കൊല്ലം: കടയ്ക്കൽ ഗ്രാമപഞ്ചായത്തും, കടയ്ക്കൽ സാംസ്കാരിക സമിതിയും ചേർന്ന്‌ സംഘടിപ്പിച്ച കടയ്ക്കൽ ഫെസ്റ്റിന് സമാപനം കുറിച്ച്കൊണ്ട് കടയ്ക്കൽ ബസ്സ്റ്റാന്റിൽ കുടുംബശ്രീയുടെ നേതൃത്വത്തിൽ മെഗാ തിരുവാതിര നടന്നു.

ബസ്റ്റാന്റിൽ വച്ച് നടന്ന ചടങ്ങ് കൊല്ലം ജില്ലാ പഞ്ചായത്ത്‌ പ്രസിഡന്റ്‌ അഡ്വ: സാം കെ ഡാനിയേൽ, ബ്ലോക്ക് പഞ്ചായത്ത്‌ പ്രസിഡന്റ്‌ ലതിക വിദ്യാധരൻ,പഞ്ചായത്ത്‌ പ്രസിഡന്റ്‌ എം. മനോജ്‌കുമാർ,കടയ്ക്കൽ സർവ്വീസ് സഹകരണ ബാങ്ക് പ്രസിഡന്റ്‌ എസ് വിക്രമൻ,സംഘാടക സമിതി ചീഫ് കോ ഓർഡിനേറ്റർ പി. പ്രതാപൻ, ജില്ലാ പഞ്ചായത്ത്‌ വികസനകാര്യ ചെയർ പെയർപേഴ്സൺ ജെ. നജീബത്ത് എന്നിവർ ചേർന്ന് നിലവിളക്ക് കൊളുത്തി ഉദ്ഘാടനം നിർവഹിച്ചു.

കടയ്ക്കൽ പഞ്ചായത്ത്‌ വൈസ് പ്രസിഡന്റ്‌ ആർ. ശ്രീജ, സ്ഥിരം സമിതി അധ്യക്ഷൻമ്മാരായ വേണു കുമാരൻ നായർ, കടയിൽ സലീം, മാധുരി ബ്ലോക്ക് പഞ്ചായത്ത്‌ മെമ്പർ സുധിൻ, സി. ഡി എസ് ചെയർപേഴ്സൺ രാജേശ്വരി, സി. ഡി. എസ് മെമ്പർമാർ, പഞ്ചായത്ത്‌ ജനപ്രതിനിധികൾ,രാഷ്ട്രീയ പാർട്ടി പ്രധിനിധികൾ കുടുംബശ്രീ അംഗങ്ങൾ, നാട്ടുകാർ, വ്യാപാരികൾ എന്നിവർ പങ്കെടുത്തു.

കടയ്ക്കൽ പഞ്ചായത്തിലെ മുഴുവൻ വാർഡുകളിൽ നിന്നുമുള്ള കുടുംബശ്രീ അംഗങ്ങളും, കുട്ടികളും തിരുവാതിര കളിയിൽ പങ്കെടുത്തു.

കടയ്ക്കൽ പഞ്ചായത്തിലെ മുന്നൂറോളം പേർ മെഗാ തിരുവാതിരയിൽ പങ്കാളികളായി.

റിപ്പോർട്ട്: സുജീഷ് ലാൽ, കൊല്ലം

The post കടയ്ക്കൽ ഫെസ്റ്റിന് സമാപനം കുറിച്ച്കൊണ്ട് മെഗാ തിരുവാതിര സംഘടിപ്പിച്ചു appeared first on Starvision News Malayalam.

കൊല്ലം: കടയ്ക്കൽ ഗ്രാമ പഞ്ചായത്തും, കടയ്ക്കൽ സാംസ്ക്കാരിക സമിതിയും ചേർന്ന്‌ സംഘടിപ്പിച്ചിട്ടുള്ള കടയ്ക്കൽ ഫെസ്റ്റിന്റെ ഭാഗമായി കടയ്ക്കൽ കുടുംബശ്രീ CDS ന്റെ ആഭിമുഖ്യത്തിൽ മന്ത്രി ചിഞ്ചുറാണി പങ്കെടുത്തുകൊണ്ട് പ്രത്യേക ഓണം പരിപാടികൾ നടന്നു.

