ടോക്കിയോ: ജപ്പാൻ പ്രധാനമന്ത്രി ഷിഗെരു ഇഷിബ രാജിവച്ചു. 68കാരനായ ഷിഗെരു ഇഷിബ ഞായറാഴ്ചയാണ് രാജി പ്രഖ്യാപിച്ചത്. ജൂലൈയിൽ നടന്ന പാർലമെന്റ് തെരഞ്ഞെടുപ്പിലെ തോൽവിക്ക് പിന്നാലെ തോൽവിയുടെ ഉത്തരവാദിത്തം ഏറ്റെടുത്ത് ഇഷിബ സ്ഥാനമൊഴിയണമെന്ന ആവശ്യം ശക്തമായിരുന്നു. ലിബറൽ ഡെമോക്രാറ്റിക് പാർട്ടി പിളരുന്ന സാഹചര്യം ഒഴിവാകുന്നത് ലക്ഷ്യമിട്ടാണ് രാജിയെന്നാണ് പുറത്ത് വരുന്ന വിവരം. അടുത്ത പ്രധാനമന്ത്രി ചുമതലയേൽക്കും വരെ പ്രധാനമന്ത്രി സ്ഥാനത്ത് തുടരുമെന്നാണ് ഷിഗെരു ഇഷിബ ഞായറാഴ്ച മാധ്യമ പ്രവർത്തകരോട് വിശദമാകക്കിയത്. പാർലമെന്റ് തെരഞ്ഞെടുപ്പിലെ തോൽവിയുടെ ഉത്തരവാദിത്തം ഏറ്റെടുത്ത് ഇഷിബ രാജിവെക്കണമെന്ന ആവശ്യം ഷിഗെരു ഇഷിബയുടെ പാർട്ടിയായ ലിബറൽ ഡെമോക്രാറ്റിക് പാർട്ടിയിൽ നിന്നാണ് ഉയർന്നത്. ഞായറാഴ്ച വരെ രാജി വയ്ക്കുമെന്ന നിലപാടിൽ നിന്നിരുന്ന ഷിഗെരു ഇഷിബ അപ്രതീക്ഷിതമായാണ് രാജി പ്രഖ്യാപിക്കുന്നത്.

ജൂലൈയിൽ നടന്ന തെരഞ്ഞെടുപ്പിൽ ലിബറൽ ഡെമോക്രാറ്റിക് പാർട്ടിക്ക് ഭൂരിപക്ഷം നഷ്ടമായിരുന്നു. 248 അംഗ സഭയിൽ 141 സീറ്റുകൾ ഉണ്ടായിരുന്നത് 122 ആയി കുറഞ്ഞിരുന്നു. ഇതോടെ മുന്നണിക്ക് ഭൂരിപക്ഷം ഇല്ലാതായി മാറുന്ന സാഹചര്യവുമുണ്ടായിരുന്നു. ജപ്പാൻ പാർലമെന്റിന്റെ ഇരുസഭകളിലും എൽഡിപിക്ക് ഭൂരിപക്ഷം നഷ്ടപ്പെടാൻ കാരണമായ വലിയ തിരിച്ചടി ഉണ്ടായിട്ടും ഇഷിബ ഷിഗെരു രാജിവെക്കാൻ തയാറായിരുന്നില്ല. അധികാരത്തിൽ തുടരുമെന്ന നിലപാടാണ് അദ്ദേഹം സ്വീകരിച്ചിരുന്നത്.

The post തോൽവിയുടെ പേരിൽ പാർട്ടി പിളരുന്ന സാഹചര്യം, ഗതികെട്ട് രാജി വച്ച് ജപ്പാൻ പ്രധാനമന്ത്രി appeared first on Starvision News Malayalam.

ദില്ലി: രണ്ട് ദിവസത്തെ ജപ്പാൻ സന്ദർശനം പൂർത്തിയാക്കി പ്രധാനമന്ത്രി നരേന്ദ്ര മോദി എസ്‌സി‌ഒ ഉച്ചകോടിയിൽ പങ്കെടുക്കാൻ ചൈനയിലേക്ക് യാത്ര തിരിച്ചു. ജപ്പാനും ഇന്ത്യയുമായുള്ള 13 സുപ്രധാന കരാറുകളിൽ ഒപ്പുവെച്ച ശേഷമാണ് യാത്ര. ജാപ്പനീസ് പ്രധാനമന്ത്രി ഷിഗെരു ഇഷിബയ്ക്കും സർക്കാരിനും ജനത്തിനും നന്ദി പറഞ്ഞ പ്രധാനമന്ത്രി ഉഭയകക്ഷി ബന്ധം കൂടുതൽ ശക്തിപ്പെടുത്താനുള്ള ഉൽപ്പാദനക്ഷമമായ പ്രവർത്തനങ്ങൾക്ക് സന്ദർശനം ഫലം ചെയ്തുവെന്ന് വ്യക്തമാക്കി.

