കേരളാ സോഷ്യൽ ആൻഡ് കൾച്ചറൽ അസോസിയേഷൻ (എൻ. എസ്. എസ്. ബഹ്‌റൈൻ), വ്യാഴാഴ്ച്ച, (2-1-2025) ഭാരത കേസരി മന്നത്ത് പദ്മനാഭന്റെ 147-ാം മന്നം ജയന്തിയും, 2025 വർഷത്തിന്റെ കടന്നുവരവും ആഘോഷിച്ചു. കെ. എസ്. സി. എ. ആസ്ഥാനത്ത് നടന്ന ചടങ്ങിൽ മുതിർന്ന അംഗങ്ങൾ ഉൾപ്പടെ നിരവധിപേർ പങ്കെടുത്തു. സാമൂഹിക മേഖലകളിൽ നിസ്വാർത്ഥ സേവനം നടത്തുന്ന ഡോക്ടർ ബാബു രാമചന്ദ്രൻ ഭദ്രദീപം കൊളുത്തി മുഖ്യ പ്രഭാഷണം നടത്തി. മന്നത്തു പദ്മനാഭൻ, സാർ‌വത്രിക ചിന്തകളുടേയും, സമഗ്രസേവനത്തിന്റെയും പ്രതീകം ആണെന്ന് അദ്ദേഹം നിരീക്ഷിച്ചു. മന്നത്തു പദ്മനാഭന്റെ വീക്ഷണങ്ങൾ, പ്രവർത്തനങ്ങൾ ഒരു സമുദായത്തെ മാത്രം ഉദ്ധരിക്കുന്നതിന് വേണ്ടി ആയിരുന്നില്ല, എന്നാൽ മുഴുവൻ മനുഷ്യ രാശിയുടേയും, സാമൂഹിക മാനവികതയുടേയും പോരാളി ആയിരുന്നു എന്ന് അദ്ദേഹം ഓർമിപ്പിച്ചു.

പ്രസിദ്ധ കലാകാരനും, ചിത്രകാരനുമായ സന്തോഷ് പോരുവഴി, ചടങ്ങിൽ വിശിഷ്ട അതിഥിയായിരുന്നു. പുതിയതായി അനാച്ഛാദനം ചെയ്ത മന്നത്തു പദ്മനാഭന്റെ എണ്ണഛായാചിത്രം വരയ്ക്കാനുള്ള അവസരം കിട്ടിയത് തന്റെ ജീവിതത്തിലെ അതുല്യമായ അനുഭവമായിരുന്നെന്ന് അദ്ദേഹം പ്രസ്താവിച്ചു. കെ. എസ്. സി. എ. യുടെ പ്രവർത്തനങ്ങളിൽ അഭിനന്ദിച്ച അദ്ദേഹം മുൻപോട്ടുള്ള പ്രവർത്തങ്ങളിൽ ആശംസകൾ അർപ്പിച്ചു.

കെ. എസ്. സി. എ. യുടെ പ്രവർത്തന രീതികൾ, വീക്ഷണങ്ങൾ, മുൻപോട്ടുള്ള പ്രവർത്തന ഉദ്ദേശങ്ങൾ, ഇന്നത്തെ സമൂഹത്തിന് മന്നത്തു പദ്മനാഭൻ നൽകിയിട്ടുള്ള സന്ദേശങ്ങൾ ഉൾപ്പടെ
അദേഹത്തിന്റെ വീക്ഷണങ്ങളും, കെ. എസ്. സി. എ.-യുടെ സേവനമനോഭാവവും, സാമൂഹിക പരിഷ്ക്കരണത്തിൽ അതിന്റെ പങ്കും വിശദീകരിച്ച പ്രസിഡന്റ്‌, രാജേഷ് നമ്പ്യാർ, മന്നം നല്കിയ ദീപശിഖകൾ നമ്മെ എന്നും മുന്നോട്ടു നയിക്കും എന്നും പറഞ്ഞു.

ഏതാണ്ട് 42 വർഷങ്ങൾക്ക്‌ മുൻപ്, മന്നം പദ്മനാഭന്റെ വീക്ഷണങ്ങളും, സന്ദേശങ്ങളും സമൂഹത്തിൽ പ്രചരിപ്പിക്കുന്നതിനായി പതിനെട്ടുപേർ ചേർന്ന് ബഹറിനിൽ തുടങ്ങിയ കെ. എസ്. സി. എ. ഇന്നും ഒരു ദൃഢമായ സാമൂഹിക ശക്തിയായി നിലനിൽക്കുന്നു എന്നും, വരും തലമുറിയിലേക്ക് ആ ശക്തി പകർന്നുനൽകണമെന്നും ജനറൽ സെക്രട്ടറി, അനിൽ പിള്ള തന്റെ സ്വാഗത പ്രസംഗത്തിൽ അഭിപ്രായപ്പെട്ടു.