രാവിലെ മുതൽ കടയ്ക്കൽ പഞ്ചായത്തിലെ വിവിധ വാർഡുകളിൽ നിന്നുള്ള കുടുംബശ്രീ അംഗങ്ങളുടെ കുട്ടികളുടെ കലാ പരിപാടികൾ നടന്നു.

പഞ്ചായത്ത് കുടുംബ ശ്രീയും ജനപ്രതിനിധികളും ഉദ്യോഗസ്ഥരും ചേർന്ന്
സംഘടിപ്പിച്ച പരിപാടിയിൽ മന്ത്രി ജെ. ചിഞ്ചുറാണി ഒരു ദിവസം പങ്കിട്ടു. ജന പ്രതിനിധികളും കുടുംബശ്രീ അംഗങ്ങളും തമ്മിൽ നടന്ന വടംവലിയിൽ ജന
പ്രതിനിധികളുടെ ടീമിന് മന്ത്രി ചിഞ്ചുറാണി നേതൃത്വം നൽകി. തുടർന്ന് വിവിധ മത്സരങ്ങൾ നടന്നു.

പഞ്ചായത്തു കൾ തമ്മിൽ നടന്ന വനിതകളുടെ വടംവലി മത്സരത്തിൽ കടയ്ക്കൽ പഞ്ചായത്ത് വിജയികളായി വൈകുന്നേരം നടന്ന പ്രതിഭാ സംഗമം ബ്ലോക്ക് പഞ്ചായത്ത് പ്രസിഡൻ്റ് ലതികാ വിദ്യാധരൻ ഉദ്ഘാടനം ചെയ്തു മെഗാ തിരുവാതിരയുടെ ഗീതം ചടങ്ങിൽ പ്രകാശനം ചെയ്തു. തിരുവാതിര ചിട്ടപ്പെടുത്തിയ അജിത ടീച്ചറെ ആദരിച്ചു. എസ് എസ് എൽ സി പ്ലസ് ടു പരീക്ഷകളിൽ ഫുൾ എ പ്ലസ് നേടിയവരെ ചടങ്ങിൽ ആദരിച്ചു.

റിപ്പോർട്ട്‌: സുജീഷ് ലാൽ, കൊല്ലം

The post കടയ്ക്കൽ ഫെസ്റ്റ് 2022: മന്ത്രിയോടൊപ്പം ഒരോണം സംഘടിപ്പിച്ചു appeared first on Starvision News Malayalam.

കൊല്ലം: കടയ്ക്കൽ പഞ്ചായത്തും, കടയ്ക്കൽ സാംസ്‌ക്കാരിക സമിതിയും ചേർന്ന്‌ സംഘടിപ്പിക്കുന്ന കടയ്ക്കൽ ഫെസ്റ്റിന്റെ ഭാഗമായി നടന്ന സാംസ്ക്കാരിക സമ്മേളനം പ്രശസ്ത കവി ഗിരീഷ് പുലിയൂർ ഉദ്ഘാടനം ചെയ്തു.

ഫെസ്റ്റ് ഗ്രൗണ്ടിൽ നടന്ന യോഗത്തിൽ അഡ്വ റ്റി. എസ് പ്രഫുല്ലഘോഷ് അധ്യക്ഷത വഹിച്ചു, പഞ്ചായത്ത്‌ ഗ്രന്ഥശാല നേതൃസമിതി കൺവീനർ ഡി. ഷിബു സ്വാഗതം പറഞ്ഞു പ്രശസ്ത കവി ഗണ പൂജാരി, അഡ്വ മോഹൻ കുമാർ എന്നിവർ സംസാരിച്ചു, കടയ്ക്കൽ സാംസ്ക്കാരിക സമിതി ജോയിന്റ് സെക്രട്ടറി സുജീഷ്ലാൽ നന്ദി പറഞ്ഞു.

The post കടയ്ക്കൽ ഫെസ്റ്റ് 2022: സാംസാക്കാരിക സമ്മേളനം പ്രശസ്ത കവി ഗിരീഷ് പുലിയൂർ ഉദ്ഘാടനം ചെയ്തു appeared first on Starvision News Malayalam.

കൊല്ലം: കടയ്ക്കൽ പഞ്ചായത്തും, കടയ്ക്കൽ സാംസ്ക്കാരിക സമിതിയും ചേർന്ന്‌ ഒരുക്കുന്ന കടയ്ക്കൽ ഫെസ്റ്റിന്റെ ഭാഗമായി കേരളത്തിലെ 12 പ്രൊഫഷണൽ ടീമുകൾ പങ്കെടുത്ത വടംവലി മത്സരം നടന്നു.

