സര്‍ക്കാരുകള്‍ക്ക് മംഗളപത്രം എഴുതലല്ല മാധ്യമപ്രവർത്തനമെന്നും നിര്‍ഭയവും സത്യസന്ധവുമായി വാര്‍ത്തകള്‍ ജനങ്ങളില്‍ എത്തിക്കുകയെന്നതാണ് മാധ്യമധര്‍മ്മമെന്നും മുന്‍ പ്രതിപക്ഷനേതാവ് രമേശ് ചെന്നിത്തല. സ്വദേശാഭിമാനി രാമകൃഷ്ണപിള്ളയെ നാടുകടത്തിയതിന്റെ 111-ാം വാര്‍ഷിക ദിനാചരണത്തോട് അനുബന്ധിച്ച് സ്വദേശാഭിമാനി സ്മാരക സമിതിയുടെ ആഭിമുഖ്യത്തില്‍ തിരുവനന്തപുരം രക്തസാക്ഷി മണ്ഡപത്തിന് എതിര്‍വശത്തുള്ള സ്വദേശാഭിമാനി സ്മാരകത്തില്‍ നടത്തിയ പുഷ്പാര്‍ച്ചനയ്ക്ക് ശേഷം പ്രസംഗിക്കുക ആയിരുന്നു അദ്ദേഹം.

സ്വതതന്ത്ര മാധ്യമപ്രവര്‍ത്തനമാണ് ജനാധിപത്യത്തിന് ഭൂഷണം. ഭീഷണിപ്പെടുത്തി നിയന്ത്രിക്കാന്‍ സര്‍ക്കാരുകള്‍ ശ്രമിക്കുന്നു. വിമര്‍ശിക്കുന്ന മാധ്യമങ്ങള്‍ക്ക് പരസ്യം നല്‍കാതെ സാമ്പത്തികമായി തളര്‍ത്തുന്ന തന്ത്രമാണ് സര്‍ക്കാരുകള്‍ പയറ്റുന്നത്. എന്നിട്ടും വഴങ്ങാത്ത മാധ്യമങ്ങളെ സര്‍ക്കാര്‍ ഏജന്‍സികളെ ഉപയോഗിച്ച് ദ്രോഹിക്കുന്നു. നരേന്ദ്ര മോദി കേന്ദ്രത്തില്‍ നടപ്പാക്കുന്നത് അതാണ്.

അഭിപ്രായ സ്വാതന്ത്ര്യത്തെ ഹനിക്കുന്നതും ജനാധിപത്യത്തെപ്പോലും അപകടത്തിലാക്കുന്ന ഭരണകൂട ഭീകരത വളര്‍ന്നു വരുന്നു. സ്വദേശാഭിമാനി രാമകൃഷ്ണപിള്ള ഓര്‍മ്മകള്‍ മുന്നോട്ടുള്ള പ്രയാണത്തിന് കരുത്ത് പകരുന്നതാണ്.സാമൂഹ്യ പ്രതിബദ്ധതയുള്ള മാധ്യമപ്രവര്‍ത്തനത്തിന് ഉത്തമ മാതൃകയാണ് സ്വദേശാഭിമാനി രാമകൃഷ്ണപിള്ള. രാജഭരണത്തിന്റെ സര്‍വാധിപത്യത്തിനെതിരായി തൂലിക ചലിപ്പിച്ച പോരാളിയാണ് അദ്ദേഹമെന്നും ചെന്നിത്തല പറഞ്ഞു.

സ്വദേശാഭിമാനി സ്മാരക സമിതിയുടെ നേതൃത്വത്തില്‍ തുടര്‍ച്ചയായി 29-ാം തവണയാണ് നാടുകടത്തിയതിന്റെ വാര്‍ഷികം ആഘോഷിക്കുന്നത്. സ്വദേശഭിമാനി രാമകൃഷ്ണപിള്ളയുടെ ജന്മദേശമായ നെയ്യാറ്റിന്‍കരയിലും അനുസ്മരണ പരിപാടികള്‍ സമിതിയുടെ മേല്‍നോട്ടത്തില്‍ സംഘടിപ്പിച്ചു.

