മനാമ: ഇന്ത്യൻ സ്‌കൂളിൽ 2025-2026 അധ്യയന വർഷത്തേക്കുള്ള പ്രിഫെക്റ്റ് കൗൺസിലിന്റെ ഔദ്യോഗികമായ സ്ഥാനാരോഹണം സംഘടിപ്പിച്ചു. ജഷൻമാൾ ഓഡിറ്റോറിയത്തിൽ നടന്ന സ്ഥാനാരോഹണ ചടങ്ങിൽ സ്‌കൂൾ ചെയർമാൻ അഡ്വ. ബിനു മണ്ണിൽ വറുഗീസ് ദീപം തെളിയിച്ചു. തദവസരത്തിൽ അസി. സെക്രട്ടറിയും അക്കാദമിക അംഗവുമായ രഞ്ജിനി മോഹൻ, പ്രിൻസിപ്പൽ വി.ആർ പളനിസ്വാമി, സീനിയർ സ്കൂൾ ആൻഡ് അക്കാദമിക് അഡ്മിനിസ്ട്രേഷൻ വൈസ് പ്രിൻസിപ്പൽ ജി. സതീഷ്, മിഡിൽ സെക്ഷൻ വൈസ് പ്രിൻസിപ്പൽ ജോസ് തോമസ്, സ്റ്റാഫ് പ്രതിനിധി പാർവതി ദേവദാസ്, പ്രധാന അധ്യാപകർ, കോർഡിനേറ്റർമാർ, ഫാക്കൽറ്റി അംഗങ്ങൾ എന്നിവർ സന്നിഹിതരായിരുന്നു.

ദേശീയ ഗാനം, വിശുദ്ധ ഖുർആൻ പാരായണം, സ്കൂൾ പ്രാർത്ഥന എന്നിവയോടെയാണ് ചടങ്ങ് ആരംഭിച്ചത്. പ്രിൻസിപ്പൽ വി.ആർ പളനിസ്വാമി സത്യപ്രതിജ്ഞ ചൊല്ലിക്കൊടുത്തു. സ്‌കൂൾ ചെയർമാൻ അഡ്വ. ബിനു മണ്ണിൽ വർഗീസ് അധ്യക്ഷ പ്രസംഗം നടത്തി. നാലാം ക്ലാസ് മുതൽ പന്ത്രണ്ടാം ക്ലാസ് വരെയുള്ള വിദ്യാർത്ഥികളെ ഉൾക്കൊള്ളുന്ന പ്രിഫെക്റ്റ് കൗൺസിലിനെ വ്യക്തിഗത അഭിമുഖത്തെയും നേതൃഗുണത്തെയും അടിസ്ഥാനമാക്കിയാണ് തിരഞ്ഞെടുത്തത്. താഴെപ്പറയുന്ന വിദ്യാർത്ഥികൾ അവരുടെ ലെവലുകൾ നയിക്കാൻ നിയമിതരായി:

• ലെവൽ എ (ക്ലാസുകൾ XI & XII): ഹെഡ് ബോയ്: ജോയൽ ജോർജ് ജോഗി, ഹെഡ് ഗേൾ: മീനാക്ഷി മധു ദീപ്തി.
• ലെവൽ ബി (ക്ലാസുകൾ IX & X): ഹെഡ് ബോയ്: തരുൺ രജിത്ത്,ഹെഡ് ഗേൾ: ഘനിയ സിദ്ദിഖി.
• ലെവൽ സി (ക്ലാസുകൾ VI മുതൽ VIII വരെ):ഹെഡ് ബോയ്: ആദിനാഥ് അനീഷ്, ഹെഡ് ഗേൾ: നിയ പേൾ നവീൻ.
• ലെവൽ ഡി (ക്ലാസുകൾ IV & V):ഹെഡ് ബോയ്: സയ്യിദ് അലി ഹമീദ് മുഹമ്മദ്, ഹെഡ് ഗേൾ: ആലിയ ഷാനവാസ്.
  ഹെഡ് ബോയിയും ഹെഡ് ഗേളും പ്രതിബദ്ധതയോടും സ്ഥിരോത്സാഹത്തോടും കൂടി തങ്ങളുടെ ചുമതലകൾ നിർവഹിക്കുമെന്ന് പ്രതിജ്ഞയെടുത്തു. സീനിയർ വിഭാഗം വിദ്യാർത്ഥികളായ അഭിജിത്ത് ബിനു, ഇവാന റേച്ചൽ ബിനു, ജലീന ബ്രാവിൻ, മീത് മെഹുൽ എന്നിവർ അവതാരകരായിരുന്നു. പുതുതായി തിരഞ്ഞെടുക്കപ്പെട്ട പ്രീഫെക്റ്റുകളെ സ്‌കൂൾ ചെയർമാൻ അഡ്വ. ബിനു മണ്ണിൽ വറുഗീസ്, സെക്രട്ടറി വി. രാജപാണ്ഡ്യൻ, ഭരണസമിതി അംഗങ്ങൾ, പ്രിൻസിപ്പൽ വി.ആർ പളനിസ്വാമി എന്നിവർ അഭിനന്ദിച്ചു.

The post ഇന്ത്യൻ സ്‌കൂൾ പ്രിഫെക്റ്റ് കൗൺസിൽ സ്ഥാനമേറ്റു appeared first on Starvision News Malayalam.

മനാമ: ഇന്ത്യൻ സ്‌കൂളിൽ വിവിധ പരിപാടികളോടെ ടെക്‌നോഫെസ്റ്റ് ആഘോഷിച്ചു. ഇസാ ടൗൺ കാമ്പസിൽ നടന്ന വാർഷിക ടെക്‌നോഫെസ്റ്റിൽ 4 മുതൽ 12 വരെ ക്ലാസുകളിലെ വിദ്യാർഥികൾ സജീവമായി പങ്കെടുത്തു. ഇന്ത്യൻ ദേശീയ ശാസ്ത്ര സാങ്കേതിക ദിനത്തോടനുബന്ധിച്ച് സയൻസ് വിഭാഗമാണ് വിദ്യാർത്ഥികളെ ശാസ്ത്ര പര്യവേക്ഷണം ചെയ്യാൻ പ്രോത്സാഹിപ്പിക്കുന്ന വിപുലമായ മത്സരങ്ങൾ സംഘടിപ്പിച്ചത്.

ശാസ്ത്ര വിഷയങ്ങളിൽ ശ്രദ്ധ കേന്ദ്രീകരിച്ചുള്ള മോഡൽ നിർമ്മാണം, പോസ്റ്റർ രൂപകൽപ്പന, ഡിസ്പ്ലേ ബോർഡ് അവതരണങ്ങൾ തുടങ്ങിയ വിവിധ പ്രവർത്തനങ്ങളിൽ വിദ്യാർത്ഥികൾ പങ്കെടുത്തു. നാലാം ക്ലാസിനായി പാഴ് വസ്തുക്കളിൽ നിന്നുള്ള മോഡൽ നിർമ്മാണ മത്സരമാണ് സംഘടിപ്പിച്ചത്.

മത്സരത്തിൽ അബിഗെയ്ൽ അരുൺ (4-Z), ഡെബോറ സാഷ എഡ്വിൻ (4-T), യൂസിഫ് ഖമിസ് സാദ് (4-M) എന്നിവർ ജേതാക്കളായി. നല്ല നാളേക്കുവേണ്ടി മണ്ണ് സംരക്ഷണം എന്ന വിഷയത്തിൽ പോസ്റ്റർ നിർമ്മാണ മത്സരത്തിൽ അഞ്ചാം ക്ലാസ് വിദ്യാർത്ഥികൾ അവരുടെ കലാപരമായ കഴിവുകൾ പ്രദർശിപ്പിച്ചു. ഹീർ ദീപക് ഭായ് കകാദിയ (5-H), സെറ കിഷോർ (5-J), പ്രത്യുഷ ഡേ (5-R) എന്നിവർ മികച്ച പ്രകടനം കാഴ്ചവച്ചു. ഉയർന്ന ക്ളാസുകൾക്കായി ഡിസ്പ്ലേ ബോർഡ് മത്സരങ്ങൾ നടത്തി.