കടയ്ക്കൽ പഞ്ചായത്ത്‌ പ്രസിഡന്റ്‌ എം മനോജ്‌ കുമാർ ഉദ്ഘാടനം ചെയ്തു.

സുൽത്താൻ വീട്ടിൽ മുജീബ്, പട്ടാണി മുക്ക് നൽകുന്ന 10000 രൂപയുടെ
ഒന്നാം സമ്മാനത്തിന് ഹെർക്കുലീസ് വെമ്പായം അർഹരായി,ട്രോഫി സ്പോൺസർ ചെയ്തത് രാജേന്ദ്രപ്രസാദിന്റെ ഓർമ്മയ്ക്കായി കുടുംബാഗങ്ങൾ.

രണ്ടാം സമ്മാനം കടയ്ക്കൽ എ. ജെ മാർട്ട് സൂപ്പർ മാർക്കറ്റ് നൽകുന്ന രണ്ടാം സമ്മാനത്തിന് ജ്വാല കാവുവിള അർഹരായി, ബൈക്ക് ആക്സിഡന്റിൽ പരിക്ക് പറ്റി ചികിത്സയിലായ സുഭാഷ് എന്ന കളിക്കാരന്റെ ചികിത്സ സഹായത്തിനായാണവർ മത്സരിച്ചത്.

ചപ്സൺ ഓൺലൈൻ സർവ്വീസ് നൽകുന്ന മൂന്നാം സമ്മാനം മെൻസ് അരൂർ, കിളിമാനൂർ സ്വന്തമാക്കി, നാദിയാ മോട്ടോഴ്‌സ് നൽകുന്ന നാലായിരം രൂപ സമ്മാനം ഏയ്ഞ്ചൽ ഇടത്തറ കരസ്തമാക്കി.

അഖില കേരളാ വടം വലി അസോസിയേഷൻ ഭാരവാഹികൾ മത്സരങ്ങൾ നിയന്ത്രിച്ചു. സുഭാഷിനെ സഹായിക്കാൻ കടയ്ക്കലിൽ നിന്നും ഏകദേശം പതിമൂവായിരം രൂപ നൽകി, വാശിയേറിയ മത്സരം കാണാൻ രാത്രി വൈകിയും വൻ ജനാവലി കടയ്ക്കലിലേക്കെത്തി.

റിപ്പോർട്ട്: സുജീഷ് ലാൽ കൊല്ലം

The post കടയ്ക്കൽ ഫെസ്റ്റിന്റെ ഭാഗമായി അഖില കേരളാ വടംവലി മത്സരം സംഘടിപ്പിച്ചു appeared first on Starvision News Malayalam.

കൊല്ലം: കടയ്ക്കൽ പഞ്ചായത്തും, കടയ്ക്കൽ സാംസ്‌ക്കാരിക
സമിതിയും ചേർന്ന്‌ സംഘടിപ്പിക്കുന്ന കടയ്ക്കൽ ഫെസ്റ്റിന്റെ ഔദ്യോഗിക ഉദ്ഘാടനം ആരോഗ്യ വകുപ്പ് മന്ത്രി വീണ ജോർജ് നിർവ്വഹിച്ചു. കടയ്ക്കൽ വിപ്ലവ സ്മാരകത്തിൽ മന്ത്രി പുഷ്പചക്രം അർപ്പിച്ചു.

ജനാതിപത്യ മതേതര സംരക്ഷണത്തിന് കടയ്ക്കൽ ഫെസ്റ്റ് പോലുള്ള കൂട്ടായ്മക്ക് സാധിക്കുമെന്ന് മന്ത്രി പറഞ്ഞു. സ്ഥലം കിട്ടുന്ന മുറയ്ക്ക് കടയ്ക്കൽ താലൂക്ക് ഹോസ്പിറ്റലിന്റെ വികസനം പൂർത്തീകരിക്കുമെന്നും മന്ത്രി ഉറപ്പ് നൽകി.

