മനാമ: ബഹ്‌റൈൻ ദേശീയ ദിനത്തോടനുബന്ധിച്ച് ഇന്ത്യൻ സ്‌കൂൾ റിഫ കാമ്പസ് വിദ്യാർത്ഥികൾ ആഘോഷ പരിപാടികൾ സംഘടിപ്പിച്ചു. രാജ്യത്തോടും ഭരണ നേതൃത്വത്തോടുമുള്ള സ്നേഹവും ആദരവും അടയാളപ്പെടുത്തുന്ന ആഘോഷങ്ങളിൽ  വിദ്യാർത്ഥികളുടെ മാതാപിതാക്കളും പങ്കെടുത്തു.

മുത്തിന്റെ ആകൃതിയിലുള്ള  മനുഷ്യപതാക രൂപീകരിച്ചുകൊണ്ടാണ് പരിപാടികൾക്ക് തുടക്കമായത്. വിദ്യാർത്ഥികൾ അധ്യാപികമാർക്കൊപ്പം പതാക രൂപപ്പെടുത്തുന്നതിനായി ക്യാമ്പസ് ഗ്രൗണ്ടിലേക്ക്  നീങ്ങിയ കാഴ്ച  നയന മനോഹരമായിരുന്നു.

മൂന്നാം ക്ലാസ് വിദ്യാർത്ഥികൾ വെള്ള ടി-ഷർട്ടുകളും തൊപ്പികളും ധരിച്ചു. ബഹ്‌റൈൻ പതാകയുടെ ചുവന്ന ഭാഗത്തെ പ്രതിനിധീകരിക്കുന്നതിനായി രണ്ടും മൂന്നും ക്ളാസുകളിൽ നിന്നുള്ള  വിദ്യാർത്ഥികൾ ചുവന്ന വസ്ത്രം ധരിച്ചെത്തിയിരുന്നു.

കിന്റർഗാർട്ടനിലെ കുട്ടികൾ ഐ.എസ്ബി റിഫ കാമ്പസ്  2022 എന്ന പരിപാടിയുടെ തലക്കെട്ട് രൂപപ്പെടുത്തി. ഇത്തരമൊരു ആഘോഷ പരിപാടി ആവേശത്തോടെ പങ്കെടുത്ത കൊച്ചുകുട്ടികൾക്ക്  നവ്യാനുഭവമായിരുന്നു.  ചുവപ്പും വെളുപ്പും നിറങ്ങളും ആഘോഷങ്ങളും കാമ്പസിനു  വർണപ്പകിട്ടു നൽകി . 

സ്‌കൂൾ ചെയർമാൻ പ്രിൻസ് എസ് നടരാജൻ, എക്സിക്യൂട്ടീവ് കമ്മിറ്റി അംഗങ്ങളായ മുഹമ്മദ് ഖുർഷിദ് ആലം, പ്രേമലത എൻ.എസ്, പ്രിൻസിപ്പൽ പമേല സേവ്യർ, ക്രൗൺ ഇഎംഎസ് പ്രൊക്യുർമെന്റ് മാനേജർ വിജയലക്ഷ്മി, വൈസ്  പ്രിൻസിപ്പൽ-അക്കാദമിക് സതീഷ് ജി എന്നിവർ ചടങ്ങിൽ പങ്കെടുത്തു. 

പ്രിൻസ് നടരാജൻ പതാക ഉയർത്തി. തുടർന്ന് വിശുദ്ധ ഖുർആനിലെ സൂക്തങ്ങളുടെ പാരായണവും നടന്നു. പ്രിൻസിപ്പൽ പമേല സേവ്യർ സ്വാഗതം പറഞ്ഞു.  

