കൊല്ലം: സമയബന്ധിതമായി എല്ലാവർക്കും പട്ടയം വിതരണം ചെയ്യുമെന്ന് ക്ഷീരവികസന മന്ത്രി ജെ ചിഞ്ചു റാണി. കണ്ണങ്കോട് മിച്ചഭൂമിയിലെ പട്ടയ രഹിതർക്ക് പട്ടയം നൽകുന്നതിനുവേണ്ടി സംഘടിപ്പിച്ച സ്വാഗതസംഘം രൂപീകരണം മന്ത്രി ജെ ചിഞ്ചു റാണി ഉദ്ഘാടനം ചെയ്തു. പഞ്ചായത്ത് പ്രസിഡന്റ് എം എസ് മുരളി അധ്യക്ഷനായി. സ്ഥിരം സമിതി അധ്യക്ഷൻ സ്വാഗതം പറഞ്ഞു. തഹസിൽദാർ റിപ്പോർട്ട് അവതരിപ്പിച്ചു. വർഷങ്ങളായി മാങ്കോട് വില്ലേജിലെ കണ്ണങ്കോട് മിച്ചഭൂമിയിൽ പട്ടയരഹിതരായി താമസിച്ചുവന്ന നൂറോളം കുടുംബങ്ങൾക്കാണ് പട്ടയം വിതരണം ചെയ്യാൻ തീരുമാനിച്ചത്. 12 ഏക്കർ 50 സെന്റ് പുരയിടമാണ് സർക്കാർ ഭൂമിയായി കണ്ടെത്തിയിട്ടുള്ളത്.

ജില്ലാ പഞ്ചായത്ത് വികസനകാര്യ സ്റ്റാൻഡിങ് കമ്മിറ്റി ചെയർപേഴ്സൺ ജെ നജീബത്ത്, ബ്ലോക്ക് പഞ്ചായത്ത് സ്ഥിരം സമിതി അധ്യക്ഷ കെ ഉഷ, പഞ്ചായത്ത് അംഗങ്ങളായ രാജീവ് കൂരാപ്പിള്ളി, സാരംഗി ജോയ്, സിപിഐ ജില്ലാ കൗൺസിൽ അംഗം എസ് ബുഹാരി, സിപിഐ എം ഏരിയ കമ്മിറ്റി അംഗം കെ സുകുമാരപിള്ള, മുൻ ബ്ലോക്ക് പഞ്ചായത്തംഗം ശബ രീനാഥ്, കണ്ണങ്കോട് സുധാകരൻ, എസ് ഷമീം, ബി ജി കെ കുറുപ്പ് എന്നിവർ സംസാരിച്ചു.

The post സമയബന്ധിതമായി എല്ലാവർക്കും പട്ടയം നൽകും മന്ത്രി ചിഞ്ചുറാണി appeared first on Starvision News Malayalam.

കേരളത്തിലെ ക്ഷീരകര്‍ഷകര്‍ ഉല്‍പ്പാദിപ്പിക്കുന്ന പാല്‍ പൂര്‍ണമായും സംഭരിക്കുന്നതിനോടൊപ്പം കാലോചിതമായ ഉല്‍പ്പന്ന വൈവിദ്ധ്യവല്‍ക്കരണത്തിലൂടെ ഉപഭോക്തൃ സംതൃപ്തി ഉറപ്പുവരുത്തി മില്‍മയുടെ വിപണന ശ്യംഖല ശക്തിപ്പെടുത്തുന്നതിനായി നിരവധി പദ്ധതികള്‍ തിരുവനന്തപുരം യൂണിയന്‍ ആവിഷ്കരിച്ച് നടപ്പിലാക്കി വരുന്നു. മില്‍മയോടൊപ്പം എന്നും നിലകൊള്ളുകയും മില്‍മ പാല്‍ ഉപഭോക്താക്കള്‍ക്ക് എത്തിച്ച് ജനപ്രിയ ബ്രാന്‍ഡാക്കി മാറ്റിയതില്‍ പ്രധാന പങ്ക് വഹിച്ച അംഗീകൃത ഏജന്‍സികള്‍ക്കായി മില്‍മ തിരുവനന്തപുരം യൂണിയന്‍ ആവിഷ്കരിച്ച പദ്ധതിയാണ് ‘മില്‍മ ഐശ്വര്യോത്സവം’. പദ്ധതിയുടെ ഭാഗമായി ഓരോ യൂണിറ്റിലും 2021 ആഗസ്റ്റ് മാസത്തില്‍ പാല്‍ വില്‍പ്പനയില്‍ വര്‍ദ്ധനവ് നേടിയ ഏജന്‍സികളെ വര്‍ദ്ധനവിന്‍റെ അടിസ്ഥാനത്തില്‍ തരംതിരിച്ച് നറുക്കെടുപ്പിലൂടെ തെരഞ്ഞെടുത്ത 52 ഏജന്‍സികള്‍ക്ക് 4,71,677 രൂപയുടെ സമ്മാനങ്ങളാണ് വിതരണം ചെയ്തത്.