ആറാം ക്ലാസിനായി ശുദ്ധജലവും ശുചിത്വവും കേന്ദ്രീകരിച്ചുള്ള ഡിസ്പ്ലേ ബോർഡ് മത്സരത്തിൽ 6-K, 6-P, 6-F എന്നീ ക്ലാസ്സുകൾ ആദ്യ മൂന്ന് സ്ഥാനങ്ങൾ നേടി. ഏഴാം ക്ലാസിനായി ആൾട്ടർനേറ്റ് എനർജി അടിസ്ഥാനമായ മത്സരത്തിൽ 7-C, 7-Q, 7-H എന്നിവ ജേതാക്കളായി. എട്ടാം ക്ലാസിന് ബഹിരാകാശ പര്യവേഷണങ്ങൾ ആയിരുന്നു ഡിസ്പ്ലേ ബോർഡ് മത്സര വിഷയം. അതിൽ 8-D, 8-K, 8-P എന്നീ ക്ലാസുകൾ ജേതാക്കളായി. ഡിജിറ്റൽ പോസ്റ്റർ നിർമ്മാണ മത്സരങ്ങൾ ശാസ്ത്രീയ അറിവും കലാമികവും ഉയർത്തിക്കാട്ടിയിരുന്നു. ഒമ്പതാം ക്ലാസ് വിദ്യാർത്ഥികൾ വാക്സിനുകളുടെ ശാസ്ത്രത്തിൽ ഡിജിറ്റൽ പോസ്റ്റർ നിർമ്മിച്ചു. 9-Q, 9-I, 9-P എന്നീ ക്ളാസുകൾ വിജയിച്ചു.

പത്താം ക്ലാസ് ശാസ്ത്രത്തിലെ വനിതകൾ: ഭൂതകാലവും വർത്തമാനവും എന്ന വിഷയത്തെക്കുറിച്ച് ഡിജിറ്റൽ പോസ്റ്റർ നിർമ്മിച്ചു. 10-H, 10-W, 10-U എന്നീ ക്ലാസുകൾ ജേതാക്കളായി. പതിനൊന്നാം ക്ലാസിനായി ഇന്റർനെറ്റ് ഓഫ് തിംഗ്‌സിൽ പോസ്റ്റർ ഡിസൈൻ മത്സരത്തിൽ 11-H, 11-N, 11-Q എന്നീ ക്ലാസുകൾ ജേതാക്കളായി. പന്ത്രണ്ടാം ക്ലാസിനുള്ള ആണവോർജ്ജ ഡിജിറ്റൽ പോസ്റ്റർ നിർമ്മാണ മത്സരത്തിൽ 12-H ഒന്നാം സ്ഥാനം നേടിയപ്പോൾ 12-N, 12-Q എന്നീ ഡിവിഷനുകൾ രണ്ടും മൂന്നും സ്ഥാനങ്ങൾ കരസ്ഥമാക്കി. സ്‌കൂൾ അസി. സെക്രട്ടറിയും അക്കാദമിക് അംഗവുമായ രഞ്ജിനി മോഹൻ വിജയികൾക്ക് സമ്മാനം വിതരണം ചെയ്തു.

പ്രിൻസിപ്പൽ വി.ആർ പളനിസ്വാമി, സീനിയർ സ്കൂൾ ആൻഡ് അക്കാദമിക് അഡ്മിനിസ്ട്രേഷൻ വൈസ് പ്രിൻസിപ്പൽ ജി. സതീഷ്, മിഡിൽ സെക്ഷൻ വൈസ് പ്രിൻസിപ്പൽ ജോസ് തോമസ്, വകുപ്പ് മേധാവികൾ, പ്രധാന അധ്യാപകർ എന്നിവർ തസവസരത്തിൽ സന്നിഹിതരായിരുന്നു. സ്‌കൂൾ ചെയർമാൻ അഡ്വ. ബിനു മണ്ണിൽ വറുഗീസ്, സെക്രട്ടറി വി. രാജപാണ്ഡ്യൻ, ഭരണസമിതി അംഗങ്ങൾ, പ്രിൻസിപ്പൽ വി.ആർ പളനിസ്വാമി എന്നിവർ ജേതാക്കളെയും അധ്യാപകരെയും അഭിനന്ദിച്ചു.

The post ശാസ്ത്ര സാങ്കേതിക ദിനത്തോടനുബന്ധിച്ച്ഇന്ത്യൻ സ്‌കൂൾ ടെക്‌നോഫെസ്റ്റ് ആഘോഷിച്ചു appeared first on Starvision News Malayalam.

മനാമ: ഈ വർഷത്തെ സിബിഎസ്ഇ പന്ത്രണ്ടാം ക്ലാസ് പരീക്ഷയിൽ ഇന്ത്യൻ സ്‌കൂൾ വിദ്യാർത്ഥികൾ മികച്ച പ്രകടനം കാഴ്ചവച്ചു. സ്‌കൂളിന് 98.73% എന്ന മികച്ച വിജയശതമാനം കരസ്ഥമാക്കാൻ സാധിച്ചു. ആകെ 631 വിദ്യാർത്ഥികൾ പരീക്ഷയെഴുതി, 34 വിദ്യാർത്ഥികൾ എല്ലാ വിഷയങ്ങളിലും എ1 ഗ്രേഡുകൾ നേടി.

സ്കൂൾ ടോപ്പർമാർ:

• 500 ൽ 493 മാർക്ക് (98.6%) നേടി ജോയൽ സാബു സ്കൂൾ ടോപ്പർ ആയി. സ്കൂളിൽ നടന്ന സിബിഎസ്ഇ ഫിസിക്കൽ പരീക്ഷകളുടെ ചരിത്രത്തിലെ ഏറ്റവും ഉയർന്ന സ്കോറാണിത്.
• ശ്രേയ മനോജ് 492 മാർക്ക് (98.4%) നേടി രണ്ടാം സ്ഥാനം നേടി.
• ആരാധ്യ കനോടത്തിൽ 488 മാർക്ക് (97.6%) നേടി മൂന്നാം സ്ഥാനം നേടി.

വിവിധ വിഭാഗങ്ങളിലെ ജേതാക്കൾ :

ഹ്യുമാനിറ്റീസ് സ്ട്രീം – 100% വിജയശതമാനം
ഹ്യുമാനിറ്റീസ് സ്ട്രീമിലെ 55 വിദ്യാർത്ഥികളും പരീക്ഷ ജയിച്ചു.

• ഒന്നാം സ്ഥാനം : ശ്രേയ മനോജ് – 492 മാർക്ക്
• രണ്ടാം സ്ഥാനം: ഇഷിക പ്രദീപ് – 485 മാർക്ക്
• മൂന്നാം സ്ഥാനം: സങ്കീർത്തന സുരേഷ് ബാബു – 482 മാർക്ക്

സയൻസ് സ്ട്രീം – 99.67% വിജയശതമാനം

• ഒന്നാം സ്ഥാനം : ജോയൽ സാബു – 493 മാർക്ക്
• രണ്ടാം സ്ഥാനം: അഭിനവ് വിനു – 482 മാർക്ക്
• മൂന്നാം സ്ഥാനം: കൃഷ്ണ രാജീവൻ നായർ – 481 മാർക്ക്

കൊമേഴ്‌സ് സ്ട്രീം – 97.37% വിജയശതമാനം

• ഒന്നാം സ്ഥാനം : ആരാധ്യ കനോടത്തിൽ – 488 മാർക്ക്
• രണ്ടാം സ്ഥാനം: ഈഷ അശുതോഷ് – 487 മാർക്ക്
• മൂന്നാം സ്ഥാനം: ഉത്ര നാച്ചമ്മൈ കണ്ണൻ കറുപ്പൻ ചെട്ടി – 483 മാർക്ക്

സ്‌കൂൾ ചെയർമാൻ അഡ്വ. ബിനു മണ്ണിൽ വറുഗീസ്, സെക്രട്ടറി വി. രാജപാണ്ഡ്യൻ, അസിസ്റ്റന്റ് സെക്രട്ടറിയും അക്കാദമിക്സ് അംഗവുമായ രഞ്ജിനി മോഹൻ, എക്സിക്യൂട്ടീവ് കമ്മിറ്റി അംഗങ്ങൾ, പ്രിൻസിപ്പൽ വിആർ പളനിസ്വാമി എന്നിവർ ഈ ചരിത്ര നേട്ടത്തിൽ എല്ലാ വിദ്യാർത്ഥികളെയും, അധ്യാപകരെയും, രക്ഷിതാക്കളെയും അഭിനന്ദിച്ചു.

