മനാമ: ഇന്ത്യൻ യൂത്ത് കോൺഗ്രസ്‌ വിദേശ ഘടകം ഐ.വൈ.സി ഇന്റർനാഷണൽ ഗ്ലോബൽ ചെയർമാനായി തിരഞ്ഞെടുക്കപ്പെട്ട കോട്ടയം സ്വെദേശി ഫ്രഡ്‌ഡി ജോർജിനെ ഐ.വൈ.സി.സി ബഹ്‌റൈൻ ദേശീയ കമ്മിറ്റി അഭിനന്ദിച്ചു.

ഐ.വൈ.സി.സി ബഹ്‌റൈനിന്റെ മുൻകാല പരിപാടികളിലടക്കം ഇന്ത്യൻ യൂത്ത് കോൺഗ്രസ്‌ വിദേശ ഘടകത്തിന്റെ ഭാഗമായി അദ്ദേഹത്തിന്റെ സാന്നിധ്യം ഉണ്ടായിരുന്നു.
ഫ്രഡ്‌ഡി ജോർജിന്റെ നേതൃത്വത്തിന് ഇന്ത്യൻ നാഷണൽ കോൺഗ്രസിന്റെ യുവജന വിഭാഗത്തെ അന്തർദേശീയ തലത്തിൽ മികച്ച നിലയിൽ നയിക്കാൻ സാധിക്കും. എല്ലാവിധ ആശംസകളും നേരുന്നതായി ഭാരവാഹികൾ പത്രക്കുറ്റിപ്പിൽ അറിയിച്ചു.

The post ഐ.വൈ.സി.സി ബഹ്‌റൈൻ ഫ്രഡ്‌ഡി ജോർജിനെ അഭിനന്ദിച്ചു appeared first on Starvision News Malayalam.

വയനാട് ഉരുൾപൊട്ടലിൽ ദുരിതം അനുഭവിക്കുന്നവർക്ക് കൈത്താങ്ങാവാൻ പണസമാഹരണം നടത്തി, വകമാറ്റി ചെലവിട്ടു എന്നതാണ് യൂത്ത് കോൺഗ്രസ് ചേളന്നൂർ മണ്ഡലം കമ്മിറ്റി പ്രസിഡൻ്റ് അമൽ ദിവാനന്ദ് പറയുന്നത്. കെഎസ്‍യു സംസ്ഥാന സെക്രട്ടറി സനൂജ് കുരുവട്ടൂരിൻ്റെ പേരിൽ പിരിവെടുത്ത് യൂത്ത് കോൺഗ്രസ് മണ്ഡലം വൈസ് പ്രസിഡൻ്റ് അശ്വിൻ, യൂത്ത് കോൺഗ്രസ് പ്രവർത്തകൻ അനസ് എന്നിവർ പണം തട്ടിയെന്നാണ് പരാതിയിൽ പറയുന്നത്. യൂത്ത് കോൺഗ്രസിൻ്റെ പേരിൽ ദുരിദാശ്വാസ പ്രവർത്തനങ്ങൾക്ക് ചലഞ്ച് കൾ നടത്താൻ കഴിയാത്ത സാഹചര്യം ഉണ്ടാക്കിയെന്നും പരാതിയിൽ പറയുന്നു.

എന്നാൽ യൂത്ത് കോൺഗ്രസിനുള്ളിലെ ഗ്രൂപ്പ് വഴക്കാണ് പരാതിക്ക് പിന്നിലെന്നും ആരോപണം ശരിവെച്ചാൽ പൊതു പ്രവർത്തനം അവസാനിപ്പിക്കുമെന്നും’ യൂത്ത് കോൺഗ്രസ് മണ്ഡലം വൈസ് പ്രസിഡൻ്റ് അശ്വിൻ എടവലത്ത് വ്യക്തമാക്കി. സംഭവം വിവാദമായതോടെ നിഷധകുറിപ്പ് ഇറക്കി പരാതിക്കാരൻ തന്നെ രംഗത്ത് വന്നിട്ടുണ്ട്. ദുരിതാശ്വാസ പ്രവർത്തനങ്ങളിൽ ഒരു നാട് തന്നെ ഒന്നിച്ചു നിൽക്കുമ്പോഴാണ് യൂത്ത് കോൺഗ്രസിനുള്ളിലെ ധനസമാഹരണ തട്ടിപ്പ് പുറത്തുവന്നിരിക്കുന്നത്.

The post വയനാട് ദുരിതാശ്വാസം, പണം വകമാറ്റിയെന്ന് പരാതി; യൂത്ത് കോൺഗ്രസിൽ പോര് appeared first on Starvision News Malayalam.