ക്ഷീര മേഖലയിലെ പ്രമുഖ ബ്രാന്‍ഡായി മില്‍മയെ വളര്‍ത്തിയെടുക്കാനായതില്‍ ഏജന്‍റുമാരുടെ സേവനം വിലപ്പെട്ടതാണ്. തിരുവനന്തപുരം, മലബാര്‍, എറണാകുളം മേഖലാ സഹകരണ ക്ഷീരോല്‍പ്പാദക യൂണിയനുകളുടെ മികവാര്‍ന്ന പദ്ധതികളിലൂടേയും പ്രോത്സാഹന പരിപാടികളിലൂടേയും മില്‍മയെ റെക്കോര്‍ഡ് വില്‍പ്പനയിലെത്തിക്കാനാകുമെന്നും മന്ത്രി വ്യക്തമാക്കി.

മില്‍മയ്ക്ക് നാല്‍പതോളം ഉല്‍പ്പന്നങ്ങള്‍ നിലവിലുണ്ട്. ഉല്‍പ്പന്നങ്ങള്‍ വിദേശത്ത് കയറ്റി അയക്കുന്ന സാഹചര്യവുമുണ്ട്. കാലിത്തീറ്റയ്ക്ക് അനുവദിച്ച ഇളവ് പുതുവത്സര സമ്മാനമായി ജനുവരി 31 വരെ നീട്ടി നല്‍കിയിട്ടുണ്ട്. തിരുവനന്തപുരം മേഖലാ യൂണിയന്‍ പ്രതിദിനം ശരാശരി അറുപത്തിഅയ്യായിരം ലിറ്റര്‍ പാല്‍ അധികമായി ഉല്‍പ്പാദിപ്പിക്കുന്നുണ്ട്. മില്‍മ മലപ്പുറത്ത് നിര്‍മ്മിക്കുന്ന പാല്‍പ്പൊടി നിര്‍മ്മാണ ഫാക്ടറിയുടെ നിര്‍മ്മാണം എട്ടുമാസത്തിനകം പൂര്‍ത്തിയാകും. മില്‍മയുടെ ലാഭത്തിന്‍റെ എണ്‍പതുശതമാനം തുകയും സഹകരണ ക്ഷീര സംഘങ്ങള്‍ക്കാണ് ചെലവിടുന്നത്. ഇനിയും ബൂത്തുകള്‍ ആരംഭിച്ച് മില്‍മയുടെ വളര്‍ച്ചയെ ത്വരിതപ്പെടുത്താന്‍ ഏജന്‍റുമാര്‍ക്ക് കഴിയുമെന്നും മന്ത്രി പറഞ്ഞു.

നിലവില്‍ തിരുവനന്തപുരം യൂണിയന്‍ നാലുജില്ലകളിലായി പ്രതിദിനം മുപ്പതിനായിരം ലിറ്റര്‍ പാല്‍ അധിക വില്‍പ്പന നടത്തുന്നുണ്ടെന്ന് അദ്ധ്യക്ഷനായിരുന്ന തിരുവനന്തപുരം മേഖല സഹകരണ ക്ഷീരോല്‍പ്പാദക യൂണിയന്‍ അഡ്മിനിസ്ട്രേറ്റീവ് കമ്മിറ്റി കണ്‍വീനര്‍ എന്‍ ഭാസുരാംഗന്‍ അറിയിച്ചു. പാല്‍ വിലയില്‍ വ്യത്യാസം വരുമ്പോള്‍ കമ്മീഷന്‍ വര്‍ദ്ധിപ്പിക്കുന്ന കാര്യത്തിലും പരിഗണനയുണ്ടാകും. ഐശ്വര്യോത്സവത്തിന് ഒരു കോടി രൂപയാണ് നീക്കിവച്ചിരിക്കുന്നതെന്നും അദ്ദേഹം വ്യക്തമാക്കി.