ബഹറിനിൽ ഇപ്പോഴുള്ള കെ. എസ്. സി. എ. സ്ഥാപക അംഗങ്ങളായ പി ജി. സുകുമാരൻ നായർ, എസ്‌. എം. പിള്ള, ദേവദാസൻ നമ്പ്യാർ എന്നിവർ ചേർന്ന് ഭാരത കേസരി മന്നത്തു പദ്മനാഭന്റെ പുതിയ ഛായാചിത്രം അനാച്ഛാദനം ചെയ്തു. തുടർന്ന് ഭരണസമിതി അവരെ ആദരിക്കുകയും ചെയ്തു. കെ. എസ്. സി. എ. -ക്ക് വേണ്ടി നിസ്വാർത്ഥ സേവനം നൽകിയ വേണു നായർ, ജനാർദ്ദനൻ നമ്പ്യാർ, മോഹൻ നൂറനാട് എന്നിവരേയും ആദരിച്ചു.

ഈ പരിപാടികളിലൂടെ മന്നത്തു പദ്മനാഭന്റെ അവിസ്മരണീയ സംഭാവനകളും, കെ. എസ്. സി. എ.-യുടെ സാമൂഹിക ദൗത്യവും, നന്മയിലേക്ക് ഉന്നമനം നടത്തുന്ന പ്രവർത്തനപൈതൃകവും സദസ്സുമായി പങ്കുവെക്കാനായി. “സമൂഹത്തിന്റെ നന്മയ്ക്കായി ചേർന്ന് പ്രവർത്തിക്കുക, മന്നത്തിന്റെ പ്രബുദ്ധദീപം കൈമാറുക,” എന്ന സന്ദേശം കൊണ്ട് ചടങ്ങുകൾ ഏവർക്കും ഹൃദയംഗമമായി.

കുട്ടികളാൽ കേക്ക് മുറിച്ച് പുതു വർഷത്തെ സ്വാഗതം ചെയ്തു. ഗോപി നമ്പ്യാർ നയിച്ച ഗാനമേളയും, ലേഡീസ് വിഭാഗത്തിന്റെ നേതൃത്വത്തിൽ നൃത്ത ആദ്യപിക സൗമ്യ അഭിലാഷിന്റെ ശിക്ഷണത്തിൽ കുട്ടികളുടെ നൃത്തനൃത്തങ്ങളും സദസ്സിൽ ആവേശം നിറച്ചു.

വൈസ് പ്രസിഡന്റ്‌, അനിൽ യു. കെ പങ്കെടുത്ത ഏവർക്കും നന്ദി പ്രകാശിപ്പിച്ചു. അസിസ്റ്റന്റ് സെക്രട്ടറി, സതീഷ് കെ, എന്റർടൈൻമെന്റ് സെക്രട്ടറി, മനോജ്‌ പി, മെമ്പർഷിപ് സെക്രട്ടറി, അനൂപ് പിള്ള, സ്പോർട്സ് ആൻഡ് ഗെയിംസ് സെക്രട്ടറി, സുജിത്, ഇന്റെർണൽ ഓഡിറ്റർ, അജേഷ് നായർ എന്നിവർ ചടങ്ങുകൾക്ക് നേതൃത്വം നൽകി.

The post കെ. എസ്. സി. എ. മന്നം ജയന്തിയും, പുതുവത്സരവും ആഘോഷിച്ചു appeared first on Starvision News Malayalam.

മനാമ: അറുപത്തി മൂന്നാം വയസിൽ ഭരതനാട്യം അഭ്യസിച്ച് ബഹറിനിൽ അരങ്ങേറ്റം കുറിച്ച പ്രസന്ന ചന്ദ്രമോഹനെ, കേരള സോഷ്യൽ ആൻഡ് കൾച്ചറൽ അസോസിയേഷൻ ആദരിച്ചു. ഗുരു ഷീന ചന്ദ്രദാസിന്റെ ശിക്ഷണത്തിൽ അഭ്യസിച്ച ഭരതനാട്യം കഴിഞ്ഞ മെയ് ഇരുപത്തിനാലിനാണ് ബഹ്‌റൈൻ ഇന്ത്യൻ ക്ലബ്ബിൽ അരങ്ങേറിയത്. കെ.എസ്. സി എ വനിതാവിഭാഗം പ്രസിഡന്റ, രമ സന്തോഷ് പൊന്നാട അണിയിച്ചു. വനിതാവിഭാഗം സെക്രട്ടറി, സുമ മനോഹർ ഉൾപ്പടെ മറ്റ് വനിതാവിഭാഗം അംഗങ്ങളും ചടങ്ങിൽ പങ്കെടുത്തു.