ഇന്നലെയാണ് പ്രധാനമന്ത്രി നരേന്ദ്ര മോദി ജപ്പാനിലെത്തിയത്. ഇരു രാജ്യങ്ങളുടെയും ബഹിരാകാശ ഏജൻസികൾ ചേർന്ന് ചന്ദ്രന്റെ ധ്രുവ മേഖലയിൽ നടത്തുന്ന സംയുക്ത പര്യവേക്ഷണമായ ചന്ദ്രയാൻ -5 ദൗത്യത്തിനായുള്ള കരാറിൽ ഇരു രാജ്യങ്ങളും ഒപ്പുവച്ചിട്ടുണ്ട്. ഇന്ത്യയിൽ 10 ട്രില്യൺ യെൻ (ഏകദേശം 60,000 കോടി രൂപ) നിക്ഷേപം പത്ത് വർഷത്തിനുള്ളിൽ നടത്താൻ ജപ്പാൻ ലക്ഷ്യമിടുന്നുണ്ട്. പ്രതിരോധ രംഗത്ത് സഹകരണവും സാമ്പത്തിക പങ്കാളിത്തവും വർധിപ്പിക്കുന്നതിനുള്ള പ്രഖ്യാപനങ്ങളും ഇതിൻ്റെ ഭാഗമായി ഉണ്ടാകും. ആഗോള തലത്തിൽ നയതന്ത്ര ബന്ധം ശക്തിപ്പെടുത്തും. സെമികണ്ടക്ടറുകൾ, ക്ലീൻ എനർജി. ടെലികോം, ഫാർമസ്യൂട്ടിക്കൽസ്, ധാതു ഖനനം, സാങ്കേതികവിദ്യ മേഖലകളിലും കരാറുകൾ ഒപ്പുവച്ചിട്ടുണ്ട്.

ജപ്പാനിൽ നിന്നും ചൈനയിലേക്ക് പോയ പ്രധാനമന്ത്രി നരേന്ദ്ര മോദി ഇവിടെ വച്ച് ചൈനീസ് പ്രസിഡൻ്റ് ഷീ ജിൻപിങുമായടക്കം ചർച്ച നടത്തുമെന്ന് പ്രതീക്ഷിക്കുന്നുണ്ട്. അമേരിക്കയുടെ താരിഫ് നയംമാറ്ത്തെ തുടർന്ന് ഇന്ത്യ-യുഎസ് ബന്ധത്തിലുണ്ടായ ഉലച്ചിലിനിടെ സൗഹൃദം മെച്ചപ്പെടുത്തുന്നതിനായി ഷീ ജിൻപിങ് സൂചനകൾ നൽകിയിരുന്നു. രാഷ്ട്രപതി ദ്രൗപദി മുർമുവിന് അയച്ച കത്തിൽ ഷീ ജിൻപിങ് ബന്ധം മെച്ചപ്പെടുത്താനുള്ള താത്പര്യങ്ങൾ അറിയിച്ചതായാണ് സൂചന. നാളെയും മറ്റന്നാളുമായി ടിയാൻജിനിൽ നടക്കുന്ന ഷാങ്ഹായ് സഹകരണ സംഘടനയുടെ (എസ്‌സി‌ഒ) വാർഷിക ഉച്ചകോടിയിൽ പ്രധാനമന്ത്രി മോദി പങ്കെടുക്കും. ഏഴ് വർഷത്തിന് ശേഷമുള്ള മോദിയുടെ ചൈന സന്ദർശനത്തെ യുഎസ് അടക്കം ലോകരാജ്യങ്ങളും ഉറ്റുനോക്കുന്നുണ്ട്.

The post ജപ്പാനുമായി ബന്ധം ശക്തമാക്കി, 13 കരാറുകളിൽ ഒപ്പിട്ടു; സന്ദർശനം പൂർത്തിയാക്കി പ്രധാനമന്ത്രി മടങ്ങി; ചൈനയിലേക്ക് യാത്ര തിരിച്ചു appeared first on Starvision News Malayalam.

മോസ്കോ: റഷ്യയുടെ കിഴക്കൻ മേഖലയിലുണ്ടായ വൻ ഭൂചലനത്തിന് പിന്നാലെ റഷ്യയിലും ജപ്പാനിലും സുനാമി തിരമാലകൾ ആഞ്ഞടിച്ചു. 8.8 തീവ്രത രേഖപ്പെടുത്തിയ ഭൂചലനത്തിന് പിന്നാലെയാണിത്. വടക്കൻ പസഫിക് മേഖലയിലാണ് സുനാമിയുണ്ടായത്. അലാസ്ക, ഹവായ്, ന്യൂസിലൻഡിന് തെക്ക് തീരപ്രദേശങ്ങൾ എന്നിവിടങ്ങളിലും സുനാമി മുന്നറിയിപ്പുണ്ട്. ഹോണോലുലുവിൽ സുനാമി മുന്നറിയിപ്പ് സൈറണുകൾ മുഴങ്ങുകയും ആളുകൾ ഉയർന്ന പ്രദേശങ്ങളിലേക്ക് മാറുകയും ചെയ്തു. ജപ്പാനിലെ ഫുക്കുഷിമ ആണവ നിലയം ഒഴിപ്പിച്ചു. എത്രത്തോളം നാശനഷ്ടമുണ്ടായെന്ന് ഇപ്പോൾ വ്യക്തമല്ല.

ജപ്പാൻ കാലാവസ്ഥാ ഏജൻസിയുടെ കണക്കനുസരിച്ച് ഏകദേശം 30 സെന്റീമീറ്റർ ഉയരമുള്ള സുനാമി തിരമാലകൾ ഹൊക്കൈഡോയുടെ കിഴക്കൻ തീരത്തുള്ള നെമുറോയിൽ ആഞ്ഞടിച്ചു. റഷ്യയുടെ കുറിൽ ദ്വീപുകളിലെ പ്രധാന വാസസ്ഥലമായ സെവെറോ-കുരിൽസ്കിന്‍റെ തീരപ്രദേശത്ത് സുനാമി തിരമാലകൾ ആഞ്ഞടിച്ചതായി പ്രാദേശിക ഗവർണർ വലേരി ലിമാരെങ്കോ അറിയിച്ചു. ആളുകൾ സുരക്ഷിതരാണെന്നും ഭീഷണി അവസാനിക്കുന്നത് വരെ ഉയർന്ന സ്ഥലങ്ങളിൽ തുടരുകയാണെന്നും അദ്ദേഹം പറഞ്ഞു.

