്ധ്യക്ഷത വഹിച്ച ധർണ്ണയിൽ കൊല്ലം ജില്ലാ വൈസ് പ്രസിഡൻ്റ് ശശികുമാർ, തിരുവനന്തപുരം ജില്ലാ സെക്രട്ടറി ജീവൻ സി നായർ, ജോയിൻ്റ് സെക്രട്ടറി എ എൻ സുജിത്, കൊല്ലം ജില്ലാ സെക്രട്ടറി എം ഗിരീഷ് കുമാർ എന്നിവർ സംസാരിച്ചു.

The post കെ എസ് ആർ ടി സി ശമ്പള പ്രതിസന്ധി – തെരുവോരത്തെ സമരം തെരുവിലിറങ്ങും: എംപ്ലോയീസ് സംഘ് appeared first on Starvision News Malayalam.