കൊല്ലം: കടയ്ക്കൽ സർവ്വിസ് സഹകരണ ബാങ്കിന്റെ നേതൃത്വത്തിൽ വിദ്യാഭ്യാസ അവാർഡ് വിതരണം നടത്തി. ഇക്കഴിഞ്ഞ എസ്. എസ്. എൽ. സി, പ്ലസ്ടു പരീക്ഷയിൽ ഉന്നത വിജയം കരസ്ഥമാക്കിയ കുട്ടികൾക്കായാണ് അവർ വിതരണം നടത്തിയത്.

കടയ്ക്കൽ, കുമ്മിൾ പഞ്ചായത്തിലെ കടയ്ക്കൽ ഗവ: ഹയർ സെക്കന്ററി സ്കൂൾ, കുമ്മിൾ ഹയർ സെക്കന്ററി സ്കൂൾ, കുറ്റിക്കാട് സി. പി ഹയർ സെക്കന്ററി സ്ക്കൂൾ എന്നിവിടങ്ങളിലെ കുട്ടികൾക്കാണ് അവാർഡ്. കടയ്ക്കൽ, കുമ്മിൾ പഞ്ചായത്തിലെ 285 കുട്ടികൾക്കാണ് 1000രൂപ ക്യാഷ് അവാർഡും, ട്രോഫിയും ആണ് നൽകുന്നത്.

എസ്. എസ്. എൽ സി യിൽ നിന്നും 201 കുട്ടികൾക്കും, പ്ലസ് ടു വിഭാഗത്തിൽ 82 പേർക്കും, വൊക്കെഷണൽ വിഭാഗത്തിൽ 2 കുട്ടികളുമാണ് അവാർഡിന് അർഹരായത്.

03-08-2022 4 മണിക്ക് കടയ്ക്കൽ പഞ്ചായത്ത്‌ ടൗൺ ഹാളിൽ ബാങ്ക് പ്രസിഡന്റ്‌ എസ്. വിക്രമന്റെ അധ്യക്ഷതയിൽ കൂടുന്ന യോഗത്തിൽ വച്ച് ബഹുമാന്യ മൃഗസംരക്ഷണ, ക്ഷീരവികസന വകുപ്പ് മന്ത്രി ജെ ചിഞ്ചുറാണി അവാർഡ് ദാനം ഉദ്ഘാടനം ചെയ്തു.

വിദ്യാഭ്യാസ മേഖലയിൽ കേരളം മാതൃകയാണെന്നും, എല്ലാ കുട്ടികൾക്കും വിദ്യാഭ്യാസം എന്ന മഹത്തായ ലക്ഷ്യം കൈവരിച്ച സംസ്ഥാനമാണ് നമ്മളെന്നും മന്ത്രി അഭിപ്രായപ്പെട്ടു.

ബാങ്ക് വൈസ് പ്രസിഡന്റ്‌ പി. പ്രതാപൻ സ്വാഗതം പറഞ്ഞു, പ്ലസ് ടു അവാർഡ് ദാന ഉദ്ഘാടനം ചടയമംഗലം ബ്ലോക്ക് പഞ്ചായത്ത്‌ പ്രസിഡന്റ്‌ ലതിക വിദ്യാധരൻ നിർവ്വഹിച്ചു. എസ്. എസ്. എൽ. സി അവാർഡ് ദാനം കൊല്ലം ജില്ലാ പഞ്ചായത്ത്‌ വികസന സ്റ്റാൻറ്റിംഗ് കമ്മിറ്റി ചെയർ പേഴ്സൺ ജെ. നജീബത്ത് ഉദ്ഘാടനം ചെയ്തു.