ഹവായ്, ചിലി, ജപ്പാൻ, സോളമൻ ദ്വീപുകളിലെ ചില തീരപ്രദേശങ്ങളിൽ കടൽനിരപ്പിൽ നിന്ന് 1 മുതൽ 3 മീറ്റർ വരെ ഉയരമുള്ള തിരമാലകൾ ഉണ്ടാകാൻ സാധ്യതയുണ്ടെന്ന് പസഫിക് സുനാമി മുന്നറിയിപ്പ് കേന്ദ്രം അറിയിച്ചു. റഷ്യയുടെയും ഇക്വഡോറിന്റെയും ചില തീരപ്രദേശങ്ങളിൽ 3 മീറ്ററിൽ കൂടുതൽ ഉയരമുള്ള തിരമാലകൾ ഉണ്ടാകാൻ സാധ്യതയുണ്ട്. ജനങ്ങളെ സുരക്ഷിതരാക്കാൻ അടിയന്തര നടപടികൾ സ്വീകരിക്കണമെന്ന് മുന്നറിയിപ്പിൽ പറയുന്നു.

റഷ്യയിലെ കംചട്ക ഉപദ്വീപിലാണ് ഭൂകമ്പമുണ്ടായത്. പസഫിക് സമുദ്രത്തിലെ പെട്രോപാവ്ലോവ്സ്-കംചാറ്റ്സ്കി നഗരത്തിന് തെക്കുകിഴക്കായി 126 കിലോമീറ്റർ അകലത്തിലാണ് ഭൂചലനത്തിന്റെ പ്രഭവ കേന്ദ്രമെന്ന് യുഎസ് ജിയോളജിക്കൽ സർവേ അറിയിച്ചു.

The post വൻ ഭൂചലനത്തിന് പിന്നാലെ റഷ്യയിലും ജപ്പാനിലും ആഞ്ഞടിച്ച് സുനാമി തിരമാലകൾ; ഫുക്കുഷിമ ആണവനിലയം ഒഴിപ്പിച്ചു appeared first on Starvision News Malayalam.

ഇന്ന് ജൂലൈ 5, ജപ്പാനിൽ ലോകം ഇന്നുവരെ കണ്ടതിൽ വച്ച് ഏറ്റവും ഭീകരമായ പ്രകൃതി ദുരന്തം സംഭവിക്കുമെന്ന് പ്രവചിക്കപ്പെട്ട ദിനം. 1999 -ൽ ആദ്യമായി പ്രസിദ്ധീകരിച്ച ‘വാതാഷി ഗാ മിതാ മിറായ്, കാൻസെൻബാൻ’ (ഞാൻ കണ്ട ഭാവി, സമ്പൂർണ്ണ പതിപ്പ്) എന്ന ജനപ്രിയ ജാപ്പനീസ് പുസ്തകത്തിലാണ് ഈ പ്രവചനമുള്ളത്. മാങ്ക കലാകാരി എന്ന് അറിയപ്പെടുന്ന റിയോ തത്സുകി, തന്‍റെ സ്വപ്നങ്ങളെ അടിസ്ഥാനമാക്കി എഴുതിയതാണ് ഈ പുസ്തകം, 2011 -ലെ തോഹോകു ഭൂകമ്പവും സുനാമിയും ഉൾപ്പെടെയുള്ള മുൻകാല സംഭവങ്ങളെക്കുറിച്ചുള്ള കൃത്യമായ പരാമർശങ്ങൾ കാരണം വർഷങ്ങളായി ലോക ശ്രദ്ധ നേടിയ പുസ്തകമാണിത്.

ജൂലൈ അഞ്ചിന് ലോകം ഇന്നോളം കണ്ടതിൽ വെച്ച് ഏറ്റവും ഭീകരമായ ഒരു മഹാദുരന്തം സംഭവിക്കുമെന്നാണ് ഈ പുസ്തകത്തിൽ പരാമർശിച്ചിട്ടുള്ളത്. ജപ്പാനിൽ സംഭവിക്കുന്ന ഒരു വലിയ ഭൂകമ്പമാണിതെന്നും പറയുന്നു. മാസങ്ങൾക്ക് മുൻപ് തന്നെ ജൂലൈയിൽ സംഭവിക്കുമെന്ന് പ്രവചിക്കപ്പെട്ട ഈ മഹാദുരന്തത്തെക്കുറിച്ച് ആളുകൾ ഓൺലൈനിൽ പരിശോധന നടത്തി തുടങ്ങിയിരുന്നു. പുസ്തകത്തിന്‍റെ കവറിലെ ഒരു പ്രധാന വരി ഇങ്ങനെയായിരുന്നു “യഥാർത്ഥ ദുരന്തം 2025 ജൂലൈയിൽ വരും.” ജപ്പാനും ഫിലിപ്പീൻസും തമ്മിലുള്ള സമുദ്രത്തിന്‍റെ അടിത്തട്ട് വിള്ളുകയും 2011 -ൽ കണ്ടതിനേക്കാൾ ഉയർന്ന തിരമാലകൾക്ക് കാരണമാകുകയും ചെയ്യുന്ന ഒരു പ്രകൃതി ദുരന്തത്തെക്കുറിച്ചാണ് ഈ പുസ്തകത്തിൽ പരാമർശിക്കുന്നത്. ഈ പുസ്തകങ്ങൾക്കും ഇതിലെ പ്രവചനങ്ങൾക്കും ശാസ്ത്രീയ അടിത്തറയില്ലെങ്കിലും, പ്രവചനം വ്യാപകമായ ചർച്ചാവിഷയമാവുകയും ആളുകൾക്കിടയിൽ വലിയ ഉത്കണ്ഠയ്ക്കും കാരണമായി.

