കൊല്ലം : കടയ്ക്കൽ ക്ഷേത്രത്തിൽ വിപ്ലവ ഗാനം ആലപിച്ച സംഭവത്തിൽ ഗായകൻ അലോഷിയെ ഒന്നാം പ്രതിയാക്കി പൊലീസ് കേസെടുത്തു. കോൺഗ്രസ് മണ്ഡലം പ്രസിഡന്റ് അനിൽ കുമാറിന്റെ പരാതിയിലാണ് കടയ്ക്കൽ പൊലീസ് കേസെടുത്തത്. ക്ഷേത്രോപദേശക സമിതിയിലെ രണ്ട് പേരും കേസിൽ പ്രതികളാണ്.സംഭവത്തിൽ പൊലീസ് എന്ത് നടപടി സ്വീകരിക്കുമെന്ന് അറിയിക്കണമെന്ന് ഹൈക്കോടതി ഇന്ന് കേസ് പരിഗണിച്ചപ്പോൾ പറഞ്ഞിരുന്നു. സംഭവത്തെ ലാഘവത്തോടെ കാണാനാകില്ല, സംഘാടകർക്കെതിരെ കേസ് എടുക്കാവുന്ന കുറ്റങ്ങൾ പ്രകടമാണ്, ഹിന്ദുമത സ്ഥാപനങ്ങളുടെ ദുരുപയോഗം തടയൽ നിയമപ്രകാരം വ്യവസ്ഥകൾ കർശനമായി പാലിക്കണമെന്നും ഹൈക്കോടതി ഡിവിഷൻ ബെഞ്ച് ആവശ്യപ്പെട്ടിരുന്നു. ഡിവിഷൻ ബെഞ്ച് നിയമം മൂലം തടഞ്ഞിട്ടുള്ള പ്രവൃത്തികൾ നടക്കുന്നില്ലെന്ന് തിരുവിതാംകൂർ ദേവസ്വം ബോർഡ് ഉറപ്പാക്കണമെന്നും നിർദേശിച്ചിരുന്നു. സ്റ്റേജിന് മുന്നിൽ കുപ്പിയും മറ്റും ഉയർത്തിപ്പിടിച്ച് യുവാക്കൾ നൃത്തം വച്ചത് ദൃശ്യങ്ങളിൽ വ്യക്തമാണെന്നും ഇവരെ വിശ്വാസികൾ എന്ന് വിളിക്കാനാകുമോ എന്നും കോടതി ചോദിച്ചിരുന്നു.

The post കടയ്ക്കൽ ക്ഷേത്രത്തിലെ വിപ്ലവ ഗാന വിവാദം: ഗായകൻ അലോഷി ഉൾപ്പെടെ മൂന്നുപേർക്കെതിരെ കേസ് appeared first on Starvision News Malayalam.

കൊല്ലം: കടയ്ക്കല്‍ തിരുവാതിരയോട് അനുബന്ധിച്ച് നടന്ന സംഗീതപരിപാടിയില്‍ സിപിഎമ്മിന്റെ പ്രചാരണഗാനങ്ങളും വിപ്ലവഗാനങ്ങളും പാടിയതിനെതിരെ വിമര്‍ശനം. സിപിഎം, ഡിവൈഎഫ്ഐ കൊടികളുടേയും തിരഞ്ഞെടുപ്പ് ചിഹ്നത്തിന്റേയും പശ്ചാത്തലത്തില്‍ പാര്‍ട്ടി പ്രചാരണണഗാനങ്ങള്‍ പാടിയതിനെതിരെ സാമൂഹികമാധ്യമങ്ങളില്‍ വിമര്‍ശനം കടുക്കുകയാണ്. ക്ഷേത്രത്തെ രാഷ്ട്രീയപ്രചാരണത്തിന് ഉപയോഗിച്ചുവെന്നാണ് വിമര്‍ശനം.

ഗസല്‍ ഗായകനായ അലോഷി ആദത്തിന്റെ നേതൃത്വത്തിലായിരുന്നു പരിപാടി. സ്വാശ്രയകോളേജിനെതിരായ സമരത്തിനിടെ കൂത്തുപറമ്പ് വെടിവെപ്പില്‍ പരിക്കേറ്റ്, ജീവിക്കുന്ന രക്തസാക്ഷി എന്ന് വിശേഷിപ്പിക്കപ്പെട്ട പുഷ്പനെക്കുറിച്ചുള്ള പാട്ടുകള്‍ അടക്കമാണ് പാടിയത്. കടയ്ക്കല്‍ തിരുവാതിരയുടെ ഒമ്പതാംദിവസമായ തിങ്കളാഴ്ച വൈകീട്ടായിരുന്നു അലോഷിയുടെ പരിപാടി.