ചടങ്ങിൽ മൃഗ സംരക്ഷണ, ക്ഷീര വികസന വകുപ്പ് മന്ത്രി ജെ ചിഞ്ചു റാണി അധ്യക്ഷ ആയിരുന്നു. കടയ്ക്കൽ ഗ്രാമ പഞ്ചായത്ത്‌ പ്രസിഡന്റ്‌ എം മനോജ്‌ കുമാർ സ്വാഗതം പറഞ്ഞു.

കാർഷികോത്ഘാടനം കൊല്ലം ജില്ലാ പഞ്ചായത്ത്‌ പ്രസിഡന്റ്‌ അഡ്വ. സാം കെ ഡാനിയേൽ നിർവ്വഹിച്ചു.

വൈദ്യുത ദീപാലാങ്കരം സി.പി. ഐ (എം) ജില്ലാ സെക്രട്ടറി എസ് സുദേവനും, വി. സുന്ദരേശൻ പ്രൊഫഷണൽ നാടക മത്സര ഉദ്ഘാടനം കടയ്ക്കൽ സർവ്വീസ് സഹകരണ ബാങ്ക് പ്രസിഡന്റ്‌ എസ് വിക്രമനും, മെഡിക്കൽ കോളേജ് പവലിയന്റെ ഉദ്ഘാടനം ബ്ലോക്ക് പഞ്ചായത്ത്‌ പ്രസിഡന്റ്‌ ലതിക വിദ്യാധരനും നിർവ്വഹിച്ചു.

ചിതറ പഞ്ചായത്ത്‌ പ്രസിഡന്റ്‌ എം. എസ് മുരളി, കുമ്മിൾ പഞ്ചായത്ത്‌ പ്രസിഡന്റ്‌ കെ. മധു എന്നിവർ സംസാരിച്ചു.

ചടങ്ങിൽ പഞ്ചായത്ത്‌ വൈസ് പ്രസിഡന്റ്‌ ആർ. ശ്രീജ പഞ്ചായത്ത്‌ സ്ഥിരം സമിതി അധ്യക്ഷന്മാരായ വേണുകുമാരൻ നായർ, കടയിൽ സലിം, കെ. എം മാധുരി, മുൻ പഞ്ചായത്ത്‌ പ്രസിഡന്റ്‌ ആർ. എസ് ബിജു,മെമ്പർമാരായ, കെ. വേണു, സി ആർ ലൗലി, ആർ.സി സുരേഷ്, പ്രീതൻ ഗോപി, സുഷമ്മ, സബിത, ജെ. എം മർഫി, പ്രീജ മുരളി, ശ്യാമ, റീന, ഷൈനി, അരുൺ, വി. ബാബു,പഞ്ചായത്ത്‌ അസിസ്റ്റന്റ് സെക്രട്ടറി അജിത്ത്, ജൂനിയർ സൂപ്രണ്ട് ഗായത്രി, സി.ഡി. എസ് ചെയർപേഴ്സൺ രാജേശ്വരി, കുടുംബശ്രീ, അംഗൻവാടി പ്രവർത്തകർ, ബഹുജനങ്ങൾ എന്നിവർ പങ്കെടുത്തു.

പഞ്ചായത്ത്‌ സെക്രട്ടറി ലൗജി എം. നായർ നന്ദി പറഞ്ഞു. തുടർന്ന് കാഞ്ഞിരപ്പള്ളി അമലയുടെ കടലാസിലെ അന എന്ന നാടകം അവതരിപ്പിച്ചു.

The post കടയ്ക്കൽ ഫെസ്റ്റ് മന്ത്രി വീണ ജോർജ് ഉദ്ഘാടനം ചെയ്തു appeared first on Starvision News Malayalam.

കൊല്ലം: കടയ്ക്കൽ ഗ്രാമപഞ്ചായത്തും, കടയ്ക്കൽ സാംസ്ക്കാരിക സമിതിയും ചേർന്ന് സംഘടിപ്പിക്കുന്ന ഫെസ്റ്റിന്റെ ഭാഗമായി റിഗാലിയ റീൽസ് എന്ന പേരിൽ മത്സരം നടത്തുന്നു.

കടുവ സിനിമയിലെ “പാലാപ്പള്ളി തിരുപ്പള്ളി” എന്ന ഗാനം പശ്ചാത്തലം ആക്കി ഒരുമിനിറ്റ് ദൈർഖ്യമുള്ള റീൽസുകളാണ് അയക്കേണ്ടത്, വിജയികൾക്ക് ഒന്നാം സമ്മാനമായി 5000 രൂപയും, രണ്ടാം സമ്മാനമായി 3000 രൂപയും സമ്മാനമായി നൽകുന്നത് റിഗാലിയ ഗോൾഡ് ആൻഡ് ഡയമൻഡ് കടയ്ക്കൽ.