ചടങ്ങിൽ ആശംസ അർപ്പിച്ചുകൊണ്ട് കെ. മധു (കുമ്മിൾ പഞ്ചായത്ത്‌ പ്രസിഡന്റ്‌,), എം. മനോജ്‌ കുമാർ (കടയ്ക്കൽ ഗ്രാമപഞ്ചായത്ത് പ്രസിഡന്റ്‌ ), എം. നസീർ, (സിപിഐ എം ഏരിയ സെക്രട്ടറി ),ജെ. സി. അനിൽ (സി. പി. ഐ മണ്ഡലം സെക്രട്ടറി), അഡ്വ. ടി. എസ് പ്രഫുലഘോഷ് (ബാങ്ക് ഡയറക്ടർ ബോർഡ്‌ മെമ്പർ ) വി. ബാബു (ബാങ്ക് ഡയറക്ടർ ബോർഡ്‌ മെമ്പർ ), എസ്. സുധിൻ (ബ്ലോക്ക് പഞ്ചായത്ത് അംഗം ), ജെ. എം മർഫി,കെ. എം. മാധുരി (വാർഡ് മെമ്പർ ),എസ്. പ്രഭാകരൻ പിള്ള, വി. വിനോദ് ശ്യാമള വിലാസൻ, കെ. സുഭദ്ര, കെ. ജിസ്സി, ശൈലജ കുമാരി, എസ് കൃഷ്ണപ്രിയ,എന്നിവർ സംസാരിച്ചു.

കൂടാതെ വിദ്യാർഥികൾ, രക്ഷാ കർത്താക്കൾ, സഹകാരികൾ, ബഹുജനങ്ങൾ എന്നിവർ പങ്കെടുത്തു.ബാങ്ക് സെക്രട്ടറി പി അശോകൻ നന്ദി കൃതജ്ഞത പറഞ്ഞു.

റിപ്പോർട്ട്‌: സുജീഷ് ലാൽ

The post കടയ്ക്കൽ സർവ്വീസ് സഹകരണ ബാങ്ക് വിദ്യാഭ്യാസ അവാർഡ് വിതരണം സംഘടിപ്പിച്ചു appeared first on Starvision News Malayalam.

റിപ്പോർട്ട്: സുജീഷ് ലാൽ

കൊല്ലം ജില്ലയിലെ തന്നെ ഏറ്റവും വലിയ സഹകരണ സംഘമായ കടയ്ക്കൽ സർവ്വീസ് സഹകരണ ബാങ്ക് ആധുനിക ബാങ്കിംഗ് സംവിധാനത്തിലേക്ക് കടക്കുന്നതിന്റെ ഭാഗമായി ഏർപ്പെടുത്തിയ ബാങ്ക് എടിഎം കൗണ്ടറിന്റെ ഉത്ഘാടനം നാളെ 27-07-2022 രാവിലെ 10 മണിക്ക് ബാങ്ക് പ്രസിഡന്റ്‌ എസ് വിക്രമൻ നിർവ്വഹിക്കും.

ബാങ്ക് വൈസ് പ്രസിഡന്റ്‌ പി. പ്രതാപൻ അധ്യക്ഷത വഹിക്കും. ബാങ്ക് കെട്ടിടത്തിനോട് ചേർന്ന് 24 മണിക്കൂറും പ്രവർത്തിക്കുന്ന കൗണ്ടാറാണ് ഒരുക്കിയിട്ടുള്ളത്.

കടയ്ക്കൽ സഹകരണ ബാങ്കിന്റെ കാർഡ് ഉപയോഗിച്ച് ഏത് ATM കൗണ്ടറിൽ നിന്നും പണം പിൻവലിക്കാൻ സാധിക്കും.

കൂടാതെ സൌത്ത് ഇന്ത്യൻ ബാങ്ക്, കാനറ ബാങ്ക്, ഇന്ത്യൻ ബാങ്ക്, യൂണിയൻ ബാങ്ക് ഓഫ് ഇന്ത്യ, കോർപറേഷൻ ബാങ്ക്, ആന്ധ്രാ ബാങ്ക് എന്നീ ബാങ്കുകളിലേക്ക് പണം നിക്ഷേപിക്കാനുള്ള സൗകര്യവും ഇവിടുണ്ട്.

ആദ്യ ഘട്ടമായി ബാങ്ക് 2500 ATM കർഡുകളാണ് വിതരണം ചെയ്തിട്ടുള്ളത്. ഇ. വി. ആർ സോഫ്റ്റ്‌ ടെക്കുമായി ചേർന്നാണ് പദ്ധതി നടപ്പിലാക്കുന്നത്.

The post കടയ്ക്കൽ സർവ്വീസ് സഹകരണ ബാങ്കിന്റെ എ ടി എം നാളെ ഉത്ഘാടനം ചെയ്യും appeared first on Starvision News Malayalam.