സംഭവത്തില്‍ പരോക്ഷവിമര്‍ശനവുമായി പ്രതിപക്ഷനേതാവ് വി.ഡി. സതീശനും രംഗത്തെത്തി. ക്ഷേത്രത്തില്‍ ഉത്സവം നടക്കുമ്പോള്‍ എന്തിനാണ് അവിടെപ്പോയി ഇന്‍ക്വിലാബ് സിന്ദാബാദ് എന്ന് മുദ്രാവാക്യം വിളിക്കുന്നതെന്ന് വി.ഡി. സതീശന്‍ ചോദിച്ചു. അമ്പലത്തിലെ പരിപാടിയില്‍ എന്തിനാണ് പുഷ്പനെ അറിയാമോ പാടുന്നത്? ഇതിന്റെ വീഡിയോ സാമൂഹികമാധ്യമങ്ങളില്‍ പ്രചരിക്കുകയാണെന്നും സതീശന്‍ പറഞ്ഞു. അതേസമയം, കാണികള്‍ ആവശ്യപ്പെട്ടത് പ്രകാരമാണ് പാട്ടുകള്‍ പാടിയതെന്നാണ് ഉത്സവകമ്മിറ്റി ഭാരവാഹികളുടെ വിശദീകരണം.

മുഖ്യമന്ത്രി പിണറായി വിജയന്‍ നയിച്ച നവകേരളസദസ്സിന്റെ വേദിയുമായി ബന്ധപ്പെട്ട് ക്ഷേത്രം നേരത്തെ വിവാദങ്ങളില്‍പ്പെട്ടിരുന്നു. ചടയമംഗലം നിയോജകമണ്ഡലത്തിലെ സദസ്സിന്റെ വേദിയായി കടയ്ക്കല്‍ ദേവീ ക്ഷേത്രമൈതാനമായിരുന്നു തീരുമാനിച്ചത്. എന്നാല്‍, ഇതിനെതിരെ പരാതി ഉയര്‍ന്നതോടെയാണ് വേദി മാറ്റിയത്.

കുന്നത്തൂര്‍ നിയോജകമണ്ഡലത്തിലെ നവകേരള സദസ്സിന്റെ ചക്കുവള്ളി ക്ഷേത്രമൈതാന വേദി ഹൈക്കോടതി റദ്ദാക്കിയതിനെത്തുടര്‍ന്നാണ് മാറ്റമുണ്ടായത്. കടയ്ക്കലില്‍ ക്ഷേത്രമൈതാനം വിട്ടുകൊടുത്ത ദേവസ്വം ബോര്‍ഡ് തീരുമാനം റദ്ദ് ചെയ്യണമെന്ന് ആവശ്യപ്പെട്ട് പൊതുപ്രവര്‍ത്തകനായ മണ്ണൂര്‍ ബാബു ഹൈക്കോടതിയില്‍ ഹര്‍ജി നല്‍കിയിരുന്നു.

The post കടയ്ക്കല്‍ ക്ഷേത്രോത്സവ പരിപാടിയിൽ ‘പുഷ്പനെ അറിയാമോ’ പാട്ട്, ഡിവൈഎഫ്‌ഐ കൊടി; വിമര്‍ശനം appeared first on Starvision News Malayalam.

കൊല്ലം: കൊല്ലം കടയ്ക്കലിൽ നടന്ന വൻ മയക്കുമരുന്ന് വേട്ടയിൽ അഞ്ച് കോടി രൂപയോളം വിലവരുന്ന പാൻമസാലയും കഞ്ചാവും പിടികൂടി. ബെംഗളൂരുവിൽനിന്നെത്തിയ ചരക്കുവാഹനത്തിൽനിന്നാണ് ഇന്നലെ രാത്രി പത്തരയോടെ ലഹരിവസ്തുക്കൾ പിടികൂടിയത്. സംഭവവുമായി ബന്ധപ്പെട്ട് ഒരാളെ പോലീസ് പിടികൂടി. വാഹനമോടിച്ച മലപ്പുറം മഞ്ചേരി സ്വദേശി ബഷീർ എന്നയാളാണ് പിടിയിലായത്.

