തിരുവനന്തപുരം: ഇൻസ്റ്റഗ്രാമിലൂടെ സൗഹൃദം സ്ഥാപിച്ച് വിവാഹവാഗ്ദാനം നൽകി പ്രായപൂർത്തിയാകാത്ത വിദ്യാർത്ഥിനിയെ പീഡിപ്പിച്ച സംഭവത്തിൽ അഞ്ച് പ്രതികൾക്കെതിരെ കുറ്റപത്രം സമർപ്പിച്ച് അന്വേഷണ സംഘം. അഞ്ചംഗ സംഘത്തിനെതിരെ തലസ്ഥാന പോക്‌സോ കോടതിയിലാണ് കുറ്റപത്രം സമർപ്പിച്ചു. എറണാകുളത്തു നിന്നും ഇൻസ്റ്റഗ്രാം വഴി പരിചയപ്പെട്ട കളിയിക്കാവിള സ്വദേശിനിയായ പാറശ്ശാലയിലെ പ്ലസ് വൺ സ്‌കൂൾ വിദ്യാർത്ഥിനിയെ വിവാഹവാഗ്ദാനം നൽകി നക്ഷത്ര ഹോട്ടലിലെത്തിച്ച് ആദ്യരാത്രിയെന്ന് തെറ്റിദ്ധരിപ്പിച്ച് രാത്രിയും പകലും പീഡിപ്പിച്ച കേസിലാണ് കാമുകനും നാലു സുഹൃത്തുക്കൾക്കുമെതിരെ തിരുവനന്തപുരം പോക്‌സോ കോടതിയിൽ കുറ്റപത്രം സമർപ്പിച്ചത്. റൂറൽ പാറശ്ശാല പൊലീസാണ് കുറ്റപത്രം സമർപ്പിച്ചത്.

പെൺകുട്ടിയുടെ കാമുകനായ ആലുവയ്ക്കു സമീപം ചൊവ്വര വെള്ളാരപ്പള്ളി ക്രിരേലി ഹൗസിൽ അജിൻസാം എന്ന അജിൻ സാബു (23), ഇയാൾക്ക് സഹായങ്ങൾ ചെയ്ത് നൽകിയ കാലടി കിഴക്കാപുറത്ത് കുടി വീട്ടിൽ അഖിലേഷ് ഷിബു(23), കിഴക്കുംഭാഗം കാഞ്ഞൂർ ഐക്കംപുറത്ത് പൂർണിമ നിവാസിൽ പൂർണിമ ദിനേശ് (21), വൈക്കം കായിപ്പുറത്ത് വീട്ടിൽ ശ്രുതി സിദ്ധാർത്ഥ് (25) , കിഴക്കുംഭാഗം കാഞ്ഞൂർ കാച്ചപ്പള്ളി വീട്ടിൽ ജെറിൻ വർഗ്ഗീസ് (29) എന്നിവരാണ് കുറ്റപത്രത്തിലെ 1 മുതൽ 5 വരെയുള്ള പ്രതികൾ. 2023 ഏപ്രിൽ 17 – 18 തീയതികളിലാണ് പീഡനം നടന്നത്. ഏപ്രിൽ 23 നാണ് പ്രതികൾ അറസ്റ്റിലായത്. ഇവർ താമസിച്ചിരുന്ന എറണാകുളം കാലടി ഹോം സ്റ്റേയ്ക്കടുത്ത് തമ്പടിച്ചാണ് പാറശ്ശാല പൊലീസ് ഇവരെ പിടികൂടിയത്. എം.ഡി.എം.എ ഉൾപ്പെടെയുള്ള മാരക മയക്കുമരുന്നുകൾ  ഉപയോഗിച്ച നിലയില ആയിരുന്നു  പ്രതികൾ ഇവിടെ ഉണ്ടായിരുന്നത്. ഇവർ മയക്കുമരുന്നിന് അടിമയാണെന്ന് പൊലീസ് കുറ്റപത്രത്തിൽ വ്യക്തമാക്കിയിട്ടുണ്ട്. സോഷ്യൽ മീഡിയ വഴിയാണ് മൂന്ന് ക്രിസ്ത്യൻ യുവാക്കളടങ്ങുന്ന സംഘം പെൺകുട്ടികളെ വലയിലാക്കിയിരുന്നത്. വിശ്വാസം പിടിച്ച് പറ്റുന്നതിനായി സംഘത്തിൽ ചേർത്ത ഹിന്ദു പെൺകുട്ടികളായ പൂർണിമ, ശ്രുതി എന്നീ യുവതികൾ പെൺകുട്ടികളുമായി അടുപ്പം സ്ഥാപിക്കും.