വളരെ അപൂർവമായ ഒരു നിമിഷത്തിനാണ് കെ.എസ്‌.സി.എ. ഇന്ന് സാക്ഷ്യം വഹിച്ചത്. മുത്തശ്ശിയും രണ്ടു കുട്ടികളുടെ അമ്മയുമായ പ്രസന്ന മോഹന്റെ നിശ്ചയധാർഷ്ട്യത്തിന്റെ, പരിശ്രമത്തിന്റെ, കഠിനാധ്വാനത്തിന്റെ ഒക്കെ വിജയത്തിൽ അനുമോദനം അർപ്പിക്കാൻ ഞങ്ങൾക്ക് ഭാഗ്യമുണ്ടായി. അവരുടെ പ്രചോദനാത്മകമായ കഥ നമുക്കോരോരുത്തർക്കും പ്രചോദനവും, മാതൃകയും, പ്രായം എന്നത് ഒരു സംഖ്യ മാത്രമാണെന്ന് തെളിയിക്കുകയും ചെയ്തു. ഭാവിയിൽ ഇനിയും നിരവധി നാഴികക്കല്ലുകൾ അവർക്കും കുടുംബത്തിനും കൈവരിക്കാനാകട്ടെ എന്ന് ഞങ്ങൾ ആശംസിക്കുന്നു. പ്രസിഡന്റിന്റെ വാക്കുക്കൾ നിറഞ്ഞ കരഘോഷത്തോടെയാണ് സദസ് സ്വീകരിച്ചത്.

കെ.സ്.സി.എ ആസ്ഥാനത്തു നടന്ന ചടങ്ങിൽ പ്രസിഡന്റ്, രാജേഷ് നമ്പ്യാർ, വൈസ് പ്രസിഡന്റ്, അനിൽ യു. കെ., ജനറൽ സെക്രട്ടറി, അനിൽ പിള്ള, ജോയിന്റ് സെക്രട്ടറി, സതീഷ് കെ., മെമ്പർഷിപ് സെക്രട്ടറി, അനൂപ് പിള്ള, എന്റർടൈന്റ്‌മെന്റ് സെക്രട്ടറി, മനോജ് നമ്പ്യാർ, ഗെയിംസ് ആൻഡ് സ്പോർട്സ് സെക്രട്ടറി സുജിത് കുമാർ സന്നിഹിതരായിരുന്നു.

The post കേരള സോഷ്യൽ ആൻഡ് കൾച്ചറൽ അസോസിയേഷന്റെ ആദരം appeared first on Starvision News Malayalam.

രാജേഷ് നമ്പ്യാർ പ്രസിഡന്റ് ആയി തിരഞ്ഞെടുക്കപ്പെട്ട സമിതിയിൽ അനിൽ കുമാർ യു.കെ (വൈസ് പ്രസിഡന്റ്), അനിൽ കുമാർ പിള്ള (ജനറൽ സെക്രട്ടറി), സതീഷ് കെ. (അസിസ്റ്റന്റ് സെക്രട്ടറി), അരുൺ സി.ടി (ട്രഷറർ), മനോജ് പാലയടത്ത് (കൾച്ചറൽ ആൻഡ് ലിറ്റററി വിങ് സെക്രട്ടറി), അനൂപ് പിള്ള (മെമ്പർഷിപ് സെക്രട്ടറി), സുജിത് (സ്പോർട്സ് ആൻഡ് ഗെയിം സെക്രട്ടറി), അജേഷ് നായർ (ഇന്റെർണൽ ഓഡിറ്റർ) എന്നിവരും തിരഞ്ഞെടുക്കപ്പെട്ടു. റിട്ടേണിങ് ഓഫീസർ ആയിരുന്ന മുതിർന്ന അംഗം, ദേവദാസ് നമ്പ്യാർ, പുതിയ ഭരണ സമിതിയെ പ്രഖ്യാപിച്ചു.നന്ദി പ്രകാശിപ്പിച്ചുകൊണ്ട്, പ്രസിഡന്റ് കുടുംബാംഗങ്ങളെ അഭിസംബോധന ചെയ്തുസംസാരിക്കുകയും അടുത്ത രണ്ടുവർഷത്തേക്കുള്ള പ്രവർത്തന ആശയങ്ങൾ പങ്കുവെക്കുകയും ചെയ്തു. മുൻപോട്ടുള്ള പ്രവർത്തനങ്ങളിൽ എല്ലാ അംഗങ്ങളുടെയും പങ്കാളിത്വവും അകമഴിഞ്ഞ സഹായ സഹകരണവും അഭ്യർത്ഥിക്കുകയുണ്ടായി.