പ്രാഥമിക പരിശോധനയിൽ പാൻമസാലയെന്ന് കണ്ടെത്തിയ പാക്കറ്റുകളിൽ രാസലഹരിവസ്തുക്കൾ ഉണ്ടോ എന്ന് വിശദമായി പരിശോധിക്കും. ലഹരിവസ്തുക്കൾ കൊണ്ടുവന്ന വാഹനം കസ്റ്റഡിയിലെടുത്തു.

The post കടയ്ക്കലിൽ വൻ മയക്കുമരുന്ന് വേട്ട; അഞ്ച് കോടിയുടെ പാൻമസാലയും കഞ്ചാവും പിടികൂടി appeared first on Starvision News Malayalam.

കുഞ്ഞിന് പാല്‍ നല്‍കിയ ശേഷം ഭര്‍ത്താവുമായി വീഡിയോ കോള്‍ ചെയ്ത് കൊണ്ടിരിക്കെയാണ് അമ്മ കുഞ്ഞിന് അനക്കമില്ലായെന്ന് ശ്രദ്ധിക്കുന്നത്.

കുഞ്ഞിനെ ഉടന്‍ കടയ്ക്കല്‍ താലൂക്കാശുപത്രിയിലെത്തിച്ചെങ്കിലും രക്ഷിക്കാനായില്ല. സംഭവത്തില്‍ അസ്വഭാവിക മരണത്തിന് കടയ്ക്കല്‍ പൊലീസ് കേസ് എടുത്തിട്ടുണ്ട്.

The post പാല്‍ കൊടുത്തുകൊണ്ട് വിഡിയോ കോള്‍, തൊണ്ടയില്‍ പാല്‍ കുടുങ്ങി പിഞ്ചുകുഞ്ഞിന് ദാരുണാന്ത്യം appeared first on Starvision News Malayalam.

കൊല്ലം: കടയ്ക്കലിൽ സിപിഎം കോൺഗ്രസ് സംഘർഷം. തിരഞ്ഞെടുപ്പ് വിജയവവുമായി ബന്ധപ്പെട്ട തർക്കമാണ് സംഘർഷത്തിൽ കലാശിച്ചത്. പോലീസ് സ്റ്റേഷനിൽ പരാതി നൽകാനെത്തിയ കോൺഗ്രസ് പ്രവർത്തകന് മർദനം എന്ന് കോൺഗ്രസ് പ്രവർത്തകർ ആരോപിക്കുന്നു. മരകഷ്ണം ഉൾപ്പെടെ ഉപയോഗിച്ച് കടയ്ക്കൽ പോലീസ് സ്റ്റേഷന് മുന്നിൽ നിന്ന് ആക്രോശിക്കുന്ന ദൃശ്യങ്ങൾ പുറത്ത് വന്നിട്ടുണ്ട്.

പൊലീസ് സ്റ്റേഷനിൽ അതിക്രമം നടത്തി സിപിഎം പ്രവർത്തകർ. കൊല്ലം കടയ്‌ക്കൽ പൊലീസ് സ്റ്റേഷനിലാണ് സിപിഎമ്മിന്റെ ​ഗുണ്ടാവിളയാട്ടം. ലോക്സഭാ തെരഞ്ഞെടുപ്പിൽ കൊല്ലം മണ്ഡലത്തിലെ കോൺ​ഗ്രസ് സ്ഥാനാർത്ഥി എൻ കെ പ്രേമചന്ദ്രന്റെ വിജയത്തിന് പിന്നാലെയാണ് സംഭവം. ആഘോഷത്തിനിടെ സിപിഎം-യുഡിഎഫ് പ്ര‍വർത്തകർ തമ്മിൽ വാക്കുതർക്കമുണ്ടായിരുന്നു. ഇതിനെതിരെ പരാതി നൽകാൻ യുഡിഎഫ് പ്രവർത്തകനായ ജിഷ്ണു പൊലീസ് സ്റ്റേഷനിലെത്തിയപ്പോഴാണ് സിപിഎം പ്രവർത്തകർ ആക്രമണം അഴിച്ചുവിട്ടത്.

പരാതി നൽകാനെത്തിയ ജിഷ്ണുവിനെ സിപിഎമ്മുകാർ പൊലീസ് സ്റ്റേഷന്റെ വളപ്പിലിട്ട് മർദ്ദിച്ചു. തടയാൻ ശ്രമിച്ച പൊലീസ് ഉദ്യോ​ഗസ്ഥരെയും സിപിഎം പ്രവർത്തകർ കയ്യേറ്റം ചെയ്തു. സംഭവത്തിൽ മൂന്ന് സിപിഎം പ്രവർത്തകരെ പൊലീസ് അറസ്റ്റ് ചെയ്തിട്ടുണ്ട്.