ഫലം ഒറ്റനോട്ടത്തിൽ :

• പരീക്ഷ എഴുതിയ ആകെ വിദ്യാർത്ഥികളുടെ എണ്ണം – 631
• വിജയശതമാനം 98.73%
• ഹ്യുമാനിറ്റീസ് സ്ട്രീമിൽ 100% വിജയം
• സയൻസ് സ്ട്രീമിൽ 99.67% വിജയം
• കൊമേഴ്‌സ് സ്ട്രീമിൽ 97.37% വിജയം
• സ്കൂൾ ടോപ്പർക്ക് 500 ൽ 493 മാർക്ക് (98.6%)
  (സിബിഎസ്ഇ ഫിസിക്കൽ പരീക്ഷയിൽ ഏറ്റവും ഉയർന്ന മാർക്ക്]
• 34 വിദ്യാർത്ഥികൾക്ക് എല്ലാ എ1 മാർക്ക് ലഭിച്ചു
• 105 വിദ്യാർത്ഥികൾക്ക് എല്ലാ എ ഗ്രേഡുകളും (എ1, എ2) ലഭിച്ചു
• 16% വിദ്യാർത്ഥികൾക്ക് 90% ഉം അതിനുമുകളിലും ലഭിച്ചു
• 53.57% വിദ്യാർത്ഥികൾക്ക് 75% ഉം അതിനുമുകളിലും ലഭിച്ചു
• 88.4% വിദ്യാർത്ഥികൾക്ക് 60% ഉം അതിനുമുകളിലും ലഭിച്ചു
• 6 വിദ്യാർത്ഥികൾക്ക് കമ്പ്യൂട്ടർ സയൻസിൽ 100 മാർക്ക് ലഭിച്ചു
• 4 വിദ്യാർത്ഥികൾക്ക് കെമിസ്ട്രിയിൽ 100 മാർക്ക് ലഭിച്ചു
• ഇൻഫോർമാറ്റിക്സ് പ്രാക്ടീസസിൽ 3 വിദ്യാർത്ഥികൾക്ക് 100 മാർക്ക് ലഭിച്ചു
• മാർക്കറ്റിംഗിൽ 3 വിദ്യാർത്ഥികൾക്ക് 100 മാർക്ക് ലഭിച്ചു
• 3 വിദ്യാർത്ഥികൾക്ക് എഞ്ചിനീയറിംഗ് ഗ്രാഫിക്സിൽ 100 മാർക്ക് ലഭിച്ചു
• ബയോടെക്നോളജിയിൽ 3 വിദ്യാർത്ഥികൾക്ക് 100 മാർക്ക് ലഭിച്ചു
• ബിസിനസ് സ്റ്റഡീസിൽ 1 വിദ്യാർത്ഥിക്ക് 100 മാർക്ക് ലഭിച്ചു
• സൈക്കോളജിയിൽ 1 വിദ്യാർത്ഥിക്ക് 100 മാർക്ക് ലഭിച്ചു
• അക്കൗണ്ടൻസിയിൽ 1 വിദ്യാർത്ഥിക്ക് 100 മാർക്ക് ലഭിച്ചു
• ഇംഗ്ലീഷിൽ 4 വിദ്യാർത്ഥിക്ക് 99 മാർക്ക് ലഭിച്ചു
• അപ്ലൈഡ് മാത്തമാറ്റിക്സിൽ 1 വിദ്യാർത്ഥിക്ക് 99 മാർക്ക് ലഭിച്ചു
• ഹോം സയൻസിൽ 1 വിദ്യാർത്ഥിക്ക് 99 മാർക്ക് ലഭിച്ചു
• ആർട്ടിഫിഷ്യൽ ഇന്റലിജൻസിൽ 4 വിദ്യാർത്ഥികൾക്ക് 98 മാർക്ക് ലഭിച്ചു
• ഗണിതത്തിൽ 2 വിദ്യാർത്ഥികൾക്ക് 98 മാർക്ക് ലഭിച്ചു
• ഫിസിക്സിൽ 1 വിദ്യാർത്ഥിക്ക് 98 മാർക്ക് ലഭിച്ചു
• സോഷ്യോളജിയിൽ 1 വിദ്യാർത്ഥിക്ക് 98 മാർക്ക് ലഭിച്ചു
• സാമ്പത്തിക ശാസ്ത്രത്തിൽ 1 വിദ്യാർത്ഥിക്ക് 98 മാർക്ക് ലഭിച്ചു
• ബയോളജിയിൽ 1 വിദ്യാർത്ഥിക്ക് 97 മാർക്ക് ലഭിച്ചു

The post സിബിഎസ്ഇ പന്ത്രണ്ടാം ക്ലാസ് പരീക്ഷയിൽഇന്ത്യൻ സ്‌കൂളിന് ഉജ്വല വിജയം appeared first on Starvision News Malayalam.

മനാമ:ഇക്കഴിഞ്ഞ മാർച്ചിൽ നടന്ന സിബിഎസ്ഇ പത്താം ക്ലാസ് പരീക്ഷയിൽ ഇന്ത്യൻ സ്കൂൾ വീണ്ടും അക്കാദമിക മികവ് തെളിയിച്ചു. പരീക്ഷ എഴുതിയ 832 വിദ്യാർത്ഥികളും തിളക്കമാർന്ന വിജയം കൈവരിച്ചു. 100% വിജയ നേട്ടം വിദ്യാഭ്യാസത്തിൽ ഉന്നത നിലവാരത്തോടുള്ള സ്കൂളിന്റെ പ്രതിബദ്ധതയുടെ തെളിവായി. 69 വിദ്യാർത്ഥികൾ എല്ലാ വിഷയങ്ങളിലും എ ഗ്രേഡുകൾ നേടി.

സ്കൂൾ ടോപ്പർമാർ:

• ദേവരത് ജീവൻ – 500 ൽ 491 മാർക്ക് (98.2%)
• രാജീവൻ രാജ്കുമാർ – 488 മാർക്ക് (97.6%)
• ദേവ നന്ദ പെരിയൽ – 487 മാർക്ക് (97.4%)
• ജോമിയ കണ്ണനായിക്കൽ ജോസഫ് – 487 മാർക്ക് (97.4%) പ്രധാന സവിശേഷതകൾ:
• എല്ലാ വിഷയങ്ങളിലും 69 വിദ്യാർത്ഥികൾക്ക് എ ഗ്രേഡുകൾ ലഭിച്ചു
• 19 വിദ്യാർത്ഥികൾക്ക് എല്ലാ വിഷയങ്ങളിലും എ വൺ ഗ്രേഡുകൾ ലഭിച്ചു
• 10.6% വിദ്യാർത്ഥികൾക്ക് മൊത്തം 90% ഉം അതിൽ കൂടുതലും സ്കോർ ലഭിച്ചു
• 48.3% വിദ്യാർത്ഥികൾക്ക് 75% ഉം അതിൽ കൂടുതലും സ്കോർ ലഭിച്ചു
• 79.9% വിദ്യാർത്ഥികൾക്ക് മൊത്തം 60% ഉം അതിൽ കൂടുതലും സ്കോർ ലഭിച്ചു
• മലയാളം: 4 വിദ്യാർത്ഥികൾക്ക് 100 സ്കോർ ലഭിച്ചു
• ഫ്രഞ്ച്: 2 വിദ്യാർത്ഥികൾക്ക് 100 സ്കോർ ലഭിച്ചു
• സയൻസ്: 2 വിദ്യാർത്ഥികൾക്ക് 100 സ്കോർ ലഭിച്ചു
• സംസ്കൃതം: 1 വിദ്യാർത്ഥിക്ക് 100 സ്കോർ ലഭിച്ചു
• ഗണിതം: 1 വിദ്യാർത്ഥിക്ക് 100 സ്കോർ ലഭിച്ചു
• ഇംഗ്ലീഷ്: 4 വിദ്യാർത്ഥികൾക്ക് 99 സ്കോർ ലഭിച്ചു
• സാമൂഹ്യശാസ്ത്രം: 1 വിദ്യാർത്ഥിക്ക് 99 സ്കോർ ലഭിച്ചു
• തമിഴ്: 1 വിദ്യാർത്ഥിക്ക് 99 സ്കോർ ലഭിച്ചു
• ഉറുദു: 1 വിദ്യാർത്ഥിക്ക് 97 സ്കോർ നേടി
• ഹിന്ദി: 1 വിദ്യാർത്ഥിക്ക് 96 സ്കോർ ലഭിച്ചു
• അറബിക്: 1 വിദ്യാർത്ഥിക്ക് 89 സ്കോർ ലഭിച്ചു
  സ്‌കൂൾ ചെയർമാൻ അഡ്വ. ബിനു മണ്ണിൽ വറുഗീസ്, സെക്രട്ടറി വി. രാജപാണ്ഡ്യൻ, അസിസ്റ്റന്റ് സെക്രട്ടറിയും അക്കാദമിക്സ് അംഗവുമായ രഞ്ജിനി മോഹൻ, എക്സിക്യൂട്ടീവ് കമ്മിറ്റി അംഗങ്ങൾ, പ്രിൻസിപ്പൽ വി.ആർ. പളനിസ്വാമി എന്നിവർ എല്ലാ വിദ്യാർത്ഥികളെയും, ഫാക്കൽറ്റി അംഗങ്ങളെയും, രക്ഷിതാക്കളെയും അഭിനന്ദിച്ചു.

The post സിബിഎസ്ഇ പത്താം ക്ലാസ് പരീക്ഷകളിൽ ഇന്ത്യൻ സ്‌കൂളിന് 100% വിജയം appeared first on Starvision News Malayalam.