ഉപഭോക്തൃ സംതൃപ്തിയിലൂടെ ക്ഷീര കര്‍ഷകരുടെ സമ്പല്‍സമൃദ്ധി എന്നതാണ് മില്‍മയുടെ നയമെന്ന് തിരുവനന്തപുരം മേഖല സഹകരണ ക്ഷീരോല്‍പ്പാദക യൂണിയന്‍ മാനേജിംഗ് ഡയറക്ടര്‍ ഡി എസ് കോണ്ട പറഞ്ഞു. 1200 കോടി രൂപയുടെ വരുമാനമാണ് ഈ വര്‍ഷം തിരുവനന്തപുരം മേഖലാ യൂണിയന്‍ ലക്ഷ്യമിടുന്നതെന്നും അദ്ദേഹം വ്യക്തമാക്കി.

തിരുവനന്തപുരം മേഖല സഹകരണ ക്ഷീരോല്‍പ്പാദക യൂണിയന്‍ അഡ്മിനിസ്ട്രേറ്റീവ് കമ്മിറ്റി അംഗം കെ ആര്‍ മോഹനന്‍ പിള്ള സ്വാഗതം പറഞ്ഞു. അസിസ്റ്റന്‍റ് മാനേജര്‍ ജയ രാഘവന്‍ (മാര്‍ക്കറ്റിംഗ്) തുടങ്ങിയവര്‍ പങ്കെടുത്തു.

മില്‍മ ഏജന്‍സികള്‍ക്ക് 2021 ആഗസ്റ്റ് മാസത്തെ പാലിന്‍റെ വില്‍പ്പനയ്ക്ക് ഒരു ശതമാനം ഇന്‍സെന്‍റീവ് കമ്മീഷനും പ്രതിദിനം കുറഞ്ഞത് 600 കവര്‍ പാല്‍ എങ്കിലും 2021 ആഗസ്റ്റ് മാസത്തില്‍ വാങ്ങിയ ഏജന്‍സികള്‍ക്ക് 200 രൂപ വീതവും ഓണക്കാല ഇന്‍സെന്‍റീവായി നല്‍കിയിരുന്നു. ആകെ 51,74,943 രൂപയാണ് ഇന്‍സെന്‍റീവായി മില്‍മ ഏജന്‍സികള്‍ക്ക് നല്‍കിയത്.

2021 ആഗസ്റ്റ് മാസത്തില്‍ പാലിന്‍റെ വില്‍പ്പനയില്‍ കഴിഞ്ഞവര്‍ഷത്തെ അപേക്ഷിച്ച് എട്ടുശതമാനം വില്‍പ്പന വര്‍ദ്ധനവ് നേടിക്കൊണ്ട് ഐശ്വര്യോത്സവം പദ്ധതി വിജയകരമായി നടപ്പിലാക്കുവാന്‍ സാധിച്ചു.

The post സംസ്ഥാനത്ത് ഉല്‍പ്പാദിപ്പിക്കുന്ന പാല്‍ ജനങ്ങളിലെത്തിക്കാന്‍ പരിശ്രമം വേണം: മന്ത്രി ചിഞ്ചുറാണി appeared first on Starvision News Malayalam.

ഇടുക്കിയിലേക്ക് പോകുന്ന വഴിയാണ് അപകടം. തിരുവല്ലയില്‍ നിന്നും മല്ലപ്പള്ളിയിലേക്ക് പോകുന്ന സ്വകാര്യ ബസ് അമിത വേഗതയില്‍ വന്നതോടെ എതിര്‍വശത്ത് നിന്നും വന്ന മന്ത്രിയുടെ കാര്‍ അപകടം ഒഴിവാക്കാനായി ശ്രമിച്ചതോടെ, തൊട്ടടുത്തുള്ള മതിലില്‍ ഇടിക്കുകയായിരുന്നു. വാഹനത്തിന്റെ മുന്‍ഭാഗം തകര്‍ന്നു. മന്ത്രിക്ക് പരിക്കില്ല.

The post മന്ത്രി ചിഞ്ചുറാണിയുടെ വാഹനം അപകടത്തില്‍പ്പെട്ടു appeared first on Starvision News Malayalam.