ഇന്നലെ വൈകിട്ട് നടന്ന വിജയാഘോഷത്തിനിടെയാണ് സിപിഎം പ്രവർത്തകർ ജിഷ്ണുവിനെ ആക്രമിച്ചത്. അക്രമികളിലൊരാളുടെ വീടിന്റെ പരിസരത്ത് വച്ച് ജിഷ്ണു പടക്കം പൊട്ടിച്ചതാണ് സിപിഎം പ്രവർത്തകരെ പ്രകോപിച്ചത്. തുടർന്ന് ജിഷ്ണുവുമായി ഇവർ വാക്കുതർക്കത്തിലേർപ്പെട്ടു. ഇതിന് പിന്നാലെയാണ് പരാതിയുമായി ജിഷ്ണു പൊലീസ് സ്റ്റേഷനിലെത്തിയത്.

പരാതി നൽകിയതറിഞ്ഞ് സ്ഥലത്തെത്തിയ സിപിഎം പ്രവർത്തകർ ജിഷ്ണുവിനെ ആക്രമിക്കുകയുമായിരുന്നു. സംഘത്തിലെ മൂന്ന് പേരെ മാത്രമാണ് പൊലീസ് അറസ്റ്റ് ചെയ്തത്. ബാക്കിയുള്ള പ്രതികൾക്കായി അന്വേഷണം ആരംഭിച്ചിട്ടുണ്ട്.

കടയ്‌ക്കലിൽ പൊലീസ് സ്റ്റേഷനിൽ സിപിഎമ്മുകാർ ഗുണ്ടായിസം കാണിക്കുന്നത് ആദ്യമായിട്ടല്ല. നേരത്തെ സംഘർഷമുണ്ടായപ്പോൾ പൊലീസ് സ്‌റ്റേഷന്റെ ഗേറ്റ് ചങ്ങലയ്‌ക്കിട്ട് പൂട്ടിയതും വ്യാപക പ്രതിഷേധത്തിന് വഴിവെച്ചിരുന്നു. പൊലീസുകാരെ മർദ്ദിച്ച സംഭവങ്ങളും നിരവധിയാണ്. ഈ സംഭവങ്ങളിൽ പതിവായി കേസുകളെടുക്കാറുണ്ടെങ്കിലും രാഷ്‌ട്രീയ സമ്മർദ്ദം മൂലം ഇതിലൊന്നും പ്രതികളെ പിടികൂടാറില്ല.

The post കടയ്ക്കലിൽ സിപിഎം കോൺഗ്രസ് സംഘർഷം appeared first on Starvision News Malayalam.

കൊല്ലം: കടയ്ക്കൽ ദേവീ ക്ഷേത്രമൈതാനിയിലെ നവകേരള സദസിന് അനുമതി നൽകിയ ഉത്തരവ് റദ്ദാക്കണമെന്നാവശ്യപ്പെട്ട് തിരുവിതാംകൂർ ദേവസ്വം ബോർഡിന് ഹൈക്കോടതി അഭിഭാഷകനായ ശങ്കു ടി ദാസ് നോട്ടീസ് അയച്ചു. ക്ഷേത്ര മൈതാനം നവകേരള സദസ്സിന് വിട്ട് നൽകുന്നത് നിയമ വിരുദ്ധം ആണെന്നാണ് നോട്ടീസ് പറയുന്നത്. പരിപാടി നടത്താൻ ക്ഷേത്ര മതിൽകെട്ട് പൊളിക്കേണ്ടിവരുമെന്നും ഇത് ഭക്തരുടെ പ്രതിഷേധത്തിന് കാരണമാകുമെന്നാണ് അഭിഭാഷകൻ നോട്ടീസിൽ ചൂണ്ടിക്കാണിക്കുന്നത്. സംഘാടകരോട് മറ്റൊരു വേദി കണ്ടെത്താൻ നിർദ്ദേശിക്കണമെന്നും അദ്ദേഹം ആവശ്യപ്പെടുന്നു. ഈ മാസം 20നാണ് ചടയമംഗലം മണ്ഡല പരിപാടി നടക്കേണ്ടത്. ഹൈക്കോടതി ഉത്തരവുകളുടെ ലംഘനമാണെന്നും നോട്ടീസിലുണ്ട്. തീരുമാനം പിൻവലിച്ചില്ലെങ്കിൽ നാളെ ഹൈക്കോടതിയെ സമീപിക്കും.