മനാമ: ഇന്ത്യൻ സ്‌കൂൾ പ്ലാറ്റിനം ജൂബിലി ജൂനിയർ ആൻഡ് സീനിയർ ഓപ്പൺ ബാഡ്മിന്റൺ ടൂർണമെന്റിന് ഉജ്ജ്വല തുടക്കം. ആദ്യ ദിനത്തിൽ ആവേശകരമായ 65 മത്സരങ്ങൾ അരങ്ങേറി.ഇന്ത്യൻ സ്‌കൂൾ (ഐ‌എസ്‌ബി) ഇസാ ടൗൺ കാമ്പസിലെ ജഷന്മാൾ ഓഡിറ്റോറിയത്തിൽ ഒരുക്കിയ അന്താരാഷ്‌ട്ര നിലവാരമുള്ള ബാഡ്മിന്റൺ കോർട്ടിലാണ് മത്സരങ്ങൾ നടക്കുന്നത്. സ്‌കൂളിന്റെ ഒരു വർഷം നീണ്ടുനിൽക്കുന്ന പ്ലാറ്റിനം ജൂബിലി ആഘോഷങ്ങളുടെ ഭാഗമായി നടക്കുന്ന ടൂർണമെന്റിൽ 350-ലധികം കളിക്കാർ രജിസ്റ്റർ ചെയ്തിട്ടുണ്ട്.

അഞ്ച് ദിവസങ്ങളിലായി 400-ലധികം മത്സരങ്ങൾ നാലു കോർട്ടുകളിലായി നടക്കും. പ്രമുഖ സ്ഥാപനമായ നാഷണൽ ട്രേഡിംഗ് ഹൗസാണ് മത്സരത്തിന്റെ സ്പോൺസർ. ഇന്ത്യൻ സ്‌കൂൾ ചെയർമാൻ അഡ്വ. ബിനു മണ്ണിൽ വറുഗീസ് ടൂർണമെന്റ് ഉദ്ഘാടനം ചെയ്തതായി പ്രഖ്യാപിച്ചു.

നാഷണൽ ട്രേഡിംഗ് ഹൗസ് മാനേജിംഗ് ഡയറക്ടർ ദിലീപ് സി താക്കർ, ബഹ്‌റൈൻ നാഷണൽ ബാഡിംന്റൺ ടീം കോച്ച് അഹമ്മദ് അൽ ജല്ലാദ്, സ്‌കൂൾ സെക്രട്ടറി വി. രാജപാണ്ഡ്യൻ, വൈസ് ചെയർമാനും സ്പോർട്സ് അംഗവുമായ ഡോ. മുഹമ്മദ് ഫൈസൽ, ഫിനാൻസ് ആൻഡ് ഐടി അംഗം ബോണി ജോസഫ്, പ്രിൻസിപ്പൽ വി.ആർ പളനിസ്വാമി, ജൂനിയർ വിംഗ് പ്രിൻസിപ്പൽ പമേല സേവ്യർ, സീനിയർ സ്കൂൾ ആൻഡ് അക്കാദമിക് അഡ്മിനിസ്ട്രേഷൻ വൈസ് പ്രിൻസിപ്പൽ ജി സതീഷ്, ജൂനിയർ വിംഗ് വൈസ് പ്രിൻസിപ്പൽ പ്രിയ ലാജി, സ്റ്റാഫ് പ്രതിനിധി പാർവതി ദേവദാസ്, പ്ലാറ്റിനം ജൂബിലി കമ്മിറ്റി ജനറൽ കൺവീനർ പ്രിൻസ് എസ് നടരാജൻ, മുൻ ഇ.സി സെക്രട്ടറി സജി ആന്റണി, മുൻ ഭരണസമിതി അംഗങ്ങളായ (സ്പോർട്സ്) രാജേഷ് എംഎൻ, അജയകൃഷ്ണൻ വി, ടൂർണമെന്റ് ഡയറക്ടർ ബിനു പാപ്പച്ചൻ, റഫറി ഷനിൽ അബ്ദുൾ റഹിം (ബാഡ്മിന്റൺ ഏഷ്യ), ജനറൽ കൺവീനർ ആദിൽ അഹമ്മദ്, കോർഡിനേറ്റർ ബിനോജ് മാത്യു എന്നിവർ ഉദ്ഘാടന ചടങ്ങിൽ പങ്കെടുത്തു.

ബഹ്‌റൈൻ ബാഡ്മിന്റൺ ആൻഡ് സ്ക്വാഷ് ഫെഡറേഷന്റെ (ബിബിഎസ്എഫ്) അനുമതിയോടെ നടക്കുന്ന ഈ പ്രധാന കായിക മത്സരം രാജ്യത്തെ ഏറ്റവും വലിയ ബാഡ്മിന്റൺ ടൂർണമെന്റുകളിൽ ഒന്നാണ്. ബഹ്‌റൈൻ, സൗദി അറേബ്യ, കുവൈറ്റ് ഉൾപ്പെടെ ജി.സി.സി രാജ്യങ്ങളിൽ നിന്നുള്ള പ്രമുഖ കളിക്കാർ മത്സരത്തിൽ പങ്കെടുക്കുന്നു.

ടൂർണമെന്റിൽ 39 ഇനങ്ങൾ ഉൾപ്പെടുന്നു, അതിൽ U9 മുതൽ U19 വരെ പ്രായപരിധിയിലുള്ള ആൺകുട്ടികളുടെയും പെൺകുട്ടികളുടെയും സിംഗിൾസ്, ഡബിൾസ്, പുരുഷ ഡബിൾസ് (എലൈറ്റ്, ചാമ്പ്യൻഷിപ്പ്, F1–F5), വനിതാ ഡബിൾസ് (ലെവലുകൾ 1 & 2), മിക്സഡ് ഡബിൾസ് (ലെവലുകൾ C, 1 & 2) എന്നിവ ഉൾപ്പെടുന്നു. എല്ലാ മത്സരങ്ങളും നോക്കൗട്ട് ഫോർമാറ്റിലാണ് നടക്കുക. ബാഡ്മിന്റൺ വേൾഡ് ഫെഡറേഷൻ നിയമങ്ങൾ കർശനമായി പാലിക്കുകയും സർട്ടിഫൈഡ് അമ്പയർമാർ കളി നിയന്ത്രിക്കുകയും ചെയ്യുന്നു.മെയ് 10ന് നടക്കുന്ന സമാപന ചടങ്ങിൽ ഓരോ വിഭാഗത്തിലെയും വിജയികൾക്ക് ക്യാഷ് പ്രൈസുകളും ട്രോഫികളും സമ്മാനിക്കും.

എല്ലാ പങ്കാളികൾക്കും അവരുടെ പങ്കാളിത്തത്തെ അംഗീകരിക്കുന്ന ഡിജിറ്റൽ സർട്ടിഫിക്കറ്റുകൾ ലഭിക്കും. ഇന്ത്യൻ സ്‌കൂൾ പ്ലാറ്റിനം ജൂബിലി ആഘോഷങ്ങളിൽ സുപ്രധാനമായ കായിക മത്സരമാണ് ഈ ഓപ്പൺ ടൂർണമെന്റ്. സ്‌കൂൾ ചെയർമാൻ അഡ്വ. ബിനു മണ്ണിൽ വറുഗീസ്,സെക്രട്ടറി വി. രാജപാണ്ഡ്യൻ, ഭരണസമിതി അംഗങ്ങൾ, പ്രിൻസിപ്പൽ വി.ആർ പളനിസ്വാമി, പ്ലാറ്റിനം ജൂബിലി ജനറൽ കൺവീനർ പ്രിൻസ് എസ് നടരാജൻ എന്നിവർ കായിക പ്രേമികളെയും വിശാലമായ സമൂഹത്തെയും മത്സരങ്ങളിൽ പങ്കെടുക്കാനും ഈ ചരിത്രപരമായ ആഘോഷത്തിന്റെ ഭാഗമാകാനും സ്നേഹപൂർവ്വം ക്ഷണിച്ചു.

The post ആദ്യ ദിനത്തിൽ 65 മത്സരങ്ങളോടെ ഇന്ത്യൻ സ്‌കൂൾ പ്ലാറ്റിനം ജൂബിലിബാഡ്മിന്റൺ ടൂർണമെന്റിന് ആവേശകരമായ തുടക്കം appeared first on Starvision News Malayalam.