The post കേരളാ സോഷ്യൽ ആൻഡ് കൾചറൽ അസോസിയേഷൻ ഭരണസമിതിയിലേക്കുള്ള പുതിയ ഭാരവാഹികളെ പ്രഖ്യാപിച്ചു appeared first on Starvision News Malayalam.

രാജേഷ് നമ്പ്യാർ പ്രസിഡന്റ് ആയി തിരഞ്ഞെടുക്കപ്പെട്ട സമിതിയിൽ അനിൽ കുമാർ യു.കെ (വൈസ് പ്രസിഡന്റ്), അനിൽ കുമാർ പിള്ള (ജനറൽ സെക്രട്ടറി), സതീഷ് കെ. (അസിസ്റ്റന്റ് സെക്രട്ടറി), അരുൺ സി.ടി (ട്രഷറർ), മനോജ് പാലയടത്ത് (കൾച്ചറൽ ആൻഡ് ലിറ്റററി വിങ് സെക്രട്ടറി), അനൂപ് പിള്ള (മെമ്പർഷിപ് സെക്രട്ടറി), സുജിത് (സ്പോർട്സ് ആൻഡ് ഗെയിം സെക്രട്ടറി), അജേഷ് നായർ (ഇന്റെർണൽ ഓഡിറ്റർ) എന്നിവരും തിരഞ്ഞെടുക്കപ്പെട്ടു. റിട്ടേണിങ് ഓഫീസർ ആയിരുന്ന മുതിർന്ന അംഗം, ദേവദാസ് നമ്പ്യാർ, പുതിയ ഭരണ സമിതിയെ പ്രഖ്യാപിച്ചു.നന്ദി പ്രകാശിപ്പിച്ചുകൊണ്ട്, പ്രസിഡന്റ് കുടുംബാംഗങ്ങളെ അഭിസംബോധന ചെയ്തുസംസാരിക്കുകയും അടുത്ത രണ്ടുവർഷത്തേക്കുള്ള പ്രവർത്തന ആശയങ്ങൾ പങ്കുവെക്കുകയും ചെയ്തു. മുൻപോട്ടുള്ള പ്രവർത്തനങ്ങളിൽ എല്ലാ അംഗങ്ങളുടെയും പങ്കാളിത്വവും അകമഴിഞ്ഞ സഹായ സഹകരണവും അഭ്യർത്ഥിക്കുകയുണ്ടായി.

The post കേരളാ സോഷ്യൽ ആൻഡ് കൾചറൽ അസോസിയേഷൻ ഭരണസമിതിയിലേക്കുള്ള പുതിയ ഭാരവാഹികളെ പ്രഖ്യാപിച്ചു appeared first on Starvision News Malayalam.

കേരള സോഷ്യൽ ആൻഡ് കൾച്ചറൽ അസോസിയേഷൻ സ്പീക്കേർസ് ഫോറം 50 -മത് അദ്ധ്യായം (വാങ്മയം 2024) പ്രൗഡ ഗംഭീരമായി ജൂൺ 06 2024 വൈകീട്ട് 7: 30 ന് ബഹ്‌റൈൻ മീഡിയ സിറ്റി ഹാളിൽ വച്ച് ആഘോഷിച്ചു.

പ്രാർത്ഥനയോടെ ആരംഭിച്ച ചടങ്ങിൽ KSCA പ്രസിഡന്റ് പ്രവീൺ നായർ അധ്യക്ഷത വഹിച്ചു.
ന്യൂ ഇന്ത്യൻ സ്കൂൾ പ്രിൻസിപ്പാൾ ഗോപിനാഥ് മേനോൻ മുഖ്യ അതിഥിയും, ബഹ്‌റൈൻ മീഡിയ സിറ്റി ചെയർമാൻ ഫ്രാൻസിസ് കൈതാരത്ത് മുഖ്യ പ്രഭാഷകനും ആയിരുന്നു.KSCA സ്പീക്കേർസ് ഫോറം കൺവീനർ അനിൽകുമാർ യു കെ സ്വാഗതം നിർവഹിച്ച ചടങ്ങിൽ, KSCA ജനറൽ സെക്രട്ടറി സതീഷ് നാരായണൻ, KSCA സാഹിത്യ വിഭാഗം സെക്രട്ടറി രഞ്ചു രാജേന്ദ്രൻ നായർ, സ്പീക്കേർസ് ഫോറം പ്രസിഡന്റ് ഷൈൻ നായർ, മുൻ സ്പീക്കേർസ് ഫോറം പ്രസിഡന്റ് രമ സന്തോഷ്, പ്രമുഖ മാധ്യമപ്രവർത്തകൻ പ്രദീപ് പുറവങ്കര, KSCA മുൻ പ്രസിഡന്റ് സന്തോഷ് കുമാർ എന്നിവർ ആശംസ നേർന്നുകൊണ്ട് സംസാരിച്ചു.