കോവിഡ് പച്ഛാത്തലത്തില്‍ താത്കാലികമായി നിര്‍ത്തിവെച്ചിരുന്ന പത്രപ്രവര്‍ത്തക,ഫോട്ടോഗ്രാഫര്‍ ്‌വാര്‍ഡുകള്‍ ഈ വര്‍ഷം മുതല്‍ പുനരാരംഭിക്കുമെന്ന് സ്വദേശാഭിമാനി സ്മാരക സമിതി ജനറല്‍ സെക്രട്ടറി തമ്പാനൂര്‍ രവി പറഞ്ഞു.

സ്വദേശാഭിമാനി സ്മാരക സമിതി ജനറല്‍ സെക്രട്ടറി തമ്പാനൂര്‍ രവി അധ്യക്ഷത വഹിച്ച യോഗത്തില്‍ യുഡിഎഫ് കണ്‍വീനര്‍ എംഎം ഹസന്‍, വര്‍ക്കല കഹാര്‍, സോളമന്‍ അലക്‌സ്, എംആര്‍ തമ്പാന്‍,പി കെ വേണുഗോപാല്‍, കെഎസ് ഗോപകുമാര്‍,കോളിയൂര്‍ ദിവാകരന്‍ നായര്‍,ജോണ്‍സണ്‍ ജോസഫ്,കമ്പറ നാരായണന്‍,കോട്ടാത്തല മോഹന്‍, ശാസ്തമംഗലം മോഹന്‍,എം സുന്ദരേശന്‍ നായര്‍, എംഎ പത്മകുമാര്‍, പുളിമൂട് ഹരി, തൈക്കാട് ശ്രീകണ്ഠന്‍,വാഴൂര്‍ക്കോണം ചന്ദ്രശേഖരന്‍,മണ്ണാമൂല രാജന്‍,വലിയശാല പരമേശ്വരന്‍ നായര്‍ തുടങ്ങിയവര്‍ പങ്കെടുത്തു.

The post മംഗളപത്രം എഴുതലല്ല മാധ്യമപ്രവർത്തനം: രമേശ് ചെന്നിത്തല appeared first on Starvision News Malayalam.

കേരള പത്രപ്രവര്‍ത്തക യൂണിയന്‍ സംസ്ഥാന പ്രസിഡന്റ് കെ.പി.റെജി, കേസരി സ്മാരക ജേണലിസ്റ്റ് ട്രസ്റ്റ് പ്രസിഡന്റ് സുരേഷ് വെളളിമംഗലം, അക്കാദമി സെക്രട്ടറി എന്‍.പി.സന്തോഷ്, ഭാരത് ഭവന്‍ മെമ്പര്‍ സെക്രട്ടറി പ്രമോദ് പയ്യന്നൂര്‍,കേരള പത്രപ്രവര്‍ത്തക യൂണിയന്‍ ജില്ലാ സെക്രട്ടറി അഭിജിത് നായര്‍ എന്നിവര്‍ പങ്കെടുക്കും. കൊവിഡ് പ്രോട്ടോക്കോള്‍ പാലിച്ച് നടത്തുന്ന പ്രതിഷേധ ചിന്താസംഗമത്തില്‍ നേരിട്ടും meet.google.com/hcc-nzwq-cms എന്ന ലിങ്കിലൂടെ ഗൂഗിള്‍ മീറ്റിംഗിലൂടെയും തത്സമയം പങ്കെടുക്കാം.

The post പെഗസസ്-താലിബാന്‍ പ്രതിഷേധ ചിന്താസംഗമം ആഗസ്റ്റ് 27 ന് appeared first on Starvision News Malayalam.