മനാമ: പ്ലാറ്റിനം ജൂബിലി ആഘോഷങ്ങളുടെ ഭാഗമായി ഇന്ത്യൻ സ്‌കൂൾ ഈ വർഷത്തെ ആലേഖ് ചിത്രരചനാ മത്സരത്തിന് ഒരുങ്ങുന്നു. 1950 ൽ സ്ഥാപിതമായ ഇന്ത്യൻ സ്കൂൾ, രാജ്യത്തെ ഏറ്റവും പഴക്കമേറിയതും വലുതുമായ വിദ്യാഭ്യാസ സ്ഥാപനങ്ങളിൽ ഒന്നാണ്. അക്കാദമിക മികവ്, സാംസ്കാരിക സമന്വയം, സമഗ്ര വികസനം എന്നിവ മുഖമുദ്രയായ ഇന്ത്യൻ സ്‌കൂൾ അതിന്റെ രണ്ട് കാമ്പസുകളിലുമായി വിദ്യാഭ്യാസ മികവുമായി നിലകൊള്ളുകയാണ്. വിദ്യാഭ്യാസത്തിനും സമൂഹ വികസനത്തിനുമുള്ള സമർപ്പിത സേവനത്തിന്റെ 75 വർഷത്തെ അടയാളമായാണ് സ്‌കൂൾ പ്ലാറ്റിനം ജൂബിലി ആഘോഷിക്കുന്നത്.

സ്‌കൂളിന്റെ സമ്പന്നമായ ചരിത്രം, നേട്ടങ്ങൾ എന്നിവ എടുത്തുകാണിക്കുന്ന ഒരു വർഷം നീണ്ടുനിൽക്കുന്ന പരിപാടികളുടെയും പ്രവർത്തനങ്ങളുടെയും പരമ്പര സ്‌കൂൾ സംഘടിപ്പിക്കും. അതിന്റെ ഭാഗമായി ഈ വർഷത്തിലെ പ്രധാന പരിപാടികളിൽ ഒന്നാണ് ആലേഖ് ’25 ഇന്റർ-സ്കൂൾ പെയിന്റിംഗ് മത്സരം. ഏപ്രിൽ 24, 25 തീയതികളിൽ നടക്കാനിരിക്കുന്ന ആലേഖ് ഇതുവരെയുള്ളതിൽ വച്ച് ഏറ്റവും വലിയ ചിത്രകലാ മത്സരമായിരിക്കും. ഈ വർഷം 5 മുതൽ 18 വയസ്സ് വരെ പ്രായമുള്ള വിദ്യാർത്ഥികളെ ദൃശ്യ, വർണ്ണ, സൃഷ്ടി, പ്രജ്ഞ എന്നിങ്ങനെ നാല് പ്രായ വിഭാഗങ്ങളായി തിരിച്ചിരിക്കുന്നു. പങ്കെടുക്കുന്നവർ ക്രയോണുകൾ, പാസ്റ്റലുകൾ, വാട്ടർ കളറുകൾ, അക്രിലിക്കുകൾ തുടങ്ങിയ പ്രായത്തിന് അനുയോജ്യമായ മാധ്യമങ്ങൾ ഉപയോഗിച്ച് അവരുടെ കലാസൃഷ്ടികൾ തീർക്കും. ഏകദേശം 3,000 വിദ്യാർത്ഥികളുടെ പങ്കാളിത്തത്തോടെ, ആലേഖ് ’25 മേഖലയിലെ ഏറ്റവും വലിയ ഇന്റർ-സ്കൂൾ പെയിന്റിംഗ് മത്സരങ്ങളിൽ ഒന്നായിരിക്കും. ഓരോ സ്കൂളിലെയും വിദ്യാർത്ഥികൾക്ക് സൗജന്യ രജിസ്ട്രേഷനും തുറന്ന പങ്കാളിത്തവും ആലേഖ് ഉറപ്പുവരുത്തും.
ആലേഖ് ’25 ന്റെ പ്രധാന സവിശേഷതകൾ:

• പ്ലാറ്റിനം ജൂബിലി പതിപ്പിന്റെ ഔദ്യോഗിക ഉദ്ഘാടനം ഏപ്രിൽ 24 വ്യാഴാഴ്ച വൈകുന്നേരം 6:00 മണിക്ക് ജഷൻമാൽ ഓഡിറ്റോറിയത്തിൽ നടക്കും.
• ഉദ്ഘാടനത്തിന് ശേഷം, 8 മുതൽ 12 വരെ ക്ലാസുകളിലെ വിദ്യാർത്ഥികൾക്കായി ശിൽപ നിർമ്മാണശാല നടക്കും. ശില്പി മൊഹ്‌സിൻ അൽ തൈതൂൺ നയിക്കുന്ന ശില്പശാല ശില്പകലയെ പരിചയപ്പെടുത്തുന്നതിനുള്ള മൂന്ന് മണിക്കൂർ നീണ്ടുനിൽക്കുന്ന പ്രായോഗിക സെഷനായിരിക്കും. എല്ലാ മെറ്റീരിയലുകളും സ്കൂൾ നൽകും.
• ഏപ്രിൽ 25 വെള്ളിയാഴ്ച ഇന്റർ-സ്കൂൾ പെയിന്റിംഗ് മത്സരം നടക്കും. മത്സരത്തിന് മുമ്പ് പങ്കെടുക്കുന്നവർക്ക് അവരുടെ വിഷയങ്ങൾ വേദിയിൽ ലഭിക്കും. ഡ്രോയിംഗ് പേപ്പർ സ്‌കൂൾ നൽകും. വിദ്യാർത്ഥികൾ സ്വന്തം കലാസാമഗ്രികൾ കൊണ്ടുവരണം.
• ഏപ്രിൽ 25 ന് രാവിലെ 10:00 മുതൽ ഉച്ചയ്ക്ക് 1:00 വരെ ആർട്ട് വാൾ അരങ്ങേറും. മുതിർന്ന കലാകാരന്മാർക്ക് തുറന്ന ക്യാൻവാസിൽ അവരുടെ സർഗ്ഗാത്മകത പ്രകടിപ്പിക്കാൻ ഒരു സവിശേഷ ഇടം ഇതു നൽകുന്നു. ഈ പരിപാടിയുടെ രജിസ്ട്രേഷൻ രാവിലെ 9:00 ന് ആരംഭിക്കും.
• 2025 ഏപ്രിൽ 25 വെള്ളിയാഴ്ച രാത്രി 6:30 മണിക്ക് സമാപന ചടങ്ങും സമ്മാന വിതരണവും നടക്കും.

സർഗ്ഗാത്മകത, രചന, വിഷയത്തിന്റെ പ്രസക്തി, മൊത്തത്തിലുള്ള അവതരണം എന്നിവ അടിസ്ഥാനമാക്കിയായിരിക്കും മത്സരം വിലയിരുത്തപ്പെടുന്നത്. വിവിധ വിഭാഗങ്ങളിലെ വിജയികളെ കാഷ് പ്രൈസുകൾ, മെഡലുകൾ, ട്രോഫികൾ, സർട്ടിഫിക്കറ്റുകൾ എന്നിവ ഉണ്ടായിരിക്കും. പങ്കെടുക്കുന്ന എല്ലാവർക്കും സർട്ടിഫിക്കറ്റ് ലഭിക്കും. തിരഞ്ഞെടുത്ത കലാസൃഷ്ടികളും വേദിയിൽ പ്രദർശിപ്പിക്കും.

പ്രത്യേക ശ്രദ്ധയ്ക്ക്:

• വിദ്യാർത്ഥികൾ ഏപ്രിൽ 18 വെള്ളിയാഴ്ചയ്ക്കകം അവരുടെ സ്കൂളുകൾ വഴി രജിസ്റ്റർ ചെയ്യണം
• പങ്കെടുക്കുന്നവർ നിശ്ചിത സമയത്ത് സ്കൂൾ യൂണിഫോമും ഐഡിയും സഹിതം ഹാജരാകണം
• മത്സര ഹാളിനുള്ളിൽ മൊബൈൽ ഫോണുകൾ കർശനമായി നിരോധിച്ചിരിക്കുന്നു.

കൂടുതൽ വിവരങ്ങൾക്കും രജിസ്ട്രേഷനും, ദയവായി ബന്ധപ്പെടുക: സതീഷ് പോൾ +973 39813905, ലേഖ ശശി +973 39804126, ഫഹീമ ബിൻ റജബ് +973 33799916.

ഇന്ത്യൻ സ്‌കൂൾ ചെയർമാൻ അഡ്വ. ബിനു മണ്ണിൽ വറുഗീസ്, സെക്രട്ടറി വി. രാജപാണ്ഡ്യൻ, ഭരണസമിതി അംഗങ്ങൾ, പ്രിൻസിപ്പൽ വി.ആർ പളനിസ്വാമി, പ്ലാറ്റിനം ജൂബിലി കമ്മിറ്റി ജനറൽ കൺവീനർ പ്രിൻസ് നടരാജൻ എന്നിവർ ഈ വർണ്ണാഭമായ ആഘോഷത്തിന് സാക്ഷ്യം വഹിക്കാനും അതിൽ പങ്കാളികളാകാനും ഏവരെയും ക്ഷണിച്ചു.