കൂടാതെ വിജയികളാകുന്നവർക്ക് പാലാപ്പള്ളി ടീമുമായി കടയ്ക്കൽ ഫെസ്റ്റിന്റെ വേദിയിൽ ചുവടുവയ്ക്കാനുള്ള അവസരം ഉണ്ടായിരിക്കും.

അയക്കുന്ന റീലുകൾ കടയ്ക്കൽ സാംസ്കാരിക സമിതിയുടെ പേജിൽ പോസ്റ്റ്‌ ചെയ്യും, ലൈക്കുകളുടെയും,കലാ രംഗത്തുള്ള വിദഗ്ദ്ധരുടെയും തീരുമാനത്തിൽ അന്തിമ വിജയികളെ പ്രഖ്യാപിക്കും.

രജിസ്ട്രേഷൻ ഫീസ് ഇല്ല

റീൽസുകൾ 6238568028 ഈ നമ്പരിൽ അയക്കുക.

The post കടയ്ക്കൽ ഫെസ്റ്റിന്റെ ഭാഗമായി റീൽസ് മത്സരം സംഘടിപ്പിക്കുന്നു appeared first on Starvision News Malayalam.

കൊല്ലം: കടയ്ക്കൽ ഫെസ്റ്റിന്റെ ഭാഗമായി കടയ്ക്കൽ പഞ്ചായത്ത്‌ കുടുംബശ്രീ പാചക മത്സരം നടത്തി. കടയ്ക്കൽ പഞ്ചായത്തിലെ വിവിധ വാർഡിൽ നിന്നും 3 പേരടങ്ങുന്ന ടീമാണ് പങ്കെടുത്തത്. പായസം, അച്ചാർ എന്നിവയുടെ രുചികളിലുള്ള വിഭവങ്ങൾ അവർ ഇവിടെ വച്ച് പാചകം ചെയ്തു.

പപ്പായ പായസം, റംബുട്ടാൻ അച്ചാർ തുടങ്ങി വിവിധ തരത്തിലുള്ള പായസങ്ങളും, അച്ചാറുകളും തയ്യാറാക്കി. പാചക വിദഗ്ധരടക്കമുള്ളവർ രുചിച്ചു നോക്കി മാർക്കിട്ടു.

കടയ്ക്കൽ പഞ്ചായത്ത്‌ പ്രസിഡന്റ് എം മനോജ്‌കുമാർ വാർഡ് മെമ്പർമാർ, കുടുംബശ്രീ പ്രവർത്തകർ, അംഗനവാടി പ്രവർത്തകർ, സഘാടക സമിതി ഭാരവാകികൾ എന്നിവർ പങ്കെടുത്തു.

റിപ്പോർട്ട്: സുജീഷ് ലാൽ

The post കടയ്ക്കൽ ഫെസ്റ്റിന്റെ ഭാഗമായി പാചക മത്സരം സംഘടിപ്പിച്ചു appeared first on Starvision News Malayalam.

കൊല്ലം: കടയ്ക്കൽ ഗ്രാമപഞ്ചായത്തും കടയ്ക്കൽ സാംസ്‌കാരിക സമിതിയും ചേർന്ന് സംഘടിപ്പിക്കുന്ന കടയ്ക്കൽ ഫെസ്റ്റിന്റെ ഭാഗമായി കടയ്ക്കൽ കുടുംബശ്രീയുടെ ആഭിമുഖ്യത്തിൽ അത്തപ്പൂക്കള മത്സരം നടന്നു.

കടയ്ക്കൽ പഞ്ചായത്തിലെ 19 വാർഡുകളിൽ നിന്നുമുള്ള കുടുംബശ്രീ അംഗങ്ങൾ മത്സരത്തിൽ പങ്കെടുത്തു.

രാവിലെ കടയ്ക്കൽ ഗ്രാമ പഞ്ചായത്ത്‌ പ്രസിഡന്റ്‌ എം മനോജ്‌കുമാർ ചടങ്ങ് ഉദ്ഘാടനം ചെയ്തു.