അജിൻ സാം ആണ് സംഘത്തിലെ പ്രധാനി. ഇയാളുമായി പ്രണയത്തിലായ കളിയിക്കാവിള സ്വദേശിനിയായ പതിനേഴുകാരിക്ക് പൂർണിമയെയും ശ്രുതിയെയും വിശ്വാസമായിരുന്നു. തന്റെ ബെസ്റ്റ് ഫ്രണ്ട് എന്ന രീതിയിൽ ആയിരുന്നു അജിൻ യുവതികളെ പെൺകുട്ടിക്ക് പരിചയപ്പെടുത്തിയത്. വിശ്വാസം ആർജ്ജിച്ചെടുത്ത ശേഷം, രാത്രിയിൽ വീട്ടിലെത്തി ഇവർ പെൺകുട്ടിയെ കൂടിക്കൊണ്ടുപോവുകയായിരുന്നു.ഹോട്ടൽ മുറിയിൽ സംസാരിച്ച് കൊണ്ടിരിക്കെ രാത്രിയിൽ മറ്റുള്ളവർ പുറത്തേക്ക് പോയി. ഈ സമയം മുറിയിൽ പെൺകുട്ടിയും അജിനും മാത്രമായി.അപ്പോഴായിരുന്നു പീഡനം. ആദ്യരാത്രിയെന്ന് തെറ്റിദ്ധരിപ്പിച്ചായിരുന്നു പീഡനം. പിറ്റേന്ന് പകലും പീഡിപ്പിച്ച ശേഷം വൈകിട്ടോടെ പെൺകുട്ടിയെ വീടിന് സമീപം ഇറക്കിവിട്ടു. മകളെ കാണാനില്ലെന്ന് കാട്ടി മാതാപിതാക്കൾ പൊലീസിൽ പരാതി നൽകിയിരുന്നു. എന്നാൽ, സുഹൃത്തിന്റെ വീട്ടിൽ പോയതാണെന്നായിരുന്നു പെൺകുട്ടി പറഞ്ഞത്. അടുത്ത ദിവസം മുതൽ അജിൻ സാമിനെ ഫോണിൽ ലഭിക്കാതെ വന്നതോടെ പെൺകുട്ടി പീഡനത്തിനിരയായ വിവരം വീട്ടിൽ തുറന്നു പറഞ്ഞു. പാറശ്ശാല എസ്എച്ച്.ഒ ആസാദ് അബ്ദുൾ കലാമിന്റെ നേതൃത്വത്തിൽ സബ് ഇൻസ്‌പെക്ടർ സജി എസ്എസ്, എഎസ്‌ഐ മിനി, എസ് സിപിഒ സാബു, സിപിഒ സുനിൽകുമാർ, സാജൻ എന്നിവരടങ്ങുന്ന സംഘമാണ് പ്രതികളെ പിടികൂടിയത്.

The post വിവാഹവാഗ്ദാനം നൽകി നക്ഷത്ര ഹോട്ടലിൽ എത്തിച്ച് പീഡനം; കാമുകനടക്കം അഞ്ച് പ്രതികൾക്കെതിരെ കുറ്റപത്രം appeared first on Starvision News Malayalam.