The post കടക്കൽ ദേവീക്ഷേത്ര മൈതാനിയിൽ നവകേരള സദസ് നിയമവിരുദ്ധം; റദ്ദാക്കണമെന്ന് ആവശ്യപ്പെട്ട് ദേവസ്വം ബോർഡിന് നോട്ടീസ് appeared first on Starvision News Malayalam.

തിരുവനന്തപുരത്തേക്ക് പോയ കാർ വെഞ്ഞാറമൂട്ടിൽ ഗോകുലം മെഡിക്കൽ കോളേജിലേക്ക് തിരിയുന്ന ഭാഗത്ത് നിയന്ത്രണം വിട്ട് വഴിയാത്രക്കാരിയെ ഇടിച്ചു. നിർത്താതെ പോയ വാഹനത്തെ നാട്ടുകാർ തടഞ്ഞുനിർത്തി.

ആലന്തറ സ്വദേശി മഞ്ജു 36 ആണ് പരിക്കേറ്റത്. ഇവരെ ഗോകുലം മെഡിക്കൽ കോളേജിലേക്ക് മാറ്റി. ഡ്രൈവർ കടക്കൽ സ്വദേശി ഫസലുദ്ദീൻ (61) ഡ്രൈവറെ വെഞ്ഞാറമൂട് പോലീസിന് കൈമാറി.

The post വെഞ്ഞാറമൂട്ടിൽ നിയന്ത്രണം വിട്ട കാർ വഴിയാത്രക്കാരിയെ ഇടിച്ചു appeared first on Starvision News Malayalam.

റിപ്പോർട്ട്: സുജീഷ് ലാൽ

കൊല്ലം ജില്ലയിലെ തന്നെ ഏറ്റവും വലിയ സഹകരണ സംഘമായ കടയ്ക്കൽ സർവ്വീസ് സഹകരണ ബാങ്ക് ആധുനിക ബാങ്കിംഗ് സംവിധാനത്തിലേക്ക് കടക്കുന്നതിന്റെ ഭാഗമായി ഏർപ്പെടുത്തിയ ബാങ്ക് എടിഎം കൗണ്ടറിന്റെ ഉത്ഘാടനം നാളെ 27-07-2022 രാവിലെ 10 മണിക്ക് ബാങ്ക് പ്രസിഡന്റ്‌ എസ് വിക്രമൻ നിർവ്വഹിക്കും.

ബാങ്ക് വൈസ് പ്രസിഡന്റ്‌ പി. പ്രതാപൻ അധ്യക്ഷത വഹിക്കും. ബാങ്ക് കെട്ടിടത്തിനോട് ചേർന്ന് 24 മണിക്കൂറും പ്രവർത്തിക്കുന്ന കൗണ്ടാറാണ് ഒരുക്കിയിട്ടുള്ളത്.

കടയ്ക്കൽ സഹകരണ ബാങ്കിന്റെ കാർഡ് ഉപയോഗിച്ച് ഏത് ATM കൗണ്ടറിൽ നിന്നും പണം പിൻവലിക്കാൻ സാധിക്കും.

കൂടാതെ സൌത്ത് ഇന്ത്യൻ ബാങ്ക്, കാനറ ബാങ്ക്, ഇന്ത്യൻ ബാങ്ക്, യൂണിയൻ ബാങ്ക് ഓഫ് ഇന്ത്യ, കോർപറേഷൻ ബാങ്ക്, ആന്ധ്രാ ബാങ്ക് എന്നീ ബാങ്കുകളിലേക്ക് പണം നിക്ഷേപിക്കാനുള്ള സൗകര്യവും ഇവിടുണ്ട്.

ആദ്യ ഘട്ടമായി ബാങ്ക് 2500 ATM കർഡുകളാണ് വിതരണം ചെയ്തിട്ടുള്ളത്. ഇ. വി. ആർ സോഫ്റ്റ്‌ ടെക്കുമായി ചേർന്നാണ് പദ്ധതി നടപ്പിലാക്കുന്നത്.

The post കടയ്ക്കൽ സർവ്വീസ് സഹകരണ ബാങ്കിന്റെ എ ടി എം നാളെ ഉത്ഘാടനം ചെയ്യും appeared first on Starvision News Malayalam.

റിപ്പോർട്ട്: സുജീഷ് ലാൽ

ബാങ്കിന്റെ തനത് പദ്ധതിയായ നാട്ട്പച്ച പദ്ധതിയുടെ വിതരണം ഇന്ന് നടന്നു. എല്ലാ വർഷവും കടയ്ക്കൽ, കുമ്മിൾ പഞ്ചായത്തിലെ കൃഷിക്കാർക്കായി ബാങ്ക് നടത്തുന്ന പദ്ധതിയാണിത്.