ബഹ്‌റൈൻ സാമൂഹിക സാംസ്‌കാരിക രംഗത്തെ പ്രമുഖർ പങ്കെടുത്ത പ്രൗഢ ഗംഭീരമായ സദസിൽ
50 – മത് അദ്ധ്യായത്തിന് നാമകരണം (വാങ്മയം 2024) നൽകിയ ബാലചന്ദ്രൻ കൊന്നക്കാട്, KSCA സ്പീക്കേർസ് ഫോറം ഫൗണ്ടർ മെമ്പർ സുമിത്ര പ്രവീൺ, മെൻറ്റർ വിശ്വനാഥൻ ഭാസ്കരൻ എന്നിവർക്ക് മൊമെന്റോ നൽകി ആദരിച്ചു.
സ്പീക്കേർസ് ഫോറത്തിന്റെ പാഠ്യപദ്ധതിയിൽ ഉൾപ്പെടുന്ന നിമിഷപ്രസംഗം സാബു പാലായുടെ നേതൃത്വത്തിൽ നടത്തുകയുണ്ടായി, മൂന്ന് വ്യത്യസ്ത വിഷയങ്ങൾ നൽകുകയും അനിൽകുമാർ പിള്ള, കുമാരി റിഥി രാജീവൻ, രാജേഷ് എന്നിവർ വിഷയത്തെ ആസ്പദമാക്കി പ്രസംഗിക്കുകയും ചെയ്തുപ്രമുഖ പത്രപ്രവർത്തകനും കവിയുമായ ഈ. വി രാജീവൻ പ്രസംഗങ്ങൾ അവലോകനം ചെയ്തു.10 & 12 ക്ലാസുകളിൽ പരീക്ഷ എഴുതി വിജയിച്ച KSCA കുടുംബാഗങ്ങളുടെ കുട്ടികൾക്കും, കവിത പാരായണം ചെയ്ത ഷീജ ചന്ദ്രൻ, പ്രോഗ്രാമിന്റെ മുഖ്യ അവതാരക ലീബ രാജേഷ് എന്നിവർക്കും മൊമെന്റോ നൽകി ആദരിച്ചു.ജനപങ്കാളിത്തം നിറഞ്ഞ സദസ്സിന് KSCA സ്പീക്കേർസ് ഫോറം സെക്രട്ടറി സജിത്ത് വെള്ളിക്കുളങ്ങര നന്ദി പ്രകാശിപ്പിച്ചു .KSCA സ്പീക്കേർസ് ഫോറം പരിശീലന കളരിയിൽ പങ്കെടുക്കാൻ ആഗ്രഹിക്കുന്നവർ 33989636 എന്ന നമ്പറുമായി ബന്ധപ്പെടാവുന്നതാണ്.

The post ബഹ്‌റൈൻ കെ എസ് സി എ (എൻ എസ്സ് എസ്സ് ) സ്പീക്കേർസ് ഫോറം 50 ന്റെ നിറവിൽ. appeared first on Starvision News Malayalam.

ജനറൽ സെക്രട്ടറി സതീഷ് നാരായണൻ 600 ലധികം കുട്ടികൾ,140ൽ പരം ഇനങ്ങളിൽ മത്സരിച്ച കെ.എസ്.സി.എ ബാലകലോത്സവത്തിൽ കലാപ്രതിഭ, കലാതിലകം, ബാല തിലകം, ബാലപ്രതിഭ, നാട്യരത്ന, സംഗീത രത്ന, ഗ്രൂപ്പ്‌ ചാമ്പ്യൻ, കെ.എസ്.സി.എ സ്പെഷ്യൽ അവാർഡ് നേടിയവരെ പ്രഖ്യാപിച്ചു.