പ്രവചനങ്ങളുടെ പുസ്തകം

റിയോ തത്സുകിയുടെ വതാഷി ഗ മിത മിറായിയെ പലപ്പോഴും ‘പ്രവചനങ്ങളുടെ പുസ്തകം’ എന്നാണ് വിശേഷിപ്പിക്കുന്നത്. ഡയാന രാജകുമാരിയുടെയും ഫ്രെഡി മെർക്കുറിയുടെയും മരണങ്ങൾ, കോവിഡ്-19 പാൻഡെമിക് എന്നിവയുൾപ്പെടെ നിരവധി പ്രധാന ആഗോള സംഭവങ്ങൾ എന്നിവ പുസ്തകത്തിൽ കൃത്യമായി മുൻകൂട്ടി രേഖപ്പെടുത്തപ്പെട്ടുവെന്നാണ് പറയപ്പെടുന്നത്. എന്നാൽ 2011 മാർച്ചിൽ ജപ്പാനിലുണ്ടായ ടോഹോകു ഭൂകമ്പവും സുനാമിയുമാണ് ഈ പുസ്തകം ലോകശ്രദ്ധ നേടുന്നതിന് കാരണമാക്കിയത്. ഏതാണ്ട് ഒരു ദശാബ്ദത്തിന് മുമ്പ് പ്രസിദ്ധീകരിച്ച ഈ പുസ്തകത്തിന്‍റെ കവറിൽ ‘2011 മാർച്ചിൽ ഒരു വലിയ ദുരന്തം’ എന്ന് പരാമർശിച്ചിരുന്നു. ഇതുതന്നെയാണ് 2025 ജൂലൈയെ കുറിച്ചുള്ള പുസ്തകത്തിലെ പരാമർശവും ഗൗരവകരമായി എടുക്കാൻ ആളുകളെ പ്രേരിപ്പിച്ചത്.

ശാസ്ത്രലോകം പറയുന്നത്

ഇതുമായി ബന്ധപ്പെട്ട് വലിയ വാർത്തകൾ പ്രചരിക്കുന്നുണ്ടെങ്കിലും, കൃത്യമായ തീയതികൾ, സമയങ്ങൾ അല്ലെങ്കിൽ സ്ഥലങ്ങൾ എന്നിവ ചൂണ്ടിക്കാട്ടി ഭൂകമ്പങ്ങൾ പ്രവചിക്കാൻ കഴിയുമെന്ന ആശയം ജപ്പാനിലെ കാലാവസ്ഥാ ഏജൻസി പൂർണ്ണമായും നിരാകരിച്ചു. കഴിഞ്ഞ മാസം അസോസിയേറ്റഡ് പ്രസ്സിന് നൽകിയ പ്രസ്താവനയിൽ, ഏജൻസി അത്തരം പ്രവചനങ്ങളെ തട്ടിപ്പെന്നാണ് വിശേഷിപ്പിച്ചത്. കൂടാതെ ഇവയെല്ലാം തെറ്റായ വിവരങ്ങളാണെന്നും ഏജൻസിയിലെ ഗവേഷകർ പറഞ്ഞു.

പുസ്തകത്തിലെ കാര്യങ്ങൾ വലിയതോതിൽ ചർച്ചയായതോടെ റിയോ ടാറ്റ്‌സുകിയും ഈ ഊഹാപോഹത്തെ അഭിസംബോധന ചെയ്തു. റോയിട്ടേഴ്‌സിന്‍റെ റിപ്പോർട്ട് അനുസരിച്ച് താനൊരു പ്രവാചകനല്ലന്ന് അവർ വ്യക്തമാക്കി. തന്‍‌റെ സ്വപ്നങ്ങളിൽ അമിതമായി സ്വാധീനിക്കപ്പെടരുതെന്നും വിദഗ്ധ അഭിപ്രായങ്ങളെ അടിസ്ഥാനമാക്കി ഉചിതമായി പ്രവർത്തിക്കണമെന്നും അവർ ആളുകളോട് ആവശ്യപ്പെട്ടു.