രജിസ്ട്രേഷനായി താഴെക്കൊടുക്കുന്ന ഗൂഗിൾ ഫോം പൂരിപ്പിച്ച് ഏപ്രിൽ 18-ന് മുമ്പ് സമർപ്പിക്കുക: https://forms.gle/DZWXXD5GDFySLF5HA

The post പ്ലാറ്റിനം ജൂബിലി ആഘോഷ നിറവിൽ ഇന്ത്യൻ സ്‌കൂൾ ആലേഖ്’25 ചിത്രരചനാ മത്സരത്തിന് ഒരുങ്ങുന്നു appeared first on Starvision News Malayalam.

മനാമ: ഇന്ത്യൻ സ്‌കൂളിന്റെ  നിറപ്പകിട്ടാർന്ന പ്ലാറ്റിനം ജൂബിലി ആഘോഷങ്ങൾക്ക് ജനവരി 23നു വ്യഴാഴ്ച തുടക്കമാവും. ഒരു വർഷം നീണ്ടുനിൽക്കുന്ന ആഘോഷങ്ങളുടെ ഉദ്ഘാടന പരിപാടി സ്‌കൂളിന്റെ ഇസ ടൗൺ കാമ്പസിലെ ജഷന്മാൾ ഓഡിറ്റോറിയത്തിലാണ് നടക്കുക. പ്ലാറ്റിനം ജൂബിലി ലോഗോയുടെ അനാച്ഛാദനം ചടങ്ങിൽ നടക്കും.  വിദ്യാർത്ഥികളെയും രക്ഷിതാക്കളെയും അധ്യാപകരെയും പൂർവ്വ വിദ്യാർത്ഥികളെയും സമ്പന്നമായ പൈതൃകത്തിന്റെ  ആഘോഷവേളയിൽ  ഒരുമിച്ച് കൊണ്ടുവരും. മുൻ ചെയർമാൻ പ്രിൻസ് എസ് നടരാജന്റെയും കമ്മ്യൂണിറ്റി നേതാവ് മുഹമ്മദ് ഹുസൈൻ മാലിമിന്റെയും നേതൃത്വത്തിലുള്ള കമ്മിറ്റിയാണ്  ജൂബിലി ആഘോഷങ്ങൾക്ക്  ചുക്കാൻ പിടിക്കുന്നത്. ഈ കമ്മിറ്റികൾ  സ്‌കൂളിന്റെ നേതൃത്വവുമായി  സഹകരണത്തോടെ പ്രവർത്തിക്കുന്നു.  വൈവിധ്യമാർന്ന സാംസ്കാരിക പശ്ചാത്തലങ്ങളിൽ നിന്നുള്ള ആയിരക്കണക്കിന് വിദ്യാർത്ഥികൾക്ക് സ്‌കൂളിൽ പഠിക്കുന്നുണ്ടെന്ന്  സ്‌കൂൾ ചെയർമാൻ അഡ്വ. ബിനു മണ്ണിൽ വറുഗീസ് പറഞ്ഞു. ഇന്ത്യയിലെ എല്ലാ സംസ്ഥാനങ്ങളിൽ നിന്നും കേന്ദ്രഭരണ പ്രദേശങ്ങളിൽ നിന്നുമുള്ള വിദ്യാർത്ഥികളും  വിവിധ ദേശീയതകളിൽ നിന്നുള്ള കുട്ടികളും  സ്‌കൂളിന്റെ ആഗോള കാഴ്ചപ്പാടിനെ പ്രതിഫലിപ്പിക്കുന്നതായി അദ്ദേഹം പറഞ്ഞു.

സ്‌കൂളിന്റെ  ചരിത്രത്തെയും സമൂഹത്തിൽ അതിന്റെ സ്വാധീനത്തെയും ആദരിക്കുന്നതിനായി രൂപകൽപ്പന ചെയ്‌തിരിക്കുന്ന ആവേശകരമായ പരിപാടികളാണ് ഈ വേളയിൽ നടക്കുക.  ഗൾഫിലുടനീളമുള്ള 75 സ്‌കൂളുകളിൽ നിന്നുള്ള വിദ്യാർത്ഥികൾ അവരുടെ കലാപരമായ കഴിവുകൾ പ്രദർശിപ്പിക്കുന്നതിനായി ഇസ ടൗൺ കാമ്പസിൽ ഒത്തുകൂടുന്ന ആലേഖ് പെയിന്റിംഗ് മത്സരമായിരിക്കും ഒരു പ്രധാന ആകർഷണം. ചിത്രരചനാ മത്സരത്തിന് പുറമേ, കലാപരവും സാഹിത്യപരവുമായ ആവിഷ്കാരത്തെ പ്രോത്സാഹിപ്പിക്കുന്ന നിരവധി ശില്പശാലകളും  മത്സരങ്ങളും സ്കൂൾ സംഘടിപ്പിക്കും. സർഗ്ഗാത്മക രചനാ മത്സരങ്ങൾ, പോസ്റ്റർ ഡിസൈൻ മത്സരങ്ങൾ,  വിദ്യാഭ്യാസ മേഖലയിലെ ഏറ്റവും പുതിയ പ്രവണതകളെക്കുറിച്ച് ചർച്ച ചെയ്യുന്നതിനായി പ്രമുഖ അധ്യാപകരെയും വിദഗ്ധരെയും ഒരുമിച്ച് കൊണ്ടുവരുന്ന ഒരു വിദ്യാഭ്യാസ കോൺക്ലേവ് എന്നിവ ഇതിൽ ഉൾപ്പെടും. ഇന്ത്യൻ സംസ്കാരത്തിന്റെ മുഖമുദ്രയായ ഭാഷാ വൈവിധ്യം പ്രദർശിപ്പിക്കുന്ന 75 ഭാഷകളിലായി ഒരു അതുല്യമായ പുസ്തക പ്രദർശനത്തോടുകൂടിയ  സാഹിത്യോത്സവവും ആഘോഷങ്ങളിൽ ഉൾപ്പെടും. നാഷണൽ സ്റ്റേഡിയത്തിൽ നടക്കുന്ന റെക്കോർഡ് നൃത്ത പ്രകടനമായിരിക്കും ഏറ്റവും പ്രതീക്ഷ നൽകുന്ന പരിപാടികളിൽ ഒന്ന്.  ഇന്ത്യയുടെ സാംസ്കാരിക സമ്പന്നതയെ പ്രതിനിധീകരിക്കുന്ന 75 വ്യത്യസ്ത നൃത്തരൂപങ്ങൾ വിദ്യാർത്ഥികൾ അവതരിപ്പിക്കും. സ്‌കൂൾ  നിലകൊള്ളുന്ന വൈവിധ്യവും ഐക്യവും ആഘോഷിക്കാൻ എല്ലാ പ്രായത്തിലുമുള്ള വിദ്യാർത്ഥികളെ ഒരുമിച്ച് കൊണ്ടുവരുന്ന ഒരു ദൃശ്യ-സാംസ്കാരിക വിരുന്നായിരിക്കും ഈ പരിപാടി. പൂർവ്വ വിദ്യാർത്ഥികളെ സ്കൂളുമായി വീണ്ടും ബന്ധിപ്പിക്കാൻ ലക്ഷ്യമിട്ടുള്ള ഒരു ആഗോള പൂർവ്വ വിദ്യാർത്ഥി സംഗമവും ഉണ്ടായിരിക്കും. ഈ ഒത്തുചേരലിൽ പൂർവ്വ വിദ്യാർത്ഥികൾക്ക് അവരുടെ അനുഭവങ്ങൾ പങ്കിടാനും, സ്കൂളിന്റെ ഭാവി വളർച്ചയ്ക്ക് സംഭാവന നൽകാനും, സ്ഥാപനവുമായുള്ള ബന്ധം ശക്തിപ്പെടുത്താനുമുള്ള അവസരം ലഭിക്കും. ലോകമെമ്പാടുമുള്ള പൂർവ്വ വിദ്യാർത്ഥികൾക്ക് പരിപാടിയിൽ പങ്കെടുക്കാൻ  ഒരു ഗൂഗിൾ ഫോം വഴി രജിസ്റ്റർ ചെയ്യാൻ  ക്ഷണിക്കുന്നു. തുടർച്ചയായ വളർച്ചയ്ക്കുള്ള പ്രതിബദ്ധതയ്ക്ക് അനുസൃതമായി, സ്‌കൂൾ   കാമ്പസിൽ അടിസ്ഥാന സൗകര്യ വികസന പദ്ധതികളും ഏറ്റെടുക്കും.  പ്ലാറ്റിനം ജൂബിലി ആഘോഷങ്ങളിൽ പങ്കുചേരാൻ ഏവരെയും ഹൃദയപൂർവ്വം ക്ഷണിക്കുന്നതായി സ്‌കൂൾ അധികൃതർ പറഞ്ഞു. 