ക​ലാ​തി​ല​ക​മാ​യി ഗാ​യ​ത്രി സു​ധീ​റി​നെ​യും ക​ലാ​പ്ര​തി​ഭ​യാ​യി ശൗ​ര്യ ശ്രീ​ജി​ത്തി​നെ​യും തെ​ര​ഞ്ഞെ​ടു​ത്തു. ബാ​ല​തി​ല​കം- ആ​രാ​ധ്യ ജി​ജീ​ഷ്, ബാ​ല​പ്ര​തി​ഭ- അ​ഡ്വി​ക് കൃ​ഷ്ണ, നാ​ട്യ​ര​ത്ന- ഇ​ഷി​ക പ്ര​ദീ​പ്, നാ​ട്യ​ര​ത്ന- ന​ക്ഷ​ത്ര രാ​ജ്, സം​ഗീ​ത​ര​ത്ന-​ഗാ​യ​ത്രി സു​ധീ​ർ, ഗ്രൂ​പ് 1 ചാ​മ്പ്യ​ൻ-​ആ​ദ്യ​ല​ക്ഷ്മി എം. ​സു​ഭാ​ഷ്, ഗ്രൂ​പ് 1 ചാ​മ്പ്യ​ൻ കെ.​എ​സ്.​സി.​എ -ആ​ദി​ദേ​വ് നാ​യ​ർ, ഗ്രൂ​പ് 2 ചാ​മ്പ്യ​ൻ-​പു​ണ്യ ഷാ​ജി, ഗ്രൂ​പ് 3 ചാ​മ്പ്യ​ൻ- ഹി​മ അ​ജി​ത് കു​മാ​ർ, ഗ്രൂ​പ് 4 ചാ​മ്പ്യ​ൻ- ന​ക്ഷ​ത്ര രാ​ജ്, ഗ്രൂ​പ് 4 ചാ​മ്പ്യ​ൻ കെ.​എ​സ്.​സി.​എ – വൈ​ഗ പ്ര​ശാ​ന്ത്, ഗ്രൂ​പ് 5 ചാ​മ്പ്യ​ൻ -ഇ​ഷി​ക പ്ര​ദീ​പ്, ഗ്രൂ​പ് 5 ചാ​മ്പ്യ​ൻ കെ.​എ​സ്.​സി.​എ- സം​വൃ​ത് സ​തീ​ഷ്.

എന്റർടൈൻമെന്റ് സെക്രട്ടറി രെഞ്ചു നന്ദി പറഞ്ഞു. മലബാർ ഗോൾഡ് മാർക്കറ്റിംഗ് മാനേജർ ഹംധാൻ, അസിസ്റ്റന്റ് സെക്രട്ടറി മനോജ്‌, മറ്റു കമ്മിറ്റി മെമ്പർ മാരായ രെഞ്ചു ആർ നായർ, ശിവകുമാർ, സന്തോഷ്‌ നാരായണൻ, കാലവിഭാഗം കൺവീനർ ഷൈൻ നായർ,ബാലകലോത്സവം ജോയിന്റ് കൺവീനർ പ്രശാന്ത് എന്നിവർ വാർത്താ സമ്മേളനത്തിൽ പങ്കെടുത്തു.

The post കെ.എസ്.സി.എ ബാലകലോത്സവം ഫെബ്രുവരി 2 ന് ഇസ ടൗൺ ഇന്ത്യൻ സ്കൂളിൽ appeared first on Starvision News Malayalam.

അവധിക്ക് പോയ നിരവധി മാതാപിതാക്കളുടെ അഭ്യർത്ഥന മാനിച്ച് ബാലകലോത്സവത്തിന്റെ രജിസ്ട്രേഷൻ സപ്തംബർ അഞ്ചാം തീയതി വരെ നീട്ടുകയും ചെയ്തു.രജിസ്ട്രേഷൻ ചെയ്തവർക്ക്, വേണ്ടപ്പെട്ട ഡോക്യുമെന്റുകൾ സമർപ്പിക്കുന്നതിനായി എല്ലാദിവസവും വൈകിട്ട് 7.30 മുതൽ 9.30 വരെ ബാലകലോത്സവം ഓഫീസ് തുറന്നു പ്രവർത്തിക്കുന്നതാണെന്ന് കൺവീനർ അറിയിച്ചു. ബഹ്റൈനിലുള്ള എല്ലാം കലാപ്രേമികളുടെയും സഹകരണവും പിന്തുണയും കെ.എസ്.സി.എ ബാല കലോത്സവത്തിന് ഉണ്ടാകണമെന്ന് പ്രസിഡണ്ട് പ്രവീൺ നായർ അഭ്യർത്ഥിച്ചു.