പ്രിൻസ് നടരാജൻ തന്റെ പ്രസംഗത്തിൽ   വിദ്യാർത്ഥികളുടെ സൃഷ്ടിപരമായ കഴിവുകൾ  വളർത്തിയെടുക്കുന്ന അധ്യാപികമാരെ  അഭിനന്ദിച്ചു. 1, 2, 3 ക്ലാസുകളിലെ അറബിക് വിദ്യാർത്ഥികൾ  പരമ്പരാഗത നൃത്തം അവതരിപ്പിച്ചു.

The post ഇന്ത്യൻ സ്‌കൂൾ റിഫ കാമ്പസ് ബഹ്‌റൈൻ ദേശീയ ദിനം ആഘോഷിച്ചു appeared first on Starvision News Malayalam.

1950 ജനുവരി 26 എന്ന മഹത്തായ ദിനത്തിലേക്ക് രാജ്യത്തെ നയിച്ച തങ്ങളുടെ പ്രിയപ്പെട്ട നേതാക്കളുടെ രേഖാചിത്രങ്ങൾ വിദ്യാർത്ഥികൾ തയ്യാറാക്കി. സ്കെച്ചുകളും കലാസൃഷ്ടികളും ആധുനിക ഇന്ത്യയെക്കുറിച്ചുള്ള അവരുടെ കാഴ്ചപ്പാടും രാജ്യത്തെക്കുറിച്ചുള്ള അവരുടെ സ്വപ്നങ്ങളും  പ്രകടിപ്പിച്ചു. വിദ്യാർത്ഥികളെ പ്രബുദ്ധരാക്കുന്നതിനും   മാതൃരാജ്യത്തെക്കുറിച്ച് കൂടുതൽ അറിയുന്നതിനുള്ള   ‘റിപ്പബ്ലിക് ഡേ’ ക്വിസ് എടുത്തുപറയേണ്ട മറ്റൊരു പരിപാടിയായിരുന്നു. കുട്ടികൾ വളരെ ഉത്സാഹത്തോടെയും ആവേശത്തോടെയും അതിൽ പങ്കെടുത്തു.  

ദേശീയ ധാർമ്മികത, മൂല്യങ്ങൾ, പാരമ്പര്യങ്ങൾ, സാംസ്കാരിക പൈതൃകം എന്നിവ ആഘോഷിക്കുന്നതിനെക്കുറിച്ചുള്ള ഉൾക്കാഴ്ചകൾ പങ്കിടാൻ അധ്യാപകർ അവസരം വിനിയോഗിച്ചു. സ്‌കൂൾ  ചെയർമാൻ പ്രിൻസ് എസ് നടരാജൻ, സെക്രട്ടറി സജി ആന്റണി, പ്രിൻസിപ്പൽ പമേല സേവ്യർ എന്നിവർ  പിന്തുണയേകിയ രക്ഷിതാക്കൾക്കും   പരിപാടിയിൽ പങ്കെടുത്ത  വിദ്യാർത്ഥികൾക്കും  പ്രോത്സാഹിപ്പിച്ച അദ്ധ്യാപികമാർക്കും അഭിനന്ദനം അറിയിച്ചു. 

The post ഇന്ത്യൻ സ്‌കൂൾ റിഫ കാമ്പസ് വിദ്യാർത്ഥികൾ റിപ്പബ്ലിക് ദിനം ആഘോഷിച്ചു appeared first on Starvision News Malayalam.