ജപ്പാൻ ദ്വീപുകളിലെ ചെറു ഭൂകമ്പങ്ങൾ

അതേസമയം കഴിഞ്ഞ ദിവസങ്ങളില്‍ തെക്കൻ ജപ്പാനിലെ ജനസാന്ദ്രത കുറഞ്ഞ ടോക്കര ദ്വീപ് സമൂഹത്തിൽ ചെറു ഭൂകമ്പങ്ങൾ നിരവധി തവണ അനുഭവപ്പെട്ടത് ഇവിടുത്തെ പ്രദേശവാസികളിൽ ആശങ്ക ഉണ്ടാക്കി. ജൂൺ 21 മുതൽ, ടോക്കര ദ്വീപ് സമൂഹത്തിന് ചുറ്റും 900-ലധികം ഭൂകമ്പങ്ങളാണ് രേഖപ്പെടുത്തിയത്. ജൂലൈ 2 ബുധനാഴ്ച, പ്രദേശത്ത് 5.5 തീവ്രത രേഖപ്പെടുത്തിയ ഭൂചലനമുണ്ടായി. വലിയ നാശനഷ്ടങ്ങളൊന്നും റിപ്പോർട്ട് ചെയ്തിട്ടില്ല. സുനാമി മുന്നറിയിപ്പും ഉണ്ടായില്ല. എന്നാല്‍, പ്രദേശവാസികൾ ജാഗ്രത പാലിക്കാനും സുരക്ഷിത സ്ഥാനങ്ങളിലേക്ക് നീങ്ങാന്‍ തയ്യാറായിരിക്കണമെന്നും അധികൃതർ അഭ്യർത്ഥിച്ചെന്ന് ബിബിസി റിപ്പോർട്ട് ചെയ്തു. 700 പേർ മാത്രമാണ് ഈ ദീപ് സമൂഹങ്ങളിൽ താമസിക്കുന്നത്. ഈ പ്രദേശത്ത് മുമ്പും തുടർച്ചയായ ചെറു ഭൂകമ്പങ്ങൾ അനുഭവപ്പെട്ടിട്ടുണ്ടെന്ന് പ്രാദേശിക മാധ്യമങ്ങൾ റിപ്പോര്‍ട്ട് ചെയ്തു. എന്നാൽ ഇപ്പോൾ ഉണ്ടായിരിക്കുന്ന ഭൂകമ്പങ്ങളുടെ ആവൃത്തി അസാധാരണമാണ്.

ആശങ്കയുടെ “റിംഗ് ഓഫ് ഫയർ”

റിയോ തത്സുകിയുടെ പുസ്തകത്തിലെ ദുരന്ത പ്രവചനം സാങ്കൽപ്പികമായിരിക്കാമെങ്കിലും, ജപ്പാൻ പതിവ് ഭൂകമ്പങ്ങൾക്കും അഗ്നിപർവ്വത പ്രവർത്തനങ്ങൾക്കും പേരുകേട്ട “റിംഗ് ഓഫ് ഫയർ” എന്ന പ്രദേശത്തിനടുത്തായി സ്ഥിതി ചെയ്യുന്നതിനാൽ, ഒരു മഹാ ഭൂകമ്പത്തിനുള്ള സാധ്യതകളുണ്ടെന്ന് ശാസ്ത്രജ്ഞർ വളരെ മുൻപ് തന്നെ മുന്നറിയിപ്പ് നൽകിയിരുന്നു. എല്ലാ വർഷവും ജപ്പാനിൽ 2,000 വരെ ശക്തമായ ഭൂകമ്പങ്ങൾ അനുഭവപ്പെടാറുണ്ട്, കൂടാതെ ആഗോളതലത്തിൽ ആറോ അതിൽ കൂടുതലോ തീവ്രതയുള്ള ഭൂകമ്പങ്ങളുടെ 20 ശതമാനവും ഇവിടെയാണ് സംഭവിക്കുന്നത്.

കൂടാതെ “നൂറ്റാണ്ടിലൊരിക്കൽ സംഭവിക്കുന്ന” നങ്കായ് ട്രഫ് മെഗാക്വേക്ക് എന്നറിയപ്പെടുന്ന പ്രതിഭാസത്തെ നേരിടാനും ജാപ്പനീസ് അധികൃതർ ഒരുങ്ങുകയാണ്. തെക്കൻ ജപ്പാൻ തീരത്ത് നിന്ന് 800 കിലോമീറ്റർ അകലെയുള്ള കടലിനടിയിലുള്ള ഒരു കിടങ്ങാണ് നങ്കായ് ട്രഫ്. 2055 -ന് മുമ്പ് അവിടെ 9 തീവ്രതയുള്ള ഭൂകമ്പം ഉണ്ടാകാനുള്ള സാധ്യത 80 ശതമാനമാണെന്നാണ് വിദഗ്ദ്ധർ കണക്കാക്കുന്നത്. അങ്ങനെ സംഭവിച്ചാൽ, മൂന്ന് ലക്ഷം പേർ വരെ മരിച്ചേക്കാം.

ജപ്പാൻ ഭൂകമ്പ ചരിത്രം

2011 -ലെ തോഹോകു ഭൂകമ്പവും സുനാമിയും: 2011 മാർച്ച് 11 ന് ജപ്പാന്‍റെ വടക്കുകിഴക്കൻ തീരത്ത് 9.0 തീവ്രത രേഖപ്പെടുത്തിയ ഭൂകമ്പം ഉണ്ടായി. ഫുകുഷിമ ആണവ ദുരന്തത്തിനും കാരണമായ ദുരന്തത്തിൽ 18,000-ത്തിലധികം പേർ മരിച്ചു. ജപ്പാന്‍റെ ചരിത്രത്തിലെ ഏറ്റവും ശക്തമായ ഭൂകമ്പമാണിത്.

1923 -ലെ ഗ്രേറ്റ് കാന്‍റോ ഭൂകമ്പം: 1923 സെപ്റ്റംബർ 1 ന് ടോക്കിയോ, യോകോഹാമ മേഖലകളിൽ 7.9 തീവ്രത രേഖപ്പെടുത്തിയ ഈ ഭൂകമ്പത്തിൽ ഒരു ലക്ഷത്തിലധികം ആളുകൾ മരിച്ചു.

1995 -ലെ മഹാ ഹാൻഷിൻ ഭൂകമ്പം: 1995 ജനുവരി 17 ന് കോബെയ്ക്ക് സമീപമുള്ള പ്രദേശത്ത് 6.9 തീവ്രത രേഖപ്പെടുത്തിയ ഭൂകമ്പത്തിൽ 6,000 -ൽ അധികമാളുകളാണ് മരിച്ചത്.

1948 ഫുകുയി ഭൂകമ്പം: 1948 ജൂൺ 28 -ന്, 7.1 തീവ്രത രേഖപ്പെടുത്തിയ ഭൂകമ്പം ഫുകുയി പ്രിഫെക്ചറിനെ തകർത്തു, 3,700 പേർ മരച്ചു.