ബാങ്ക് ഹെഡ് ഓഫീസിൽ നടന്ന വിതരണോത്ഘാടനം ബാങ്ക് ഡയറക്ടർ ബോർഡ്‌ അംഗം അഡ്വ. ടി. എസ് പ്രഫുലഘോഷ് നിർവ്വഹിച്ചു, ബാങ്ക് സെക്രട്ടറി അശോകൻ, ബാങ്ക് ജീവനക്കാർ എന്നിവർ പങ്കെടുത്തു. ബാങ്ക് പ്രസിഡന്റ്‌ എസ് വിക്രമൻ എല്ലാ കേന്ദ്രങ്ങളും സന്ദർശിച്ച് നേതൃത്വം നൽകി.

ആൽത്തറമൂട് കേന്ദ്ര ത്തിലെ വിതരണം ബാങ്ക് ഡയറക്ടർ ബോർഡ്‌ മെമ്പറും ആൽത്തറമൂട് വാർഡ് മെമ്പറുമായ ജെ. എം മർഫി നിർവ്വഹിച്ചു, സി. ദീപു, ബാങ്ക് ജീവനക്കാരായ, എസ്. ബിനു, അഖില, മിനി, ഷീജ, കൃഷിക്കാർ എന്നിവർ പങ്കെടുത്തു.

കാറ്റാടിമൂട് വിതരനോത്ഘാടനം ബാങ്ക് വൈസ് പ്രസിഡന്റ്‌ പി പ്രതാപൻ ഇളമ്പഴന്നൂർ വാർഡ് മെമ്പർ കടയിൽ സലീമിനു നൽകി നിർവ്വഹിച്ചു. ബാങ്ക് ജീവനക്കാരായ സഞ്ജിത്ത്,വിഥുൻ, ദീപു കൃഷ്ണൻ,സുജിത കുമാരി, സുഗന്ധി, കർഷകർ എന്നിവർ പങ്കെടുത്തു.

കുറ്റിക്കാട് കേന്ദ്രത്തിലെ ഉത്ഘാടനം ഡയറക്ടർ ബോർഡ്‌ മെമ്പർ വി. ബാബു നിർവ്വഹിച്ചു

ഈ കേന്ദ്രങ്ങൾ കൂടാതെ കടയ്ക്കൽ, കുമ്മിൾ പഞ്ചായത്തിലെ വിവിധ വിതരണ കേന്ദ്രങ്ങളിൽ വച്ചാണ് തൈകൾ വിതരണം നടത്തിയത്.

ബാങ്കിന്റെ തനതു ഫണ്ടിൽ നിന്നും 6 ലക്ഷം രൂപയും ഗുണഭോകൃത് വിഹിതമായി ഒരു ലക്ഷത്തി എഴുപതിനായിരം രൂപ ഉൾപ്പടെ 7 ലക്ഷത്തി എഴുപതിനായിരം രൂപയാണ് പദ്ധതി അടങ്കൽ.

800 രൂപ വില വരുന്ന ഗംഗ ബോട്ടം തെങ്ങിൻ തൈ, ലളിതപ്യാരി പേര, കർപ്പൂര മാവ്, റെഡ് ലേഡീ പപ്പായ,ജൈവ വളം എന്നിവ 200 രൂപ വാങ്ങിയാണ് ബാങ്ക് വിതരണം ചെയ്തത്. കടയ്ക്കൽ, കുമ്മിൾ പഞ്ചായത്തിലെ 850 പേർക്കാണ് ഈ വർഷം നൽകുന്നത്.

The post കടയ്ക്കൽ സർവീസ് സഹകരണ ബാങ്കിന്റെ നാട്ടുപച്ച പദ്ധതിയുടെ ഉത്ഘാടനം നടന്നു appeared first on Starvision News Malayalam.

റിപ്പോർട്ട്‌: സുജീഷ് ലാൽ

കൊല്ലം ജില്ലയിലെ തന്നെ ഏറ്റവും വലിയ സാംസ്കാരിക കൂട്ടായ്മയായ കടയ്ക്കൽ ഫെസ്റ്റിന്റെ സംഘാടക സമിതി യോഗം കടയ്ക്കൽ ഗ്രാമപഞ്ചായത്ത് ഹാളിൽ ചേർന്നു.ആഗസ്റ്റ് 28 മുതൽ സെപ്റ്റംബർ 11 വരെ കടയ്ക്കൽ മാർക്കറ്റ് മൈതാനത്തിൽ നടത്താൻ തീരുമാനിച്ചു.