പഞ്ചായത്ത്‌ സ്റ്റാന്റിംഗ് കമ്മിറ്റി അധ്യക്ഷൻമ്മാർ, പഞ്ചായത്ത്‌, മെമ്പർമാർ, ബ്ലോക്ക് പഞ്ചായത്ത്‌ മെമ്പർമാർ സി. ഡി.എസ് അംഗങ്ങൾ, കുടുംബശ്രീ, അംഗൻവാടി, പ്രവർത്തകർ,സംഘടക സമിതി അംഗങ്ങൾ എന്നിവർ പങ്കെടുത്തു.

റിപ്പോർട്ട്: സുജീഷ് ലാൽ

The post കടയ്ക്കൽ ഫെസ്റ്റ് 2022: കടയ്ക്കൽ കുടുംബശ്രീ അത്തപൂക്കള മത്സരം സംഘടിപ്പിച്ചു appeared first on Starvision News Malayalam.

കൊല്ലം: കടയ്ക്കൽ ഫെസ്റ്റിന്റെ ഭാഗമായി ഓർമ്മ ശക്തിയിൽ ഗിന്നസ് ലോക റെക്കോർഡ് ജേതാവും മെമ്മറി ട്രൈനറും ആയ ശാന്തി സത്യൻ അനിത്സൂര്യ ഓർമ്മയുടെ രസതന്ത്രം എന്ന പരിപാടി നടത്തി.

കുട്ടികളുടെയും, മുതിർന്നവരുടെയും വിഭാഗത്തിൽ മത്സരം നടന്നു. പേര് സൂചിപ്പിക്കുന്ന പോലെ കുട്ടികൾക്ക് ഓർമ്മയുടെ രസതന്ത്രമായി ഈ പരിപാടി.

രണ്ട് മണിക്കൂർ നീണ്ടു നിന്ന പരിപാടി വ്യത്യസ്തത കൊണ്ട് എല്ലാവർക്കും പുതിയ അനുഭവമായി കുട്ടികൾ കളിച്ചും, ചിരിച്ചും പരിപാടിയുടെ ഭാഗമായി, കാണികൾക്കും ഉത്തരം പറയാനുള്ള അവസരം ഉണ്ടായിരുന്നു.

ഇരു വിഭാഗത്തിലും ഒന്നാം സമ്മാനം വാങ്ങിയവർക്ക് കടയ്ക്കൽ മിനർവ്വ ഗോൾഡ് ആൻഡ് സിൽവർ ജൂവലറി നൽകിയ 1000 രൂപ ക്യാഷ് പ്രൈസും, കടയ്ക്കൽ സാംസ്‌കാരിക സമിതി നൽകിയ ട്രോഫിയും, രണ്ടാം സമ്മാനം ലഭിച്ചവർക്ക്‌ ട്രോഫിയും റോബിൻസ്കൂബും സമ്മാനമായി നൽകി.

സമ്മാനങ്ങൾ കടയ്ക്കൽ ഗ്രാമപഞ്ചായത്ത് പ്രസിഡന്റ്‌ എം മനോജ്‌ കുമാർ, സംഘാടക സമിതി ജനറൽ കൺവീനവർ വി സുബ്ബലാൽ എന്നിവർ ചേർന്ന്‌ നൽകി.

റിപ്പോർട്ട്: സുജീഷ് ലാൽ

The post ഗിന്നസ് വേൾഡ് റെക്കോർഡ് ജേതാവ് ശാന്തി അനിത് സൂര്യ ഓർമ്മയുടെ രസതന്ത്രം പരിപാടി സംഘടിപ്പിച്ചു appeared first on Starvision News Malayalam.

കടയ്ക്കലിലെ പഴയകാല പ്രതിഭകളും യുവ കലാകാരൻമ്മാരും ഒരേ വേദിയിൽ അണിനിരന്നു. കടയ്ക്കലിന്റെ കലാ സാംസ്‌കാരിക, സാമൂഹിക രംഗങ്ങളിൽ സമഗ്ര സംഭാവനകൾ നൽകിയ മുല്ലക്കര രത്നാകരൻ, എസ് സുദേവൻ, എസ് വിക്രമൻ ആർട്ടിസ്റ്റ് പുഷ്പൻ, ആർട്ടിസ്റ്റ് ഭാസി, ആർട്ടിസ്റ്റ് ഷാജി, നാടക കലാകാരൻ മ്മാരായിരുന്ന ത്രിവേണി ഗോപി, ആർ സുകുമാരൻ നായർ, മജീഷ്യൻ ഷാജു കടയ്ക്കൽ, ചരിത്രകാരൻ ഗോപിനാഥ പിള്ള, അഡ്വ. രവികുമാർ എന്നിവർ അടക്കം ഇരുന്നൂറോളം കലാകാരൻമാർ പങ്കെടുത്തു.