2004 -ലെ ചൂറ്റ്സു ഭൂകമ്പം: 2004 ഒക്ടോബർ 23 -ന് 6.6 തീവ്രത രേഖപ്പെടുത്തിയ ഈ ഭൂകമ്പം നിഗറ്റ പ്രിഫെക്ചറിൽ കാര്യമായ നാശനഷ്ടങ്ങൾ വരുത്തിവയ്ക്കുകയും 68 പേരുടെ മരണത്തിനും കാരമമായി.

The post ജപ്പാനെന്ന ഭൂകമ്പ കേന്ദ്രവും റിയോ തത്സുകിയുടെ സ്വപ്ന പ്രവചനങ്ങളും appeared first on Starvision News Malayalam.

അദ്ദേഹത്തിന്റെ നെഞ്ചിലാണ് വെടിയേറ്റത്. ആശുപത്രിയിൽ പ്രവേശിച്ചപ്പോൾ തന്നെ ഷിന്‍സോ ആബേയുടെ ഹൃദയത്തിന്റേയും ശ്വസനവ്യവസ്ഥയുടേയും പ്രവര്‍ത്തനങ്ങള്‍ സ്തംഭനത്തിന്റെ വക്കിലായിരുന്നു. ജപ്പാനിലെ ഏറ്റവും ജനകീയനായ നേതായിരുന്നു അദ്ദേഹം. ഏറ്റവും കൂടുതൽ തവണ പ്രധാനമന്ത്രി ആയ അദ്ദേഹത്തിന്റെ വേർപാട് ജാപ്പനീസ് ജനങ്ങളെ ഞെട്ടിച്ചിരിക്കുകയാണ്. നാല് തവണയാണ് അദ്ദേഹം ജപ്പാന്റെ പ്രധാനമന്ത്രിയായി ചുമതലയേറ്റിട്ടുള്ളത്.

The post തെരഞ്ഞെടുപ്പ് പ്രചരണത്തിനിടെ വെടിയേറ്റ മുന്‍ പ്രധാനമന്ത്രി ഷിന്‍സോ ആബേ കൊല്ലപ്പെട്ടു appeared first on Starvision News Malayalam.

ചിത്രത്തിന്‍റെ ജപ്പാനിലെ വിതരണാവകാശം നേരത്തേ വിറ്റുപോയിരുന്നതാണെന്നും കൊവിഡ് പ്രതിസന്ധിയില്‍ റിലീസ് നീണ്ടുപോയതാണെന്നും ചിത്രത്തിന്‍റെ നിര്‍മ്മാതാവ് ജോമോന്‍ ജേക്കബ് പറഞ്ഞു. പ്രാദേശിക ഒടിടി പ്ലാറ്റ്‍ഫോം ആയ നീസ്ട്രീമിലൂടെ പേ പെര്‍ വ്യൂ മാതൃകയില്‍ റിലീസ് ചെയ്യപ്പെട്ട ചിത്രം മണിക്കൂറുകള്‍ക്കകം സോഷ്യല്‍ മീഡിയയില്‍ ചര്‍ച്ചാവിഷയമായി.

നിത്യജീവിതത്തിലെ ലളിതമായ ഉദാഹരണങ്ങള്‍ നിരത്തി പുരുഷാധിപത്യ സമൂഹത്തെക്കുറിച്ച് സംസാരിച്ച ചിത്രത്തെക്കുറിച്ച് ബിബിസി ഉള്‍പ്പെടെയുള്ള അന്തര്‍ദേശീയ മാധ്യമങ്ങളിലുള്‍പ്പെടെ നിരൂപണങ്ങള്‍ പ്രത്യക്ഷപ്പെട്ടു. ചിത്രം വന്‍ വിജയം നേടിയതോടെ ആമസോണ്‍ പ്രൈം അടക്കമുള്ള നിരവധി പ്ലാറ്റ്‍ഫോമുകളിലേക്കും ചിത്രം പിന്നീട് പ്രദര്‍ശനം ആരംഭിച്ചു. കഴിഞ്ഞ വര്‍ഷത്തെ സംസ്ഥാന ചലച്ചിത്ര പുരസ്‍കാരങ്ങളില്‍ മൂന്ന് വിഭാഗങ്ങളില്‍ ചിത്രം അവാര്‍ഡ് നേടുയിരുന്നു.

The post “ദ് ഗ്രേറ്റ് ഇന്ത്യന്‍ കിച്ചൺ” ജനുവരി 21 മുതൽ ജപ്പാനില്‍ തീയേറ്ററുകളിൽ റിലീസ് appeared first on Starvision News Malayalam.

=================================================================================

സ്റ്റാർ വിഷൻ വാര്‍ത്തകള്‍ അറിയാനുള്ള വാട്ട്‌സ്ആപ്പ് ഗ്രൂപ്പ്
https://chat.whatsapp.com/GDF29CaKEQREh14pEVSIdN

സ്റ്റാർ വിഷൻ വീഡിയോ വാര്‍ത്തകള്‍ക്ക്
http://bit.ly/SubToStarvisionNews

=================================================================================

ജര്‍മനിയെയും ബ്രിട്ടനെയും മറികടന്നാണ് ഇന്ത്യ പുതിയ നേട്ടം സ്വന്തമാക്കുന്നത്. ഇന്ത്യന്‍ സമ്പദ് വ്യവസ്ഥയുടെ വലിപ്പം ഇപ്പോഴത്തെ 2.7 ലക്ഷം കോടിയില്‍നിന്ന് 2030ല്‍ 8.4 ലക്ഷം കോടി ആവുമെന്നും പറയുന്നു. അടുത്ത ദശകത്തില്‍ ലോകത്തിലെ ഏറ്റവും വേഗത്തില്‍ വളരുന്ന സമ്പദ് വ്യവസ്ഥയായിരിക്കും ഇന്ത്യയുടേത്.

