മനാമ: കൊയിലാണ്ടിക്കൂട്ടം ഗ്ലോബൽ കമ്മ്യൂണിറ്റിയുടെ നേതൃത്വത്തിൽ കൊയിലാണ്ടി താലൂക്ക് പരിധിയിലുള്ള തെരഞ്ഞെടുക്കപ്പെട്ട വിദ്യാലയങ്ങളിലെ
അർഹതപ്പെട്ട കുട്ടികൾക്ക്
കുഞ്ഞുമനസ്സുകൾക്ക് ഒരു കുട്ടി സമ്മാനം എന്ന പേരിൽ പഠനോപകരണ വിതരണം മെയ് 27 തിങ്കളാഴ്ച സൂരജ് ഓഡിറ്റോറിയത്തിൽ കൊയിലാണ്ടി നടക്കുമെന്ന് സംഘാടക സമിതി അറിയിച്ചു. സർക്കാർ എയ്ഡഡ് സ്കൂളുകളിലെ കുട്ടികൾക്കാണ്
ഈ പദ്ധതിയുടെ പ്രയോജനം ലഭിക്കുന്നത്. കായിക വകുപ്പ് മന്ത്രി വി അബ്ദുറഹ്മാൻ പദ്ധതിയുടെ
ഉദ്ഘാടനം നിർവ്വഹിക്കും.
കെ .മുരളീധരൻ (എം പി), കാനത്തിൽ ജമീല (എംഎൽഎ), സുധ കിഴക്കേപ്പാട്ട് (ചെയർ പേഴ്സൺ കൊയിലാണ്ടി നഗരസഭ), ഗോകുലം ഗോപാലൻ
എന്നിവരുൾപ്പടെ
സാമൂഹിക സംസ്കാരിക രാഷ്ട്രീയ രംഗത്തെപ്രമുഖർ പങ്കെടുക്കും. കൊയിലാണ്ടിക്കൂട്ടം ഡൽഹിയിൽ വച്ച് നടത്തുന്ന അഞ്ചാമത് ഗ്ലോബൽ മീറ്റ്
പ്രഖ്യാപനവും ഇതോടൊപ്പം നടക്കും.

നന്മയിലൂടെ സൗഹൃദം സൗഹൃദത്തിലൂടെ കാരുണ്യം എന്ന ആപ്തവാക്യത്തിൽ ഊന്നി പ്രവർത്തിക്കുന്ന കൊയിലാണ്ടിക്കൂട്ടം, ജീവകാരുണ്യ വിദ്യാഭ്യാസ സഹായ പദ്ധതികൾ കഴിഞ്ഞ പന്ത്രണ്ട് വർഷക്കാലാമായി നടപ്പിലാക്കി വരുന്നുണ്ട്. യുഎഇ, ഖത്തർ, ഒമാൻ, ബഹ്‌റൈൻ ,കുവൈത്ത്,
റിയാദ് , ദമാം , ജിദ്ദ,
കൊയിലാണ്ടി, ഡൽഹി, ബാംഗ്ലൂർ എന്നിവിടങ്ങളിൽ കൊയിലാണ്ടിക്കൂട്ടത്തിന് ചാപ്റ്ററുകൾ ഉണ്ട്.

The post കൊയിലാണ്ടിക്കൂട്ടം സ്കൂൾ കിറ്റ് വിതരണം മെയ് 27 ന് appeared first on Starvision News Malayalam.

മനാമ: കൊയിലാണ്ടിക്കൂട്ടം ബഹ്‌റൈൻ ചാപ്റ്ററിന്റെ പുതിയ എക്സിക്യൂട്ടീവ് കമ്മിറ്റിയുടെ സ്ഥാനാരോഹണ ചടങ്ങിൽ വനിതാ വിഭാഗം കമ്മിറ്റിയുടെ ചുമതലയേൽക്കൽ ചടങ്ങുകൂടി ഉണ്ടാകുമെന്ന് ഭാരവാഹികൾ അറിയിച്ചു. ആബിദ ഹനീഫ് (ജനറൽ കൺവീനർ), അരുണിമ രാഗേഷ്, നൗഷി നൗഫൽ (ജോയിൻ കൺവീനേഴ്‌സ്), സാജിദ കരീം, രാജലക്ഷ്മി, ഷംനഗിരീഷ്, നദീറ മുനീർ (കോർഡിനേറ്റേഴ്‌സ്), സറീന ശംസു (ഫിനാൻസ് കോർഡിനേറ്റർ), രഞ്ജുഷ രാജേഷ്, അബി ഫിറോസ് (പ്രോഗ്രാം കോർഡിനേറ്റേഴ്‌സ്), ഹഫ്സ റഹ്മാൻ, ശ്രീജില, സാജിദ ബക്കർ (എക്സിക്യുട്ടീവ് കമ്മിറ്റി മെമ്പേഴ്സ്) എന്നിവരാണ് ചുമതലയേൽക്കുന്നത്.

കൊയിലാണ്ടി താലൂക്ക് നിവാസികളും, പ്രവാസ ലോകത്ത് മറ്റ് ദേശക്കാരും ഒപ്പം ചേർന്ന് പ്രവർത്തിക്കുന്ന കൊയിലാണ്ടിക്കൂട്ടം ഗ്ലോബൽ കമ്മിറ്റി നാട്ടിലും വിവിധ ചാപ്റ്ററുകളിലും കാരുണ്യ പ്രവർത്തനത്തിന് മുൻ‌തൂക്കം നൽകിയാണ് പ്രവർത്തിച്ചു വരുന്നത് എന്നും, ഫെബ്രുവരി 17 വെള്ളിയാഴ്ച കെസിഎ വി.കെ.എൽ ഹാളിൽ നടക്കുന്ന ബഹ്‌റൈൻ ചാപ്റ്റർ എക്സിക്യൂട്ടീവ് കമ്മിറ്റി, വനിതാ വിഭാഗം എന്നിവയുടെ ചുമതലയേൽക്കൽ ചടങ്ങിൽ സംഘ നൃത്തങ്ങൾ, അറബിക് ഡാൻസ്, മുട്ടിപ്പാട്ട്, ഗാനമേള എന്നിവ ഉണ്ടായിരിക്കുമെന്നും ഏവരെയും കുടുംബ സമേതം ക്ഷണിക്കുന്നതായും ഭാരവാഹികൾ അറിയിച്ചു.

The post കൊയിലാണ്ടിക്കൂട്ടം ബഹ്‌റൈൻ ചാപ്റ്റർ വനിതാ വിഭാഗം സ്ഥാനാരോഹണ ചടങ്ങ് ഫെബ്രുവരി 17 ന് appeared first on Starvision News Malayalam.