കടയ്ക്കൽ ഗ്രാമപപഞ്ചായത്ത് വൈസ് പ്രസിഡന്റ്‌ ആർ. ശ്രീജ അധ്യക്ഷയായ ചടങ്ങിൽ പഞ്ചായത്ത്‌ പ്രസിഡന്റ്‌ എം മനോജ്‌ കുമാർ ഉത്ഘാടനം ചെയ്തു.

ബ്ലോക്ക്‌ പഞ്ചായത്ത്‌ പ്രസിഡന്റ്‌ ലതിക വിദ്യാധരൻ, പഞ്ചായത്ത്‌ സ്ഥിരം അധ്യക്ഷൻമ്മാരായ വേണുകുമാരൻ നായർ, കടയിൽ സലിം, കെ. എം മാധുരി,വി സുബ്ബലാൽ, പി. പ്രതാപൻ, ടി എസ് പ്രഫുലഘോഷ്, സി, ദീപു, സ്, ബ്ലോക്ക്‌ പഞ്ചായത്ത്‌ മെമ്പർ സുധിൻ,കടയ്ക്കൽ സാംസ്‌ക്കാരിക സമിതി ഭാരഭാഹികളായ കടയ്ക്കൽ ഷിബു, ദീപു കൃഷ്ണൻ, അരുൺ, വികാസ് പഞ്ചായത്ത്‌ മെമ്പർമാർ, വ്യാപാരികൾ, കുടുംബശ്രീ പ്രവർത്തകർ, മാധ്യമ സുഹൃത്തുക്കൾ, ബഹുജനങ്ങൾ എന്നിവർ പങ്കെടുത്തു.

കാർഷിക വിപ്ലവത്തിന്റെ നാട്ടിൽ വീണ്ടുമൊരു ഓണം ഫെസ്റ്റ്

ചരിത്രമുറങ്ങുന്ന കടയ്ക്കൽ ചന്തയിൽ ഫെസ്റ്റ് സംഘടിപ്പിക്കുമ്പോൾ പഴയ കാലത്തെ വിസ്മരിക്കാനാകില്ല.

ഇന്ത്യൻ സ്വാതന്ത്ര്യ സമരത്തിൽ നിറംമാങ്ങാത്ത അധ്യായ മാണ് കടയ്ക്കൽ വിപ്ലവം, കടയ്ക്കൽ ചന്തയിലെ അന്യായ പണപിരിവിനെതിരെ സർ. സിപിയുടെ ചോറ്റ് പട്ടാളത്തോട് ഏറ്റുമുട്ടി രക്തസാക്ഷിത്വം വരിച്ചബീടിവേലു, തൊട്ടുഭാഗം സദാനന്ദൻ,ചന്തവിള ഗംഗാധരൻ, പുത്തൻവീട്ടിൽ നാരായണൻ, പറയാട് വാസു അടക്കമുള്ള വിപ്ലവ നായകരുടെ മണ്ണിൽ നിന്നുകൊണ്ടാണ് കടയ്ക്കൽ ഫെസ്റ്റ് 2022 വീണ്ടും പുനർജനിക്കുന്നത്.

ഒരുകാലത്ത് തെക്കൻ കേരളത്തിലെ പ്രധാന നാണ്യ വിള കേന്ദ്രം കടയ്ക്കലായിരുന്നു, ഏറ്റവും പ്രധാനപ്പെട്ട കാർഷിക വിപണന കേന്ദ്രം കൂടിയായിരുന്നു കടയ്ക്കൽ ചന്ത.

1938 സെപ്റ്റംബർ 26 ന് കടയ്ക്കൽ ആൽത്തറമൂട്ടിൽ ചേര്‍ന്ന തിരുവിതാംകൂർ സ്റ്റേറ്റ് കോൺഗ്രസിന്റെ യോഗമാണ് കടയ്ക്കല്‍ പ്രക്ഷോഭത്തിന് തിരിയിട്ടത്. അനുവദിച്ചതിലും പതിന്മടങ്ങ് കരം പിരിക്കുന്നവര്‍ക്കെതിരെയും അവർക്ക് പിന്തുണ നൽകുന്ന പൊലീസുകാര്‍ക്കെതിരെയുമായിരുന്നു പ്രക്ഷോഭം.