ബഹറിനുള്ള ഇന്ത്യക്കാരുടെ കുട്ടികൾക്ക് കലാ സാഹിത്യ മേഖലയിൽ ഏറ്റവും വലിയ ഒരു മാമാങ്കത്തിനാണ് കെ.എസ്.സി.എ വേദിയൊരുക്കുന്നത് . 60ൽ പരം വ്യക്തിഗത ഇനങ്ങളും 10 ഇൽ കൂടുതൽ ഗ്രൂപ്പ് മത്സരങ്ങളും ആണ് സംഘടിപ്പിക്കുന്നത്. സപ്തംബർ മൂന്നാം വാരത്തിൽ തുടങ്ങി ഒക്ടോബർ അവസാനത്തോടുകൂടി മത്സരം പൂർത്തിയായിരിക്കാനാണ് കമ്മറ്റി തീരുമാനിച്ചിരിക്കുന്നത്. കൂടുതൽ വിവരങ്ങൾക്ക് ജനറൽ കൺവീനർ ശശിധരൻ 39898781, ജോയിൻ്റ് കൺവീനർ പ്രശാന്ത് നായർ 33279225 എന്നിവരെ ബന്ധപ്പെടാവുന്നതാണ്.

The post കെ.എസ്.സി.എ ബാലകലോത്സവം 2023 ഓഫീസ് ഉദ്ഘാടനം ചെയ്തു appeared first on Starvision News Malayalam.

മനാമ: കേരളാ സോഷ്യൽ & കൾച്ചറൽ അസ്സോസ്സിയേഷൻ സംഘടിപ്പിക്കുന്ന “ബാലകലോത്സവം 2023” ന്റെ ഭാഗമായുള്ള റജിസ്റ്റ്രേഷനുവേണ്ടിയുള്ള ഗൂഗിൾ ഫോം ജൂൺ 28 മുതൽ എല്ലാവർക്കും ലഭ്യമാകും എന്ന് ഔദ്യോഗികമായി പ്രസിഡന്റ് പ്രവീൺ നായർ കെ.എസ്.സി.എ ആസ്ഥാനത്ത് വെച്ച് നടന്ന ചടങ്ങിൽ അറിയിച്ചു. ചടങ്ങിൽ സെക്രട്ടറി സതീഷ് നാരായണൻ, കലാസാഹിത്യം സെക്രട്ടറി രെഞ്ചു നായർ , ബാലകലോത്സവം കൺവീനർ ശശിധരൻ ,മറ്റ് എക്ക്സിക്യൂട്ടീവ് കമ്മിറ്റിയംഗങ്ങളും സന്നിഹിതരായിരുന്നു

കലാ സാഹിത്യ മേഖലയിലെ ഏറ്റവും വലിയ കലാമാമാങ്കത്തിനാണ് വേദി ഉണരാൻ പോകുന്നതെന്നും കുട്ടികളുടെ കഴിവു തെളിയിക്കുന്നതിലേക്കായി വ്യക്തിഗത, ഗ്രൂപ്പുമായി നൂറോളം ഇനങ്ങളിൽ മത്സരാത്ഥികൾ മാറ്റുരയ്ക്കപ്പെടും എന്ന് പ്രസിഡന്റ് അറിയിച്ചു.
കൂടുതൽ വിവരങ്ങൾക്കായി താഴെക്കാണുന്ന നമ്പറിൽ ബന്ധപ്പെടുക.
ബാലകലോത്സവം കൺവീനർ – ശശിധരൻ -3989 8781
ജോയിന്റ് കൺവീനർ – പ്രശാന്ത് നായർ -3327 9225
ജോയിന്റ് കൺവീനർ – അനൂപ് പിള്ള -3396 9500
കലാസാഹിത്യം സെക്രട്ടറി – രെഞ്ചു നായർ – 33989636

The post കെ.എസ്.സി.എ ബാലകലോത്സവം 2023 appeared first on Starvision News Malayalam.

മനാമ: കേരള സോഷ്യൽ ആൻഡ് കൾച്ചറൽ അസോസിയേഷന്റെ നേതൃത്വത്തിൽ നടത്തുന്ന കെ എസ് സി എ ബാലകലോത്സവം 2023 ന്റെ ലോഗോ പ്രകാശനം കേന്ദ്ര വിദേശകാര്യ സഹമന്ത്രി വി മുരളീധരൻ നിർവഹിച്ചു. കെ എസ് സി എ പ്രസിഡന്റ് പ്രവീൺ നായർ, സെക്രട്ടറി സതീഷ് നാരായണൻ, ജനറൽ കൺവീനർ ശശിധരൻ, മറ്റു എക്സിക്യൂട്ടീവ് കമ്മിറ്റി അംഗം രാധാകൃഷ്ണൻ വല്യത്താൻ, ബാലകലോത്സവം ജനറൽ കൺവീനർ ശശിധരൻ എന്നിവർ ചടങ്ങിൽ സന്നിഹിതരായിരുന്നു ആയിരുന്നു. രണ്ടു ദിവസത്തെ ഔദ്യോഗിക സന്ദർശനത്തിനായി ബഹ്‌റൈനിലെത്തിയതായിരുന്നു വി മുരളീധരൻ.