The post ഇന്ത്യൻ സ്കൂൾ പ്ലാറ്റിനം ജൂബിലി ആഘോഷങ്ങൾക്ക് നാളെ തിരിതെളിയും appeared first on Starvision News Malayalam.

നാമ: ഇന്ത്യൻ സ്‌കൂളിൽ സ്റ്റാർ വിഷൻ അവതരിപ്പിച്ച വാർഷിക സാംസ്കാരിക മേളക്ക് ഇസ ടൗൺ കാമ്പസിൽ ഉജ്വല പര്യവസാനം. സമാപന ദിവസമായ ഇന്നലെ (വെള്ളി) വൻ ജനാവലിയാണ് ഫെയർ ആസ്വദിക്കാൻ സ്‌കൂൾ കാമ്പസിലേക്ക് ഒഴുകിയെത്തിയത്. ഇന്ത്യൻ സ്കൂളും വിശാലമായ സമൂഹവും തമ്മിലുള്ള മികവുറ്റ സഹകരണത്തിന്റെ നേർസാക്ഷ്യമായിരുന്നു മേളയിലെ സന്ദർശകർ. വിദ്യാർത്ഥികളുടെ വൈവിധ്യവും കലാപരവുമായ കഴിവുകൾ ഉയർത്തിക്കാട്ടുന്ന പ്രകടനങ്ങൾ, പ്രദർശനങ്ങൾ, വിനോദ പരിപാടികൾ എന്നിവയുടെ ചലനാത്മകമായ സംയോജനമാണ് മേളയിൽ ഉണ്ടായിരുന്നത്.

ഇന്ത്യൻ എംബസി സെക്കൻഡ് സെക്രട്ടറി (എച്ച്ഒസി) രവി കുമാർ ജെയിൻ, സെക്കൻഡ് സെക്രട്ടറി (പിപിഎസ് ടു അംബാസഡർ) ഗിരീഷ് ചന്ദ്ര പൂജാരി എന്നിവർ മേള സന്ദർശിച്ചു. ഇന്ത്യൻ സ്‌കൂൾ ചെയർമാൻ അഡ്വ.ബിനു മണ്ണിൽ വറുഗീസ്, സെക്രട്ടറി വി. രാജപാണ്ഡ്യൻ, സ്റ്റാർ വിഷൻ ഇവന്റ്സ് ചെയർമാനും സിഇഒയുമായ സേതുരാജ് കടയ്ക്കൽ, ഫെയർ സംഘാടക സമിതി ജനറൽ കൺവീനർ വിപിൻ കുമാർ, സ്‌കൂൾ വൈസ് ചെയർമാനും സ്പോർട്സ് അംഗവുമായ ഡോ. മുഹമ്മദ് ഫൈസൽ, അസി. സെക്രട്ടറിയും അക്കാദമിക് അംഗവുമായ രഞ്ജിനി മോഹൻ, ഭരണസമിതി അംഗങ്ങളായ മിഥുൻ മോഹൻ (പ്രോജക്ട്സ് & മെയിന്റനൻസ്), ബിജു ജോർജ്, മുഹമ്മദ് നയാസ് ഉല്ല (ട്രാൻസ്‌പോർട്ട്), പ്രിൻസിപ്പൽ വി.ആർ പളനിസ്വാമി, ജൂനിയർ വിംഗ് പ്രിൻസിപ്പൽ പമേല സേവ്യർ, സീനിയർ സ്‌കൂൾ & അക്കാദമിക് അഡ്മിനിസ്ട്രേഷൻ വൈസ് പ്രിൻസിപ്പൽ ജി. സതീഷ്, മിഡിൽ സെക്ഷൻ വൈസ് പ്രിൻസിപ്പൽ ജോസ് തോമസ്, ജൂനിയർ വിംഗ് വൈസ് പ്രിൻസിപ്പൽ പ്രിയ ലാജി, കമ്മ്യൂണിറ്റി ലീഡർ മുഹമ്മദ് ഹുസൈൻ മാലിം, ചീഫ് കോർഡിനേറ്റർ ഷാഫി പാറക്കട്ട എന്നിവർ സമാപന ചടങ്ങിൽ പങ്കെടുത്തു.

മേളയെ പിന്തുണച്ച സ്റ്റാർ വിഷൻ ഇവന്റ്സ് ചെയർമാനും സിഇഒയുമായ സേതുരാജ് കടയ്ക്കലിനും സ്പോൺസർമാർക്കും അഡ്വ. ബിനു മണ്ണിൽ വറുഗീസ് മെമന്റോ സമ്മാനിച്ചു. സ്‌കൂൾ മേളയുടെ സുവനീർ അഡ്വ.ബിനു മണ്ണിൽ വറുഗീസ് പ്രകാശനം ചെയ്തു. കമ്മ്യുണിറ്റി ലീഡറും ബിസിനസ് പ്രമുഖനുമായ എസ് ഇനായദുള്ളയും മുൻ സ്‌കൂൾ സെക്രട്ടറി സജി ആന്റണിയും സുവനീർ സ്വകരിച്ചു. സുവനീർ എഡിറ്റർ ബിനോജ് മാത്യു, സ്റ്റാഫ് എഡിറ്റർ ശ്രീസദൻ ഒ.പി എന്നിവർ സന്നിഹിതരായിരുന്നു.

ഇന്ത്യൻ ഗായിക ടിയ കറും സംഘവും ഹരം പകരുന്ന ബോളിവുഡ്‌ ഗാനങ്ങങ്ങളുമായി ജനസഞ്ചയത്തെ ആകർഷിച്ചു.വൈവിധ്യമാർന്ന വിഭവങ്ങൾ ഒരുക്കിയിരുന്ന ഭക്ഷണശാലകളിൽ സന്ദർശകരുടെ വൻ തിരക്ക് അനുഭവപ്പെട്ടു. വിനോദത്തിലും സാംസ്കാരിക അനുഭവങ്ങളിലും മുഴുകി ആഘോഷത്തിന്റെ ഓരോ നിമിഷവും സന്ദർശകർ ഏറെ ആസ്വദിച്ചു.
അഡ്വ. ബിനു മണ്ണിൽ വർഗീസ് തന്റെ അധ്യക്ഷ പ്രസംഗത്തിൽ ഐക്യം വളർത്തുന്നതിനും ഗുണനിലവാരമുള്ള വിദ്യാഭ്യാസത്തെ പിന്തുണയ്ക്കുന്നതിനുമുള്ള സ്കൂളിന്റെ പ്രതിബദ്ധതയെ ഊന്നിപ്പറഞ്ഞു.

മേളയുടെ വിജയം ഈ മൂല്യങ്ങളെ പ്രതിഫലിപ്പിക്കുന്നുവെന്ന് അദ്ദേഹം പറഞ്ഞു. രണ്ട് ദിവസത്തെ മേളയെ വൻ വിജയമാക്കുന്നതിൽ നിർണായക പങ്കുവഹിച്ച സ്റ്റാർ വിഷൻ ഇവന്റ്സ്, സ്പോൺസർമാർ, മുഴുവൻ ഇന്ത്യൻ സ്‌കൂൾ അംഗങ്ങൾ എന്നിവരുടെ അകമഴിഞ്ഞ സഹകരണത്തിന് അഡ്വ. ബിനു മണ്ണിൽ വർഗീസ് നന്ദി രേഖപ്പെടുത്തി. സ്കൂൾ മേള മികച്ച വിജയമാക്കി മാറ്റുന്നതിൽ സ്പോൺസർമാർ, കമ്മ്യൂണിറ്റി നേതാക്കൾ, മന്ത്രാലയങ്ങൾ, മാതാപിതാക്കൾ, അധ്യാപകർ, വിദ്യാർത്ഥികൾ, അഭ്യുദയകാംക്ഷികൾ എന്നിവർ നൽകിയ മികച്ച പിന്തുണയ്ക്ക് ജനറൽ കൺവീനർ വിപിൻ കുമാർ ഹൃദയംഗമമായ നന്ദി രേഖപ്പെടുത്തി. പരിപാടി ആസ്വാദ്യകരമാക്കുന്നതിൽ മാത്രമല്ല, അർത്ഥവത്തായതാക്കുന്നതിൽ മുഴുവൻ സ്കൂൾ സമൂഹത്തിന്റെയും സജീവ പങ്കാളിത്തം നിർണായകമായിരുന്നുവെന്ന് അദ്ദേഹം പറഞ്ഞു.