1114 കന്നി 13 ന്
പൊലീസ് സ്റ്റേഷന്‍ തകര്‍ത്തായിരുന്നു ജനകീയപ്രതിരോധം അവസാനിച്ചത്. തുടർന്ന് ഒരു രാജ്യമായി കടയ്ക്കലിനെ പ്രഖ്യാപിച്ചു. കടയ്ക്കൽ സ്റ്റാലിൻ എന്നറിയപ്പെടുന്ന ഫ്രാങ്കോ രാഘവൻ പിള്ള രാജാവായും, ചന്തിരൻ കാളിയാമ്പി മന്ത്രിയായി ഒരു ജനകീയ സർക്കാർ പ്രഖ്യാപിക്കുകയും ചെയ്തു. അത് ചരിത്രം.

സംഘാട സമിതി

ചെയർമാൻ :
എം. മനോജ്‌ കുമാർ (കടയ്ക്കൽ ഗ്രാമ പഞ്ചായത്ത്‌ പ്രസിഡന്റ്‌ )

ജനറൽ കൺവീനവർ :
വി. സുബ്ബലാൽ

ചീഫ് കോർഡിനേറ്റർ :
പി. പ്രതാപൻ

വൈസ് ചെയർമാൻ :
ആർ ശ്രീജ (വൈസ് പ്രസിഡന്റ്‌, കടയ്ക്കൽ ഗ്രാമ പഞ്ചായത്ത്‌ )

ടി. എസ് പ്രഫുലഘോഷ്

ജോയിന്റ് കൺവീനവർ

ബാബു, നരേന്ദ്രൻ,
സി ദീപു

ട്രഷറർ : എം. കെ സഫീർ

കടയ്ക്കലിന്റെ കാർഷിക പൈതൃകത്തിലേക്ക് വീണ്ടും, വിപുലമായ കാർഷിക വിപണന മേള സംഘടിപ്പിക്കുന്നു.

കൺവീനർ :
ആർ. എസ് ബിജു

ചെയർമൻ : എസ്. ബിനു

കൂടാതെ ഫെസ്റ്റിന്റെ ഏകോപനത്തിനായി 20 സബ് കമ്മിറ്റികളും രൂപീകരിച്ചു. വരും ദിവസങ്ങളിൽ സംഘടക സമിതി ഓഫീസ് തുറന്ന് കൊണ്ട് പ്രവർത്തങ്ങൾ വിപുലീകരിക്കും.

ഫെസ്റ്റുമായി ബന്ധപ്പെട്ട് വിപുലമായ പരിപാടികളാണ് സംഘാടക സമിതി തീരുമാനിച്ചിരിക്കുന്നത്.

വി, സുന്ദരേശൻ മെമ്മോറിയൽ പ്രൊഫഷണൽ നാടക മത്സരം, മെഗാ തിരുവാതിര, സിങ്കാരി മേളം, മെഗാഷോ, വിപണന മേള, കാർഷിക മേള, സാംസ്ക്കാരിക സമ്മേളനങ്ങൾ, കവി സമ്മേളനം, പുഷ്പ മേള,ഫുഡ് ഫെസ്റ്റ്, പാചക മത്സരം, മെഹന്ദി ഫെസ്റ്റ്, നാടൻ പാട്ട്, എൽ. ഇ. ഡി വാൾ,ഇഷൽ നിലാവ്, വൈവിദ്ധ്യങ്ങളായ സ്റ്റാളുകൾ, കുട്ടികൾക്കുള്ള റൈഡുകൾ, പ്രാദേശിക കലാ പരിപാടികൾ, സെമിനാറുകൾ, കുടുംബശ്രീ ഫെസ്റ്റ്, ബഡ്‌സ് ഫെസ്റ്റ്, ഗ്രാമീണ കലാകാരൻമാരുടെ ചിത്ര പ്രദർശനം, ചരിത്ര പ്രദർശനം, കുട്ടികളുടെ പാർക്കിൽ പ്രത്യേക പരിപാടികൾ, വടംവലി,വൈദ്യുത ദീപാലങ്കാരം, ഓപ്പൺ ക്യാൻവാസിൽ ചിത്ര രചന എന്നിവ എല്ലാം കോർത്തിണക്കിയ ഈ കൂട്ടായ്മ വിജയിപ്പിക്കുവാൻ എല്ലാ നാട്ടുകാരും ഇതിന്റെ ഭാഗമാകണമെന്ന് സംഘാടക സമിതി അഭ്യർത്ഥിക്കുന്നു.

The post കടയ്ക്കൽ ഫെസ്റ്റിന് സംഘാടക സമിതി രൂപീകരിച്ചു appeared first on Starvision News Malayalam.