റിപ്പോർട്ട്: സുജീഷ് ലാൽ

ബാങ്കിന്റെ തനത് പദ്ധതിയായ നാട്ട്പച്ച പദ്ധതിയുടെ വിതരണം ഇന്ന് നടന്നു. എല്ലാ വർഷവും കടയ്ക്കൽ, കുമ്മിൾ പഞ്ചായത്തിലെ കൃഷിക്കാർക്കായി ബാങ്ക് നടത്തുന്ന പദ്ധതിയാണിത്.

ബാങ്ക് ഹെഡ് ഓഫീസിൽ നടന്ന വിതരണോത്ഘാടനം ബാങ്ക് ഡയറക്ടർ ബോർഡ്‌ അംഗം അഡ്വ. ടി. എസ് പ്രഫുലഘോഷ് നിർവ്വഹിച്ചു, ബാങ്ക് സെക്രട്ടറി അശോകൻ, ബാങ്ക് ജീവനക്കാർ എന്നിവർ പങ്കെടുത്തു. ബാങ്ക് പ്രസിഡന്റ്‌ എസ് വിക്രമൻ എല്ലാ കേന്ദ്രങ്ങളും സന്ദർശിച്ച് നേതൃത്വം നൽകി.

ആൽത്തറമൂട് കേന്ദ്ര ത്തിലെ വിതരണം ബാങ്ക് ഡയറക്ടർ ബോർഡ്‌ മെമ്പറും ആൽത്തറമൂട് വാർഡ് മെമ്പറുമായ ജെ. എം മർഫി നിർവ്വഹിച്ചു, സി. ദീപു, ബാങ്ക് ജീവനക്കാരായ, എസ്. ബിനു, അഖില, മിനി, ഷീജ, കൃഷിക്കാർ എന്നിവർ പങ്കെടുത്തു.

കാറ്റാടിമൂട് വിതരനോത്ഘാടനം ബാങ്ക് വൈസ് പ്രസിഡന്റ്‌ പി പ്രതാപൻ ഇളമ്പഴന്നൂർ വാർഡ് മെമ്പർ കടയിൽ സലീമിനു നൽകി നിർവ്വഹിച്ചു. ബാങ്ക് ജീവനക്കാരായ സഞ്ജിത്ത്,വിഥുൻ, ദീപു കൃഷ്ണൻ,സുജിത കുമാരി, സുഗന്ധി, കർഷകർ എന്നിവർ പങ്കെടുത്തു.

കുറ്റിക്കാട് കേന്ദ്രത്തിലെ ഉത്ഘാടനം ഡയറക്ടർ ബോർഡ്‌ മെമ്പർ വി. ബാബു നിർവ്വഹിച്ചു

ഈ കേന്ദ്രങ്ങൾ കൂടാതെ കടയ്ക്കൽ, കുമ്മിൾ പഞ്ചായത്തിലെ വിവിധ വിതരണ കേന്ദ്രങ്ങളിൽ വച്ചാണ് തൈകൾ വിതരണം നടത്തിയത്.

ബാങ്കിന്റെ തനതു ഫണ്ടിൽ നിന്നും 6 ലക്ഷം രൂപയും ഗുണഭോകൃത് വിഹിതമായി ഒരു ലക്ഷത്തി എഴുപതിനായിരം രൂപ ഉൾപ്പടെ 7 ലക്ഷത്തി എഴുപതിനായിരം രൂപയാണ് പദ്ധതി അടങ്കൽ.

800 രൂപ വില വരുന്ന ഗംഗ ബോട്ടം തെങ്ങിൻ തൈ, ലളിതപ്യാരി പേര, കർപ്പൂര മാവ്, റെഡ് ലേഡീ പപ്പായ,ജൈവ വളം എന്നിവ 200 രൂപ വാങ്ങിയാണ് ബാങ്ക് വിതരണം ചെയ്തത്. കടയ്ക്കൽ, കുമ്മിൾ പഞ്ചായത്തിലെ 850 പേർക്കാണ് ഈ വർഷം നൽകുന്നത്.

The post കടയ്ക്കൽ സർവീസ് സഹകരണ ബാങ്കിന്റെ നാട്ടുപച്ച പദ്ധതിയുടെ ഉത്ഘാടനം നടന്നു appeared first on Starvision News Malayalam.