കടയ്ക്കൽ വിപ്ലവ സ്മാരക സ്ക്വയറിൽ സംഘടിപ്പിച്ച ചടങ്ങിൽ കടയ്ക്കൽ സാംസ്‌കാരിക സമിതിയുടെ പ്രസിഡന്റ്‌ കടയ്ക്കൽ ഷിബു അധ്യക്ഷനായിരുന്നു. സാംസ്‌കാരിക സമിതി സെക്രട്ടറി കെ. എസ് അരുൺ സ്വാഗതം പറഞ്ഞു.

സാംസ്‌കാരിക കൂട്ടായ്മയുടെ ഉദ്ഘാടനം എഴുത്തുകാരനും മുൻ കൃഷി മന്ത്രിയുമായ മുല്ലക്കര രത്നാകരൻ നിവ്വഹിച്ചു. വ്യാപാര വിപണന മേളയുടെ ഉദ്ഘാടനം സി പി ഐ എം ജില്ലാ സെക്രട്ടറി എസ് സുദേവനും, പുസ്തകോത്സവം കടയ്ക്കൽ സർവ്വിസ് സഹകരണ ബാങ്ക് പ്രസിഡന്റ്‌ എസ് വിക്രമനും ഉദ്ഘാടനം ചെയ്തു.

പ്രതിഭകളെ മുല്ലക്കര രത്നാകരൻ, എസ് സുദേവൻ, ബ്ലോക്ക് പ്രസിഡന്റ്‌ ലതിക വിദ്യാധരൻ, കടയ്ക്കൽ പഞ്ചായത്ത്‌ പ്രസിഡന്റ്‌ എം മനോജ്‌കുമാർ,സംഘാടക സമിതി ജനറൽ കൺവീനവർ സുബ്ബലാൽ, ചീഫ് കോർഡിനേറ്റർ പി പ്രതാപൻ സാംസ്‌കാരിക സമിതി പ്രസിഡന്റ്‌ ഷിബു, സെക്രട്ടറി അരുൺ, ട്രഷറർ വികാസ് എന്നിവർ ചേർന്ന് ആദരിച്ചു.ചടങ്ങിന്റെ മോഡറേറ്റാറായി അമൃത റഹീം പങ്കെടുത്തു. ചടങ്ങിൽ കടയ്ക്കലിലെ കലാ സാമൂഹിക രംഗത്തെ പ്രമുഖർ, ജന പ്രതിനിധികൾ, കുടുംബശ്രീ അംഗങ്ങൾ ബഹുജനങ്ങൾ എന്നിവർ പങ്കെടുത്തു.

കടയ്ക്കൽ വിപ്ലവത്തിന്റെ എൺപത്തി നാലാം വാർഷികത്തിൽ വിപ്ലവ സ്മാരകത്തിൽ 84 മൺചിരാതുകൾ കടയ്ക്കലിലെ പ്രതിഭകൾ തിരി തെളിച്ചു തുടർന്ന് കടയ്ക്കൽ വിപ്ലവം യുവ തലമുറയിലൂടെ എന്ന വിഷയത്തിൽ കടയ്ക്കൽ ഗവണ്മെന്റ് യു. പി സ്കൂളിലെ വിദ്യാർഥി റ്റി. എസ് മാനവ് പ്രസന്റെഷൻ നടത്തി, കടയ്ക്കൽ കുടുംബശ്രീ ബാല സഭയുടെ കുട്ടികൾ കടയ്ക്കൽ വിപ്ലവം ഒരു മുത്തശ്ശിക്കഥ എന്ന പരിപാടി അവതരിപ്പിച്ചു.

റിപ്പോർട്ട്: സുജീഷ് ലാൽ കൊല്ലം

The post കടയ്ക്കൽ ഫെസ്റ്റിന്റെ ഭാഗമായി കലാ, സാംസ്‌കാരിക കൂട്ടായ്മ സംഘടിപ്പിച്ചു appeared first on Starvision News Malayalam.