വാർഷിക സാംസ്കാരിക മേള, പ്രത്യേകിച്ച് ഇത്രയും കുറഞ്ഞ സമയത്തിനുള്ളിൽ മികച്ച വിജയമാക്കി മാറ്റുന്നതിൽ വിദ്യാർത്ഥികളും അധ്യാപകരും രക്ഷിതാക്കളും നൽകിയ വലിയ പിന്തുണക്ക് ഇന്ത്യൻ സ്കൂൾ ചെയർമാൻ അഡ്വ. ബിനു മണ്ണിൽ വറുഗീസ്, സെക്രട്ടറി വി. രാജപാണ്ഡ്യൻ, ഭരണസമിതി അംഗങ്ങൾ, പ്രിൻസിപ്പൽ വി.ആർ പളനിസ്വാമി, ജൂനിയർ വിംഗ് പ്രിൻസിപ്പൽ പമേല സേവ്യർ എന്നിവർ നന്ദി രേഖപ്പെടുത്തി.

The post ഇന്ത്യൻ സ്കൂൾ വാർഷിക ഫെയറിന് ഉജ്വല സമാപനം appeared first on Starvision News Malayalam.

മനാമ: ഇന്ത്യൻ സ്‌കൂൾ ബഹ്‌റൈൻ (ഐഎസ്‌ബി) ജൂനിയർ വിംഗ് ബഹ്‌റൈന്റെ  ദേശീയ ദിനം  ഹൃദയസ്‌പർശിയായ ആദരവോടെ ആഘോഷിച്ചു. ഏകദേശം 4,000 വിദ്യാർത്ഥികളും 200 സ്റ്റാഫ് അംഗങ്ങളും പങ്കെടുത്ത പരിപാടി ഐക്യത്തിന്റെയും അഭിമാനത്തിന്റെയും  സാംസ്കാരിക തനിമയുടെയും ഊർജ്ജസ്വലമായ പ്രദർശനമായിരുന്നു.

വിദ്യാർത്ഥികൾ ‘അറേബ്യൻ ഓറിക്‌സ്’  കാമ്പസ് ഗ്രൗണ്ടിൽ  ദൃശ്യ ചാരുതയോടെ തീർത്ത്  ശ്രദ്ധേയമായ പ്രകടനം കാഴ്ചവെച്ചു.  ബഹ്‌റൈൻ പതാകയുടെ നിറങ്ങളിൽ വസ്ത്രം ധരിച്ച കുരുന്നുകൾ  രാജ്യത്തോടുള്ള തങ്ങളുടെ ബഹുമാനത്തെ പ്രതീകപ്പെടുത്തുന്ന അതിശയകരമായ ഒരു കാഴ്ചപൊലിമ സൃഷ്ടിച്ചു. ദേശീയ ഗാനാലാപനത്തോടെയും തുടർന്ന് വിശുദ്ധ ഖുറാൻ പാരായണത്തോടെയും പരിപാടി  ആരംഭിച്ചു.

സ്‌കൂൾ സെക്രട്ടറി വി.രാജപാണ്ഡ്യൻ,  അസി.സെക്രട്ടറി & മെമ്പർ-അക്കാദമിക്സ് രഞ്ജിനി മോഹൻ,  ഇ.സി അംഗം ബിജു ജോർജ്,ജൂനിയർ വിങ്  പ്രിൻസിപ്പൽ പമേല സേവ്യർ, വൈസ് പ്രിൻസിപ്പൽ പ്രിയ ലാജി, മറ്റു അധ്യാപകർ ,വിദ്യാർഥികൾ, രക്ഷിതാക്കൾ  എന്നിവർ പങ്കെടുത്തു.

ബഹ്‌റൈന്റെ  53-ാമത് ദേശീയ ദിനത്തോടനുബന്ധിച്ച് പ്രതീകാത്മകമായി  53 ചുവപ്പും വെള്ളയും ബലൂണുകൾ വാനിലുയർന്നു.  പ്രിൻസിപ്പൽ പമേല സേവ്യർ   സ്വാഗതം പറഞ്ഞു. 1, 2, 3 ക്ലാസുകളിലെ വിദ്യാർത്ഥികൾ  പരമ്പരാഗത  നൃത്തങ്ങൾ അവതരിപ്പിച്ചു.  രാജ്യത്തിന്റെ സമ്പന്നമായ സാംസ്കാരിക പൈതൃകത്തിന്റെ  മനോഹരമായ പ്രതിഫലനമായിരുന്നു ഈ പ്രകടനങ്ങൾ. കാമ്പസ് തോരണങ്ങൾ, വിളക്കുകൾ  എന്നിവയാൽ അലങ്കരിച്ചിരുന്നു.

തദവസരത്തിൽ ബഹ്‌റൈൻ  വനിതാ ദിനത്തിന്റെ  സ്മരണയ്ക്കായി  വനിതാ ജീവനക്കാരെ സ്‌കൂൾ ആദരിച്ചു.  സ്‌കൂൾ ചെയർമാൻ അഡ്വ. ബിനു മണ്ണിൽ വറുഗീസ്, സെക്രട്ടറി വി.രാജപാണ്ഡ്യൻ, ഭരണസമിതി  അംഗങ്ങൾ, പ്രിൻസിപ്പൽ വി.ആർ  പളനിസ്വാമി,ജൂനിയർ വിങ്  പ്രിൻസിപ്പൽ പമേല സേവ്യർ എന്നിവർ  ആഘോഷത്തിൽ പങ്കെടുത്ത   വിദ്യാർത്ഥികളെയും പരിപാടി മികച്ച നിലയിൽ സംഘടിപ്പിച്ച  അധ്യാപികമാരെയും   അഭിനന്ദിച്ചു. 

The post ഇന്ത്യൻ സ്‌കൂൾ ജൂനിയർ കാമ്പസ് ബഹ്‌റൈൻ ദേശീയ ദിനം ആഘോഷിച്ചു appeared first on Starvision News Malayalam.

മനാമ: ഇന്ത്യൻ സ്കൂൾ ബഹ്റൈൻ (ഐഎസ്ബി) ശിശുദിനം വിവിധ പരിപാടികളോടെ ആഘോഷിച്ചു. മിഡിൽ സെക്ഷൻ 4, 5 ക്ലാസുകൾ പ്രത്യേക അസംബ്ലി സംഘടിപ്പിച്ചു. ഇന്ത്യയുടെ പ്രഥമ പ്രധാനമന്ത്രി ജവഹർലാൽ നെഹ്‌റുവിന് ആദരവ് അർപ്പിക്കുന്നതായിരുന്നു ആഘോഷം . 5സെഡ് , 5എ ക്‌ളാസുകളിലെ വിദ്യാർത്ഥികൾ പരിപാടി ഏകോപിപ്പിച്ച്‌ ആകർഷകമായ ഇനങ്ങൾ അവതരിപ്പിച്ചു. നിശാന്ത് എസ് ശിശുദിന പ്രഭാഷണം നടത്തി.

വിദ്യാർഥികൾ അവതരിപ്പിച്ച ശിശുദിന പരിപാടിയിലെ ചടുലമായ നൃത്തപരിപാടി ആഘോഷത്തിനു മാറ്റുകൂട്ടി. പരിപാടിയിലുടനീളം വിദ്യാർത്ഥികളെ സംഘടിപ്പിക്കുന്നതിലും അവരെ നയിക്കുന്നതിലും ക്ലാസ് ടീച്ചർമാർ പ്രധാന പങ്ക് വഹിച്ചു. മിഡിൽ സെക്ഷൻ വൈസ് പ്രിൻസിപ്പൽ ജോസ് തോമസ്, ക്ലാസ് IV&V പ്രധാന അധ്യാപിക ആൻലി ജോസഫ് എന്നിവർ ശിശുദിന ആശംസകൾ നേർന്നും വിദ്യാർത്ഥികളുടെ പ്രയത്നങ്ങളെ അഭിനന്ദിച്ചും സംസാരിച്ചു. സ്‌കൂൾ ചെയർമാൻ അഡ്വ. ബിനു മണ്ണിൽ വറുഗീസ്, സെക്രട്ടറി വി.രാജപാണ്ഡ്യൻ, എക്‌സിക്യൂട്ടീവ് കമ്മിറ്റി അംഗങ്ങൾ, പ്രിൻസിപ്പൽ വി.ആർ.പളനിസ്വാമി, സീനിയർ സ്‌കൂൾ & അക്കാദമിക് അഡ്മിനിസ്‌ട്രേഷൻ വൈസ് പ്രിൻസിപ്പൽ ജി.സതീഷ് എന്നിവർ പരിപാടിയുടെ വിജയകരമായ നടത്തിപ്പിന് വിദ്യാർഥികളെ അനുമോദിച്ചു.

The post ഇന്ത്യൻ സ്കൂൾ ശിശുദിനം ആഘോഷിച്ചു appeared first on Starvision News Malayalam.