മഴക്കെടുതി പ്രാഥമിക വിലയിരുത്തലില്‍ സംസ്ഥാനത്ത് 91 ഉരുക്കളും, 42 ആടുകള്‍, 25032 കോഴികള്‍, 274 തൊഴുത്തുകള്‍, 29 ല്‍ പരം കോഴിക്കൂടുകള്‍, അഞ്ച് ലക്ഷം രൂപയുടെ കാലിത്തീറ്റ ഉള്‍പ്പെടെ രണ്ട് കോടി രൂപയുടെ നാശനഷ്ടം ഉണ്ടായതായി കണക്കാക്കുന്നു.

മൃഗസംരക്ഷണ – ക്ഷീരവികസന മേഖലയില്‍ കാലവര്‍ഷക്കെടുതിയുമായി ബന്ധപ്പെട്ട രക്ഷാപ്രവര്‍ത്തനങ്ങള്‍ നടത്തുന്നതിന്റെ ഭാഗമായി എല്ലാ ജില്ലകളിലും കണ്‍ട്രോള്‍ റൂം തുറക്കുകയും ആവശ്യമായ മുന്‍കരുതല്‍ നടപടികള്‍ സ്വീകരിക്കുകയും ചെയ്തിട്ടുണ്ട്. പ്രകൃതിക്ഷോഭത്തിനു സാധ്യതയുള്ള പ്രദേശങ്ങള്‍ കണ്ടെത്തി മുന്‍മുതല്‍ നടപടി സ്വീകരിച്ചു. ബന്ധപ്പെട്ട ഉദ്യോഗസ്ഥര്‍ക്ക് നിര്‍ദ്ദേശങ്ങള്‍ നല്‍കുകയും വെള്ളപ്പൊക്ക ബാധിത പ്രദേശങ്ങളില്‍ കന്നുകാലികളെ മാറ്റിപാര്‍പ്പിക്കുന്നതിനുള്ള നടപടികള്‍ സ്വീകരിക്കുകയും ചെയ്തിട്ടുണ്ട്. കൂടാതെ ദുരന്തനിവാരണ പ്രവര്‍ത്തനങ്ങള്‍ ആവശ്യമാകുന്ന സന്ദര്‍ഭങ്ങളില്‍ ജില്ലാതല ദുരന്ത നിവാരണ അതോറിറ്റിയുമായും തദ്ദേശ സ്വയംഭരണ സ്ഥാപനങ്ങളുമായും സഹകരിച്ച് പ്രവര്‍ത്തിക്കാന്‍ വകുപ്പിലെ ജില്ലാതല ഓഫീസര്‍മാര്‍ക്ക് നിര്‍ദേശം നല്‍കിയിട്ടുണ്ട്.

വകുപ്പിലെ ജില്ലാതല കണ്‍ട്രോള്‍ റൂമുകളില്‍ നിന്നുള്ള വിവരങ്ങള്‍ സംസ്ഥാനതലത്തിലുള്ള കണ്‍ട്രോള്‍ റൂമില്‍ ക്രോഡീകരിച്ച് നടപടികള്‍ സ്വീകരിക്കുന്നുണ്ട്. ദുരന്തനിവാരണ പ്രവര്‍ത്തനങ്ങള്‍ ഏകോപിപ്പിക്കുന്നതിനും ജില്ലാ തലത്തില്‍ ക്ഷീരവികസനം, മൃഗസംരക്ഷണം, മില്‍മ തുടങ്ങിയ മേഖലകളിലെ ഉദ്യോഗസ്ഥരെ ഉള്‍പ്പെടുത്തി ജില്ലാതല ലൈവ് സ്റ്റോക്ക് ആന്‍ഡ് പൗള്‍ട്ടറി ദുരന്തനിവാരണ കമ്മിറ്റിക്കു രൂപം നല്‍കാന്‍ യോഗത്തില്‍ തീരുമാനമായതായി മന്ത്രി അറിയിച്ചു.

ജില്ലാതലത്തില്‍ ദുരന്തനിവാരണ വകുപ്പില്‍ നിന്നുള്ള ധനസഹായം കര്‍ഷകര്‍ക്ക് സമയബന്ധിതമായി എത്തിക്കുന്നതിന് മന്ത്രി വകുപ്പുകള്‍ക്ക് നിര്‍ദ്ദേശം നല്‍കി. ധനസഹായ വിതരണത്തിനുള്ള അപേക്ഷ ക്ഷണിക്കാനും യോഗത്തില്‍ തീരുമാനിച്ചു.