The post ​ 2030ൽ ഇന്ത്യ ലോകത്തെ മൂന്നാമത്തെ സാമ്പത്തിക ശക്തിയാകുമെന്ന് റിപ്പോർട്ട് appeared first on Starvision News Malayalam.

യാത്രക്കാര്‍ പരിഭ്രാന്തരായി ട്രെയിനില്‍നിന്ന് ഓടിരക്ഷപ്പെടാന്‍ ശ്രമിക്കുന്നതും തൊട്ടുപിന്നാലെ ചെറിയ സ്‌ഫോടനവും തീപ്പിടിത്തവുമുണ്ടാവുന്നതും ട്വിറ്ററില്‍ പ്രചരിക്കുന്ന വീഡിയോയില്‍നിന്ന് വ്യക്തമാണ്. ട്രെയിന്‍ നിര്‍ത്തിയതിന് പിന്നാലെ യാത്രക്കാര്‍ ജനാലവഴി ഇറങ്ങാന്‍ ശ്രമിക്കുന്നതിന്റെ വീഡിയോയും പ്രചരിക്കുന്നുണ്ട്. ആളുകള്‍ പുറത്തേക്കോടുന്ന സമയത്താണ് ഇയാള്‍ കത്തി വീശിയത്. ഇതില്‍ പലര്‍ക്കും കുത്തേല്‍ക്കുകയും ചെയ്തതായി ദൃക്‌സാക്ഷികള്‍ പറയുന്നു. അക്രമിയെ പോലിസ് സംഭവസ്ഥലത്തുനിന്ന് തന്നെ അറസ്റ്റുചെയ്തിട്ടുണ്ടെന്ന് മാധ്യമങ്ങള്‍ റിപോര്‍ട്ട് ചെയ്തു. 60 വയസ് പ്രായം തോന്നിക്കുന്ന ഒരാള്‍ കുത്തേറ്റതിനെത്തുടര്‍ന്ന് അബോധാവസ്ഥയിലായി. ഇയാളുടെ നില ഗുരുതരമാണ്. ജോക്കര്‍ ധരിക്കുന്നതുപോലെ പര്‍പ്പിള്‍ സ്യൂട്ടും തിളങ്ങുന്ന പച്ച ഷര്‍ട്ടും ധരിച്ച ഒരു കണ്ണടക്കാരന്‍ ഒഴിഞ്ഞ ട്രെയിനില്‍ ഇരിക്കുന്നതാണ് ദൃശ്യങ്ങളിലുള്ളത്. കാലുകള്‍ കവച്ചുവച്ച് ശാന്തനായി സിഗരറ്റ് വലിച്ചുകൊണ്ടിരിക്കുന്നതാണ് ദൃശ്യങ്ങളിലുള്ളത്. പിന്നീട് പോലിസ് ഇയാളെ വളയുന്നതും പിടികൂടുന്നതും കാണാം. ലോകത്തിലെ ഏറ്റവും തിരക്കേറിയ റെയില്‍വേ സ്‌റ്റേഷനായ ഷിന്‍ജുകുവിലേക്കുള്ള കെയോ എക്‌സ്പ്രസ് ലൈനില്‍ രാത്രി 8 മണിയോടെയാണ് ആക്രമണമുണ്ടായത്.

The post ജപ്പാനില്‍ ജോക്കര്‍ വേഷത്തിലെത്തിയ അക്രമി ട്രെയിനിന് തീവച്ചു; 17 പേര്‍ക്ക് പരിക്ക് appeared first on Starvision News Malayalam.

ഇന്ത്യയുടെ ഏറ്റവും അടുത്ത പങ്കാളികളിൽ ഒന്നാണ് ജപ്പാൻ. ഇരുരാജ്യങ്ങളും തമ്മിലുള്ള സഹകരണം വർദ്ധിപ്പിക്കുന്നതിലേക്ക് നയിക്കുന്ന വിവിധ വിഷയങ്ങളിൽ ഫലവത്തായ ചർച്ച നടത്തിയെന്നും ഇന്ത്യയും ജപ്പാനുമായുള്ള ശക്തമായ കൂട്ടുകെട്ട് ലോകത്തിന് മുഴുവൻ ഗുണമുണ്ടാക്കുമെന്നും നരേന്ദ്രമോദി ട്വിറ്ററിൽ കുറിച്ചു. അഫ്ഗാൻ പ്രതിസന്ധിയുൾപ്പെടെ വിവിധ ആഗോള വിഷയങ്ങളിൽ ഇരുവരും ആശയങ്ങൾ പങ്കുവച്ചു. മഹാമാരി പ്രതിസന്ധിക്കിടെ സുരക്ഷ വിട്ടുവീഴ്ച ചെയ്യാതെ വളരെ മികച്ച രീതിയിൽ ടോക്കിയോ ഒളിമ്പിക്-പാരാലിമ്പിക്‌സുകൾ സംഘടിപ്പിച്ച ജപ്പാന്റെ പ്രവർത്തനങ്ങളെയും മോദി അഭിനന്ദിച്ചു. കാലാവസ്ഥാ വ്യതിയാന പ്രശ്‌നങ്ങളും ഇന്ത്യയുടെ നാഷണൽ ഹൈഡ്രജൻ ഊർജ പദ്ധതിയുമായി ജപ്പാനീസ് സഹകരണ സാധ്യതകളും ഇരുനേതാക്കളും ചർച്ചയിൽ ഉൾപ്പെടുത്തി. ജപ്പാൻ പ്രധാനമന്ത്രിയുമായി കൊറോണയ്‌ക്ക് ശേഷം നടത്തുന്ന ആദ്യ കൂടിക്കാഴ്ചയായിരുന്നു അത്.