ജൂലൈ 28 നാണ് ബിഹാര്‍ സ്വദേശിയായ അഞ്ചുവയസ്സുകാരി അതിദാരുണമായി കൊല്ലപ്പെടുന്നത്. കുട്ടിയെ കൊലപ്പെടുത്തിയ ശേഷം ആലുവ മാര്‍ക്കറ്റിലെ ചവറ്റുകൂനയില്‍ തള്ളുകയായിരുന്നു. കേസില്‍ അസ്ഫാക് ആലം മാത്രമാണ് പ്രതി. കൊലപാതകം, ബലാത്സംഗം, തെളിവു നശിപ്പിക്കല്‍, പോക്‌സോ വകുപ്പു പ്രകാരമുള്ള കുറ്റങ്ങള്‍ തുടങ്ങിയവ പ്രതിക്കെതിരെ ചുമത്തിയിട്ടുണ്ട്. കേസില്‍ 99 സാക്ഷികളാണുള്ളത്. പ്രതിക്കെതിരെ 62 മെറ്റീരിയല്‍ എവിഡന്‍സും ശേഖരിച്ചിട്ടുണ്ട്. പ്രതി അസ്ഫാക് തന്നെയാണ് കുറ്റകൃത്യം ചെയ്തതെന്ന് തെളിയിക്കാനുള്ള തെളിവുകള്‍ പൊലീസിന്റെ പക്കലുണ്ട്. ഡിഎന്‍എ പരിശോധന അടക്കമുള്ള തെളിവുകളും ശേഖരിച്ചിട്ടുണ്ട്. കേസിന്റെ വിചാരണ 90 ദിവസത്തിനകം പൂര്‍ത്തിയാക്കാന്‍ ആവശ്യപ്പെട്ട് കോടതിയില്‍ അപേക്ഷ നല്‍കുമെന്ന് റൂറല്‍ എസ്പി വിവേക് കുമാര്‍ വ്യക്തമാക്കി.

The post ആലുവയിലെ അഞ്ചു വയസ്സുകാരിയുടെ കൊലപാതകം; കുറ്റപത്രം സമർപ്പിച്ചു appeared first on Starvision News Malayalam.

കോഴിക്കോട്. ഹണിട്രാപ്പില്‍ കുടുക്കി ഹോട്ടല്‍ ഉടമയായ സിദ്ദിഖിനെ കൊലപ്പെടുത്തിയ കേസില്‍പോലീസ് കുറ്റപത്രം സമര്‍പ്പിച്ചു. കേസില്‍ 3000 പേജുള്ള കുറ്റപത്രമാണ് പോലീസ് സമര്‍പ്പിച്ചത്. കോഴിക്കോട് ഒന്നാം ക്ലാസ് മജിസ്‌ട്രേറ്റ് കോടതിയിലാണ് പോലീസ് കുറ്റപത്രം സമര്‍പ്പിച്ചത്. സിദ്ദിഖിനെ കൊലപ്പെടുത്തിയത് ഹണി ട്രാപ്പില്‍ കുടുക്കിയാണെന്ന് കുറ്റപത്രത്തില്‍ പോലീസ് പറയുന്നു. പ്രതികള്‍ കാറും ഒന്നരലക്ഷം രൂപയും തട്ടിയെടുത്തുവെന്നും പോലീസ് കുറ്റപത്രത്തില്‍ പറയുന്നു. കേസില്‍ മുഹമ്മദ് ഷിബില്‍, ഫര്‍ഹാന എന്നിവരാണ് പ്രതികള്‍.

സിദ്ദിഖിനെ ഹോട്ടല്‍ മുറിയില്‍ മെയ് 18നാണ് പ്രതികള്‍ കൊലപ്പെടുത്തിയത്. എരിഞ്ഞിപ്പാലത്തെ ലോഡ്ജിലായിരകുന്നു കെലപാതകം. തുടര്‍ന്ന് മൃതദേഹം അട്ടപ്പാടിയില്‍ ഉപേക്ഷിക്കുകയായിരുന്നു. സിദ്ദിഖിനെ കാണാനില്ലെന്ന് കുടുംബം നല്‍കിയ പരാതിയുപടെ അടിസ്ഥാനത്തില്‍ നടത്തിയ അന്വേഷണത്തിലാണ് പ്രതികളെ പിടികൂടിയത്. പ്രതികള്‍ സിദ്ദിഖിന്റെ ബാങ്ക് അക്കൗണ്ടില്‍ നിന്നും രണ്ട് ലക്ഷം രൂപ പിന്‍വലിച്ചു. ഇത് സംബന്ധിച്ച സന്ദേശം മകന് ലഭിച്ചതോടെയാണ് സംശയം ഉണ്ടായത്. സംബന്ധിച്ച അനേഷണത്തിലാണ് കേസിനു വഴിത്തിരിവ് ഉണ്ടായത്.

The post ഹണിട്രാപ്പ് ; സിദ്ദിഖിനെ കൊലപ്പെടുത്തിയ കേസില്‍ 3000 പേജുള്ള കുറ്റപത്രം സമര്‍പ്പിച്ചു പോലീസ് appeared first on Starvision News Malayalam.