സുൽത്താൻ ബത്തേരി: വയനാട് സന്ദർശനത്തിനെത്തിയ മന്ത്രി സംഘത്തിനു നേരെ കരിങ്കൊടി കാണിച്ച് യൂത്ത് കോൺഗ്രസ് പ്രവർത്തകർ. ഇവരെ പൊലീസ് കസ്റ്റഡിയിലെടുത്തു. ബത്തേരി ചുങ്കത്താണ് മന്ത്രിമാരെ യൂത്ത് കോൺഗ്രസ് പ്രവർത്തകർ കരിങ്കൊടി കാണിച്ചത്. ജില്ലാ പ്രസിഡന്റ് അമൽ ജോയിയുടെ നേതൃത്വത്തിലായിരുന്നു പ്രതിഷേധം.കരിങ്കൊടി കാണിക്കാൻ നിന്ന അഞ്ചു പേരെ പൊലീസ് നേരത്തെ കസ്റ്റഡിയിൽ എടുത്തിരുന്നു. ഈ സമയം മാറിനിന്ന രണ്ടു പേരാണ് പൊലീസിന്റെ കണ്ണു വെട്ടിച്ച് മന്ത്രി സംഘത്തിനു നേരെ പ്രതിഷേധിച്ചത്.

വന്യമൃഗ ആക്രമണത്തിൽ കൊല്ലപ്പെട്ടവരുടെ വീട് സന്ദർശിക്കാനും പ്രത്യേക യോഗം ചേരുന്നതിനുമാണ് എ. കെ.ശശീന്ദ്രൻ, എം.ബി.രാജേഷ്, കെ.രാധാകൃഷ്ണൻ, കെ.രാജൻ എന്നിവരുൾപ്പെടെയുള്ളവർ ബത്തേരിയിൽ എത്തിയത്. മന്ത്രിമാർ സന്ദർശനം നടത്താത്തതിൽ വ്യാപക പ്രതിഷേധം ഉയർന്നിരുന്നു. ഇന്നു രാവിലെയാണ് മാന്ത്രിമാർ ബത്തേരിയിലെത്തിയത്. സർവകക്ഷി യോഗം ഉൾപ്പെടെ വിളിച്ചു ചേർത്തിട്ടുണ്ട്. യോഗത്തിനുശേഷം മന്ത്രിമാർ വന്യമൃഗ ആക്രമണത്തിൽ കൊല്ലപ്പെട്ടവരുടെ കുടുംബാംഗങ്ങളെ സന്ദർശിക്കും.

The post വയനാട്ടിൽ മന്ത്രിസംഘത്തിനു നേരെ യൂത്ത് കോൺഗ്രസ് കരിങ്കൊടി; പ്രവർത്തകർ പൊലീസ് കസ്റ്റഡിയിൽ appeared first on Starvision News Malayalam.

മനാമ: ഇന്ത്യൻ യൂത്ത് കോൺഗ്രസിന്റെ പ്രവാസി വിഭാഗം “ഐവൈസി ഇന്റർനാഷണൽ” എന്ന പേരിൽ നിലവിൽ വന്നു. എഐസിസി സെക്രട്ടറി യാഷ് ചൗധരി ചെയർമാനായ സംഘടന യൂത്ത് കോൺഗ്രസ് ദേശീയ കമ്മറ്റിയുമായി ബന്ധപ്പെട്ടാണ് പ്രവർത്തിക്കുക.പ്രവാസികളായ യുവാക്കൾ അഭിമുഖീകരിക്കുന്ന വിവിധ പ്രശ്നങ്ങൾക്ക് പരിഹാരം കാണുക,യുവാക്കളെയും പ്രവാസികളെയും കോൺഗ്രസ് പാർട്ടിയിലേക്ക് ആകർഷിക്കുക ഇവയെല്ലാമാണ് പ്രധാന ലക്ഷ്യങ്ങൾ.

വിവിധ രാജ്യങ്ങളിൽ നിന്നുള്ള കൗൺസിൽ ഓഫ് റെപ്രസെന്ററ്റീവ്സിനെ സംഘടന ഔദ്യോഗികമായി പ്രഖ്യാപിച്ചു.പ്രവർത്തന പരിചയം പരിശോധിച്ചും,അഭിമുഖ പരീക്ഷക്കും ശേഷമാണ് ഓരോ രാജ്യത്തെയും കൗൺസിൽ പ്രതിനിധികളെ തെരെഞ്ഞെടുത്തത്. ബഹറിനിൽ നിന്നും അനസ് റഹീം,ബേസിൽ നെല്ലിമറ്റം,മുഹമ്മദ് നിസാർ കുന്നംകുളത്തിങ്കൽ,റംഷാദ് അയിലക്കാട്, സൽമാനുൽ ഫാരിസ് എന്നിവരാണ് കൗൺസിൽ അംഗങ്ങൾ. ഇവരുടെ നേതൃത്വത്തിലാകും ഐവൈസി ഇന്റർനാഷണലിന്റെ ബഹ്‌റൈനിലെ പ്രവർത്തനങ്ങൾ ഏകോപിപ്പിക്കുകയെന്ന് ചെയർമാൻ യാഷ് ചൗധരി അറിയിച്ചു.

The post ഇന്ത്യൻ യൂത്ത് കോൺഗ്രസിന്റെ പ്രവാസി വിഭാഗം നിലവിൽ വന്നു appeared first on Starvision News Malayalam.