തന്റെ നല്ല സുഹൃത്തായ സ്‌കോട്ട് മോറിസണുമായി മികച്ച രീതിയിൽ ആശയ വിനിമയം നടത്തിയെന്ന് ട്വിറ്ററിൽ രേഖപ്പെടുത്തിയ മോദി വാണിജ്യം, വ്യാപാരം, ഊർജം തുടങ്ങിയ മേഖലകളിൽ സഹകരണം ശക്തിപ്പെടുത്തുന്നതുമായി ബന്ധപ്പെട്ട് അദ്ദേഹവുമായി വിശദമായ ചർച്ച നടത്തിയെന്നും അറിയിച്ചു. ആഗോള പ്രാധാന്യമുള്ള കാര്യങ്ങളിലും ഉഭയകക്ഷി-മേഖലാപരമായ വിഷയങ്ങളിലും ഇരുനേതാക്കളും വിശാലമായ ചർച്ച നടത്തി. വിവിധ അന്താരാഷ്‌ട്ര സമ്മേളനങ്ങളുടെ ഭാഗമായി ഇതിന് മുമ്പും ഇരുനേതാക്കളും കൂടിക്കാഴ്ച നടത്തിയിട്ടുണ്ട്. എങ്കിലും കൊറോണയ്‌ക്ക് ശേഷം നടക്കുന്ന ആദ്യത്തെ കൂടിക്കാഴ്ചയാണിത്.

The post ജപ്പാൻ-ഓസ്‌ട്രേലിയൻ പ്രധാനമന്ത്രിമാരുമായി നരേന്ദ്രമോദി കൂടിക്കാഴ്ച നടത്തി appeared first on Starvision News Malayalam.

എൻ.ഇ.സി റെമിറ്റിലൂടെ പണം അയക്കാനായി www.necremit.com ക്ലിക്ക് ചെയ്യുക

ആണവായുധങ്ങൾ നിരോധിക്കാനുള്ള ഐക്യരാഷ്ട്ര സഭയുടെ ഉടമ്പടിയിൽ ജപ്പാൻ ഒപ്പുവെയ്ക്കില്ല. അടുത്ത വർഷം മുതൽ ഉടമ്പടി പ്രാവർത്തികമാക്കാനുള്ള ഐക്യരാഷ്ട്ര സഭയുടെ തീരുമാനത്തെ സ്വാഗതം ചെയ്യുകയുമില്ല. ആണവായുധങ്ങളില്ലാത്ത ലോകമാണ് ജപ്പാന്റെയും ലക്ഷ്യം. എന്നാൽ ഐക്യരാഷ്ട്രസഭയുടെ ഉടമ്പടി ഈ ലക്ഷ്യം സാക്ഷാത്കരിക്കുമെന്ന് കരുതുന്നില്ലെന്നും കാറ്റോ വ്യക്തമാക്കി.

ഉടമ്പടിയിൽ നിന്നും വ്യത്യസ്തമാണ് ജപ്പാൻ വിഭാവനം ചെയ്യുന്ന സങ്കൽപ്പം. ആണവായുധ ശക്തികളല്ലാത്ത രാജ്യത്തിന് പിന്തുണയേറുന്നുണ്ടോ എന്ന്  സംശയിക്കുന്നു. ഐക്യരാഷ്ട്ര സഭയുടെ ഉടമ്പടി ആണവായുധ ശക്തികളായ രാജ്യങ്ങളെയും അല്ലാത്ത രാജ്യങ്ങളെയും വിഭജിക്കുന്നു. അങ്ങിനെയെങ്കിൽ ഇതിനിടയിൽ ഒരു പാലമായി വർത്തിക്കാനാണ് ജപ്പാൻ ആഗ്രഹിക്കുന്നതെന്നും അദ്ദേഹം കൂട്ടിച്ചേർത്തു.

മിഡിൽ ഈസ്റ്റ് ഹോസ്‌പിറ്റൽ ചികിത്സക്കായി www.membh.com ക്ലിക്ക് ചെയ്യുക

കഴിഞ്ഞ ദിവസമാണ് ആണവായുധങ്ങളുടെ നിരോധനത്തിനായി 50 രാജ്യങ്ങൾ സമ്മതിച്ച വിവരം ഐക്യരാഷ്ട്ര സഭ അറിയിച്ചത്. ഉടമ്പടിയിൽ രാജ്യങ്ങൾ ഒപ്പുവെയ്ക്കുന്ന പക്ഷം 90 ദിവസത്തിനുള്ളിൽ പ്രാവർത്തികമാക്കാനായിരുന്നു തീരുമാനം. അതേസമയം അമേരിക്കയുൾപ്പെടെ ആണവായുധ ശക്തിയായ രാജ്യങ്ങൾ ഉടമ്പടിയെ എതിർത്ത് രംഗത്ത് വന്നിട്ടുണ്ട്.

The post ആണവായുധങ്ങൾ നിരോധിക്കാനുള്ള ഐക്യരാഷ്ട്രസഭയുടെ ഉടമ്പടിയോട് മുഖം തിരിച്ച് ജപ്പാൻ appeared first on Starvision News Malayalam.