65 ഓളം ഇനങ്ങളിലായി 600 ൽ പരം കുട്ടികൾ മാറ്റുരയ്ക്കുന്ന വലിയൊരു മാമാങ്കം ആണ് കെ.എസ്.സി.എ ബാലകലോത്സവം 2023. മെയ് ആദ്യം തുടങ്ങി ജൂൺ ആദ്യവാരത്തിൽ ഫിനാലെ വരുന്ന രീതിയിലാണ് ബാലകലോത്സവം ക്രമീകരിച്ചിരിക്കുന്നത്.

The post കെ.എസ്.സി.എ ബാലകലോത്സവം: ലോഗോ പ്രകാശനം കേന്ദ്ര വിദേശകാര്യ സഹമന്ത്രി വി മുരളീധരൻ നിർവഹിച്ചു appeared first on Starvision News Malayalam.

മനാമ: കേരള സോഷ്യൽ ആൻഡ് കൾച്ചറൽ അസോസിയേഷന്റെ (KSCA) നേതൃത്വത്തിൽ സംഘടിപ്പിച്ച മന്നം ജയന്തി ആഘോഷവും അവാർഡ്ദാന ചടങ്ങും ജന പങ്കാളിത്തം കൊണ്ട് ശ്രദ്ധേയമായി. ഇന്ത്യൻ സ്കൂൾ ജെഷന്മാൾ ഓഡിറ്റോറിയത്തിൽ വച്ച് നടന്ന ചടങ്ങിൽ പ്രശസ്ത സിനിമതാരം ഉണ്ണി ഉണ്ണിമുകുന്ദൻ വിശിഷ്ടാതിഥിയായിരുന്നു. 2022 ലെ മന്നം അവാർഡ് ഉണ്ണി ഉണ്ണിമുകുന്ദന് നൽകി ആദരിച്ചു. മന്നം അവാർഡ് കൂടാതെ വൈഖരി അവാർഡ് ശ്രീജിത്ത് പണിക്കർക്കും ലീഡർഷിപ് ഇൻ കമ്മ്യൂണിറ്റി സർവീസ് അവാർഡ് യൂസിഫ് യാക്കൂബ് ലോറിക്കും ഹ്യൂമാനിറ്റേറിയൻ അവാർഡ് ബാബുരാജിനും ബിസിനസ് യൂത്ത് ഐക്കൺ അവാർഡ് ശരത് പിള്ളയ്ക്കും നൽകി ആദരിച്ചു.

ശാസ്ത്രം, സാങ്കേതികം, വിദ്യാഭ്യാസം, സാംസ്‌കാരികം, സാമൂഹികം, സാമ്പത്തികം, കല, സാഹിത്യം, മാനുഷിക സേവനം തുടങ്ങിയ മേഖലകളില്‍ നിസ്വാര്‍ത്ഥ സേവനം നടത്തുന്ന പ്രഗത്ഭരായ വ്യക്തികളേയും സ്ഥാപനങ്ങളേയും അവരുടെ പ്രവര്‍ത്തനങ്ങളെ പ്രോത്സാഹിപ്പിക്കുന്നതിന്റെയും ഭാഗമായി ആദരിക്കുവാന്‍ കേരള സോഷ്യല്‍ ആന്റ് കള്‍ച്ചറല്‍ അസോസിയേഷന്‍ ഏര്‍പ്പെടുത്തിയതാണ് മന്നം അവാര്‍ഡ്. കെ.എസ്.സി.എ പ്രസിഡന്റ് പ്രവീൺ നായർ അധ്യക്ഷത വഹിച്ച ചടങ്ങിൽ ജനറൽ സെക്രട്ടറി സതീഷ് നാരായണൻ സ്വാഗതം പറഞ്ഞു.

വിപുലമായ രീതിയിൽ സംഘടിപ്പിച്ച മന്നം ജയന്തി ആഘോഷവും അവാർഡ് ദാനച്ചടങ്ങിലും ബഹറിനിലെ വിവിധ സാമൂഹിക സാംസ്കാരിക മേഖലയിലെ പ്രമുഖർ പങ്കെടുത്തു. ബഹ്‌റൈനിലെ കലാകാരന്മാരുടെ നൃത്തപരിപാടികളും അരങ്ങേറി.

The post കെ എസ് സി എ മന്നം ജയന്തി ആഘോഷവും അവാർഡ്ദാന ചടങ്ങും നടന്നു appeared first on Starvision News Malayalam.