കാമ്പസിലെ കുട്ടികളുടെ ആവേശകരമായ പങ്കാളിത്തം വിശ്വ ഹിന്ദി ദിവസ് വാരാചരണത്തിന് വളരെയധികം ആവേശം പകർന്നു.  സാംസ്കാരികമായി സമ്പന്നമായ ഒരു സമൂഹത്തെ രൂപപ്പെടുത്തുന്നതിന് ഉതകുന്ന  ഭാഷയെ പരാമർശിക്കുന്ന ഗഹനമായ പ്രസംഗങ്ങളും കവിതകളും വിദ്യാർത്ഥികൾ അവതരിപ്പിച്ചു.  കഥപറച്ചിൽ, ദേശഭക്തി ഗാനങ്ങൾ, നൃത്തങ്ങൾ, ചിത്രരചനകൾ, പ്രശസ്ത വ്യക്തിത്വങ്ങളെക്കുറിച്ചുള്ള ചർച്ചകൾ, പാചകക്കുറിപ്പുകൾ പങ്കിടൽ തുടങ്ങിയവയിലൂടെ വിദ്യാർത്ഥികൾ പരിപാടിയുടെ പ്രാധാന്യം പ്രകടിപ്പിച്ചു.
വിദ്യാർത്ഥികൾക്കിടയിൽ ഭാഷയോടുള്ള അവബോധവും അടുപ്പവും വർദ്ധിപ്പിക്കുന്നതിനും പഠനം കൂടുതൽ രസകരമാക്കുന്നതിനുള്ള  പ്രവർത്തനങ്ങൾ നടന്നു . അവതരണങ്ങൾ, രസകരമായ ക്വിസുകൾ, ചർച്ചകൾ എന്നിവയിലൂടെ അധ്യാപകർ ദിവസത്തിന്റെ പ്രാധാന്യം എടുത്തുകാട്ടി. വിദ്യാർത്ഥികൾ അയച്ച നൃത്തങ്ങൾ, പാട്ടുകൾ, പ്രസംഗങ്ങൾ മുതലായവയുടെ റെക്കോർഡിംഗുകളും അവർ ക്ലാസിൽ പ്രദർശിപ്പിച്ചു.അഭിനന്ദനങ്ങളും പ്രോത്സാഹനവും നൽകി അവരെ  പ്രചോദിപ്പിച്ചു.

മാതാപിതാക്കളുടെ മേൽനോട്ടത്തിൽ പ്രസക്തമായ പഠന ഉപകരണങ്ങളും ഡിജിറ്റൽ ആപ്പുകളും ഉപയോഗിക്കുന്നതിനുള്ള ആശയങ്ങളും അവർ പങ്കിട്ടു. ഓഡിയോ, വീഡിയോ, ക്വിസുകൾ, ഗെയിം തുടങ്ങിയ പഠനത്തെ ആവേശകരവും ആകർഷകവുമാക്കുന്നതിന് ഈ ആപ്പുകൾ ഉചിതമായ ഉള്ളടക്കം നൽകി.  

കുട്ടികളുടെ   ആഘോഷങ്ങൾ, പ്രതികരണങ്ങൾ,   പ്രദർശനങ്ങൾ എന്നിവ ഹൃദയത്തിനും ഒരു വിരുന്നായിരുന്നു; കൂടാതെ എല്ലാ പിയർ ഗ്രൂപ്പുകൾക്കും ഒരു പ്രചോദന ഘടകമായിരുന്നു. ‘വിദ്യാർത്ഥികളുടെ വളർച്ച തുടരാനും മുന്നോട്ട് കൊണ്ടുപോകാനും സഹായിക്കുന്ന എല്ലാ ചാലകശക്തികളിലും അവസരങ്ങളിലും സ്കൂൾ ശ്രദ്ധ ചെലുത്തമെന്നു റിഫ കാമ്പസ് പ്രിൻസിപ്പൽ പമേല സേവ്യർ പറഞ്ഞു. സ്‌കൂൾ  ചെയർമാൻ പ്രിൻസ് എസ് നടരാജൻ, സെക്രട്ടറി സജി ആന്റണി, എക്സിക്യൂട്ടീവ് കമ്മിറ്റി അംഗങ്ങൾ എന്നിവർ പരിപാടി വൻ വിജയമാക്കിയ റിഫ കാമ്പസ് ടീമിനു  ആശംസകൾ നേർന്നു.

The post ഇന്ത്യൻ സ്‌കൂൾ റിഫ കാമ്പസ് വിശ്വ ഹിന്ദി ദിനം ആഘോഷിച്ചു appeared first on Starvision News Malayalam.