സംസ്ഥാനത്തെ ഏറ്റവും മികച്ച ബാങ്കുകളിൽ ഒന്നാണ്‌ കടയ്ക്കൽ സഹകരണ ബാങ്ക്, മികച്ച ബാങ്കിനുള്ള ഒട്ടനവധി പുരസ്‌ക്കാരങ്ങൾ വാങ്ങിയിട്ടുണ്ട്. ശ്രീ എസ്‌ വിക്രമന്റെ നേതൃത്വത്തിലുള്ള ഭരണ സമിതിയുടെ നേതൃത്വത്തിൽ ഒട്ടനവധി മാതൃക പ്രവർത്തനങ്ങൾ നടപ്പിലാക്കി വരുന്നു.നാട്ടിലെ സാധാരണ ജനങ്ങൾക്കായി ഒട്ടനവധി നൂതന പദ്ധതി കൾ ഏറ്റെടുത്ത് നടപ്പിലാക്കി വരുന്നു.

നെൽക്കൃഷിക്കാർക്കായി കനകക്കതിർ, മാരക രോഗം ബാധിച്ചവർക്കുള്ള കനിവ്, പഠനത്തിൽ മികവ് പുലർത്തുന്ന കുട്ടികൾക്ക് സ്ക്വാളർഷിപ്പ്, മാത്‍സ്യ കർഷകർക്കുള്ള നീല ജലാശയം,ക്ഷീര കർഷകർക്കായുള്ള ക്ഷീര സാഗരം പദ്ധതി, കൃഷി പ്രോത്സാഹിപ്പിക്കുന്നതിനു വേണ്ടിയുള്ള നാട്ടു പച്ച പദ്ധതി എന്നിവ നടപ്പിലാക്കുന്നതിലൂടെ നാടിന്റെ സാമൂഹിക ഇടങ്ങളിൽ മാതൃകപരമായ മാറ്റങ്ങൾ കൊണ്ടുവരാൻ കഴിഞ്ഞിട്ടുണ്ട്.

കോവിഡ് കാലത്തെ ബാങ്കിന്റെ ഇടപെടൽ ശ്രദ്ദേയമാണ്. ആരും പട്ടിണികിടക്കാതിരിക്കാൻ എല്ലാ മേഖലയിലുള്ളവർക്കും സഹായമെത്തിക്കാൻ ബാങ്കിനായി.

എല്ലാവർഷവും ഓണം വിപണന സ്റ്റാൾ സംഘടിപ്പിച്ചു വരാറുണ്ട്.
ഇതിലൂടെ സബ്‌സിഡി നിരക്കിൽ പച്ചക്കറികളും പലവ്യെഞ്ജനങ്ങളും സാധാരണക്കാർക്ക് എത്തിക്കാൻ കഴിയുന്നു.

KIMSAT സഹകരണ ആശുപത്രിയുടെ നിർമ്മാണ പ്രവർത്തനങ്ങൾ അന്തിമ ഘട്ടത്തിലാണ്.

കടയ്ക്കൽ ബാങ്കിന്റെ ഹെഡ് ഓഫീസ് പ്രവർത്തിക്കുന്നു, കൂടാതെ കടയ്ക്കൽ ബസ്റ്റാന്റ്, കുമ്മിൾ, കാഞ്ഞിരത്തുംമൂട്, മുക്കുന്നം, കാറ്റാടിമൂട് എന്നിവിടങ്ങളിൽ ബ്രാഞ്ചുകളും പ്രവർത്തിക്കുന്നു, ബാങ്കിന്റെ കീഴിൽ കടയ്ക്കൽ ടൗണിൽ നീതി മെഡിക്കൽ സ്റ്റോറിൽ നിന്നും ന്യായവിലക്ക് മരുന്നുകൾ ലഭ്യമാകുന്നു, ഹെഡ്ഡ് ഓഫീസിനോട് ചേർന്ന് ജനസേവന കേന്ദ്രവും, വളം ഡിപ്പോയും ഉണ്ട്.

കൂടാതെ ഗൃഹലക്ഷ്മി എന്നപേരിൽ ഒരു ഗൃഹോപകരണ ഷോപ്പും പ്രവർത്തിക്കുന്നു, ഇവിടെ നിന്നും തവണ വ്യവസ്ഥയിൽ ഗ്രിഹോപകരണങ്ങൾ ന്യായവിലക്ക് ലഭിക്കുന്നു.

The post കടയ്ക്കൽ സർവീസ് സഹകരണ ബാങ്ക് ആധുനിക ബാങ്കിംഗ് സംവിധാനത്തിലേക്ക്‌ appeared first on Starvision News Malayalam.