പ്രളയത്തില്‍ നാശനഷ്ടങ്ങള്‍ ഉണ്ടായ കര്‍ഷകര്‍ അതാതു പഞ്ചായത്തിലെ മൃഗാശുപത്രിയിലെ വെറ്ററിനറി സര്‍ജന്റെ ഓഫീസിലോ, ക്ഷീരവികസന വകുപ്പിന്റെ ബ്ലോക്ക് തലത്തിലെ ഓഫീസിലോ പത്ത് ദിവസത്തിനുള്ളില്‍ അപേക്ഷ സമര്‍പ്പിക്കണമെന്നും മന്ത്രി അറിയിച്ചു.

The post മൃഗസംരക്ഷണ ക്ഷീരവികസന മേഖലയിലെ പ്രളയ ദുരന്തത്തില്‍ നഷ്ടപരിഹാരത്തിന് നടപടി: മന്ത്രി ജെ ചിഞ്ചുറാണി appeared first on Starvision News Malayalam.

പേരൂര്‍ക്കടയിലുളള സംസ്ഥാന വെറ്ററിനറി കൗണ്‍സില്‍ ആസ്ഥാനത്ത് നടന്ന പരിപാടിയില്‍ സ്റ്റേറ്റ് വെറ്ററിനറി കൗണ്‍സില്‍ പ്രസിഡന്റ് ഡോ.വി.എം.ഹാരിസ് അധ്യക്ഷനായി. കൗണ്‍സില്‍ സബ് കമ്മിറ്റി ചെയര്‍മാന്‍ ഡോ.ബിനു പ്രശാന്ത്, കെ.എല്‍.ഡി ബോര്‍ഡ് മാനേജിംഗ് ഡയറക്ടര്‍ ഡോ.ജെയിംസ് ജോസ്, കെ.എസ്.പി.ഡി.സി മാനേജിംഗ് ഡയറക്ടര്‍ ഡോ.വിനോദ് ജോണ്‍, എം.പി.ഐ മാനേജിംഗ് ഡയറക്ടര്‍ ഡോ.ബിജുലാല്‍ തുടങ്ങിയവരും പങ്കെടുത്തു.

The post പഠനം കഴിഞ്ഞിറങ്ങുന്ന മൃഗ ഡോക്ടര്‍മാരുടെ നിയമനത്തിനായി പുതിയ പദ്ധതി പരിഗണനയില്‍: മന്ത്രി ജെ.ചിഞ്ചുറാണി appeared first on Starvision News Malayalam.

 കന്നുകാലികളുടെ ഉല്പാദനശേഷി വർധിപ്പിക്കുന്നതിനും  ആരോഗ്യം മെച്ചപ്പെടുത്തുന്നതിനുമായി തന്മാത്രാ  ജീവശാസ്ത്രത്തിലെ അത്യാധുനിക സാങ്കേതിക വിദ്യ ഉപകരണങ്ങൾ ഉപയോഗിക്കും. ഇത്  സംബന്ധിച്ച പ്രായോഗിക തല ഗവേഷണങ്ങൾ രണ്ട് സ്ഥാപനങ്ങളും സംയുക്തമായി ആരംഭിക്കുമെന്നും  ചടങ്ങിൽ മന്ത്രി പറഞ്ഞു.

 അതോടൊപ്പം കന്നുകാലി പ്രജനനം, ജീനോമിക് സെലക്ഷൻ, വിദ്യാഭ്യാസ വിനിമയം എന്നിവയെ പ്രോത്സാഹിപ്പിക്കുകയും ഇതുവഴി പാൽ, മാംസം എന്നിവയുടെ ഉത്പാദനം വർധിപ്പിക്കാനായി  നൂതന ഗവേഷണ സാങ്കേതികവിദ്യകൾ പ്രയോജനപ്പെടുത്തുകയാണ്  പദ്ധതിയുടെ പ്രധാന ലക്ഷ്യമെന്നും  മന്ത്രി പറഞ്ഞു.

  ഐസർ ഡയറക്ടർ പ്രൊഫസർ ജെ. നരസിംഹമൂർത്തി,
കെ. എൽ. ഡി ബോർഡ് മാനേജിങ് ഡയറക്ടർ ഡോ. ജോസ് ജയിംസ്,  ഐസർലെ  ശാസ്ത്രജ്ഞർ,കെ.എൽ.ഡി ബോർഡ് ജീവനക്കാർ  തുടങ്ങിയവർ പങ്കെടുത്തു.

The post നൂതന ഗവേഷണ സാങ്കേതികവിദ്യകളിലൂടെ കന്നുകാലികളുടെ ഉത്പാദനക്ഷമത വർധിപ്പിക്കും: മന്ത്രി ജെ ചിഞ്ചുറാണി appeared first on Starvision News Malayalam.

ക്ഷീരകര്‍ഷകരെ സഹായിക്കുവാനും പാല്‍ ഉല്പാദനം വര്‍ധിപ്പിക്കുവാനുമുള്ള പ്രവര്‍ത്തനങ്ങളിലാണ് സര്‍ക്കാര്‍. ഒട്ടനവധി പദ്ധതികളും അതിനായി നടപ്പിലാക്കിയിട്ടുണ്ട്. സംസ്ഥാനത്ത് ഉത്പാദിപ്പിക്കുന്ന പാലിന്റെ വലിയൊരു ശതമാനം വിറ്റുപോകുന്നത് വീടുകളില്‍ നടക്കുന്ന വില്‍പനയിലൂടെയും സഹകരണസംഘങ്ങളില്‍ നിന്ന് സാധാരണക്കാര്‍ നേരിട്ട് വാങ്ങുന്നതു വഴിയുമാണ്. ഈ രണ്ട് മാര്‍ഗ്ഗങ്ങളിയൂടെയും വാങ്ങുന്ന പാലിന്റെ അളവ് നോക്കിയാല്‍ മാത്രമേ സംസ്ഥാനത്ത് മൊത്തം ഉത്പാദിപ്പിക്കുന്ന പാലിന്റെ കണക്ക് ലഭ്യമാവൂ. ഇതിനുളള നടപടികള്‍ പുരോഗമിക്കുകയാണ്. ഇതു പൂര്‍ത്തിയായാല്‍ ക്ഷീര മേഖലയിലെ സ്വയംപര്യാപ്തത എന്ന വലിയ ലക്ഷ്യത്തിലേക്ക് നമുക്കു വേഗത്തില്‍ എത്താന്‍ കഴിയുമെന്നും മന്ത്രി പറഞ്ഞു.

ഐ ബി സതീഷ് എം എല്‍ എയുടെ പ്രാദേശിക വികസന ഫണ്ടും ക്ഷീര വികസന വകുപ്പിന്റെ പദ്ധതി വിഹിതവും ചേര്‍ത്ത് 17 ലക്ഷം രൂപ ചെലവഴിച്ചാണ് കെട്ടിടം നിര്‍മ്മിച്ചത്. ചടങ്ങില്‍ മുതിര്‍ന്ന ക്ഷീര കര്‍ഷകരെ മന്ത്രി ആദരിച്ചു.

ഐ ബി സതീഷ് എം എല്‍ എ അദ്ധ്യക്ഷനായ ചടങ്ങില്‍ ജില്ലാ പഞ്ചായത്ത് പ്രസിഡണ്ട് ഡി സുരേഷ് കുമാര്‍, , നേമം ബ്ലോക്ക് പഞ്ചായത്ത് പ്രസിഡണ്ട് എസ് കെ പ്രീജ, മലയിന്‍കീഴ് ഗ്രാമപഞ്ചായത്ത് പ്രസിഡണ്ട് എ വത്സലകുമാരി, ക്ഷീരവികസന വകുപ്പ് ഡയറക്ടര്‍ മിനി രവീന്ദ്രദാസ്, ക്ഷീരവികസന വകുപ്പ് ഡെപ്യൂട്ടി ഡയറക്ടര്‍ എസ് ജയകുമാര്‍, നേമം ക്ഷീകവികസന ഓഫീസര്‍ പി കെ ശ്രീലേഖ, മണപ്പുറം ക്ഷീരോല്‍പ്പാദക സഹകരണ സംഘം പ്രസിഡണ്ട് വി എസ് ശ്രീകാന്ത്, ത്രിതല പഞ്ചായത്ത് സ്റ്റാന്‍ഡിംഗ് കമ്മിറ്റി അംഗങ്ങള്‍ തുടങ്ങിയവര്‍ പങ്കെടുത്തു.

The post ക്ഷീര കര്‍ഷകര്‍ക്ക് പാലിന് ഒരു രൂപ അധികം നല്‍കും: മന്ത്രി ജെ ചിഞ്ചുറാണി appeared first on Starvision News Malayalam.